fbpx

Улс төр

/

МАН-ын даргын суудал ганхаж, МАНь эмэгтэйчүүд бужигнаж эхлэв үү

АН задарч, МАН гэдсэндээ хөлөө жийлцэж буй өдрүүдийн гол хорчдын нэг хэсэг нь эмэгтэйчүүд. Төдийлөн цойлж тодроод толгойд гараад ирэхгүй ч тэр энийг хутган, тэвнэ зүү шидэлцүүлэгчид бүсгүйчүүд байдаг нь үнэн. Ялангуяа

/

Тэрбумын өртөгтэй гарын үсгийн эрэлд буюу Хүкийн тэсч үлдэх 5 хоног

Өндөржүүлсэн бэлэн байдлын хугацааг 4 хоногоор сунгав. Энэ нь дотоодод эрчтэй тархаж буй цар тахлын эсрэг хариу арга хэмжээ авахад хүрэлцэх хангалттай хугацаа огтхон ч биш юм. Харин ирэх 7 хоногийн даваа гараг хүртэл Засгийн газар завсарлага авч, Хүк суудалдаа

“Нүхт тур” руу их хэмжээний мөнгө яагаад шилжүүлэв, Л.Оюун-Эрдэнэ сайдаа!!!

//

Зорчигчдын хоолыг зогсоосон атал “Нүхт тур” руу их хэмжээний мөнгө яагаад шилжүүлэв…… МИАТ компанийн сэжиг бүхий гүйлгээ, цар тахлын хүнд үед байж боломгүй гэрээ

Б.Болор-Эрдэнийг гомдоолоо хэмээн ЭЦГ-аас тус сайтыг хар жагсаалтад оруулах хүсэлт хүргүүлсэн үү?

/

-Албан тушаал, эрх мэдлээ урвуулан ашиглагчдыг анхааралдаа авна уу, Авлигатай тэмцэх газар!- Манай сайт Харилцаа холбоо, мэдээлэл технологийн газрын дарга Б.Болор-Эрдэнийг шүүмжилж бичсэн. Гэтэл

Албан тушаалтанг алгасаад иргэнээ нухчин дарж, өмч хөрөнгийг “дээрэмдэх” чинь зөв үү… ЗАСГИЙН ГАЗАР?!

/

Хувийн өмчийг хамгаалах ёстой ТӨР эсрэгээрээ халдаж, “тонож”, дээрэмдэж эхэллээ… Үндсэн хуулийн 16.3-т “Хувийн өмчийг хууль бусаар хураах, дайчлан авахыг хориглоно. Төр, түүний эрх бүхий байгууллага нийгмийн зайлшгүй хэрэгцээг үндэслэн хувийн өмчийн эд хөрөнгийг дайчлан авбал нөхөх олговор, үнийг төлнө” гэсэн байгаа.

Харамсалтай нь эцэг хуулийн энэ заалтыг Л.Оюун-Эрдэнийн Засгийн газар ичгүүргүйгээр гишгэчин туучиж байна.

Засгийн газрын Хэрэг эрхлэх газрын дарга Ц.Нямдоржийн гэр бүлийн ГОК-оос “иддэг” байсан орлогыг нэг л өглөө таслан хорхойтой араанд нь зуугдсан гэгддэг сахал хочит Д.Эрдэнэбилэгээр эхэлсэн дээрэм эрээ цээргүй үргэлжлэх шинжиндээ орчихлоо.

Нэгийг нь концесс, нөгөөг нь менежмэнтийн хувьчлалаар авсан “Хөтөлийн цемент шохой”-н үйлдвэр, Дарханы төмөрлөгийн үйлдвэрийг ТӨР нэрийн дор булааж, эцэстээ хувийн оффисыг нь хүртэл “дээрэмдлээ”. Дэндүү увайгүй, ичгүүргүй, эрээ цээргүй явдал биш үү… Буруутай байсан ч аваад зугтахгүйгээс хойш хууль цааз, дүрэм журмын дагуу ажиллаж болсонгүй юу!!!

Зах зээлийн зарчим, дүрмийн дагуу хаана ашиг байна, тэнд бизнесмэн хэтэвчээ нээдэг тогтолцооны дагуу явж ирсэн сахал хочит Д.Эрдэнэбилэгийг нь муу л бол хойд зүгийн хар овоохойн үлгэрээр нүдсээр байгаад хорьчихлоо.

Түүнийг биш түүнд боломж олгосон үе үеийн улстөрч, төрийн өндөр дээд албан тушаалтан, эрх мэдлийн оргилд тамга тэврэн сууж байсан нөхдийг байцаан шийтгэж, буруутган хорихоос ажлаа эхэлдэггүй юм уу…

Хувьчлал хуудуутай явагдсан эсэх шүүхийн тогтоол ч гараагүй байхад бизнесмэнүүдээ нухчин дарж, өмч хөрөнгийг булаан гүйлдэх нь Монгол Улсад аж үйлдвэрлэл хөгжих, үндэсний хөрөнгөтнүүд хүчирхэгжин өндийхөөс айсан, үеийн үед бүх монголчуудыг ташраар нь ядуу, сул дорой байлгахыг хүссэн хэн нэгний хүсэл, сценари мэт сэжигтэй, хардлага төрүүлэм байгаа нь нууц биш.

Төр хууль санаачилдаг, хууль хэрэгжүүлдэг, хэрэгжилтийг хянадаг субьект болохоос харсан болгон руугаа үсчиж, иргэдийнхээ хөрөнгийг дээрэмдээд, үүнийгээ зөв, шударга, зоригтой байгаагийн шинж хэмээн далийрч болохгүй юм.

Эл тэнэглэл нь хөрөнгө оруулагчдыг үргээн, төвлөрсөн төлөвлөгөөт эдийн засгийн бичил хувилбарыг бий болгоход хүргэж буйг эдийн засагчид хатуу анхааруулж байна.  

Хөгжлийн банкнаас зээл авсан МИАТ, Эрдэнэс Монгол, Төрийн орон сууцны корпораци зэрэг төрийн өмчит компаниуд Хөтөлтэй адилхан чанаргүй, найдваргүй зээлдэгчид. Нэмээд төсвөөс угждаг тэлээ хурганууд… Тэдний авсан зээл зориулалтын дагуу ашиглагдаагүй нь алдагдалтай ажилласан гэх тайлан мэдээнээс тодорхой байхад яагаад захирлуудыг нь шорон гяндандаа хорьж шалган, гэм бурууг хэлэлцэхгүй байгаа юм бэ?!

Хувийн өмчийг бусдад шилжүүлэх, эсвэл төр ямар нэг ажил үйлчилгээ авахад тендэр, дуудлага худалдаа, менежмэнтийн хувьчлал гэсэн гурван арга хэрэглэдэг. Алийг нь ч Хөтөл, Дарханы төмөрлөг, Д.Эрдэнэбилэгийн оффисыг булаахад хэрэглэсэнгүй.

Эрдэнэт үйлдвэрийн 49 хувийг ОХУ-аас халааслаад ирэх үеийн УИХ Д.Эрдэнэбилэгээс эл хувийг нь хураан авах ажиллагааг явуулахдаа ядаж л тогтоол гаргуулж байлаа, Л.Оюун-Эрдэнэ ээ!!!

Хувийн өмчийг хураана гэхээр алга ташиж байгаа биз, энэ нь эрх баригчид нийгмийн сэтгэлзүйг бэлдэж байгаа нь тэр хэмээн Монголын уул уурхайн үндэсний ассоциацийн ерөнхийлөгч асан Н.Алгаа хэлж байсныг саная.

Ерөнхий сайд Л.Оюун-Эрдэнэ “Д.Эрдэнэбилэг төрд гомдож байна гэж байгааг ойлгохгүй байна. Яагаад гэвэл Д.Эрдэнэбилэг өөрөө төр байсан. Шулуухан хэлэхэд, Д.Эрдэнэбилэг тухайн үеийн Ерөнхий сайд, УИХ-ын дарга, ерөнхий шүүгч, улсын ерөнхий прокурор, Тагнуулын Ерөнхий газрын дарга, Монголбанкны ерөнхийлөгч, Хөгжлийн Банкны бүх удирдлагыг томилсон. Хоёр намыг ч хоёуланг нь удирдаж байсан.  

Эрдэнэт, Монголросцветмет, Дархан, Хөтөл, Бор-Өндөр, Багануурыг хууль бусаар авсандаа гомддоггүй юм бол гомдох эрхтэй хүн биш.

Д.Эрдэнэбилэг энэ асуудалд олон оролцогч байгаа гэж хэлж байна билээ. Би нэвтрүүлгийг нь харсан. Энд бүх хууль хяналтын байгууллагынхан, шүүгчид байсан. Үүнийг ТЕГ-ын дарга нь удирдан зохион байгуулсан” гэх ноцтой бөгөөд өөрийнхөө хэр хэмжээг харуулсан өрөвдөлт мэдэгдлийг хийсэн.

Д.Эрдэнэбилэг гэх хүн Ерөнхий сайд, УИХ-ын дарга, ерөнхий шүүгч, улсын ерөнхий прокурор, Тагнуулын Ерөнхий газрын дарга, Монголбанкны ерөнхийлөгч, Хөгжлийн Банкны бүх удирдлагыг томилох эрх бүхий албан тушаалтан мөн бил үү, эрхэм Ерөнхий сайд аа!!!

Юу ярьж, юу хэлж буйгаа мэдэж, ойлгож байгаа юу ТА…

Тэрчлэн Эрдэнэт, Монголросцветмет, Дархан, Хөтөл, Бор-Өндөр, Багануурыг хууль бусаар авсан ажиллагааг тухайн үеийн ТЕГ-ын дарга удирдан зохион байгуулсан гэх ойлголтыг тус мэдэгдлээрээ өглөө.

Тийм юм бол яагаад тухайн үеийн ТЕГ-ын даргыг саатуулж, шалгаж, хорьж цагдахгүй байгаа юм… Энэ чинь онц ноцтой гэмт үйлдэл биш үү… Д.Эрдэнэбилэгийн гар хөл болсон гэдгийг нотолчихсон юм бол тухайн үеийн Ерөнхий сайд, УИХ-ын дарга, ерөнхий шүүгч, улсын ерөнхий прокурор, Монголбанкны ерөнхийлөгчийг яагаад шалгахгүй байгаа хэрэг вэ…

Тэднийг алгасаад Д.Эрдэнэбилэгийг шоронд хийх, тогтоол шийдвэргүйгээр хувийн өмчийг хураах нь зөв юм уу, Засгийн газрын тэргүүн ээ!!!

Тухайн үеийн Ерөнхий сайд, УИХ-ын дарга, Ерөнхий шүүгч, Улсын ерөнхий прокурор, Монголбанкны ерөнхийлөгчийг шалгах гэхээр намын гал тогоогоо, өөрийн зөвлөх Х.Баттулгыг баг командтай нь самарчих гээд хэцүү байна уу?

Тэгж зүрхлэхгүй, тухайн үеийн өндөр албан тушаалтан, эрх мэдэлтнүүдэд хариуцлага тооцохоос бүгдийг эхлэхгүй юм бол нэг ч өдөр төрийн алба хашиж үзээгүй хувь иргэнтэй жөтөөрхөлцөж байгаа чинь өчүүхэн, өрөвдөлтэй харагдаж байна. Нөгөөтэйгүүр, үндэсний хөрөнгөтнүүдийг нухчих дарах, аж үйлдвэрлэлтийг өсч өндийлгөхгүй дампууруулах далд санаархалтай юм биш байгаа гэх хардлагыг эрхгүй төрүүлж байгааг ч нуух юун.

Хувьчлал хуудуутай явагдсан юм бол 90 оноос, эрх мэдэл атгаж байсан төрийн албан тушаалтнуудаас ажлаа эхэл… Дараалал чинь буруу байна, дараа дараагийн бизнесмэн, бүтээн байгуулагчдын эх орондоо юм бүтээх, хийх хүсэл зоригийг мохоож байна!!!

Зарлаагүй л болохоос хэдийнэ дампуурчихсан Хөгжлийн банкийг аврах нэрийн дор эцэг хуулиа эрээ цээргүй гишгэчих хэрэггүй, БОХИР, БОДЛОГОГҮЙ ХАРАГДАЖ БАЙНА.

“Хөтөл-”ийг хятадууд авчихсан байхад энэ хүн улсдаа авч үлдсэн. Хэрвээ тэгээгүй бол Хөтөлийн цементийн үйлдвэр “Петро чайна Дачин Тамсаг”-ийн араас орчих байсан. “Петро чайна”-г хамгаалдаг улстөрч цөөнгүй бий. Ийм хамгаалалтад орчихсон бол бид өнөөдөр “Хөтөл” дээр яаж ч томрох гээд чадахгүй. Хоёрт Хөтөлийн цемент, Дарханы төмөрлөг, Эрдэнэт үйлдвэрүүд кластер гээд байгаа нь бодитой тайлбар. Зэс хайлуулах үйлдвэр барья гэвэл шохой, цемент, бөөрөнцөг хэрэгтэй. Дарханы төмөрлөгийн үйлдвэр бөөрөнцөг үйлдвэрлэдэг. Энэ утгаараа Дарханы төмөрлөгийн үйлдвэр, Хөтөлийн цемент шохойн үйлдвэр, Эрдэнэт гурвыг нийлүүлж кластерийн системээр ажиллавал зардал маш их хэмнэгдэнэ. Монголд ашигтай байхгүй юу. Гэтэл өнөөдөр гурван тийш салгачихлаа л даа. “Эрдэнэт”, “Хөтөл”-ийг Монголд авч үлдэх явцад алдаа байсан л байх. Гэхдээ том агуулгаараа энэ үйлдвэрүүдээ Монголдоо авч үлдсэн нь зөв байсан. “Эрдэнэт” Оросынх, “Хөтөл” Хятадынх байсан бол бид өнөөдөр баларч байгаа. “Хөтөл” Хятадынх байсан бол үнийн бодлогоороо Монголын хоёр үйлдвэрийг шууд дампууруулна. Улсынхаа төрийн банкнаас хүүгүй шахуу зээл авчихад л өрсөлдөх боломжгүй болно. Ахиад хэлье, Д.Эрдэнэбилэгт алдаа оноо байсан ч том утгаараа стратегийн хувьд улсдаа хэрэгтэй юм хийсэн нь үгүйсгэх аргагүй үнэн. Ю.Цэдэнбалын үед Рональд Рейган шиг муу хүн байхгүй, үүнээс болоод Монгол хөгжихгүй яваа гэдэг байсан. Дараа нь хөгжихгүй байгаагийн шалтгаанаар Д.Бямбасүрэн, Н.Энхбаяр, Ц.Элбэгдорж тодорсон.Одоо сахал Эрдэнэбилэг болчихлоо. Ийм коммунист пропоганда хийдэг аргаасаа салах цаг болсон” хэмээн эдийн засагч Ч.Отгочулуугийн Өдрийн сонинд өгсөн ярилцлага анхаарахгүй өнгөрөөчих өнцөг биш юм.

