fbpx

Дэлхий - Page 3

БНСУ дахь монголчуудын АНХААРАЛД!

БНСУ-д корона вируст халдварын дэгдэлт эрчимтэй явагдаж байгаагаас суугаа орны Засгийн газар 2020.12.23-ны 00.00 цагаас 2021.01.03-ны өдрийг хүртэл Сөүл хот, Инчон хот болон Кёнги мужийн нутаг дэвсгэрт 5 дээш хүний бөөгнөрөл бий

Коронавирусний шинэ хувилбар БНСУ-д бүртгэгджээ

Их Британид илүү хурдан халдварладаг “COVID-19”-ийн шинэ хувилбар 12 дугаар дундуур илэрсэн. Тэгвэл тус улсаас 12 дугаар сарын 22-нд БНСУ-д ирсэн гурван хүнээс хувьссан вирус илэрлээ хэмээн БНСУ-ын Өвчинд  хянал тавих, урьдчилсан сэргийлэх төв (KDCA) мэдээлжээ. Тэд Лондонд амьдардаг бөгөөд

Их Британи улаан жагсаалтаасаа 47 орныг хасна

Их Британийн Засгийн газар энэ сарын 11-нээс эхлэн аялал жуулчлалын улаан жагсаалтаасаа 47 орныг хасахаар болжээ.

Ингэснээр тэдгээр орноос ирэх вакцинд хамрагдсан хүмүүст зочид буудалд тусгаарлагдах шаардлага тавихгүй бөгөөд зөвхөн хоёр хоногийн дотор өгсөн “PCR” шинжилгээний хариу шаардах аж.

Улаан жагсаалтаас хасах орнуудад Афганистан, Ангол, Аргентин, Боливи, Ботсвана, Бразил, Бурунди, Кабо-Верде, Чили, Бүгд Найрамдах Ардчилсан Конго Улс, Коста-Рика, Куба, Эритрей, Эсватини, Этиоп, Гүрж, Гайана, Индонез, Лесото, Малави, Майотт, Мексик, Монгол, Монтенегро, Мозамбик, Мьянмар, Намиби, Балба, Парагвай, Филиппин, Руанда, Сейшелийн арлууд, Сьерра-Леон, Сомали, Өмнөд Африк, Судан, Суринам, Танзани, Тайланд, Тринидад ба Тобаго, Тунис, Уганда, Уругвай, Замби, Зимбабве багтсан байна.

Харин Панам, Колумби, Венесуэл, Перу, Эквадор, Хаити, Доминикан зэрэг долоо орныг улаан жагсаалтад хэвээр үлдээхээр шийдвэрлэжээ. 

“Universal Studios” парк үйлчлүүлэгчдээс вакцины гэрчилгээ шаардана

АНУ-ын Лос-Анжелес хот дахь “Universal Studios” сэдэвчилсэн парк нь халдварын нөхцөл байдалтай холбогдуулан үйлчлүүлэгчдээс вакцины гэрчилгээ болон коронавирусний эсрэг шинжилгээний бичгийг пүрэв гаргаас эхлэн шаардаж эхэлсэн байна.

Тус хотын Нийгмийн эрүүл мэндийн газраас гаргасан тушаалын дагуу 12 ба түүнээс дээш насны бүх хүмүүс “Universal Studios” сэдэвчилсэн паркт нэвтрэхээсээ өмнө вакцинд бүрэн хамрагдсан байх эсвэл сүүлийн 72 цагийн дотор коронавирусний шинжилгээ хийлгэсэн байх шаардлагатай ажээ.

Уг сэдэвчилсэн парк нь жуулчдын хамгийн их очдог аялал жуулчлалын газруудын нэг юм. Үүний зэрэгцээ тус паркийн аюулгүй ажиллагааны удирдамжийн хүрээнд паркт зочлохдоо вакцин хийлгэсэн эсэхээс үл  хамааран аль ч үед амны хаалт зүүх шаардлагатай болохыг онцолжээ.

Холливудын “Universal Studios” сэдэвчилсэн парк нь цар тахлын нөхцөл байдлаас шалтгаалан 2019 оноос хойш жил гаруй хугацаанд үйл ажиллагаагаа зогсоогоод байсан бөгөөд энэ оны дөрөвдүгээр сараас эхлэн дахин нээгджээ.

