Орос, Хятад, Монгол улсын төлөөлөгчид Хоёр Солонгосыг холбосон төмөр замын нээлтэд оролцож байна

Хоёр Солонгосын найрамдлын бэлэг тэмдэг болсон төмөр зам өнөөдөр нээлтээ хийх гэж буй талаар ASSOCIATED PRESS агентлаг мэдээллээ.  БНСУ-ын 100 орчим иргэнийг тээвэрлэсэн есөн бүхээг бүхий галт тэрэг “Дорасан” буудлаас БНАСАУ-ын “Панмун” буудлыг зорин хоёр цагийн аялалдаа гарчээ. Энэ есдүгээр сард зохион байгуулсан хоёр улсын удирдагчдын дээд хэмжээний уулзалтын үеэр 2018 ондоо багтаан төмөр болон авто замыг холбох нээлтийн арга хэмжээ зохион байгуулна хэмээн харилцан тохиролцсон юм.  Өмнөд Солонгосоос уг арга хэмжээнд оролцох 100 орчим төлөөлөгч галт тэргээр Умардын Кэсоны Панмун буудлыг зорьсон талаар Хөх ордны хэвлэл мэдээллийн алба мэдээлжээ. Төлөөлөгчдийн бүрэлдэхүүнд Өмнөд Солонгосын зам тээврийн сайд, хоёр Солонгосын нэгдлийн сайд, парламентын гишүүд болон бусад албаны хүмүүс багтсан бөгөөд мөн НҮБ-ын албаныхан, хөрш Орос, Хятад, Монгол улсын төлөөлөгчид уг түүхэн арга хэмжээнд уригдсан байна.Монгол улсаас Гадаад харилцааны сайд Д.Цогтбаатар нарын хүмүүс уригдсан гэх мэдээлэл байгаа юм.

Хойд болон Өмнөд Солонгосыг холбосон энэхүү төмөр замыг цаашид Транс Сибирийн төмөр замтай холбогдон, Европ хүргэх зорилготой байгаа ажээ. Иймд арга хэмжээг зохион байгуулахын тулд Өмнөд Солонгосын зүгээс Вашингтонтой харилцан зөвшилцөж, эдийн засгийн хоригоос түр чөлөөлөөд байгаа. 1950-1953 оны хооронд дэгдсэн хоёр Солонгосын дайны дараагаас өмнөд болон хойдын харилцаа хөндийрч, 2017 оныг хүртэл дайсагнасан харилцаатай байсан юм.koreatrainkoreatrain


Notice: Undefined variable: fields in /home/tuvmn1/niigmiintoli.mn/wp-content/themes/Newspaper/includes/wp_booster/comments.php on line 64

Сэтгэгдэл үлдээх

Please enter your comment!