Эрэн сурвалжлах сэтгүүлзүйн НАЖ МОГОЙ үндэсний холбоо

Ерөнхий сайд Л.Оюун-Эрдэнэ “Херо” Б.Баатарын төрсөн дүү мөн үү

/

Хүн нэг л худлаа ярьчихвал дараагийн бүх зүйл нь худлаа болж таардаг гэж Херо энтертайнмэнт студийн захирал, найруулагч Б.Баатар сэтгүүлч Б.Ганчимэгт өгсөн ярилцлагадаа хэлсэн байдаг… Өөрийнх нь хэлсэн энэ үг өөрсдийнх нь түүх дээр зогтусахад хүргэв…

Ерөнхий сайд Л.Оюун-Эрдэнэ түүний төрсөн дүү үнэхээр мөн үү… Төрсөн эцэг нь яагаад өөрөө хөвгүүдээ хайж олоогүй юм бол. Ах дүү хоёр анх таараад л бид яасан адилхан юм бэ гээд өөрсдийгөө мэдчихсэн гэдэг?!…

Тэдний төрсөн эцэг, Монгени цогцолбор сургуулийн захирал, зураг хөдөлмөрийн багш Нүрзэдийн Лхагва гэж хүн 1978 онд Өвөрхангайн Их-Уул ороод Б.Баатарын ээжтэй, 1979 онд нь нийслэлд Л.Оюун-Эрдэнийн ээжтэй хайрын романс үүсгэснээр мань хөвгүүд 1.6 жилийн зайтайгаар ертөнцөд мэндэлсэн шиг байгаа юм. Ерөнхий сайд 1980.06.29-нд Улаанбаатарт төрсөн бөгөөд түүнийг 5 настай байхад ээж нь Бэрх тосгон руу нүүсэн гэдэг…

Л.Оюун-Эрдэнэ өвөөгийнхөө гал дээр гарсан зээ гэдэг ч өвөө гэх хүн нь түүний ээжийг зургаан сартай байхад үрчилж авсан гэдэг. Тэгэхээр Засгийн газрын тэргүүний маань ээж Хэнтий аймгийн Батноров сумын иргэнд үрчлэгдсэн болохоос яг тэр нутаг усны хүн мөн, биш нь эргэлзээтэй гэсэн үг юм. Ээжийг нь үрчлэн өсгөсөн энэ буурал Оюун-Эрдэнийг ч дэргэдээ авч, өөрөөрөө овоглон эрийн цээнд хүргэсэн бололтой.

Тэгэхээр ээж хүү хоёр Лувсаннамсрай гэх сайхан хөгшний хайранд, Хэнтий аймгийн Батноров суманд байх Бэрх тосгонд өсч хүмүүжин, ажиллаж амьдарсан байх нь.

Жоншны уурхайг түшиглэн 1954 онд байгуулагдсан энэ тосгон Заамарын алтны уурхайн нэгэн адил ажил, амьдрал өрнөсөн идэвхтэй уурхайдын нэг болохоос хот байтугай сумын статусгүй газар.

Гэтэл эрх баригч МАН өөрсдийн албан ёсны цахим хуудаст намын даргыгаа БЭРХ ХОТ-д ажиллаж амьдарч байсан гэсэн байгаа юм. Монгол Улсад одоогоор БЭРХ ХОТ гэж байхгүй… Тэгэхээр эндээс эхлээд л Ерөнхий сайдын намтрын хуудаст засвар оруулахгүй бол дараа дараагийн мэдээллүүд нь эргэлзээ төрүүлж, энд тэнд өгсөн өөрийнх нь ярилцлагууд түүнийхээ нотолгоо болсоор яваа бололтой.

Сайдын ээж хүүгээ Лувсаннамсрай гэж хүнээр овоглуулж үлдээгээд өөрөө өөр хүнтэй сууснаар Б.Баярнэмэх төрж Л.Оюун-Эрдэнэ нь эх нэгтэй ганц дүүтэй болсон байдаг.

Харин хойд эцгээрээ овоглодог Бат-Өлзийн Баатар 1979.01.20-нд Өвөрхангай аймгийн Их-Уул суманд төрсөн. Тэрбээр өнгөрсөн жилийн наадмын үеэр гарсан шүүмжлэлд хариу өгөхдөө “Би Хэнтий аймагт буриадуудын дунд өсч, хүмүүжсэн. Монгол тулгатны 100 эрхэм нэвтрүүлэгт Төрийн соёрхолт Даши Намдаков, Дашийн Бямбасүрэн баавай, Улсын баатар Эрдэнийн Бат-Үүл зэрэг эрхмүүд оролцсон тул Буриад зон олонд маш хүндэтгэлтэй ханддаг, тэдний соёл түүхийг мэддэг” хэмээн жиргэж байв.

Түүний хойд эцэг Бат-Өлзий буриад хүн бөгөөд Баатар зургаан настайгаасаа Хэнтийн Биндэр суманд зуныг өнгөрүүлдэг байсан гэдэг.

Б.Баатар үүгээрээ “гэнэт”-ийн дүүтэйгээ тун ижилхэн. Л.Оюун-Эрдэнэ өвөө дээрээ өссөн бол Б.Баатар эмээ дээрээ өссөн. Түүний эмээг Чимэдцэрэн гэдэг бөгөөд ээжтэйгээ, ээжийнхээ дүү нар болох долоон эгчтэй хамт амьдардаг байсан гэж байгаа.

Нэг ялгаатай зүйл нь, Л.Оюун-Эрдэнийг ээж нь Лувсаннамсрай гэж хөгшинд үлдээгээд хүнтэй суусан бол, Б.Баатарын ээж хүүгээ дагуулсаар Бат-Өлзий гэж хүнтэй гэр бүл болсноор Баатар зургаан охин дүү дагуулсан байдаг. Түүний эх нэгт дүү Б.Өнөржаргал нь гаалийн байцаагч бөгөөд Херо пикчерс, Бествишн компаниудыг хамтран эзэмшдэг гэдгийг уншигчид мэдэх биз.

Ийнхүү Биндэр, Батноров сумдын нутаг, буриад зон олны дунд бага насаа өнгөрүүлсэн хөвгүүдийг төрсөн эцэг Н.Лхагва нь эрж хайлгүй, тэд өөрсдийгөө таньж олсон гэх кино шиг амьдрал өрнөж байгаа юм. Гэхдээ Херо энтертайнмэнт студи 2004 онд байгуулагдсан бөгөөд анх Монгени цогцолбор сургуулийн байранд байрлаж байсан гэхээр аав Н.Лхагва нь Баатартайгаа холбоотой байснаас бус Оюун-Эрдэнийгээ мэддэг ч үгүй байсан бололтой.

Б.Баатарын түүх, аж амьдралын зам мөрд эргэлзээ төрүүлэх зүйл бага бол Ерөнхий сайд Л.Оюун-Эрдэнийн намтар тэр чигээрээ шахам АСУУЛТЫН ТЭМДЭГ байдаг нь үнэн.

Төрийн гурван өндөрлөгийн нэг, эрх баригч намын дарга, Засгийн газрын тэргүүн хүн худлаа ярьж огтоос болохгүй.

Тэрбээр хэвлэлүүдэд өгсөн ихэнх яриандаа 2005 онд өвөө маань нас барахынхаа өмнөхөн ахын талаар хэлж, бид хоёрыг уулзуулсан гэдэг ч “100 асуулт, 100 хариулт” нэвтрүүлэгт орохдоо МУИС-ийн багш, профессор С.Дуламын хүү Бум-Эрдэнэ нэг өдөр гүйж орж ирээд Б.Баатар та хоёр төрсөн ах дүүс юм байна гэж хэлснээр би ахыгаа хайж олж уулзсан гээд өмнөх бүгдээ үгүйсгэчихэж байгаа юм. Хэрэв тийм бол энэ нь 2006 он буюу өвөө нь аль хэдийнэ тэнгэрт хальсан байсан гэсэн үг… С.Дулам докторын хүү Бум-Очир нь 2006 онд Кембрижийн их сургууль төгсч ирээд удаагүй, Боловсролын зээлийн сангаас 48000 ам.долларын зээл авч сурчихаад эргэж төлөөгүй гэгдэн шуугиулж байсан үе.

Нөгөөтэйгүүр Ерөнхий сайд маань 2002 онд “Дэлхийн зөн”-д ажиллаж байхдаа нэг клип хийлгэх гээд Б.Баатартай уулзаж байсан гэдэг ч Б.Баатар тэр үед багшийнхаа “Боролдой” студид хүүхэлдэйн киноны зураач байсан гэдгийг ойрын нь хүмүүс хэлж байгаа юм.

Ийм байдлаар Л.Оюун-Эрдэнэ л ахтайгаа хэрхэн уулзсан, хэн танилцуулсан гэдгийг барим тавим, будилан саатан хэлдгээс бус Б.Баатар нь “Бид өөрөө өөрсдийгөө олсон. Дүүгийн хувьд энэ хорвоод надад ирсэн гайхалтай бэлэг. Бид хоёр хүүхэд ахуйдаа учирсан” хэмээн товчхон, битүү хатуу, тодорхойгүй юм ярьсаар ирсэн байдаг.

Энэ хоёр төрсөн эцгийгээ зураач хүн гэдэг ч аав Н.Лхагва нь зураг хөдөлмөрийн багшаар ажиллаж байгаад сургуулийнхаа захирал болсон нэгэн.

Түүнчлэн Хууль зүй дотоод хэргийн сайд Х.Нямбаатар тэдэнтэй, тэр дундаа Ерөнхий сайд Л.Оюун-Эрдэнийн үеэл, цусан төрлийн холбоотой гэдэг ч хэрхэн ямар цусаар үеэл хаяал болон холбогддог нь ойлгомжгүй. Учир нь Л.Оюун-Эрдэнийн ээж Л.Даваасүрэн зургаан сартайдаа үрчлэгдсэн, хүний ганц охин… Харин Х.Нямбаатарын өвөг эцэг Ц.Арилд Хэнтий аймгийн Баян-Овоо сумынх бөгөөд Бэрхийн уурхай дахь Хүн эмнэлгийг байгуулалцсан эх баригч гэж байгаа. Хууль зүйн сайдын аав нь тээрийн жолооч, ээж нь тус тосгонд нягтлан ажилтай тул гэр бүлээрээ Бэрхийн уурхайд ажиллаж байгаад 10 настайд нь Улаанбаатарт нүүж ирсэн гэдэг. Тэрбээр ээжийгээ нийслэлд суралцаж байх үед мэндэлсэн тул төрсөн газар нь Улаанбаатар хотоор бичигдсэн байдаг аж.

Х.Нямбаатар, Л.Оюун-Эрдэнэ нарын үеэл хаяал, цус ясан төрлийн хэлхээ тодорхойгүй ч хэтэвч нэгтэй, бизнесийн ашиг сонирхлоор аль эрт холбоотой байсныг нь нотлох баримтууд хангалттай бий.

Уул уурхайн “Бест дрилинг” компанийг Х.Нямбаатар дүүтэйгээ нийлж байгуулсан бөгөөд Л.Оюун-Эрдэнэ хамтран эзэмшигч байсан гэдгийг Хөрөнгө орлогын мэдүүлгээс нь харж болно. Энд харин нэг том факт бий. Л.Оюун-Эрдэнийн Хөрөнгө орлогын мэдүүлэгтээ бөглөж, Х.Нямбаатар нь энэ бол миний компани хэмээн Grandnews сэтгүүлд өгсөн ярилцлагадаа бахархан дурьдаж байсан “Бест дрилинг” компани олны хэл ам, шүүмжлэлд өртсөнөөс хойш Улсын бүртгэлийн цэснээс ор мөргүй арчигдан алга болсон байгаа нь анхааран судлах факт мөн юм.

Х.Нямбаатар лам хувраг, сүсэгтэн олонд бурхан багшийн уламжлалт шашин сургааль номлол, зөвлөмжийг сурталчлах, эрдэм шинжилгээний судалгаа, сургалт явуулах, ижил зорилготой байгууллагуудтай хамтран ажиллана гээд “Наро банчэн хутагт” төрийн бус байгууллагыг байгуулсан ч хувь эзэмшигчийн бүртгэлээс 2015 онд нэрээ хасуулчихсан.