 

VOA: АНУ-аас Монгол Улс руу 900 мянган тун “Pfizer” вакцин илгээнэ

АНУ-аас Монгол Улс руу илгээх “Pfizer” компанийн “COVID-19”-ийн 900 мянга орчим тун вакциныг тус улс лхагва гарагт хүлээн авах төлөвтэй байна гэж Цагаан ордны төлөөлөгч Америкийн дуу хоолой /VOA/ агентлагт мэдээлэв.

“Монголд аюулгүй, үр дүнтэй вакциныг шуурхай хүргэхийн тулд хоёр орны шинжлэх ухааны баг, хуулийн болон захиргааны байгууллагууд хамтран ажилласан” гэж уг төлөөлөгч хэлжээ.

“Gavi” вакцины холбоо, Дэлхийн эрүүл мэндийн байгууллага, Цар тахалтай тэмцэх инновацын эвслийн /CEPI/ хамтран санаачилсан “COVAX” хөтөлбөрийн шугамаар 833 730 тун вакциныг Монгол Улсад есдүгээр сард хандивласан “Pfizer”-ын 188 370 тун вакцин дээр нэмж илгээх ажээ. Мөн АНУ тус улсын цар тахалтай тэмцэх үйлсэд 4 сая гаруй ам.долларын дэмжлэг үзүүлээд байгаа юм.

Вакцин үйлдвэрлэгч БНХАУ, ОХУ-тай хил залгаа оршдог бага орлоготой орон болох Монгол Улс нь олон сая тун вакцин татан авсны дийлэнхийг Москва, Бээжинтэй байгуулсан гэрээний хүрээнд хүлээн авчээ. Монголын Эрүүл мэндийн яамны  мэдээллээр, улсын хэмжээнд “COVID-19”-ийн вакцины 4 389 409 тунг тариад байна. Нэг хүнд хоёр тунг хийх тооцоогоор энэ нь хүн амын 68 орчим хувьд хүрэлцэх юм.

Тийнхүү халдварын үзүүлэлтүүд буурч, өдөрт дунджаар 2230 тохиолдол шинээр илэрч байгаа нь есдүгээр сарын 6-нд бүртгэгдсэн хамгийн өндөр үзүүлэлтийн 60 хувьтай тэнцэж байна. Цар тахал дэгдсэнээс хойш улсын хэмжээнд халдварын 312 376 тохиолдол илэрч, 1347 хүн нас баржээ.  

Монгол Улсын Ерөнхий сайд Л.Оюун-Эрдэнэ “AstraZeneca/Oxford”-ын вакцины эхний тунг 2021 оны хоёрдугаар сарын 23-нд нийслэл Улаанбаатар хотын эмнэлэгт хийлгэж байна

Вакцины тэгш бус хүртээмж

Олон улсын хүмүүнлэгийн байгууллагууд вакцины тэгш бус хүртээмжийг зохицуулахын төлөө чинээлэг орнууд илүү их хүчин чармайлт гаргах хэрэгтэй гэж үзэж байна.

“Дэлхийн хэмжээнд вакцин хэрхэн хуваарилагдаад буйг авч үзвэл, чинээлэг орнуудад 80 хувь нь, бага орлоготой орнуудад ердөө 0.5 хувь нь ногдоод байна” гэж “Oxfam America” байгууллагын ахлах мэргэжилтэн Робби Сильверман хэлэв.

Дэлхийн зарим улс оронд эрсдэлтэй бүлгийн хүн ам нь ч эхний тунг хийлгээгүй байхад АНУ хүн амынхаа тодорхой бүлгүүдийг вакцины нэмэлт тунд хамруулахаар төлөвлөж буйгаа мэдэгдсэн нь шүүмжлэл дагуулсан юм.

Харин Ерөнхийлөгч Жо Байдены засаг захиргаа америкчуудын эрүүл мэндийг хамгаалахын сацуу дэлхий нийтийг вакцинжуулахад хувь нэмрээ оруулах бололцоотой гэдгээ мэдэгдсэн билээ.

“Ерөнхийлөгчийн хэлсэнчлэн Америк “COVID-19”-ийн эсрэг тэмцэлд вакцины сан байх болно” гэж Цагаан ордны төлөөлөгч “VOA”-д мягмар гарагт мэдээлжээ.

