Богдхан уулын дараах дөрвөн байршилд цэцэрлэгт хүрээлэн бий болгоно

Иргэдийн чөлөөт цагаа өнгөрөөх амрах, зугаалах цэцэрлэгт хүрээлэнг байгуулах боломжтой газрын судалгааг БОАЖЯ-наас хийж дууслаа. БОАЖ-ын сайд Б.Бат-Эрдэнийн өгсөн үүрэг чиглэлийн дагуу дээрх газруудын байршлыг олон нийтэд нээлттэй танилцуулж байна.

Богдхан уулын дархан цаазат газарт нийт 4 байрлалд 11 га газрыг төлөвлөлөө: 1. Зайсангийн аманд – 1,8 га 2. Богинын аманд – 5,1 га 3. Хүүшийн аманд – 2,2 га 4. Нүхтийн аманд – 1,9 га газар

Тус газарт БОАЖЯ хувийн хэвшил, олон улсын байгууллага, дүүрэгтэй хамтран санхүүжилт олохоор ажиллаж эхэлжээ.

Газрыг БОАЖЯ нэр дээрээ байлгах бөгөөд зөвхөн иргэдэд зориулсан цэцэрлэгт хүрээлэн, амралт чөлөөт цагийн бүсийг байгуулах юм. Цаашдаа улс орон даяар хэрэгжүүлэхээр төлөвлөөд байна.