Бензиний үнийн асуудлаас болж хогондоо дарагдах нь

0
69

Шатахууны үний өсөлтийн улмаас зарим байгууллагуудын үйл ажиллагаа тасалдаад байна. Тодруулбал, Хөвсгөл аймагт шатахууны үнэ нэмэгдсэний улмаас Тус аймгийн Хот тохижилт үйлчилгээний төвийн төсөвт суугдсан шатах тослох материалын зардал дууссан тул хог ачилт түр зогсчээ. Хот тохижилт үйлчилгээний төв өнөөдрийн байдлаар “Сод Монгол” группт 40,1 сая төгрөгийн өр төлбөр үүсээд байгаа аж. Тиймээс тодотгол хийж санхүүгийн асуудлыг шийдэж өгөхийг хүссэн хүсэлтийг Хот тохижилт үйлчилгээний төвөөс Мөрөн сумын ИТХ, Засаг даргын тамгын газарт хүргүүлжээ.

Аймгийн иргэдийг шатахууны нэмэлт зардал шийдэгдэх хүртэл хог хаягдлаа гаргахгүй байхыг анхааруулаад байгаа гэнэ. Тус аймгийн хэмжээнд он гарснаас хойш гуравдугаар сард 90-240, долдугаар сард 70-90 төгрөг, 10 дугаар сард 60-140 төгрөг, нийт гурван удаа бензин шатахууны үнэ нэмэгдээд байгаа юм байна.

Сэтгэгдэл үлдээх

Please enter your comment!