B.Ganbold
Бээжингийн Өвлийн Олимпын наадмыг зохион байгуулахад нийт 19 мянган сайн дурын ажилтан элсүүлсэн хэмээн наадмыг зохион байгуулах хорооны дэд ерөнхийлөгч Ян Шуань Олон улсын олимпын хорооны хуралдааны үеэр мэдээлсэн байна.
Тэрбээр “Одоогоор бид өвлийн олимпын наадамд ажиллах 19 мянган сайн дурын ажилтантай байна. Тиймээс ирэх өдрүүдэд Хятадын ард түмний найрсаг занг таалан соёрхоно уу” гэжээ.
Олимпын наадмын албан ёсны нээлт хоёрдугаар сарын 4-нд болно. Хамгийн сүүлийн мэдээллээр, нэгдүгээр сарын 23-наас хойш наадамд хүрэлцэн ирсэн тамирчид, төлөөлөгчид болон “сонирхогч бусад хүмүүсийн” дундаас 287 хүний коронавирусний шинжилгээний хариу “эерэг” гараад байгаа юм.