Ерөнхий сайд Л.Оюун-Эрдэнэд гэнэт гарч ирсэн төрсөн ах, үеэл ах хоёрынх нь холбоос нэг иймэрхүү учир битүүлэг, итгэл үнэмшил муухан өрнөдөг.

Тэрбээр хойд аав А.Буянтогтохынхоо талаар төдийлөн дурсдаггүй. Эх нэгтэй дүүгийнх нь төрсөн аав болох энэ хүн өвөө Лувсаннамсрайнх нь тэнгэрт хальдаг жил мөн бурхан болсон гэдэг. Ээжийг нь, өөртэй нь өргөж аваад өөрөөрөө овоглосон С.Лувсаннамсрай нь Бэрхийн сүсэгтний холбооны тэргүүн, Батноров сумын Шадивдаржаалин хийдийн хамба байсан тул Л.Оюун-Эрдэнэ балин үнэртсэн өвгөн ламын өвөр дамжиж өссөн гэдэг. Сонирхолтой нь Ерөнхий сайдын тодорхойлсноор балин үнэртсэн өвгөн Лувсаннамсрай гэж хүний лам хувцастай дүр гэрэл зурагт төдийлөн байдаггүй гэж байгаа.

Л.Оюун-Эрдэнийг 14 настай байхад нь Чойжил хэмээх багшид шавь оруулж, түвд бичиг сургасан гэдэг.

Тэрбээр сэтгүүлч болох хүсэлдээ хөтлөгдөн Бэрс дээд сургуулийг төгссөн гэдэг ч он цагийн хувьд зөрөө харагддаг. 1998 онд арван жилийг дүүргээд дээд сургуулийн босго алхсан хүн 2002 онд төгсөх учиртай. Гэтэл түүний намтарт 2001 онд Бэрх тосгоны Тамгын газрын даргаар ажиллаж байсан гэж тэмдэглэгдсэн байдгаас үзвэл дээд сургуулиа төгсөөгүй юм биш үү гэх хардлага эрхгүй төрж байгаа юм.

Тэрчлэн намтарт нь тосгоны уурын зууханд галч байсан гэх тэмдэглэл үгүй бөгөөд Тамгын газрын даргын орон тоо гарах хүртэл 10 хоног жижүүр хийсэн л гэж байдаг. Тэгэхээр жижүүрээр суух хэд хоногтоо уурын зууханд ганц нэг хувин нүүрс нэмсэн байж болох бөгөөд үүнийгээ ардын хүү төр барьж болохгүй юу гэх пиар болгон ашиглачихсан байж мэдэх юм…. Мөн сургуулийнхаа төдийгүй аймгийн гар бөмбөгийн шигшээ багт тоглодог, сагсан бөмбөг хөөчихдөг, скаутын холбоонд идэвхтэй гишүүн байсан хэмээдэг ч энэ бүгдийг нь түүний ангийнхан болон төгсөгчид үгүйсгэж байна.

Энэ мэтчилэн ажлын гараа, сурч төгссөн сургуулийн мэдээлэл зөрүүтэй тэрбээр Тамгын газартаа жил ч болоогүй байхдаа Дэлхийн зөн байгууллагатай холбогдон христийн шашинтан, тэр бүү хэл, сүмийн пастор гэж хэлэгдэх хүртлээ явсан байдаг.

Дэлхийн Зөн Олон Улсын Байгууллагын дэргэдэх “Хүслэн” хүүхдийн оролцооны удирдах зөвлөл, “Залуусын зөн” оюутны зөвлөлийг санаачлан байгуулж, энэ цагаасаа УИХ-ын гишүүн асан, бандажны гэх муухай хэрэгт нэр холбогдсон Д.Гантулгатай хуурай ах дүүс бололцсон.  

Энэ их орооцолдсон мэдээлэл дунд Ерөнхий сайд Л.Оюун-Эрдэнийн эх нэгтэй төрсөн дүү Б.Баярнэмэх нь М.Энхболдын байгуулсан “Сэцэн ханы хүлэг” морин спорт уяачдын холбооны дэд тэргүүнээр ажилладаг гэх тун сонирхолтой мэдээлэл хөвж яваа нь анхаарал татаж байгаа юм. Үүн дээр Л.Оюун-Эрдэнэ, Б.Баатар нарын төрсөн эцэг гэх Н.Лхагва нь М.Энхболдын аав Миеэгомботой нэг нутаг гэх мэдээллийг холбовол бүр ч сонин.

Тэгэхээр улстөрийн намаг балчиг дунд живж нэг, ил нэг явсан, олон нийт байтугай намын гишүүд нь танихгүй шахам Л.Оюун-Эрдэнийг энэ хүртэл суга татан босгохын тулд М.Энхболд өөрийгөө золиосолсон байвал яахав?!… Тэнэг сонсогдох ч тэгтлээ хорсон өс санаж өндийсөн Л.Оюун-Эрдэнэ өдийг хүртэл М.Энхболдын оймсыг гозолзуулбал гозолзуулахаар хангалттай хугацаа өнгөрч байна. Гэвч тэр М.Энхболд гэж хүн энэ хорвоод байхгүй мэт мартаж, тойрч, мэдэн будилж явааг зогтусан анхаарчихад илүүдэхгүй л байх.

Энэ мэтчилэн ураг, удмын мэдээлэл будилаантай, сурсан боловсорсон эрдэм ч эргэлзээтэй хүн Засгийн эрх барьж байна.  

Түүнийг 2019.02.02-нд Засгийн газрын Хэрэг эрхлэх газрын даргаар томилох эсэх асуудлыг хэлэлцсэн чуулганы хуралдаанд УИХ-ын гишүүн А.Ундраа “Л.Оюун-Эрдэнийн намтарт эргэлзэж байна. Үүнийгээ Их Жанжин Сүхбаатарын мэндэлсэн өдөр болж байгаа чуулганы нэгдсэн хуралдааны протоколд тэмдэглүүлье. Залуус шударга бус, худлаа ярьж, худалч байгаад дургүй байна. Та Хэнтийн сонгогчдод Харвардын сургууль төгссөн боловсролтой хүн гэж хэлсэн. Сэтгүүлч, улс төр судлаач, англи орос хэлтэй гэж намтартаа бичсэнд чинь итгэхгүй байна. Би Америкт төгсөгчдийн холбооны тэргүүнээр ажилладаг хүний хувьд итгэхгүй байгаагаа хэлье. Дараа дараагийн удаа намтраа зөв бичиж байгаарай” гэж хэлж байсныг энд иш татан саная.

Төрсөн ах гэгдэх Б.Баатар нь аавын талын 3-4, ээжийнхээ талын найман үеийг мэднэ хэмээн омогшдог. Тэгвэл эрх баригч намын дарга Л.Оюун-Эрдэнэ маань хэдэн үеэ мэддэг бол… Тэр хоёр төрсөн ах дүүс үнэхээр мөн үү?!

100 жилийн түүхтэй энэ том намын дарга болоход хэдэн үеийн намтрыг нь сийрүүлэн авдаг вэ, Д.Амарбаясгалан дарга аа.

Хойд, урд хөрш хилээ нээхгүй байгаагийн шалтгаан нь Засгийн газрын тэргүүний намтар түүх, зам мөрийн хэр хэмжээтэй холбоотой юм биш байгаа!!!

Эрэн сурвалжлах сэтгүүлзүйн НАЖ МОГОЙ үндэсний холбоо

Ц.Нацагдолгор гэж хэн бэ, Ц.Цэрэнпунцагтай халаас нэгтэй юү…

/

МАН-ын дэргэдэх байгууллага болох Нийгмийн ардчилал монголын эмэгтэйчүүдийн холбоо нэлээдгүй бужигнаантай байна.

Анх 1994 онд Д.Алтай даргатайгаар “Эмэгтэйчүүд, хөгжил, хөдөлгөөн” нэртэйгээр байгуулагдаж байсан энэ институц 1998 онд II чуулганаа хийхдээ МАСЭХ /Монголын ардчилсан социалист эмэгтэйчүүдийн холбоо/ нэртэй болсон.

Улмаар 2010 оны 10 дугаар сард МАН-ын 26 дугаар Их хурлын өмнөх МАСЭХ-ны ээлжит IV дүгээр чуулганаар дан нэг намын бус, үндэсний хэмжээний эмэгтэйчүүдийн төрийн бус байгууллага болж ажиллая гээд нэрээ мөн л өөрчилж Нийгмийн ардчилал эмэгтэйчүүдийн холбоо болгоод УИХ-ын гишүүн Д.Оюунхорол Ерөнхийлөгчөөр нь ажиллаж байв.

Үүнээс хойш VI чуулганаар УИХ-ын гишүүн Ц.Цогзолмаа, VII чуулганаар нь УИХ-ын гишүүн Д.Сарангэрэл сонгогдон ажиллаж байгаа ч өнөө хэр үндэсний хэмжээний эмэгтэйчүүдийн байгууллага болон төлөвшиж чадалгүй, намын батлахт эмэгтэйчүүдийн “хэрүүл зодоон”, амбиц дунд бужигнасаар яваа байгууллага.

Хэдийгээр ээлжит чуулганы нь хугацаа болоогүй ч ойрын өдрүүдэд их хурал зарлан хуралдуулж нэрээ солих, цаашлаад удирдлагын багт ажилладаг хэд хэдэн эмэгтэйтэй ажлын хариуцлага, ёс зүйн хэм хэмжээ ярина гэх шуум тархсанаар тус байгууллагын гишүүдийн дотоодод төсөөлж хэлэхийн аргагүй хийрхэл, амбицын дайн дэгдээд байгаа бололтой.

Үүний манлайлалд МАН-ын Бага хурлын гишүүн, НАМЭХ-ны дэд Ерөнхийлөгч гэх улс төрийн болон төрийн бус байгууллагын сонгуульт ажлыг хашиж байсан Ц.Нацагдолгорын нэр дуулдаад эхлэв.

Тэрбээр цар тахал, тэр дундаа Цар тахлын хуулийг ашиглан төрийн албаны шаардлага хангахгүй, сонгон шалгаруулалтгүйгээр төрийн албанд томилсон 1036 хүний нэг юм.

Гэхдээ Засгийн газрын хэрэгжүүлэгч агентлаг болох Соёл урлагийн газрын даргаар ийнхүү гэнэтийн байдлаар томилогдон ирээд ажиллаж байсан түүнийг ажилдаа хариуцлагагүй ханддаг, удирдлагын багтай хамтарч ажиллаж чаддаггүй гэх үндэслэлээр чөлөөлчихсөн.

Төрийн албанд чимээгүйхэн томилогдсон ч халагдахдаа сүр бараатай халагдсан түүнийг Ерөнхий сайдын хэвлэлийн төлөөлөгч Ч.Болортуяа нэр цохож ирээд чөлөөлж байгааг зарласан нь саяхан. Газрын дарга нар солигдож, чөлөөлөгдөж байдаг ч ингэтэл Ерөнхий сайдын хэвлэлийн төлөөлөгчөөр онцлуулан “хөөгдсөн” нь ховор байх. Түүнийг ажилдаа ирдэггүй, ирсэн ч ажлын байранд архи дарс хэрэглэдэг, сайддаа ганц гайгүй зөвлөгөө өгчихлөө гэсэн нь төмс боогоод төрийн ордонд тараалгачихсан байсан гэх элгийн бүхэнтэй холбосоор удаж байна.

Тэрчлэн шүүхийн хаалга татах болтлоо муудалцсан шалтгааныг нь мэдэх хүн ховор ч 2020 оны сонгуулийн өмнө Ц.Нацагдолгор УИХ-ын гишүүн Ч.Хүрэлбаатарын нэхэмжлэлээр шүүхэд хариуцагчаар дуудагдаж байсан гэдэг.

Эдгээрээс улбаалан Ц.Нацагдолгорыг “Увс” бүлэглэл шахаж, удирдлагын багтайгаа хамтарч ажиллаж чаддаггүй гэх буруутгалаар Засгийн газрын Хэрэг эрхлэх газрын дарга Ц.Нямдорж явуулчихсан юм байх.

Ажлаас чөлөөлөгдөн, юу л байна зав байна болчихсон Ц.Нацагдолгор сүүлийн өдрүүдэд НАМЭХ-г бужигнуулж яваа гэх таагүй мэдээлэлд ийнхүү нэр холбогдоод эхлэв.

Хийсэн ажил, хэлсэн үгээрээ танигдаагүй атлаа хэл ам, атаа жөтөөний дуулианд яаж ийгээд нэр нь орчихоод явдаг Цэнд-Аюушийн Нацагдолгор гэж хэн бэ…

Өвөрхангайн уугуул энэ эмэгтэй 2020 оны сонгуулиар Өвөрхангай аймагт нэр дэвшихээр зэхэж, цахим орчинд “сурталчилгаагаа” эрчимжүүлсэн байсан ч мандат өвөртөлж чадаагүй.

Д.Лүндээжанцантай нутаг нуга, утга зохиол гээд олон зүйлээр холбогддог түүнийг парламентад зайлшгүй байх ёстой хүн хэмээн Д.Лүндээжанцан нь ч цахим орчин дахь сурталчилгааг нь хийж суусан байдаг. Харамсалтай нь, Ц.Нацагдолгорыг зүтгүүлэх байтугай өөрөө өвдөг шороодоод байнгын ажиллагаатай парламентын үүдээр дахин орж ирээгүй.

Ц.Нацагдолгор нь Д.Лүндээжанцангийн тэргүүлдэг “Монголын гал голомт цогцолбор төв цэг” төрийн бус байгууллагын гишүүн.

Энэ төрийн бус байгууллагад хотын дарга Д.Сумъяабазар, хамба лам Д.Чойжамц, УИХ дахь МАН-ын бүлгийн дарга Д.Тогтохсүрэн, УИХ-ын гишүүн С.Чинзориг, хөгжмийн зохиолч Н.Жанцанноров, Сансрын нисгэгч Ж.Гүррагчаа нар ч гишүүнчлэлтэй.

