fbpx

Улс төр - Page 2

/

МАН-ын даргын суудал ганхаж, МАНь эмэгтэйчүүд бужигнаж эхлэв үү

АН задарч, МАН гэдсэндээ хөлөө жийлцэж буй өдрүүдийн гол хорчдын нэг хэсэг нь эмэгтэйчүүд. Төдийлөн цойлж тодроод толгойд гараад ирэхгүй ч тэр энийг хутган, тэвнэ зүү шидэлцүүлэгчид бүсгүйчүүд байдаг нь үнэн. Ялангуяа

/

Тэрбумын өртөгтэй гарын үсгийн эрэлд буюу Хүкийн тэсч үлдэх 5 хоног

Өндөржүүлсэн бэлэн байдлын хугацааг 4 хоногоор сунгав. Энэ нь дотоодод эрчтэй тархаж буй цар тахлын эсрэг хариу арга хэмжээ авахад хүрэлцэх хангалттай хугацаа огтхон ч биш юм. Харин ирэх 7 хоногийн даваа гараг хүртэл Засгийн газар завсарлага авч, Хүк суудалдаа

“Нүхт тур” руу их хэмжээний мөнгө яагаад шилжүүлэв, Л.Оюун-Эрдэнэ сайдаа!!!

//

Зорчигчдын хоолыг зогсоосон атал “Нүхт тур” руу их хэмжээний мөнгө яагаад шилжүүлэв…… МИАТ компанийн сэжиг бүхий гүйлгээ, цар тахлын хүнд үед байж боломгүй гэрээ

Б.Болор-Эрдэнийг гомдоолоо хэмээн ЭЦГ-аас тус сайтыг хар жагсаалтад оруулах хүсэлт хүргүүлсэн үү?

/

-Албан тушаал, эрх мэдлээ урвуулан ашиглагчдыг анхааралдаа авна уу, Авлигатай тэмцэх газар!- Манай сайт Харилцаа холбоо, мэдээлэл технологийн газрын дарга Б.Болор-Эрдэнийг шүүмжилж бичсэн. Гэтэл

Хятадын коммунист нам Монголын парламентийг Булгантуяагаар дамжуулан удирддаг болчихсон юм уу?

Зохиолч, сэтгүүлч Р.ЭМҮЖИН

За нөгөө Хөрөнгө оруулалтын тухай хуульд 50 мянган долларын зүйл заалт шургуулж, ийм хэмжээний хөрөнгө оруулж, хоёр ажлын байр бий болгосон хүнд байнга оршин суух эрх олгуулахаар зүтгээд байгаа Булгантуяа, Ганхуяг хоёр чинь баасан гаригт сэтгүүлчдийн аманд хоол бариад, халаасанд нь юань хандуулаад баахан зулгуйдсан гэнэ дээ. Амтай болгон нь ярьж, хэлтэй болгон нь шуугиж байна. Энэ бүр анхны тохиолдол ч биш. Булгантуяа Сангийн дэд сайд байхдаа өмнөд хөршийнхний зардлаар баахан сэтгүүлч Ухань руу, өөрийнхөө төгссөн сургуулийг танилцуулах нэрээр аялуулсан чимээ байдаг.

Хэвлэлийнхнийг байн байн будаалганд дуудаад, буцаж холбогдоод байдгийн цаана эдүгээ зүтгүүлж буй Хөрөнгө оруулалтын тухай эл хуулийн энэ хямдхан өөрчлөлт байж болох талтай. Нөгөө хоолыг нь идэж дарсыг нь уусан хэвлэлийнхэн одоо хулгайч нохой шиг бултаад ордноор үзэгдэлгүй хэд хоносон Булгантуяа, Ганхуяг хоёрыг зоригтой, үзэл бодолдоо үнэнч гэхчлэн магтах үүрэгтэй, магтаал ч аль эрт эхэлчихээд байгаа л даа.

За эндээс юу харагдаж байна вэ? Анужин, Өнөрболор хоёр тухайн хуулийн өөрчлөлтийн эхний хувилбарт 50к доллартай холбоотой заалт байгаагүй, хуулийн хулгай явагдаж байгаа учраас нэрээ татлаа гэдгээ хоёул хоёулаа мэдэгдсэн. Гэтэл гишүүн Ганхуягийн бланкан дээр нэгдүгээр гарын үсгээ зурсан Булгантуяа хуулиа татахгүй гээд гэдийж байгаа.

Тэгэхдээ бүр Ганхуягтайгаа хамт хэвлэлийнхнийг хоолоор урхидаад, ходоодоор нь хэмжээд, захиалга өгөөд замаа засаад шуударч байна.

Хуулиа татах бус, хуульдаа нийгмийн сэтгэлзүйг захиалан нийцүүлэх ажил эхлүүлж байна, энэ нь сая хэд хоног харагдлаа. Хэлэлцэх асуудлын 52 дугаарт байсан энэ хуулийг сая Америк яваад ирэхдээ Занданшатарыг тас намжирдаж байгаад нааш нь татаад аваад ирсэн гэж байгаа.

Ямар олон арга замаар, яасан олон фронтоор, яах гээд ийм шаргуу зүтгүүлээд байна вэ? Ердөө л өмнөд хөршийн захиалга шүү дээ. Захиалга гээд шууд хэлчихэд буруудахгүй.

Булгантуяа гэж энэ эмэгтэй Технологийн салбарт хөрөнгө татна гэх маягийн өнгөлөн далдлалт их хэрэглэж байгаа. За энэ зүгээр юм мэдэхгүй ард түмнийг хууран мэхэлж байгаа хэрэг шүү. Монголд технологийн компани хөрөнгө оруулахгүй гэдгийг бүгд мэднэ. Гаднаас технологи худалдан авахад 40 хүртэлх хувийн татвар төлдөг, оюуны өмчийн орлогоос 30 хувийн татвар авдаг улсад технологийн хөрөнгө оруулалт орж ирдэггүй юм. Үүнийг Булгантуяа, Ганхуяг хоёр мэдэхийн сайнаар мэдэж байгаа.

Бизнесийн орчин, хандлага, тогтвортой байдлын нөхцлөө сайжруулж байж хөрөнгө оруулагч наашаа зүглэнэ гэдгийг ч сайн мэдэж байгаа. Мэдсээр байж хууран мэхэлж, хууль хулгайлж, МАН Хятадын коммунист намын халаасанд орсон гэдэг дэлхий нийтийн хардлагыг бүрэн баталгаажуулж байна. Монголоос дэлхий нүүрээ буруулаад, оросууд чангараад байгаагийн шалтгаан ерөөсөө энэ хардлага шүү дээ.

Дээр нь энэ хоёр шарваачийн зүтгүүлээд байгаа шавартай хуулийг жаахан цэвэрлээд харах юм бол Ц.Даваасүрэн, Ж.Сүхбаатар нарын хэлж байгаагаар гаднын иргэний Монголд оршин суух эрхийг давхар олгочихсон үг өгүүлбэртэй.

Холбогдох хуулиараа 10 жил байнга оршин суугаад Монгол Улсын иргэний үнэмлэх авах эрх үүснэ. Гурван сая иргэн гурван хавар улирахад гуйвдаг юм байгаа биз дээ. Хятадын ард түмэнд монголчуудыг хайртай болгох ажиллагаа 2017 оноос хойш эрс идэвхижсэн. Төв номын санд маань Хятадын зохиолчдын 10 мянган ном бэлэглэсэн, бүх телевизээр Хятадын олон ангитуудыг ангайтал гаргасан, Хятадыг шүтэн бишрүүлэх “Хөгжлийн гайхамшиг” цувралуудаар өдөр бүр нүдсэн.

Бүх өдөр тутмын сонинууд долоо хоног бүр хятад зохиолд зай талбайгаа тавьж өгсөн, энэ бүхний ард асар их мөнгө эргэлдэж, асар өндөр ашиг сонирхол хэлхэлдсэн.

Энэ үнэн шүү дээ, худлаа гээд хэлээч.

Гэтэл хуулийн хулгай нь Булгантуяа Ганхуяг хоёроор дамжаад ороод ирж байгаа нь энэ үү? Тавин мянган доллартай Европ, Америк, Английн иргэд Монголд ирнэ гэж бодож байна уу, үгүй. Захын Эрээний хятад тэр мөнгийг чинь аль эрт манайд байр, газар болгоод байршуулчихсан байгаа нь ч бас булзах аргагүй үнэн шүү. За тэгээд эх орноо 50к доллараар зарах гээд, үндэсний эрх ашгаа ганхуулах гээд байгаа энэ хоёр гишүүнээ ҮАБЗ шалгамаар байна.

Эсвэл МАН Хятадын коммунист нам болчихсон юм уу?

Монголын парламентыг хятадууд Булгантуяагаар дамжуулж удирдаад байдаг болчихсон юм уу, Занданшатар аа. Ингэхэд энэ Занданшатар яаж яваад, ямар зорилгын дор Булгантуяад атгуулчихав аа? Бүр ингэж асууя. Нэмж хэлэхэд наад Булгантуяа чинь Сангийн дэд сайд байхдаа Европын холбоонд захидал бичиж, Монгол Улсыг саарал жагсаалтанд оруулж байсан түүхтэй шүү. Түүний энэ хэргийг З.Энхболд илчилсэн боловч Г.Занданшатар цээжээрээ хамгаалж үлдсэн дээ. Оронд нь Монголбанкны Н.Баяртсайханыг албанаас нь буулгаж алиалсан.

Одоо ч Занданшатарын нэр энэ Хөрөнгө оруулалтын хуультай хоршин олонтаа сонсогдож байгаа, тэгэхдээ Ганхуягийн амаар, Булгантуяагийн заавраар гээд шуудхан хэлчих үү.

Занданшатараас асуумаар байна, ингэхэд та минь хаана төөрчихөв өө? Хятадын коммунист намын бодлоготой яагаад Булгантуяа, Ганхуяг та гурвын алхам огтлолцоод байгаа юм бэ? Тохиолдол уу, тохиролцоо юу? Тийм л их дэмжмээр байгаа юм бол 50к доллар байтугай хөрөнгө оруулалт хийж байгаа үндэсний хөрөнгө оруулагчдаа яагаад татварын бодлогоор ч болсон дэмжихгүй байгаа юм бэ?

Үндсэн хуулийн 6.2т оруулж ирсэн Монгол Улсын газар нийтийн өмч байна гэсэн заалт чинь одоогийн энэ зүтгүүлээд байгаа Хөрөнгө оруулалтын хуулийн бэлтгэл байсан юм уу? Энэ ард түмнийг технологийн хөрөнгө оруулалт, старт апп энэ тэр гэсэн гадаад хэдэн үгээр мангартуулаад хуурна гэж бодож байгаа бол үгүй шүү.

Мояа гэж хэлүүлэхээсээ айгаад чимээгүй чичирч суудаг нь би биш ээ. Энэ хуулийг эсэргүүцсэн бүхэн Мояа болдог юм бол би тэр Мояа чинь болъё, ичээд нэрэлхээд байх юм алга.

Нэрэлхээд эх орноо зарж идэх үү, үгүй!

Х.Булгантуяагийн зүтгүүлж буй хуулийн төслийн ард Г.Занданшатар бий юү?

/

-Хэлэлцэх асуудлын 52-т эрэмбэлэгдсэн төслийг яагаад гэнэт яаралтай хэмээн очёр дайруулав-

Хөрөнгө оруулалтын тухай гэх гоё нэртэй ч үнэндээ Гадаадын иргэн харьяатын асуудлаар хуульд нэмэлт өөрчлөлт оруулах гэсэн Х.Булгантуяа, Х.Ганхуяг нарын оролдлого сүүлийн хэдэн өдөр сошиал орчинд хэрүүлийн алим болж байна. Тэд дөрвөн зүйл бүхий ганц хуудас хуулийн төсөлд гадаадын хөрөнгө оруулагч, түүний гэр бүл Монгол Улсад хувийн хэргээр оршин суух хүсэлт гаргасан тохиолдолд 50 мянган ам.доллар буюу түүнтэй тэнцэх хэмжээний төгрөгөөс дээш хөрөнгө оруулалт хийснийг нь үндэслэн олон удаагийн орж, гарах виз олгох эрх зүйн орчинг бүрдүүлэхээр тусгасан байгаа юм.

Чухамдаа энэ хэмжээний мөнгөөр Монголд эзэн мэт дураараа дургиж, дунд чөмгөөрөө жиргэнэ гэсэн үг. 

50.000 ам.доллар гэдэг хэр их мөнгө вэ. Өнөөгийн ам.долларын ханшаар 150 сая орчим төгрөг. Энэ мөнгөөр хотын захын дүүрэг хороодод л хашаа байшин авах байх. Монгол төгрөг ингэтэл унасныг Х.Булгантуяа, Х.Ганхуяг нар мэдэхийн дээдээр мэддэг байж таарна.

Монгол Улсад хөрөнгө оруулалт хэрэгтэй юу гэвэл маш их хэрэгтэй байгаа. Тэр тусмаа авдрын ёроолоо гаргачихаад байгаа энэ үед бүр ч хэрэгцээтэй байгаа хэдий ч 50-хан мянган ам.доллараар эх орноо худалдах хэмжээнд бол биш юм.

Г.Занданшатар хууль санаачлагчдын нэг үү эсвэл…

Чуулганы хуралдаанаар хэлэлцэх асуудлын дарааллын 52-т эрэмбэлэгдэж байсан Хөрөнгө оруулалтын тухай хуулийн төслийн нэмэлт өөрчлөлт гэнэт яаралтай гэх горимоор хэлэлцэгдэв.

Гэнэтийн энэ шуурхайлалт УИХ-ын дарга Г.Занданшатар, УИХ-ын гишүүн Х.Булгантуяа нар АНУ яваад ирсний дараахан гэрлийн хурдаар өрнөж буй нь хардлага дагуулж байна. Г.Занданшатар, Х.Булгантуяа нарын хувьд эртнээс гар нийлж, хамтран ажиллаж дадсан нөхөд. Тэдний холбоо сүлбээг Г.Занданшатарын Гадаад хэргийн сайд байх үеэс эхэлсэн гэдэг.

