МУИС-ийн 80 жилийн ойн лого бүтээх уралдаан зарлажээ

2022 онд тохиож буй МУИС-ийн түүхт 80 жилийн ойг тэмдэглэн өнгөрүүлэх ажлын хүрээнд МУИС-аар овоглогсод болон олон нийт, нийгэмд чиглэсэн мэдээ, мэдээлэл, контент, сурталчлан таниулах зорилготой бүхий л үйл ажиллагаанд сурталчилгааны бэлэг тэмдэг болгон ашиглах зорилгоор “МУИС-ийн 80 жилийн ойн логоны загвар бүтээх уралдаан”-ыг нээлттэй зарлаж байна.

Ерөнхий шаардлага:

• Монголын дээд боловсролын ууган гал голомт болох МУИС-ийн онцлог, уламжлал шинэчлэлийн утга санааг бэлгэдсэн энгийн ойлгомжтой өгүүлэмж бүхий 4-өөс дээшгүй элемент агуулсан, 3-аас ихгүй өнгө хосолсон утга агуулга, уран сайхны хувьд төгс бүтээл байна.

Бүтээлд тавигдах шаардлага:

• Лого нь сургуулийн үйл ажиллагаа, онцлогийг тусгасан сэтгэлгээний өндөр түвшинд хийгдсэн байх,
• МУИС-ийн үндсэн логоны зохион байгуулалтын харьцааг нягт барьсан байх https://www.num.edu.mn/Home/Content/3606
• Бүтээлийг зөвхөн [email protected] цахим хаягаар хүлээж авах тул цахим шууданд багтах задгай файл эсвэл Dropbox, Google Drive, OneDrive гэх мэт нийтэд зориулсан үүлэн технологийн холбоосоор хүлээн авна.
• График дизайны мэргэжлийн програм дээр, өндөр нягтралтай, (300 pixels/inch-с дээш) жижгээс том руу хувиргахад харьцаа алдагдахгүй үндсэн элементүүд тод харагдахаар хийгдэх,
• Уралдааны бүтээлээ Аdobe photoshop программын JPEG өргөтгөлөөр буулгаж, утга санааны тайлбарын хамт [email protected] цахим хаягаар ирүүлэх,
• Логоны дизайн нь хар, цагаан болон өнгөт гадаргуу дээр болон видео, ном товхимол, сонин сэтгүүл, ил захидал, сурталчилгааны зурагт хуудас болон бусад материалууд дээр хэвлэгдэх боломжтой байх,
• Оролцогч зөвхөн өөрийн зохиосон дизайнаар оролцох бөгөөд бусдын бүтээл /лого/-ээс хуулсан, санаа авсан, тэдгээрийн элементийг агуулсан бол хүлээн авахгүй.
• Уралдаанд нэг оролцогч хэдэн ч загвараар оролцож болох бөгөөд бүтээл тус бүрийг тайлбарласан байх,
• Овог нэр, холбоо барих утасны дугаар, ажлын болон оршин суугаа хаягаа уралдаанд ирүүлж буй бүтээлийнхээ тайлбар хэсэгт тодорхой бичсэн байна.

Бүтээл хүлээн авах хугацаа: Бүтээлийг 2022 оны 2-р сарын 11-ээс 2022 оны 02-р сарын 24-ний өдрийн 23:00 цаг хүртэл цахимаар хүлээн авна.

Шалгаруулалт: Бүтээлийг хүлээн авснаас хойш ажлын 5 хоногт багтаан МУИС-ийн багш оюутнуудын санал, шалгаруулалтын комиссын нэгдсэн дүнгээр шалгаруулж, дүнг www.num.edu.mn цахим хуудсаар нийтэд зарлана.

Шагнал: Шилдэг нэг бүтээлийг шалгаруулах бөгөөд шагналын сан 1,500.000 төгрөг

Шалгарсан бүтээлийг МУ-ын барааны тэмдэгтэд бүртгүүлэх ба өмчлөгч нь МУИС байна.

МОНГОЛ УЛСЫН ИХ СУРГУУЛЬ