fbpx

Улс төр

/

МАН-ын даргын суудал ганхаж, МАНь эмэгтэйчүүд бужигнаж эхлэв үү

АН задарч, МАН гэдсэндээ хөлөө жийлцэж буй өдрүүдийн гол хорчдын нэг хэсэг нь эмэгтэйчүүд. Төдийлөн цойлж тодроод толгойд гараад ирэхгүй ч тэр энийг хутган, тэвнэ зүү шидэлцүүлэгчид бүсгүйчүүд байдаг нь үнэн. Ялангуяа

/

Тэрбумын өртөгтэй гарын үсгийн эрэлд буюу Хүкийн тэсч үлдэх 5 хоног

Өндөржүүлсэн бэлэн байдлын хугацааг 4 хоногоор сунгав. Энэ нь дотоодод эрчтэй тархаж буй цар тахлын эсрэг хариу арга хэмжээ авахад хүрэлцэх хангалттай хугацаа огтхон ч биш юм. Харин ирэх 7 хоногийн даваа гараг хүртэл Засгийн газар завсарлага авч, Хүк суудалдаа

“Нүхт тур” руу их хэмжээний мөнгө яагаад шилжүүлэв, Л.Оюун-Эрдэнэ сайдаа!!!

//

Зорчигчдын хоолыг зогсоосон атал “Нүхт тур” руу их хэмжээний мөнгө яагаад шилжүүлэв…… МИАТ компанийн сэжиг бүхий гүйлгээ, цар тахлын хүнд үед байж боломгүй гэрээ

Б.Болор-Эрдэнийг гомдоолоо хэмээн ЭЦГ-аас тус сайтыг хар жагсаалтад оруулах хүсэлт хүргүүлсэн үү?

/

-Албан тушаал, эрх мэдлээ урвуулан ашиглагчдыг анхааралдаа авна уу, Авлигатай тэмцэх газар!- Манай сайт Харилцаа холбоо, мэдээлэл технологийн газрын дарга Б.Болор-Эрдэнийг шүүмжилж бичсэн. Гэтэл

Бүтээн байгуулалтыг “булаах”-д Хөгжлийн банк зүгээр л ШАЛТАГ

/

Бадарчин явсан газар балагтай, батгана суусан газар өттэй гэж… Сүүлийн үест төрийн өндөрлөгүүдийн айлчилсан үйлдвэрийн эзэд шоронгийн хаалга татаж, аж ахуйн нэгж нь “дээрмийн машин”-д хэрчигдэж буй нь жихүүцэл төрүүлж байна.

Хамгийн сүүлийн жишээ нь “Дархан арьс ширний цогцолбор” ХХК.

Ерөнхийлөгч У.Хүрэлсүх 2020.09.17-нд Ерөнхий сайдаар ажиллаж байхдаа тус компанийн хэрэгжүүлж буй төслийн бүтээн байгуулалттай танилцаж байв. Түүнээс жил хүрэхгүй хугацааны дараа 2021.05.23-ны өдөр дараагийн Ерөнхий сайд Л.Оюун-Эрдэнэ “айлчилсан”. Барилга хот байгуулалтын сайд Б.Мөнхбаатар, Хүнс хөдөө аж ахуй, хөнгөн үйлдвэрийн сайдаар ажиллаж байсан Ч.Улаан, З.Мэндсайхан нар ч ирээд буцсан.

МАН-ын 2020 оны сонгуулийн сурталчилгаа Дархан арьс ширний цогцолбор төсөл байсан бол 2021 оны Ерөнхийлөгчийн сонгуулийн пиар ч ийш чиглэж У.Хүрэлсүх “Дарханд 6000 ажлын байр бий болгох энэ төслийг МАН заавал хэрэгжүүлнэ. Арьс ширний цогцолбор 2024 он гэхэд ашиглалтад орно. Гүйцэтгэгч та бүхэн чадлаараа хичээгээрэй. Төр дэмжинэ” хэмээн попорч байв.

Одоо харин эсрэгээрээ өнөөх төсөл гацаж, Төр дэмжих бус дээрэмдэж байна.

Сонгуулийн өмнө “долоогоод”, сонгуулийн дараа “дээрэмдсэн” нь

“Дархан арьс ширний цогцолбор” ХХК-ийг 2018.09.05-нд Дархан-Уул аймгийн Иргэдийн төлөөлөгчдийн хурал, “Лидер капитал” ХХК хамтран байгуулав. Дархан-Уул аймгийн ИТХ-ын 2018.12.21-ний өдрийн 106 дугаар тогтоол ч бий.

Төслийн хүрээнд жилдээ 10 сая ширхэг арьс шир боловсруулж, 10 мянган тонн ноос боловсруулах, ноос ноолуур угаах самнах хүчин чадал бүхий үйлдвэрүүдийн суурь тавигдан уул уурхай гэх хазгар таягтай Монголын эдийн засагт тулгуур багана бий боллоо хэмээн дээр, доргүй хөөрцөглөж байв.

Эмээлтэд өмхийрч, малчдын хотонд бөгсний цаас шиг хаягдаж байсан арьс ширээ боловсруулдаг болсноор эдийн засаг сэргэж, 2300 шууд ажлын байр, шууд бусаар 7500 орчим иргэн байнгын ажлын байртай болох байлаа.

Харамсалтай нь барилгын ажил 86, дэд станцын угсралт 95, бохир ус цэвэрлэх байгууламжийн барилгын ажил 80, дотор дулааны шугам 50, гадна дулааны 3.9 км шугамын ажил 70, богийн арьс шир боловсруулах үйлдвэрийн барилгын суурийн ажил 18, уур гаргах үйлдвэрийн барилгын суурийн ажил 18 хувийн гүйцэтгэлтэй явсан бүтээн байгуулалтыг эрх баригчид нам зогсоолоо.

“Дарханы арьс ширний цогцолбор” ХХК бүтээн байгуулалтыг хийхдээ орон нутгийн буюу Дарханы 20 орчим компанийг гүйцэтгэгчээр ажиллуулж, өнөөдүүл нь өөрийн хөрөнгөөр болон банк, банк бус байгууллагаас зээл авч зүтгэсэн байдаг.

Ингээд “Дарханы арьс ширний цогцолбор”-той нийлээд 20 орчим компани харалган төрийн бодлогогүй шийдвэрээс хаалгаа барихдаа хүрээд байна.

Баруун, зүүн гараараа хоёр өөр тогтоол үйлдэн залилан, дээрэм хоёрыг зэрэг шахам хийж, Шинэ сэргэлтийн бодлогынхоо эсрэг ажиллаж яваа эрх баригчдын эсрэг ард түмэн эрслэн босоход ойрхон байгаа.

ТЭЗҮ нэрт мөнгө угаалт уу

У.Хүрэлсүх Ерөнхий сайдаар ажиллаж байхдаа “Дархан арьс ширний цогцолбор” компанийн бүтээн байгуулалттай танилцсанаас яг хоёр сарын дараа буюу 2020.11.18-ны өдөр 185 дугаар тогтоол гээчийг гарган “Дархан арьс ширний цогцолбор бүтээн байгуулалт” нэртэй ТӨХК-ийг байгуулав.

Тогтоолд зааснаар тухайн төрийн өмчит компани нь Дархан арьс ширний цогцолбор төслийн эзэмшил, ашиглалтыг хариуцах, дэд бүтцийн ажлыг гүйцэтгэхэд шаардлагатай хөрөнгийн эх үүсвэрийг хариуцах үндсэн чиг үүрэгтэй байгаа юм. Улмаар дэд бүтцийн ажлыг гүйцэтгэхэд шаардлагатай хөрөнгийн эх үүсвэрийг жил бүрийн улсын төсөвт тусгуулах, гадаадын зээл тусламжид хамруулах замаар санхүүжүүлэх арга хэмжээ авч ажиллахыг Сангийн сайд Ч.Хүрэлбаатар, Хүнс, хөдөө аж ахуй хөнгөн үйлдвэрийн сайд З.Мэндсайхан нарт даалгасан байдаг.

Харамсалтай нь эл тогтоол худал хуурмаг, заль мэх төдий байсан бололтой.

Тогтоолоор байгуулагдсан төрийн өмчит компани юун дэд бүтэц шийдэж, хөрөнгийн эх үүсвэр олж өгөх манатай өөрсдөө “Дархан арьс ширний цогцолбор” төслийн яг дэргэд 25 га талбайн хогийг 60 сая төгрөгөөр цэвэрлүүлээд жилд 4.4 сая ширхэг арьс шир боловсруулах үйлдвэр барина гээд суугаад авсан нь даанч увайгүй.

Тэрчлэн Италийн ИМАГРО компанид 921 сая төгрөг төлөөд ТЭЗҮ хийлгэсэн нь шилэн дансанд бий.

Ингэж цагаандаа гарч байхаар ядаж бидний хийлгэсэн ТЭЗҮ-г авч төсвийн мөнгө хэмнэхгүйдээ хэмээн хувийн хэвшлийнхэн арга ядан халаглаж байна.

“Дархан арьс ширний цогцолбор” ХХК олон улсын жишигт нийцсэн цогцолбор байгуулахаар Испанийн ИПАП Инженеринг компаниар ерөнхий төлөвлөгөө, үйлдвэрийн технологийн схем хийлгэж, Швейцарийн Huni компанийн зөвлөгөөн дор салбартаа тэргүүлэгч Итали улсын Deltacque компаниар арьс ширний үйлдвэрийн бохир ус цэвэрлэх байгууламжийн ТЭЗҮ-г хийлгэсэн байгаа юм.

Тиймээс төр хувийн хэвшлийн ажлыг булааж байгаа юм бол нэгмөсөн булааж ТЭЗҮ-г нь хүртэл аваад тэрбум төгрөгийг хэмнэчихгүй яагаа вэ.

Улсын Бүртгэлийн Ерөнхий газраас эхэлсэн “мэх”

Төрийн “дээрэм”-д Улсын бүртгэлийн газрын ажилтнууд ч холбоотой болж таарна. Ижил нэрээр аж ахуйн нэгж байгуулахыг хуулиар хориглосон. Гэтэл 2018 онд байгуулагдсан “Дархан арьс ширний цогцолбор” ХХК гэх хувийн хэвшлийн нэрийг давхардуулан 2020 онд төрийн өмчит компани байгуулсан нь өөрөө ноцтой факт.

Тэрчлэн дүрмийн сандаа 20 тэрбум төгрөгтэй хэмээн Улсын бүртгэлд бүртгүүлсэн ч Шилэн дансанд 4 тэрбум төгрөгийн хөрөнгөтэй гэсэн байгаа нь залилан мэхлэлтийн онц ноцтой факт. Үүнийг нь мөн л Улсын бүртгэлийн ерөнхий газар бүртгэж авсан байдаг.

Эл бүгд дээр нэмээд хамгийн хөгийн нь Засгийн газрын 2020.11.18-ний өдрийн 185 дугаар тогтоолоор үндсэн үйл ажиллагааг нь “Дархан арьс ширний цогцолбор”-ын дэд бүтцэд дэмжлэг үзүүлэх, тухайн төслийн эзэмшил, ашиглалтыг хариуцахаар тодорхой заасан байтал яг сарын дараа санаа нь өөрчлөгдөж 2020.12.23-ны өдөр Төрийн өмчит компанийнхаа дүрмийг өөрчлөн, “үйлдвэр барих, ашиглалтад оруулах” болгосон байгаа юм.

Энэ хоёр тогтоол хоёулаа У.Хүрэлсүхийн гараар үйлдэгдсэн байгаа нь анхнаасаа хувийн хэвшлийн бүтээн байгуулалтыг “дээрэмдэх” санаатай байсан юм биш байгаа гэх хардлагыг төрүүлж байна.

ДЭЭРЭМ, БУЛААЛТ, ХУЛГАЙ гэдгээс өөрөөр юу гэж нэрлэх вэ

Хувийн хэвшил 180 га талбайд арьс ширний цогцолбор барих бол төрд 25 га талбай байхад хангалттай юм байх. Хувийн хэвшил жилд 10 сая ширхэг арьс шир боловсруулах бол төр 4.4 сая арьс боловсруулаад бусдыг нь хаяна.

Монгол Улс 180 000 малчин өрхтэй. Жилдээ 15 сая орчим арьс шир гардаг.

Тэгэхээр төр 4.4 саяыг нь боловсруулаад 11 саяыг нь хог дээр хаях аж. Тэрчлэн ийм бага хүчин чадалтай үйлдвэр барих хэрнээ цэвэрлэх байгууламж барихад 40 тэрбум төгрөг шаардлагатай гээд ТЭЗҮ-г нь тэрбум төгрөгөөр хийлгэсэн байх жишээтэй.

Гэтэл хувийн хэвшлийнхний 10 сая ширхэг арьс шир боловсруулах үйлдвэрийн цэвэрлэх байгууламжийн зардал нь 40 тэрбум төгрөг.

Иймд хувийн хэвшлийн хүчин чадлаас даруй 4 дахин бага хүчин чадалтай цэвэрлэх байгууламжийг төр 4 дахин их үнээр барихаар улайрч, шунан дайрч байгааг ДЭЭРЭМ, БУЛААЛТ, ХУЛГАЙ гэдгээс өөрөөр юу гэж нэрлэх юм бол!!!

Шинэ сэргэлийн бодлого, Алсын хараанд Төр хувийн хэвшил хоорондоо өрсөлдөхгүй, хамтарч ажиллана гэж тодоос тод бичсэн нь ард олноо хууран мэхэлсэн явдал байх нь уу?!

Хувийн хэвшлийн бүтээн байгуулалтыг зогсоож, улмаар үйл ажиллагааны зорилго чиглэлийг нь булаахад хүрч буй Төрийн өмчит компанийн анхны захирал нь Н.Цэрэнбат. Байгаль орчин, аялал жуулчлалын сайдын суудлаас мултраад байсан түүнийг тухайн үед генсэк Д.Амарбаясгалан томилуулж байж.