Сангийн дэд сайдаар ажиллаж байсан Х.Булгантуяа Европын холбоонд захидал хаягласнаас үүдэн Монгол Улс саарал жагсаалтад орсон “хэрэг”-ийг тухайн үеийн Ерөнхийлөгчийн Тамгын газрын даргаар ажиллаж байсан З.Энхболд олон нийтэд дэлгэж байлаа.

Гэсэн хэдий ч УИХ-ын дарга Г.Занданшатар Монгол Улсыг саарал жагсаалтад оруулсан “гэмт этгээд”-ээр Х.Булгантуяаг бус тухайн үеийн Монголбанкны удирдлага Н.Баяртсайханыг нэрлэж, албан тушаалаас нь чөлөөлөх үндэслэл болгож байсныг бүгд мэднэ.

Мөнгө цохих хошин үзэгдлүүдийн нэг гэгдээд байгаа “Өсвөрийн парламент” төслийг санаачлагчид нь Х.Булгантуяа, Г.Занданшатар нар.  Санаа нэг, зорилго ижил загалууд гэгддэг тэднийг Засгийн газартай холбох гүүр нь Ж.Мөнхбат болдог.

Ерөнхий сайд Л.Оюун-Эрдэнэ, УИХ-ын дарга Г.Занданшатар нарын харилцаа тийм ойр биш. Нааш харж маасайн, цааш харж нүдэлддэг мань эрс У.Хүрэлсүх, Х.Баттулга нараар холбогддог хэдий ч хоноц хоноцдоо дургүйн үлгэрээр хөшигний ардах эрх мэдлийн төлөөх дайсагналцал нь улам ширүүсч байгаа.

Гэлээ гэхдээ Хөрөнгө оруулалтын тухай хуулийн төслийн нэмэлт өөрчлөлтийг Засгийн газар илүү дутуу үггүй дэмжсэнийг УИХ-ын гишүүн Ж.Мөнхбатын хүчин чармайлт хэмээн кабинетийнхан хэлж байна. Ерөнхий сайд Л.Оюун-Эрдэнийн суганы үс гэгдээд байгаа Ж.Мөнхбатыг Х.Булгантуяатай нутаг ус төдийгөөр хязгаарлагдахгүй дотно нөхөд гэдгийг ойр тойрныхон нь андахгүй.

Засгийн газрын хуралдаанаар ийнхүү Ж.Мөнхбатын дэмжлэгийг аван ногоон гэрлээр гарч ирсэн хуулийн төслийг жагсаалт дайруулах эрх ганц Г.Занданшатарт бий.

Тэрбайтугай хуулийн төслийн санаачлагчдын нэг нь Г.Занданшатар гэх яриа хүчтэй яригдах болов. Үнэхээр ч Х.Ганхуяг мэдээлэл хийх бүртээ “Хуулийн төслийн хэлэлцүүлгийн үеэр УИХ-ын дарга Г.Занданшатар байсан” хэмээн тодотгоод байгаа нь санаандгүй хэрэг биш биз.

Хуульд Ерөнхийлөгч, Засгийн газар, УИХ-ын гишүүн хууль санаачлах эрхтэй. Харин УИХ-ын даргад хууль санаачлах эрх бий эсэх талаар тусгагдсан заалт байхгүй. Тэгэхээр очёр дайруулан зүтгүүлсэн Г.Занданшатар нэр нь бичигдээгүй санаачлагч байж мэдэх юм.

Нөгөөтэйгүүр хууль санаачлагчдын 50 хувь нь хуулийн төслийг эргүүлэн татвал шууд буцаах хуультай. Санаачлагч биш атал санаачлагч мэт харагдуулж, харлуулж, халхавч болгож буйд бухимдсан П.Анужин, Д.Өнөрболор нар хуулийн төслийг эгүүлэн татахаа мэдэгдсэн. Алин ч байлаа гэсэн, тэд хуулийн төслийг эргүүлэн татахаар болсон бол эгүүлэн татагдсанд тооцох ёстой. МАН-ын бүлгийн дарга ч эргүүлэн татна гэсэн байгаа.

Харин УИХ-ын дарга Г.Занданшатар өнөөг хүртэл очёр дайруулж ирээд, чичрэн зүтгүүлсээр байгаа нь хардлагын олон асуултыг бий болгож байна. 

Х.Булгантуяа бусдын захиалгаар хөдөлсөн үү?

Хуулийн төслийг өргөн мэдүүлэх тухай УИХ-ын гишүүн Х.Ганхуягийн албан бланк дээр гарын үсэг зурсан нэрсийн хамгийн эхэнд Х.Булгантуяагийн нэр бий. Өргөн барьсан хуулийн төслийн санаачлагчийг нь тэргүүнд эрэмбэлэн гарын үсэг зуруулдаг улс төрийн “дэг” бий.

Эл “дэг”-ээр бол Хөрөнгө оруулалтын босгыг хашаа байшингийн үнийн хэмжээнд навс буулгаж, 50.000 ам.доллар өвөртлөөд ирсэн хэнбугайд ч Монголд нүүдэллэх эрх олгох санаачилга Х.Булгантуяагийнх байх нь.

Сангийн дэд сайдаар ажиллаж байсан энэ бүсгүйг Хятадад мэдлэг боловсрол эзэмшсэнийг нь мэдэхгүй хүн ховор. Тэр бүү хэл, УИХ-ын сонгуулийн компанит ажлыг нь Тайваниас удирдаж байсан гэх баримт тухайн үед дэлгэгдэн шуугиан тарьж байв.

УИХ-ын гишүүн агсан М.Батчимэгийн зөвлөхөөр ажиллаж байсан З.Пагмажав Тайванийн тагнуулын хэргээр шүүхээс 16 жилийн хорих ял сонсоод удаагүй байсан үе тул олон нийт эл мэдээлэлд нэлээд цочир хандаж байлаа.

Х.Ганхуяг 33 тэрбум төгрөгийн зээлээрээ “барьцаанд” орчихсон юм биш байгаа

Тооны ухаан гадарладаг эл залууг парламетын босго давахад олон хүн алга ташиж байв.

2016 онд АН-аас УИХ-ын сэнтий рүү мөлхөөд бараагүй тэрбээр 2020 оны сонгуулиар МАН-ын нэрээр дэвшиж ялалт байгуулсан юм. Чухамдаа үзэл баримтлал, үнэт зүйл ховор. Эрх мэдэл, эрх ашгийн төлөө өнгөө хэд ч хувиргаж чадах нэгэн гэгддэг.

Дархан эрх ямба эдлээд удалгүй Хөгжлийн банкнаас 33 тэрбум төгрөгийн зээл авсан хэрэг нь дэлгэгдэв. “Би биш, улс төрийн гүжирдлэг” хэмээн улстөрчдийн хэлдэг цайны үгээр хэргээ хаацайлах гэж мэлзсэн ч зээл авсан “Вертекс майнинг партнер” компани нь Х.Ганхуягийн дүү Х.Хашчимэг болон гишүүн Д.Дамдинням нарынх болох нь баталгаажсан.

Өрөнд баригдсан нэгэн бусдын хувьд зөөлөн өгөөш.

П.Анужинг хуулийн төсөлд “наах”-ын учиг

П.Анужин, Д.Өнөрболор нарын хэлж байгаагаар Хөрөнгө оруулалтын тухай хуулийн төсөлд тэдний мэдэхгүй олон заалт тусгагдсан гэж байгаа. Тангараг өргөсөн гишүүд худлаа хэлэх учиргүй. Тэгэхээр энэ бол санаатай үйлдэгдэж буй хуулийн хулгай байж таарах нь.

П.Анужин гишүүн хуулийн төслийг дэмжээгүй төдийгүй санаачлагчдын нэг ч биш гэдгээ хэлж байгаа. УИХ-ын гишүүн Х.Ганхуяг ч хэлэлцүүлэгт Д.Өнөрболор оролцож байсан л гэж дурьдсанаас П.Анужин байсан талаар ганц удаа дуугараагүй. 

Үүнийг нь Хуулийн төслийг өргөн мэдүүлэх тухай Х.Ганхуяг гишүүний бланктай албан тоотод нэр бүхий 4 гишүүний нэр зоолттой ч П.Анужингийн гарын үсэг байхгүй байгаа нь нотолж байгаа юм. Тэгвэл яагаад түүний нэрийг ашиглав, албан тоотод “зоов”…

Арай УИХ-ын даргадаа хөтлүүлсэн Х.Булгантуяа нарын нөхөд “хуулийн хулгай” хийх гэсэн юм биш байгаа…

Эл хардлагыг нотлох мэт УИХ-ын гишүүдэд тараагдсан хуулийн төслийн анхны хувилбар дээр ч П.Анужингийн нэр, гарын үсэг байхгүй байсан нь өнөөдөр Төрийн ордонд шуугиан тарьж байна.

Тиймээс хуулийн төслийг эргүүлэн татсан ч нэр бүхий гишүүдийг шалгуулах ёстой гэх хатуу шаардлагыг олон гишүүн илэрхийлжээ.

Тэд “Очёр дарааллаа хүлээлгүй яаруу давчуу оруулж ирж буй ганц хуудас эл хуулийн төсөл хэний захиалгаар боловсруулагдав. Хууль санаачлагч нь Х.Булгантуяа атал яагаад Х.Ганхуягийн бланк дээр албан тоотоо буулгав. Хууль санаачлагч нь биш, гарын үсэг нь ч байхгүй байтал өнөөг хүртэл П.Анужинг тоглолтод чирч оруулж ирэн чичлүүлж буйн учир юув. Хуулийн төсөл олон нийтийн хардаж байгаачлан тодорхой захиалагч, санхүүжүүлэгчидтэй юм биш байгаа… Хэрэв тийм бол Хууль тогтоох дээд байгууллагын гишүүд эх орноо худалдах хэмжээний барьцаанд орсон уу. Тэдний цаана өөр хэн давхар худалдагдаж, ямар лобби өрнөснийг яаралтай шалгаж, тогтоох хэрэгтэй” хэмээн бужигналдаж, өрөө хооронд шивэр авир хийн бөөгнөрч эхлэв…

Үнэхээр ч хэлэлцэх асуудлын жагсаалтад 52-т эрэмбэлэгдэж байсан төсөл яагаад ингэтэл дараалал дайран орж ирснийг УИХ-ын дарга Г.Занданшатар тайлбарлах хэрэгтэй байх.  

Энэ бол сошиал орчинд хэн нэгнийг харлуулан зүхэж, хараан загнаж байгаад батлуулчихдаг хоол цайны цэс төдийхөн зүйл биш юм.

Эрэн сурвалжлах сэтгүүлзүйн НАЖ МОГОЙ үндэсний холбоо

Ард түмэн цагаан цаас гэж хашгирдаг хүүхэн хөл хорио тавьж шатахуун хэмнэхийг зөвлөжээ

/

“Эрчис ойл”-ыг амилуулах гэсэн эрх баригчид шатахууны зохиомол хомсдол бий болгож байна

Үндэсний аюулгүй байдалд сөрөг нөлөө үзүүлэхүйц амлалтыг оросуудад өгсөн  Д.Сумъяабазар, түүнийг нь биелүүлэх гэрээ хийхээр болоод байгаа Засгийн газрыг огцруулах хангалттай үндэслэл бүрдэв-

“Хүний хөгжлийн”, “Жижиг, дунд үйлдвэрийг хөгжүүлэх”, “Тариалан эрхлэлтийг дэмжих”, “Нутгийн хөгжлийн” гэхчлэн гоё нэртэй 20 гаруй сан бий ч ашигтай ажилласан нь үгүй. Сангуудад төвлөрүүлсэн мөнгийг УИХ, Засгийн газрын гишүүд, тэдний хамаарал бүхий этгээдүүд, компанийнхан урт хугацаатай, бага хүүтэй зээл нэрээр авч цөлмөн шамшигдуулдаг.

У.Хүрэлсүхийг Ерөнхий сайд, МАН-ын даргаар ажиллаж байхад УИХ дахь 65 гишүүнийх нь тал нь “Жижиг, дунд үйлдвэрийг хөгжүүлэх сан”-гаас зээл авсныг иргэд мартаагүй. Сан нэрийн дор бүлэглэн хулгайлагчид дахин нэг сан байгуулж идэхээр бэлтгэж байгааг бид өмнө мэдээлсэн.

Нийслэлийн Засаг дарга Д.Сумъяабазар Уул уурхай, хүнд үйлдвэрийн сайдаар ажиллаж байхдаа бензин шатахууны хангамжийг сайжруулах, үнийг тогтвортой байлгах, өргөн хэрэглээний бараа бүтээгдэхүүний үнийн хөөрөгдлийг зогсоох, эдийн засгийн өсөлтийг хангах гэсэн том зорилготой сан бий болгож, “Эрчис ойл” хэмээх төрийн өмчит компанийг цаасан дээр байгуулсан байдаг.

Энэ компанийн хөрөнгийг бүрдүүлэхдээ шатахуун импортлогчдоос татаас авч, 100 тэрбумыг тэднээр гаргуулахаар төлөвлөсөн бөгөөд ингэхдээ шатахуун импортлогч хувийн компаниудын борлуулсан нэг литр бензин, дизель түлш тутмаас тодорхой хэмжээний татвар авах, Шатахууны онцгой албан татварын нэг хэсгийг санд төвлөрүүлэх журмаар хөрөнгө босгохоор тооцсон байгаа юм.

Засгийн газар хувийн хэвшлээ дээрэмдэж, тулган шаардаж 100 тэрбумыг босгохоор төлөвлөсөн гээд ойлгочиход буруутахгүй.

Өнгөрсөн сард бий болсон бензин, шатахууны хомсдолд эрх баригчид буруутай гэдгийг олон нийтээр мэдсэн. Хомсдол бий болж магадгүйг шатахуун импортлогч аж ахуйн нэгжүүд, гол ханган нийлүүлэгчдээс урьдчилан анхааруулсаар байсан ч эрх баригчид, чиглэлийн яам, агентлагийн удирдлагаас үл тоон, ямар ч арга хэмжээ аваагүй байв.

Гол хэрэглээ болсон “АИ-92”, “АИ-95” бензиний гол нийлүүлэгч Оросын компаниудтай гэрээ хэлцэл огт хийгээгүйгээр үл барам хомсдол нүүрлэхэд бүх бурууг шатахуун импортлогчид руу чихэх гэж үзээд үнэнд гүйцэгдэн булайгаа чирсэн. Оросын гол ханган нийлүүлэгчидтэй шатахуун импортлогчид хэлцэл хийх болоход Газрын тосны газрын дарга Ц.Эрдэнэбаяр чадваргүй гэдгээ ил хэлээд явахаас татгалзан улмаар ажлаас чөлөөлөгдөх хүсэлтээ өглөө.