Ж.Байден есдүгээр сард НҮБ-ын Ерөнхий Ассамблейн чуулганы хүрээнд зохион байгуулсан “COVID-19”-ийн асуудлаарх цахим дээд хэмжээний уулзалтын үеэр “Pfizer”-ын 500 сая тун вакциныг бага, бага-дунд орлоготой орнуудад нэмж хандивлахаа мэдэгдсэнээр тус улсын амласан вакцины хандивын хэмжээ 1.1 тэрбумд хүрсэн юм.

АНУ амласан хийгээд нийлүүлсэн вакцины тунгийнхаа хэмжээгээр дэлхийд тэргүүлж буйг “Duke” их сургуулийн Дэлхийн эрүүл мэндийн инновацын төвийн тоон мэдээлэл харуулж байна.

Гэвч 10 дугаар сарын 1-ний өдрийн байдлаар АНУ хандивлахаар амласан 1.1 тэрбум тун вакциныхаа ердөө 15 хувийг нийлүүлжээ. Үүнийг БНХАУ /46 хувь/, Япон /30 хувь/, Европын Холбоо /25 хувь/ зэрэг АНУ-аас бага хандив амласан орнуудынхтай харьцуулахад хол хоцорч байна. 

Эх сурвалж: Монцамэ

“Super Bowl”-ын шоуны үеэр Др. Дре, Снуп Догг, Эминем нар уран бүтээлээ толилуулна

Ирэх онд болох Америкийн үндэсний хөлбөмбөгийн лигийн /NFL/ аварга шалгаруулах “Super Bowl” тэмцээний үеэр Др. Дре, Снуп Догг, Эминем нар уран бүтээлээ толилуулахаар болжээ.

Мөн Мэри Жей Блайж, Кендрик Ламар нарын оролцох энэхүү үзүүлбэр олон арван сая үзэгчийн анхаарлыг татах төлөвтэй байна.

“Гремми” хөгжмийн наадмаас нийт 43 шагнал хүртсэн, “Billboard”-ын 19 шилдэг цомог бүхий алдарт таван уран бүтээлч анх удаа хамтран үзүүлбэр үзүүлэх юм.

“Super Bowl”-ын энэ оны шоунд “Weeknd”, өнгөрсөн оны шоунд Шакира, Женнифер Лопез нар уран бүтээлээ толилуулсан бөгөөд 2020 оны тоглолтыг 104 сая хүн үзэж сонирхжээ.

Энэхүү тэмцээний завсарлагын тоглолт нь дэлхийн хөгжмийн салбарын хамгийн үнэ цэнтэй шоунд тооцогддог бөгөөд Майкл Жексон, “Prince”, Мадонна, Леди Гага, Бейонсе тэргүүтэй алдартнууд уран бүтээлээ толилуулж байсан юм. 

Ирэх оны “Super Bowl” Калифорни муж улсын “Raymond James” цэнгэлдэх хүрээлэнд хоёрдугаар сарын 13-нд болно.

Эх сурвалж: Монцамэ

“Бээжин 2022” олимпын тасалбарыг гадаад иргэдэд худалдаалахгүй

Бээжингийн өвлийн олимпын наадам 2022 оны хоёрдугаар сарын 4-20-нд болно. Энэхүү наадмыг гадаадын үзэгчгүй явуулна хэмээн зохион байгуулагчдын зүгээс мэдэгджээ.

Тэмцээний тасалбарыг зөвхөн эх газрын Хятадын иргэдэд л худалдаалах аж. Ингэснээр Хонконг, Макаогийн иргэд олимп үзэх боломжгүй болсон байна.

Гадаадын үзэгчгүй явагдах шалтгаан мэдээж дэлхийг хамарсан цар тахал. Харин ковидийн эсрэг авах арга хэмжээ, үзэгчдээс шаардах бичиг баримт, тасалбарыг яаж авах зэрэг асуудлыг зохион байгуулагчид удахгүй олон нийтэд мэдээлэх юм.

Kyodо: Ёкозүна Хакүхо зодог тайлахаар төлөвлөж байна

Японы мэргэжлийн сүмо бөхийн Ёкозүна, дээд зиндааны 45 башёд түрүүлсэн дээд амжилтын эзэн Хакүхо зодог тайлахаар төлөвлөж байна гэж уг мэдээлэлд ойр эх сурвалж өнөөдөр мэдээлжээ.

