Монголбанкны Засгийн газраас авах авлага 601 тэрбум

0
27

Эдийн засгийн байнгын хорооны өнөөдрийн хуралдаанаар Төрөөс мөнгөний бодлогын талаар 2018 онд баримтлах үндсэн чиглэл батлах тухай Улсын Их Хурлын тогтоолын төслийн анхны хэлэлцүүлгийг хийлээ.

Тогтоолын төслийг хэлэлцүүлэгт бэлтгэсэн талаар гишүүн Б.Баттөмөр танилцуулсан юм. Танилцуулгатай холбогдуулан гишүүн З.Нарантуяа Засгийн газар болон Монголбанк хоорондын өр, авлагын талаар тодруулахад ажлын хэсгийн ахлагч 2017 оны гуравдугаар улирлын байдлаар Монголбанкны Засгийн газраас авах авлага 601 тэрбум төгрөг бол Засгийн газраас Монголбанкинд байрлуулсан харилцах хадгаламжийн хэмжээ 614 тэрбум төгрөг болохыг хэллээ.

Банкны салбарын эрх зүйн орчныг өөрчлөх ажлын явцын талаар гишүүн Б.Жавхлан тодруулахад Монголбанк одоогоор 11 хуулийн төслийг боловсруулан, Засгийн газраар дамжуулан УИХ-д өргөн мэдүүлэхээр ажиллаж байгааг дуулгав. Эдийн засгийн нөхцөл хүнд байсан, цаашид Төв банк эдийн засгийн тэлэлтийг дэмжих үүднээс бодлогын хүүгээ бууруулах нь зүйтэй гэдэг байр суурийг гишүүн Я.Содбаатар илэрхийллээ. Мөн зээлийн хүүг бууруулах чиглэлээр төсөлд ямар ажлуудыг тусгасан талаар лавлав.

Үндсэн чиглэлийн төсөлд Монголбанк зээлийн хүүг бууруулах стратеги боловсруулан, хэрэгжүүлэх заалтыг тусгасан. Зээлийн хүү өндөр байгаа гэдэг үндэслэлээр олон нийтээс арилжааны банкууд руу сөрөг хандлага нэмэгдэж буй учраас арилжааны банкууд энэ асуудлаар санал гарган, Төв банк руу хандан санал тавьснаар зээлийн хүүг бууруулах стратеги боловсруулах ажлын хэсгийг байгуулжээ. Үргэлжлүүлэн ипотекийн зээлийн хүртээмжийг нэмэгдүүлэх, эдийн засгийн өсөлтийг иргэдэд бодитоор хүргэх чиглэлээр Төв банкнаас хийж хэрэгжүүлэх ажлын талаар гишүүдийн тодруулсны дагуу ажлын хэсэг мэдээлэл өглөө.

Дараа нь ажлын хэсэг болонгишүүдээс Төрөөс мөнгөний бодлогын талаар 2018 онд баримтлах үндсэн чиглэл батлах тухай УИХ-ын тогтоолын төсөлтэй холбогдуулан гаргасан зарчмын зөрүүтэй саналын томъёоллуудаар санал хураалт явуулан шийдвэрлээд чуулганы нэгдсэн хуралдаанд танилцуулахаар тогтов

Сэтгэгдэл үлдээх

Please enter your comment!