B.Ganbold
Кабулын нисэх онгоцны буудлын дэргэд өнгөрөгч пүрэв гарагт “Исламын улс” хэт даврагчдын бүлэглэлийн амиа золиослогч бөмбөг дэлбэлж 170 хүний аминд хүрсэн. Энэхүү халдлагад Америкийн 13 цэрэг амиа алдсан юм.
Үүнтэй холбогдуулан АНУ баасан гаргийн орой Афганистаны зүүн нутагт дроны цохилт өгч, уг бүлэглэлийн “өндөр албан тушаал бүхий” хоёр гишүүнийг устгаснаа мэдэгджээ. Тэднийг бүлэглэлийн төлөвлөгч, зохицуулагч байсан гэж тодорхойлж байгаа ч Кабулын нисэх буудалд гарсан халдлагыг төлөвлөхөд оролцсон эсэх нь тодорхойгүй байна.
Энэ талаар АНУ-ын Ерөнхийлөгч Жо Байден, “Энэхүү цохилт сүүлийнх биш. Бид жигшүүртэй халдлага үйлдэхэд оролцсон хэн бүхнийг олж, шийтгэлийг нь хүлээлгэнэ. Афганистаны нийслэл Кабул хотын нисэх буудалд дахин халдлага гарах эрсдэл өндөр байгаа” хэмээн мэдэгджээ.
.