Н.Цэрэнбат нь Байгаль орчин, аялал жуучлалын сайдаар ажиллаж байхдаа авлигын хэд хэдэн асуудалд хутгалдаж, Авлигатай тэмцэх газраас холбогдох баримтыг ил болгож байв. Мөн ЖДҮХС-гаас хамаарал бүхий гурван ч компани нь зээл авсан байсныг хэвлэлийн хуудсуудаас харж болно.

Түүний дараа Ц.Гансүх томилогдсон. Хөвсгөл аймгийн Мөрөн сумын Засаг даргаар ажиллаж түүнийг УИХ-ын гишүүн Ц.Даваасүрэнгийн гарын “даа” гэдэг. Ц.Нямдорж “Арван хувийн Даваасүрэн” гэж чуулганы хуралдаан дээр цоллож байсныг энд шигтгэе. Тендэр бүрээс 10 хувь хүртэж гаршсан гэсэн утга юм билээ. Өдгөө төрийн өмчит “Дархан арьс ширний цогцолбор бүтээн байгуулалт” компаниас 11 тендэр зарлаад байгаа нь анхаарал татах өнцөг мөн.

Улсын бус увайгүйчүүдийн АЛСЫН ХАРАА

Ийнхүү хувийн хэвшлээ дэмжиж ажиллана гэх У.Хүрэлсүх, Л.Оюун-Эрдэнэ нарын үг амьдрал дээр олны дэмжлэгийг авах гэсэн хууран мэхлэлт, зальжин арга байж хэмээн дүгнэхэд хүргэж байна. Алсын хараа 2050 нь ч улс орны бус унхиагүй энэ эрчүүдийн л АЛСЫН ХАРАА төдий байсан байх нь.

Хөрөнгийг хэрхэн босгов гэх асуудлыг хойш тавиад, юуны түрүүнд Оросын мэдэлд байсан Эрдэнэтийн 49 хувийг оруулж ирсэнд нь талархах байтал холбогдох нөхдөд нь ял үүрүүлэнгээ алдан далийрч яваа эрх баригчид цементийн үйлдвэрүүдийг самарч, өдгөө “Дархан арьс ширний цогцолбор”- руу ийнхүү давшилж байна.

Аж үйлдвэрийн томоохон төслүүдийг Засгийн газар нь давуу эрхээр дэмжиж, дэд бүтцийг нь хариуцан шийдвэрлэж өгдөг дэлхийн жишгийг тэд сөрж, сөрөх сөрөхдөө хүсэл шуналаа гүйцэлдүүлэхийн тулд Дарханы арьс ширний цогцолбор газрын гүйцэтгэх захирал Д.Энхбаяр болон Хөгжлийн банкны охин компани “Ди Би Эм ассент менежмент ҮЦХ” компанийн захирал  асан Д.Болормаа нарыг цагдан хорьчихоод байгаа нь бүр гутамшиг.

Шалтгаан нь, Хөгжлийн банкнаас авсан 15 тэрбум төгрөгийн зээл гэх өөрсдийн нь бодлогын алдаа завхралаас үүсэн төлөх хэцүү, байх нэг хэцүү болчихсон зээлийн асуудал.

Хөгжлийн банк бол Монгол Улсын хөгжлийн бүтээн байгуулалт, төсөл хөтөлбөрт хөрөнгө оруулалт хийх үндсэн чиглэлтэй байгуулагдсан банк.

Тэр дагуу буюу Монголыг хөгжүүлэх хөгжлийн зээлийнх нь шалгуурт тэнцээд зээл авсан байдаг ч цар тахлын хүнд үе, нэмээд У.Хүрэлсүхийн баруун, зүүн хоёр гараар үйлдэгдсэн хоёр өөр тогтоолын гэмээс үүдэн эргэн төлөлт саатсан л төдий…

Гэвч энэ нь эрх баригчдад зүгээр л шалтаг болж өгч байна.

Зориудаар, зохиомлоор үүсгэсэн “шалтаг, шалтгаан”-аа үндэс болгоод Хөгжлийн банкны харилцагч, зээлдэгчдийг хуулийн байгууллагаар сүрдүүлж, бүтээн байгуулалтуудыг нь булаагаад байгаа юм биш байгаа гэх хардлага эрхгүй төрж буй нь нууц биш.

“Дархан арьс ширний цогцолбор” ХХК-ийн удирдлагууд төрийн өндөрлөгүүд, холбогдох яам, тамгын газруудад дугуй ширээний ард сууж асуудлаа ярихыг хүссэн албан бичгийг хэдэнтээ хаяглаж байгаа ч хэн ч хариу өгөлгүйгээр захирлуудыг нь барьж хорин увайгүйтэж буй нь дээрх хардлагыг улам бүр лавшруулж байна.

Тэгэхээр хувийн хэвшлийнхэн Хөгжлийн төлөөх авсан зээлээ эргэн төлж чадахгүйд хүрч буй шалтгаануудаа үндэслэлтэйгээр гаргаад хариуцлагыг хохиролтойгоо өөрсдөө үүрэх бус эрх баригчдаас сөргүүлэн нэхэх цаг нэгэнт болж…

Эрэн сурвалжлах сэтгүүлзүйн НАЖ МОГОЙ үндэсний холбоо

Түүний ноёрхолд цэг тавих цагийн зүү нь Д.Амарбаясгалан

/

Д.Амарбаясгалангийн улстөр тун сонирхолтой өрнөж байна. Тэр сөрөг хүчнийг босгоход анхаарал хандуулж, урт холын замыг хөтөлгөө морьтой туулах нь.

Ч.Сайханбилэг АН-ын Үндэсний бодлогын дэд хорооны даргаар томилогдож, С.Баярцогт мөхлийн ирмэгт тулсан АН-д аврагчийн дүрээр эргэн ирэх болсон нь тохиолдлын хэрэг биш.

Тэрчлэн Б.Баатарын найруулгатай Л.Оюун-Эрдэнийн алсын хараа 2050 нь 50 оныг үзэх байтугай 20 хүрэхгүй хоногийн дараа дуусах бололтой.

АН-ын Үндэсний бодлогын хорооны дэд даргаар томилогдсон Ч.Сайханбилэг эх орондоо ирснээр тэдний сценарид цэг тавигдана. Түүнийг угтаж авах улаан хивс болгож намын залуучууд нь С.Эрдэнэ, Х.Баттулга хоёрыг “шоронд” илгээх илгээлт өвөртлөөд суулт зарлачихлаа.

УИХ-ын гишүүн асан О.Баасанхүү “Үнэндээ С.Эрдэнэ дараагийн дарга сонгох үйл явцад санаатай, санамсаргүйн байдлаар саад учруулахаа болих хэрэгтэй. Д.Сумьяабазар, Х.Нямбаатар хоёр С.Эрдэнийн ард байгаа” гэж бичсэн нь анхааралгүй үлдээчих жиргээ биш.

О.Баасанхүү Н.Энхбаяраас С.Эрдэнэ рүү урваад багагүй хугацаа өнгөрсөн. Хэдийгээр улстөрийн урваа шарваанд гаргуун ч хуульч хүн гэсэндээ үг үйлдлээ цэнэж дуугардаг нэгэн. Тэгэхээр С.Эрдэнэтэй ойр байсан түүний жиргээнээс С.Эрдэнийн ард Л.Оюун-Эрдэнэ байдаг гэх тойруу утгыг түвэггүйхэн ойлгочиход болж байгаа юм.  

Нэг нам дангаар эрх барьж буй уйтгартай улстөрөөс элэглэл, элийрлийн дүр болсон С.Эрдэнийг түлхэхдээ Л.Оюун-Эрдэнийг хавчуулаад шидчихэж байгаа нь бас ч гэж гоё.

С.Баярцогтод оногдуулсан 10 жилийн хорих ялтай хэргийг хэрэгсэхгүй болгоод зогсохгүй дахин улс төрд авчрах эрх мэдэл зөвхөн эрх баригч намд л бий гэдгийг захын чавганц гадарлахтайгаа. Тэгэхээр МАН-ын өршөөл нигүүслээр С.Баярцогт АН-ын дарга болох үүд хаалга нээгдэж буй харагдавч үнэн чанартаа Рио Тинто Монголын эрх баригчдыг сөрөг хүчинтэй юутай нь шатрын хөлөг дээр өрчихсөн суугаа байх нь. Рио-гийн гарт МАН-аас Н.Багабанди, АН-аас Ц.Элбэгдорж тэргүүтэн атгуулаастай явдаг гэлцдгийг мартаж болохгүй. Тиймээс АТГ-ын үүдэнд майхантай суулт зарлачихсан залуусыг Ц.Элбэгдоржийн тавиулууд гэх нэр хоч өгөөд олон түмний зүгээс төдийлөн дэмжихгүй байгаа.

Ил өрнөх АН-ын эл үзэгдлүүдийн цаана МАН-д бас их бага тоглолтууд хийгдсээр байна.

Сайдын суудлаас татгалзаж, Тусгаар тогтнолын ордныхоо зургаан давхраас гардаггүй байсан Д.Амарбаясгалан Төрийн ордны III давхарт өрөөтэй болж, Л.Оюун-Эрдэнийн гал тогоог “авсан” нь энэ намрын сонирхолтой улстөр. Түүнийг “Шинэ сэргэлтийн бодлого”, “Алсын хараа 2050”-ынхаа эсрэг ажиллаж, алхам тутамдаа хувийн хэвшил, аж үйлдвэрлэлүүдийг булаацалдах зэргээр өлөн загнаж буй Л.Оюун-Эрдэнийг зайлуулахаар Засгийн газарт орж ирсэн гэлцэж байна. Нөгөөтэйгүүр М.Энхболдын тохироо ч гэгдэж буй юм.

Сүүлийн үед Төв аймгийг ойр ойрхон зорих болсон М.Энхболд нийслэлийн намын хороог, Д.Амарбаясгалан намын төв аппаратыг атгаж, С.Амарсайханд Ерөнхий сайд, Ц.Чулуунзагдад намын Ерөнхий нарийн бичгийн даргын суудлыг өгөхөөр эцэслэсэн гэх хувилбар эрчтэй яригдаж байна.

Л.Оюун-Эрдэнийн У.Хүрэлсүхээс шилжүүлэн авч тохижуулсан, тоглоомын өрөө шиг Засгийн газрын кабинетад Ерөнхийлөгч У.Хүрэлсүхийн найз нөхөд, Д.Амарбаясгалангийн баг, Л.Оюун-Эрдэнийн өөрийнх нь цөөнх гэсэн бүрэлдэхүүн ажиллаж байв. Харин шинэчилсэн буюу өнөөдрийн танхимыг М.Энхболдын хүрээлэл, Д.Амарбаясгалангийн баг, Сү.Батболдын фракц давамгайлаад У.Хүрэлсүх, Л.Оюун-Эрдэнийн балиашгууд тойргоос гарсан байдалтайгаар бүрдүүлсэн.

Генсэкийн титмээ тайлаагүй байгаа Д.Амарбаясгалан Засгийн газрын гал тогоонд орж ирүүтээ Мэргэжлийн хяналтын байгууллагын чиг үүргийг өөрчлөн, яамдыг хяналтандаа авч эхэлсэн нь Л.Оюун-Эрдэнээс илүү хүчтэй байгаагаа харуулсан тоглолт биз.

МХЕГ-ын 28 чиг үүргийг задалж яамд руу хуваан, гомдол мэдээлэлд хяналт тавих эрхийг Засгийн газрын Хэрэг эрхлэх газар авна. Зөвхөн энэ эрх нь л яамдыг хяналт, шалгалт нэрийдлээр эрхшээлдээ байлгах хангалттай шалтаг шалтгааныг Д.Амарбаясгаланд бүрдүүлээд өгчихөж байгаа юм. Үүгээрээ тэр тогловол тоглож, өрвөл өрчих нүүдэлтэй улстөрч болсон гэдгээ харууллаа.

Н.Тавинбэх, А.Ариунзаяа нарыг золигт гаргаж, Шадар сайд С.Амарсайханыг үлдээх тохироог Д.Амарбаясгалан, Л.Оюун-Эрдэнэтэй хийсэн. Энэ нь хоёр хүнээр ганц суудал авч үлдсэн юм шиг харагдавч С.Амарсайханыг хотын дарга болгосон тактикаараа Гүйцэтгэх засаглалын тэргүүн болгох хожлын өрөг байж мэдэх юм.

Ерөнхий сайд Л.Оюун-Эрдэнэ Шадар сайд С.Амарсайхантай хэл амаа ололцдоггүй, нийлж ажиллаж чаддаггүйг нь кабинетийнхан битгий хэл салбар агентлагийнхан андахаа байсан.

Тиймээс Л.Оюун-Эрдэнийн зүгээс Засгийн газрын цэвэрлэгээнд хамгийн түрүүнд С.Амарсайханыг нэрлэж байсан нь тэр биз.

Тэрчлэн Д.Амарбаясгалангийн зүгээс Л.Оюун-Эрдэнийн замд дахин нэг тээг тавьсан нь Ж.Сүхбаатар. Монгол Улсын сайд, Нийслэл Улаанбаатар хотын автозамын түгжрэлийг бууруулах хороон даргаар Ж.Сүхбаатар, нарийн бичгийн даргаар хотын дарга Д.Сумъяабазар ажиллана хэмээн Д.Амарбаясгалан тодотгосон нь эрх мэдлийн далайцаараа Ж.Сүхбаатар Нийслэлийн Засаг дарга Д.Сумъяабазарын дээр сууж, байр сууриа илэрхийлнэ гэдгийг зарласан хэрэг болов.

