М.Оюунчимэг: 900 гаруй айлын орон сууцыг түрээсийн орон сууцанд шилжүүлэх бололцоотой

0
143

Өргөдлийн байнгын хороонд түрээсийн болон ахмадын орон сууцанд хамруулж өгөхийг хүссэн 700 гаруй өргөдөл иржээ. Нийслэлийн Захирагчийн албанд 15 мянган ахмад байр хүссэн байдаг гэнэ. Иймээс Өргөдлийн байнгын хорооноос санаачлан ахмадын болон түрээсийн орон сууцны хөтөлбөрийн хэрэгжилтийн талаар мэдээлэл сонссон. Энэ үеэр Өргөдлийн байнгын хорооны дарга М.Оюунчимэг “Хүсэлт өгсөн иргэдийн 70-80 хувь нь орон сууцанд хамрагдаж чадахгүй байгаа.  Энэ нь зохион байгуулалтаас эхлээд санхүүжилтийг шийдэх амаргүй асуудал олон байгаатай л холбоотой юм. Иргэд ярьж байна, “1992 оноос эхлэн хөөцөлдөөд барсангүй. Байр хүссэн өргөдөл хаана ч яваа юм бүү мэд” гэж… Нийслэлд иргэдээс ирүүлсэн өргөдлийг дугаарладаг байсан ч өмнөх 4 жилд дүүргүүдэд шилжүүлснээр бүртгэл замбараагүй болсон гэдгийг нийслэлийн Засаг даргын орлогч хэллээ. Эндээс эхлээд цэгцлэх олон ажил байна” гэсэн юм.

Мөн тэрбээр төсөвт 87 тэрбум төгрөгийг суулгахгүй бол өмнөх жилүүдэд Хөгжлийн банкнаас авсан зээл, хүү хоёр нь дарамт учруулах болсон. Засгийн газар цаг алдалгүй энэ асуудлыг шийдчихвэл 900 гаруй айлын орон сууцыг түрээсийн орон сууцанд шилжүүлэх бололцоотойг онцолсон юм.

ТОСК-ын захирал Ж.Хичээнгүйгийн хэлснээр “Буянт-Ухаа-2” орон сууцны хорооллын түрээсийн орон сууцны 1м2-ын үнэ 6000 төгрөг. Улсаас тогтоосон түрээсийн орон сууцны 1м2-ын үнэ нь. Талбайн хэмжээнээсээ хамаарч сарын түрээсийн төлбөр нь тогтдог. Жишээлбэл, 39,3m2 талбайтай байр түрээсэлсэн бол сарын түрээсийн төлбөр нь 240 мянган төгрөг байна.

 

Сэтгэгдэл үлдээх

Please enter your comment!