О.Сайнбаяр: Яагаад заавал “Зүүнбаян рэйфанери”-г онцлоод байгааг ойлгохгүй байна

Нийслэлийн Засаг дарга С.Амарсайхан Туул гол орчимд зөвшөөрөлгүйгээр барилгын ажил эхлүүлж, бургасын нь сэндийчсэн гэгдээд буй “Зүүнбаян рэйфанери” компанийн үйл ажиллагааг зогсоох даалгаварыг өгөөд байгаа. Тэгвэл өнөөдөр тус компанийн удирдлагууд энэ асуудлаар мэдээлэл хийлээ. “Зүүнбаян рэйфанери” компанийн захирал О.Сайнбаяр хэлэхдээ, Манай компани Туул голын хамгаалалтын бүсэд байрлах уг газрыг 2012 оноос хойш хууль журмын дагуу авч үйл ажиллагаагаа эхэлсэн. Бид аялал жуулчлалын бүс, цогцолборыг бүтээн байгуулах зорилгоор судалгаа хийж газар хайж байх үед хамгийн тохиромжтой нь энэ газар болж таарсан. Ингээд энэ газрын эзнийг олж уулзахад С.Уламбаяр гэж хүн байж таарсан. Би ахаараа дамжуулан тэр хүнтэй очиж уулзан, бүтээн байгуулалтын ажлаа танилцуулахад биднийг дэмжихээр болсон. Газрыг шилжүүлж авахаар 2016, 2017 онуудад албан бичгүүдийг тухайн үеийн сайд нарт өгсөн ч Тусгай хамгаалалтын газрын нэр шилжих боломжгүй байсан. Тэгээд л энэ нэрээр нь ашиглахаар болсон юм. Гэтэл өнөөдөр энэ асуудлыг улс төржүүлэн бидний үйл ажиллагааг саатуулах ажлыг зохион байгуулж байна. Бид шүүхэд хандсанаас хойш буюу 2017 оноос хойш үйл ажиллагаа явуулаагүй байгаа. Гэтэл өнөөдөр хүртэл үйл ажиллагаа явуулж байгаа мэт улс төрчид ярьцгааж байна.

Анх энэ газарт 6891 м2 талбайд бургастай байсан. Түүнийгээ ч тогтоогоод нөхөн төлбөр авсан. Манай компани тухайн үед Нийслэлийн байгаль орчны газарт бургасны нөхөн төлбөр гэж 11 сая 163 мянган төгрөгийг тушаасан. Бургас нөхөн сэргээлтэд 20 орчим сая төгрөг төлж бургасыг өөр газарт суулгасан. Гэтэл өнөөдөр бүгдийг нь цуцалж, буулгана гэх юм. Байгаль орчин ногоон хөгжлийн сайд Н.Цэрэнбатын ярьж байгаа шиг бид 13 тэрбум төгрөгийн хохирол учруулаагүй. Өнөөдөр Туул гол дагуу 1387 иргэн, аж ахуйн нэгж байгууллага үйл ажиллагаа явуулж байна. Гэтэл бусад газруудыг хэлэхгүй мөртлөө яагаад заавал “Зүүнбаян Рэфайнери” ХХК руу дайраад байгааг ойлгохгүй байна гэлээ.


Notice: Undefined variable: fields in /home/tuvmn1/niigmiintoli.mn/wp-content/themes/Newspaper/includes/wp_booster/comments.php on line 64

Сэтгэгдэл үлдээх

Please enter your comment!