Б.ХУРЦЫГ ҮЛДЭЭЖ, ГЭМТ ЭТГЭЭДҮҮДЭД ХАРИУЦЛАГА ТООЦУУЛЪЯ

0
405

Манайхан сүүлийн үед их багагүй Солонгос гарч ажиллахыг хүсэх болж. Б.Хурцыг хүртэл эрээ цээрээ алдтал сэтгэл зүрхийг нь татахыг бодоход тэр Солонгост нь очиж үзмээр санагдчихлаа. Сүүлийн үед энэ Б.Хурц гээчид атаархахдаа тагнуулч ч болчихмоор. Европын орнуудыг дамнуулаад бүхэл бүтэн нас биед хүрсэн эр хүнийг хулгайлаад олоод ирнэ. Монгол төрийн хойморт, төрийн түшээдийг түмэн олонтой нь шоолж, доромжилсон, бүүр нэг ёжтой инээд үзүүлж байгаад элдэвлэж байна. Би бас тэгмээр л байна ш дээ. Дургүйгээ хүргэсэн нэгнийг долоон үеэр нь судалмаар, болохгүй нэгэнд нь хаана ч хамаагүй үйлдэгдсэн, эзэн холбогдогч нь тогтоогдохгүй хэргийг аваачаад нялзаачихмаар ч юм шиг. ..гэх мэтчилэн өнгөрсөн өдрүүдэд Төрийн ордонд өрнөсөн эмгэнэлт драмаас үүдсэн элдэвлэл, зэвүүцэл, үл ойлгогдох үйлдэл өрнөсөөр байна. Ямартай ч Б.Хурц гэгч илчлэгдсэн тагнуулчийг хилийн дээс алхуулж болохгүйг олон түмэн чинь шаардаж байна Ерөнхийлөгч өө.

Төрийн түшээд чинь элдэв хэрэгт орооцолдсон, тэр бүгдийг нь эрхэм Тагнуулч мэддэг юм бол юун элчингээр томилж гадагш явуулах вэ. Түүний дэлгэсэн онц ноцтой хэргүүдийг илчлүүлж, гэмт этгээдүүдийг монгол төрийн хоймроос буулгаж, байх ёстой газарт нь хүргүүлэх ёстой бус уу. Эсвэл хүн нь байвал хэрэг нь олддог гэгчээр нөхөр Б.Хурц түшээдийг түмний өмнө гүтгээд байна уу. Тийм бол тэрбээр бас хүн гүтгэсэн хэргээр ялаа үүрэх ёстой биш үү? Юун Элчин сайд вэ?

Өнгөрсөн долоо хоногт дэглэгдсэн эмгэнэлт драмаас чинь нэг бол Л.Болд, эсвэл Б.Хурц хэрэгтний ширээнд сууж, хариуцлага хүлээх ёстой болж байна. Гэтэл байнгын хороо нь ч цочирдож байгаа юм алга, хэсэг зуур чи би-дээ хүрэлцээд баталлаа. Ийм байж болох уу. Зэвсгийн наймаа, хүн амины хэрэг гэдэг тоглоом уу? Гэртээ, эсвэл саунд /томчууд саунд ажил ярьдаг болсон цаг/байгаа биш дээ. Чуулганы танхимд, байнгын хороонд, Засгийн ордонд чинь өөрөө баттай эх сурвалж болох нөхдийн амнаас улс үндэстэн дамнасан гэмт хэрэг, луйвар, залилан яригдаж болох уу? Ам нээвэл уушиг нээ гэдэг.

Эрхэм тагнуулчийг гадагш биш дотооддоо үлдээнэ үү. Түүний мэдэх хэргүүдийг ил болгож, гэмт этгээдүүдэд хариуцлага тооцуул…

Үргэлжлэлийг …

Сэтгэгдэл үлдээх

Please enter your comment!