Алтанбулаг боомтыг байнгын ажиллагаанд шилжүүлнэ

Алтанбулаг боомтыг байнгын ажиллагаанд шилжүүлэх Засгийн газрын шийдвэр гарчээ. Тодруулбал, 2021 оны 02 дугаар сарын 23-ны өдрөөс Алтанбулаг боомтыг байнгын ажиллагаанд шилжүүлж, бүх төрлийн бараа бүтээгдэхүүн ачсан автомашиныг хил нэвтрүүлэн, хилийн хяналт шалгалтын бүсэд дотоодын тээвэрлэгчид шилжүүлэх зарчмаар ажиллуулахаар болсон байна. Мөн өдрөөс автозамын Цагааннуур, төмөр замын Эрээнцав боомтоор малын тэжээл нэвтрүүлж эхлэхийг зөвшөөрчээ.