Энэ нь Ц.Эрдэнэбаяр өргөдлөө өгсөн гэхээс илүүтэй Л.Оюун-Эрдэнийн зүгээс түүгээр туг тахьсан болж, дүйвээнд нь өөр хоёр даргын цалин буурсан арга хэмжээ авагдаад өнгөрөв. Ц.Эрдэнэбаяр “Иргэдийг бухимдуулсандаа хүлцэл өчье” хэмээгээд чөлөөлөгдөх хүсэлтээ өгсөн нь үнэн хэрэгтээ “Эрх баригчдын арчаагүй байгаад уучлаарай” гэсэнтэй утга нэг өргөдөл юм.

Үнэндээ ч эрх баригчдын ичгүүртэй шоу өдөр өнжих биш…

Хувийн хэвшлийнхэн ОХУ-ыг зорьж, “Роснефть” компанитай хэлцэл хийн байж шатахуунтай залгуулсныг бүгд мэднэ. Гэтэл гэрээс гарч, гэдэс алдаагүй суусан мээр Д.Сумъяабазар үр дүнг өөртөө авч, Киргиз рүү ачиж байсан шатахууныг би л ярьж байж замаас нь Монгол руу авч ирэхээр болов хэмээн жиргэж түмний доог тохуу болов.

Хотын дарга “Роснефть” компанийн зарим удирдлагатай ярьсан нь үнээн. Гэхдээ түүний шоудсанчлан оросууд Киргиз рүү ачиж байсан шатахуунаа Монголд өгсөн асуудлаар биш, сайд байхдаа онгоцны шинэ буудлын  шатахууны хангамжийг тус компаниар гүйцэтгүүлнэ гэж амлаад дашийн шог болгосон асуудлыг нь л сануулсан гэж байгаа.

МИАТ компанийн болон манай аэродромд буусан аль ч авиакомпанийн онгоцны шатахуун цэнэглэлтийг “Сод Монгол” компани гүйцэтгэж ирсэн. Энэ ажлыг Д.Сумъяабазар оросуудад өгснөөр үндэсний компаниа шахаж, Монгол Улс онгоцны шатахууны хангамжаар “Роснефть” компаниас хараат болох эрсдэлт үүдийг нээж өгсөн нь өнгөрсөн өдрүүдийн мэдээллээр тодорхой боллоо.

Түүний шийдвэрийн уршгаар үндэсний аюулгүй байдал алдагдана. Онгоцны бензин нийлүүлэх ажлыг гадаадынханд өгөхөөр амласан Д.Сумъяабазарыг огцруулахад ч багадах байтал тэрбээр гавьяа байгуулсан мэт даналзаж суух нь тэнэгийнх үү, том зүрхтэйнх үү.

Үндэсний аюулгүй байдалд сөрөг нөлөө үзүүлэхүйц амлалтыг оросуудад өгсөн Д.Сумъяабазар, түүнийг нь амилуулах гэрээ хийх эрхийг Г.Ёндон сайдад өгсөн Засгийн газарт хариуцлага тооцох хангалттай үндэслэл бүрдчихээд байна.

Нэг л өдөр оросууд крантаа хаахад манай онгоцууд хөөрч чадахгүйд хүрнэ. Нөгөө талаас Монголд гадаадын ямар ямар авиакомпанийн онгоц бууж, цэнэглүүлж байна вэ гэдэг бүх мэдээлэл оросуудын гарт очно.

“Бид оросуудад мэдээллээ өгөхгүй” гээд гадаадын авиакомпанийнхан онгоцоо Монголд буулгахгүй болчихвол бид яах вэ…

Ухаандаа КАL, JAL-ийн онгоцууд Монголд буухаа больчихвол бид дээрх хоёр улсад ирж, очихдоо хоёр хөршөөрөө дамжих шаардлага наад захын тулгарах асуудал.

Өнгөрсөн долоо хоногийн пүрэв гарагт Уул уурхай, хүнд үйлдвэрийн сайд Г.Ёндон шатахуун импортлогч компанийнхантай уулзсан. Уулзалтад оролцсогсдоос өгсөн мэдээллээр салбарын сайд бензин, шатахууны хомсдлоос хэрхэн гарах гарцыг хайх бус, ямар ч асуудал үүссэн шатахуун импортлогчид та нар бидэнтэй хамт байна шүү. Үгүй гэвэл тусгай зөвшөөрлийг чинь хурааж авна, бид төрийн компани байгуулна, “Роснефть” компанийн шатахууны жижиглэнгийн салбарыг Монголд оруулж ирнэ” хэмээн аархсан байна.

Төр бизнест хутгалдахаараа ямар болгодгийг Венесуэлийн жишээнээс бид мэднэ. Гэтэл Л.Оюун-Эрдэнийн тэргүүлсэн Засгийн газар хувийн хэвшлийнхэндээ нэмэр болох байтугай нэрмээс болж Өмнөд хөршийн экспортлогчидтой гэрээ хийж мөнгөө шилжүүлсэн, гаалийн татвараа хүртэл төлчихсөн компаниудын бензин, шатахууныг захиалга хийгээгүй, нөөцгүй болсон компанийнханд шууд хуваарилан ил цагаандаа гарсан дээрмийг хийж байгаа юм.

Энэ нь дээрмээс гадна үйл ажиллагаагаа хэвийн явуулж буй хувийн хэвшлүүдийн ажлыг царцаан байж цаасан дээр байгаа “Эрчис ойл” компаниа амилуулах гэсэн атгаг санаа гэхээс өөрөөр харагдахгүй байна.

Тэдний үйлдэл улам увайгүй болж Уул уурхай, хүнд үйлдвэрийн яаманд болсон дээрх уулзалтын үеэр Ерөнхий сайдын эдийн бодлогын зөвлөх Болормаа “Шатахуун хомсдоно гэсэн мэдээллээс үүдэн улсын нөөц багаслаа. Тиймээс Ковидын тархалт нэмэгдэж байгааг далимдуулан ирэх долоо хоногоос бага ангийн хүүхдүүдийг сургуульд нь явуулахгүйгээр зохицуулж болно. Тэгвэл хүүхдүүдээ сургуульд хүргэж өгдөг эцэг, эхчүүд машинаа тавина. Ингэж бензиний хэрэглээг багасгая” хэмээн далийрсан байгаа юм.

Өөрсдийн алдаатай бодлогыг халдварт өвчнөөр далимдуулан засварлах санаа нь юм байх.

Түүний зөвлөснөөр энэ долоо хоногоос хөл хорио тогтоож шатахууны жаахан нөөцөө гамнах байсан ч нөхөн сонгуулийн ирц хүрэлгүй санал хураалт дараагийн 7 хоног руу шилжсэн тул сургуулиудыг хаах асуудлыг нөхөн сонгуулийн дараа дахин ярилцахаар хойшлуулсан байна.

         ЭРЭН СУРВАЛЖЛАХ СЭТГҮҮЛЗҮЙН “НАЖ МОГОЙ” ҮНДЭСНИЙ ХОЛБОО

Л.Оюун-Эрдэнийн удирдсан анхны сонгууль МАН-аас Х.Баттулгыг салгах, эсэх шалтаг болно

Хэнтий аймаг болон Сонгинохайрхан дүүргийн нөхөн сонгууль маргааш болно. 2.2 тэрбум төгрөгийн хөрөнгө зарлагдан зохион байгуулж буй эл сонгуульд 14 хүн нэр дэвшиж байгаа. Сонгуулийн санал хураалт парламент дахь МАН, АН-ын суудлын квотоос илүүтэй Ерөнхий сайд Л.Оюун-Эрдэнийн улстөрд туулах замын урт богинын хэмжээг тодорхойлно.

Түүний тоолол эхэлснээс хойших анхны сонгууль. Тиймээс МАН ялагдал хүлээвэл намын даргаараа үлдэх үү, хөөгдөх үү дээ тулж мэдэх юм. Ямартай ч түүнд хамаарах бүх асуудлын шалтаг болох нь тодорхой.

МАН-аас нэр дэвшиж байгаа Э.Батшугарын тухайд хоёр намын тохиролцооны бараа буюу ширхгийн тамхи төдийхөн нөхөр. МАН-ын ерөнхий нарийн бичгийн дарга Д.Амарбаясгалангийн байгуулсан хэлэлцээрийн үр дүнгийн төлөөс тул генсэкт эл залуугийн ялах эсэх түй ч хамаагүй хэрэг билээ.

Л.Оюун-Эрдэнийн зүгээс Э.Батшугарыг нэр дэвшүүлэх сонирхолгүй байсныг бүгд мэднэ. Тиймээс Э.Батшугарын сонгуульт ажилд Н.Энхбаярын багаас өөр хөдлөх нэгэн үгүй байгаа ч заавал ЯЛ гэсэн үр дүнг галч залуу өгчихөөд байгаа. Учир нь дээр дурьдсанчлан нэр дэвшигч хэн байхаас үл хамаарч Л.Оюун-Эрдэнийн улс төрийн цааших амьдрал цацрах уу, царцаагдах уу гэдэгтээ тулна.

Тэр их ууртай байгаа.

Засгийн газрыг огцруулахаар АН-тай сүлбэлдэн хүзүү сээрээр хэлхэлдэж байсан хэдэн нөхдөд бухимдахдаа “Сонгуулийн луйврыг чинь дэлгэнэ шүү” хэмээн Д.Амарбаясгалан руу хашгичиж уураа гаргасан гэдэг. Тэгэхээр Гүйцэтгэх засаглалын тэргүүн хар машиныг хакердаж, төрийн эрхийг луйвардан халааслаж болдгийг гэрчлэх хамгийн чухал гэрч болж мэдэх юм.

Н.Ган-Очир гэх залуу МАН хар машиныг хакердуулахын тулд 175 тэрбум төгрөг санал болгосон хэмээн мэдэгдсэн. Үүнийгээ баталж “Намайг 2020 оны УИХ-ын сонгуульд ажиллаж байх үед МАН-ын Ерөнхий нарийн бичгийн дарга Д.Амарбаясгалан, Нийслэлийн МАН-ын дарга Д.Сумъяабазар, МАН-ын гишүүн Сэмжидмаа, Гангамөрөн болон бусад хүмүүс оролцож, СЕХ-ны санал тоолох хар машиныг IT инженер н.Мөнхбат гэх хүнд 175 тэрбум төгрөгийн хахууль өгч УИХ болон орон нутгийн сонгуулийг луйвардах ажлыг зохион байгуулсан. Энэхүү үйл ажиллагаанд Ерөнхийлөгч Х.Баттулгын зөвлөх Д.Пүрэвдаваа, Нүрзэд гэх хүмүүс оролцож, 2020 оны орон нутгийн сонгуулийн үеэр IT инженер н.Мөнхбаттай уулзаж байсан” хэмээн нэр устай, тодорхой мэдээллийг өгсөөр байтал нэг нам дангаар эрх барьж байгаагийн хүчийг харуулж, өнөөг хүртэл хэнийг ч хаана ч дуудан шалгаагүй байна. Азаар энэ хэргийн захиалагч болоод бусад холбогдох баримт МАН-ын дарга Л.Оюун-Эрдэнийн гарт бий бололтой. Тэр нь МАН-ын өмнөх удирдлагууд болоод нам доторх фракциудыг чөдөрлөх сүрхий хөзөр байж таарна.

Тэрбээр Н.Ган-Очирын яриад байсан хакердалтаа энэ хоёр тойргийн нөхөн сонгуульд ашигла гэсэн ч хар машины будилааныг нэг хоёрхон тойрогт бус нийтийн томоохон сонгуульд л хийх боломжтой гэх яриа генсэкийн өрөөнд өрнөсөн бололтой. Ийм хэд хэдэн асуудлаас шалтаглан Л.Оюун-Эрдэнийн царай сүүлийн хэдэн өдөрт хүрэнтэн лүглийж яваа юм байх.

Нөхөн сонгуульд ялагдал хүлээвэл түүнийг боргоон баарлах бүлэг фракциуд Сү.Батболд, Ч.Хүрэлбаатар тэргүүтнээс эхлэн мундахгүй. Тэдэнд нөхөн сонгуулийн ялагдал юу юунаас илүү чухал байгаа нь үнэн. Ялагдсан гэх мэдээгээр шалтаг хийн хэн хэндээ хохирол багатайхнаар Женкогийн гарт орсон намын тамгаа салгаж авах аятайхан боломж хойно.

МАН бүхэлдээ Ерөнхийлөгч асан Х.Баттулгын аманд багтаж, атганд шахагдаж явааг улстөрчид янз бүрээр тайлбарлаж байна.

Л.Оюун-Эрдэнийг Засгийн газрын Хэрэг эрхлэх газрын даргаар ажиллаж байхад тухайн үеийн Тагнуулын ерөнхий газрын дарга Д.Гэрэл тагнаж чагнасан дуулиан дэгдсэн. Л.Оюун-Эрдэнэ “Тагнуулж чагнуулж байна гэдгээ жил орчмын өмнөөс мэдсэн. Гэхдээ улс төрийн нөхцөл байдал тохиромжгүй байсан учраас ил гаргаагүй. Харин одоо улс төрийн өнцгөөс харагдахгүй учраас бүх баримтаа нэгтгэж өргөдөл өглөө” гэж байсныг уншигчид санаж байгаа байх.

Түүнийхээр 1 жил, магадгүй түүнээс урт хугацаанд Л.Оюун-Эрдэнэ дээр гүйцэтгэх ажиллагаа явуулсан гэсэн үг. Засгийн газрын Хэрэг эрхлэх газрын дарга хүн худлаа яриагүй нь тодорхой. Тэгээд ч Д.Гэрэл тэргүүтэй 8 хүн гүйцэтгэх ажиллагаа явуулсан нь үнэн болж, хуулийн байгууллага хэргийг шалгаж байв.