Өдгөө 36 настай Монгол гаралтай сүмоч баруун өвдөгний бэртлийн улмаас олон башёг өнжсөний эцэст зодог тайлах талаар эргэцүүлэх болсон гэж эх сурвалж мэдээлсэн байна.

Хакүхо бэртэл, “COVID-19” халдварын улмаас зургаан башё өнжсөний эцэст долоодугаар сарын Нагоя башёгийн дэвжээнээ дахин зодоглож, нэг ч уналгүйгээр 15 даван түрүүлсэн юм.

Гэвч Миягино дэвжээнд “COVID-19” халдварын олон тохиолдол илэрсэнтэй холбоотойгоор Хакүхо болон өөр 17 бөх саяхан өндөрлөсөн намрын тэмцээнийг өнжихөөс өөр аргагүйд хүрчээ.

Эртний түүхт спортын 69 дэх Ёкозүна Хакүхогийн Монгол нэрийг М.Даваажаргал гэдэг бөгөөд тэрбээр 2001 оны хавраас сүмогийн дэвжээнд зодоглож, 2006 оны тавдугаар сард дээд зиндааны анхны башёдоо түрүүлж байв.

Олон янзын довтлох арга барилтай гэдгээрээ алдаршсан 1.92 м өндөр, 155 кг жинтэй Хакүхо нь 2007 оны долоодугаар сард 22 нас, хоёр сартайдаа Ёкозүна цол хүртсэн юм.

Эх сурвалж: Монцамэ

Талибууд амлалтаасаа ухарвал хазарачууд зэвсэгт тэмцлээ үргэлжлүүлэхээр төлөвлөж байна

Хэрэв “Талибан” хөдөлгөөн амлалтаасаа ухарч, харгислал дарангуйллаа зогсоохгүй бол тэдний эсрэг зэвсэгт тэмцлээ үргэлжлүүлнэ гэж Афганистаны гол угсаатнуудын нэг болох Хазара үндэстний удирдагч, тус улсын дэд Ерөнхийлөгч асан Мохаммад Карим Халили мэдэгджээ.

“Өнөөдөр бид талибуудын байгуулсан сайд нарын түр танхимыг харлаа. Энэ үйл явцыг үргэлжлүүлэх нь улс төрийн бусад хүчин, угсаатны бүлгүүдын хувьд байж болшгүй зүйл юм” гэж Халили мэдэгдсэн байна. “Энэ байдлыг тажик, узбекүүд тэвчихгүй бөгөөд хазарачуудтай хамт тулааны талбар луу буцна гэдэгт эргэлзэхгүй байна” гэж тэрбээр хазарачууд талибуудын эсрэг зэвсэгт тэмцэлд нэгдэхэд бэлэн байгаа эсэх талаарх ТАСС-ын сурвалжлагчийн асуултад хариулахдаа хэлсэн байна.

Үүний зэрэгцээ тэрбээр засгийн эрхэнд гарсан “Талибан” хөдөлгөөн бүх ард түмэнд өөрсдийн хүслийг тулгахгүй байж, иргэний дайн гарахаас зайлсхийнэ гэж найдаж байгаагаа илэрхийлэв. “Талибууд 90-ээд оноос сургамж авч, олон улсын шахалтаар бүх талыг хамруулсан Засгийн газар байгуулж, мөн харгислал дарангуйллаасаа татгалзаж, ард түмэнд өөрсдийн хүслийг тулгахгүй гэж бид найдаж байна. Түүнчлэн Афганистаныг 90-ээд оных шиг иргэний дайны ангал руу оруулахгүй байх тал дээр бид урьдын адил хүчин чармайлт тавьсаар байна” гэж Халили хэлэв.

“Ард түмнийхээ амь нас, үндсэн эрхийг хамгаалах зэвсэгт тэмцлийн зам руу биднийг түлхэх хэрэггүй” гэж Хазара үндэстний удирдагч анхааруулжээ.

Түүний хэлснээр, Афганистанд үүсээд буй нөхцөл байдал нь зөвхөн дотоодын асуудлаар хэмжигдэхгүй бөгөөд дэлхий нийтэд аюул учруулна. “Ядуурал, дайн, хар тамхи, нэг талаас ард түмэн, олон улсын хамтын нийгэмлэгийн дэмжлэгтэй хууль ёсны засаглалын тогтолцоо байхгүй байгаа нь Афганистаныг дахин террорист бүлэглэлүүдийн үүр болох шалтгаан болохгүй гэж найдаж байна. Ингэвэл улс орныг устгаад зогсохгүй олон улсын аюулгүй байдалд аюул учруулна” гэж Халили хэлсэн байна.