Ингэж тэрбээр LRT-гийн төсөл дээр ашиг сонирхол нэгдэж, бие биеэсээ хараат бус байж чадахгүйд хүрсэн гэгдэж буй Л.Оюун-Эрдэнэ, Д.Сумъяабазар нарын дур зоргоороо авирт чөдөр тавилаа.

2013 онд Ж.Мөнхбат, Ж.Сүхбаатар нар намын Ерөнхий нарийн бичгийн даргын суудалд өрсөлдөж Ж.Сүхбаатар ялагдал хүлээсэн. Ингэхдээ “Т.Бадамжунайн бүлэглэлийн мөнгөнд уналаа. Луйврын өрсөлдөөн болов” гэж намынхаа босгыг өшигчиж гараад МАХН-д элсэж байв. Улмаар 2016 оны сонгуульд нэр дэвшиж ялагдаад улс төрийн тавцангаас арчигдаж явахад нь МАН-д авчирсан хүн бол Д.Амарбаясгалан. Тэгэхээр сүүлийн үест шинэ маягийн хотын фракцийг толгойлон ажиллаж буй Ж.Сүхбаатарын үг хэл, үйлдэл шийдэл нь хот дээр тавьсан Д.Амарбаясгалангийн өрөг гэчихэд хол зөрөхгүй биз.

Ирэх сард болох намын бага хурлаар Ц.Чулуунзагд, А.Ариунзаяа нарын нэгээр намын гол тогоог удирдуулах тохироо явагдаж байгаа. Хэн хэн нь Засгийн газрын хэрэг эрхлэх газрын даргын хүмүүс гэгддэг бөгөөд Говь-Алтайн угшилтай залуус.

Ийм байдлаар улстөрийн нүүдэл хийн урагшилж яваа Д.Амарбаясгалан намынхаа томоохон бүлэг фракцуудын дэмжлэгийг хэдийнэ авчихаж. Үүн дээр нэмээд хувийн хэвшлүүдээ заазлан “дээрэмдэж”, нус нулимсыг нь баран барьж хорьж буй Л.Оюун-Эрдэнийн бүлэглэлээс салахын түүс болсон бизнес эрхлэгчид түүний талд байна.

Нэг үгээр хэлбэл, Л.Оюун-Эрдэнэ, Д.Сумъяабазар нарын ноёрхолд цэг тавих цагийн зүү яваад эхэлчихэж.

Өсөхийн өлөн арилдаггүй, хургандаа цадаагүй бол төлөг болсон ч майлсаар байна гэдэгчлэн ганц бизнес эрхэлж үзээгүй, нэг хүний нийгмийн даатгал төлж цалинжуулж яваагүй Л.Оюун-Эрдэнийн “махны машин”-аас бизнес эрхлэгчдийнхээ зовлон жаргалыг салгаж, улсын төсөв, захиран зарцуулалтын эрхийг хурааж авах нь цаг хугацааны л асуудал болчихож.

Браво, Д.Амарбаясгалан…

“ГЭРЧ”-ийг явуул, Л.Оюун-Эрдэнэ ээ!!!

/

Засгийн газрын тэргүүнийг ОХУ-д Дорнын эдийн засгийн VII чуулганд оролцож, геополитикийн асуудлаар байр сууриа илэрхийлээд ирэх зуурт намтар, боловсролд нь улс даяараа эргэлзсэн, эргэлзээ нь шүүмжлэл доромжлолыг зэрэгцүүлсэн өдрүүд үргэлжилж байна.

Энэ явдалд олон түмнийг буруутгах ямар ч аргагүй.

Эсрэгээрээ Ерөнхий сайд болоод Засгийн газрын хэвлэлийн алба, ялангуяа Хэвлэлийн албаны даргын боловсрол, сэтгэл, ур чадвар, овсгоо самбаа дэндүү дутагдалтай байгааг харуулсан хэрэг болж байна.

Ердийн өдрүүдийг байг гэхэд Орос оронд хөрш Монголын Засгийн газрын тэргүүн хэрхэн хүндлэгдэж, хэр хэмжээний геополитикийн тоглолт хийж чадах нь вэ гэдгийг ертөнц даяар анирдан чих тавьсан эл өдрүүдэд Засгийн газрын Хэвлэл мэдээлэл, олон нийттэй харилцах хэлтэс болон эрх баригч намын аппарат хурд хариуцлага хоёрыг ханатал харуулж ажиллах ёстой байв.

Харамсалтай нь тэд чадсангүй.

Тэртэй тэргүй улс нийтээрээ сошиал орчинд ажиллачихдаг, хэрүүлээ хийчихдэг болсон байж “Ерөнхий сайд Л.Оюун-Эрдэнийн намтарт эргэлзэх хэрэггүй, тэр Хөрш оронд улс төрийн харилцаанаас гадна эдийн засгийн хамтын ажиллагааны тодорхой төслүүдийн талаар ярилцаад завгүй байна” гээд чухал төслүүд хөдөлбөл Монголд ийм тийм үр ашигтай гэх мэдээллээр бөмбөгдчих ухаан, хурд, сэтгэл Хэвлэлийн албанд нь дутав.

Магадгүй, хүн амины хэргийн гэрч гэгдэх, Засгийн газрын Хэвлэл мэдээлэл, олон нийттэй харилцах хэлтсийн дарга Т.Ганзул олны өмнө гарахаас эмээдэг биз. Карантин-14 контентын талаар ганц тайлбар хийснийхээ дараагаас тэр түмний өмнө байтугай Төрийн ордны коридорт ч үзэгдэхгүй шахам ажиллах болсон нь үнэн.

Арга ч үгүй…

Улс түмний хайртай хоёр бөхийн нэг нь шоронд орж, нөгөө нь энэ ертөнцөөс бүрмөсөн буцсан байхад онц хэрцгий эл явдлын гэрч болон дэргэд нь байсан нөхдийг хэн ч хэзээд ч буруутгасаар, зүхэн адалсаар байх биз.

Тиймээс Ерөнхий сайдынхаа өмнөөс ил гарч, намтар түүхийг нь хамгаалан мэдэгдэл хийх байтугай Засгийн газрын шийдвэр, мэдээллүүдийг ч олон нийтэд хүргэх зориг зүрх Т.Ганзулд дутах нь үнэн. Тэгвэл түүнд өдийг хүртэл Засгийн газрын хэвлэлийн албаны даргын суудалд шигдэн хорогдох шалтгаан юу байна?!

Монгол Улсын Засгийн газар болоод Засгийн газрын тэргүүн ч хүн амины онц ноцтой хэргийн гэрч гэгдсэн хүнийг дэргэдээ байлгасаар байгаагийн учир юу юм бол?!

Хэнд нь ч ямар нэгэн учир битүүлэг шалтаг шалтгаан үгүй бол Ерөнхий сайд Л.Оюун-Эрдэнийн эргэлзээтэй намтар түүх, шүүмжлэл дагуулсан үйл ажиллагаа, шийдвэрүүдийн өмнөөс итгэл дүүрэн мэдэгдэл, нүүр бардам тайлбар хэлчихэж чадахгүй байгаадаа дүгнэлт хийгээд өргөдлөө өгөөд явах цаг чинь болсон байна, эрхэм Т.Ганзул аа!!!

Эс бөгөөс хил гааль нээгдэж, хэзээ мөдгүй дефолт зарлахдаа тулчихаад байгаа ядарсан улс орны минь эдийн засагт чухал нөлөө үзүүлэх томоохон төслүүд хөдөлж эхлэх болсон энэ цаг үед хамгийн хэрэггүй, хамгийн тээг саад болох хүн нь Т.Ганзул та болох гээд байна.

Онц хэрцгийгээр үйлдэгдсэн хүн амины хэргийн гэрч гэгдэх хэцүү тодотголоос гадна Засгийн газрын тэргүүнийхээ намтарт өөрөө ч эргэлздэг даргатай Хэвлэлийн алба гэдэг бүтэлгүй чимэгтэй байж хэрхэвч болохгүй.

Ерөнхий сайд руу чиглэсэн дайралт эрчимжиж, сошиал орчин тэр чигээрээ доог тохуу болгож байхад “гал унтраах”, эргэлзээ тайлах үйлдэл огт хийгээгүй чинь Хэвлэлийн албаны дарга Т.Ганзул нь ч өөрөө Ерөнхий сайдын боловсрол, намтарт эргэлздэг, итгэдэггүй юм байна гэх дүгнэлтийг төрүүлж байна.

Тиймээс өөрт чинь итгэдэггүй, урагшлах замд чинь тушаа болох “хүн амины онц ноцтой хэргийн гэрч” нарыг явуулах цаг болж, Ерөнхий сайд аа!!!

Т.Ганзулаас гадна түүний ахалсан Засгийн газрын Хэвлэл мэдээлэл, олон нийттэй харилцах хэлтсийн ажилтан О.Б нарт Монгол Улсын Засгийн газрын “гал тогоо”-нд ажиллах ёс зүй, эрх, хэм хэмжээ огтоос байхгүй юм…

Тэд гэмт үйлдлийг санамсаргүйгээр харчихсан хөндлөнгийн гэрч нар биш!!!

Найзынхаа амийг хөнөөсөн Н.Түвшинбаяр хэрэг явдлын дараахан өөрөө үхлүүт зодуулсан мэт ухаангүй дүр эсгэн “жүжиглэж” хэвтсэн өдрүүдэд ч үнэнийг хэлэлгүй амаа хамхиад суусан гэрч нар гэдгийг улс нийтээр эрхбиш мэдэх болсон. Ийм нөхөд Засгийн газрын тэргүүний дэргэд бөөнөөрөө шигж, ямар нэг зүйлээс хамгаалуулах мэт чимээ аниргүй бүгэх нь сонирхолтой агаад сэжигтэй байна.

Тэгэхээр Л.Оюун-Эрдэнийн намтарт эргэлздэг эргэлзээн дээр нэмэгдээд хүн амины онц хэрцгий гэмт хэргийн гэрч нарыг дэргэдээ уясаар байгаад нь ч эргэлзэж, эрэн сурвалжилж үнэн мөнийг хайх асуудал гарч ирэх нь зүй ёсны хэрэг болно.

Тэгээд ч нэгнийхээ аминд хүрэхдээ тулсан аймшигт зодооныг салгах, салгуулах, эмнэлэг цагдаа гээд яаралтай тусламж дуудах самбаа, сэтгэл дутсантайгаа яг адилхан байдлыг Ерөнхий сайд нь сошиал орчинд нүүр нүдгүй “нүдүүлэн” чичлүүлсэн эл өдрүүдэд Т.Ганзул болон Засгийн газрын Хэвлэл мэдээлэл, олон нийттэй харилцах хэлтсийн ажилтан О.Б нар гаргаж, өөрсдийнхөө хэр хэмжээний чадвар мөхөс нөхөд вэ гэдгийг дахин харууллаа.

Тиймээс “гэрч” нарыг явуул, Ерөнхий сайд аа!!!

Эрэн сурвалжлах сэтгүүлзүйн НАЖ МОГОЙ үндэсний холбоо

ТЭР ЯВААГҮЙ БАЙНА

/

М.Энхболд улс төрөөс яваагүй байж… Түүнийг тойрон хүрээлсэн, албан тушаал эрх мэдлийн бялуу мөнхийн горьдогч бүлэглэл фракциудын дээр Л.Оюун-Эрдэнийг огцом гаргаж ирэх драмыг тэр дэндүү үнэмшилтэйгээр тавьчихсан юм биш үү. Ийм үнэмшилтэй харагдуулах найруулгын зөвлөхөөр “Херо энтертайнмент”-ийн Б.Баатар ажилласан ч байж болно.

Б.Баатар, Л.Оюун-Эрдэнэ нарын төрсөн эцэг гэх “Монгени” цогцолбор сургуулийн захирал Н.Лхагва нь Энхболдын аав Миеэгомботой нэг нутаг гэдэг. Тэрчлэн Ерөнхий сайд Л.Оюун-Эрдэнийн эх нэгт төрсөн дүү Б.Баярнэмэх нь М.Энхболдын байгуулсан “Сэцэн ханы хүлэг” морин спорт уяачдын холбооны дэд тэргүүн гэдгийг мартаж болохгүй.

Тэд жинхэнэ монгол эрс мөн л бол нутаг ус нэгт өвөг дээдэс, хүлэг морьдын хэлхээсээрээ одоо ч холбоотой байж таарна.

Энэ талаар түр орхин улстөрийн тавцанд М.Энхболдтой холбоотой юу болоод байгааг хураангуйлъя.

Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөрийг чөлөөлж, Д.Ганболдыг томилсон нь М.Энхболдын нөлөө хэвээр байгааг харуулсан мессэж болов. Цүнхээ тэврээд хөөгдсөн Т.Гантөмөр өдгөө Засгийн газрын Хэрэг эрхлэх газрын дарга болсон Д.Амарбаясгалангийн хүн. Сайдуудын сайд болж буй эрхмийн хүнийг М.Энхболдын хүнээр солино гэдэг сонирхолтой өрөг.

Д.Ганболд нь МАН хоёр хуваагдахад 32-ын бүлэгт баттай зогсож, М.Энхболдын талд дарцаглаж явсан эр гэдгийг уншигчид мартаагүй биз.

М.Энхболдын тэргүүлсэн “Хотын фракци”-ийг арчих, ул үндсээр нь цэвэрлэх акц өнгөрсөн хугацаанд МАН-ын дотоодод өрнөж байсан ч 32-ын бүлэг нь бүрэлдэхүүнээрээ шахам парламентад сууж байна.

