fbpx

Дэлхий - Page 39

БНСУ дахь монголчуудын АНХААРАЛД!

БНСУ-д корона вируст халдварын дэгдэлт эрчимтэй явагдаж байгаагаас суугаа орны Засгийн газар 2020.12.23-ны 00.00 цагаас 2021.01.03-ны өдрийг хүртэл Сөүл хот, Инчон хот болон Кёнги мужийн нутаг дэвсгэрт 5 дээш хүний бөөгнөрөл бий

Коронавирусний шинэ хувилбар БНСУ-д бүртгэгджээ

Их Британид илүү хурдан халдварладаг “COVID-19”-ийн шинэ хувилбар 12 дугаар дундуур илэрсэн. Тэгвэл тус улсаас 12 дугаар сарын 22-нд БНСУ-д ирсэн гурван хүнээс хувьссан вирус илэрлээ хэмээн БНСУ-ын Өвчинд  хянал тавих, урьдчилсан сэргийлэх төв (KDCA) мэдээлжээ. Тэд Лондонд амьдардаг бөгөөд

Бүс нутгийн эдийн засгийн иж бүрэн түншлэлийн хэлэлцээрт 15 улс орон гарын үсэг зурлаа

Бүс нутгийн эдийн засгийн иж бүрэн түншлэлийн /RCEP/ хэлэлцээрт өнөөдөр 15 улс орны төлөөлөгчид гарын үсэг зурснаар дэлхийн чөлөөт худалдааны хамгийн том нэгдлийг байгуулж байна. Зүүн Өмнөд Азийн орнуудын холбооны /АСЕАН/ 10 гишүүн болон БНХАУ, Япон, БНСУ, Австрали, Шинэ Зеланд уг хэлэлцээрт нэгджээ.

“Энэхүү хэлэлцээр нь АСЕАН-ы эдийн засгийн хамтын нийгэмлэгийн бүтээн байгуулалтыг түргэтгэж, АСЕАН-ы хамтын хөгжил цэцэглэлтийн төлөөх хамтын ажиллагааг хөгжүүлэхэд хувь нэмрээ оруулна” гэж Вьетнамын Ерөнхий сайд Нгуен Суан Фук цахимаар зохион байгуулсан гарын үсэг зурах ёслолын үеэр мэдэгдсэн байна.

Бүс нутгийн эдийн засгийн иж бүрэн түншлэлд нэгдсэн 15 орон нь дэлхийн хүн ам, дэлхийн дотоодын нийт бүтээгдэхүүн, дэлхийн худалдааны 30 орчим хувийг хамран бүрдүүлж байна. 2012 оны 11 дүгээр сараас эхлэн 30 гаруй үе шатны хэлэлцээ явуулж, төр, засгийн тэргүүн нарын олон тооны уулзалтыг хийсний дүнд уг баримт бичгийг ийнхүү байгуулжээ.

АСЕАН-ы 37 дахь дээд хэмжээний уулзалт энэ долоо хоногийн пүрэв гаргаас ням гарагт цахимаар үргэлжилж байгаа юм. 1967 онд байгуулагдсан АСЕАН-ы бүрэлдэхүүнд Бруней, Камбож, Индонез, Лаос, Малайз, Мьянмар, Филиппин, Сингапур, Тайланд, Вьетнам багтдаг бөгөөд тус холбоог 2020 онд Вьетнам даргалж байгаа билээ. 

Эх сурвалж: Монцамэ

Египтэд 2500 жилийн түүхтэй олон тооны авсыг нийтэд үзүүлэв

Египет Бямба гарагт 2500 жилийн түүхтэй 100 гаруй авсыг нийтэд үзүүлжээ. Энэ нь Саккара Некрополисийн уудам булшнаас энэ жилийн хамгийн сүүлийн бөгөөд хамгийн том олдвор юм байна. Эртний дээд дээд зөвлөлийн ерөнхий нарийн бичгийн дарга Мостафа Вазири хэлэхдээ, “26-р гүрний үеийн авсыг битүүмжилсэн, нарийн будгаар будаж, сайн хадгалсан байсан нь урьд өмнө олдсон олдворуудаас илүү өндөр чанартай байсан. Эдгээрийг дээд зэрэглэлийн гэр бүлд харьяалагддаг гэж үзэж байна” гэлээ.

Шинээр нээгдсэн авсууд, түүнтэй холбоотой мумми, олдворууд ирэх жил нээлтээ хийхээр төлөвлөж буй Их Египетийн музейд тавигдах юм байна.

