Элит гишүүн

0
179

Түүний аав Монголын толгой эрдэмтний нэг байв. Харин тэрбээр оюутан ахуй цагтаа Монголын оюутны холбооны тэргүүн болж, 1989-1990 оны ардчилсан хувьсгалын өрнөлт, үйл явцад манлайлан оролцсон юм. Нэр нь С.Лувсанвандангийн Болд. Элит гэр бүлийн хүүхэд. УИХ-ын ээлжит хэд хэдэн удаагийн сонгуульд нэр дэвшиж өрсөлдөгч нараа дөрвөнтөө ялж парламентын тогоонд 20 шахам жил зүтгэсэн эр.

Мөн Засгийн газрын гишүүн болж Батлан хамгаалах, Гадаад хэргийг сайдын давхар дээлтэй гүйцэтгэсэн нь бий. Сайдын алба халгаатайг хэлэх үү араас нь чулуу шидээгүй ч монголын гадаад харилцааны албанд мэргэжлийн бус хүн ажиллуулсан хэмээн баахан “баалуулсан”.

Өнөөдөр тэрбээр эрх баригч биш сөрөг хүчний суудалд суусан байна. УИХ-ын чуулганы нэгдсэн хуралдаанд сууж, үг хэлж асуулт асууж буйг нь ажиглахад, логик сайтай боловсрол өндөр болох нь илт харагддаг юм. Хэлж байгаа үг нь цаанаасаа л логиктой, утга нь тод байдаг. Хэн ч ойлгоно.

Тэрбээр өөрт нь холбогдсон шүүмжлэлд эмзэглэдэггүй мөртлөө журмын нөхөрт нь хамаатуулсан шүүмжлэлийг эсэргүүцэж үг хэлдэг “гэм” бий. Үүгээр нь” хамгаалагч” гэж хэлж болох юм. Хэтрүүлж хэлэхийг нь эс тооцвол тэр шүү дээ.

Элит гэр бүлээс гаралтай Лу.Болд олон удаагийн тэгэхдээ АН доторхи дотоод сонгуульд нэр дэвшдэг ч бүдэрдэг нь гэм биш зан болсон мэт. Улс төрийн мэдрэмж дутмагийнх юм болов уу даа. Ингэж бодож байна.

Түүний ам нээх бүрт нэг үг гардаг юм. Ардчилал ийм байна, тэгэх ёстой гээд л. Тэрбээр тун саяхан хэвлэлийн эрх чөлөөний хараат бус байдлын тухай мэдэгдэл хийхдээ өөрийн эзэмшлийн хэвлэл, мэдээллийн байгууллагын хараат байдлыг чөлөөлж, ардчиллыг хамгаалж буйгаа зарлав. Өөрөөр хэлбэл, түүний эзэмшлийн хэвлэл мэдээллийн нууц ноёнтон ил болж хэвлэлийн эрх чөлөөнд цуцал нэмэв. Элит гэр бүлийн нэг гишүүний үйлдэл энэ байлаа.

Сэтгэгдэл үлдээх

Please enter your comment!