Үйл ажиллагаатай танилцаж, үүрэг чиглэл өглөө

Нийслэлийн Онцгой байдлын газрын дарга, хурандаа А.Дашням Налайх, Багахангай, Багануур дүүргийн Онцгой байдлын хэлтэс, Гал түймэр унтраах, аврах ангийн бие бүрэлдэхүүнтэй уулзаж, үйл ажиллагаатай танилцлаа.

  Тэрбээр, нийслэлийн Онцгой байдлын газраас дэвшүүлсэн зорилт, тулгамдаж байгаа асуудал, цаашид хэрэгжүүлэх нэн шаардлагатай байгаа арга хэмжээний талаар мэдээлэл өгч, алба хаагчдын санал сэтгэгдлийг сонссон юм.

  Гамшгаас хамгаалах, урьдчилан сэргийлэх арга хэмжээг нийслэлийн нутаг дэвсгэрт зохион байгуулах, алба хаагчдын сахилга бат, албаны бэлтгэл, бэлэн байдлыг дээшлүүлэх үүрэг өгч тэдгээрийн нийгмийн хамгааллын асуудлыг дээшлүүлэхэд шат дараатай арга хэмжээ авахыг онцолсон юм.

Мөн түүнчлэн дүүргүүдийн Онцгой комиссын Шуурхай штабын үйл ажиллагаатай танилцаж, авч хэрэгжүүлж байгаа арга хэмжээ, цаашид анхаарах зарим асуудлаар үүрэг чиглэл өглөө гэж нийслэлийн Онцгой байдлын газраас мэдээллээ.