ТЕГ-ын дарга асан Д.Гэрэл бол “женко”-гийн хүн. Тухайн үед УИХ-ын дарга Г.Занданшатарыг Д.Гэрэлийн цаадах хүнээр нэрлэж байсан нь хол зөрсөн мэдээлэл биш байв. Засгийн газрын Хэрэг эрхлэх газрын даргыг тагнаж, чагнах амар биш. Түүнээс өндөр албан тушаалтай хүний эрх мэдлээр явагдах ажил гэдгийг хуульчид хэлж байв. Энэ талаар Баабар “Д.Гэрэл нь Зандкаагийн хувийн мөрдөгч, гүйцэтгэгч. Хүкийг Еөкөд дэвшүүлээд Зандкааг Ерөнхий сайд болох хувилбар яригдаж. Үүнийг сонсоод Оюук уурлаж. Тэгэнгүүт Гэрэл тагнах чагнах асуудалд орж. Ийм л хөгийн юм болж дээ” хэмээн жиргэж байсныг наргиа гэж үзвэл хэтэрхий гэнэн ойлголт болох юм.

Х.Баттулга, Г.Занданшатар нар хонгор нутгийнхан хэмээн ойр дотно нөхөрлөдөг. Энэ нутгийнхан эрх ашгийнхаа төлөө үнэт зүйлээ өчүүхэн ч хайрлалгүй гээж чаддаг гэдгийг М.Энхболдын Хэвлэлийн албаны даргаар ажиллаж байсан нөхрийн үйлдэл хангалттай харуулсан. Тэрбээр М.Энхболдоо чонотой нөхөрлөсөн нохдод хаяж өгчихөөд Г.Занданшатар руу ирж байв. ТЕГ-ын дарга асан Д.Гэрэл ч ажил мэргэжлийн үнэт зүйлээ шаварт хутгаж шидчихээд Х.Баттулга, Г.Занданшатар хоёрт зүтгэсэн гэдэг. Ядахад нутаг нугаас гадна ураг садны хэлхээстэй гэгддэг билээ.

Ерөнхий сайдаар ажиллаж байхдаа У.Хүрэлсүх Д.Гэрэлийг алтны уурхайтай, уурхай нь байгаль орчин сүйтгэдэг, нөхөн сэргээлт хийдэггүй хэмээн булхайг нь дэлгэн донгодоод ажлаа өгөхийг шаардаж байв. Тэр үед У.Хүрэлсүхийн амыг ар дээр гартал алгадаад, албанд нь авч үлдсэн хүн Х.Баттулга байсан.

Сүүлд Х.Баттулга, У.Хүрэлсүх нарын харилцаа муудсаны дараахан Хууль зүй, дотоод хэргийн сайд Х.Нямбаатар “Д.Гэрэлтэй холбоотой нууц бичлэгийг дэлгэнэ” хэмээн мэдэгдсэн нь гэнэтийн зүйл биш. Энэ бүх бужигнааны хойно херо Б.Баатар, Л.Оюун-Эрдэнэ нар Х.Баттулгын харцаар хөдөлж, Л.Оюун-Эрдэнэ нь намын олон мянган гишүүдийнхээ өмнө ичгүүр сонжуураа гээн байж “женко”-г зөвлөхөөрөө авсныг мөнөөх гүйцэтгэх ажиллагааны үр дүн гэж улстөрчид дүгнэж байна.

Тэрбайтугай Д.Гэрэл гүйцэтгэх ажиллагаа явуулж байхдаа Л.Оюун-Эрдэнээс гадна МАН доторх олон баримтыг гартаа оруулсан гэх бөгөөд түүний ачаар өдгөө намын даргынх нь өрөөнд таахалзан, тамгыг нь тэвэрчихсэн суугаа Х.Баттулгын өөдөөс гар далайн шүлсээ үсчүүлэх зоригтон эрх баригчдын дотоодод үгүй болсон гэж байгаа.

Ерөнхий нарийн бичгийн дарга Д.Амарбаясгалан хүртэл Тусгаар тогтнолын ордноор ирэхээ байж, ихэнх цагаа зуслангийн байшиндаа өнгөрүүлэх болсон нь тохиолдлын хэрэг биш байх. УИХ, Ерөнхийлөгчийн сонгуулийн дараахан тэнгэрт тултал магтагдаж байсан Д.Амарбаясгалан гэнэт ЖДҮ-чин, тендэрчнээр дуудуулан хэвлэлээр гөвүүлж, болсон болоогүй баахан пиарчдыг намын байраар дүүргэсэн нь мөн л Женкогийн өрөг гэгдэж байна.

Түүгээр үл барам зуд болоход нохой зоолж зовлон учрахад лам баяжидгийн үлгэрээр цар тахлын хүнд бэрх өдрүүдээр түм буман аж ахуйн нэгжүүдийн дампуурлыг сөрөн УИХ-ын гишүүн Ж.Мөнхбат, С.Бямбацогт нарын бизнес өргөжин халаас нь түнтийж байгааг ч Х.Баттулгатай холбон тайлбарлаж байгаа.  

Хоёр жилийн дараалсан хөл хорио, хил гаалийн хорио цээрээс улбаалан барилгын компаниудын үйл ажиллагаа тасалдаж, бараа, материалын үнийн хөөрөгдлөөс үүдэлтэй олон газар дампуурлаа зарласан. Харин энэ шуурганд өртөлгүй гялтайтал босч буй нь “Нью прогресс” групп.

Тэд Нүхт, Арцатын задгайд 19 га эдэлбэр газарт “Хан төгөл” хаус хорооллыг сүндэрлүүлж байна. Тансаг зэрэглэлийн энэ хорооллын хамгийн хямд гэх хаусын үнэ 1.6 тэрбум төгрөг. Энэхүү хотхонд хууль, шүүхийн байгууллагын хэд хэдэн албан тушаалтан нүүж орсон байгааг судалж, сурвалжлахад гэмгүй л мэдээлэл.

Ирэх оны төсвийн ихэнх нь дэд бүтцийн салбарт зарцуулагдахыг Сангийн сайд Б.Жавхлан хэлсэн. Энэ нь С.Бямбацогт, Ж.Мөнхбат нарын Л.Оюун-Эрдэнийн суганд хавчуулагдан долигонож гүйсний нь шан харамж гэх бөгөөд үнэхээр ч Засгийн газраас зөвхөн эрчим хүчний салбарт 733.7 тэрбум төгрөг төсөвлөж байсан удаагүй.

Хонь, чоно мэт явсан У.Хүрэлсүхийг Ерөнхий сайд болсны дараа Ж.Мөнхбат “Эвий, Ерөнхий сайд минь эх оронч сэтгэлгээгээр эрчим хүчээ гамнана гээд арын өрөөндөө жиндэх маягтай сууж байна” хэмээн улалзтал долоосныг бид мэднэ. Өдгөө тэрбээр Л.Оюун-Эрдэнийг тойрч тойглон, С.Бямбацогтын “Хан төгөл” хаус хорооллын ашиг орлогоос хамтран идэж, ханатал зүлгэж яваа юм байх…

Тэр утгаараа нөхөн сонгуулийг амжилттай болгох нь МАН-д зөвхөн Л.Оюун-Эрдэнэ, Ж.Мөнхбат, С.Бямбацогт гурвын л хүсэл төдийхөн байна.

Өлөн, өлөн гэхэд Үйлдвэрчний эвлэлийн мөнгө иддэг юм биш биз, Х.Бадамсүрэн захирал!!!

/

-Хэнд ч тайлан баланс гаргаж өгөх шаардлагагүйгээр зувчуулж болох жил бүрийн 1.2 тэрбум төгрөг хаачдаг вэ-

“Эрдэнэт үйлдвэр”-т ажилчдын бослого дэгдэх нь. Цар тахалтай зэрэгцэн тус үйлдвэрийн Үйлдвэрчний эвлэл болоод уурхайчдын дундах үл ойлголцол, маргаан ширүүсч, жагсаал цуглаандаа тулаад байсан.

Гэтэл энэ асуудлаа цэгцлээгүй, ойлголцоогүй байсан атлаа “Эрдэнэт үйлдвэр” ТӨҮГ-ын Үйлдвэрчний эвлэлийн хорооны дарга Б.Төгсбаяр гээч нөхөр 2022 оноос хэрэгжих шинэ Хамтын гэрээний төсөл гээчийг Ерөнхий захирлын хамтын ажиллагаа, нийгмийн асуудал хариуцсан орлогч Ц.Бат-Энхэд өчигдөр хүлээлгэн өгч гал дээр тос нэмсэн байна. Үүнд эгдүүцсэн уурхайчид эсэргүүцлийн бослого, хөдөлгөөн өрнүүлж эхэллээ.

Б.Төгсбаяр гээч нөхрийг буюу одоогийн Үйлдвэрчний эвлэлийн даргаа эсэргүүцсэн уурхайчид “Эв санааны нэгдэл” хүртэл байгуулж, дургүйцлээ илэрхийлж байсан нь саяхан. Харамсалтай нь, үйлдвэрийн захирал Х.Бадамсүрэнгийн хүн гэгддэг мань эрийг буулгаж дөнгөөгүй төдийгүй өнөөх нь улам бүр хөрөнгөжин хүчирхэгжсээр нийт уурхайчдын нэрийг барин ганцаарчилсан тоглолт гарамгай хийдэг болсон гэнэ.

1984 онд төрсөн, Уулын баяжуулах “Эрдэнэт үйлдвэр” ТӨҮГ-ын Үйлдвэрчний эвлэлд хэтэрхий жулдсан энэ залууг захирал Х.Бадамсүрэнгийн шууд бус оролцоогоор, санал луйвардан байж дарга болсон гэдэг. Тиймээс өмнөх Үйлдвэрчний эвлэлийн дарга нь шүүхэд хандаж байсан ч мөн л Х.Бадамсүрэнгийн гар далдаас сунаж, шүүх бүрэлдэхүүнд нөлөөлсөн гэх хардлагат шүүмжлэлийг уурхайчид өрнүүлж байна.

Ер нь бол Үйлдвэрчний эвлэлийн даргын сэнтийд шунан дурлах түмэн шалтаг, шалтгаан бий. Үйлдвэрийн зүгээс ажиллах нөхцөлийг бүрэн бүрдүүлж телефон утас, албан тасалгаа, техник хэрэгслээр бүрэн хангахаас гадна автомашины нь шатахууныг хахтал шийдвэрлэж өгнө. Дээр нь хүчээр хураасан ажилчдын татвараас гулгитал цалинжина.

Хэмжээлшгүй дархан эрхийг давхар эдэлж, Үйлдвэрийн газрын цех, нэгж, хэсэгт бүтцийн өөрчлөлт хийхээс өмнө “Эрдэнэт” үйлдвэрийн удирдлага заавал Үйлдвэрчний эвлэлд мэдэгдэж “зөвшөөрөл” хүсдэг гэж байгаа. Тасаг, хэлтэс, цехээ Үйлдвэрчний эвлэлтэй ойлголцсоны үндсэн дээр татан буулгаж, өөрчлөн байгуулдаг болохоор Х.Бадамсүрэнгийн эрх мэдлээс ч давсан эрх мэдэлтэй болж таарч байгаа юм.

Тиймээс энэ бүгдийг хашир бурхи тооцолгүй яав гэж…

Монголросцветмет нэгдлээс буруу зөв бүгдийг сурч, хийж төлөвлөсөн өвгөн захирал ГОК-т очихдоо нэн тэргүүнд Үйлдвэрчний эвлэлийн удирдлагыг гартаа оруулж, тархины өлөн нь арилаагүй хүүхдийг даргаар тавиулан үйлдвэрийн ажилчдыг тохуурхан суугаа байх нь.

Ажилчдын татвараар санхүүжин, тэдний эрх ашгийн төлөө ажиллах эрхэм зорилготой Үйлдвэрчний эвлэл ийнхүү 2019 оноос эхлэн Х.Бадамсүрэнгийн “халаасанд” эвхэгдэн орсноос хойш уурхайчдын хүсэлт, шаардлага амны алчуур төдийхөн болж хөсөр хаягдаад эхэлж.

“Эрдэнэт” үйлдвэр 6700 гаруй ажилчинтай. Үүнээс 5000 орчим нь Үйлдвэрчний эвлэлийн гишүүн. Гэхдээ тэд сайн дураар эвлэлд нэгддэггүй гэж байгаа. Ажилчнаас Үйлдвэрчний эвлэлийн гишүүн болох уу, татвар төлөх үү гэж хэзээ ч асуухгүй.  

Захирал өвгөний эрхшээлд нэгэнт орсон гэгдэж буй Үйлдвэрийн дэргэдэх Үйлдвэрчний эвлэл ажилчдын цалингаас 1 хувийг шууд татвар болгон суутгадаг.

Үйлдвэрийн ажилчдын дундаж цалин 2.3 сая төгрөг. Цалингийн нэг хувь буюу 10.000-25000 төгрөгийг сар бүр ийнхүү шимэгчлэн татдаг Үйлдвэрчний эвлэл сардаа 100 сая, жилдээ 1.2 тэрбум төгрөг халаасалдаг ч хаашаа, юунд зарцуулагддаг нь тодорхойгүйгээр алга болсоор 2 жилийн нүүр үзэж.

Үйлдвэрчний эвлэл шилэн данс хөтөлдөггүй бөгөөд Х.Бадамсүрэн захирлын ивээлд оршдог Б.Төгсбаярыг дарга болсноос хойш үйл ажиллагааны талаар гишүүддээ тайлагнадаггүй, санхүүгийн ил тод байдал гээч юм бүр ор мөргүй алга болсон байна.

Тиймээс уурхайчид ҮЭ-ийн хороон дарга Б.Төгсбаярыг тайлангаа тавиад огцрохыг шаардаж жагсаад бараг улирлын нүүр үзэж байгаа гэнэ. Харамсалтай нь, Х.Бадамсүрэнгээ мөнхийн захирал байх мэт эндүүрсэн Б.Төгсбаяр үйлдвэрийн удирдлагуудын суудаг жигүүрт шигдээд нүдэн балай, чихэн дүлий таг чиг байсаар өнөөг хүрч.

Багадаа, жилийн 1.2 тэрбумыг төвлөрүүлж буй Үйлдвэрчний эвлэлийн 2019 оны санхүүгийн тайланг өнгөц харахад баяр ёслол, шуудан харилцаа, татвар хураамж, эвлэлийн удирдлага гишүүдийн цалин, нийгмийн даатгал гэгчлэнгээр үрлэгдсэн байсныг үйлдвэрийн ажилчид ярьж байна. Энэ их мөнгөнөөс ажилчдын төлөө гэж гялтайх зарцуулалт нь ердөө 740000 төгрөгөөр ганц сургалт зохион байгуулсан гэж байгаа. Бусад нь үйлдвэрчний эвлэлийн удирдлагуудын томилолтын зардал, бүх төрлийн баяр ёслолд гэхчлэн урсаад алга болж.