Өвөрхангайн гаралтай хэдэн нөхөр нийлж, урлаг спортын нэрээр төсвийн мөнгө цохихоор байгуулагдсан гэх шүүмжлэлийг үргэлж дагуулж ирсэн “Монголын гал голомт цогцолбор төв цэг”-ийн гишүүн атлаа Ц.Нацагдолгор нь хөрөнгө орлогын мэдүүлэгтээ дурьдаагүй гэх буруутгалыг намын нь эмэгтэйчүүд хэлж байгаа юм.

Түүний жилийн орлого 59.5 сая.

Гэр бүлийн гишүүдийн орлого байхгүй атлаа 1.1 тэрбум төгрөгийн үнэлгээтэй хоёр орон сууц, үйлчилгээний зориулалттай үл хөдлөх, авто зогсоолтой. Приус унаж яваа гишүүдийн дэргэд 36 сая төгрөгөөр үнэлсэн жийп болон туулах чадвар өндөр “Lexus, RX 400” маркийн автомашинтай.

Насны эцэст хөдөө гараад маллаад хэвтчих азарга адуу, 300 гаруй хоньтойгоос гадна эзэмшлийн 5га, өмчлөх 4 га газартай сүрхий хатагтай.

Тэрчлэн “Эм Эс Си Ай” компани болон Утга зохиол нийгмийн ажилтны дээд сургуулийг эзэмшигч.

“Эм Эс Си Ай” компани нь Утга зохиол, нийгмийн ажилтны дээд сургуулийн нь байранд давхар хаягтай ч энэ байгууллагаас өөрийн нэрээ хасуулсан бүртгэл бас бий. 

Мөн АТГ-т мэдүүлээгүй Нийгмийн ажилтны мэргэжил дээшлүүлэх институт төрийн бус байгууллага түүний нэрээр бүртгэлтэй.

Энэ байгууллагын Улаанбаатар, Баянзүрх, 1-р хороо, 12 хороолол, 23, 3 тоот хаягт байх “Барт-Арандал” компанийг мөн л Ц.Нацагдолгорынх гэх мэдээллийг эх сурвалжаас өгч байгаа юм. Компанийн захирал нь Чулуунбаатарын Цэцэгмаа гэх Дорноговь аймгийн Улаанбадрах сумын соёл, спортын төвийн эрхлэгч бүсгүй бий. 2020 онд энэ албан тушаалд томилогдсон түүний нэр дээр Стартрек, Эм Ти Эс Ти компаниуд бүртгэлтэй байгааг анхааралгүй хаях асуудал биш юм.

Учир нь “Стартрек” компанийн Улаанбаатар, Сүхбаатар, 6-р хороо, 53 тоот хаяг дээт Цэвэр-Ой, Голденпеарл, Их говийн тамирчид сан, Роккапитал, Сийд рок монголиа, Сокомитрейд зэрэг нэлээд хэдэн компани давхар бүртгэгдсэн нь яалт ч үгүй хардлага төрүүлэм.

Зөвхөн Роккапитал компанийг нь татаад сонирхоход л Пүрэвжаргалын Батбаяр гэх УИХ-ын гишүүн Ц.Цэрэнпунцагтай “Регбинийн холбоо” гээчийг хамтран эзэмшдэг нөхөр гарч ирж байгаа юм.

Ц.Нацагдолгорыг УИХ-ын гишүүн Ц.Цэрэнпунцагийн “Богд Зонхова” төслийг дэмжигч хэмээн хүчтэй шүүмжилж байсан үеийг уншигчид мартаагүй байх. Тэдний дунд, хамтдаа нэр холбогдсон “Гоёуд цэцэрлэг” гэх аж ахуйн нэгж ч бий. Ямартай ч Ц.Цэрэнпунцагийг Ц.Нацагдолгороор дамжуулан намын эмэгтэйчүүдийн байгууллагад санаархаж байна гэх шуум хүчтэй тархаж байна. Мөн Ц.Нямдоржийн хувьд Ц.Нацагдолгорыг онцгойлон цохож “хөөсөн” явдлыг ч Ц.Цэрэнпунцагтай холбон тайлбарлах хэсэг бүлэг байгаа юм.

Энэ талаарх мэдээллийг болон Ц.Нацагдолгорын Төрийн банкны газрын захирлаар ажиллаж байх үедээ холбогдсон бусад мэдээллийн дэлгэрэнгүйг жич хүргэх тул түр орхиё…

Ямартай ч Нийгмийн ардчилал монголын эмэгтэйчүүдийн холбооны ойрын үед болох хурал, цаашлаад энэ институцын удирдлагад горилж буй гэх Ц.Нацагдолгорын амбиц намын эмэгтэйчүүдийг гэдсэндээ хөлөө жийлцэхэд хүргэн, нэлээдгүй бужигнаан үүсгээд байгаа гэдгийг эх сурвалжаас өгч байна.  

Мод тарих амлалтын тоогоор ам.доллар чангарч буй нь Ерөнхийлөгчид өргөх “өргөл” юм биш байгаа

/

Ерөнхийлөгч У.Хүрэлсүх “Тэрбум мод” үндэсний хөтөлбөрийн хүрээнд хичнээн төгрөг босгохоор төлөвлөв?!…

Банкны салбар жил бүр хоёр тэрбумыг хандивлахаа зарлачихлаа. Төрийн болон орон нутгийн өмчит үйлдвэрийн газруудыг энэ “мөнгө босголт”-д манлайлан оролцохыг үүрэгдсэний дагуу Эрдэнэт үйлдвэр 100 сая, Эрдэнэс Тавантолгой 176 сая мод тарьж ургуулах болов. Уул уурхайн салбарын 20 аж ахуйн нэгж 169 сая мод амалж, үндэсний томоохон компаниуд 1 сая мод тарих батламж гардчихлаа.

  • “Хургатай хайрхан” ХХК-10 000 000
  • “Нью прогресс групп” ХХК-10 000 000
  • Даатгалын мэргэжлийн холбоод /”Монголын даатгалын холбоо”, “Албан журмын даатгалын холбоо”, “Даатгалын зуучлагчдын холбоо”, “Монголын хөрөнгө, хохирол үнэлэгчдийн холбоо”/ – 5 000 000
  • “Монголын банк бус санхүүгийн байгууллагуудын холбоо” – 2 750 000
  • “Монголын хадгаламж, зээлийн хоршоодын үндэсний холбоо”-1 250 000
  • “Монголын үнэт цаасны арилжаа эрхлэгчдийн холбоо” – 1 000 000
  • “Ард санхүүгийн нэгдэл” ХК -1 000 000
  • “Монголын ипотекийн корпораци” ХК – 1 000 000
  • “Эрдэнэ ресурс девелопмент” ХК – 1 000 000
  • “Эрхэт монгол групп” ХХК – 1 000 000
  • “Грийнпинус” ХХК – 1 000 000
  • “Инвескор ББСБ” ХХК – 1 000 000
  • “Сэндли” ББСБ – 750 000
  • “Бичил глобус финанс” ББСБ – 500 000
  • Үл хөдлөх хөрөнгийн бизнес эрхлэгчдийн “Дээвэр” нэгдсэн холбоо – 300 000
  • “Ханбогд кашимер” ХХК – 300 000 мод гэхчлэн явж өгч байна.

Энэ байдлыг буруутган МҮХАҮТ-ын ерөнхийлөгч асан Б.Лхагважав “Хүнд үед аж ахуйн нэгж, улсын үйлдвэрийн газруудыг хүчээр муйхарлан оруулж ирэх нь асуудал шүү. Дайны үед Х.Чойбалсан малаа 200 сая болгоно гэсэн амлалт өгөөд, түүнээсээ болж малчин ардыг шар махтай нь хатаасан. 200 сая хүргэх гээд, дээр нь ноос ноолуурын маш их төлөвлөгөө өгөөд, сүүлд нь өөрийнхөө үстэй дээлээ хүртэл хяргаж, ноосныхоо бэлтгэлд өгч байсан тохиолдол зөндөө байсан. Түүнтэй адил хий хоосон амлалт авчихаад, тэрэндээ муйхарлан ард түмнээ хөлдөө чирэх вий. Сүүлийн үед үрээр тарьсан мод авахгүй, энд тэндээс баахан мод хэд дахин үнэлж авчирч суулгаад, маш их мөнгө угаасан асуудал бий. Ойгоор мөнгө угаадаг явдал хавтгайрсан. Байгууллагуудыг хүчээр шахаад, нөгөөх нь дарга харахаараа мод тарьж байна гээд жүжиглээд дэмий зарлага болоод л дуусна” гэснийг чихнийхээ хажуугаар өнгөрөөж болохгүй.

Модны төрлөөс хамаараад нэг га талбайд 2500-3500 ширхэг мод тарина гэж үзвэл нэг тэрбум модонд 290-400 мянган га буюу 29-40 мянган км² талбай шаардлагатай байх. Улсын нийт газар нутгийн хэмжээ 1.5 сая км² өргөн уудам тул газар олдохгүйн зовлон байхгүй. Үндсэн ойн нөөц устаж багасаад юу ч үгүй болдгийн наахна яваа. Ерөнхийлөгчийн хувьд ой байгаагүй газарт ч тарьж ургуулах шаардлага гарах биз.

Жилдээ хоёр удаа, хавар намрын цагт нийтийн мод тарих өдөр зарлан байж өнгөрсөн 10 жилийн хугацаанд иргэд, аж ахуйн нэгж байгууллага нийт 13 сая гаруй мод тарьсан гэх тоо бий. Өнгөрсөн онд зөвхөн Сэлэнгэ аймагт  гэхэд 1.416 га талбайд ойжуулалт хийсэн. Модны тоогоор хэлбэл 4.2 сая орчмыг тарьсан гэсэн үг.

Гэвч эдгээрийн хичнээн нь үхэж, хичнээн нь ургасан бэ гэх судалгаа байхгүй. Тарьсан гээд мөнгө гаргасан тоо байхаас ургасан гээд үр дүн тооцсон дүнгүй л улс орон.

Монгол Улсад тарьсан моддын 50 хүрэхгүй хувь нь амьдрах чадвартай гэх судлаачдын тооцооллыг Ерөнхийлөгч харсан л байдаг байлгүй.

Бүс нутаг бүрт ойжуулалт харилцан адилгүй. Говь цөл, хээр, хангайн бүсэд ямар төрлийн мод тарих, хэрхэн нутагшуулах гээд нарийн технологитой ч энэ төрлийн мэргэжилтэн Монголд байхгүй шахам гээд хэлчихэд хилсдүүлсэн болохгүй биз.

Говийн бүсэд усалгааны систем татахад хүндрэлтэй.

Сэлэнгэ, Орхон зэрэг томоохон гол  мөрнөөс ус татах асуудал яригдвал өртөг нэмэгдэнэ. Тиймээс учир мэдэх мэргэжилтнүүд Тэрбум мод үндэсний хөтөлбөрийг улс төрийн шоу гэж харж байгаа юм.

Тэрбайтугай улс төрийн шоу гэхээсээ илүү У.Хүрэлсүхийн босгож буй “авлигын пирамид” гэх хатуухан буруутгал яваад эхэллээ. Үндэсний хөтөлбөрт 4.3 их наяд төгрөг шаардлагатай гэдэг. Жил бүр дотоодын нийт бүтээгдэхүүний 1-ээс доошгүй хувийг энэ хөтөлбөрт зарцуулахаа мэдэгдсэн. Олон улсын төсөл, хөтөлбөр, донор орнуудын хандив тусламжийг хуу хамна. У.Хүрэлсүх Ерөнхий сайд байхдаа спортыг дэмжсүгэй, Монголд зохиогдох олон улсын спортын НОГООН НААДАМ-д зориулж жил бүр төсвөөс мөнгө гарга гээд захирамжилчихсан хүн. Гэтэл олон улсын спортын НОГООН НААДАМ гээч наадам хаана ч, хэзээ ч зохиогдож байгаагүй, зохиогдох ч үгүй хий хоосон зүйл болж таарсан. Энэ талаар хэвлэлүүд улиг болтол бичиж, анхааруулж байгаа ч түүний Ерөнхий сайд байхдаа үйлдсэн эл захирамжийг цуцалж, урсгасан мөнгийг шалгасан юм өнөө хэр байхгүй. Тэгэхээр 2024 оны сонгууль хүртэл Монголын нутаг дэвсгэрт огт зохиогдохгүй, төлөвлөгдөөгүй “олон улсын спорт наадам” гээч нэрээр жил бүр мөнгө гарсаар байгаа нь хэвээр гэсэн үг.

Одоо дээр нь “ТЭРБУМ МОД” гэх үлгэр нэмэгдчихлээ.

Гадаад дотоодын хөрөнгө оруулалттай компаниуд болон төрийн өмчит үйлдвэрүүдийг хүчээр татан оролцуулж эхэлсэн нь Ерөнхийлөгчид өргөх “өргөл”-ийг өндөр түвшинд зохион байгуулж эхэллээ гэх хардлагыг шууд төрүүлж байна. Банкны салбарынхан жил бүр 2 тэрбум төгрөг хандивлахаа илэрхийлсэн нь мөн л У.Хүрэлсүхэд барьж буй авлигын дүн шиг сонсогдож байгаа нь нууцлаад байх хардлага биш.

Салбарын сайдын шахаагаар төрийн болон орон нутгийн өмчит үйлдвэрийн газрууд ч “Тэрбум мод” үндэсний хөтөлбөрт нэгдэх “торгуулийн” улаан цаас авсан. Улаан цаас бүрт амлалт, амлалт бүрийн цаана мөнгө бий.

