Эрүүлжүүлэх байрны ачаалал эрс нэмэгджээ

Цагдаагийн байгууллагад өнгөрсөн 24 цагийн хугацаанд нийт 1549 дуудлага мэдээлэл бүртгэгдснээс 1362 нь зөрчлийн шинжтэй байжээ.

Тухайлбал, гэр бүлийн хүчирхийллийн 117 зөрчил, согтуугаар автомашин жолоодсон 45, оршин суугчдын амгалан тайван байдлыг алдагдуулсан 117 дуудлага тус тус бүртгэгдсэн байна. Мөн хөл хорионы дэглэмийг сулруулж, өндөржүүлсэн бэлэн байдлын зэрэгт шилжснээс хойш эрүүлжүүлэх байрны ачаалал эрс нэмэгдэж өнгөрсөн хоногт 237 хүн эрүүлжүүлэгджээ.