5 C
Ulaanbaatar, MN
Saturday, September 22, 2018
Home Нийтлэл ГЭР БҮЛ САЛАЛТЫН ХОХИРОГЧ НЬ ХҮҮХЭД БАЙДАГ

ГЭР БҮЛ САЛАЛТЫН ХОХИРОГЧ НЬ ХҮҮХЭД БАЙДАГ

0
71
Сүүлийн жилүүдэд манай улсад гэр бүл салалт эрс ихсэх хандлагатай болжээ. Тухайлбал, 2016 онд 8200 гэр бүл шинээр бүртгүүлсэн бол тэдний 20 хувь буюу 1640 салсан гэсэн тоо баримт байна. Харин өнгөрөгч онд энэ тоо хоёр дахин өсч өдөрт дунджаар 10 гэр бүл гэрлэлтээ цуцлуулж байна гэсэн судалгаа гарчээ. Гэр бүл салалтын хамгийн хүндийг хүүхэд үүрдэг байна. Тэдний 40 хувь нь сэтгэл зүйн гүн хямралд ордог бол 34 хувийнх нь хүмүүжилд сөргөөр нөлөөлж, 13 хувь нь тэнэмэл, 13 хувь нь гэмт хэрэгт холбогджээ.
Тэгвэл олон улсад гэр бүл салалтын талаарх сэтгэлзүйчдийн гол зөвлөгөө бол аливаа асуудал тулгарахад эрт үе дээр нь шийдвэрлэх явдал юм. Хэтэрхий оройтохоос нь өмнө болохгүй, бүтэхгүй байгаа асуудлуудаа хуваалцан, харилцан ойлголцох нь чухал гэж гэр бүл судлаачид үздэг байна. Хоорондоо аль болох буулт хийж сурч, аливаа зүйлсийг хамтдаа хийснээр дотно харилцаа үүсгэдэг гэжээ.

Харин гэр бүл салалтыг судлах тал дээр социологичид голлон хоёр арга хэрэглэдэг байна. Янз янзын ааш авиртай, салах болсон шалтгаануудтай хосуудад ажиглалт хийн дүгнэлт гаргах, эсвэл тэднээс асуулт асуух замаар салалтын шалтгааныг илрүүлдэг аж.

Жишээлбэл, Сэтгэл судлаачид гэр бүл салалтын шалтгаануудыг судалсан хэд хэдэн нийтлэлийг гаргажээ.

Араар тавилт

гэр бүлээ араар тавилт зурган илэрцүүд

Хэн нэг нь араар тавьсныг мэдээд барьцах зорилгоор өөрөө ч араар нь тавиад цаашид нэг нэгэндээ итгэхээ больдог. Ингэснээр алсдаа бие биеэсээ юм нуух, сэтгэл санаагаар унах зэрэг асуудлууд ар араасаа ундардаг байна. Гэвч үүнийг гэр бүлийн сэтгэл зүйч хэлэхдээ хэдий тэрхэн үедээ маш хүнд хэцүү мэт санагдах ч, зарим хүмүүс өөрөөр хандан өмнө нь  байгаагүй дотно харилцааг үүсгэх тохиолдол ч байдаг. Иймд, миний хайр халамж дутсанаас болоод араар тавьлаа гэж үзээд эсрэгээрээ улам анхаарал тавьж, харилцаагаа авч үлдэхийг хичээгээрэй.

Архинд орох

архи зурган илэрцүүд

Хосуудын хэн нэг нь  архи, мансууруулах бодист ороход л бүхнийг эцэслэх гэж улайрах томоохон шалтгаануудын нэг болж байна. Энэ нь нөгөө л итгэлцэл байхгүй, харилцан ярилцаж чаддаггүйтэй холбоотой юм. Ийм үед хамтрагчаа хорт зуршлаас гарах эмчилгээнд хамруулах, сэтгэл санаагаар дэмжих зэргээр найрсаг харилцааг бий болгохыг зөвлөжээ.

Үүргээ умартах

гэр бүлээсээ хөндийрөх зурган илэрцүүд

Ихэнх хосууд гэрлэснийхээ дараа найз нөхөд, амьдралын хэв маягаа алдах тохиолдол гардаг. Мөн бага насны хүүхэдтэй бол тэд хосууд байснаа ч мартахад хүрдэг бөгөөд хүүхдүүд нь том болж, асаргаа бага шаардагдах үед аль хэдий нь нэг нэгнээсээ хөндийрсөн байдаг ажээ. Энэ үед л хосууд харилцан ярилцаж бие биедээ тавих анхаарал халамжаа сайжруулах хэрэгтэй гэжээ.

Хэт их маргах

Холбоотой Зураг

Бүх л хосууд маргадаг. Үүнийг даван туулах гол түлхүүр бол харилцан дүрэм тогтоон бие биенээ хүндлэн аль болох ойлгохыг хичээж, сонсох явдал юм.

Хөндийрөх

эхнэр нөхөр хөндийрөх зурган илэрцүүд

Хэрэв зөвхөн араар тавилтыг гэр бүл салалтын шалтгаан гэж үздэг бол та эндүүрч байна. YourTango гэх хайр болон хосуудын харилцаанд зөвлөгөө өгдөг сайтын 100 гаруй мэргэжилтнүүдээс судалгаа авахад харилцан ярилцаж, ойлголцдоггүй хосууд салах магадлал хамгийн өндөр гэж тус мэргэжилтнүүд дуу нэгтэйгээр дүгнэжээ.

Хосууд гэр бүл болсныхоо дараагаас бэлгийн харилцаа төдийгүй хөтлөлцөх, үнсэх зэрэг наад захын дотно харилцаа багасч улмаар хөндийрдөг байна. Иймд хэзээд нэг нэгнээ хайр энэрлээр бүү дутаагаарай.

Санхүүгийн асуудал

мөнгө зурган илэрцүүд

Мөнгөгүй болох, үүнээс үүдсэн хэрүүл маргаан хосуудын салалтын гол шалтгаан гэвэл яг биш юм байна. Харин мөнгө зарцуулах арга барил нь таараагүй хосууд илүү салдаг гэж гэр бүлийн сэтгэл судлаачид үздэг байна. Тухайн хүнийхээ мөнгөтэй хэрхэн харьцдаг, өртэй эсэх зэргийг сайтар мэдсэний дараа гэрлэхийг тэд зөвлөж байна. Мөн гэр бүл болсныхоо дараа хамтын хадгаламжтай болох, орлого зарлагаа хамтдаа шийдэх зэргээр найрсаг харилцааг бий болгохыг гэр бүлийн мэргэжилтэн зөвлөжээ.

Хадмуудын нөлөөлөл

хадам ээж зурган илэрцүүд

Судалгаанд оролцогчдын 12.5 хувь нь дээрх шалтгааны улмаас гэр бүлээ цуцлуулсан байна. Учир нь аав, ээж, ах дүүс нь хэтэрхий амьдралд нь оролцож, эхнэр нөхрийг нь үл хүндэтгэж гал дээр тос нэмдэг байсан хэмээн хэлжээ. Харин гэр бүл судлаачид хэлэхдээ, бүхий л зовлон жаргалаа хамтдаа туулж насан турш хамт байх хүн бол хань чинь учраас өөр бусдын үгэнд автахгүй харилцан ойлголцохыг хичээх хэрэгтэй хэмээн зөвлөсөн байна.

 

Сэтгэгдэл үлдээх

Please enter your comment!