ОЙ ТОГТООЛТЫН УЛСЫН АВАРГУУД ТОДОРНО

0
63

Ой тогтоолтын найм дахь улсын аварга шалгаруулах тэмцээн лхагва гарагт буюу энэ сарын 28-нд болно. Тэмцээний эцсийн шатанд 80 тамирчин ой тогтоолтын 10 төрлөөр 90 багц медалийн төлөө бага, дунд, насанд хүрэгчид гэсэн гурван насны ангилалд өрсөлдөх ажээ. Тэмцээнд олон улсын зэрэгтэй 15 тамирчин оролцоно. Үүнд Олон улсын их мастер 3, Их мастер 3, Олон улсын мастер 6, Азийн мастер 3 тамирчин байгаа гэнэ. Өнгөрөгч жил энэхүү тэмцээнд бага насны ангилалд Б.Хангал (3969 оноо), дунд насны ангилалд ОУ-ын Мастер Э.Лхагвадулам (7453 оноо), насанд хүрэгчдийн ангилалд ОУ-ын Их Мастер Н.Мөнхшүр (7390 оноо) нар тус тус тэргүүлж байжээ.

Монголын оюун ухааны академийн тамирчид нь олон улсын 46 тэмцээнд ой тогтоолт, цээж бодолт, рубик шоо, хурдан уншлага, спорт өрөлтөөр оролцож олон улс, дэлхий, оюуны олимп зэрэг томоохон тэмцээний аваргуудтай болж нийтдээ 760 медалийн эзэн болоод байгаа юм байна.

Сэтгэгдэл үлдээх

Please enter your comment!