1 модыг 3 ам.доллароор үнэлсэн нь амлалт өгсөн модны тоог валютад хөрвүүлж төлбөрөө төл гэсэн далд утга давхар явж байгаа юм биш байгаа.

Угаасаа ойн нөөцгүй болчихсон улсын үндэсний компаниуд 1 сая модыг хаанаас олж тарих билээ!!!

Улсын хэмжээнд 200 гаруй мод үржүүлгийн газар байдаг ч нийлээд нийлээд жилдээ 9.2 сая орчим үрсэлгээ бэлтгэдэг гэж байгаа. Энэ талаар БОАЖ-ын сайдаар ажиллаж байсан Н.Уртнасан “10 жилд тэрбум мод тарина гэвэл ойролцоогоор 100 сая орчим үрсэлгээ хэрэгтэй тул нөөц бүрдүүлэх ажилд эхний 2-3 жилийг зарцуулна” гэх үнэнийг хэлээд “хөөгдчих” шиг болсон.

Тэгэхээр сая саяар амлаад байгаа компани, аж ахуйн нэгжүүд үрсэлгээ хүлээнэ гэдэг үлгэр…

Үрсэлгээ олдовч нийслэлд тарилтай биш, орон нутгийг зорих хэрэгтэй тул ажилтнуудаа ачаад, ажлаа алдаад 1 сая модны нүх ухаад сууна гэдэг бодит амьдралд огтын хэрэгжихгүй ажил учраас тэд Ерөнхийлөгчид амалсан моднуудаа мөнгөн хэлбэрээр өгөх нь үнэн.

Ам.долларын ханш огцом өсөөд байгаа нь зохиомол өсөлт гэж хардах эдийн засагчид олон бий. 1 модыг 3 ам.доллараар үнэлчихсэн. Тэгэхээр долларын ханш өсөх нь хэнд хэрэгтэй, хэнд ашигтай болж таарах вэ?!

Мэдээж Ерөнхийлөгчид хамгийн их ашигтай шүү дээ. Ам.долларын ханш улам өснө гэх мессэжийг ч тэр зүгээс хүчтэй тарааж буй нь ойлгомжтой. Сая, сая мод амалж буй компаниуд ам.долларын өсөлтөөс урьтаж мөнгөө тушаах гэж яарч байгааг ч бид харж байна.

Мөнгөн хэлбэрээр “тарих” мод ургахгүй нь тодорхой тул гэр хорооллын өрх бүрийг хашаандаа 10 мод тарих даалгавар өгч байна. Үүнд эдийн засагч С.Лхагважав шүүмжлэлтэй хандаж “Энэ бол үлгэр. Би лагерьтаа маш их мод тарьдаг. Манайх шиг тэгж их мод тарьж байгаа айл байхгүй. Сүүлийн хоёр гурван жилийн хугацаанд 300-гаад мод тарьсан. Ийм хэмжээнд тарина гэвэл айлуудын лагерийн хашаа үндсэндээ битүү ой болно гэсэн үг. Айлууд 5, 6 мод, дээд тал нь 20 мод тарина. Гэхдээ газаргүй айлууд мод тарина гэж байхгүй. Багаар бодоход 1 модонд ойролцоогоор 4м2 талбай ногдоно. Тэгэхээр У.Хүрэлсүх Мао Зэдун үр тариа, хоол хүнсээ хангалттай болгоно гээд болжмор устгадаг шиг юм ярьж байна. Эдийн засгийн ямар ч тооцоо байхгүй. Угаасаа ийм юм хийж үзээгүй хүн чинь сэтгэлийн хөөрлөөр судалгаагүй юм ярьж байна. Нэг мод гурван жилийн хугацаанд тогтмол усалж арчилж байж ургана. Хэдэн мянга, хэдэн тэрбум мод тарьж болно. Гэхдээ 10 мод тарилаа гэхэд сайн арчилсан ч 3-4 нь үхчихнэ. Арчлахгүй бол бүгдээрээ үхнэ” гэж хатуу үнэнийг хэлсэн. 

Тэгэхээр “ТЭРБУМ МОД үндэсний хөтөлбөр” гэх нэрийн дор 4-5 их наядын хөрөнгө татан төвлөрүүлж буй асар том “авлигын аян” шиг харагдаж байгаа нь нууц биш.

Ядаж байхад Боловсрол, шинжлэх ухааны сайдын эрхлэх асуудлын хүрээнд Ойн судалгаа, хөгжлийн газар байгуулахаар шийдвэрлэж энэ оны төсөвт урсгал зардлыг нь 12.5 тэрбум төгрөгөөр тусгасан боловч энэ газрыг одоо хүртэл байгуулаагүй байна. Уг нь байгуулахын тулд БОАЖЯ-ны харьяанд байсан Ойн судалгаа, хөгжлийн төвийг татан буулгачихсан гэх мэдээлэл бий.

Ийм том үндэсний хөтөлбөр зарлачихсан атлаа мэргэжлийн байгууллагыг нь өнөө хэр байгуулаагүй, тэрчлэн үндэсний компаниуд сая сая мод тарих амлалт бүрийн тоогоор ам.долларын ханш урьд байгаагүйгээр өсч эхэлсэн нь “ТЭРБУМ МОД үндэсний хөтөлбөр” Ерөнхийлөгчид өргөх “өргөл” төдий юм биш байгаа гэх хардлагыг хүчтэй төрүүлж байгаа юм.

Эрэн сурвалжлах сэтгүүлзүйн НАЖ МОГОЙ үндэсний холбоо

Сэмэртэл худал ярьдаг Төрийн нарийныг хэдий хүртэл чирэх вэ, Л.Оюун-Эрдэнэ ээ!!!

/

Цахим орчинд үндэсний аюулгүй байдлыг хангаж төр, хувийн хэвшил, иргэний мэдлэг, ойлголтыг дээшлүүлж, улсын дижитал дэд бүтцийг хөгжүүлэх үндсэн үүрэг, зорилготой Цахим хөгжил, харилцаа холбооны яам албан ёсны пэйж хуудсаа хакердуулаад хэд хонов.

Юун улс үндэстнийхээ аюулгүй байдлыг цахим орчинд хангаж ажиллах… Эсрэгээрээ хувийн хэвшилд ажиллаж буй IT технологийн чадварлаг мэргэжилтнүүд нь иргэний үүргийнхээ дагуу төр, иргэний мэдээллийг сайн дураараа хамгаалж, шаардлага үүсвэл Цахим яамыг ч хамгаалахдаа хүрч мэдэх хөгийн, эмгэнэлт үйл явдлууд өрнөж байна.

Цахим хөгжил, харилцаа холбооны яам үндсэндээ Харилцаа холбоо мэдээлэл технологийн газар байхаасаа л арчаагүйтэж, үе үе гадна дотны халдлага дайралтад савалж, хамгаалах ёстой мэдээллүүдээ алдчихлаа гэсээр өнөөг хүрсэн.

Монгол Улсын бүх иргэний мэдээллийг зарна гэх зар олон улсын “хакеруудын хар зах” гэгддэг хуудаст тавигдсан байсан шуугиант мэдээлэл мартагдах болоогүй байна.

Цахим хөгжил, харилцаа холбооны яам гэх хэтэрхий үрэлгэн, данхар бүтэцтэй байгууллага болчихоод буй хуучнаар Харилцаа холбоо мэдээлэл технологийн газар уг нь улсын Тагнуулын байгууллагын дижитал хувилбар гээд ойлгочиход тэгтэл хол зөрж, алдсан болохгүй. Тиймдээ ч салбарын сайд, Төрийн нарийн гэх хаалттай хаалганууд үүсгэлгүй Ерөнхий сайдын шууд удирдлагад байсаар ирсэн биз.

Ийм чухал, эмзэг, хариуцлагатай байгууллагыг салбар яам болгоод сайд, дэд сайд, Төрийн нарийн гэх улстөрийн нам, бүлэг фракцуудын бэлэгний хайрцаг болгох ямар хэрэг байв аа…

Ядаж байхад хэнд удирдуулаад, хэнд атгуулаад байгаагаа мэдэж байна уу, Л.Оюун-Эрдэнэ ээ!!!

Хүмүүнлэгийн ухааны их сургуулийг Олон улсын харилцааны мэргэжилтнээр дүүргэж БНСУ-д Бизнесийн удирдлагын магистр, Англид Төрийн удирдлагын магистр хамгаалаад эцэст нь олон улсын хэдэн төсөл хөтөлбөрүүдэд цаас үдэж, тайлан бичигч хийж байсан нөхөрт “Дижитал Тагнуулын байгууллага”-ыг удирдуулна гэдэг хэтийдсэн тэнэглэл биш үү…

Энэ хүндээ заавал эрх мэдэл, албан тушаал өгөх ёстой юм бол чаддаг мэддэг салбарт нь өг л дөө.

Улсын дижитал дэд бүтцийг олон улсын харилцааны менежер удирдахад мэдлэг чадвар, чансаа нь хүрэхгүй гэдгийг хэд хэдэн удаагийн мэдээллийн халдлага, технологийн салбарын “газар хөдлөлт”-өөс хангалттай харлаа.

Ядаж байхад ямар худалч юм бэ, энэ хүн чинь…

Цахим үндэстэн болж буй арга замаас чинь туршлага судалж, суралцъя гээд хэд хэдэн улсаас санал тавиад байгаа гэх агуулга бүхий юм яриад явсан. Цахим яамныхаа пэйж хуудсыг хамгаалж чадахгүй Б.Болор-Эрдэнээс хаана, ямар улс нь туршлага судлах юм бэ. Ичиж үхмээр ийм элий мэдэгдлүүдийг нь ядаж болиулаач!!!

2021 оны 12 сарын 10-ны өдөр, тухайн үеийн Харилцаа холбоо, мэдээллийн технологийн газрын дарга Б.Болор-Эрдэнэ zarig.mn /https://zarig.mn/uhf/ сайтад ярилцлага өгөхдөө e-Mongolia системийн аюулгүй байдлыг хангуулахын тулд MNCERT/CC төрийн бус байгууллагатай хамтран ажиллаж сар бүр 5-10 сая төгрөгөөр аудит хийлгэдэг гэж ярьсан байсан нь бас худлаа болж таарлаа.

MNCERT/CC төрийн бус байгууллага нь мэдэгдэл гаргаж, эл худал мэдээлэлдээ залруулга гаргаж уучлал гуйхыг Цахим хөгжил, харилцаа холбооны яамны Төрийн нарийн бичгийн даргын албан үүргийг түр орлон гүйцэтгэгч Б.Болор-Эрдэнээс шаардсаныг олж харсан уу, Ерөнхий сайд аа!!!

“e-Mongolia” системийн албан ёсны фэйсбүүк хуудас хоёр хоногийн өмнө буюу 2022 оны 03-р сарын 27-ны өдөр хакердуулж, админ эрхээ алдсан.

Гэтэл Цахим хөгжил, харилцаа холбооны яамны Төрийн нарийн бичгийн даргын албан үүргийг түр орлон гүйцэтгэгч Б.Болор-Эрдэнэ “фэйсбүүк хуудас нь META компанийн хөгжүүлж буй платформ бөгөөд тус платформоор дамжуулан иргэд, олон нийтэд “e-Mongolia”-н талаарх албан ёсны мэдээ, мэдээлэл, заавар, зөвлөгөөг хүргэдэг. “e-Mongolia” фэйсбүүк хуудасны админ эрх рүү халдлага гарсан даруйд бид META компанид мэдэгдэж, шуурхай ажиллан фэйсбүүк хуудсаа эргүүлэн авсан болно. Энэ халдлага нь хаанаас, ямар зорилгоор гарсныг тогтоохоор тус компанитай хамтран ажиллаж байна” гэж мэдэгдсэн.

Харамсалтай нь энэ мэдэгдэл бас л худал болохыг пэйж хуудас нь харуулж байна. Мета компанийн зүгээс цахим хуудасны нэрийг л “e-Mongolia” гэж өөрчилж өгснөөс бус эрхэм хатагтай Б.Болор-Эрдэнэ админ эрхээ одоог хүртэл авч чадаагүй байгааг фэйсбүүк хэрэглэдэг захын иргэн ороод харчихаж болж байгаа юм.

Жишээ болгох үүднээс МАН-ын генсэк Д.Амарбаясгалангийн цахим хуудастай харьцуулсан зургийг харуулъя. Д.Амарбаясгалангийн пэйжийг Монголоос 6 хүн удирдан явуулдаг гэж харагдаж байгаа бол “e-Mongolia” цахим хуудсыг одоог хүртэл Монголоос удирдахгүй хэвээр байна.

Б.Болор-Эрдэнэ нь “Энэ халдлага хаанаас, ямар зорилгоор гарсныг тогтоохоор ажиллаж байна” гэх сүртэй тайлбарыг өгсөн боловч энэ нь түүний мэдлэг чадваргүй, IT технологийн салбарт тэнцэхгүй Төрийн нарийн гэдгийг хангалттай нотлох нотолгоо болчихлоо.

Учир нь “e-Mongolia” цахим хуудсыг хэн, ямар зорилгоор авчихсан байгааг хүүхэд ч хараад мэдчих боломжтой, нууц мэдээлэл биш байна… Энэ https://worldofwomen-galaxy.com/about-us.html линкээр ороод харчих Ерөнхий сайд аа!!!

World of Women Galaxy гэх нэрээр OPENSEA.IO NFT бирж дээр цахим NFT гаргаж буй уран бүтээлчид л Цахим Монголын Цахим яамны чинь пэйж хуудсыг авчихсан байна шүү дээ.