Парламентаар тогтохгүй Засгийн газарт ч давхар дээл нөмрөн нэлийтэл ороод ирлээ. Ж.Мөнхбат, Ё.Баатарбилэг, Б.Бат-Эрдэнэ, Ж.Бат-Эрдэнэ, Б.Саранчимэг, С.Бямбацогт, Б.Чойжилсүрэн, Б.Дэлгэрсайхан, Л.Мөнхбаатар, Л.Энх-Амгалан, Г.Тэмүүлэн, Ж.Эрдэнэбат, Г.Мөнхцэцэг, Х.Баделхан, Н.Энхболд, Ц.Мөнх-Оргил нараас гадна шинээр сонгогдсон Ж.Батжаргал, Т.Энхтүвшин, Ц.Цэрэнпунцаг, Ж.Чинбүрэн, Ц.Мөнхцэцэг, Н.Наранбаатар, Д.Өнөрболор, Ц.Сэргэлэн, Ч.Ундрам, Г.Дамдинням, Б.Баярсайхан, Б.Жаргалмаа, Ц.Идэрбат, Г.Ганболд, Х.Ганхуяг, Х.Булгантуяа, Д.Батлут, Н.Батшугар нарын дийлэнхийг М.Энхболдынх гээд шошго наачихад алдсан болохгүй.  

Төв аймгаас УИХ-ын гишүүн болсон Ж.Батжаргал М.Энхболдын дагуул гэдгийг нутаг усны нь хорхой шавьж ч хэлээд өгөх биз.

“Сөүл” гэх Д.Өнөрболорыг МАН-ын Нийгэм, эдийн засаг бодлогын газрын даргын албан тушаалд тавьж, улстөрийнх нь гишгүүрийг зассаар өдий хүргэсэн хүн нь М.Энхболд.

Э.Батшугар ч шийдвэрлэх кнопыг М.Энхболдын талд дарах магадлал өндөр. М.Энхболд, Н.Энхбаярын эвлэсэн, эвдрэлцсэн он жилүүд дэндүү их.

У.Хүрэлсүхийг Ерөнхий сайд болоход Сү.Батболдын фракц дэмжиж, дэмнэж байсан бол одоо өөрчлөгдсөн.

Удирдах зөвлөлөөс жийгдсэн Сү.Батболдын дагагчид хэдийнэ М.Энхболдын гэх бүлэглэлтэй нэгдэн эрх ашгаа тодорхойлсон. Сү.Батболд бол дуусашгүй тактиктай нэгэн. МАН-ыг бүрэн эзэрхийлэх хөрсөө бага багаар бэлдэж ирсэн бөгөөд албан тушаалын томилгоо бүрийн ард жин дарж суудаг мөнгөтэй эрхэм.

Л.Оюун-Эрдэнийн танхимд орж ирсэн Олимп, нийтийн биеийн тамир, спортын сайд Б.Бат-Эрдэнэ нь М.Энхболдын хүн. Түүнийг У.Хүрэлсүхийн 33-ын бүлэгт багтаах гээд бараагүй гэдэг.

Эдийн засаг, хөгжлийн сайд Ч.Хүрэлбаатар бол Сү.Батболдын МГИМО фракцийнх. Тэрбээр шинэ яаманд хоёр фракцийн нөлөөгөөр морилов.

Зам, тээврийн хөгжлийн сайд С.Бямбацогт 32-ын бүлгийнх. Эцсээ хүртэл үнэнч яваа хүн гэвэл түүнийг хэлэх байх.

Ж.Эрдэнэбатын Засгийн газарт Сангийн сайдаар ажиллаж байсан Б.Чойжилсүрэн Эрчим хүчний сайдаар Л.Оюун-Эрдэнийн кабинетад хөл тавив. МАН хоёр талцан 32, 33-аар бүлэглэхэд баргийн зүйлд ам ангайж, ил гардаггүй байсан тэрбээр М.Энхболдын талд манлайлан босч байв.

Боловсрол, шинжлэх ухааны сайд Л.Энх-Амгалан ч М.Энхболдыг дэмжигч 32-ын бүлгийнх. У.Хүрэлсүхийн тэргүүлсэн Засгийн газарт шүүмжлэгчийн байр сууринаас хандаж байсан тэрбээр Л.Оюун-Эрдэнийн кабинетад багтсан нь М.Энхболдын нөлөөлөл гэдэг.

Барилга, хот байгуулалтын сайд Б.Мөнхбаатар ч аядуу зөөлөн даргын шадар цэрэг. Хотын фракцийн хатавчаас Хот байгуулалтын сайд болтол чирсэн хүн нь М.Энхболд.

Тэрбээр мөрдэсээ хуулдаг цэрэг шиг Ж.Мөнхбатаа ч шинэ Засагт багтаачихаар зүтгүүлж байна. Худынхаа дэмжлэг, татаасаар өдий хүрсэн гэгддэг С.Амарсайханыг зайлуулахад Ж.Мөнхбатад суудал гарна хэмээн төлөвлөн дайрч байна.

Ингээд хөөвөл 16 яам, 21 сайдтай Л.Оюун-Эрдэнийн кабинетын 40-50 хувь нь М.Энхболд, Сү.Батболд нарын халаасанд багтчихлаа.

Тэгэхээр 60 тэрбумын гэх хэргийг өөртөө зориулж зохиолгоод хөөгдсөн болж жүжингээ эцэг өвгөдийн угсаа гарал, нутаг нуга нэгтэй “дүү” Л.Оюун-Эрдэнээ намын гол тоглогч болгосон нүүдэл М.Энхболдынх байсан юм биш байгаа гэх хардлага эрхгүй төрж байгаа юм.

Ямартай ч тэрбээр эрх баригчдын дотоодод “амьд” оршиж, 60 байтугай 600 тэрбумаар жонглёрддог нууц ноёнтон шиг үзэгдэх болов.   

Эв эеийн Засгийн газрыг эвдрэлцүүлэх хөзөртэй нөхөд орж ирэх нь

/

МАН-ын Удирдах зөвлөл Тусгаар тогтнолын ордонд хуралдах байсан ч “цугласангүй”. Л.Оюун-Эрдэнэ Засгийн газрын шинэ кабинетынхаа бүтцийг зурахдаа Сү.Батболдод хэт найр тавьснаар оруулж ирсэнд Удирдах зөвлөл эсэргүүцэл үзүүлж, улмаар хурал цагтаа эхэлсэнгүй. Үүнийгээ АН-ыг Засагт орохыг эсэргүүцэж байна хэмээн тайлбарлаж байгаа юм.  

Удирдах зөвлөлийн гадна хөвөрч буй мэдээллээр Засгийн газрын Хэрэг эрхлэх газрын даргад УИХ-ын гишүүн Ж.Мөнхбат, М.Оюунчимэг нараас гадна Хууль зүй, дотоод хэргийн сайд Х.Нямбаатар нэрээ зүтгүүлж. УИХ дахь МАН-ын бүлгийн дарга Д.Тогтохсүрэн ч горьдлого тээн явна.

Ж.Мөнхбат, М.Оюунчимэг нарын хувьд Удирдах зөвлөлөөс төдийлөн дэмжлэг авахгүй нь тодорхой болж байгаа бол Х.Нямбаатарыг Ерөнхий сайдын зүгээс зүтгүүлж байгаа. Ингэхдээ, лам олдохгүй бол буцахдаа зална гэгчээр Хууль зүй, дотоод хэргийн сайдын суудлаа хэнд ч өгөхгүй хэмээн зөрүүдэлж байгаа нь Сү.Батболдын фракцид таалагдсангүй. Тиймээс Засгийн газрын хэрэг эрхлэх газрын даргаар Ж.Оюунчимэгийг томилох, эс бөгөөс Хууль зүй, дотоод хэргийн сайдын суудлыг Д.Цогтбаатарт өгөх хувилбарыг тулгаж байна.

Үүнийг зөвшөөрөхгүй бол Д.Цогтбаатарыг Гадаад харилцаа, Б.Энхбаярыг Хууль зүй, дотоод хэргийн сайд болгох өөр шийдлийг ч гаргаж тавьж.

Эрчим хүчний сайдад нэр дэвшигчдээс С.Бямбацогтыг жийж Б.Чойжилсүрэнг, Эдийн засгийн хөгжлийн сайдад Ч.Хүрэлбаатарыг гэхчлэн Сү.Батболдоор хөтлүүлсэн Увсын фракц нүүгэлтэн орж ирсэн Удирдах зөвлөлийг бажгадуулж байгаа юм байх.

Б.Чойжилсүрэн, Ч.Хүрэлбаатар нар МАН төрийн эрхэнд байвал эвдрэлцэж, цөөнх болоход нь эвлэлддэг, ая эв нь таарвал нэгнийхээ араас “хутга шидэхэд” бэлэн нөхөд. 2012 онд мань хоёр сонгуулийн луйврын хэргээр Авлигатай тэмцэх газрын хаалга сахихад улс төрийн тохироогоор нам нь гишүүдээ сугалж, үйлийн лайтай туслахуудад нь ял үүрүүлэн галыг дарсан.

2016 онд МАН олонх болоход мөнөөх хоёр аймгийн Засаг даргын томилгооноос улбаатай муудалцан хэвлэлийн хуудас, чуулган, байнгын хорооны хуралдаан зэрэгт үг хэлэх бүртээ нэгийгээ хэмлэн зоолж байсныг мартах хугацаа болоогүй байна.

Өдгөө ч эвсэж, гар нийлж ажиллаж чаддаггүйг нь Увс аймгийн хөгжлийн индексээр харчихад болно. Тэгэхээр энэ хоёр нөхөр хоёулаа Л.Оюун-Эрдэнийн тунхаглаад буй “Эв эеийн Засгийн газар”-ыг эвлүүлэх бус эвдрэлцүүлэн тараах нь ойлгомжтой юм.

2020 оны сонгуулиар Ж.Эрдэнэбатын Засгийн газарт Б.Чойжилсүрэн Сангийн сайдаар 15 сар ажилласан бол У.Хүрэлсүхийн Засгийн газарт Ч.Хүрэлбаатар Сангийн сайд болж дотоод өсөрхлөө дарж байсныг Удирдах зөвлөл нь мартаагүй биз. Нам доторх хагарлын үед хоёр талд ажиллаж, нэг нэгнийхээ эсрэг чулуу нүүлгэж явсан гэсэн үг.

Ч.Хүрэлбаатарын тухайд Хотгор шанагын асуудлаас гадна ХААН банкны эзэмшигч Савада Хидеог “дарамталсан”, төрийн албыг ураг төрлөөрөө төлжүүлэн дэлгэрүүлсэн гээд олон бараан түүхтэй. Монгол түмнээрээ, улстөрчдийн хэллэгээр хар массаараа Ч.Хүрэлбаатарт дургүй. Түүнийг энэ Засагт ороод ирвэл Л.Оюун-Эрдэнийн Засгийн газар өөдийн бараа харалгүй шүүмжлүүлэх биз.

Б.Чойжилсүрэнгийн тухайд ч Тосон бумбын нуруунд “халдсан”, хороолол босгож хотыг цементжүүлсэн, эхнэр нь Байгаль орчин, аялал жуулчлалын яаманд фургон шахсан гээд асуудал мундахгүй. Наанадаж “Хурд”-ын барьж байгаа барилгаас унаж бэртсэн, нас барсан хүний тоо даанч олон. Ч.Хүрэлбаатараасаа дутахгүй олны зүхэл дунд хэдийнэ орчихсон кадр.

Хүнс, хөдөө аж ахуй хөнгөн үйлдвэрийн сайдад Х.Болорчулуун, Ж.Мөнхбат нарын нэр давхар яригдаж буй ч төдийлөн дэмжлэггүй байна.

Алин ч байлаа гээд Л.Оюун-Эрдэнийн барж идэхгүй, барьж дийлэхгүй ланжгарууд Засгийн газрыг бүрдүүлэх нь. Түүнд Х.Нямбаатараас нь өөр чаа гэх хонь, цавчаад загнах хань үлдэхгүй нь ойлгомжтой боллоо.

Үргэлжлэл бий…

Ховдыг С.Бямбацогтод үлдээгээд Э.Болормааг БЭРХ-ийн захирагчаар илгээчих, Ерөнхий сайд аа!!!

/

Ерөнхий сайд Л.Оюун-Эрдэнэ зөвлөх Э.Болормаадаа ямар өртэй вэ. Эцгийг нь Байгаль орчин, аялал жуулчлалын яамны Төрийн нарийн бичгийн даргад томилох шийдвэрийг өнгөрөгч нэгдүгээр сард гаргаж байв. Гэвч охин нь Ерөнхий сайдын зөвлөхөөр ажилладаг тул ашиг сонирхлын зөрчил үүснэ гээд буцаагдсан. Гэтэл энэ удаад охиныг нь Ховд аймгийн Засаг даргын сэнтийд залахын тулд аймгийн ИТХ-ын дэг журмыг эвдэн, орон даяар бужигнуулав.

Өмнөх Засаг ноён Б.Дүгэржавыг Эрдэнэбүрэнгийн усан цахилгаан станцын төслийн ажлыг удаашруулсан үндэслэлээр үүрэгт ажлаас нь чөлөөлсөн. Чөлөөлөөд зогсохгүй түүнээс ял асууж, хариуцлага хүлээлгэх цаг нэгэнт болсон.

Эрдэнэбүрэнгийн цахилгаан станц монголчуудын мөрөөдөл. Баруун таван аймгийн хөгжлийн гүүр гэчихэд хэтийдсэн болохгүй.

Монгол Улс эрчим хүч болоод нефтийн бүтээгдэхүүнээ ОХУ-аас импортлодог. Хэрэв Эрдэнэбүрэнгийн УЦС ашиглалтад орвол цахилгааны үнэ нэмэгдэхгүй. Харин ч жил бүр зөрүү болгон ОХУ-д төлдөг 13-15 тэрбум төгрөгийг хэмнэх тооцоолол бий. Тэрчлэн баруун бүсийг дотоодын хямд үнэтэй эрчим хүчээр хангах боломж бүрдэж байгаа юм.

