Дөрвөн улирал дамнан өрнөсөн Солонгос залуусын сонирхолтой түүх I cinema-д үргэлжилнэ

0
76

Хоёр хоног Солонгос Монголын үндэсний хувцасаар гангарч, дуу хөгжмөөр нь аялсан. Хоёр орны иргэдийг улам илүү ойртуулж, нөхөрлүүлэх, түүх соёлоо нэгэндээ танин мэдүүлдэг уламжлалтай “Солонгосын долоон хоног 2018” үргэлжилж байна. “Солонгосын долоо хоног 2018” арга хэмжээнд Солонгосын үндэсний урлагийн концерт, Солонгос хоолны фестиваль, Солонгос киноны өдөрлөг, Таэквондогийн тэмцээн, Гоо даамны олон улсын тэмцээн, Солонгос дууны тэмцээн болсон бол маргааш, нөгөөдөр буюу энэ сарын 18, 19-нд Дөрвөн улирал дамнан өрнөсөн Солонгос залуусын сонирхолтой түүхийг өгүүлсэн “Little Forest”,  Ханс Христиан Андерсены “Цасан хатан” зохиолоос сэдэвлэсэн “Кай Мөсөн нуурын домог” хүүхэлдэйн киногоор үргэлжилнэ. Уг киног 17:00, 19:00 цагаас Улсын их дэлгүүрийн 5 давхарт байрладаг I-Cinema кино театрт очиж үзэх боломжтой юм. Харин  “Элчин сайдын нэрэмжит 6 дахь удаагийн таэквондогийн тэмцээн” энэ сарын 24, 25-нд Спортын төв ордонд болох юм байна.

Дээрх арга хэмжээний үеэр Солонгосын соёлтой танилцахын зэрэгцээ тус улсад зорчих хоёр талын тийз сугалаагаар хожих боломж бас бий юм.

Монгол Улс БНСУ-тай 1990 онд дипломат харилцаа тогтоож, эртнээс найрсаг харилцаатай, олон улсын түвшинд ч бие биенээ харилцах дэмжиж ирсэн уламжлалтай. Улаанбаатар, Сөүл хотууд анх 1995 онд ах дүүгийн найрсаг харилцаа тогтоосон. Үүнээс хойш өдгөө 23 жил өнгөрч байна. Энэ хугацаанд хотууд харилцаа хамтын ажиллагааг нийгэм, эдийн засгийн бүх л салбарт өргөжүүлэн хөгжүүлсээр ирсэнийг хотын дарга нээлтийн үеэр онцолж байсан.

Хоёр орны иргэд харилцан зорчих явдал жилээс жилд нэмэгдэж байгаа бөгөөд энэ хэрээр Солонгос улсын хэл, соёлыг сонирхон судлах залуус ч олшрох болсон билээ.

Сэтгэгдэл үлдээх

Please enter your comment!