Энд ямар ч зорилго, ямар ч хакер байхгүй. Зураач, уран бүтээлч залуучуудад яамныхаа цахим хуудсыг алдаж байгаа Цахим яам руу жинхэнэ хакерууд халдвал бүхнээ алдах юм байна л даа. Пэйжийг авсан багт хөрөнгө оруулалт хийсэн хүний мэдээлэл нь ч ил байхад холбогдож яриад буцаагаад авчих чадваргүй Б.Болор-Эрдэнэ энэ салбарын гал тогоог барих Төрийн нарийн бичгийн дарга биш гэдгээ хангалттай харуулж байна.

Нөгөөтэйгүүр ийм сул дорой, мэдлэг чадваргүй нөхрийн гарт салбараа атгуулчихаад хөгжил хүлээж суугаа монголын IT технологийн мэргэжилтэн, легионрууд ч дэндүү хөөрхийлөлтэй, өрөвдөлтэй юм.

Өөрсдийгөө давсан мэдлэгтэй, технологийн наад захын ойлголттой хүнээр удирдуулна аа гээд тэмцчих чадалгүй IT салбарынхан энэ улсыг улсын дайтай авч явж чадах уу. Технологийн хөгжил нь улс орноо хүчирхэгжүүлж байхад монголын технологичид улсаа хөгжүүлэх байтугай өөрийн салбарын идээ бээрийг ч шахчих тэнхэлгүй, зориг зүрхгүй суугаа нь даанч эмгэнэл.

Цахим хөгжил, харилцаа холбооны салбарыг удирдчихаж чадна гэж өнөөг хүртэл чичрэн суух Төрийн нарийн бичгийн даргын үүрэг гүйцэтгэгч Б.Болор-Эрдэнэ ч дур эзнээ, дунд чөмөг сүүжээ голдоггүйн жишээ болж энэ улсын “дижитал Тагнуулын байгууллага” болсон нэн хариуцлагатай салбарыг захын зураач залууст самруулж, сандаачуулж суугаадаа ичиж, өөрийн хүсэлтээр зайгаа тавиад өгөх хэрэгтэй юм. Энэ бол гоё охидын цаг нөгцөөдөг брэндийн дэлгүүр биш…

Салбарын мэдлэггүй, чадваргүйн дээр ичих булчирхайгүй худлаа ярьдаг араншин, удаа дараагийн мэдээ мэдээллээ хамгаалж чадахгүй алдаж буй нь түүнийг танхимаасаа хөөх, цаашлаад гадныханд админ эрхээ өгсөн санаатай үйлдэл ч байж болзошгүйг хэрэг нээн шалгуулах хангалттай үндэслэл шүү, Л.Оюун-Эрдэнэ сайд аа!!!   

Эрэн сурвалжлах сэтгүүлзүйн НАЖ МОГОЙ үндэсний холбоо

Хүүхдийн паркийг хэдийнэ залгисан Трафигура, Иточу хоёрыг Д.Сумъяабазар барж идэх үү?!

/

Хотын дарга Үндэсний соёл амралтын хүрээлэнгийн газраас ганц алхмыг ч зориулалтын бусаар ашиглуулахгүй хэмээн мэдэгдсэн ч түүний мэдэгдэлд олон нийт төдийлөн хууртсангүй.

Хүүхдийн паркийг 2005 онд М.Энхболд хотын дарга байхдаа үгүй хийчихсэнийг нийслэлчүүд хараахан мартаагүй байна, Д.Сумъяабазар аа!!!

“Үндэсний соёл амралтын хүрээлэн” нэртэй Хариуцлагатай хувьцаат компанийг тухайн үеийн Нийслэлийн Засаг даргын Тамгын газар, Японы Иточу корпорацитай хамтран байгуулаад Иточу 74%, Нийслэл 26%-ийг нь эзэмших болсоор удаж байгаа.

Иточу корпораци 2007, 2008 онуудад Голомт банк алт олборлох үйлдвэрийн тоног төхөөрөмж худалдан авах гэж байсан үеэс нь холбоо тогтоож, Иточу-д аккредитив нээж өгч байсан. Улмаар 2012 оны 7 дугаар сарын 9-нд 43 сая ам.доллартай тэнцэх 3.42 тэрбум иенийн 18 аккредитивыг төлөөгүйн улмаас Иточу корпорациас Голомт банкийг шүүхэд өгч байв. Энэ үед Их Британид байрлалтай Swiss МО хөрөнгө оруулалтын сан Голомт банкны 10.7 хувийг эзэмшихээр 20 сая ам.долларын хөрөнгө оруулчихсан, Trafigura Beheer BV худалдааны компани мөн хөрөнгө оруулж Голомт банкны 5 хувийг худалдаад авчихсан байсан юм. Энэ хоёр хөрөнгө оруулагч Голомт банкны толгой компани болох Бодь групп ХХК–д мөн 55 сая ам.долларын зээл олгосон байдаг.

Иточу корпорацийн Монгол дахь ажилтнууд тээврийн бичиг баримт хуурамчаар үйлдсэн зэрэг хэд хэдэн таагүй мэдээлэлд холбогдсон, нөгөөтэйгүүр хүүхдийн паркийн газраа булаалгасан монголчуудын дайралт тооцоолсноос нь хэтэрхий их байсан зэрэг шалтаг Иточуг “Ито инвест” хэмээн нэрээ өөрчлөхөд хүргэсэн байх. Тус корпораци 2009 онд хүүхдийн парк дахь эзэмшлээ “Ито инвест” компанид бүрэн шилжүүлсэн гээд нэрээ татсан.

Харин “Ито инвест” нь Бодь интернэйшнл компанийн 100 хувийн эзэмшилд байдгийг холбогдох бичиг баримтууд нотолно. Тэгэхээр Иточу корпораци “Ито инвест” нэрээр Бодь группийн охин компани “Үндэсний соёл амралтын хүрээлэн” ХХК-ийн 74 хувийг эзэмшсээр байгаа гэчихэд ташаарсан болохгүй биз.

Тэд “Үндэсний соёл амралтын хүрээлэн” ХХК-ийн 26 хувийг эзэмшдэг Нийслэлийн Засаг даргын Тамгын газрыг үеийн үед хавчин шахсаар, өөрт таатай захирамж шийдвэрийг гаргуулсаар ирэв.

2011 онд тухайн үеийн хотын дарга Г.Мөнхбаяр 198 тоот тушаалаар парк орчмын газрыг бүхэлд нь “Үндэсний соёл амралтын хүрээлэн” ХХК-д эзэмшүүлэхээр өгчихсөн гэдэг бол 2015 онд Э.Бат-Үүл А|902 тушаалаар 2075 он хүртэл, 60 жил эзэмшихээр сунгачихсан. Э.Бат-Үүлийг хотын дарга байхад түүний пиар зөвлөхөөр “Бодь интернэшнл” ХХК-ийн гүйцэтгэх захирал, одоогийн Ерөнхий сайд Л.Оюун-Эрдэнийн зөвлөх А.Амундра ажиллаж байсныг энд орхигдуулж болохгүй.

Хүүхдийн паркийн газар анх 35га талбайтай байснаас 1.1-г “Мон-Уран”, 3.0га-г “Эм Си Эс проперти”, 0.2га-г УИХ-ын гишүүн Д.Өнөрболорын Сөүл групп, 0.06га-г С.Эрдэнээгийн хамаарал бүхий “Төгс эрдэм сан” ТББ (Шонхор тауэр) компанид тасалж өгөөд үлдсэн хэсэг нь тэр чигтээ Бодь групп буюу Голомт банкны эзэн гэгдэх Д.Баясгалан, түүний хөрөнгө оруулагчид болох Трафигура, Иточу зэрэг гадны компаниудыг мэдэлд байгаа юм.

MCS, Сөүл групп, Төгс эрдэм сан, Мон Уран зэрэг компаниуд тасалж хэрчсэн газрууддаа хэдийнэ барилга байшин босгоод авсан бол Бодь группийн охин компани “Үндэсний соёл амралтын хүрээлэн” ХХК төлөвлөсөн байшин саваа барих гээд чичирч эхэллээ.

“Бодь интернэшнл” компанийн гүйцэтгэх захирал Б.Батнягт гэгч нөхөр “Үндэсний соёл амралтын хүрээлэн” ХХК-ийн гүйцэтгэх захирлаар давхар ажилладгийг уншигчид мэдэх биз. Хамгийн новшийн нь Бодь группийнхэн, тэр дунд нэр заавал Д.Баясгалан, А.Амундра нар олон нийтийг төөрөгдүүлэх замаар компани байгуулж нийтийн эзэмшилд хуруу дүрдэг нөхөд бололтой. А.Амундра нь Үнэн сонины эрхлэгчээр очиж хэсэг түйвээж байгаад одоо төмөр зам угсардаг баатар болоод Төмөр зам руу явсан.

Тэд “Үндэсний соёл амралтын хүрээлэн” нэрээр компани байгуулж хүүхдийн паркийн газарт эзэн суусан шигээ Б.Батнягтынхаа нэрээр “Уламжлалт өв соёлын түмэн эх чуулга” гээчийг 2019 онд байгуулаад удалгүй татан буулгасан. Магадгүй, жинхэнэ Түмэн эх чуулгыг байртай болгож, галлерей байгуулна гэх гоё төслөөр хаацайлаад “Улаанбаатар виллаж” нэрт орон сууц, худалдаа үйлчилгээний цогцолбороо барих гэсэн байх л даа.

Тэдний хүсэлтийг гүйцэлдүүлэхээр “Үндэсний соёл амралтын хүрээлэн” ХХК-иас 26 хувь эзэмшдэг хотын захиргаа ч Түмэн эх чуулгыг байртай болгох арга замыг “судалж байна” гэсээр хэдэн жилийн нүүр үзэж байгаа.

Харин одоо судлаад дуусчихсан бололтой, гэнэт л хашаа хороогоо буулгаад 1000 машины зогсоол бүхий битүү дээвэртэй тоглоомын төв, кино театр, музей, галерей, “Түмэн эх” чуулгын шинэ байр, хоол үйлчилгээ болон худалдаа үйлчилгээний төв барина гээд хотын мээр Д.Сумъяабазараар зарлуулчихлаа.

Д.Сумъяабазар нь “Баянгол Зочид буудал”-аас хувьцаа эзэмшдгээрээ Х.Баттулгатай, Х.Баттулга нь Дайны эрсдлийн даатгалын мөнгө угаагдсан, Хүннү эйр компанид Голомт банк зээлийн батлан даалт гаргаж тусалсан, Монголбанкны ерөнхийлөгчөөр Н.Золжаргал ажиллаж байхдаа Голомттой холбогдох эрсдэлт зээлийн мэдээллүүдийг нууцалж “буян болдог” гэх үеүдээс эхлэн Д.Баясгалантай хэлхэлдсээр одоо төмөр замын асуудал дээр салшгүй холбоотнууд болж ил гаран тоглож байгаа.

Хотын захирагч Баянгол зочид буудлаас хувь эзэмшдгээ Хөрөнгө орлогын мэдүүлэгтээ нуулгүй бөглөсөн байдаг бол Монголын спортын барилга байгууламж холбоо, Монголын энх тайван найрамдлын байгууллага, Монголын гал голомт цогцолбор төв цэг төрийн бус байгууллагын хамтран эзэмшигч гэдгээ мэдүүлээгүй байдаг.

Монголын спортын барилга байгууламж холбооны Ерөнхийлөгч нь Хишгээгийн Нямбаатар буюу Хууль зүй, дотоод хэргийн сайд, Монголын энхтайван найрамдлын байгууллагын Удирдах зөвлөлийн дарга нь ШШГЕГ-ын дарга Д.Загджав, Монголын гал голомт цогцолбор төв цэг төрийн бус байгууллагын Удирдах зөвлөлийн дарга нь УИХ-ын гишүүн асан Д.Лүндээжанцан байдаг нь “нууцлах” шалтаг байж мэдэх юм.

Үүнээс гадна өөр нэг сонирхол татах сэжим нь Иточу корпорациас “Үндэсний соёл амралтын хүрээлэн” ХХК-ийн 74 хувийг шилжүүлж авсан “Ито инвест” компанийн захирал Найдансүрэнгийн Мэндбаярыг Засгийн газраас хэдэн тэрбумыг халаасалж дөнгөсөн нөхөр гэдгээр олон нийт таних байх. Тэрбээр “Их олимп нэгдэл” төрийн бус байгууллагаар Засгийн газартай гэрээ хийсэн бөгөөд тус төрийн бус байгууллагын хамтран эзэмшигч нь Х.Баттулгын гэгдэх С1 телевизийн захирал байдаг нь сонирхолтой.

АН-ын даргад горилж яваа Х.Баттулгын дэргэд Бодь группийн Д.Баясгалан, Лу.Болд хоёр хөтлөлцөөд зогсч байгаа.

Тэгэхээр Хотын дарга Д.Сумъяабазар хүүхдийн паркийн гадуурх хашааг буулгаж, ногоон байгууламжаар үлдээх нь гэдэг үлгэрт итгэвэл тэнэгийн дээд тэнэг, дүүрсэн дүнхүү иргэд болж хувирах биз…

Эрэн сурвалжлах сэтгүүлзүйн НАЖ МОГОЙ үндэсний холбоо

Эрх баригчдыг жонхууруулж яваа түүнийг хүлээж ав, АН!!!

/

Х.Баттулга эргэн ирэхээ мэдэгдэж хаврын улстөрийг эхлүүллээ. Эргэн ирэх гэхээс ил гарч тоглохоо зарлалаа гэвэл зохих биз. Тэр Ерөнхийлөгчийн суудлаас буусан ч улс төрийн тавцангаас буугаагүй. МАН-ын даргын арын өрөөнөөс АН-ыг бужигнуулж, эрх баригчдын дунд Л.Оюун-Эрдэнийн нөлөөг тэлэхэд анхаарсаар ирэв.

