Сөүлээс 164 иргэнээ татан авлаа

УОК-ын шийдвэрээр Улаанбаатар-Сөүл-Улаанбаатар чиглэлийн тусгай үүргийн онгоц өчигдөр 10:40 цагт “Буянт-Ухаа” нисэх буудлаас хөөрч 20:44 цагт газардлаа.

Тус нислэгээр жирэмсэн-3, бага насны хүүхэдтэй гэр бүлийн-7, өндөр настан-1, эрүүл мэндийн шалтгаантай-20, ар гэрийн гачигдалтай-93, саатуулах байранд байсан-40 нийт 164 иргэнийг татан авлаа гэж Буянт-Ухаа Хилийн Мэргэжлийн Хяналтын газраас мэдээллээ.