B.Ganbold
Өнгөрсөн онд АНУ-д 10 сая гаруй гэр бүл хүүхдийнхээ Санта-Клаустай уулзах хүслийг нь биелүүлэхэээр худалдааны төвийг зорьжээ. Харин цар тахал дэгдээд буй энэ үед тус улсын худалдааны төвийн эзэд зул сарын баяраар зарим уламжлалыг хэвээр нь үлдээхээр шийдсэн байна. Тухайлбал, зарим дүрэм журмыг дагаж мөрдөх нөхцөлтэйгээр хүүхдүүдийг Санта-Клаустай уулзахыг зөвшөөрчээ.
Ингэхдээ Санта-Клаусууд хүүхдүүдийг өвөр дээрээ суулгаж болохгүй аж. Үүнээс гадна үйлчлүүлэгчид амны хаалтаа зүүсэн байх шаардлагатай бөгөөд Санта-Клаустай зургаа татуулах боломжгүй. Зарим их дэлгүүрт Санта-Клаусыг шилэн хоргоор тусгаарлах гэнэ.
Дэлгүүрүүдэд урт дараалал үүсгэхгүйн тулд Санта-Клауст цахимаар захидал явуулах боломжийг санал болгосон нь өөр нэг аюулгүй байдлын арга хэмжээ юм. Үүнээс гадна дэлгүүрийн ажилтнууд халдваргүйжүүлэлтийг тогтмол явуулж, үйлчлүүлэгчдийн халууныг шалгаж, ажлын цагийг багасгах замаар халдварт өвчнөөс сэргийлэх арга хэмжээнүүдийг авч ажиллана.
