Шатахууны үнийн нэмэгдэл & Х.Хэрлэн даргын өгсөлт

0
77

Шатахууны үнэ 19.6 хувиар өсөв. Үнэндээ У.Хүрэлсүх Засгийн эрхэнд гарснаас хойш шатахууны үнэ зүсэм зүсмээр нэмэгдэх болсон. Нефть импортлогчид үгсэн хуйвалдаж шатахууны үнийг нэмэгдүүлсэн болохыг Шударга өрсөлдөөн хэрэглэгчийн төлөө газраас мэдэгдэж, энэ дагуу арга хэмжээ авахаа илэрхийлсэн юм. Торгууль тавихаас цаашгүй эл “компани” мянга хашгираад нэмэргүй. Шийдвэр гаргах түвшний эрхмүүд нь амаа үдэж, нүдээ тагласан юм хойно.

Нефть импортлогчид төрийг шатаажилж үнээ нэмэгдүүлж байна, хувийн хэвшилд нөлөөлж чадахгүй байна хэмээн суух төрийн түшээдийг хараад үнэндээ л өрөвдмөөр. Тэдний нэг нь Ашигт малтмал, газрын тосны газрын дарга Х.Хэрлэн. Ахын хайраар албан тушаалд тухалсан эл эрхмийг шатахуун импортлогчидтой хэлэлцээрийн ширээний ард суухыг харж суух нь эмгэнэл ч юм шиг.

“Кадастр”-ын Хэрлэн гэдгээрээ хэдийнэ салбарынхандаа танигдсан тэрбээр АМХЭГ-ын Кадастрын албаны даргаар байгуулагдсанаас нь хойш ажиллаж, газрынхаа орлогч болтлоо дэвшсэн намтартай нэгэн. Энэ намтрыг уншсан хэн бүхэн арвин туршлагатай гэж харахаар. Гэвч мань хүний талаар сайн гэхээсээ саар мэдээлэл дэндүү их. Тэр бүү хэл, Лу.Болд АМГТХЭГ-ын даргаар томилогдон очиж, түүнийг албан тушаалаа өгөхөд салбарынхан нь баярлаж байсан гэдэг.

Мань эр дээрх албан тушаалыг хашиж байхдаа лицензийн наймааг жинхэнэ утгаар нь цэцэглүүлж, хөлжсөн гэлцэх нь бий. Ямартаа “Кадастр”-ын гэх тодотголтой болтлоо гаршсан байхав. Үнэндээ тэрбээр Геологи, уул уурхайн кадастрын хэлтсийн даргын албан тушаалыг хашиж байхдаа төрийн мэдлийн Шивээ-Овоогийн лицензийг 2004 оны арванхоёрдугаар сарын 10-23-ны хооронд У.Хүрэлцоож захиралтай “Шинэ шивээ” компанид шилжүүлсэн байдаг. Улмаар нөхөр энэ үеэс эхлэн “Шинэ шивээ” ХХК-д хувь эзэмшдэг болсон гэлцдэг.

Мэдээж олонд танигдатлаа лицензтэй зууралдсан түүнийг анх 2005 оны наймдугаар сараас эхлэн Улсын мөрдөн байцаах газарт эрүүгийн хэрэг үүсгэн шалгасан.

Үргэлжлэлийг

Сэтгэгдэл үлдээх

Please enter your comment!