Энэ талаар УИХ-ын гишүүн С.Бямбацогт Байгаль орчин, аялал жуулчлалын сайдаар Н.Уртнасанг ажиллаж байх үеэр асуулга тавьж “Ховд, Увс, Баян-Өлгий аймгууд эрчим хүчнийхээ 70 гаруй хувийг ОХУ-аас нэг квт-ийг нь 250 төгрөгөөр авдаг. Ховд аймгийн Булган, Үенч, Алтай сум БНХАУ-аас нэг квт-ийг нь 350 төгрөгөөр худалдан авч байна. Гэтэл Дөргөний усан цахилгаан станц эрчим хүчээ нэг квт-ийг нь 38 төгрөгөөр үйлдвэрлэдэг. Тэгэхээр Эрдэнэбүрэнгийн усан цахилгаан станц ашиглалтад орвол баруун бүс нутгийнхан хямд үнэтэй эрчим хүчээр бүрэн хангагдахаар байна. Улсын хэмжээнд хамгийн өндөр үнэтэй эрчим хүчийг баруун аймгийнхан хэрэглэж байгаа. Хямд эрчим хүчтэй болчихвол үйлдвэрлэл, үйлчилгээ хөгжихөөс гадна илүү гарсан эрчим хүчээ төвийн бүс рүү нийлүүлж, орлого олдог болно. Хамгийн чухал нь хэзээ ч тасарч магадгүй, өндөр үнэтэй эрчим хүч хэрэглэхээ больж найдвартай эрчим хүчний тусгаар тогтнолыг бий болгоно” гэдгийг хатуухан хэлж байв.

Тэрбээр УЦС-ын эдийн засаг, үр өгөөжийн асуудлаар тавьсан асуулгын хариуг Эрчим хүчний сайдаас ч нэхэж байлаа.

Энэ утгаараа Ховд аймгийн Засаг даргын сэнтий улсын эрх ашигт томоохон нөлөө үзүүлэхүйц төслүүдийг урагшлуулах түлхүүр суудлын нэг мөн. 

Тиймээс Ерөнхий сайд, эрх баригч намын дарга Л.Оюун-Эрдэнэ хүртэл хувийн амбиц үзүүлж өөрийн зөвлөхөө тус суудалд зүтгүүлээд эцэст нь ард түмнээсээ алган боов хүртлээ.

Уг нь эсрэгээрээ улс орны хөгжилд дэм болох томоохон төслүүдийг гацааж буй тойрог, орон нутгийн нөхцөл байдалд анхаарал тавьж ажиллахыг Засгийн газрын тэргүүн Л.Оюун-Эрдэнэ С.Бямбацогт гишүүнээс шаардаж, төсөл хөтөлбөрүүдийг түргэвчлүүлэх учиртай байлаа. Ингэсэн бол ядаж л том тоглолттой, хүчтэй улстөрч болж харагдах байв.

Ерөнхий сайд болон түүний зөвлөх Э.Болормаа нар сүүлийн үест эрчим хүчний асуудалд нэлээд хувийн байр сууринаас, далд эрх ашгийн төлөө дуугараад байна уу даа гэж хардагдахаар ажиллаж буй нь үнэн.

Хэдий тийм байлаа ч адаглаад орон нутгаас сонгогдсон гишүүдийн өмнүүр пир пархийтал дайрч орон пижигнэлдсэн нь увайгүй байлаа.

Бусдад нь итгэдэггүй юм гэхэд Ховд нутгаас УИХ-д дөрвөнтээ сонгогдсон, Хууль зүйн сайдаар ажиллаж байхдаа ч хамгийн зарчимтай, иргэдийнхээ эсрэг төрийн төмөр нударга үзүүлж, зэрэмдэглэн омогдож байгаагүй гэгддэг С.Бямбацогтдоо итгэж, хариуцлага үүрүүлчихэж болох байлтай.

Баруун аймгуудын хөгжлийг нийслэлийн хаяанд орших Төв аймаг, Ерөнхий сайдын өөрийн нь нутаг болох Хэнтийтэй зүйрлэх юм биш гэдгийг дотоодын аялагчид бүгд мэднэ. Энэ нь тухайн аймгаас сонгогдсон гишүүд тойрогт хуваарилагдсан хөрөнгөө хэрхэн зохистой ашиглаж, зарцуулдгийг харьцуулж болох тодорхой, энгийн жишээ.

Тиймээс аймгийн Засаг ноёны болоод тойрогт хамаарах асуудалд хэзээ ч огцорч мэдэх Засгийн газрын тэргүүн бус орон нутгийн иргэдийнхээ итгэлийг өнөө хэр хүлээсээр ирсэн эрхэм гишүүд нь өөрсдөө оролцвол илүү голчтой, нуруутай байх нь ганц үнэн юм.

Зөвлөх Э.Болормаад заавал нэг суудал өгөх ёстой юм бол БЭРХ тосгоны захирагчаар илгээчихэд яагаад болохгүй гэж. Урд хожид байгаагүй өндөр төсвийг Хэнтий аймаг, Бэрх тосгон руу хуваарилсан юм чинь эдийн засагчийн тулхтай бодлого, шийдвэр гарцаагүй хэрэг болно. Ядаж байхад хуучин захирагчийг нь МИАТ даргаар татсанаас хойш Бэрхийнхэн эзгүйдүүхэн, эл хульхан оргиод таатай бус байгаа билээ.

Тэгээд ч аймгийн Засаг дарга гэснээс Бэрх хотын захирагч гэвэл дуудахад ч сүртэй юм.

Эрэн сурвалжлах сэтгүүлзүйн НАЖ МОГОЙ үндэсний холбоо

Дефолт-д тулсан Л.Оюун-Эрдэнэтэй суудал булаалдах “тэнэг”-үүд АЛГА!!!

/

Монгол Улс Үндэсний их баяр наадмын дараа дефолт зарлах хэмжээнд дор орчихлоо. Үүндээ иргэдийн сэтгэл зүйг бэлтгэх ажиллагааг бага багаар эрчимжүүлж эхлэв.

Дефолт гэдэг нь үүргээ биелүүлээгүй гэсэн англи үгнээс гаралтай бөгөөд гадаад өрөө хугацаанд нь төлж чадахаа больсныг хэлнэ. Товчхондоо, дампуурлаа зарлаж байгаа хэлбэр.

Улсын гадаад өр 2022 оны эхний улиралд 33.8 тэрбум ам.доллар болж, өмнөх оны мөн үеэс 1.5 тэрбум доллар буюу 4.6 хувь, өмнөх улирлаас 87.8 сая ам.доллараар өсчихлөө. Эл түгшүүрийн дохиог Үндэсний статистикийн хороо анх цохисноос хойш УИХ-ын дарга Г.Занданшатар, Сангийн сайд Б.Жавхлан нар ч хэдэнтээ сануулаад авав.

Нийт гадаад өрийн

  • 12.6 тэрбум ам.доллар буюу 37.1 хувийг шууд хөрөнгө оруулалт, компани хоорондын зээллэг,
  • 8.9 тэрбум ам.доллар буюу 26.3 хувийг бусад салбар,
  • 8.4 тэрбум ам.доллар буюу 24.7 хувийг Засгийн газар,
  • 2.6 тэрбум ам.доллар буюу 7.7 хувийг төв банк
  • 1.4 тэрбум ам.доллар буюу 4.2 хувийг Төв банкнаас бусад хадгаламжийн байгууллагынх эзэлж байна.

Засгийн газрын нийт өр 2022 оны эхний улиралд 27.5 их наяд төгрөг болж, өмнөх оны мөн үеэс 209.7 (0.8%) тэрбум төгрөг, өмнөх улирлаас 426.6 (1.6%) тэрбум төгрөгөөр өссөн. Үүнээс гадаад өр нь 1.0 (4.3%) их наяд төгрөгөөр өсчихөөд байгаа.

Өнгөрөгч тавдугаар сард Шри Ланка улс түүхэндээ анх удаа дефолт зарласан. Тус улсын эрх баригчид зээлдүүлэгчдэд хандан хүлээлгийн хугацаанд багтаж төлбөрөө барагдуулах боломжгүй болсон гэдгээ мэдэгдсэн хэрэг. Ингэснээр тухайн улсын эдийн засаг улам хүндэрч, инфляц 40 хувь хүрэх төлөвтэй байгааг эдийн засагчид онцлоод, иргэдээ шатахуун авах дараалал үүсгэхгүй байхыг Засгийн газраас нь гуйж байв. Яг энэ замаар Монгол Улс нэгэнт орчихлоо.

Төсвийн тогтвортой байдлын зөвлөлийн гишүүн Э.Бямбажав “Төсвийн урхагшсан алдагдал өр зээл өсөх суурь шалтгаан болсоор Монгол Улсыг гадаад өрийн шалгуур үзүүлэлтүүдээр дефолт болох эрсдэлтэй 10 улсын тоонд оруулсан” гэдгийг хэлсэн.

2010 оноос хойш манай улсын гадаад өр 4.5 дахин нэмэгдсэн байгаагаас 5.7 тэрбум ам.доллар нь гадаад зээл буюу хөгжлийн, 2.6 тэрбум ам.доллар нь гадаад бондын богино хугацаатай өр…

Харамсалтай нь Самурай, Чингис, Хуралдай, Номад, Гэрэгэ, Дим сам, Мазаалай, Сенчири гэх сайхан нэртэй бондуудаар эрх баригчид юу хийв?!!! Төр нэрийн дор хэн хэн улс орноо ийм байдалд хүргэв?!

Чингис бондыг аваад 10 жил өнгөрч…

Үндэсний аудитын газраас 2018-2020 оны байдлаарх шинээр олгосон болон үргэлжилж буй гадаад зээл, тусламжийн ашиглалтад аудит хийсэн. Ингэхэд МАН дангаараа эрх барьсан мөн онуудад Засгийн газрын гадаад зээлийн хэмжээ эрс буюу 2018 онд 22.3 хувь, 2019 онд 14.3 хувь, 2020 онд 28.9 хувиар тус тус өссөн байгаа юм. Үүний 44 орчим хувийг зөвхөн төсвийн алдагдлыг нөхөхөд зарцуулсан байгаа нь эрх баригч намын Засгийн газар хичнээн сул дорой, үрэлгэн, арчаагүй явж ирсний нотолгоо.

Тэд энэ жилээс буюу улс орон нь дефолт зарлахад хүрсний эцэст бондуудын үндсэн төлбөрийг төлж эхэлсэн нь хамгийн том хариуцлага нэхэх шалтгаан. Өмнө нь зөвхөн хүүгийн төлбөрийг төлж байгаад эдийн засаг муудсан энэ үед гадаад өр төлж эхэлсэн нь дарамт болж, дампуурлаа зарлахад хүргэлээ хэмээн гомдоллохоор Ерөнхий сайд Л.Оюун-Эрдэнэ үгээ бэлдсэн байгаа ч хариуцлага, ял зэмээс түүний удирдсан намыг аврахгүй.

Ам.доллар амны цаас шиг байхад бонд босгож, хөрөнгө татчихсан. Гэтэл өдгөө жолоогүйгээр өссөн ханшийн зөрүүнд дарлуулж суугаа нь зүгээр л эмгэнэл. Ядаж байхад ганц ч бүтээн байгуулалтгүй. Эсрэгээрээ бүтээж, босгочих гээд зүтгэж яваа бизнесмэнүүдээ нухчин дарж, яллаж, хурааж эргүүтэхийн дээдээр эргүүтэж яваа.

Б.Жавхлан сайд Япон улсаас 1.2 тэрбум, БНХАУ-аас нэг тэрбум, БНСУ-аас 155 сая, Азийн дэд бүтцийн хөрөнгө оруулалтын банкнаас 110.5 сая ам.долларын зээл авсан. Чингис бондын 1.5 тэрбум ам.долларын өрөөс 137 сая ам.доллар үлдсэн бөгөөд энэ оны 12 дугаар сард хугацаа нь дуусна. Гэрэгэ бондын төлөх хугацаа 2023 онд бол Хуралдай бонд 2024 онд, Номад бонд 2026 онд төлөгдөнө гэдгийг хэлсэн.

Гэтэл “Алсын хараа” гэх судалгаа, тооцоогүй Л.Оюун-Эрдэнийн мөрөөдлийн дэвтрээс өөр хөгжлийн бодлого түй ч үгүй МАН-ын эрх жаалуудын гараар өндийх аядаж байсан цементийн хэдэн үйлдвэрийн амыг барьчихлаа.

Гангийн үйлдвэртэй болох мөрөөдөл хүртэл тэдний тоглоомын шоо болоод дууссан.

УИХ-ын дарга Г.Занданшатарын “Монгол Улс өрөө нэмсээр байвал хоёр, гурван жилийн дараа эх орноосоо хөөгдөх нөхцөл байдал үүснэ” гэж мэдэгдсэнийг чихнийхээ хажуугаар өнгөрөөж болохгүй. Тэрбээр “Монголын төр бонд гаргаад эргэн төлөхдөө дахиад л бонд гаргадаг. Өрийг өрөөр дарсаар байгаа энэ байдал Монгол Улсыг дефолт зарлахад хүргэж дампуурал руу хөтөлж байна. Сангийн яам, Төсвийн байнгын хороо улсын өрийг 2024 оны сонгууль хүртэл аргацаасан төдий явж байгаа нь үнэн” гэх ноцтой мэдэгдлийг хийсэн.

Ам нээх бүртээ дефолт зарлах тухай сануулж буй түүний мэдэгдэл юун наадам манатай шүү гэдгийг хатуу анхааруулж байна.

Дефолт зарлачих л юм бол түүний хэлснээр бид 2-3 жилийн дараа эх орноосоо хөөгдөнө. Олон улсын зах зээл дээр хөрөнгө босгох эрхгүй болно.