Гани эх орноосоо дүрвэсэн тухайд

Афганистаны Ерөнхийлөгч асан Ашраф Ганигийн Засгийн газар тус улсын улс төрийн бүх хүчин, угсаатны бүлгүүдийн ашиг сонирхолд нийцсэн танхим байгуулах тухай “Талибан” хөдөлгөөний төлөөлөгчидтэй байгуулсан Үндэсний эвлэрлийн дээд зөвлөлийн хэлэлцээрийг нураасан гэж Халили хэлжээ.

“Ашраф Ганиг Ерөнхийлөгч байх хугацаанд бид “Талибан”-тай энх тайванч бодлого баримталж байсан. Би тайван замаар хэлэлцээ хийх арга замыг санаачлагчдын нэг байсан бөгөөд Үндэсний эвлэрлийн дээд зөвлөлөөс энэ санаачилгыг урагш ахиулсан. Бид бүх ястан үндэстэн, улс төрийн хүчний эрхийг хүлээн зөвшөөрөх Засгийн газар байгуулахаар тохиролцсон бөгөөд талибууд ч үүнийг хүлээн зөвшөөрсөн. Гэвч Ганигийн Засгийн газар энэ төлөвлөгөөг нураасан. Тэрбээр нууцаар зугтаж, бүхнийг “Талибан”-д үлдээснээр энэ бүлэглэлд ноёрхлоо тогтоох нөхцөлийг бүрдүүлсэн” гэж тэрбээр хэлсэн байна.

Хазарачууд гэж хэн бэ?

Хазарачууд бол Афганистаны олон ястан үндэстний нэг юм. Хүн амын дийлэнх нь Афганистаны зүүн хэсэгт орших Кабул, баруун нутгийн Херат мужууд болон тус улсын хойд бүс нутагт төвлөрдөг. Шашны хувьд тэд шиит-имамитууд ба шиит-исмаилитууд юм. Сүүлийн жилүүдэд Афганистанд хүн амын тооллого хийгдээгүй тул хэчнээн хазара байгаа талаар яг тодорхой мэдээлэл байдаггүй байна. Халилигийн хэлснээр, шиит шашинт хазара нар бол Афганистаны гурав дахь том угсаатан юм. Дайны 40 жилд сая сая хазара хүн Иран, Пакистан, Европ, Австрали, Хойд Америкийн орнууд руу цагаачлан гарчээ.

1990-ээд онд хазарачууд Умард эвслийн бүрэлдэхүүнд тажик, узбек үндэстнүүдтэй хамт талибуудтай байлдаж байжээ. Энэ оны наймдугаар сард “Талибан” хөдөлгөөн засгийн эрхэнд гарсны дараа тус хөдөлгөөний дайчид Афганистаны төв хэсэгт орших Бамиан мужид босгосон шиит шашинт зэвсэгт дайчдын удирдагч Абдул Али Мазаригийн хөшөөг дэлбэлжээ. Абдул Али Мазари нь хазарачуудын эрх ашгийг төлөөлсөн Исламын эв нэгдлийн намыг үүсгэн байгуулагч юм.

Мохаммад Карим Халили Абдул Али Мазариг нас барсны дараа 1990-ээд оны дундуур энэ намын удирдагч болжээ. 2004-2014 онд тэрбээр Хамид Карзайн засаг захиргаанд Афганистаны хоёр дахь дэд ерөнхийлөгчийн албан тушаалыг хашиж байв. 2017 оноос хойш Үндэсний эвлэрлийн дээд зөвлөлийг удирдсан байна. Хазарачуудын намын даргын хувиар тэрбээр энэхүү угсаатны төлөөлөгчид болон талибууд хоорондын хурцадмал байдлыг энхийн хэлэлцээ хийх замаар шийдвэрлэхийг оролдож байжээ.

