М.Оюунчимэг: Оюутолгойд 14 мянган хүн ажиллаж байгаа гэсэн хэрнээ үндсэн ажилтан, гэрээт ажилтан гэдэг нь ч тодорхойгүй

0
114

УИХ-ын даргын захирамжаар энэ оны гуравдугаар сарын 23-нд байгуулагдсан “Оюутолгойн ордыг ашиглах хөрөнгө оруулалтын гэрээний хэрэгжилтийг шалгаж санал, дүгнэлт гаргах” үүрэг бүхий Ажлын хэсгийнхэн мэдээлэл хийсэн.

Энэ үеэр ажлын хэсгийн гишүүн М.Оюунчимэг “Оюутолгойд 14 мянган хүн ажиллаж байгаа гэсэн хэрнээ үндсэн ажилтан, гэрээт ажилтан гэдэг нь ч тодорхойгүй байна. Мөн цалингийн хувьд ч маш их зөрүүтэй байгаа. Цалингийн мэдээлэл нууцлалын зэрэгтэй байдаг учраас мэдээлэл өгөөгүй. Ажлын хэсгийн ахлагч энэ талаарх мэдээллийг ажлын хэсэгт өгөх шаардлагатай гэдгийг хэлсэн. Үндсэн ажилтан нь хэд вэ гэдгээ тодорхой болгох хэрэгтэй. Мөн 10 жил болж байхад ажилчид нь гэрт амьдарч байна. Арваннэгдүгээр сараас гэрт амьдруулахгүй гэдгийг компанийн зүгээс хэлсэн. Хоёр орон сууц барьж байгаа юм байна лээ. Анхны гэрээн дээрээ л эрчим хүчээр 100 хувь дотоодоосоо хангана гэж тусгасан хэрнээ одоо болтол хаана барихаа ч шийдэж чадаагүй байна. Манай улс өөрөө нэгдсэн бодлого байхгүйгээс ийм байдалд хүргэж байна” хэмээн хэлсэн юм.

Сэтгэгдэл үлдээх

Please enter your comment!