Даварсаар даварсаар Дагвын орон дээр гарч хэвтэнэ гэгчээр Үйлдвэрчний эвлэлийн холбооны дарга Б.Төгсбаяр өдгөө ажилчдынхаа үгийг сонсохоо больж, эгээ л үйлдвэрийн удирдлага мэт “Та нарын хүүхдийн сургалтын төлбөрийг үйлдвэрээс даалгадаг болсон шүү” гэхчлэн загнадаг гэнэ. Түүний яриад байгаа сургалтын төлбөр гээч нь уурхайн ажилтны 1 хүүхдийг дотоодод сурвал 500, гадаадад сурвал 700 мянган төгрөг олгодог бөгөөд үүнд нийтдээ 320 хүүхэд хамрагдаж 220 саяыг гаргуулсан нь Үйлдвэрчний эвлэлдээ төлдөг хураамжны ердөө 2 сарын төлбөртэй тэнцэх дүн аж.

Тэгэхээр Үйлдвэрийн удирдлагууд уурхайчдын хүүхдийн сургалтын төлбөрт тусалсан хэмээн попорчихоод үнэн хэрэгтээ халаасандаа оруулсан Үйлдвэрчний эвлэлийн санд төвлөрдөг дүнгээс “зарлага”-аа нөхчихдөг бололтой.

Хамгийн хөгийн нь ажилтнуудын эрх ашгийг хамгаалах Үйлдвэрчний эвлэл гэх сайхан нэртэй ч дүрмэндээ ажилтнуудын хүсэлтээр Үйлдвэрчний эвлэлд шалгалт оруулдаггүй, Х.Бадамсүрэнгийн удирдлагад байдаг Хянан шалгах хорооны хүсэлтээр шалгадаг гэнэ. Тэгэхээр Үйлдвэрчний эвлэлийн үйл ажиллагаа, данс тооцоог шалгуулах уурхайчдын хүсэлт мөрөөдлийн мөсөн чихэр болж, мянга мянган уурхайчдын эрх ашгаа хамгаалуулах гэж төлсөн 4 тэрбум шахам төгрөг (2019 оноос хойших) аль хэдийнэ буруу замаар будаа тээгсдийн гараар орж өдийд хэн нэгний хөлөглөсөн үнэтэй машин, өнгөлөг хаус болон угаагдсан байж мэдэх нь…

Эрэн сурвалжлах сэтгүүлзүйн НАЖ МОГОЙ үндэсний холбоо

Хятадын хатавчинд Т.Бадрал хоол горьдож, АНУ-д Ө.Батбаяр хашаа шүүрдэж явна, Ерөнхийлөгч өө!!!

/

Хэдэн мянган жилийн гайхамшигтай түүх, уламжлалтай Монгол Улсын гадаад бодлогыг зангидаж байдаг уураг тархи нь Гадаад харилцааны яам. Их Монгол Улсын хааны алтан гэрэгэ өвөртөлсөн элч нар дипломат бодлогоороо дэлхийн улс гүрнүүдийг эрхшээн, бодлого юугаараа тэдгээрийг товхинуулж ирсэн нь түүхэн үнэн. Манай үе үеийн элч, төлөөлөгч, дипломатчид Монгол Улсын гадаад бодлогын алтан аргамжаа болсоор ирсэнтэй хэн ч маргахгүй.

Харамсалтай нь өнөөгийн Гадаад харилцааны яам ураг төрлийн, гэмт хэрэгтнүүд орогнодог, эрх баригч намын боловсон хүчний бодлогыг хэрэгжүүлэгч нэг агентлаг болж, дипломат томилгоо тэр чигтээ булхайтай, улс төрийн карьераа дуусгасан нэгний эцсийн зогсоол, шагнал болоод удав.

Цус ойртож, ажилтнуудынх нь тархины багтаамж шалдаа унасан, идээ бээр бугшсан энэ яаманд салхи оруулахгүй бол Монгол Улсын гадаад бодлого бүрэн алдагдахад хүрлээ. Элчин сайдын нарын томилгоо, хөл хорионы үед авч хэрэгжүүлсэн арга хэмжээ, шатахууны хомсдол, нүүрсний экспорт, хоёр хөрштэй хийдэг тээврийн саатлаас бараа, бүтээгдэхүүний үнийн өсөлт зэргээс яам, дипломатчид нь ажиллах чадваргүй гэдгээ харууллаа.

Цар тахлын аюул хумигдаагүй ч дэлхийн улс орнууд түүнд зохицсон хариу арга хэмжээ авч амьдралын хэвийн горимд орж, гадаад харилцаа, тээвэр, аялал жуулчлалаа нээгээд байна. Цар тахал зөвхөн Монголынх биш, дэлхий нийтээрээ өртсөн. Гэтэл зөвхөн манай иргэдийг хүлээж авах улс оронгүй боллоо. Хувь, хувьсгалын зардал болоод тэтгэлгээр сурдаг олон зуун оюутан хичээл сургуульдаа явж чадахгүй сууж байна.

Энэ бүхэн Гадаад харилцааны бодлого, үйл ажиллагааны доголдол. Дипломатчдын нэр хүнд дэлхийд төдийгүй иргэдийн дунд навс унаж, элэг доог болсоор удлаа.

Төрийн гадаад бодлогын асуудлыг хувийн болоод намын байр сууринаас ярьдаг хулхи дипломатч олшров. Дипломат үйл ажиллагаа хамгийн түрүүнд дипломат ажилтнуудыг томилохоос эхэлдэг. Энэ тал дээр манай төрийн бодлого ёстой холион бантан.

Ерөнхийлөгчийн тангараг өргөж, сэнтийдээ суусан У.Хүрэлсүх гадаадад эх орноо төлөөлөн суух Элчин сайд нарт жуух бичгийг нь гардуулж, түрүүчээсээ тухайн улс руугаа мордож байна. Олон улсын дипломат бодлого, үйл ажиллагаа, томилогоонд хэдэн зүйлийг жишиг болгон мөрдөж ирсэн байдаг.

Гадаад улсад суух Элчин сайдыг тухайн улс нь хүлээж авах уу, хүлээн зөвшөөрөх үү гэдгийг хамгийн эхэнд авч үздэг юм байна. Харамсалтай нь, энэ тал дээр У.Хүрэлсүх асар том алдаа хийж байгаагаа юман чинээ тоосонгүй.

Жишээ нь, БНХАУ-д суух Элчин сайдаар генерал Т.Бадралыг томилж, жуух бичгийг нь гардуулан өгч явуулаад жил шахам болж байхад БНХАУ-ын дарга Си Зиньпин жуух бичгийг нь өнөө хүртэл хүлээн аваагүй байна. Олон улсын жишгээр бол гадаадын Элчин сайд нар тухайн орондоо ирсэн дарааллаараа жуух бичгээ өргөн барьдаг, цаад улсын Ерөнхийлөгч нь ч тэр дарааллаар хүлээн авдаг аж. Гэтэл БНХАУ-ын дарга манай Элчин сайд, генерал Т.Бадралаас жуух бичгийг нь авсангүй. Тус улсад шинээр томилогдон очсон Ази, Европын олон орны Элчин сайд нар Т.Бадралаас хойно ирсэн ч тэдний жуух бичгийг Хятадын дарга хүлээн аваад байгаа.

Өөрөөр хэлбэл, манай Элчин сайдыг тус улс хүлээн зөвшөөрсөнгүй. Уг нь томилогдон очсон Элчин сайдын жуух бичгийг тухайн улсын Ерөнхийлөгч хүлээн авалгүй гурван сар болоход л нөгөө улс хүнээ эргүүлэн татаж, өөр дипломатчийг томилдог. Томилсон Элчин сайдынх нь жуух бичгийг яагаад хүлээн авахгүй байгаагаа тухайн улс тайлбарлах ч албагүй юм байна. Дипломат ёс ёмбо мэддэг байсан бол Т.Бадрал ч Си Зиньпин дуудахыг нь хүлээн суугаад байх биш, өөрөө хүсэлтээ гаргаад албан тушаалаасаа татгалзах учиртай. Гэтэл мань генерал яс горьдсон нохой шиг суусаар л.

Генерал Т.Бадрал ОБЕГ-ын даргаар ажиллаж байхдаа хөрөнгө мөнгө завшсан цөөнгүй асуудалд холбогдож, яллагдагчаар хүртэл татагдаж байсан.

Үүнийг хятадууд дуулаагүй, мэдээгүй байна гэж үгүй. Тэгэхээр “Гэмт хэрэгт холбогдож байсан хүнээ манай улсад суух Элчин сайдаар томилон ирүүлж, бидэнд хүндлэлгүй хандаж байна” хэмээн Хятадын тал үзсэн байх нь.

Тэрчлэн дипломатчдыг томилохдоо насыг нь харгалздаг олон улсын жишиг бий. Энэ жишгээр улс орнууд Элчин сайдаараа 62-65 насны дипломатчдыг томилдог. Ийм насны хүн албан тушаалын зохих шатаар дараалан явж ирсэн байдгаас гадна ажлын ихээхэн туршлагатай болсон гэж үздэг.

Ямар хүнийг Элчин сайдаар томилж байгаагаас нь Монгол Улс манай орныг хэрхэн үзэж, үнэлж байна вэ гэдгийг дүгнэдэг гэсэн үг.

Энэ өдрүүдэд АНУ-аас Европын Холбоонд суух Элчин сайдаар 74 настай дипломатчийг томилохоор Сенатын гадаад бодлого, аюулгүй байдлын байнгын хороо нь баталж. Гэтэл манайх яав. Хамгийн том гуравдагч хөрш, дэлхийн тэргүүлэгч их гүрэн АНУ-д хэний ч үл таних, төрийн болон дипломат албаны өчүүхэн ч туршлагагүй, аяллын нэвтрүүлгийн хөтлөгч залууг томилон илгээсэн. Түүнийг АНУ-ын эрх баригчид хүн чинээ тоосонгүй. Төрийн болон бусад томоохон арга хэмжээнд огт урилгүй дорд үзэж байна. Манай эрх баригчдын дээр дооргүй магтан дуулж томилсон Элчин сайд Ө.Батбаяр өнөөдөр АНУ дахь Монгол Улсын Элчин сайдын яаманд үүдний жижүүр аятай, хэдэн ажилтнаа нааш цааш явуулсан шиг, үр дүнгийн гэрээ байгуулах төдийхөн ажилтай л арчаагүй царайлж сууна.

Дипломат ёсонд агреман гэх ойлголт бий. Энэ талаар Венийн конвенцод тодорхой заасан байгаа. Аливаа улс нөгөө улсын тодорхой нэг этгээдийг өөрийн улсад суугаа Дипломат төлөөлөгчийн газрын тэргүүнээр хүлээн авч буйгаа албан ёсоор зөвшөөрсөн албан бичиг гэж агреманыг ойлгож болно. Агреман асуух болон хариу өгөхдөө албан бичгээр харилцдаг. Зарим оронд амаар асууж, амаар хариу авдаг практик ч бий. Агреман хүлээн авсны дараа тухайн нэр дэвшигч персона грата буюу хүлээн зөвшөөрөгдсөн хүн болдог.

Харин зөвшөөрөөгүй хариу ирүүлбэл персона нон грата буюу тухайн улсад хүсэхгүй хүн болдог юм байна. Тухайн нэр дэвшигчид агреман өгөөгүй орон учир шалтгаанаа тайлбарлах албагүй. Агреман авах гэж ямар нэг лобби хийх нь бүдүүлэг, ичгэвтэр, Венийн конвенцыг зөрчсөн хэрэг болно. Тухайн улс агреманаа ирүүлэлгүй гурван сар болвол тэр улсад суухаар томилогдсон нэр дэвшигчийг хүлээн авахаас татгалзаж байна гэж үзнэ. Ийм тохиолдолд тухайн улс, ГХЯ нэр дэвшигчээ татаж, өөр хүнийг дэвшүүлдэг.

Гэтэл манай улсаас БНФУ, ХБНГУ-д суулгахаар агреман асуусан нэр дэвшигчдийн хариу гурван сар байтугай хүлээгдлээ. Ерөнхийлөгч У.Хүрэлсүх болон хэвлэлийн компанийн эзэн хатагтайгаар ахлуулсан ГХЯ-ныхан олон улсын энэ жишгийг үл тоон хүлээсээр суугаа нь дипломат ёсоо умартсан ичгүүртэй хэрэг болж байна.

Агреман ирүүлсэн ч Итгэмжлэх жуухыг нь хүлээн авахгүй тохиолдол бас бий. Үүний жишээнд БНХАУ-д томилогдон очсон Элчин сайд, генерал Т.Бадралыг харж болно.

Итгэмжлэх жуухыг нь хүлээн авсан ч тоохгүй, амны цаас мэт хаях явдал ч байдаг. Энэ тохиолдол нь АНУ-д суухаар очсон Элчин сайд, аялагч Ө.Батбаярын жишээ. Өмнө бас нэг тохиолдол байсан нь ОХУ-д томилогдсон Элчин сайд гэнэ. ОХУ-д сууж асан түүнийг оросууд зөнд нь орхиж, нөгөөх нь казинод тоглох, тус улсын ГХЯ-ны нэг хэлтсийн даргаас өөр хүнтэй уулзалгүй байсаар хугацаагаа дуусгасан байна. ОХУ-ын Гадаад харилцааны сайд манай казиночин Элчин сайдыг үл тоон, түүнтэй огт тохиролцолгүйгээр Монгол Улсад айлчлах зэргээр дургүйцлээ илэрхийлж байжээ.

Энэ мэтчилэн холыг биш халаасныхаа хэмжээг харж шийдвэр гаргасан эрх баригчдын шийдвэрийн уршгаар дипломат бодлого алдагдаж, ГХЯ идээ бээртээ бариулж дууслаа.