Энэ аймшигт нөхцөл байдлын ирмэгт тулсан эрх баригчид сандралдан Азийн хөгжлийн банкнаас 655 сая ам.долларын зээл авахаар байнгын хороогоор хэлэлцүүлэн, чуулганы нэгдсэн хуралдааныг урагшлуулж байна. 2 хувийн хүүтэй 25 жилийн хугацаатай аван хойд хормойгоороо урд хормойгоо нөхөх санаатай чичрэлдэхийн оронд, хувийн хэвшлүүдээ нухчин дарж, шорон гянданд хүссэн үедээ хугацаа хязгааргүйгээр чихчихээд байхынхаа оронд тэднийхээ дэмжлэгийг авч, дуу хоолойг сонсох хэрэгтэй Л.Оюун-Эрдэнэ тэргүүлсэн ноёд!!!

Дефолт зарлахаас урьтаж, ОУВС-ийн хөтөлбөрт дахин хамрагдах боломж Монгол Улсад бий гэдгийг эдийн засагчид хэлж байгаа. 2016 он шиг. Гадны хүмүүсээр эдийн засгаа базуулж, санхүүгийн сахилга батад нийтээрээ суралцана гэсэн үг. Цалин нэмэх, хасахаа бусдаас асууна.

Гэтэл Л.Оюун-Эрдэнийн тэргүүлсэн Засгийн газар, түүний танхимын гишүүд өлсгөлөн жингэр шиг улам бүр өм цөм үмхэлж буй нь новшийн, ой гутам.

Нийтээрээ хэмнэлтийн горимд шилжчихээд байхад Сангийн сайд Б.Жавхлангийн ОХУ-д хийх томилолтын зардал нэрээр “Сангийн сайд, ОХУ-ын томилолтын зардал” гэсэн гүйлгээний утга бүхий 12,961,890₮-ийн болон 8,529,740₮-ийн (нийт 2 удаагийн 21,491,630₮) шилжүүлгийг Сангийн яамнаас “Амаржаргал” гэх хувь хүний данс руу шилжүүлсэн байх жишээтэй.

Томилолтод Б.Жавхлан дэд сайд С.Мөнгөнчимэгтэй хамт явсан бөгөөд С.Мөнгөнчимэгийн онгоцны тийзэнд 5,163,000 төгрөгийг “Бэйтрэвел” ХХК-д Сангийн яамнаас мөн шилжүүлсэн. Ингэн ингэн явчихаад олигтой үр дүнгүй ирсэн.

Үүний дараа Уул уурхай, хүнд үйлдвэрийн дэд сайд О.Батнайрамдалтай хамт ОХУ-д дахин ажиллахдаа ОХУ-ын төв банк болон Сангийн сайд нартай уулзсан байдаг. Түүнийг найрсгаар хүлээн авсан ч шийдэгдсэн ганц ч асуудалгүй, ганзага хоосон ирсэн байгаа.

Одоогоор Монгол Улсын хэмжээнд

  • А-80 шатахуун 12,090 тонн,
  • АИ-92 шатахуун 48,998 тонн,
  • АИ-95 шатахуун 4,950 тонн,
  • Дизель түлш 70,621 тоннын л нөөцтэй байна.

Уул ус, хөдөө гадаагүй наадамлаад дуусахад, уруулан дахь хуушуурын тосоо арчиж гүйцээгүй байхад Улс орон минь дефолт зарлаж, Засгийн газар шатахуунгүй болсон мэдэгдэл хийж мэдэх нь.

Нөхцөл байдал иймдээ хүрчихээд байхад эдийн засгийн ямар ч ач холбогдолгүй, тайга дундуурх 318 км замыг 225 тэрбумаар тавьж, 2313-хан хүнтэй Бэрх тосгонд Кембриджийн сургалттай 600 хүүхдийн сургууль барина гэж Ерөнхий сайд нь далийрч суух үнэхээр эмгэнэл.

Бэрх тосгоныг өөд татна гэхээс өөрөөр улс орноо, эдийн засгаа аврах ямар ч төлөвлөгөө Засгийн газарт алга. Эрх баригчдын оролцоотойгоор хувийн хэвшлүүд хаалгаа барьж, ажлын байргүйгээс ажилгүйдэл нэмэгдэн архидалт, гэмт хэрэг, хулгай залилан газар авах нь тодорхой боллоо.

Хөгжлийн банкнаас авсан нийт зээлийн 3\2 нь төрийн өмчит үйлдвэрийн газруудын авсан чанаргүй зээлүүд байхад төр улам бүр бизнест хутгалдан дампууруулж байна.

Монгол Улс хэдийнэ долларын нөөцгүй болчихсон!!!

Хөрөнгө оруулалт болон татварын хууль нь тодорхойгүй, дээрээс нь хөрөнгө оруулагчдыг хулгайч луйварчнаар дуудан барьж цагдсаар хөрөнгө оруулалтыг нам зогсоочихсон.

Эрчим хүчний салбар уналтад орох суурийг Л.Оюун-Эрдэнийн Эдийн засаг, хөгжлийн бодлого хариуцсан зөвлөх Э.Болормаа нь тавиад өгчихлөө.

Ийм байдалд орчихсон Засгийн газрын эрх мэдлийг булаалдах сонирхол туршлагатай фракц бүлэглэлүүдэд төрөхөө байж, харин ч Л.Оюун-Эрдэнийн тойргоос хальж дөлж байна. Нөгөөх нь үүнийг үл анзааран, гэнэт олдсон эрх мэдлийн бялуунд манарч Бэрх тосгоны тойргоос гарч сэтгэж чадахгүй дарцаглан, хэцүүдсэн үед түшиг нь болж тулах хэдэн татвар төлөгчдөө нугаслан яллаж яваа нь хөөрхийлөлттэй.

Ядахад яр болж, ямар ч туршлага чадваргүй нөхдөөр танхимаа бүрдүүлсэн нь засч, залруулж болшгүй гачлан юм.

Эрэн сурвалжлах сэтгүүлзүйн НАЖ МОГОЙ үндэсний холбоо

БНХАУ гэдэг хүссэнээрээ жонглёрддог хувийн хэвшил чинь биш, Л.Оюун-Эрдэнэ ээ!!!

/

Хувийн хэвшлүүдээ гишгэх газаргүй болтол зовоож, улсын хөгжлийн алсыг харах байтугай алсад хүрэх замын чөдөр болж яваа Л.Оюун-Эрдэнийн зан тавигдахгүй бололтой. Түүний дараагийн бай “Ундрах говь” ХХК болж, цаашлаад хөрш улс руугаа онилж байна.  

Монгол Улс жишиг боомттой болох хэнд ашиггүй байгааг, хэний эрх ашгийг хөндөөд байгааг хэлээд өгчих, Ерөнхий сайд аа!!!

Боомтын тоог нэмэгдүүлэхээр бас л танктай цэргүүд орж ирэх гээд байна уу?!… Улс орнууд боомт байтугай улс орноо холбосон гүүрэн замууд бариад түүнээ дагасан жижиг асуудлыг толгой өвдөхгүй шийдчихээд, дэлхийд загвар болон гайхагдаж байна.

Гэтэл хэний эрх ашгийг хамгаалж, хаацайлаад хоёр улсын хооронд хийсэн гэрээ хэлэлцээр болоод найрсаг харилцаандаа сэв суулган дэвсэлж байна вэ.

Хичнээн ичгүүртэй, хичнээн жижигхэн “тархитай” Засгийн газар гээч вэ?!

Цагаандэл уул-Өлзий боомтыг нээх ажил Монгол Улсаас анхлан гаргасан хүсэлтийн дагуу 2014 оноос эхэлж, 2018 онд боомт дагасан хүнд даацын автомашинд зориулсан автозамын концессийн гэрээ ч байгуулагдсан юм шүү дээ. Энэ хооронд Хятадын тал хэдийнэ ус, цахилгаан, зам, харилцаа холбоогоо шийдээд бүтээн байгуулалтаа хийгээд зогсохгүй манай талд хэдэнтээ мөнгөн болоод барилгын бараа материал зэрэг холбогдох туслалцааг үзүүлсээр ирлээ. Мөн хугацаанд Монголын талаас туршилтын нээлт, нэвтрүүлэлт хийж үзмээр байна хэмээн хэдэнтээ санал тавьсныг ч БНХАУ-ын тал зөвшөөрч, нээсээр ирэв.

Хоёр улсын хооронд ингэтэл ажил удаж удчихаад одоо болохоор боомт нээхгүй, илүүдэж байна, тухайн бүс дэх 7 малчин айлын амьдрал хэцүүдэх нь, ганц үлдсэн Борзонгийн говио хайрлая гэхчлэн утга учиргүй, галзуу солиотой хүний үйлдэл гаргахаасаа ичээч, Монгол Улсын Засгийн газар!!!

Борзонгийн говь чинь боомт хүрэх замаас хамаагүй зүүн тийш гэдгийг адгийн тэнэг ч газрын зургаас хараад ойлгочихно. Тэрчлэн энэ ормын бүс дэх уул уурхайн лицензүүд амь орж, байгаль орчин сүйтгэж эхэлнэ гэх айдас тэврээд хэр удаан хэвтэх гээ вэ…

Хариуцлагатай уул уурхайг хөгжүүлж авч явж чадахгүй юм бол, байгаль орчноо нөхөн сэргээгээд хамгаалчихаж чадахгүй юм бол, боомт орчмын бүс дэх хэдэн малчдын асуудлыг шийдэж чадахгүй юм бол Уул уурхайн яам, Байгаль орчны яам, Хөдөө аж ахуйн яам гэх хамаг мөнгө үрсэн яамдаа татан буулгачихаач!!!

Салбар салбартаа хамаарах бодлогыг боловсруулчихаж чадахгүй орон нутгийн Засаг ноёдын аманд багтсан мэдлэг, боловсролоор сох дутуу сайд нараа солиоч, Л.Оюун-Эрдэнэ ээ…

Ерөнхий сайдынхаа, Засгийн газрынхаа “Алсын хараа 2050” гэх хөтөлбөрийг ганцхан аймгийн Засаг даргаар баллуурдуулчихсан суугаа МАН ирэх сонгуулийг хэрхэн давах гэсэн юм бол.

Бүхэл бүтэн намаараа хэлэлцэж, хэлэлцэж хийсэн боомт хүрэх авто замын концессыг Өмнөговь аймгийн Засаг дарга Р.Сэддорж гээч ганц нөхрийн гараар булшлуулахдаа хүрсэн нь дэндүү эмгэнэлтэй юм.

Шинэ боомт нээцгээе гэж хэлэлцэж тохирсон 2014 онд чинь л БНХАУ-ын тал замаа тавьчихаад, барилга байгууламжуудаа барьчихаад хүлээгээд байна. Гэтэл дангаараа 8 жил тасралтгүй олонх болж, Засгийн эрх барьчихаад өнөөг хүртэл шалдан нүцгэн уйлалдаж суугаа нь дэндүү ичгэвтэр юм.

Зам барих зурвас газрын зөвшөөрөл олголгүй авто замын ажил гацааж, жишиг боомттой болгох том зорилготой Л.Оюун-Эрдэнийн амлалтыг долоон малчин айлын уйлагналтаар тасчин хаяж буй Р.Сэддорж Монгол Улсын эрх ашигт чөдөр тушаа болж байгаагаа ойлгож байгаа юу. Боомт баригдсанаар Монгол Улсын уул уурхай болон Баруун Нарангийн уурхайн борлуулалт нэмэгдэж, нүүрсний борлуулалт дөрөв дахин өсөх нэн чухал үр өгөөжийг хааж боосноороо Р.Сэддорж нь аймаг ахлах бус хариуцлага тооцуулж, ял зэм сонсох учиртай биш үү?!

Монгол Улс боомтын хүчин чадлаар дэлхийн 160 улсаас 130-т эрэмбэлэгддэж байгаа нь үнэндээ шившиг юм.

Ерөнхий сайд Л.Оюун-Эрдэнэ өнгөрөгч тавдугаар сарын 27-нд Өмнөговь аймагт ажиллахдаа нутгийн иргэдэд Цагаандэл уул-Өлзий боомтыг нээнэ гэсэн 2014 оны Засгийн газрын шийдвэрийг түдгэлзүүлнэ хэмээн амлав… Улмаар боомтын асуудлыг судалж танилцуулах ажлын хэсэг байгуулж зоргоороо авирлалаа.

Түүний энэ тавьтаргүйтлийнх нь дараахан Хятадын талаас хоёр улсын хооронд хэлэлцэж тохирсон асуудлыг эргэн сануулж, Боомтын үйл ажиллагааг нээхэд бэлтгэн босгосон бүтээн байгуулалт, тэр хүрээндээ Монголын талд оруулсан хөрөнгө оруулалтаа ч сануулсан албан тоотыг явуулав.

Л.Оюун-Эрдэнийн Засгийн газар хувийн хэвшлүүдээ “заазалж”, бизнесийн орчинг нь хаан боогдуулж, түрүүчээсээ өмч хөрөнгийг нь шүүхийн шийдвэргүйгээр, нөхөн олговоргүйгээр хурааж байгаа. Харамсалтай нь Цагаандэл уул-Өлзий боомтын асуудлыг хувийн хэвшлүүд шигээ нугачин дарж болно гэж бодсон бололтой.

Үгүй юмаа, Л.Оюун-Эрдэнэ ээ!!! Чи ганцаараа, дур зоргоороо шийдчихэж болдог юм биш. Энэ боомтын асуудал хэдийнэ Монгол Улсын Засгийн газар, Өмнөговь аймгийн Засаг ноёны хэр хэмжээнээс давж, хоёр улсын хоорондын асуудал болчихсон.

Боомт нээлгэхгүй гэвэл эхлээд БНХАУ-ын талаас өгсөн хөрөнгө оруулалтыг буцааж, БНХАУ-д учруулсан хор хохирлыг барагдуулж, 2014 оноос хойш хийгдсээр ирсэн тус улсын бүтээн байгуулалтын нөхөн төлбөрийг олгох хэрэгтэй болох байх.

