Хэт хурдан КВАНТЫН КОМПЬЮТЕРИЙГ хятад улс ЗОХИОН БҮТЭЭНЭ

0
82

Хятад улс 2022 он гэхэд 50 кубитын хүчин чадалтай хэт хурдан квантын компьютер зохион бүтээхээр төлөвлөжээ. Энэ тухай тус улсын ШУА-ын гишүүн, нэрт квантын физикч Пань Зяньвэй мэдэгдэв. Тэд ойрын таван жилийн хугацаанд дээр дурьдсан хүчин чадал бүхий компьютерийг зохион бүтээх тодорхой зорилтыг өмнөө тавьсан гэнэ. Түүнчлэн өнгөрсөн таван жилийн тухайд Хятадын инновацийн технологийн хөгжлийн алтан үе байсан бөгөөд цаашдаа шинжлэх ухаан-техникийн салбарт томоохон зүйлүүдийг хийж чадна гэдэгтээ итгэлтэй байгаагаа мөн илэрхийлжээ. Квантын компьютер бол сүүлийн жилүүдэд шинжлэх ухаанд хамгийн ихээр анхаарал татаж буй бүтээл юм. Орчин үеийн компьютерийн мэдээллийн нэгж нь бит бөгөөд 0 ба 1 гэсэн хоёр тэмдэгтээс бүрддэг. Харин квантын компьютерийн мэдээллийн нэгж нь кубит бөгөөд энэ нь супер байршил буюу 0 ба 1 гэсэн хоёр тоогоор нэгэн зэрэг илэрхийлэгддэг аж. Үүний дүнд тооцоолон бодох хурд эрс нэмэгдэж, орчин үеийн суперкомпьютерүүдийн бодож чадахгүй байгаа бодлогуудын хариуг олж чадах юм.

Сэтгэгдэл үлдээх

Please enter your comment!