fbpx

Дэлхий - Page 2

БНСУ дахь монголчуудын АНХААРАЛД!

БНСУ-д корона вируст халдварын дэгдэлт эрчимтэй явагдаж байгаагаас суугаа орны Засгийн газар 2020.12.23-ны 00.00 цагаас 2021.01.03-ны өдрийг хүртэл Сөүл хот, Инчон хот болон Кёнги мужийн нутаг дэвсгэрт 5 дээш хүний бөөгнөрөл бий

Коронавирусний шинэ хувилбар БНСУ-д бүртгэгджээ

Их Британид илүү хурдан халдварладаг “COVID-19”-ийн шинэ хувилбар 12 дугаар дундуур илэрсэн. Тэгвэл тус улсаас 12 дугаар сарын 22-нд БНСУ-д ирсэн гурван хүнээс хувьссан вирус илэрлээ хэмээн БНСУ-ын Өвчинд  хянал тавих, урьдчилсан сэргийлэх төв (KDCA) мэдээлжээ. Тэд Лондонд амьдардаг бөгөөд

ОХУ-д бүх нийтийн хөл хорио тогтоожээ

ОХУ-ын нийслэл Москва хот болон бусад мужуудад өнөөдрөөс эхлэн бүх нийтийн амралтын өдрүүд эхэлж байгаа талаар BBC мэдээллээ. Учир нь тус улсад коронавирусний халдварын тархалт эрс нэмэгдсэнтэй холбогдуулан ийнхүү хөл хорио тогтоосон байна.

Арваннэгдүгээр сарын 7-ны өдөр хүртэл олон нийтийн газрууд, дэлгүүр, кафе, зоогийн болон шөнийн цэнгээний газруудын үйл ажиллагааг зогсоож, сурагчдын амралтыг эхлүүлжээ. 

Харин нийтийн тээвэр, эрүүл мэндийн байгууллагууд болон дархлаажуулалт, шинжилгээний цэгүүдийн үйл ажиллагаа нээлттэй хэвээр байх аж.

Зарим мужуудад олон нийтийн газар QR код уншуулж байгаа бол Хакаст үдшийн 22 цагаас өглөөний 06 цаг хүртэл хөл хорио тогтоож, иргэдийг оршин суугаа газраасаа гарахгүй байхыг анхааруулжээ.

АНУ гуравдагч хүйсийг заасан паспорттой болно

АНУ өөрийгөө эр, эм хүйсийн алинд нь ч хамаарахгүй гэж үздэг иргэнд хүйсийн туснай тэмдэглэгээтэй паспорт олгохоор болсон талаар Австралийн “Associated Press” агентлаг мэдээлжээ.

Тодруулбал, Тухайн иргэн өөрийгөө эр, эм хүйсийн алинд нь ч хамаарахгүй гэж үзвэл паспортын хүйсийг заасан хэсэгт “Х” гэсэн үсгээр тэмдэглэгээ хийлгэх ажээ.

Ийм паспортыг Канад,Шинэ Зеланд, Балба, Нидерланд улсууд хэрэглэдэг байна.

Бээжингийн Олимпын хотхоныг нэгдүгээр сарын 27-нд нээнэ

БНХАУ-ын нийслэл Бээжин хотноо ирэх онд болох өвлийн Олимпын наадмын хотхоныг нэгдүгээр сарын 27-нд нээх төлөвтэй байна гэж тус наадмыг зохион байгуулах хорооны өндөр албан тушаалтан лхагва гарагт мэдээлжээ.

Бээжин хотын дэд захирагч, “Бээжин-2022” наадмыг зохион байгуулах хорооны дэд дарга Жан Жяньдуны мэдээлснээр, ирэх оны нэгдүгээр сарын 27-ны өдөр Олимпын хотхон дэлхийн өнцөг булан бүрээс наадмыг зорин ирэх тамирчдад үүд хаалгаа нээх ажээ.

Өвлийн Олимпод оролцох Хятадын тамирчдын бэлтгэлийн тухайд Биеийн тамир, спортын ерөнхий газрын дэд дарга Ли Инчуань хэлэхдээ, “Одоогийн байдлаар манай улсын 29 шигшээ багийн 480 тамирчин Бээжингийн өвлийн Олимпод оролцох бэлтгэлээ базааж байна” гэв.