Д.Трампыг дэмжигчид Вашингтонд жагсжээ

АНУ-ын Ерөнхийлөгч Дональд Трампыг дэмжиж буй олон арван мянган хүн нийслэл Вашингтон хотод бямба гарагт жагсжээ. Тэд сонгууль будлиантай болсон гэх Д.Трампыг батлагдаагүй мэдэгдлийг давтан хэлж, түүнийг автомашинтай хажуугаар нь өнгөрөх үеэр дэмжиж байгаагаа илэрхийлсэн байна.

АНУ-ын ерөнхийлөгчийн сонгуульд Ардчилсан намаас нэр дэвшигч Жо Байден сонгуульд ялалт байгуулахад шаардлагатай саналыг тоог авснаас хойш нэг долоо хоногийн хугацаа өнгөрөөд буй энэ үед Бүгд найрамдах намаас нэр дэвшигч Д.Трамп сонгуулийн дүнг хүлээн зөвшөөрөхөөс татгалзаж, хэд хэдэн зарга мэдүүлсэн юм. Харин Америк даяарх сонгуулийн ажилтнууд сонгууль будлиантай болсныг батлах нотолгоо байхгүй байгааг мэдэгджээ.

Жагсагчид АНУ-ын төрийн далбааг барин “Сонгуулийг будлиантуулахаа зогсоо” хэмээн хашхирч, Цагаан ордны ойролцоох “Freedom” плазагаас Дээд шүүхийн байр хүртэл жагссан байна. Д.Трамп Виржиниа муж улс дахь гольфын талбай руугаа явах замдаа жагсагчдын хажуугаар өнгөрчээ. Тэд Ерөнхийлөгчөө хараад маш их баярласан бөгөөд “Америкийг дахин агуу гүрэн болгоё” хэмээх уриа бүхий малгайгаа өмссөн Д.Трамп ерөнхийлөгчийн лимузинээсээ жагсагчид руу далласан байна. 

Эх сурвалж: Монцамэ

Лондон дахь Шерлок Холмсын байрыг Н.Назарбаевын охин эзэмшдэг

-Назарбаевын гэр бүл Бейкер-стритэд хэд хэдэн байр эзэмшдэг байна-  

Анх SourceMaterial сайт дээр гарсан мэдээллийг The Times саяхан хэвлэжээ. Артур Конан Дойлын зохиолын баатар  Шерлок Холмсын амьдардаг байр нь Бейкер-стрит 221b гэж зохиолд нь гардаг. Яг ийм хаягтай байр Лондонд байдаг бөгөөд энэ байрыг ямар хүн эзэмшдэг болохыг олон жил хайсны эцэст тогтоожээ.  Зарим нэг бичиг баримт алдагдсанаар энэ байшин Дарига Назарбаев, түүний хүү Нурали Алиев нар эзэмшдэг гэдэг нь мэдэгджээ. Байрны ихэнх нь буюу 90% нь Нурсултан Назарбаевын охиных юм байна. SourceMaterial мөн Назарбаевын гэр бүл Бейкер стритэд нийт 140 сая фунт стерлингийн үнэтэй өөр хэд хэдэн байртай байна. 

Үл хөдлөх хөрөнгө нь мэдээж, Дарига Назарбаевын нэр дээр биш Farmont Baker Street Limited компанийн нэр дээр байдаг ба тэрээр 2005 онд уг байшинг худалдаж авчээ. Дарига Назарбаев, Нурали Алиев нарын талаар Британийн хэвлэл анх удаа бичиж байгаа биш юм. Урьд нь “Гарал үүсэл нь тодорхойгүй орлоготой” хэмээн тэдний үл хөдлөх хөрөнгүүдийг царцааж байсан. Тэд өөрсдийн хөдөлмөрөөр үл хөдлөх хөрөнгө авсан гэдгээ шүүгчид нотолсноор хөрөнгөө буцаан авч байжээ. 

Эх сурвалж: www.tatler.ru

Европын орнууд зул сарын төлөвлөгөө гаргахад эрт байгааг анхааруулжээ

Европ даяар коронавирусний халдварын тохиолдлын тоо нэмэгдэж байгаатай холбоотойгоор зул сарын баярын аяллаа төлөвлөхөд эрт байгааг тус тивийн олон орон ард иргэддээ анхааруулжээ.

