Зөвшөөрөлгүй үйл ажиллагаа эхлүүлсэн “ПЕНТАТЕРРА” ХХК-ийн уурхайд осол гарч хүний амь эрсэджээ

Сэлэнгэ аймгийн Баянгол сумын нутаг Нарангийн ам гэх газар ашиглалтын тусгай зөвшөөрөл эзэмшигч “Пентатерра” ХХК-ийн туслан гүйцэтгэгч “Шарын гол уул уурхай” ХХК-ийн HOWO371 автомашины оператор Б нь хөрсний овоолгыг зөөж тээвэрлэн өмнө ашиглалт явуулсан талбайд нөхөн дүүргэлт хийж байх явцдаа машинтайгаа уурхайн ухаш руу унаж осолдсон  хэрэг энэ сарын 23-ны өдөр гарсан байна. Газар дээр нь аймгийн болон МХЕГ-ын ажилтнууд ажиллаж байгаа ажээ. Одоогоор осолдсон иргэний цогцосыг олоогүй байгаа бөгөөд Онцгой байдлын алба хаагчид ажиллаж байгаа юм байна.

Тус уурхайд Мэргэжлийн хяналтын байгууллагаас хийсэн шалгалтаар олон зөрчил илэрсэн тул  өнгөрсөн онд улсын байцаагчийн дүгнэлтээр үйл ажиллагааг нь зогсоох шийдвэр гарч байжээ.

Гэтэл “Пентатерра” ХХК нь 2019 онд үйл ажиллагаа явуулах Байгаль орчны менежментийн төлөвлөгөөг батлуулаагүй, ус болон газар ашиглах гэрээ байгуулаагүй, сум, орон нутгийн Засаг дарга, сумын байгаль орчны байцаагчид мэдэгдэлгүйгээр хууль зөрчин үйл ажиллагаа эхлүүлсэн байна. Осол болсон ил уурхайн 21587 м талбайд дунджаар 6 метр гүнтэй ус тогтсон бөгөөд ажлын хэсгийн бүрэлдэхүүн усны түвшинг багасгах шаардлагатай гэж үзсэний дагуу ус шавхан зайлуулах насосуудыг татан авчирч ажиллуулж байна хэмээн Мэргэжлийн хяналтын ерөнхий газраас мэдээллээ.


Notice: Undefined variable: fields in /home/tuvmn1/niigmiintoli.mn/wp-content/themes/Newspaper/includes/wp_booster/comments.php on line 64

Сэтгэгдэл үлдээх

Please enter your comment!