“Хүүхдийн асуудлаар үүрэг хүлээгчдийн салбар дундын зөвлөгөөн” өнөөдөр эхэллээ

0
40

“Хүүхдийн асуудлаар үүрэг хүлээгчдийн салбар дундын зөвлөгөөн” өнөөдөр Төрийн ордонд эхэллээ. Энэхүү зөвлөгөөнийг Хөдөлмөр, нийгмийн хамгааллын яам, МУ-ын Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газар хамтран зохион байгуулж байгаа юм. Зөвлөгөөнд хүүхдийн өмнө үүрэг хүлээсэн төрийн байгууллагууд, аймаг нийслэл дэх Засаг даргын Тамгын газрын Нийгмийн бодлогын хэлтэс, Боловсрол газар, Цагдаагийн газар, Эрүүл мэндийн газар, Онцгой байдлын газар, Хөдөлмөр, нийгмийн халамж үйлчилгээний газрууд, аймаг нийслэл дэх гэр бүл, хүүхэд, залуучуудын хөгжлийн газар, хэлтсүүд, Монгол Улсад үйл ажиллагаа явуулдаг олон улсын байгууллагууд, их дээд сургуулиуд болон бизнес эрхлэгчид, хэвлэл мэдээллийн байгууллагууд, иргэд олон нийтийн төлөөллүүд оролцож байна. Уг сургалт зөвлөгөөнөөр дараах таван чиглэлийн хүрээнд салбар хуралдаануудыг зохион байгуулж хүүхдийн эрхийг хангах хууль, тогтоомжийн хэрэгжилт, тулгамдаж буй асуудлуудаас гарах арга замуудыг хэлэлцэх ажээ. Үүнд:

-Гэр бүл дэх хүүхэд хамгаалал

-Боловсролын салбар дахь хүүхэд хамгаалал

-Эрүүл мэндийн үйлчилгээн дэх хүүхэд хамгаалал

-Хэвлэл, мэдээлэл, цахим орчин, олон нийтийн арга хэмжээ, үйлчилгээн дэх хүүхэд хамгаалал

-Хүүхдийн эрх, аюулгүй байдлыг хангах чиглэлээр хууль сахиулах байгууллагын үүрэг оролцоо.

“Хүүхдийн асуудлаар үүрэг хүлээгчдийн салбар дундын зөвлөгөөн” нь өнөөдөр болон маргааш Улаанбаатар зочид буудлын хурлын танхимуудад дээрх салбарын зөвлөгөөнүүдээр үргэлжлэх юм.

 

 

 

Сэтгэгдэл үлдээх

Please enter your comment!