Шинээр томилогдсон Элчин сайд нарын дунд тамхины хэрэгт холбогдож байсан нэгэн ч байгаа нь дэндүү эрээ цээргүй. Казахстан улсад Элчин сайдаар томилогдсон нөхөр урьд нь ийм хэрэгт холбогдож байсан юм байна. За тэгээд цэвэр хятад гаралтай нэгнийг Эрээнд консулаар суулгасан гээд дурьдаад байвал энэ салбарт төрийн хар хайрцагны бодлого алдагдсан олон жишээг дараагийн нийтлэлээр хүргэнэ.

Төгсгөлд сануулахад, Авлигатай тэмцэх газар (АТГ)-аас хошууч генерал Т.Бадрал, ОБЕГ-ын дэд дарга, бригадын генерал Г.Арвинбуян, Санхүү, хангалт үйлчилгээний газрын даргаар ажиллаж байсан, хурандаа Р.Дадам агсан болон Хангалтын хэлтсийн дарга асан Л.Билэгдэмбэрэл, “Орем трейд” ХХК-ийн захирал Д.Лхагвасүрэн нарыг хууль бусаар 17 тендер явуулахдаа өөрсдийн эрх мэдэл, албан тушаалаа урвуулан ашигласан гэж үзсэн. Ингэхдээ бусдад давуу байдал олгож, төсвийн хөрөнгө завшсан байж болзошгүй гэж буруутган гурван жил гаруйн хугацаанд шалгаж, яллагдагчаар тооцож байв. Харин яллагдагч, хошууч генерал Т.Бадралын албан тушаалыг түдгэлзүүлж шалгаагүй учир ажлаар хөдөө орон нутаг, гадаадад томилолттой гэсэн шалтгаанаар хэргийг шүүхэд шилжүүлэх боломж гаргуулахгүй хууль хяналтынхны ажилд саад учруулж байсан юм.

ЭРЭН СУРВАЛЖЛАХ СЭТГҮҮЛЗҮЙН “НАЖ МОГОЙ” ҮНДЭСНИЙ ХОЛБОО

1200 амь цаг бусаар одлоо… Өөрийн чаддаг, мэддэг салбартаа оч Б.Болор-Эрдэнэ ээ!!!

/

Цар тахлаар 1000 хол давсан хүн нас барж, маш хүнд өвчтөний тоо 10000 хүрч, үүнээс 4000 гаруй хүүхэд хэвтэн эмчлүүлж байна. Эрүүл мэндийн байгууллагын даац хэтэрч, нэн хүнд хүмүүсээ ч хүлээж авахаа байсан энэ үед дэлхийг айлгасан дельта вирусыг ч үл тоон Л.Оюун-Эрдэнийн толгойлсон Засгийн газар шоудсаар, попорсоор…

Сошиал орчноор дүүрэн тахлын хүндрэлээр зовж шаналан аврал эрсэн иргэд. Эмнэлгийн тусламж авч чадахаа больсноос гадна зайлшгүй шаардлагатай эм тангийн хүрэлцээ ч тасалдаж уух эмгүй болсон. Тахалд гэр бүлээрээ нэрвэгдэж байгаа тул өндөр өртөг бүхий шинжилгээг хийлгэж чадахгүйн дээр эмээ ч бүтэн авч чадахгүй тарчилж буй өрх дэндүү олон. Иргэдийн худалдан авах чадамж өдөр ирэх бүрт буурч эмийг ширхгээр авч эхэлснийг эмийн санчид мэдээлж байна…

Харамсалтай нь цахим наадамд шунаж тэмүүлсэн Засгийн газар тахлын эсрэг, тархалтыг хумихын төлөөх ямар ч арга, гарц гаргалгааг олохоо байгаад таг зогсчихлоо.

Үүнд, удаа дараа хөндөн бичиж шүүмжилсээр байгаа Харилцаа холбоо мэдээллийн технологийн газрын царцсан бодлого, чадваргүй удирдлага шууд буруутай юм.

Өвчилсөн хүмүүсийн мэдээлэл, халдвар авсан иргэн эрүүл иргэнтэй зэрэгцэн алхаж буй мэдээллийг яагаад өгч чадахгүй байна вэ. Ковидын халдвартай иргэн хоёр метрээс дотогш зайд ойртоод ирлээ шүү гэх мэдээллийг утсанд нь өгөөд байвал ямар ч тэнэг холдохоо, зай барихаа мэднэ шүү дээ.

Үүнийг хийчихнэ, юүхэн байхав гээд Харилцаа холбоо мэдээлэл технологийн газрын дарга Б.Болор-Эрдэнэ таны өнөөг хүртэл авч зарцуулсан тэр их хөрөнгө, мөнгө хаачив…

COVID19 ERSDEL системийг чинь Засгийн газраас зөвшөөрч, баталсан уу.

Энэ аппликейшныг 800 гаруй мянган хүн ашигладаг гэх албан бус тоо яваад байсан ч уг аппликейшн чинь мөнгө босгож, идэх гэсэн луйвар байсан юм биш биз!

Уг системийг Б.Болор-Эрдэнэ та хийчихсэн мэт, Шадар сайд С.Амарсайхан юу юугүй хэрэгжүүлэх гэж байгаа мэт сурталчлаад байсан боловч системийн талаарх албан ёсны шийдвэр өнөө хэр гараагүй нь ямар учиртай юм бэ?!

Хуульд зааснаар Засгийн газраас харилцаа холбооны салбарт хийгдэх бодлого шийдвэр батлагдах ёстой. Харилцаа холбоо мэдээллийн технологид тулгуурласан бүтээгдэхүүн, үйлчилгээг нэвтрүүлэх эсэхийг Засгийн газар эцэслэнэ.

Ингэхийн тулд Харилцаа холбоо мэдээлэл технологийн газраас бодлогын түвшинд төсөл боловсруулж өргөн барих эрх, үүрэгтэй. Гэтэл наашаа харж зарлан шоудсан систем болоод холбогдох өөр бусад бодлогын түвшний ганц ч төсөл, ажлын саналыг цаашаа, Засгийн газартаа өнөөдрийг хүртэл хүргүүлээгүй байгаа чинь Б.Болор-Эрдэнэ таны мэдлэг чадваргүй, удирдах арга барил, туршлагагүйтэй шууд холбоотой юу…

-ТАХАЛД НЭРВЭГДСЭН УЛСЫНХАА ТӨЛӨӨ ГАЛЫН ШУГАМАНД ЗҮТГЭХ ЁСТОЙ БАЙГУУЛЛАГЫН УДИРДЛАГЫГ ХЭН ТОМИЛСОН БЭ-

Харилцаа холбоо мэдээлэл технологийн газрын удирдлагыг Засгийн газраас, Ерөнхий сайдын эрх мэдлийн хүрээнд томилдог. Ингэхдээ Тагнуулын байгууллагатай зөвшилцөж, удирдлагыг томилж ирсэн жишиг бий. Мэдээлэл технилоги, харилцаа холбоо нь тухайн улс үндэстний аюулгүй байдлын гол цөм учраас тэр.

Харамсалтай нь улсын амин чухал энэ байгууллага “бэлэгний”, хэн нэгний энгэрийн сарнайд зориулсан суудал болж Хэнтий нутгаас гаралтай, олон улсын харилцааны менежер, гадны ганц нэг төсөл дээр л туслах төдийхнөөр ажиллаж байсан Б.Болор-Эрдэнэ гэгч эмэгтэйг эрх баригч намын генсэкийн түлхүүрдсэнээр ямар ч шалгуургүйгээр томилчихсон нь энэ улсын орныг өнөөдөр гамшиг, зовлонд хутгасан эмгэнэлт томилгоо боллоо.

Улс орноороо ТАХАЛ-д нэрвэгдэн, тахлын тархалт хяналтыг хэрхэн хумих аргаа ч олохгүй байгаа арчаагүй байдлаас нь болж дэлхийд зөвхөн Монгол Улсын иргэдийг л хилээрээ нэвтрүүлэхгүй, хаан боох гутамшигт арга хэмжээг авч байна.

Түүнийг У.Хүрэлсүх Ерөнхий сайдаар ажиллаж байхдаа, Л.Оюун-Эрдэнэ Засгийн газрын Хэрэг эрхлэх газрын дарга байхдаа генсэк Д.Амарбаясгалангийн “гуйлгааар” томилсон гэдгийг одоогийн Засгийн газрын тэргүүн өөрөө ам алдсан байгаа юм. Хэдий Д.Амарбаясгалангийн гуйлга хэмээн Засгийн тэргүүн өөрөөсөө зайлуулж буй ч технологийн салбарынхан агентлагийн дарга сэтэрт бүсгүйгээ генсэкийн энгэрийн сарнай, Л.Оюун-Эрдэнийн хөтөлгөө хэмээн нэрлээд удлаа.

Өнөөх нь ч ийм арчаагүй давуу байдлаа ажил авсан даруйгаасаа ажилтнууддаа мэдрүүлж, өрөөний тавилгуудаа үнэт тавилгаар өөрчилж, уурын индүү нэхэн хашгичиж байснаар нь олон түмэн мэддэг болсон.

Тэрбээр тахлын эсрэг үр дүнтэй нэг ч ажил санаачлаагүй хэрнээ байгууллагын түүхэн контентын төлбөр, зар сурталчилгааны зардал нэрээр хичнээн их мөнгө урсгаж байгаа билээ.

Сар бүр байгууллага сурталчлах зардал гээчийг баруун зүүнгүй цацахдаа өнөө хэр ажил болж хийгдээгүй, хэрэгжээгүй коронавируст халдварын өргөтгөлийн эрсдлийг эрт мэдээлэх, COVID19 ERSDEL системийн талаарх видео контент гээчид хүртэл мөнгө зарцуулсан байгаа нь ард түмнийг хэтэрхий басамжилсных.

Төсвийн мөнгийг хайр гамгүй үрэн таран хийхийн хажуугаар улсын аюулгүй байдалтай шууд холбогдох асуудалд ямар ч цензургүй хандаж, оролцох нь хэрээс хэтэрснийг өнгөрсөн үйл явдлууд гэрчилнэ.

Бүхэл бүтэн улсын Засгийн газрыг төлөөлсөн агентлагийн дарга атал Apple, Google гэх хувийн компаниудын төлөөлөлтэй онлайн холбогдож мэдээлэл солилцсон ноцтой асуудал нь өнөө хүртэл холбогдох газруудын хяналтаас гадуур, юу ч болоогүй юм шиг өнгөрч байна.

Үндэсний аюулгүй байдлын цөм болсон Засгийн газрын хэрэгжүүлэгч агентлагийн даргын хэлэх үг, хийх ажил хяналттай, хязгаартай байх ёстой биш үү, Тагнуулын ерөнхий газрын дарга П.Одонбаатар аа!!!

Б.Болор-Эрдэнэ гэгч нь эдгээр уулзалтаараа гадны хувийн хэвшлийн компаниудад ямар мэдээлэл өгснийг, хурлын тэмдэглэл протоколыг хэн хөтөлснийг Тагнуулын байгууллага мэдэж байгаа юм?!

Зардал мөнгө, цаг хугацаа үрсэн эл уулзалтаар юу яригдсан болоод одоог хүртэл яригдсан ажлуудаас нь ямар нэг ажил болсон зүйл үгүй байна вэ…

Монголын Тагнуулын байгууллага яагаад хяналт тавьсангүй вэ?!

Хувийн цахим хуудсаараа улсын холбогдолтой мэдээ мэдээллийг гадны хувийн компаниудтай хэдий хүртэл ингэж зоргоороо ярилцдаг эрх дархтай байх вэ, Тагнуулын Ерөнхий газрын дарга аа!!!

Гадны технологийн туслалцааг авах гэж байгаа бол эхлээд хоёр улсын Засгийн газар хооронд ярилцаж, шийдэгддэггүй хэрэг үү.

Нутаг ус, өөр бусад хэлхээ холбоосын өргүй л бол цар тахалд нэрвэгдсэн ард олныхоо төлөө, тахлын тархалт хяналтыг гартаа авахын тулд мэргэжлийн бус хүнээсээ салж, Харилцаа холбоо мэдээлэл технологийн газраа чадварлаг чансаатай, ажлаа мэддэг залууст нь шилжүүлээд өгөөч, Л.Оюун-Эрдэнэ сайдаа!!!

Халдвар тээсэн хичнээн хүн хөдөлгөөнд оролцож, ажилдаа явж, дэлгүүр хоршоогоор хэсүүчилж буй мэдээллийг, тэдгээрээс эрүүл иргэд нь өөрсдийгөө хамгаалж хариуцлагатай байх боломжийг Эрүүл мэндийн яам биш Харилцаа холбоо мэдээлэл технологийн газар л хийнэ гэдгийг одоо хүртэл ойлгоогүй яваа ЗАСГИЙН ГАЗАР биш байлтай…

Энэ газрыг хэр хурдан сэлгэж шинэчлэхээс өдөр бүр хэдэн арваараа үхэж буй иргэдээ аврах хурд, бололцоо чинь хэмжигдэнэ гэдгийг сана, Ерөнхий сайд аа…

Хүн хоорондын зайгаар биш харилцаа мэдээллийн хяналтаар халдварын тархалт хязгаарлагдаж, хумигдаж байгааг гадны улс орнууд харуулсаар байна.

Хичнээн хүний эрүүл мэнд, амь насны хохирлын ард гарч байж мэддэг чаддагт нь ажлаа өгөх гэсэн юм бэ, Б.Болор-Эрдэнэ дарга аа…

Нас барагсдын тоо өдөрт хоёр гурав биш 20, 30 руу орлоо. Илүү олон хүн цаг бусаар одохоос өмнө өргөдлөө өгөөд өөрийнхөө чаддаг мэддэг газартаа оч, Б.Болор-Эрдэнэ ээ!!!

Үгүй бол өнөөг хүртэл эрүүл мэнд, амь насаараа хохирсон олон мянган иргэний хохирлыг өөрөөс тань асуух, амийг нэхэх цаг сар жилээр бус минут секундээр тоологдож эхэлснийг энэ мөчид сануулъя. Тахлын тархалтыг хянаж, хумиж, урьдчилан мэдээлж, сэрэмжлүүлэх үүргээ биелүүлээгүйгээс тань болж 1200 амь цаг бусаар одлоо!!!

Эрэн сурвалжлах сэтгүүлзүйн НАЖ МОГОЙ үндэсний холбоо

Хилийн чанадыг зорьсон импортлогчдоо зүхэхийн оронд дэм, хүч өг Л.Оюун-Эрдэнэ ээ!!!

