Мал эмнэлгийн албаны бэлэн байдлыг шалгалаа

Нийслэлийн Онцгой байдлын газраас Мал эмнэлгийн албаны гамшгаас хамгаалах бэлэн байдлын үзлэгийг өчигдөр /2021.10.26/ зохион байгууллаа.

Гамшгаас хамгаалах бэлэн байдлын үзлэгт нийслэлийн Мал эмнэлгийн газар, дүүргүүдийн Мэл эмнэлгийн нэгжүүд хамрагдаж, Гамшгаас хамгаалах тухай хууль, Галын аюулгүй байдлын тухай хууль, Гамшгаас хамгаалах талаар төрөөс баримтлах бодлого болон бусад хууль тогтоомж, эрх зүйн баримт бичгийн хэрэгжилт, болзошгүй гамшгийн үед гамшгаас хамгаалах томилгоот бүрэлдэхүүний бэлтгэл, бэлэн байдлаа шалгуулсан юм.

  Гамшгаас хамгаалах бэлэн байдлын үзлэг зохион байгуулах ажлын хэсгийг НОБГ-ын дэд дарга, хурандаа Э.Эрдэнэбаатар ахалж, үнэлэлт дүгнэлт өгч, мэргэжил арга зүйгээр хангаж ажиллалаа гэж нийслэлийн Онцгой байдлын газраас мэдээллээ.