Иргэд шатахууны үнийн өсөлтийг эсэргүүцэж байна

Бензиний үнийн өсөлтийг эсэргүүцсэн жолооч нар хоёр дахь өдрөө Төрийн ордныг тойрч, автомашинтайгаа жагслаа. Тэд машин дээрээ “УИХ тар, бензиний үнийг 1500 төгрөгт тогтоон барь, хоосон хэтэвч  шатахуунгүй машин бидний хэрэглээ гэж үү” гэсэн лоозон наасан бөгөөд “Шатахууны үнийг дур зоргоороо нэмдгээс болж иргэдийн амьдрал туйлдаа хүрч байна, бензиний үнийг дагаад өргөн хэрэглээний барааны үнэ нэмэгдэж байна, Иргэдээ шулахаа боль” гэх үгсийг цагаан хоолойгоор хэлж байв. Жолооч нарын энэхүү тэмцлийг 07:00-11:00 цагийн хооронд таван өдөр үргэлжлүүлэх зөвшөөрөл өгсөн байна. Эдгээр залуусын төлөөлөл болсон н.Цэгмэд, н.Орхон гэх хүмүүсийг Ерөнхийлөгч Х.Баттулга өнөөдөр хүлээн авч уулзсан бөгөөд тэдний санал санаачлагыг дэмжиж буйгаа илэрхийлжээ. Харин жагсаалд оролцож буй залуус дараах зүйлсийг хэлж байлаа.

-Энэ жагсаалд юуны учир нэгдсэн бэ?

-Намайг н.Ганхөлөг гэдэг. Энэ жагсаалд ирээдүй хойч үеээ бодож эцсийн эцэст бид өөрөө өөрийнхөө төлөө жагсаж байгаа. Бензиний үнэ нэмэгдэхээр өргөн хэрэглээний бараа бүтээгдэхүүний үнэ дагаад өсдөг гэдгийг бид мэднэ. Одоо ч мөн өссөөр байна. Дэлхийн зах дээр буугаад байгаа нефтийн үнэ манайд ч мөн буух боломжтой гэж боддог. Миний сонссоноор бол дэлхийн зах зээлд нефтийн үнэ 86-77 доллар болж буурсан гэсэн. Гэтэл манайд эсрэгээрээ нэмэгдэж хамгийн сүүлд 10 сарын 28-нд шатахууны үнэ 100-130 төгрөгөөр өсч АИ-92 бензин 1980-1990 төгрөг болоод байна шүү дээ.

-Энэхүү жагсаалийг мөн л цаанаасаа санхүүждэг, ямар нэгэн намын захиалгат зүйл хэмээн ярьж байна? 

-Манайхан юмыг байнга л тэгж хардаж сэрдэх юм. Уг нь бид сошиалоор л бензиний үнийн нэмэгдлийг эсэргүүцэж нэгдсэн хүмүүс. Үнэндээ нэг нэгнийгээ ч танихгүй залуус байгаа. Бүгд л өөрсдөө бензинээ хийгээд ажлаа таслаад ингээд л байж байна. Ажил бол дахиад олдоно. Харин энэ хуурамч үнийн өсөлтийг зогсоохгүй бол авсан цалин минь амьдралд хүрэлцэхээ болих гээд байна. Монголчууд бид их хүлцэнгүй ард түмэн юм. Уг нь энэ мэтчилэн нэгдэж чадвал их идэвхитэй хүмүүс гэдгээ мэдлээ. Хамт оролцож байгаа залуусдаа баярлалаа. Маргааш болон дараа дараагийн жагсаалуудад улам идэвхитэй оролцоорой хэмээн хэлмээр байна.


Notice: Undefined variable: fields in /home/tuvmn1/niigmiintoli.mn/wp-content/themes/Newspaper/includes/wp_booster/comments.php on line 64

Сэтгэгдэл үлдээх

Please enter your comment!