БСШУС яамны Төрийн нарийн бичгийн дарга Б.Баярсайханыг чөлөөлөхөөр тогтжээ

Өчигдөрийн чуулганы хуралдаанаар БСШУС-ын сайдыг огцруулж, ЗТХ-ийн сайдыг чөлөөлсөн юм. Энэ үеэр БСШУС-ын сайд Ц.Цогзолмаа “Бүтэн нэг жил, хоёр сарын хугацаанд хамтарч ажилласан Ерөнхий сайд, Засгийн газрын гишүүддээ талархал илэрхийлье. Мөн БСШУСЯ-ны зөв менежменттэй ажиллаж чадсан хамт олондоо баярлалаа. Ажил хүлээж авахдаа 13 яамны 13-т жагссан яамыг хүлээж авсан. Одоо салбар маань 5-6 дугаарт, 90 хувийн ажлын үнэлгээтэй болоод байна. Миний бие улстөрч хүний хувьд ёс зүйг ажил мэргэжлийн ур чадвараас илүүд тавьсны үндсэн дээр эхэлсэн ажлаа гүйцээхгүйгээр ажлаа өгөх нөхцөл байдал үүслээ. Монгол Улсын Ерөнхий сайдад хичээнгүйлэн захихад манай салбарт гурван сарын өмнө томилогдож ирсэн Төрийн нарийн бичгийн дарга Б.Баярсайхантай хамтарч ажиллах боломж үнэхээр байгаагүй шүү. Та цаашид зөв, сэтгэлтэй хүнээр солихгүй бол энэ салбарын ажил явахгүй ээ. Би өнгөрсөн хугацаанд салбарынхаа нэр хүнд, цар хүрээг үргэлж бодож ирсэн. Ерөнхий сайд та үүнд онцгойлон анхаарна уу” гэсэн юм.  Тус яамны Төрийн нарийн бичгийн дарга Б.Баярсайхан нь яамны ажлыг цалгардуулж, удирдан зохион байгуулах ур чадваргүй гэсэн үндэслэлээр халагдсан боловч эргэн ирсэн байдаг.
Харин энэ удаад шинээр ирэх сайд нь “удирдлагын зөрчлөөс болж шийдвэр удааширч, ажлын үр дүн гарахгүй нөхцөл үүсэж магадгүй учир өөрийн багаа бүрдүүлэх” хүсэлтийг МАН-ын удирдлагуудад  ойлгуулсан төдийгүй, хууль зүйн маргаан дахин гаргахгүйн тулд өөрөөр нь өргөдөл өгүүлэхээр тохиролцсон бололтой.
Эх сурвалж: sonin.mn

Notice: Undefined variable: fields in /home/tuvmn1/niigmiintoli.mn/wp-content/themes/Newspaper/includes/wp_booster/comments.php on line 64

Сэтгэгдэл үлдээх

Please enter your comment!