Хуулиар Х.Баттулга АН-ын даргад өрсөлдөх эрхтэй.

Ялалт байгуулах боломж ч өндөр гэдгийг www.niigmiintoli.mn сайтын Мониторингийн албанаас хийсэн судалгаа харуулж байна. Тус алба өнгөрсөн өдрүүдийн нийгмийн сүлжээний их өгөгдөл дээр дүн шинжилгээ хийхэд 91.76 хувь нь Х.Баттулгын ил гарч тоглохыг дэмжжээ.

Тэр дундаа жендэрийн хувьд эмэгтэйчүүд илүүтэй дэмжсэн нь сонирхолтой дүн юм.

Өгөгдсөн контент буюу “Х.Баттулга Ардчилсан намын даргад өрсөлдөнө” гэх мэдээллийг үзэгсдийг цаг минутаар нь шүүвэл дийлэнх хувь нь гадаадад буй монголчууд, бусад нь Монголын цагаар өдөр 13-14:00 болон оройн 20:00 цагаас хойш хандсан байгаа нь төр, төсвийн албан хаагчид, нам улстөрийн амьдралд ойр байгсад гээд дүгнэчихэд хол зөрөхгүй биз.

Тэрчлэн Х.Баттулгын пиарын баг хэсэгтээ намжмал байгаад, эсэргүүцэгчдээс үзүүлж болох сөрөг бүгдийг гаргуулсны эцэст төгсгөл дээр нь жинтэйхэн контент шидэх төлөв судалгаагаар гарчээ. Ингэхдээ зөв ажиллавал дэмжигчдийн тоогоо 600 мянга хүртэл өсгөх, буруутвал 100 мянгаас доош ортол унагаж мэдэх төлөв ч ажиглагдаж байна.

Мониторингийн дэлгэрэнгүйг дараахь линкээс үзээрэй…

Мөнгө, эрх мэдэл түүний гарт төвлөрсөн байгаа нь үнэн.

Үнэндээ С.Эрдэнийг тойрсон шүлсээ үсчүүлэгчдээс өөр эсэргүүцэх чадалтан ч АН-д үлдээгүй биз. АН-ын даргын сунгаанд өмнө нь өрсөлдөөд газар аваагүй Ж.Батсуурь үзэмж төдий, чи идэхгүй бол нохойд өгчих гэдэг хаягдал хоол шиг үнэ цэнэгүй өрсөлдөгч.

МАН-д түг түмэн сул талаа атгуулж, МАН-ын батлах өвөртлөхөөс наагуур болтлоо сүр сүлдгүй болж арга нь барагдан яваа С.Эрдэнийн баадууг өнөөг хүртэл чангалсаар ирсэн хүн нь Эбэ (Ц.Элбэгдорж).

АН хуваагдах болсон эхлэл Х.Баттулга Ерөнхийлөгчөөр ажиллаж байхдаа Улсын ерөнхий прокурорын газрын Удирдах ажилтнуудын зөвлөгөөн дээр “Ц.Элбэгдоржийг шалга” гэснээс эхэлсэн гэлцдэг. Тэрчлэн Х.Баттулга Тавантолгойн орд тойрсон асуудлаар 178 хуудас материалыг Улсын ерөнхий прокурорт өгч, Ц.Элбэгдоржийг шалгуулах хүсэлт гаргаж байв. Гомдлын дагуу Ерөнхийлөгч асан Ц.Элбэгдоржийг Авлигатай тэмцэх газраас дуудан мэдүүлэг авч байсан үзэгдлийг уншигчид мартаагүй биз.

Үүний хариуд Эбэ С.Эрдэнэд АН-ын тамгыг атгуулснаар ангал үүсч, эл эвдрэл дээр эрх баригчид тоглолт хийж балбасаар ирэв.

Уг нь женко (Х.Баттулга)-г хөтөлж улс төрд оруулсан хүн Ц.Элбэгдорж. Гэвч Өмнөговь дахь ордуудыг ашиглах, тэндээс улсын хил рүү төмөр зам тавихтай холбоотойгоор эрх ашгийн зөрчил үүсч тангараг тасарчихаад байгаа “нөхөд” юм.

Х.Баттулга баараггүй ялалт байгуулна.

АН-д намаа нам шиг аваад явчих лидер алга. Яг одоо л Х.Баттулгад өгдөггүй юм бол энэ нам улстөрийн тавцангаас арчигдаж, архивын тоостой тавиурт үүрд мартагдах биз.  

Сөрөг хүчин байтугай сөрөх хэвлэл ч үгүй болж, ганц нам дангаараа эрх барин танц эргэж буй огиудас хүрэм байдал нь өөрөө Х.Баттулгыг ил гарч тоглоход хамгийн том суурь, дэмжлэг болно. Тэрбээр нусаа ч хүчтэйхэн татчихаж чадахгүй нөхрийн зөвлөх нэртэйгээр тэгтэл удаан чимээгүй орших дүр биш…

Эрх баригч намын хойморт гарч, бодлогыг нь чиглүүлж суугаа тэр улстөрийн томоохон тоглогч болсон гэдгээ дотоодод төдийгүй гадныханд хангалттай харуулж байна.

Төмөр замаас эхлэлтэй хавтаст хэргийн материал У.Хүрэлсүхийн гарт байгаа цагт Х.Баттулга хол явж чадахгүй гэдэг ч энэ нь эрх баригчдын өөрсдийгөө хуурсан зайрмаг төдий юм.

АН-ыг хаяж ИЗНН-ыг худалдаж авах шахсан өдрүүд түүнд бий. ИЗНН-ын дэд даргаар эхнэр Ц.Энхтуяа нь ажилладаг болохоор ойлголцоход ч хялбар байдаг биз. ИЗНН нэрээр нь МоАХ-оо нам болгож, нэгтгэх санаатайгаар гишүүдээ бөөгнүүлж байсан ч энэ нь МАН-д гэхээсээ Л.Оюун-Эрдэнэд халгаатай байсан тул жолоо татсан гэдэг.

Л.Оюун-Эрдэнийн улстөрийг 2050 он хүртэл байхаар зурсан тэрбээр өчүүхэн ч алдаа гаргах эрхгүй болсон. Зүүн зүгээс өндийсөн галч хүүд бурантаглуулсан МАН багадаа л 30 жилийн турш түүний халаасанд байх ёстой.

Түүний хүчийг харуулсан УИХ-ын гишүүн Ш.Адьшаа, Н.Ганибал нарын Үндсэн хуулийн Цэцэд давхар дээлийн асуудлаар хандсан асуудал нь гэхэд он дамнан сунжирч, эрх баригч хүчнийг хангалттай залхааж байна. Одоо бол хуулийн хугацаа дуусч, хаврын чуулганы эхэнд хэлэлцэгдэх нь тодорхой болсон.

Х.Баттулгын гарт дахь дохиурын үзүүрт өлгөөтэй явдаг эрхэм гишүүдийн барьж гүйсэн эл асуудал Л.Оюун-Эрдэнийн нам доторх байр суурийг бататгах гол хөзөр.

Түүний дохиураас уяатай өөр нэг нөхөр болох УИХ-ын дарга Г.Занданшатар парламентын гишүүдийн тоог 108 болгож, Засгийн газрын гишүүдийг давхар дээлтнээс бүрдүүлэх нь хамгийн ончтой шийдвэр хэмээн түмний тархийг “угааж”, түмпэн сав тачигнуулсаар явааг улстөр сонирхогчид хэдийнэ анзаарсан биз.  

Өмнөх парламентаар Үндсэн хуульдаа гар дүрсэн МАН дахин ханцуй шамлавал олны хүчтэй эсэргүүцэлтэй тулах нь тодорхой тул АН-аар манлайлуулж, араас нь кноптчихъё гэсэн зальжин арга…

Улмаар дахин Ерөнхийлөгчөөр сонгогдож болох заалтыг Үндсэн хуульд шургуулчих боломж Х.Баттулгад олдож, нэг сумаар хоёр туулай намначих мэргэн хувилбар болно.

Тэгэхээр У.Хүрэлсүх 6 жилийн дараа тахимаа өгөхөд АН-аа агсаад босчих супер нүүдэл хийн эрх баригчдыг жонхууруулж яваа Х.Баттулгаа хүлээн зөвшөөрч хадаг сүүтэй угтах нь АН-д “амьд үлдэх”, архивын тоосонд даруулж арчаагүйгээр мөнхрөхөөс аврагдах сүүлчийн боломж байж мэдэх юм.

Галч хүүгийн 2050 он хүртэл эрх барих тэчъяадсан ТЭМЦЭЛ

/

Ерөнхийлөгч У.Хүрэлсүх, Ерөнхий сайд Л.Оюун-Эрдэнэ нарын эрх ашиг хөндөгдчихөв үү гэх асуулт улстөрчдийн толгойны өвчин болж, нойртой нойргүй хонуулах шахаж байна.

Шинэ сэргэлтийн бодлого хэмээн уухайлах болсон Л.Оюун-Эрдэнэ 2018 онд Засгийн газрын Хэрэг эрхлэх газрын дарга байхдаа ахлан орж шалгасан Хөгжлийн банкны асуудлыг сөхөж, намын гишүүдээ шуудайд хийсэн үхрийн эвэр шиг болгочихоод байгаа. Уг нь шинэ сэргэлтийн бодлогынх нь хөрөнгийн эх үүсвэр Хөгжлийн банк байх байв. Гэвч энэ банкны асуудлаар улстөр хийж эхэлснийг бодоход тэрбээр Оюутолгойг түшиглэн “Рио Тинто”-гоос дэмжлэг авахаар болж гэх хардлагыг төрүүлээд байна.

Хаврын улс төрийн гогцоог У.Хүрэлсүх Л.Оюун-Эрдэнээс өрсөж татсан нь түүнийг эл хөзрөө гаргаж шидэхэд хүргэсэн биз.

БОАЖ-ын сайд Н.Уртнасан болон түүний нөхдийг сугалж туг тахих шийдвэртэй зэрэгцэн дараагийн огцрох сайд нарын нэр дуулдан ширээ сандлаа цэвэрлэхэд хүрсэн тул У.Хүрэлсүх, Г.Занданшатар нар яаравчлан намрын чуулганыг 7 хоногийн өмнөх хаах шийдвэрт хүрч Л.Оюун-Эрдэнийг хазаарласан гэх шуум эрх баригч намын дотоодод бий.

Тиймдээ хэд хэдэн дэд сайд, төрийн нарийн бичгийн дарга нарын томилгоо хойшилсон биз.

Сар шинийн дараа, хоёрдугаар сарын 8-нд ээлжит бус чуулган хуралдуулахаар Л.Оюун-Эрдэнэ УИХ-ын дарга Г.Занданшатартай хэлэлцэж энэ үеэрээ Үндсэн хуулийн Цэцэд гаргасан давхар дээлний асуудлыг шуурхайлахаар тохиролцсон байдаг.

Эндээс харахад Ерөнхийлөгч, Ерөнхий сайд хоёрын эрх мэдэл, байр сууриа булаалдсан далд мөргөлдөөн дунд Г.Занданшатар хадны завсарт хавчуулагдсан халиуны зулзага болж дээш тэнгэр хол, дорх газар хатуугийн үнэнийг мэдэрч хэн нэгний нь далласан газарт гүйн хүрч, далайсан газарт нь далд орон явах шиг байна.

Сар шинийн дараа ээлжит бус хуралдуулахаар хэлцсэн Л.Оюун-Эрдэнэ, Г.Занданшатар нарын дээрх тохироог сонссон У.Хүрэлсүх түрүүлж хөдлөн тэтгэврийг нэмэгдүүлэх чиглэлээр тодорхой арга хэмжээ авч, Цагаан сараар ахмадууддаа бэлэг барина хэмээгээд хоёрдугаар сарын 8-нд товлож байсан Ээлжит бусыг нь огцом нааш татчихаж.

Эвий, Г.Занданшатар…

Тэрбээр бодит амьдрал дээрх жинхэнэ Долдой болж ордонд тархсан ковидын халдвараар шалтаглан завсарлаад байсан гишүүдээ 7 хүрэхгүй хоногийн дараа буцаан цуглуулж, нэгдүгээр сарын 28-нд ээлжит бус зарлан тэтгэврийн нэмэгдлийг кнопдуулж Төрийн тэргүүнээ башийлгав. 

Тэгэхээр үнэн чанартаа У.Хүрэлсүх Сар шинийн өмнө ахмадуудын магнайг тэнийлгэсэн явдал биш Л.Оюун-Эрдэнийн түргэдсэн улс төрөөс сэргийлэх арга хэмжээ авсан нь тэр байх нь. Ийнхүү МАН-ын шинэхэн даргын санаа бүтэлтгүйтсэнээр ирэх сард ээлжит бус зарлаад өгөөч гэж Г.Занданшатарыг тойгдож, У.Хүрэлсүхийн өмнө бөхөлзөх шаардлага үүсч.

Эцэстээ халаасанд имрээтэй явсан хөзрөө дэлгэж Хөгжлийн банкны найдваргүй зээлдэгчдийг дэлгэж байна хэмээн шийдэл муутай попролтоор нам доторх бүлэглэлдээ сануулга өгсөн нь энэ бололтой.

Үнэхээр Хөгжлийн банкны хувь заяаг бодож байсан бол тэр энэ асуудлыг аль эрт сэвж, олны анхааралд авчрах боломж, цаг хугацаа хангалттай байсан.

