Шалган нэвтрүүлэх товчоон дээр нэг иргэн нас барлаа

Архангай аймгаас Улаанбаатар хот руу нэвтрэхээр Эмээлт авто тээврийн шалган нэвтрүүлэх товчоо дээр ирээд түргэн тусламж авч чадаагүй нас барсан иргэний талаар Нийслэлийн онцгой комиссоос мэдээлэл өглөө.

НОК-ын Шуурхай штабын удирдлагын багийн гишүүн Э.Эрдэнэбаатар  “Архангай аймгаас өчигдөр орой хувийн автомашинтай  ирсэн зургаан зорчигч шинжилгээ өгөөгүй учир бид PCR шинжилгээ авахаар төлөвлөсөн. Энэ хугацаанд тус аймгаас ирсэн  иргэн О-гийн биеийн байдал муудаж, нийслэлийн түргэн тусламж дуудсан. Түргэн тусламжийн төвөөс анхны тусламж үзүүлэх хооронд тухайн иргэн нас барсан. Цагдаагийн байгууллагаас нас баралтын шалтгааныг тодруулахаар ажиллаж байна. НОК-оос халдварын голомт болсон Дархан-Уул, Сэлэнгэ, Орхон, Архангай, Дорноговь, Говьсүмбэр аймгаас ирж байгаа иргэдийг PCR шинжилгээ өгсөн тохиолдолд Улаанбаатар хот руу нэвтрүүлж байгаа. Хөдөө орон нутгаас ирж буй иргэд PCR шинжилгээнд зайлшгүй хамрагдах шаардлагатай гэдгийг анхааруулж байна” гэв.