/

Шатахуун түгээх станцууд хаалгаа барив. Гол хэрэглээ болсон “АИ-92”, “АИ-95” бензиний нөөц шавхагдаж, түргэн тусламж, цагдаа, онцгой байдал, Зэвсэгт хүчний нэн тэргүүнд хөдлөх машинуудад тодорхой лимитээр өгч байгаа ч өнөө маргаашгүй энэ боломж ч үгүй болж байгааг нефть импортлогчид хэлж байна.

Л.Оюун-Эрдэнийн Засгийн газар “Шатахууны нөөц байна, санаа зоволтгүй” хэмээн олон нийтийг хууран мэхэлж байсан нь үнэнд гүйцэгдэв.

Олон улсын зах зээлд дээрх төрлийн бензиний нөөц хомсдохоор байгааг үйлдвэрлэгчид төдийгүй импортлогчид жилийн өмнөөс анхааруулсан. Гэсэн ч манай дүлий дүмбэ Засгийн газар юман чинээ тоохгүй явсаар ийм байдалд хүргэв. Бензин, шатахууны хэрэглээг Ерөнхий сайд Та Улаанбаатарын чихэлдсэн автомашинуудаар хардаг бололтой. “Шатахуунгүй болчихвол түгжрэл багасна” гэж Нийслэлийн Засаг дарга Д.Сумъяабазар Та хоёр арай бодсон юм биш биз дээ.

Бензин, шатахууны нөөц нь үндэсний аюулгүй байдлын онцгой нэг үзүүлэлт гэдгийг Та, таны “амьгүй” албатууд мэддэггүй бололтой.

“Дижитал үндэстэн” гэх цагаа олоогүй шоу, попролын уршгаас чинь болж хэд хоногийн дараа Ковидын жинхэнэ “бүүм” болно. Тэр үед яаралтай тусламжийн машинууд шатахуунгүй таг зогсох нь. Энэ бүгдээс үүдэн үндэсний аюулгүй байдал, иргэдийн ажил, амьдралд ноцтой аюул учрах нь тодорхой.

Танд хамаагүй юу, Ерөнхий сайд аа.

Орчин үеийн машин техник Таны галлаж байсан уурын зуухнаас өөр түлшээр ажилладаг гэдгийг эрх биш мэдмээрсэн.

Уг нь бензин шатахууны хомсдолд орж болзошгүй, оросууд крантаа хааж магадгүй байгааг эрт мэдэрсэн, мэдсэн нефть импортлогчид “Роснефть”, “Яйск”-ийн захирлуудад хандаж, ширээний ард суух хүсэлтээ зуны эхэн сард тавьж, зөвшөөрүүлсэн байх юм. Оросууд ч манайд нийлүүлэх бензинээ 50-80 хувиар бууруулж болзошгүй байгаагаа мэдэгдэж, “Роснефть”-ийнхэн ажлын уулзалтад оролцох хүмүүст урилгаа ирүүлж байж.

Харамсалтай нь урилгын дагуу нефть импортлогчид ОХУ руу орох зөвшөөрлийг Гадаад харилцааны яамнаас хүссэн ч шийдүүлэхгүй удсаар, нөхцөл байдал нэгэнт хүндэрсэн хойно буюу дөнгөж өчигдөр ОХУ руу орох зөвшөөрөл бус албан паспорт яаралтайгаар гаргасан болж аргацаасан байх юм.

Одоо нөгөөдүүлийг нь ОХУ нэвтрүүлээч үү, үгүй ч үү…

Ингэж хариуцлагагүй хандан хугацаа алдчихаад хойд зүгийн хар овоохой болгон хувийн хэвшлийнхнээ зүхэж, боргодог бор хэвлэлүүдээрээ нүдүүлж сууна.

Дэлхийн зах зээл, үйлдвэрлэл таны урагшгүй албан хаагчдыг хүлээхгүй гэдгийг шатахууны хомсдол, бусад улсын гэрээ хэлцэл (Оросуудад олон төрлийн хориг тавьж, бусад улсыг тэр хоригтоо нэгдэхийг шахаж, зөрчвөл бас арга хэмжээ авахаар сүрдүүлж байсан АНУ өөрсдөө хоригоо умартан ОХУ-аас их хэмжээний нефтийн бүтээгдэхүүн авахаар өндөр дүнтэй гэрээ байгуулсан талаар бид “Хувийн хэвшлээ дээрэмдэх САН-г Л.Оюун-Эрдэнэ, Д.Сумъяабазар нар байгуулж 100 тэрбумыг нэхжээ” гэсэн гарчигтай өмнөх нийтлэлдээ дурьдсан) харуулав.

Бидний байгаа байдал л энэ. Гэтэл “дижитал үндэстэн” боллоо гээд Засгийн газраасаа гаргасан цар тахлын үеийн дүрэм журмаа зөрчин олон мянган хүн цуглуулж попорсоор өдөр хоногийг өнгөрөөж байна.

Уйлахад ч багадахаар нь “Роснефть”-ийнхэнтэй хийх яриа хэлцэлд төрийг төлөөлж оролцох учиртай гурван түшмэл нь “Замын зардал байхгүй” гээд хээв нэг сууж байсан гэж байгаа. Аргаа барсан хувийн хэвшлийнхэн Засгийн газрыг төлөөлөх учиртай гурван даргын замын болоод ОХУ-д байх зардлыг даахаар болж.

Гэтэл хамгийн гол хүн болох Газрын тосны газрын дарга, холбооны инженер Ц.Эрдэнэбаяр “Орос руу яваад бензин олж ирж чадахгүй” гээд явахаас татгалзсан нь эмгэнэл юм. Бензин олж ирж чадахгүйгээ мэдээд хариуцлага яригдах үед “Би яваагүй, явсан бол олоод ирэх байсан” гэж арьсаа хамгаалах тооцоог хийж, хөөрхий.

МАН-ын Ерөнхий нарийн бичгийн дарга Д.Амарбаясгалангийн анд, нэг ангид сурч байсан гэх энэ этгээдийг хотын мээр Д.Сумъяабазар Уул уурхай, хүнд үйлдвэрийн сайд байхдаа намын генсэктээ тал засан агентлагийн дарга болгож “Даам гаргасан” гэдэг. Татаасны тавиулууд нүүр түлнэ гэдэг энэ…

Юу гээч болоод байна энэ улс оронд, Ерөнхий сайд аа!!!

Улс орны үндэсний аюулгүй байдалд нөлөөлөхүйц байдал нүүрлэчихээд байхад бензин, шатахууны нөөц бүрдүүлж, энэ салбарыг гардан удирдаж байх дарга тань хойш суулаа. Энэ хүн мөлхөөд ч болов Орост очиж, мөргөж байгаад ч хамаагүй бензин, шатахуун олж ирэх учиртай.

БНСУ-ыг үсрэнгүй хөгжилд хөтөлсөн Ерөнхийлөгч Пак Германы Ерөнхийлөгчийн өмнө сөгдөж, тус улсын нүүрсний уурхайнуудад солонгос ажилчдыг ажиллуулахыг, тэдний цалин улс оронд нь хэрэгтэй байгааг гуйж байсан гэдэг. Тэглээ гээд Пак Ерөнхийлөгчийг дэлхий шоолоогүй. Харин ч бахархсан байдаг.

Гэтэл шаварт унасан шарын эзэн болсон нефть импортлогчид бензин, шатахуунгүйн улмаас улс даяараа тэг зогсолт хийхэд хүрээд байгаа энэ үед цаг хожихоор ОХУ-руу автомашинаар хөдөлсөн ар хударгаар эрхэм Ерөнхий сайд гуай Нефть импортлогчдын өргөтгөсөн хурал зарлаж, шатахууны крант хаасан тул хариуцлага тооц гэхчлэн хийрхэж суугаа нь даанч увайгүй.

Хувийн хэвшлийн, хөөрхий хэдэн нефть импортлогчдыг Оросын тал нэвтрүүлэх, эсэх нь тодорхойгүй байхад ерөөж, хүч өгөхийн оронд харааж, хашгичиж суугаа Засгийн газрын тэргүүн Л.Оюун-Эрдэнийг сошиалд хагас галзуугаар нь дуудан олон нийт дургүйцлээ илэрхийлж байна.

ОХУ-аас манай хэдэд хилээрээ нэвтрүүлэх зөвшөөрөл өгөөгүй байгаа энэ үед Ерөнхий сайдын зүгээс хувийн хэвшлийнхнээ дуудан зүхэхийн оронд Гадаад харилцааны яамныхныг дуудаж зохион байгуулалт хийхийг үүрэгдсэн бол илүү дээр харагдах байв.

Эрэн сурвалжлах сэтгүүлзүйн НАЖ МОГОЙ үндэсний холбоо

Хувийн хэвшлээ дээрэмдэх САН-г Л.Оюун-Эрдэнэ, Д.Сумъяабазар нар байгуулж 100 тэрбумыг нэхжээ

/

Л. Оюун-Эрдэнийн энэ “новш”-ийн Засгийн газар цаашид ажиллах ямар ч чадамжгүй боллоо. Ирэх долоо хоногоос эхлэн Монгол Улсын эдийн засаг элэг дөрвөөрөө мөлхөж эхлэх нь. Ямар ч үйлдвэрлэл байхгүй энэ улс орныг МАН-ын улаан поп улстөрчид ингээд баллаад хаячих гэж. Цар тахлын дэгдэлт улам эрчээ авлаа. Хятадууд нүүрсний экспортыг хязгаарлалтад оруулчихлаа. Бензин, шатах тослох материалын нөөц барагдчихлаа. Оросууд  нийлүүлэлтээ хумилаа.

Одоо тэгээд яах болж байна, Ноён солиотууд аа!

Нөөцийн хомсдолд орсон болохоор, шатахуун импортлогч үндэсний хэдэн компани чинь үнэ нэмэхээс аргагүй, Л.Оюун-Эрдэнэ ээ!

Өргөн хэрэглээний бүх барааны үнэ өсөөд эхэллээ. Яг үнэндээ ямар ч бодлогогүй үйл ажиллагааныхаа эцсийн лайг чихэж, үүрүүлдэг энэ нэг хэдэн компанид ямар ч буруу алга. Зориудаар хомсдол  үүсгэж, шатахууны үнийг нэмэх гэж байна гэсэн ойлголтыг нийгэмд түгээж, дотоодын импортлогч компаниудаа  ямар удаан дарамтлав даа! 

Эцэст нь үнэнд гүйцэгдлээ. Би үхэхээр, чи үх гэсэн тактик чинь явахаа байлаа.

Шатахуун импортлогчдыг өмөөрөх, хамгаалах ямар ч шалтгаан бидэнд алга. Гэхдээ бодит үнэнийг шударгаар  бичих, хүлээн зөвшөөрөх нь хэн хэнийх нь үүрэг гэж ойлгож байна. Үндэсний үйлдвэрлэл, дотоодын  компаниудаа ээлж дараалан сөхрүүлж, дампууруулж, үүд хаалгыг нь барьж буй атлаа их наяд, наядаар мөнгө  зарцуулж шоуддаг ийм үхээнц дорой гадаад, дотоод бодлоготой Засгийн газар, эрх баригчидтай, ажилгүй, орлогогүй, халамжаар амьдардаг ард түмэнтэй энэ улс орон цаашаа хэр удаан тэсвэрлэж чадах вэ!

Алхам тутамд ХУЙВАЛДААН, бас дахин дахин ХУЙВАЛДААН.

Өнгөрсөн хавраас дэлхий даяар нефтийн бүтээгдэхүүний үнэ өснө, хомсдолд орно гэдгийг хэлэлцэж, арга хэмжээг дор бүрнээ авч байхад Монголын Засгийн газар таг дүлий, ямар ч тооцоо судалгаа, стратегийн бодлогогүй, гараа хумиж суусан. Тэртээ тэргүй ойлгомжтой байхад шатахууны үнэ нэмбэл хохь нь шүү гэх  байдлаар дотоодын хэдээ дарамталж түр аргацаасан цаг хугацаа чинь дууслаа. Яс юман дээр нохойд барьдаг  мод болгосоор байтал наад хэдэн компани чинь тамираа барчихлаа. 

Энэ хэдэн компани улсын шатахууны нөөц, үнийн бодлогыг барьдаггүй юм. Үүнийг Засгийн газар бодлогоор   зохицуулах үүрэгтэй.  Ялангуяа дэлхий даяар цар тахлын онцгой нөхцөлд амьдарч байгаа ийм үед энэ үүрэг, хариуцлага чинь бүр тодорхой, ойлгомжтой, яг таг байх ёстой. Өөрсдөө чадахгүй байгаа бол хувийн хэвшлийнхэнд бодлогоо бүрмөсөн итгээд даатгачих хэрэгтэй, Ерөнхий сайд аа!

Гэтэл яав!

Шатахууны үнийг тогтворжуулахын тулд 100 тэрбум төгрөгийн хуримтлалтай САН байгуулахаар шийдсэн гэж  байх шив! Ийм хөгийн юм сэдэхээсээ ичиж, айдаггүй юм уу Л.Оюун-Эрдэнэ ээ!

Танай  намынханд, бас өөрт чинь САН байгуулаад, байгуулсан САН-гаа хэрхэн үр ашигтай ашигладаг тухайд үл  зүйрлэм асар “мэдлэг”, хур гашуун туршлага бий.

Улаанбаатар хотын захирагч Д.Сумьяабазар УУХҮ-ийн сайд байхдаа яамныхаа дэргэд 2020 оны нэгдүгээр сарын 1-нд байгуулсан “Эрчис-Ойл” нэртэй төрийн өмчит компани байдгийг монголчууд огт мэддэггүй байж.  Байгуулагдсан цагаасаа хойш ямар ч үйл ажиллагаа эрхлээгүй цаасан дээр байсан компани учраас хэрхэн мэдэх  билээ. Ийм нэг компанийг Засгийн газраас тогтоол гарган гэнэт байгуулах болсон зорилго тань одоо тодорхой болж байна.