Шведэд зул сарын баярын үеэр зорчих хөдөлгөөний хязгаарлалт тогтоож магадгүй тул бэлтгэлтэй байхыг иргэддээ уриалжээ. Харин Ирланд, Францын эрх баригчдын хувьд аяллын төлөвлөгөө гаргах боломжтой эсэхийг тун удахгүй зарлана гэж мэдэгдсэн байна.

Зул сарын баярын улирал эхлэхэд зургаан долоо хоногийн хугацаа үлдээд буй энэ үед Европын хэд хэдэн оронд хөл хорио тогтоож, хязгаарлалтын хатуу арга хэмжээнүүдийг авч хэрэгжүүлээд байгаа юм. 

Португалд шөнийн цагаар хөл хорих газруудыг өргөтгөх шийдвэр гарсан бөгөөд даваа гаргаас тус улсын хүн амын дөрөвний гурав нь хатуу хязгаарлалтуудыг мөрдөх шаардлагатай болно.

Шведийн халдварт өвчин судлаач Андерс Тегнеллийн хэлснээр, эмнэлгийн ачаалал хэтрэхээс сэргийлэхийн тулд зул сарын баярын үеэр зорчих хөдөлгөөний хязгаарлалт тогтоож магадгүй байгаа ажээ. 

Мөн Ирландын Ерөнхий сайд Лео Варадкар хилийн чанадад байгаа иргэддээ нутаг буцах тийз одоогоор захиалахгүй байхыг зөвлөөд, энэ талаарх мэдэгдлийг тун удахгүй гаргана гэж мэдэгдсэн байна.

Францын Ерөнхий сайд Жан Кастексийн хувьд дээрхтэй төстэй мэдэгдлийг хийгээд, зул сарын баярын үеэр иргэд галт тэрэгний тасалбар худалдан авах боломжтой эсэхийг хэлэхэд эрт байна гэж мэдээлжээ. 

Эх сурвалж: Монцамэ

Жо Байден НҮБ-ын төлөөлөгчөөр Хиллари Клинтоныг томилж магадгүй

АНУ-ын Ерөнхийлөгчийн сонгуульд ялж, ирэх оны эхээр тангаргаа өргөх Жо Байден нь  НҮБ-д суух АНУ-ын Байнгын төлөөлөгчөөр Хиллари Клинтоныг томилж магадгүй тухай “Вашингтон пост” мэдээлсэн байна. Ерөнхийлөгчийн засаг захиргаанд энэ нь чухал албан тушаал гэдгийг энэхүү томилгоогоор тодруулан харуулах зорилготойтоор ийм томилгоо хийгдэж болзошгүйг хэвлэлийн мэдээнд онцолжээ. 

Үслэг эдлэлийн фермүүдийг хаах гэнэ

/

Ковид-19 цар тахалтай холбоотойгоор дэлхийн хамгийн том усны булгын үслэг эдлэлийн дуудлага худалдааг зогсоожээ. Өөрөөр хэлбэл, дэлхийн хамгийн том үслэг эдлэлийн дуудлага худалдааны төв болох Kopenhagen Fur ойрын хэдэн жилийн дотор хаагдах нь.

Европын Өвчнөөс Урьдчилан сэргийлэх, хянах төвөөс усны булга зэрэгт үүссэн вирусийн хувьсал нь COVID-19-ийн оношлогоо, эмчилгээ, вакцины хөгжилд нөлөөлж болзошгүй тул хүний ​​ирээдүйн вакцины үр нөлөөг бууруулж болзошгүйг онцлов.

Өнгөрсөн долоо хоногт Дани улс коронавирусийн тархалттай холбоотойгоор бүх усны булга буюу 17 сая хүртэл амьтдыг устгахаар шийджээ. Олон Улсын Humane Society байгууллагын Европ дахь Олон нийттэй харилцах албаны ахлах захирал, доктор Жоанна Свабе хэлсэн үгэндээ Европын Өвчнөөс Урьдчилан сэргийлэх, Хяналтын Төв нь үслэг эдлэлийн фермүүдэд COVID-19 мутацийг дэмжих чадвартай, цаашлаад анагаах ухааны дэвшилд сөргөөр нөлөөлөх үйлдвэрүүдийг хаах талаар цохон тэмдэглэжээ.

