“33”-ын бүлэг задарч, “Их 10”-ын хэмээх бүлэг мэндэлжээ

0
127

2016 оны УИХ-ын сонгуулиас хойш МАН-д бий болсон “олдвол өлдөх”-ийн зовлон дуусахгүй нь бололтой. УИХ дахь 65 гишүүнтэй бүлэг нь 33, 32-оороо хуваагдаад байсан. Тэгвэл У.Хүрэлсүхийн Засгийн газар байгуулагдсаны дараа “эсэргүү” 33-ын бүлэг задарсан байна. Энэ нь ч өнөөдөр /2017.11.2./ Сангийн сайд Ч.Хүрэлбаатарыг авч үлдэхэд харагдсан.

“33”-ын бүлгээс Г.Занданшатар, Б.Жавхлан, Б.Батзориг, Б.Баттөмөр, Б.Энх-Амгалан, Л.Элдэв-Очир, Ж.Ганбаатар, Я.Содбаатар нарын арваад гишүүн өрх тусгаарлаж, нууцаар уулзалдах болжээ. Тэд өөрсдийгөө “Их 10”-ын бүлэг хэмээн нэрлэсэн байна. Энэ бүлэг мөн л Энканто хавиар уулзалддаг гэнэ.

Тэд “…“33”-ын бүлэг явцгүй болсон. Тиймээс засаг талдаа ойрхон байж томоохон томилгоонд оролцож, тойрогтоо хэрэгтэй ажлуудаа амжуулсан нь дээр” гэж үзэж байгаа ажээ.

Нөгөөтэйгүүр хэдхэн хоногийн дараа МАН-ын Их хурал болж, У.Хүрэлсүх намын дарга болно. Түүний дараа энэ багцаараа явсаар МАН-ын дараагийн даргад Г.Занданшатарыг сойно гэх яриаг ч хийгээд амжсан бололтой. Гэхдээ Энэ арваад гишүүн “Их 10” уу, “элсний 10” болох уу гэдгийг цаг хугацаа харуулна.

Харин нөгөө талд нь Сү.Батболдын фракц “33”-ын буурин дээр үлдэж байна гэсэн үг. Тэдний хувьд “32”-ын болон “Их 10”-ын бүлэгт хавчигдаж, буланд шахуулсан маягтай байгаа юм байна.

Эх сурвалж: www.polit.mn

Сэтгэгдэл үлдээх

Please enter your comment!