Бээжин хот 2022 оны өвлийн Олимпыг зохион байгуулах эрхийг авч байхад Хятад улс өвлийн наадмын 109 төрлийн гуравны хоёрт нь л оролцож байсан бол энэ удаа бүх төрөлд оролцохын төлөө бүхий л хүчин чадлаа дайчлах болно хэмээн Ли Инчуань хэлжээ.

Мөн Хятадын Хөгжлийн бэрхшээлтэй иргэдийн холбооны дэд дарга Ван Мэймэй, “Бид Токиогийн Паралимпын наадмын үеэр хэрэгжүүлсэн цар тахлаас урьдчилан сэргийлэх, хянах аргa хэмжээнүүдээс хуримтлуулсан туршлагадаа тулгуурлан хатуу хязгаарлалтуудыг мөрдөнө” гэжээ. 

Эх сурвалж: Монц

Террористуудын жагсаалтаас талибуудыг хасах Оросын төлөвлөгөөг сайшаажээ

Афганистаны эрх мэдлийг гартаа авсан “Талибан” хөдөлгөөнийг террорист байгууллагуудын жагсаалтаас хасах боломжийн талаарх ОХУ-ын Ерөнхийлөгч Владимир Путиний үгийг тус хөдөлгөөнийхөн сайшаан хүлээн авсан байна. Энэ тухай Афганистаны түр Засгийн газарт Гадаад хэргийн яамны хэвлэлийн нарийн бичгийн даргаар томилогдсон талибуудын төлөөлөгч Абдул Кахар Балхи мэдэгджээ.

“Афганистаны Исламын Эмирт Улсын Гадаад Хэргийн Яам (АИЭУ, талибуудын хэрэглэдэг улсын нэр) ОХУ-ын Ерөнхийлөгч Владимир Путиний АИЭУ-ын удирдагчдын нэрсийг хар жагсаалтаас хасах талаар хэлсэн үгийг сайшаан хүлээн авч байна. Дайн дуусахын хэрээр дэлхийн улс орнууд Афганистанд хандах хандлагадаа эерэг өөрчлөлт хийх ёстой. Бид харилцан адил байх зарчимд тулгуурлан олон улсын хамтын нийгэмлэгтэй сайн харилцаатай байхыг хичээж байна” гэж талибуудын төлөөлөгч өөрийн “Тwitter” хуудсанд бичсэн байна.

ОХУ-ын Ерөнхийлөгч В.Путин 10 дугаар сарын 21-нд олон улсын хэлэлцүүлгийн “Валдай” клубийн хуралд үг хэлэхдээ, талибуудыг террорист байгууллагуудын жагсаалтаас хасах боломжийг хүлээн зөвшөөрч, Москвагийн байр суурь “энэ чиглэлд шилжинэ” гэдгийг цохон тэмдэглэжээ.

Эх сурвалж: Монцамэ

“AY.4.2” хувилбарын улмаас Израилын аялал жуулчлалын төлөвлөгөө өөрчлөгдөнө

Израилын Ерөнхий сайд Нафтали Беннет коронавирусний “дельта” хувилбарын шинэ дэд хувилбар болох “AY.4.2” омгийн анхны тохиолдол илэрсэнтэй холбоотойгоор гадаадын жуулчдыг хүлээн авах хөтөлбөрт өөрчлөлт оруулахыг үүрэг болгожээ.

Тус улс 11 дүгээр сараас вакцин хийлгэсэн гадаадын жуулчдад хилээ нээхээр төлөвлөж байгаа юм. 

Израилын Ерөнхий сайд Нафтали Беннет “AY.4.2” хувилбар илэрсэнтэй холбогдулан тус улсын Эрүүл мэндийн яамны удирдлагатай зөвлөлдөх уулзалт хийжээ. Хэлэлцүүлгийн төгсгөлд тэрбээр аялал жуулчлалын хөтөлбөрийг шинэ төрлийн вирусний талаарх одоо байгаа мэдээллийн дагуу шинэчилж, пүрэв гарагт /10 дугаар сарын 21/ танилцуулахыг үүрэг болгосон байна.

Илүү хурдан тархдаг “дельта” хувилбарын шинэ дэд хувилбараар халдварласан нэг тохиолдол Израилд илэрсэн тухай тус улсын Эрүүл мэндийн яам лхагва гарагт мэдээлжээ. Уг хувилбар Молдаваас буцаж ирсэн 11 настай хүүгээс илэрсэн байна. Одоо хүү тусгаарлагдсан байгаа бөгөөд ирснээсээ хойш хэнтэй ч ойр харилцаагүй болохыг тус яам тэмдэглэжээ.

