ЖДҮ-чид зээлээ хэрхэн төлж байна вэ?

ЖДҮХС-аас зээл авсан УИХ-ын гишүүд болон төрийн өндөр албан тушаалтнуудын асуудлыг хуулийн байгууллагууд шалгаж буй. Тэднийг тус сангаас зээл авахдаа эрх мэдлээ урвуулан өөртөө болон бусдад давуу байдал бий болгон гэмт хэргийн шинжтэй үйлдэл хийсэн эсэхийг мөрдөн шалгаж байгаа юм. Харин Ерөнхий сайдын зүгээс ЖДҮХС-аас зээл авсан гишүүдийг зээлээ эргүүлэн төлөх үүргийг тодорхой хуулийн хугацаатай өгсөн байдаг. Тус сангаас нийт 94 тэрбум төгрөгийн зээл гарсан ч одоогийн байдлаар 30 гаруй тэрбум төгрөг эргэн төлөгдсөн болохыг Баялаг бүтээгчдийг дэмжих холбооноос мэдэгдсэн билээ. Харамсалтай нь Ерөнхий сайдын дүү У.Давхарбаяр тус сангаас 1.3 тэрбумын зээл авсан ч 100 сая төгрөгийн эргэн төлөлт хийжээ. Мөн УИХ-ын гишүүн Б.Наранхүүгийн дүү нь зээлээ төлсөн эсэх нь одоогоор тодорхойгүй байгаа аж. Ингээд ЖДҮХС-ийн шилэн дансанд бүртгэгдсэн, зээлийн эргэн төлөлтөө хийсэн аж ахуйн нэгжүүдийг танилцуулж байна:
 1. УИХ-ын гишүүн Ж.Энхбаярын хамаарал бүхий “Газар буудай” компани 950, 858,904 төгрөгийн зээл, зээлийн хүүгийн төлбөрийг төлсөн. Мөн Ж.Энхбаярын хамаарал бүхий “Газар агро” ХХК 1,943,226,511 төгрөгийг зээл, зээлийн хүүгийн төлбөрт төлж барагдуулжээ.
2. “Барилгын хөгжлийн төв” ТӨҮГ-ын захирал Ц.Амарсанаагийн “Их Улс” ХХК 2017 онд  680 сая төгрөгийн зээл авсан. Зээлийн төлбөрт эхний удаад 120,000,000, дараа нь 17,800,000 төгрөгийг тушаасан байна.
3. УИХ-ын гишүүн Б.Ундармаагийн “Доктор МЭИК” компани ЖДҮХС-гаас 700 сая төгрөг авсан байсан бөгөөд 800,960,000 төгрөгийг зээл, хүүгийн төлбөрт төлж дуусгасан байна.
4. ЗГХЭГ-ын дэд дарга асан Б.Бат-Эрдэнийн эхнэр Болортуяагийн “Рич холдинг” ХХК 400,558,905 төгрөг төлж зээлээ хаажээ.
5. Зам тээвэр, хөгжлийн яамны сайд Я.Содбаатар нь өөрийн эзэмшлийн “Эпато анарваан” ХХК-ийн 1,2 тэрбум төгрөгийн зээлийг төлж дуусгасан. Мөн “Ти Эс Эм” ХХК 803,261,900 төгрөгийн зээл төлсөн байна.
6. УИХ-ын гишүүн А.Сүхбатын дүү болон түүний эхнэрийн “Түгээмэл түмэн хишиг” компани 800 сая төгрөгийн зээл авсан. Үүнээс 140,210,000 төгрөгийг төлсөн байна.
7. УИХ-ын гишүүн Г.Тэмүүлэнгийн ээжийн “Спа цогцолбор” компани 700 сая төгрөгийн зээл авсан байсан бөгөөд одоогоор зээлийн төлбөр болох 15,494,000 төгрөгийг төлсөн байна.
8. УИХ-ын гишүүн Г.Солтан өөрийн эзэмшлийн “Монгол шаазан” ХХК-д 950 сая төгрөгийн зээл авч 951,327,397 төгрөгийг зээл болон зээлийн хүүнд төлсөн.
9. МАН-ын Ерөнхий нарийн бичгийн дарга Д.Амарбаясгалан “Тайшир өргөө,   “Агро Технологи Шижирт” ХХК нийт 1.3 тэрбум төгрөгийн зээл авсан ч 291,893,056.82 төгрөгийг зээл, зээлийн хүүний төлбөрт төлсөн.
10. УИХ-ын гишүүн Н.Оюундарийн хүү “Рэд Стар” ХХК нь 800 сая төгрөгийн зээл авсан 732,100,000 зээлээ тус тус төлсөн байна.

Notice: Undefined variable: fields in /home/tuvmn1/niigmiintoli.mn/wp-content/themes/Newspaper/includes/wp_booster/comments.php on line 64

Сэтгэгдэл үлдээх

Please enter your comment!