Өнгөрсөн зун Ашигт малтмал, газрын тосны газраас ийм САН байгуулах саналыг дэвшүүлж, улмаар хуримтлуулах  100 тэрбум төгрөгийг нөгөө шатахуун импортлогч компаниудаас гаргуулан, захиран зарцуулах эрхийг  нь  “Эрчис-Ойл” компанид олгох шийдвэрийг Засгийн газраас гаргасан байх юм. Ингээд зогсохгүй “Эрчис-Ойл”  компани нь Монгол Улсын хэрэгцээт шатахуун, шатах тослох бараа материалын импорт, хуваарлилтыг  дангаараа хариуцахаар болсныг дотоодын компаниудад мэдэгдэн сүрдүүлжээ. Хэрэв САН-д шаардлагатай 100  тэрбум төгрөгийг гаргаж өгөхгүй бол шатахуун жижиглэн худалдаалах эрхэнд халдана гэдгээ АМГТГ, Засгийн  газраас сануулсан нь хувийн хэвшилд хандсан шууд СҮРДҮҮЛЭГ биш гэж үү!

Төр ингэж хувийн хэвшлийн бизнесийг булаадаг, дээрэмддэг жишгийг У.Хүрэлсүх, Л.Оюун-Эрдэнэ нар  тогтоочихлоо.

Хачирхалтай нь “Эрчис-Ойл” компани төрийн өмчит аж ахуйн нэгж үү, хувийн өмчит компани уу гэдэг тодорхой   биш байна. Зарим нэг бичиг баримт дээр 2020 оны нэгдүгээр сард Засгийн газрын тогтоолоор байгуулагдсан  ТӨХК гэсэн атлаа зарим бичигт 2020 оны дөрөвдүгээр сарын 22-нд байгуулагдсан “Эрчис-Ойл” ХХК ч гэж явж  байх жишээтэй. 

Ерөнхий сайд аа, ийм замаар улс орны эдийн засаг хөгжих юм уу? Нефть, шатахууны бизнесийг дангаараа атгах  гэсэн та нарын энэ оролдлого шатахууны үнийн өсөлтийг тогтворжуулж, хомсдлоос гаргаж чадах уу?

Танд болон танай Засгийн газарт ийм чадамж байгаа юм уу?

Би хэрвээ шатахуун импортлогчдын нэг байсан бол Танд хоёр хурууныхаа завсар нэг хуруугаа хийж байгаад  “МАЙ” гэсэн хариулт өгөх байлаа.

Одоо ядарсан  хэдэн үндэсний компани, ард түмнээрээ даажигнаж, дээрэлхэхээ боль! Үнэнийг, үнэн бодит  мэдээллийг ард түмэнд яагаад өгч болдоггүй юм. Шатахууны үнэ нэмэгдэнэ, бүр хомсдолд орно гэдгийг эртнээс  хэлж, үйл ажиллагаагаа зохицуулсан бол илүү хялбар, амар байх байлаа. Үүний оронд үнэ нэмэхгүй, нөөц  хангалттай бий гэж нийгмийг хуурахдаа ийм байдалд орно гэдгээ тооцох хэрэгтэй байж.

Зориудаар энэ хямралыг далимдуулж, шатахууны  бизнесийг төрийн нэрээр булаах гэсэн бол одоо нурлаа л даа.  Яагаад гэвэл шатахууны хомсдол, үнийн өсөлт маш удаан хугацаагаар үргэлжилнэ гэдгийг манайхаас бусад  орны Засгийн газрууд маш сайн мэдэж арга хэмжээгээ авчихаж. 

Манайх хоцорсон.

Монголд шатахуун нийлүүлдэг “Роснефть”-ийн  “Яйск”, “Ангарск” бүгд засварт орсон гэх нэрээр Монголд шатахуун нийлүүлэлтээ бараг зогсоочихлоо. Хэдийгээр засвар нь ирэх сард дуусна гэж байгаа ч, нийлүүлэлт  нэмэгдэхгүй шүү гэсэн дохиог манайд хэдийнэ өгсөн байх юм. Тэгэхээр оросууд ирэх сараас манай руу бензин  ачих эсэх эргэлзээтэй гэсэн үг Ерөнхий сайд аа!

Яагаад гэдгийг том зүрх гарган тайлбарлах гээд үзье. Бодвол Та болон танай Засгийн газрын гишүүд гадаад ертөнцөд болж буй мэдээ, мэдээллийг маниас илүү хангалттай авдаг байх.

Монголд хэдийнэ гар хөлөө  шургуулчихсан, нефтийн хамгийн том худалдааны компани болох үндэстэн дамнасан ТРАФИГУРА групп өнгөрсөн зургаадугаар сарын 16–нд оны эцэс гэхэд нэг баррель нефтийн үнэ 100 ам.доллароор өснө шүү гэж мэдэгдсэн. “ВИТОЛ”, “ГЛЕНКОР” гэх аваргууд ч ийн  мэдээлж байж. Үүнтэй зэрэгцээд Санкт-Петербург хотод болсон Олон улсын Эдийн засгийн чуулган дээр  “Роснефть” концерны тэргүүн Игорь Сечин газрын тосны үйлдвэрлэл зогсонги байдалд орж, хомсдол удаан  хугацаагаар үргэлжилнэ гэдгийг ч хэлсэн.

Манайх даанч арга хэмжээ авсангүй.  Одоо ОХУ-д дотооддоо бензиний хомсолд ороод байгаагаа мэдээлж байна. Ийм байхад Монголд нийлүүлэлт нэмэгдэнэ гэж байх уу Ерөнхий сайд аа!

АНУ-д гарсан “Айда” хар салхины улмаас газрын тосны үйлдвэрлэл нь 77 хувиар унасан. Тус улсад маш олон  үйлдвэр үйл ажиллагаагаа зогсоосон нь ирэх оноос нааш сэргэхгүй гэдгийг байнга ярьж байна. АНУ-ын ЭХ-ний  агентлагын мэдээлснээр тэд ОХУ-аас өдөрт дунджаар 848 мянган баррель газрын тосыг хамгийн дээд үнээр авч  байгаа юм байна. АНУ-д үүссэн энэ хомсдол ОХУ-ын экспортод асар ашигтай тусч буйн улмаас бусад улс орнуудад нийлүүлэлтээ багасгаж, улмаар дотооддоо ч хомсдол үүсч байгааг үл тоож байна.

Тэд тэгэхээр Таныг хэр тоож үзэх юм бол! Ийм нөхцөл байдал үүссэнийг мэдэж байгаа юм бол Та 100 тэрбум  төгрөгийн САН байгуулж яг яах гэсэн байх уу? Уг нь танд яаж ийж байгаад, ямар ч аргаар хамаагүй мөнгө босгох  “ухаан” байх шиг байгаа юм. 

Гэхдээ бас болоогүй ээ!

Хэзээ барьж байгуулж, ашиглалтад орох нь тодорхойгүй  нефтийн үйлдвэр ажиллаад эхлэхээр САН-д оруулсан хөрөнгийг нь эргүүлж өгнө гэж нефть импортлогч хэдэн  компаниудаа хөөрхөн аргаар залилах гэж оролдсон тань өрөвмөөр юм. 

У.Хүрэлсүх, Д.Сумьяабазар, та гурав энэ нэг нефтийн үйлдвэрийн үлгэрээ хэдэн жил ярьж шоудах гэсэн юм бэ?

2022 онд ашиглалтад оруулна гэж ярьдаг байснаа саяхнаас сунгаж 2025 онд гэх болсон тань хэр бодитой билээ…  сайн л бодоорой доо! Үйлдвэрийн суурь ч байхгүй байхад ажилчдын орон сууцыг нь барьчихсан онцгой содон  “ухаан” та  гурвынх!

Энэтхэгийн Ерөнхий сайд хөөрхий Моди та гурвын үлгэрт итгэж өгсөн 1 тэрбум ам. доллароосоо болж балрах  шахсныг ядаж марталгүй санаж байгаасай гэж хүсэх байна.

Үргэлжлэл  бий…

Эрэн сурвалжлах сэтгүүлзүйн “НАЖ МОГОЙ” үндэсний холбоо

Намын дарга, Генсэк хоёрын шөргөөцөлдөөн ширүүслээ

/

МАН-ын Ерөнхий нарийн бичгийн дарга Д.Амарбаясгалангийн суудал ганхаж байгаа. Ерөнхийлөгчийн сонгуулийн өмнөх МАН, МАХН-ын эв нэгдлийг хангах ажлын хэсгийн ахлагчаар ажилласан тэрбээр Н.Энхбаярын багаас МАН-ын Удирдах зөвлөл, Бага хурал, Нийслэл, дүүргийн Засаг даргын Тамгын газарт тус бүр 30 хувийн квот олгохоор амалчихсан. Засгийн газарт ч суудал гаргаж өгнө гээд хувь тоглолт хийчихсэн байгаа.

Тэр зовлонгийнхоо ард гарахаар Д.Амарбаясгалан Ерөнхий сайд Л.Оюун-Эрдэнэд хэлэлцээрийг хангаж ажиллахыг сануулж.

Улмаар Байгаль орчин, аялал жуулчлалын сайд Н.Уртнасан, Шадар сайд С.Амарсайхан нарыг Тусгаар тогтнолын ордонд дуудаж, ажлаа хүлээлгэн өгөх бэлтгэлзээ базаахыг анхааруулсан гэнэ. Тиймээс өнгөрсөн долоо хоногийн лхагва гарагийн Засгийн газрын хуралдаанаар хоёр сайдын асуудлыг хэлэлцэх мэдээлэл “задарч”, сайд нараас илүүтэй ажлын алба нь үймэлдэж, зарим нь бичиг цаасаа эмхлэн ширээ сандлаа хураах шахсан байна.

Ер нь Л.Оюун-Эрдэнийн тэргүүлсэн Засгийн газрыг огцруулах төлөвлөгөө МАН-д өрнөөд удаж байгаа.

Хаврын чуулганы төгсгөлд асуудал хурцдан АН-ынхантай нийлсэн хэсэг бусаг нөхөд гарын үсэг цуглуулаад бүтэлгүйтсэн ч намрын чуулгантай зэрэгцэн огцруулах бичгээ өргөн барихаар зэхсэн хэвээр. Үүнд хариу болгож Л.Оюун-Эрдэнэ зуны өдрүүдэд хувийн мөрдөх товчоо байгуулан боксийн холбоог дэргэдээ авч, “тулаан”-ы бэлтгэл хангасан.

Тэгсний хэрээр буюу зуны турш цуглуулсан баримт, ирэх оны төсвийн хуваарилалтаар нам доторх фракциудтайгаа тохиролцоонд хүрмээр аядаж. Тиймээс түрүү долоо хоногийн лхагва гарагийн Засгийн газрын хуралдааны дараа сайд нараа өрөөндөө дуудаж “Хэнийг ч огцруулахгүй. Тайван ажлаа хийж болно. Улс төрийн тохироо хангагдсан” гэсэн юм байх.

Үүнээс гурав хоногийн дараа буюу өнгөрөгч бямба гарагт Тэрэлжид нууц уулзалт зохион байгуулсан. Уулзалтад аймгийн Засаг дарга нар болон УИХ-ын гишүүд цугларч Засгийн газар тогтвортой ажиллах талаарх тохиролцоог албажуулсан гэдэг нь хэвлэлээр нэгэнт ил болсон билээ.

Уулзалтаас ирсэн нөхдийн хэлж байгаагаар ирэх арваннэгдүгээр сард болох намын Их хурал болтол Засгийн газрыг бүрэлдэхүүнээр нь ажиллуулах болсон, улмаар гүйцэтгэх засаглалыг өргөтгөх асуудлыг Үндсэн хуульд нэмэлт өөрчлөлт оруулж батлуулах талаар ч сэм тохироод тарсан гэж байгаа.

Мөн нөхөн сонгууль өнгөртөл хатуу хөл хорио тогтоохгүй байхын зэрэгцээ ордны өмнөх төв талбайд ямар нэг жагсаал цуглаан болохоос сэргийлж өдөр бүр шоу, зугаа цэнгэлийн ажил хийж байх чиглэл өгөгдсөн гэнэ.

Халдварын тархалт, тэр дундаа бага насны хүүхдийн өвчлөл улам бүр ихэссээр байгаа ч сургууль, цэцэрлэгийг танхимаар хичээллүүлсээр нөхөн сонгуулийн ард гарах, хөл хорио тогтоохгүй байх чиглэлийг Засгийн газраас баримтална гэж мөнөөх нууц уулзалтынхаа үеэр ам гарч.

Эл уулзалт амжилттай болсны баталгаа нь Ерөнхийлөгчийн ивээл дор зохион байгуулагдсан “Цар тахлын үеийн эдийн засгийн сэргэлтийг эрчимжүүлэх нь” уулзалтад Төрийн гурван өндөрлөг оролцож, тэмдэглэл хөтөлсөн дүр эсгэн хөгөө чирсэн явдал.

Хувийн хэвшлийнхнээ сонсож байгаа нэрийдлээр тэд ойлголцож, нэг талдаа гарч чадсанаа улс төрийн хүрээнд илтгэсэн төрийн гурван өндөрлөг аливаа яриа хэлэлцээ, тэр дундаа Тэрэлжид болсон уулзалтдаа генсэкийг оролцуулаагүй гэж байгаа.

Тиймээс Хотын дарга Д.Сумъяабазартай ойлголцохоо больж, нийслэлийн намын хороон дахь эрх мэдлээ алдан нийслэл, дүүргийн хэмжээнд 30 хувийн квот гаргаж чадахгүй Н.Энхбаярт зүхүүлж суугаа Д.Амарбаясгалан уурссандаа хэд хоногоор утсаа унтрааж, хөшгөө хаагаад сураг алдарсан гэдгийг намынхан нь хэлж байна.

Тэр байтугай сүүлийн үест генсэктэй холбоотой элдэв тендэрийн дуулиан хэвлэлээс салахаа больсон нь намын даргын зүгээс түүнд өгч буй анхааруулга гэнэ.

Энэ эрчээрээ үйл явдал өрнөвөл Их хурлаар намын даргыг жинхэлж, шинэ генсэктэй болох прогноз хүчтэй байгаа тул Д.Амарбаясгалангийн зүгээс Л.Оюун-Эрдэнийн Засгийн газрыг орвонгоор нь шилгээж, дижитал үндэстэн гэх далий шоугаар дельта вирусын тархалтыг өдөөсөн ялд унагахаар ажиллаж эхэллээ гэдгийг эрх баригч намын дотоод дахь эх сурвалжаас өгч байна.

Мэдээ орчуулах »