БНХАУ өнөөдрийг хүртэлх хугацаанд хийж ирсэн бүхнээ Л.Оюун-Эрдэнийн үгээр ороод хаячихгүй нь ойлгомжтой. Тийм ч учраас шат шатанд нь тохирсон албан тоотуудыг ирүүлсэн биз.

Тус улсад ч мөн адил боомтын бүс дэх малчдын асуудал зэрэг өчнөөн асуудал байсан байж таарна. Тэд элдэвлэж гоншигнолгүй бүхнээ шийдчихээд хүлээж байхад манай улс ямар ичгэвтэр, ямар сул дорой жижиг асуудал ярин уйлалдаж, Ерөнхий сайд нь “Бодь интернэшнл” гэх ганц компанийн эрх ашигт автчихсан сууж байна аа?!

Цагаандэл уул-Өлзий боомт ашиглалтад орсноор Тавантолгойн нүүрсийг экспортлох шинэ гарц нээгдэж, борлуулалтын хэмжээ нэмэгдэн, тухайн зам дагуу байрлах ашигт малтмалын орд газрууд эдийн засгийн эргэлтэд орж, бүс нутаг цаашлаад улс орны эдийн засаг өсөх нь тодорхой.

Үүнд “Бодь интернэшнл” гэх компани юуны учир тээг саад хийн, Монгол Улсын Засгийн газрыг ямар хэмжээний өрөнд унагахдаа хүрээд байгааг үргэлжлүүлэн хүргэнэ.

Ямартай ч Цагаандэл уул-Өлзий боомт ганц улсын асуудал биш болчихсон, болилоо гэхэд 2014 оноос хойш БНХАУ-аас боомтод зориулан хийгдсэн бүх хөрөнгө оруулалтын зардлыг Монголын Засгийн газар төлж болзошгүй нөхцөл байдал үүснэ гэдгийг эрх баригчдад сануулъя.

Эрэн сурвалжлах сэтгүүлзүйн НАЖ МОГОЙ үндэсний холбоо

Монголын ТӨР иргэдийнхээ амийг харх мэт мэрж, алгуураар “цаазалж” байна

/

Шүүхийн шийдвэр гүйцэтгэх ерөнхий газрын Цагдан хорих 461 дүгээр хаалттай хорих ангийн Нэгдсэн эмнэлгийн тодорхойлолт, тус эмнэлгийн комиссийн шийдвэрийг үндэслэл болгон Д.Эрдэнэбилэгийг батлан даалтад гаргав. Гэхдээ хилээр гарах эрхийг нь хязгаарласан хэвээр. Оросын мэдэлд байсан Эрдэнэт үйлдвэрийн 49 хувийг авчирснаас хойш Д.Эрдэнэбилэгт хилийн хориг тавигдсан гэхэд ташаарсан болохгүй.   

Д.Эрдэнэбилэгийн биеийн байдал хүнд, Монголд эмчлэгдэх боломжгүйгээр дордсон гэдгийг эрх баригчид мэдэж байгаа.

Тэд түүнийг шоронд үхүүлчихээс өмнө гаргасан нь энэ биз.

“Алтжин групп”-ийн захирал агсан Г.Алтан яг ийм байдалтайгаар, хил давж эмнэлгийн үйлчилгээ хөгжсөн орнуудад очиж эмчлүүлэх, амьд явах эрх нь хаалттай байсаар энэ Монголоос үүрд явсан.

Тэрбээр шалгагдаж байх явцдаа биеийн байдал нь эрс дордож, гадаадад эмчлүүлэх шаардлага тулгарснаа учирлан хилийн хоригийг цуцалж өгөхийг түмэнтээ хүссээр хорвоог орхисон. Монголын ТӨР түүнийг алгуураар “цаазалсан” нь үнэн.

Энэ процесс Д.Эрдэнэбилэг дээр давтагдаж байна. Тэр гэмт хэрэгтэн, ялтан биш.

Хэдэнтээ цагдан хорьж, эд хөрөнгийг нь хураан даапаалж байгаа ч түүнийг буруутгах үндэслэл нь олдохгүй байгаа.

Үйлдвэрлэгч орон болж хөгжсөн олон улс орны жишгээр тухайн үеийн эрх баригчид бизнес эрхлэгчдээ дэмжсэн, устаж алга болж байсан үйлдвэрүүдээ босгох, аврах аргаа олж ядахдаа концессийн гэрээгээр зарим нэг үйлдвэрүүдээ хатуу гэрээ хэлцэл дор даатган, хариуцуулсан. Үүнд Д.Эрдэнэбилэгийн, түүний гэгдэх Кью Эс Си компанийн буруу гэж үгүй.

Тэр Оросын талд байсан 49 хувийн эзэмшлийг олж ирсэн. Түүний буянаар цар тахлын үеийн ядуурал, хүндрэл бэрхшээлийг чадан ядаж туулж явна.

Нэгэн иргэнийг 478 хоног цагдан хорьж, эцэст нь гэм буруугүй гээд сулласан гашуун түүх Монголын ТӨР-д бий… Түүний машиныг нь хурааж, шүүхийн шийдвэр гүйцэтгэх газрын хашаанд орхисон байх үед юу ч үгүй тоногдон төмрийн сэг болсон. Цагдан хоригдох хугацаанд сургуулиас хассан, найз нөхөд, гэр бүлийнхэн нь итгэл алдарсан гээд хөрөнгө, эд материалаас гадна сэтгэл санаа, бие махбодийн үнэлж баршгүй хохирол амссан. Тэр 478 хоногийн дараа эрүүл мэндийн хувьд эргэж нөхөшгүйгээр өвчилсөн байсан ч шүүхээс ердөө 9.2 сая төгрөгийн нөхөн төлбөр олгох шийдвэр гаргаад гудманд хаясан новшийн жишээ Хүний эрхийн комиссын баримтад бий.

Бид амьд явах, аюулгүй, тайван орчинд амьдрах эрхтэй. Бидний зорчих эрхийг ч Үндсэн хуулиар баталгаажуулсан. Тав зургаан жил тасралтгүй шалгаад гэм буруутайг нь тогтоож чадаагүй байж зорчих, шаардлагатай эмнэлгийн үйлчилгээ авах эрхийг нь ийм олон жилээр хаан тамлах эрх хэнд ч үгүй. Энэ эрхээ эдлэхэд ялгарлан үзэхгүй байх заалт ч бий.

Харамсалтай нь МАН-ын эрх барьж буй цаг үеүдэд эцэг хуулийн үндсэн зарчим алдагдаж, хүний эрх хөсөр хаягдан цаазын ял алгуураар гүйцэтгэгдэж байна гэчихэд хилсдүүлсэн болохгүй.

Д.Эрдэнэбилэг гэдэг хүний тухайд улстөрчдийн нэгэн адил, оноож нэрлэвэл С.Баяр даргын адил хилийн чинадад худалдаад авчихсан үл хөдлөх алга. Оффшор бүсэд нуучихсан амбаар, данс тооцоо алга… Түүнийг шалгаж цагдсан зургаан жилийн хугацаанд ямар нэг сэжигтэй зүйл илрүүлж олсон гэх баримтгүй л байна.

Түүний бизнес, түүний гэр бүл, түүний гэх бүх зүйл энд бий. Эх орноо гэх, үндэстнээ гэх сэтгэлгүйдээ л Оросын талаас 49 хувийг нь чирч ирж үйл лайгаа эдэлж суув гэж…

Тэр элэгний архаг циррозтой, цагаан бөөмийн дутагдалтай. Олон жил энэ оношоороо эмчийн хяналтад явааг адаглаад л хорих ангийн эмнэлэг, эмч нар гэрчлэх биз. Дотуур цус алдан амь насаа алдах өндөр эрсдэлтэй гэдгийг мэдсээр байж эмнэлгийн үйлчилгээ авах эрхийг нь хааж боосоор байгаа эрх баригчид түүнд цаазын ял оноочихсон байгаатай адилхан харагдаж байна.

Түүний гэх бүгдийг нөхөн олговоргүйгээр дээрэмдчихээд амьд явах эрхийг нь дээрэмдэн тонох эрх Монголын ТӨР-д үгүй.

Томоохон татвар төлөгчид, бизнес эрхлэгчдэдээ ингэтэл хатуурхаж буй Монголоос хөрөнгө оруулагчид дайжиж, айж, сонсохыг ч хүсэхгүй байгаа нь ҮНЭН.

Хөрөнгө оруулалтууд зогсч, хөрөнгө оруулагчид зугтсан фактыг хөдөлшгүй судалгаатайгаар тусад нь хүргэнэ.

Ямартай ч эрх баригчдын эзэрхийлэл иргэдийнхээ эрүүл, амьд явах эрхийг боомилох, алгуураар “цаазлах” аймшигт хэлбэрээр үргэлжлэх ёсгүй. Манайхны иргэдээ 30 хоног баривчлан саатуулах хугацаанд гадныхан гэм буруутай эсэхийг тогтоогоод аль хэдийнэ нэг тийш нь шийдчихэж байна. Гэтэл Монголын төр, Монголын шүүх, прокурорууд хичнээн хоног, хичнээн он жилээр тамлан зовоож, эрүүл мэнд амь насыг нь харх мэт мэрж байна.

Шалгаж цагдаж байгаа гэх нэр дор хичнээн хүний эрүүл мэнд, амь насыг үгүй хийсэн жишээ фактуудыг бид цувралаар хүргэх болно.

Эрэн сурвалжлах сэтгүүлзүйн НАЖ МОГОЙ үндэсний холбоо

Засгийн газрыг шүүхэд дуудах нь зөв, БРАВО “Кью Эс Си”

/

Хөтөлийн “Цемент шохой”-н үйлдвэр өр шир, өгөө аваатайгаа хувьчлагдсан ч хувьчилж авсан нөхөд нь нойтон аргын технологиор үргэлжлүүлэхийг хүсээгүй тул үйлдвэрийн дэргэдэх хогийн цэг дээр хуурай аргын шинэ үйлдвэр барьж ашиглалтад оруулсан байдаг.

Ингэснээр Эрээнээс хараат байсан цементийг дотооддоо үйлдвэрлэн 100 хувь хангадаг болоод ирэх үед төрийн эрхэнд гарсан улстөрчдийн шунал асч төдийгөөс өдийг хүртэлх бүхий л менежмэнтийг хийн өөд нь татаж ирсэн “сахал” хочит Д.Эрдэнэбилэг гэж хүнийг буруутган шүүж байгаа.

Аль ч улс орон үйлдвэрлэгч болж, эдийн засгаа хүчирхэг байлгахын тулд томоохон татвар төлөгч, том группийн эздийнхээ үгийг сонсч, бодлогодоо тусгаж, тэднийхээ бизнес эрхлэх орчинг таатай болгон дэмждэг байтал манайх эсрэгээрээ авирлан, эргүү тэнэгээ гайхуулан гадны хөрөнгө оруулагчдыг ч үргээж байна.

Өөрсдөд нь түй ч хамаагүй хуурай аргын үйлдвэрийг булаан авч “оймс” хочит поп нөхрийг захирлаар томилтол өнөөх нь үйлдвэр авч явах хэцүү байна, гадна дотнын хөрөнгө оруулагчдыг урьж байна гэж сошиал орчинд хашгичсаар байгаа.

Гадна дотны бизнесмэн, хөрөнгө оруулагчид нэгдүгээрт, тус үйлдвэр төрийн өмч биш гэдгийг мэднэ, хоёрдугаарт хөрөнгө оруулчихаад хоёр жилийн дараа луйварчингаар дуудуулаад хөөгдөж мэдэх аюулыг бүр ч сайн мэдэрч байгаа тулд юу гэж л мөнгөө тэврээд Л.Наранбаатарын зүг гүйх билээ.

Их хэлмэгдүүлэлтийн үе шиг иргэдийнхээ эд хөрөнгөд эрээ цээргүйгээр халдаж, аюулгүй байдал, амь насанд нь заналхийлэх болсон Засгийн газрыг “Кью Эс Си” компани ашгүй шүүхэд дууджээ.

ЗӨВ, ингэх цаг нэгэнт болсон.

Бүх юм ТӨР нэрийн халхавч дор бүгсэн хэдэн лойдор нөхдийн зөв байх ёсгүй юм.

Дарханы төмөрлөгийн үйлдвэрийг 30 жилийн хугацаанд “Кью Си Эс” компани эзэмшихээр болж Засгийн газартай 2014.04.04-нд концессийн гэрээ байгуулж байв. Хоёр ч Засгийн газар дамнан хэлэлцэгдсэний эцэст үндэсний компани “Уул уурхай, металлургийн цогцолбор” болгон хөгжүүлэх бүтээн байгуулалтыг хийхээр болсон хэрэг.

Концесс гэдэг худалдан авалт, хувьчлал биш. “Кью Си Эс” компани онцгой эрхтэйгээр бүтээн байгуулалтад оролцох үүрэг хүлээж буй эрх зүйн зохицуулалт бөгөөд гэрээний дагуу 30 жил, өнөөдрөөс 22 жилийн дараа төрд үнэ төлбөргүй хүлээлгэн өгнө гэсэн үг.

Улсын гэх шошготой бүхэн алдагдалтай ажилладаг гунигт зарчмаар Дарханы төмөрлөгийн үйлдвэр ч 134 тэрбум төгрөгийн урт болон богино хугацааны өртэй байсныг тухайн үеийн баримт материалаас харж болно.

Аж үйлдвэрийн төсөл хэрэгжүүлэхэд төрийн дэмжлэг хамгаас чухал байдаг.

Харамсалтай нь Монголд, тэр дундаа МАН Засгийн эрхэнд байх он жилүүдэд энэ зарчим үргэлж эсрэгээрээ эргэдгийн бодит жишээ нь “Кью Си Эс” компанид үзүүлж буй төрийн төмөр нүүр!!!

