Дөрвөн хадгаламж зээлийн хоршооны тусгай зөвшөөрлийн хугацааг сунгалаа

Санхүүгийн зохицуулах хорооны ээлжит 13 дугаар хуралдаан өнөөдөр болж хуулийн этгээдүүдийн бизнесийн үйл ажиллагаатай нь холбоотой ажлуудыг шуурхай шийдвэрлэх зорилгоор нийт 33 асуудлыг хэлэлцэж шийдвэрлэлээ.

Дөрвөн хадгаламж зээлийн хоршооны хадгаламж, зээлийн үйл ажиллагаа эрхлэх тусгай зөвшөөрлийн хугацааг сунгаж, долоон  компанид үл хөдлөх эд хөрөнгө зуучлалын байгууллагын үйл ажиллагаа эрхлэх тусгай зөвшөөрөл олгохоор болжээ

Үүнд, хоёр компанид үнэт цаасны бүртгэлд нь болон хувьцаа эзэмшигчдийн бүтэц, бүрэлдэхүүнд нь өөрчлөлт оруулахыг зөвшөөрлөө. Түүнчлэн гурван компанид даатгалын төлөөлөгчийн үйл ажиллагаа эрхлэх, хоёр компанид банк бус санхүүгийн итгэлцлийн үйлчилгээ эрхлэх, гурван компанид банк бус санхүүгийн богино хугацаат санхүүгийн хэрэгсэлд хөрөнгө оруулалт хийх үйл ажиллагаа эрхлэх тусгай зөвшөөрлийг нэмж олгохоор тус тус шийдвэрлэлээ. Мөн нэр бүхий гурван компанид банк бус санхүүгийн төлбөрийн баталгаа гаргах, банк бус санхүүгийн итгэлцлийн үйлчилгээ эрхлэх тусгай зөвшөөрлийг нэмж олгох, хаалттай өрийн бичгийг нь бүртгэхээр шийдвэрлэв.

Хуралдаанаар мөн дөрвөн хадгаламж зээлийн хоршооны хадгаламж, зээлийн үйл ажиллагаа эрхлэх тусгай зөвшөөрлийн хугацааг сунгаж, долоон  компанид үл хөдлөх эд хөрөнгө зуучлалын байгууллагын үйл ажиллагаа эрхлэх, дөрвөн иргэнд үнэт металл, үнэт чулууны арилжаа эрхлэгчийн үйл ажиллагаа эрхлэх тусгай зөвшөөрөл олгохоор тус тус шийдвэрлэсэн юм.

Эх сурвалж: Санхүүгийн зохицуулах хороо