B.Ganbold
ОХУ-ын Ерөнхийлөгч Владимир Путин найм хүртэлх насны хүүхэдтэй гэр бүлүүдэд таван мянган рубль нэг удаадаа олгох зарлигт гарын үсэг зурлаа хэмээн TASS агентлаг уламжиллаа.
Тодруулбал, ОХУ-ын төрийн тэргүүний хэвлэлийн албанаас “Хүүхэдтэй гэр бүлүүдэд дэмжлэг үзүүлэх зорилгоор найм хүртэлх насны хүүхэдтэй эцэг эхүүд, үрчилж авсан эцэг эхүүд, асран хамгаалагч, харгалзан дэмжигч ОХУ-ын иргэдэд таван мянган рубль нэг удаа олгохыг үүрэг болгож байна” хэмээн мэдээлсэн байна.
Захирамжийг хэрэгжүүлэхтэй холбоотой зардлыг Засгийн газар гаргахыг, нэг удаагийн төлбөр олголтыг Тэтгэврийн сан хангахыг үүрэг болгосон гэжээ.