“AY4.2” хувилбар нь сүүлийн үед Их Британийн хүн амын дунд түгээмэл тархах болсон байна.

ВВС -ийн мэдээлснээр “дельта” хувилбар одоо Их Британид давамгайлж байгаа боловч хамгийн сүүлийн үеийн албан ёсны тоо баримтаас харахад энэ хувилбараар халдварласан тохиолдлуудын 6 хувь нь “AY.4.2” мутацитай холбоотой бөгөөд зарим шинжээч уг хувилбарыг “Дельта плюс” гэж нэрлэж байгаа юм.

“AY.4.2” хувилбар нь илүү хурдан халдварладаг эсэх, ковидын вакцинууд даван туулж чадах эсэх талаарх судалгааг шинжээчид эхлүүлээд байгаа бөгөөд судалгаа одоогоор үргэлжилж байна.

Одоогоор шинэ дэд хувилбарыг илүү хурдан халдварладаг гэх нотолгоо байхгүй байгаа юм.

Эх сурвалж: Монцамэ

ОХУ-д Covid-19 өвчнөөр хоногт 1000 гаруй хүн энджээ

ОХУ-д цар тахлын халдвар анх дэгдсэнээс хойш Covid-19 өвчнөөр нэг хоногийн дотор 1000 гаруй хүн нас барлаа хэмээн BBC мэдээлжээ.

Тус улсад сүүлийн долоо хоногт цар тахлын шинэ халдвар, нас баралтын тоо тасралтгүй нэмэгдээд байгаа билээ.  Харин Кремль үүний шалтгааныг ард иргэд вакцин тариулахгүй байгаатай холбон тайлбарласан байна. Тухайлбал, ОХУ-ын нийт хүн амын гуравны нэг орчим нь л дархлаажуулалтад хамрагдсан гэнэ.

Түүнээс гадна өчигдөр/2021.10.16/ ОХУ-д бүртгэгдсэн шинэ халдварын тоо 33 мянга давж, нийт халдварын тоо нь Европт хамгийн олон буюу 222 мянга болоод байна.

Эрх баригчид эдийн засгаа хөдөлгөөнтэй хэвээр байлгахын тулд хатуу хөл хорио тавихаас татгалзсан бодлого баримталж байгаа бөгөөд вакцинжуулалтад гол анхаарлаа хандуулж байгаа аж.

“Lexus 600” ирэх онд худалдаанд гарна

Японы автомашин үйлдвэрлэгч “Lexus” компани хамгийн сүүлийн үеийн, бүрэн шинэчлэгдсэн “Lexus 600” загварын автомашинаа ирэх оноос худалдаанд гаргахаар болсон байна.

Энэхүү “Lexus 600” автомашин нь 409 морины хүчтэй турбо хөдөлгүүр, 3.5 литрийн багтаамжтай V-6 мотор, 10 шатлалт автомат хурдны хайрцаг, дөрвөн дугуйн хөтлөгчтэй байх ажээ.

Бүрэн шинэчлэгдсэн “Lexus 600” загварын автомашин ирэх 2022 оны эхний улирлаас худалдаанд гарна. Одоогийн байдлаар үнэ нь тодорхойгүй байгаа ч худалдаанд гарах цаг ойртох үед зарлах юм байна.

Канад улс Афганистаны 40 мянган дүрвэгчийг хүлээж авна

Канадын эрх баригчид АНУ болон бусад орнуудаас Афганистаны 40 мянган дүрвэгчийг хүлээж авахаар болсон тухай тус улсын Ерөнхий сайд Жастин Трюдо твиттер хуудсандаа мэдээлжээ.

“Канад улс Афганистаны 40 мянган дүрвэгчийг хүлээх авах бөгөөд бид бусад улс орнуудыг афган дүрвэгчдийг аюулгүй нүүлгэн шилжүүлэх хүчин чармайлтаа нэмэгдүүлэхийг уриалж байна” гэж тэрбээр бичжээ. Трюдо мөн Оттава барууны орнуудын цэргийн кампанит ажлын үеэр Канадын армид тусалсан афганчууд болон тэдний гэр бүлийг төдийгүй Канадын хүмүүнлэгийн хөтөлбөрийн шалгуурт нийцэж буй хүмүүсийг хүлээн авна гэдгийг мэдээлсэн байна.

