ЭМЯ: Монголд халдварын нууц үеийн хугацаа 5-7 хоног байгаа бол дэлхийд 14 хоног байна

ЭМЯ-аас коронавируст халдвар (COVID-19)-ын нөхцөл байдлын талаар /2020.11.27-ний 11:00 цаг/ ээлжит хэвлэлийн бага хурлаа хийлээ. ХӨСҮТ-ийн Тандалт, судалгааны албаны дарга А.Амбасэлмаа,  Өнгөрсөн 24 цагийн хугацаанд 18031 хүнд PCR шинжилгээг хийхэд 26 хүнээс коронавирус илэрлээ. Улаанбаатар хотод хоёр тохиолдол нэмэгдэж нийт 65, Сэлэнгэ аймагт есөн тохиолдол шинээр бүртгэгдэж нийт 157, Дархан-Уул аймагт 11 тохиолдол шинээр бүртгэгдэж нийт 33, Орхон аймагт нэг тохиолдол шинээр бүртгэгдэж нийт 22, Дорноговь аймагт хоёр тохиолдол шинээр бүртгэгдэж нийт 20, Говьсүмбэр аймагт шинэ тохиолдол илрээгүй гэлээ.