МӨС ЦӨМӨРЧ ХҮНИЙ АМЬ ЭРСЭДЖЭЭ

Өнгөрсөн амралтын өдөр автомашинтайгаа мөсөнд цөмөрч хүний амь эрсэдсэн хэрэг гарчээ. Энэ хэрэг Хөвсгөл аймгийн Хатгал тосгоны Эгийн голын эх гэх газарт болсон байна. Тодруулбал, энэ сарын 4-нд Эгийн голын эх гэдэг газарт “Ланд-200” загварын суудлын автомашин мөсөнд цөмөрч нэг хүн нас баржээ.

Онцгой байдлын албаныхан Улаанбаатар хотын харьяат иргэн Б /36 настай, эрэгтэй/-ийн цогцсыг, автомашины хамт татан гаргаж, Цагдаагийн байгууллагад шилжүүлэн өгсөн байна.

Түүнчлэн Мөрөн сумын харьяат иргэн Н-ийн эзэмшлийн “Ланд-80” загварын суудлын автомашины мөсөнд цөмөрсөн байсныг аврагчид татан гаргаж эзэнд нь хүлээлгэн өгсөн байна.

Сэтгэгдэл үлдээх

Please enter your comment!