Канад улс АНУ болон гуравдагч орноос Афганистаны 5000 дүрвэгчийг хүлээж авна гэж тус улсын цагаачлалын асуудал эрхэлсэн сайд Марко Мендичино наймдугаар сүүлчээр мэдэгдэж байсан юм. Канадын эрх баригчид тус улсын иргэд болон Афганистаны дүрвэгчдийг оруулаад 3700 хүнийг Афганистанаас бие даан нүүлгэн шилжүүлжээ. Өнгөрсөн хоёр сарын хугацаанд Оттавагийн хүсэлтээр Афганистанаас Катар руу 100 гаруй канад, афган иргэдийг тээвэрлэсэн бөгөөд эдгээр хүмүүсийг дараа нь Канад руу шилжүүлэн суурьшуулах юм.

Эх сурвалж: Монцамэ

БНХАУ Монголоос худалдан авах нүүрсний хэмжээгээ нэмэгдүүлнэ

БНХАУ-ын Төрийн зөвлөлийн Ерөнхий сайд Ли Көчян Монгол Улсын Ерөнхий сайд Л.Оюун-Эрдэнэтэй мягмар гарагт цахимаар уулзах үеэрээ хоёр орны хоорондын нүүрсний худалдааг нэмэгдүүлэхэд “баяртай” байгаагаа илэрхийллээ гэж “Xinhua” агентлаг мэдээлэв.

Ли Көчян эрчим хүчний аюулгүй байдал нь эдийн засаг, ард иргэдийн амьжиргаатай холбоотой болохыг цохон тэмдэглэснийг тус агентлаг уламжилжээ. Мөн Хятад улс нүүрсний арвин нөөцтэй ч Монгол Улстай эрчим хүчний өргөн хүрээний хамтын ажиллагааг хөгжүүлэх хүсэлтэй байгааг илэрхийлсэн байна.

БНХАУ-д эрчим хүчний нүүрсний үнэ бараг түүхэн дээд үзүүлэлтэд хүрч, цахилгаан эрчим хүчний хомсдол үүсээд буй нь орон даяар эрчим хүчний хязгаарлалт тогтооход хүргэж, үйлдвэрийн гарцад нөлөөлөөд буй юм. Энэ нь цаашлаад эдийн засгийн өсөлтөд сөрөг үр дагавар учруулж болзошгүй байна.  

Эх сурвалж: Монцамэ

Эдийн засгийн салбарын Нобелийн шагналтнууд тодорлоо

Шведийн хааны шинжлэх ухааны академийн Нобелийн хороо энэ оны эдийн засгийн салбарын Нобелийн шагналтнуудыг зарлажээ. Альфред Нобелийн дурсгалд зориулсан Шведийн Төрийн банкны шагналыг Канад-Америкийн эдийн засагч Дэвид Кард, АНУ-ын судлаачид болох Жошуа Ангрист, Гуидо Имбенс нар хүртэхээр болжээ.

Дэвид Кардад энэхүү шагналыг “хөдөлмөрийн эдийн засагт туршлага дээр үндэслэсэн хувь нэмэр оруулсных нь” төлөө олгохоор болсон байна. Харин Ангрист, Имбенс нар “шалтгаан ба үр дагаврын харилцаанд дүн шинжилгээ хийхэд оруулсан хувь нэмрийнхээ төлөө” шагналыг хуваан хүртэж буй юм.

Энэ оны шагналтнууд хөдөлмөрийн зах зээлийн талаар шинэ үзэл бодлыг танилцуулж, эдийн засгийн үйл явцын шалтгаан, үр дагаврын талаар ямар дүгнэлт хийж болохыг туршилтаар харуулжээ. “Тэдний арга бусад чиглэлээр өргөжиж, туршлага дээр үндэслэсэн судалгаанд хувьсгал хийсэн” гэж Нобелийн хороо мэдэгджээ.

Өнгөрсөн онд эдийн засгийн салбарын шагналыг Америкийн эдийн засагчид болох Пол Милгром, Роберт Уилсон нар хүртсэн билээ. Тэдэнд “дуудлага худалдааны онолыг боловсронгуй болгосных нь төлөө” энэхүү шагналыг олгож байв.

Мэдээ орчуулах »