B.Ganbold
Улсын Хоёрдугаар төв эмнэлгийн Нүдний кабинет болрын мэс засал хийхэд шаардлагатай Япон улсын “Nidek CV-9000R” болор бутлан соруулах факоэмульсификаци машин, Takagi OM-9 нүдний мэс заслын микроскоп зэрэг тоног төхөөрөмжүүдийг хүлээн авлаа.
Эдгээр тоног төхөөрөмжөөр хангагдсанаар тус эмнэлгийн нүдний мэс заслын тусламж үйлчилгээ өргөжих, хөгжих бүрэн боломж бүрдэж байна.
Тоног төхөөрөмж хүлээн авах үйл ажиллагааны хүрээнд тус эмнэлэгт нүдний тасаг нэгж байгуулах, гадаад болон дотоодын бусад эмнэлгүүдийн төвшинд хүрч хөгжүүлэх стратеги төлөвлөгөөний талаар эмнэлгийн удирдлагууд болон эмч мэргэжилтнүүд хамтарч ярилцав. Энэ үеэр тасаг байгуулж нүдний мэс заслын тусламж үйлчилгээг хөгжүүлэх талаар дэмжин хамтарч ажиллахаа Ерөнхий Захирал болон удирдлагууд илэрхийлэв.
