Б.Цэрэннадмид: Энэ жил сургуулийнхаа захирлаар гарын үсэг зуруулан тамга даруулж бүртгэлийн хуудсаа баталгаажуулна

0
135

Орон даяар элсэлтийн ерөнхий шалгалтын бүртгэл явагдаж дууссан. Тэгвэл ЭЕШ хэзээ болох шалгалтад оролцогчид юуг анхаарах талаар Боловсролын үнэлгээний төвийн хэвлэл мэдээлэл, сурталчилгаа хариуцсан мэргэжилтэн Б.Цэрэннадмидаас тодрууллаа.

2018 оны элсэлтийн ерөнхий шалгалтын бүртгэл хоёрдугаар сарын 5- наас дөрөвдүгээр сарын 16-ны хооронд улс орон даяар явагдаж дууслаа. Энэ жил ерөнхий боловсролын сургуулийг 42200 хүүхэд төгсөнө гэсэн судалгаа байгаа. Засгийн газрын 37-р тогтоолын дагуу ЭЕШ өгч буй шалгуулагч нь монгол хэлбичгийн шалгалт заавал өгөхөөр болсон байгаа. Монгол хэлбичгийн шалгалтыг 2014 оноос эхлэн авч байна.  Энэ жилийн хувьд босго оноогүй явагдана. Шалгуулагчдад энэ хичээлийн шалгалтыг заавал өгөх ёстой гэсэн үндсэн шаардлагыг тавьж байгаа. Их дээд сургуульд ороход энэ хичээлийн дүн төдийлөн нөлөөлөхгүй. Үндсэндээ энэ жилийн шалгалт монгол хэлбичгийн, Элсэлтийн ерөнхий шалгалт гэсэн хэлбэрүүдээр явагдаж шалгуулагчид хоёр батламж авна гэсэн үг.

Мөн энэ жил шалгуулагчдыг зөөлөн балтай харандаагаар хариултын хуудсаа будахыг зөвлөж байна. Энэ нь арилгаж баллуурдахад хариултын хуудас гэмтэхээс сэргийлж байгаа гэсэн үг юм.

Энэ жилийн ЭЕШ хэдэнд эхлэх вэ?

Зургаадугаар сарын 16-20-ны хооронд зохион байгуулагдана. Монгол хэлбичгийн шалгалтаар эхэлж 20-ны өглөө хими, үдээс хойш орос хэлний шалгалт авснаар өндөрлөнө. Шалгалтын зөв хариулт долоо хоногийн дараа www.eec.mn сайт болон өдөр тутмын сонинуудаар нийтлэгдэнэ.

Шалгалтын хариу нь хэзээ гарах вэ?

ЭЕШ-ын дүн, хариу долдугаар сарын 1-нээс гарна. Шалгуулагч нь www.eec.mn сайтын шалгуулагчийн булангаар бүртгэлийн дугаар нууц үгээ ашиглан нэвтэрч ороод өөрийн дүн оноогоо хараад батламж хуудсаа аван их дээд сургуульдаа орно.

Хүүхдүүд шалгалтад ирэхдээ юу юу авч ирэх вэ?

Ирэхдээ баталгаажсан бүртгэлийн хуудас, суудлын хувиар, иргэний үнэмлэх, бүрэн дунд боловсролын гэрчилгээ болон түүнтэй дүйцэхүйц бичиг баримт зэргийг авч ирнэ.

Шалгалтын хуудсыг яаж баталгаажуулах вэ?

Өмнөх жилүүдэд ерөнхий боловсролын сургууль төгссөн шалгуулагчид бүртгэлийн хуудсаа шалгуулагчийн булангаар нэвтэрч орж өөрсдөө хэвлэж авдаг байсан. Энэхүү бүртгэлийн хуудасны доод талд QR код гарч ирдэг. Энэ нь баталгаажсан гэсэн үг юм. Харин энэ онд ерөнхий боловсролын сургууль төгсөж байгаа хүүхдүүд сурч буй сургуулийнхаа захирлаар гарын үсэг зуруулан тамга даруулж бүртгэлийн хуудсаа баталгаажуулна. Суудлын хувиарын хувьд энэ сарын 15-аас эхлэн зарлана.

Энэ жил шалгалын босго оноонд өөрчлөлт орсон гэж сонссон. Ямар өөрчлөлт орсон бэ?

Боловсрол Соёл шинжлэх ухаан, спортын сайдын тушаалаар их дээд сургуулиудын босго оноонд өөрчлөлт орсон. Улаанбаатар хотод үйл ажиллагаа явуулж байгаа их дээд сургуулиудын босго оноог 480 байхаар тогтоосон бол хөдөө орон нутгийн их дээд сургуулиудын босго оноог 400 байхаар тогтоож өгсөн байгаа. Сургууль болгон өөр өөрийн босго оноотой байдаг. Энэ тогтоосон оноо нь тухайн сургуулийн оюутан элсүүлэх босго онооны хамгийн доод хязгаар гэсэн үг юм.

Шалгалтын үргэлжлэх хугацаа ямар байх вэ?

-Даалгавар гүйцэтгэлийн хугацаа нь монгол хэлбичиг, математик, физик, химийн хичээлийн шалгалтууд 100 минут.

Үргэлжлэлийг

Сэтгэгдэл үлдээх

Please enter your comment!