Эх сурвалж: Монцамэ

БНХАУ-ын газрын тосны олборлолт өнгөрсөн сард 2.3 хувиар өсжээ

БНХАУ-ын газрын тосны олборлолт наймдугаар сард 17.03 сая тоннд хүрсэн нь өнгөрсөн оны мөн үетэй харьцуулахад 2.3 хувиар өссөн үзүүлэлт болжээ.

Тус улсын Үндэсний статистикийн газрын /NBS/ мэдээлснээр, наймдугаар сарын газрын тосны олборлолт 2019 оны түвшингээс 4.7 хувиар өссөн байна. Мөн сард газрын тосны өдөр тутмын олборлолт 549000 тонн байжээ. Энэ оны эхний найман сарын байдлаар тус улсын газрын тосны олборлолт 133.22 сая тоннд хүрч, өмнөх оны мөн үетэй харьцуулахад 2.4 хувиар өсжээ.

Газрын тосны бүтээгдэхүүний импортын хувьд тус улс наймдугаар сард 44.53 сая тонн газрын тос импортолсон нь өнгөрсөн оны мөн үеийнхээс 6.2 хувиар буурсан үзүүлэлт юм. Газрын тосны импорт энэ оны 1-8-р сарын хооронд өмнөх оны мөн үеийнхээс 5.7 хувиар буурч, 346.36 сая тоннд хүрсэн талаар Үндэсний статистикийн газрын мэдээлэлд дурдсан байна.

Эх сурвалж: Монцамэ

Германы канцлерт зориулсан бамбарууш

Германы канцлер Ангела Меркелийг 16 жилийн дараа суудлаасаа бууж буйтай холбогдуулан түүнд зориулан Hermann-Spielwaren тоглоомын үйлдвэр чихмэл бамбарууш бүтээж буйгаа мэдээлжээ.

Энэхүү бамбарууш нь 40см урттай бөгөөд 189 еврогийн үнэтэй байх гэнэ.

Үйлдвэрийн захирал Мартин Херманны хэлснээр тус үйлдвэр 101 жилийн турш түүхэн алдарт хүмүүстэй адилхан чихмэл бамбарууш үйлдвэрлэж буй гэнэ. Жишээлбэл АНУ-ын Ерөнхийлөгч Барак Обама, Их Британийн хатан хаан II Елизаветагийн чихмэл бамбарууш хувилбарууд бий аж.

Уг бамбарууш Меркелтэй төстэй үстэй, алдарт “Меркелийн ромбо” гэгддэг гарны поозтой юм байна.

6147411520302712d672ff91
Obraz-Merkel-voplotili-v-plyushevom-mishke-na-fabrike-igrushek-v-Germanii-_-BaigeNews.kz_-300x207 Германчууд Меркельтэйгээ адилхан чихмэл бамбарууш бүтээв

“Marvel” кино студийн 25 дахь бүтээл “Box Office”-ийг тэргүүлсээр байна

“Shang-Chi and the Legend of the Ten Rings” кино “Box Office”-ийн жагсаалтыг гурав дахь долоо хоногтоо дараалан тэргүүлжээ. “Marvel”-ийн анхны Ази гаралтай супер баатрын тухай кино нь энэ долоо хоногт 21.7 сая ам.долларын ашиг орлого олжсон байна.

Түүнчлэн одоогийн байдлаар АНУ, Канадын зах зээлээс 176.9 сая ам.долларын орлого олсны зэрэгцээ дэлхий даяар 320.6 сая ам.долларын ашиг орлого олжээ. Уг кино цар тахал дэгдсэнээс хойш нээлтээ хийсэн кинонуудаас орлогоороо хоёрдугаарт бичигдэж байгаа талаар “Comscore” судалгааны фирмийн мэдээлэлд дурджээ.

“Shang-Chi and the Legend of the Ten Rings” “Marvel” кино студийн 25 дахь кино юм.

Дестин Даниэль Креттоны найруулсан тус кинонд Хятад-Канад гаралтай жүжигчин Симу Лю гол дүрийг бүтээсэн бол Вэнвүгийн дүрд Хонконгийн алдарт жүжигчин Тони Люн, Шанг-Чигийн найз Кэтигийн дүрд Аквафина, Зян Нанийн дүрд Мишель Йео нар тоглосон бөгөөд уг кинонд мөн Фала Чен, Меньер Жан, Флориан Мунтяну, Ронни Чиэн нарын бусад жүжигчид тогложээ.

Мэдээ орчуулах »