“ХБИ, нийтийн тээврийн үйлчилгээ тулгамдсан асуудал” сэдвээр мэдээлэл хийлээ.

“Зорчигч тээврийн нэгтгэл” ОНӨААТҮГ-ын жолооч нарт Тээврийн цагдаагийн албанаас Замын хөдөлгөөний шинэчилсэн дүрмээр сургалт зохион байгууллаа. Сургалтанд 1 дүгээр баазын 249, 2 дугаар баазын 176 нийт 425 жолооч хамрагдсан. Сургалтын үеэр Хараагүйчүүдийн нийгэмлэгийн сургалтын төвийн захирал М.Ганзориг, менежер Н.Туул нар “Хөгжлийн бэрхшээлтэй иргэд, нийтийн тээврийн үйлчилгээ, тулгамдсан асуудал” сэдвээр мэдээлэл хийсэн юм.

Хөгжлийн бэрхшээлтэй иргэд нийтийн тээврээр үйлчлүүлэхэд автобусны шат өндөр, буудал зарлах төхөөрөмж бүх автобусанд жигд ажилладаггүй, хурдан бууж, сууж чадахгүй уддаг зэрэг олон бэрхшээл бий. Тиймээс нийтийн тээврээр зорчиж буй хүн бүр хөгжлийн бэрхшээлтэй иргэдэд хүлээцтэй, хүндэтгэлтэй хандах хэрэгтэй. Өндөр хөгжилтэй орнуудад автобусанд ормогц тухайн автобус хаанаас хаана хүрэхийг үндсэн буудлуудыг оролцуулан зарладаг. Ингэснээр ХБИ-ийг өөр чиглэлд зорчихоос хамгаалж чаддаг. Мөн зориулалтын шат хийж, буудлыг байнга зарладаг зэрэг олон давуу тал бий. Цаашид Хараагүйчүүдийн нийгэмлэгээс ХБИ-дэд учирч буй хүндрэлийг шийдэхийн төлөө ажиллах болно. Та бүхнийг хамтран ажиллана гэдэгт итгэлтэй байна гэсэн юм.

Сэтгэгдэл үлдээх

Please enter your comment!