Хөрөнгө оруулалтын нэгээхэн хэсгийг Хөгжлийн банкнаас босгосон нь өнөөдөр тэдэнд гай дуудаж байна.

“Кью Эс Си” компани “Уул уурхай, металлургийн цогцолбор байгуулах” төслийн хүрээнд Хандгайт өртөөнөөс Төмөртэйн уурхай хүртэл 33.4 км урт төмөр зам болон ачиж, буулгах терминал барих ажлыг санхүүжүүлэх зориулалтаар 2014 онд Хөгжлийн банктай зээлийн гэрээ байгуулж, 2015.12 сард гэрээний нэмэлт, өөрчлөлтөөр 71.3 сая ам.доллар буюу 133 тэрбум төгрөгтэй дүйцэхүйц зээл авсан байдаг. Энэ нь уул уурхайн бүтээгдэхүүн гаргахад ашигласан нийт зардлын ердөө 14 хувь… ЕРДӨӨ шүү!!!

Улмаар зээлийг хуваарь ёсоор тухай бүрт төлсөөр 2018 оныг хүртэл 88 тэрбумыг нь барагдуулчихсан. 2016 оны эдийн засгийн хямрал болон гадна, дотны хүчин зүйлээс улбаатай зээл төлөлтөд бэрхшээл тулгарч байсан ч тэд төлсөөр байв.

Ингэсээр 2020 оны цар тахлын үед тулж ирсэн. Бизнес эрхлэгчдэд Монгол битгий хэл, дэлхий хаалттай болсон онуудын эргэн төлөлт, алдагдлыг Монголын төр уян хатан тооцох бус эсрэгээрээ чичлэн хашгичсаар 191.2 тэрбумыг нэхэмжлэн “Кью Си Эс” компанийн дансыг битүүмжилчихээд байгаа. Шүүхээс эд хөрөнгө хураах тогтоол гараагүй ч Засгийн газар дур мэдэн концессийн гэрээг цуцалж, компанийн эд хөрөнгийг хураав.

Ямар аймшигтай харгислал, ичгүүр сонжуургүй үйлдэл вэ… Энэ хугацаанд буюу МАН эрх барьсан сүүлийн жилүүдэд валютийн ханш хэрхэн савалж, хэдээс хэд хүртэл өсчихөөд байгаа билээ!!!

Эргэн төл гэж тулгасан 191.2 тэрбум төгрөгийн зөвхөн ханшийн зөрүү гэхэд 80 тэрбум төгрөг байгаа.

Төгрөгийн худалдан авалттай аж үйлдвэрийн төсөлд богино хугацааны валютын зээл олгосноос эхлээд Засгийн газрын, Хөгжлийн банкны бодлогын алдаа тоологдож эхэлнэ.

Хөгжлийн банк бол Монгол Улсын нэрийн хуудас. Монгол Улсыг хөгжилд хүргэх төсөл, хөтөлбөрийг санхүүжүүлэх үндсэн чиг үүрэгтэй. Харамсалтай нь улсаа хөгжүүлэх бус, томоохон бизнес эрхлэгч, татвар төлөгчдийнхөө амийг барих өгөөшийн бодлого боловсруулж ирсэн бололтой.

Хөгжлийн банкны зээл нь Засгийн газарт ердөө шалтаг болж байгаа!!!

Эрдэнэт үйлдвэрийн 49 хувь, Хөтөлийн “Цемент шохой”-н үйлдвэрийн хувьчлалыг дээрэмдэж дадсан аргаараа Дарханы төмөрлөгийн үйлдвэрийн концессийн гэрээг цуцлах өө хайж байсан МАН-д Хөгжлийн банк зөвхөн шалтаг болов.

Эцэст нь цар тахлын хатуу хөл хорио, валютын ханшийн савалгааг эс тооцон концессийн гэрээгээр хүлээсэн үүргээ биелүүлээгүй хэмээн дэвсэлж байна. Үүнд нь өөрөөсөө өнгөтэй өөдтэй, илүүдүү яваа нэгнээ татаж унагадаг монголчуудын тамын тогооны үлгэр нэмэр болж, дээрмийн “гэмт хэрэг”-ээ аз жаргалтайгаар хийж байх шиг байгаа юм. Томоохон татвар төлөгч, бизнесмэнүүдээ ингэтэл цавчих юм бол улсын эдийн засаг, төсөв цаашид хэрхэн бүрдэх вэ… Хамтран дэвсэлж буй масс хэрхэн халамж хүртэх вэ?!

“Уул уурхай, металлургийн цогцолбор байгуулах” төсөл нийт 11 хөтөлбөрийн хүрээнд хэрэгжинэ. Үйлдвэрийн үйл ажиллагааг өргөтгөн техник, технологийн шинэчлэл хийх, төмрийн хүдрийн баяжмал үйлдвэрлэх хуурай соронзон сепаратор, нойтон аргаар баяжуулах үйлдвэр, шууд ангижруулсан төмрийн үйлдвэр шинээр барих, дэд бүтцийн хувьд 33.4 км төмөр зам, ачиж буулгах терминал байгуулах, уурхай хүртэл 110кВт-ын цахилгаан дамжуулах 50 км агаарын шугам, өргөтгөл, дэд станц барих гэхчлэн дотроо 20 гаруй дэд төсөлтэй. Өнгөрсөн 8 жилийн хугацаанд тодорхой хувийг бий болгон босгочихсон. Хөтөлийн “Цемент шохой”-н үйлдвэртэй яг ижил зарчмаар буюу цоо шинээр барьж байгуулж байгаа. Ингэхдээ импортоор оруулж ирж угсрахаас илүүтэй дотооддоо бүхнийг үйлдвэрлэх том зорилготой яваа.

2014 оноос хойш Дарханы төмөрлөгийн үйлдвэрт ямар бүтээн байгуулалт өрнөснийг Л.Оюун-Эрдэнэ дэндүү сайн мэднэ.

Түүнийг Засгийн газрын Хэрэг эрхлэх газрын даргаар ажиллаж байхад, У.Хүрэлсүх Ерөнхий сайдаар ажиллаж байхдаа тус үйлдвэрт зочилж, бүтээн байгуулалтын үйл явцтай танилцаж байв.

2020.09.17-ны тэр өдөр Ерөнхий сайд У.Хүрэлсүх “Засгийн газар дотоодын үйлдвэрлэлийг бүх талаар дэмжинэ. “Дарханы төмөрлөгийн үйлдвэр” ХК-ийг түшиглэн хэрэгжүүлж байгаа Уул уурхай, металлургийн цогцолбор байгуулах төслийг цаашид дэмжиж ажиллана” гэсэн нь өдгөө хэвлэлийн хуудаснаас арчигдчихаагүй байна. Харамсалтай нь энэ худал хуурмаг үгийн цаана хэрхэн дээрэмдэх шуналын сэтгэл, адын бодол төрж яваа юу гэмээр бүх зүйл эсрэгээрээ эргэчихээд байгаа. 

Тухайн үед төслийг хэрэгжүүлж байгаа үндэсний хөрөнгө оруулагч “Кью Эс Си” ХХК нь бүтээн байгуулалтын ажлаа танилцуулсан. Тэр үед үйлдвэрийн ган хайлуулах хэсэгт анх удаа даралтаар боловсруулах технологи ашиглан хагас өөрөө нунтаглагч тээрмийн ган бөмбөлөг үйлдвэрлэх технологийг нэвтрүүлж, бүрэн автомат тоон удирдлагын систем бүхий Евро стандартын үйлдвэрийг ашиглалтад оруулсан тухай Засгийн газрын албан мэдээнд бичигдсэн байдгаас бус дампуурч, өр зээлээ өгөхгүйдээ тулсан муу мэдээ байгаагүй юм.

Тэрбайтугай нэмүү өртөг шингээсэн, импортыг орлох, хэрэглэгчдийн хэрэгцээ шаардлагад нийцсэн, чанарын өндөр шаардлага хангасан ган бөмбөлөг, барилгын арматур төмөр үйлдвэрлэн дотоодын зах зээлд нийлүүлж байгаа сайн мэдээгээр У.Хүрэлсүх, Л.Оюун-Эрдэнэ нарын сонорыг мялааж, үзүүлж харуулж байв.

Энэ үеэр “Дарханы төмөрлийн үйлдвэр” ХК-ийн Ерөнхий захирал М.Отгонбаяр, “Кью Эс Си” ХХК-ийн Гүйцэтгэх захирал Э.Шижир нар “Уул уурхай, металлургийн цогцолбор байгуулах төсөл”-ийг хэрэгжүүлэхэд тулгамдаад байгаа асуудлууд болох эрчим хүчний найдвартай эх үүсвэр, орон нутгийн газрын асуудал зэргийг шийдвэрлэж өгөхийг л хүссэн болохоос валютын зээлийн зовлон тоочиж байсангүй. Харамсалтай, энэ асуудлыг нь шийдвэрлэх боломжтой хэмээн ам гарч байсан ЗГХЭГ-ын дарга Л.Оюун-Эрдэнэ, Уул уурхай, хүнд үйлдвэрийн сайд Г.Ёндон нар амлалтаа ажил хэрэг болгох бус ашигтай, ирээдүйтэй ажиллаж байсан үйлдвэрлэлийн үйл ажиллагааг зогсоочихоод хэрхэн эрээгүйгээр аашилж байгааг бид харж байна.

2010 оны байдлаар “Дарханы төмөрлөгийн үйлдвэр”-т 800 гаруй ажилтан ажиллаж 700.5 мянган төгрөгийн дундаж цалинтай байсан бол 2014 онд концессын гэрээ байгуулах үед 1400 гаруй ажилтантай болж, цалин 1.2 төгрөг болж нэмэгдсэн. У.Хүрэлсүх, Л.Оюун-Эрдэнэ нарыг үйлдвэр дээр очиж танилцах үеэр 1450 гаруй ажилтантай болж, цалингийн дундаж 1.7 сая төгрөг болсон байсныг албаны бичиг баримтууд гэрчилнэ.

Энэ бол 30 жилийн хугацаат концессийн гэрээний эхний 8 жилд хийгдсэн бүтээн байгуулалт, дэвшил байв.

Монголчууд гангийн цогцолбортой болох гэж 1990 оноос хойш мөрөөдсөн. Энэ мөрөөдлийг 3, 4-хөн жилийн дотор бүтээж чадсангүй хэмээн үндэсний компаниа яллаж, буруутгах нь хэрхэвч зөв харагдахгүй байна, Л.Оюун-Эрдэнэ ээ.

Хайлуулах үйлдвэрийн төсөл хэрэгжих гэж 2-3 жил гацсан. Л.Оюун-Эрдэнэ таныг Засгийн эрхэнд гарснаар цар тахал, хилийн боомтуудын хаалт гээд олон бэрхшээл тулгарч буй нь үнэн.

МАН Засгийн эрхэнд дангаараа 20 гаруй жил жаалахад Монгол Улс гангийн үйлдвэртэй болж чадаагүй нь бодит факт. Цаашид ч чадахгүй нь мэлзэх аргагүй үнэн!!!

“Эрдэнэт” үйлдвэрийг Оросууд, “Оюутолгой”-г Австраличууд байгуулсан. Харин Дарханы Төмөрлөгийн үйлдвэрийн цогцолборыг үндэсний компани, монголчууд бүтээхээр зүтгэсэн ч ийнхүү эрх баригч намын 100 жилийн ой дээр амиа таслуулж байх шиг байна…

Өнөөдөр Д.Эрдэнэбилэг, маргааш өөр нэгэн бүтээн байгуулагчийг “нугаслана”.

Төрийн нэр дор шүүхийн шийдвэрийг ч үл харгалзан Засгийн газрын тогтоол гээч хэзээ ч хүчингүй болгож чадах хуудас цаасаар үндэсний хөрөнгөтнүүдээ яллаж, үйлдвэрлэгч орон болохыг хүссэн ард түмнийхээ хүслийг нугачин дарах эрх хэнд ч үгүй.

Монгол Улс хууль, цаазтай орон.

Л.Оюун-Эрдэнэ, Х.Нямбаатар нар бүх насаараа хаан, заан байхгүй нь ҮНЭН!!!

Тэд дотоодын гангийн хэрэгцээг 100 хувь хангаж, гадаад валютын гадагшлах урсгалыг зогсоох агуу том мөрөөдөлд, бүтээн байгуулалтад иймэрхүү байдлаар саад хийж чадахгүй.

Тэд нэмүү өртөг шингэсэн бүтээгдэхүүн үйлдвэрлэж, гадаад валютын тогтвортой эх үүсвэрийг бий болгох асар том амбицад чөдөр тушаа болж дөнгөхгүй.

Тэд ажлын байр нэмэгдүүлж, жижиг дунд үйлдвэрлэл эрхэлж, татварын орлого бүрдүүлж, бүс нутгийн хөгжилд томоохон хувь нэмэр оруулж яваа үндэсний компаниудаа бүгдийг “цаазалж” чадахгүй.

Ялангуяа, “сахал” хочит Д.Эрдэнэбилэгийн дэргэд байж хөл нь дөрөөнд, гар нь ганзаганд хүрчихээд эцэст нь Л.Оюун-Эрдэнийн дэргэд зөвлөх нэрээр суун, эргээд хооллосон тогоо руугаа нулимж, хамт олныхоо зовлонгоор зоолж буй Э.Долгион гээч нөхөр бүр барахгүй юм.

Бид үйлдвэрлэгч, бүтээн байгуулагч, татвар төлөгчид гээд ҮНДЭСНИЙ бүхнээ хамгаалж, тэдний талд дуу хоолой нь болсоор байх болно!!!

Эрэн сурвалжлах сэтгүүлзүйн НАЖ МОГОЙ үндэсний холбоо

Мэдээ орчуулах »