ТӨВ АЗИЙН ХЭВЛЭЛ МЭДЭЭЛЛИЙН ХУРАЛД ХМЗ ОРОЛЦЖЭЭ

/

2020 оны 10 дугаар сарын 7-9-ний өдрүүдэд Төв Азийн хэвлэл мэдээллийн 22-р бага хурал цахимаар болж өнгөрсөн. Европын Аюулгүй байдал, хамтын ажиллагааны нийгэмлэгээс зохион байгуулдаг тус бага хуралд ХМЗ-ийн Гүйцэтгэх захирал Г.Гүнжидмаа оролцож, “Цар тахлын үеийн Монголын хэвлэл мэдээллийн байдал” сэдвийн хүрээнд илтгэл танилцуулжээ. Тэрээр илтгэлдээ хэвлэл мэдээллийн эрх зүйн зохицуулалтын эерэг болон сөрөг нөлөө, хэвлэл мэдээллийн өөрийн зохицуулалтын ашиг тус болон сайн туршлагууд, цар тахлын үеийн хэвлэлийн эрх чөлөөнд тулгамдаж буй асуудлуудын талаар танилцуулж, санал бодлоо хуваалцсан байна. 

Энэ удаагийн бага хурал нь “Төв Азид хэвлэл мэдээллийн олон янз байдал ба олон ургальч үзлийг бэхжүүлэх нь” сэдвийн хүрээнд болсон бөгөөд Казакстан, Узбекстан, Тажикстан, Киргизстан, Туркменистан болон Монгол гэсэн зургаан орны хэвлэл мэдээлэл, иргэний нийгмийн 100 орчим төлөөлөл хамрагджээ.

Илтгэлийн эхийг эндээс үзнэ үү – //resource4.sodonsolution.org/mediacouncil/File/2020/11/04/hqs8g3eoz5b2ikrg/Mongolian Media Situation in times of Pandemic_FINAL.pdf

“Super Bowl-2021”-д “The Weeknd” оролцоно

/

Америкийн үндэсний хөл бөмбөгийн лигийн /NFL/ аварга шалгаруулах “Super Bowl-2021” тэмцээний үеэр Канадын дуучин “Weeknd” уран бүтээлээ толилуулахаар болжээ.

“Бид бүгд “Super Bowl” тэмцээний дундуур дэлхийн хамгийн алдартай уран бүтээлчдийн үзүүлбэрийг үзэж өссөн. Энэхүү нэр хүндтэй тайзан дээр гарах болсондоо маш их баяртай байна” гэж “Weeknd” хэлжээ.

Өдгөө 30 настай “Weeknd” нь “Grammy” наадмаас гурван шагнал хүртэж байсан бөгөөд түүний сүүлд гаргасан “After Hours” цомог шилдэг цомгуудын жагсаалтад бичигдэж, “Blinding Lights” дуу нь Америкийн шилдэг 100 дууны эхний тавд хамгийн удаан багтсан уран бүтээл болсон ажээ.

Дэлхийн хамгийн том тоглолтуудын нэгд тооцогддог энэхүү “Super Bowl”-ын завсарлагын тоглолт нь дэлхийн хөгжмийн салбарын хамгийн үнэ цэнтэй шоунд тооцогддог бөгөөд Майкл Жексон, “Prince”, Мадонна, Леди Гага, Бейонсе тэргүүтэй алдартнууд уран бүтээлээ толилуулж байсан юм. Харин 2020 оны “Super Bowl”-д Шакира, Женнифер Лопес нар үзүүлбэрээ толилуулж, 104 сая гаруй хүн үзсэн байна. Ирэх оны “Super Bowl” Флорида муж улсын “Raymond James” цэнгэлдэх хүрээлэнд хоёрдугаар сарын 7-нд болох юм.

“Большой театр” орлогынхоо тал орчим хувийг алджээ

/

Цар тахлын үеэр ОХУ-ын “Большой театр” орлогынхоо тал орчим хувийг буюу 1.2 тэрбум рублийн алдагдал хүлээсэн хэмээн тус театрын ерөнхий захирал Владимир Урин мэдэгдсэн байна.

Тэрбээр, “Бид 10 дугаар сарыг хүртэл орлогынхоо 50 орчим хувийг алджээ. Большой театр тасалбар борлуулалтаас 2 тэрбум 400 сая рублийн орлого олдог” гэжээ.

Үүнтэй холбоотойгоор Москва хотын орлогч дарга Наталья Сергунин эрх баригчид “Большой театр”-ын хүлээсэн алдагдлыг бүрэн нөхөхийг зорьж байгаа тухай сэтгүүлчдэд мэдэгдсэн байна.

Мэдээ орчуулах »