Ерөнхийлөгч ард түмэндээ юу ч өргөсөнгүй

0
419

Монгол Улсын Ерөнхийлөгч жил бүрийн он солигдох мөчид нийт ард түмэндээ зориулж, мэндчилгээ дэвшүүлдэг уламжлалтай. Монголчууд өнгөрсөн найман жилийн турш төрийн тэргүүний мэндчилгээг оны сүүлчийн 30 гаруй минутын турш сонсдог байсан байдалдаа бараг л дасчээ. Харин өнөө жилийн тухайд Ерөнхийлөгч Х.Баттулга 01:45 минутын маш товчхон мэндчилгээ дэвшүүлсэн нь олон хүнд тун шинэлэг санагдсан гэнэ. Хамгийн гол нь тэрбээр сүү ч өргөсөнгүй, оргилуун дарс ч задалсангүй. Зарим нэг хүн бүр “урдах”-аа барьчихаад Ерөнхийлөгчийнхөө өргөлийг хүлээсээр он солигдсоныг ч анзаарсангүй гэлцэх аж. Ерөнхийлөгч Х.Баттулга энэхүү тун товчхон, хэтэрхий гэмээр бодь мэндчилгээндээ 2018 оныг хуулийн засаглал, шударга ёс ялсан он болно хэмээн төсөөлж буйгаа илэрхийлсэн юм. Ингээд харахад Ерөнхийлөгч маань зөвхөн ялалт, ялагдал хоёрт л итгэдэг нэгэн гэдэг нь бүр ч тодорхой боллоо.

Сэтгэгдэл үлдээх

Please enter your comment!