Амийг нь хөнөөгөөд газарт булсан байжээ

0
87
Чингэлтэй дүүрэгт оршин суух хаягтай, эрэгтэй С гэгч нь өнгөрөгч сарын 16-нд гэрээсээ гараад сураггүй болсон байна. Ар гэрийнхэнд аравдугаар сарын 22-нд цагдаагийн байгууллагад өргөдөл гаргасаны дагуу эрэн хайх ажиллагааг эхлүүлсэн байна. Эрэн хайх ажиллагаа явуулах үеэр талийгаачийн цогцсыг Завхан аймгийн Тэлмэн сумын нутаг дэвсгэрт байрлах “Агуут” гэх газарт булсан байхыг олжээ. Тус хэргийг 1990 онд төрсөн З гэгч үйлдсэн болохыг илрүүлсэн байна. Мөрдөн байцаалтаар талийгаач нь өнгөрөгч сарын эхээр бөөгийн зан үйлтэй холбоотойгоор З-тэй танилцсан аж. Улмаар түүнтэй хамт Завхан аймаг руу бөөгийн зан үйл хийхээр явжээ. Тэд замдаа маргалдан өнгөрөгч сарын 18-ны өдөр гэмт этгээд хохирогчийн хоолойг өмсөж явсан цамцаар нь боож, амь насыг нь хөнөөгөөд, газарт булсан болох нь тогтоогдсон байна. Гэмт хэрэг үйлдсэн З гэх этгээд өмнө нь хулгайн хэргээр гурван удаа ял шийтгэл эдэлж байгаад суллагдсан нэгэн аж.

 

 

 

Сэтгэгдэл үлдээх

Please enter your comment!