Тиймээс АН-ын Ерөнхий нарийн бичгийн дарга Ч.Өнөрбаярын Хөгжлийн банк бол МАН-ын ээлжит жүжиг гэснийг, МАН-ын Ерөнхий нарийн бичгийн дарга Д.Амарбаясгалан “Асуудлыг арай өөрөөр, томоор хар. Хуучин улс төрийн арга барилаасаа сал” гэснийг анзааралгүй өнгөрөөж болохгүй юм.

Тэд У.Хүрэлсүх 60 тэрбум, ЖДҮ нэрийн дор М.Энхболд тэргүүтэй замын тээгүүдээ цэвэрлэсэн яг тэр арга барилаар Л.Оюун-Эрдэнэ ажиллаж, Хөгжлийн банкны асуудлыг чиг барин У.Хүрэлсүх, Сү.Батболдын хүрээллийг шахаж байгааг буруутгасан биз.

Замын-Үүдийн 6 даргыг баривчилж, лавшруулбал Гаалийн ерөнхий газрын дарга Б.Асралтыг ч саатуулж болно гэх мессэжийг Сү.Батболдод өгч хөлд нь дөнгө хийсэн гэдэг намын дотоод дахь шуумыг Хяналтын зөвлөлөөс гаргасан шийдвэр баталж байгаа.

Тэрчлэн Хөгжлийн банкны 20 гаруй албан тушаалтныг чөлөөлж, Төлөөлөн удирдах зөвлөлийг бүрэн шинэчлэх үүргийг өгсөн явдал нь МАН-д албан тушаалын томилгоо уг үндсээрээ хийгдэхийн илрэл гэчихэд хол зөрөхгүй.

Төрийн өмчит компани болон Хөгжлийн банкны ТУЗ-д бараг бүх төрийн нарийн бичгийн дарга, дэд сайд нар бий. Тэднийг бүгдийг шинэчлэнэ гэдгээ Л.Оюун-Эрдэнэ мэдэгдчихсэн.

Тухайлбал, Хөгжлийн банкны ТУЗ-ийн дарга асан С.Наранцогт гэхэд Сангийн яамны Төрийн нарийн бичгийн даргаар ажиллаж байсан бөгөөд шинэ байгуулагдсан яаманд дэд сайд болж тушаал дэвшээд удаагүй. УИХ-ын гишүүн Ч.Хүрэлбаатарын ойрын хүн, АН-ын бууны нохой хэмээн чичлэгдсээр ирсэн тэрбээр хотын дарга Д.Сумъяабазартай тун тааруу харилцаатай.

Харин Ч.Хүрэлбаатарыг Ерөнхийлөгч У.Хүрэлсүхийн үгнээс гардаггүй, дуулгавартай нэгэн гэдгийг намынх нь нохой ч андахгүй.

Гэсэн атал түүнийг хүзүү сээрээрээ хэлхээтэй явдаг Ц.Даваасүрэн, Б.Баттөмөр нарын нь хамт Хөгжлийн банкийг шалгах ажлын хэсэгт багтааж мөнөөх С.Наранцогт руу нь сум тавилаа. Энэ бол сумын уурын зууханд нүүрс үүрч явсан нөхрөөс бус тэрийг үүгээр сольж хожоо гаргаж явдаг бизнесмэнээс л гарах санаа юм…

Хотын дарга Д.Сумъяабазар Ерөнхий сайд Л.Оюун-Эрдэнэтэй нэг үеэ бодвол хэл амаа ололцоод сүйд байгаа. Нийслэлийн намын хороог Д.Сумъяабазарын гараас салгахгүй байх тохироо ч хийгдсэн гэдэг. Тэгэхгүй гээд ч яалтай. Эс бөгөөс хоноц хоноцдоо дургүй, хонуулсан айл хоёуланд нь дургүйн үлгэрээр хоёулаа хоосон хоцрох биз.

Харин Д.Сумъяабазар намын генсэктэйгээ хонь чоно хэвээрээ…

Сүүлийн үед хэд хэдэн аймгийн Засаг даргыг огцруулах асуудал хурцдаад байгаа. Эхлээд Хөвсгөл, Архангай гэхчлэн АН засагласан аймаг анхаарлын төвд байсан бол сүүлийн үед гуя дагасан хүзүү болгож Завханы Засаг ноёныг чичлээд эхэлсэн.

Завхан аймгийн Засаг дарга Д.Түвшинжаргал нь генсэк Д.Амарбаясгалангийн хүн. Түүний гэх хүмүүсийг байсгээд чимхэж, зулгааж, зарим нэгийг нь саатуулаад хүртэл амжсан тул эрхэм генсэк нааш харж инээн, цааш харж уйлсаар Хөгжлийн банкны шүглийг зүлгэж гүйгээ гэдгийг эх сурвалжууд хэлж байгаа.

Тэрчлэн Л.Оюун-Эрдэнийн шазуур зууж анхааруулсан Төрийн нарийн бичгийн дарга болон дэд сайд нарын олонх нь М.Энхболд, Сү.Батболд, У.Хүрэлсүх нарын тавиулууд.

Нэгэнт зуусан олзоо хэн тавихыг хүсэхэв…

Эрх баригч намын эрх мэдлийг атгасан Л.Оюун-Эрдэнэ, Х.Нямбаатар, Д.Сумъяабазар нар нэгэнт хүрчихээд байгаа өндөрлөгөө алдахгүйн тулд эрт орой нэгэн цагт ийм алхам хийх л байсан. Хааны алба халаатай, эзний алба ээлжтэй ч 2050 он хүртэл төрийн эрхийг барина гэж төлөвлөсний хэрэг юу билээ. Тэгэхээр эрх баригчдын дотоод дахь эрх мэдлийн төлөөх тэмцэл Хөгжлийн банкны хэргээр ч дуусахгүй бөгөөд энэ зөвхөн эхлэл гэчихэд ташаарсан болохгүй биз…

Эрэн сурвалжлах сэтгүүлчдийн НАЖ МОГОЙ үндэсний холбоо

Нэг сумаар хоёр туулай буюу Хөгжлийн банкаар халхавчилсан УЛСТӨР

/

Эрх баригчид өнчин ишигний ч гарзгүйгээр өр шир, өгөө авааны луйврын ард гарах нь. Улс орныг хөгжүүлэх үүрэгтэйгээр байгуулагдсан Хөгжлийн банкийг өөрийг нь хөгжлийн бэрхшээлтэй болтол бүлэглэн цөлмөсөн 73 чанаргүй зээлдэгчийг ард нь хярах гишүүдийнхээ нэрстэй Ерөнхий сайд Л.Оюун-Эрдэнэ ил гаргасан ч энэ нь хусмаа чамлахдаа нэг нэгэндээ сануулга өгөх төдий новшийн үйлдэл мэт харагдаж эхлэв.

Үнэндээ Хөгжлийн банкнаас барьцаагүй, баримжаагүй зээл авсаар, гаргасаар ирснийг өдий хүртэл Засгийн эрхэнд суусаар ирсэн МАН мэдээгүй байгаад гэнэт сая мэдсэн гэдэгт итгэвэл эргүү тэнэг хаадын үлгэр мэт болох биз.

Намын даргынхаа үлээсэн шүглийн хошууг ээлжгүй долоож, үндэсний бүтээн байгуулагчдаа чичлэн зүхэхээс өөр өнцөг, шийдэл олоогүй Д.Амарбаясгалан энэ удаад зүгээр л алиа салбадайн үүрэг гүйцэтгэчих шиг боллоо.

Олон нийтэд л ил болоогүй байснаас бус өөрсдөө мэдэхийн дээдээр мэдэж байсан Хөгжлийн банкны хэргийг ингэж гэнэт бужигнуулах ямар шаардлага тэдэнд үүсэв?!

УИХ-ын гишүүн Сү.Батболд Ерөнхий сайдаар ажиллаж байхдаа Хөгжлийн банкийг “сэдсэн” ч 2012 оны сонгуулиар АН Засгийн эрхэнд гарснаар байгуулсан банкныхаа шимийг хүртэж чадаагүй.

Харин саваа бэлдээгүй байж сааль авсан нь Н.Алтанхуягийн Засгийн газар.

Чингис, Самурай бондын хөрөнгө Хөгжлийн банкны дансанд төвлөрч, фортуна гэх Н.Батбаярын гараар хяналтгүй, төлөвлөлтгүйгээр урсаж байв. Түүний араас МАН засаглаж “Хуралдай”, “Гэрэгэ” бонд гарган хөрөнгө татан төвлөрүүлсэн.

Энэ үед Хөгжлийн банк хэдийнэ эрх мэдэлтнүүдийн хулгайн уут болон хувирч, улс орныг хөгжүүлэх бус хэзээ нэгэн өдөр ая эвийг нь тааруулан дампууруулах сценари бичигдэж эхэлсэн гээд хардчихад хол зөрөхгүй.

МАН Засгийн эрхэнд гарсныхаа дараахан өдгөөгийн УИХ-ын гишүүн Б.Энхбаяраар ахлуулсан ажлын хэсэг гарган тус банкинд шалгалт хийлгээд улмаар АН-ынхныг хомроглон баривчлуулж байсан ч өөрийн намын гишүүдийн хэргийг хав дараад өнгөрсөн байсныг өнөөгийн үйл явдлууд гэрчилж байна.

Одоогоос гурван жилийн өмнө, 2018 онд Засгийн газрын Хэрэг эрхлэх газрын даргаар ажиллаж байсан Л.Оюун-Эрдэнэ мөн л Хөгжлийн банкийг шалгаж байв. Уг нь тэр үед Хөгжлийн банк хэдийнэ хөгцөрч, өт батгануудын хоол нэгэнт болчихсон байсныг мөн л өдгөөгийн үйл явдал, баримтууд харуулж байна..

Тийм атал мань эр тэр үедээ яагаад өнөөдрийнх шиг шүгэл үлээсэнгүй вэ…

2018 оны эцсээр Хөгжлийн банкны чанаргүй зээл 10 хувь байх үед Л.Оюун-Эрдэнэ гуай шүглээ үлээчихсэн бол өнөөдрийн ийм байдалд хүрэхгүй, чанаргүй зээл 50 хувь болтол өсөхгүй байх байлаа.

Хөгжлийн банк дампуурлаа зарлаад, хаалгаа гаднаас нь хаахад бэлэн болчихсон байсныг гурван жилийн өмнө мэдсэн хэрнээ яагаад юу ч хийсэнгүй өнөөг хүрэв!!!

Ажин түжин, бүлх залгисан мэт нам сууж байсан тэр өнөөдөр энэ хэргийг яагаад задлахад хүрэв…

Бид буруу санаагүй бол Л.Оюун-Эрдэнийг огцруулах акц намрын чуулган хаагдахын өмнөхөн нам дотор өрнөж эхэлсэн.

УИХ-ын гишүүн асан Ш.Сайхансамбуу оны өмнөөс л хэвлэлүүдэд ярилцлага өгч “Л.Оюун-Эрдэнэ ийм зөвлөхүүдтэй хол явахгүй, Х.Баттулга зөвлөхүүдээсээ болж хүнд байдалд орсон, түүнийг хална, солино, огцруулна гэж бужигнасаар намрын чуулган завсарлалаа” гэж байсан бол МАН-ын генсэк Д.Амарбаясгалан “Бүх эрх мэдлийг 76 авна гэж байхгүй” хэмээн бухимдсан нь санаандгүй үг биш байсан байх нь.

Тэгэхээр хаврын чуулган эхлэхэд Л.Оюун-Эрдэнийг огцруулах асуудал хөндөгдөх байсан. Үүнээс тэр өрссөн нь 2018 оноос эхлэн хав дарж суусан Хөгжлийн банкны хэрэг болж таарлаа. ЖДҮ сангийн хэрэг дээр ашигласан технологи.

У.Хүрэлсүх “Хулгай хийнэ, хүн амины хэрэг, хүчингийн хэрэгт холбогдоно, концесстоно, ЖДҮ-днэ. Ийм төр байж болохгүй. Цаашдаа Монголын төрд олигархи, хулгайч нар сонгогдох ёсгүй. Хэн нь хулгайч вэ гэдгийг ард түмэн мэддэг болсон. ЖДҮ-гийн хэрэгт холбогдсон хүмүүсийг сонгуульд нэр дэвшүүлэхгүй” гэж попорч байсан улстөрийн сүржин драм Д.Амарбаясгалангийн найруулга дор тавигдаад өнгөрснийг бид мэднэ.

Баахан хүн хөөчих юм болоод байсан эл сүржигнэл М.Энхболд тэргүүтэй нөхдөд мандат өгөөгүй төдийхөн хошин үзэгдлээр хаагдаж байв.

Яг энэ сценарийн толгойг Хөгжлийн банк ба Л.Оюун-Эрдэнэ гэж солиод мөн л генсэкийн удирдлага дор пижигнүүлчих шиг боллоо, МАНь эрс…

Л.Оюун-Эрдэнэ “Миний хувьд хариуцлага тооцоод явна. Хэлсэн үгийнхээ хойноос харин ч нэг заналтай явна даа” гэсэн нь хаврын чуулган эхлэхээс урьтаж эсрэг хөдөлж болзошгүй нөхдийн зүг шидсэн томоос том чулуу болж харагдаад байгаа.

Гэхдээ тэр энэ удаад Д.Амарбаясгалангийн цаанаас У.Хүрэлсүх шиг тод, том харагдаж чадсангүй.

Тэртэй тэргүй карьер нь дуусч, дахин өндийхөөргүй болоод байсан УИХ-ын гишүүн асан Г.Солтан, Б.Ундармаа, Д.Дамба-Очир, Б.Батзориг, Д.Хаянхярваа нарыг хөөж, Э.Эрдэнэжамъяан, Э.Цасчихэр, Д.Батсайхан, н.Дуламсүрэн, н.Даваасамбуу нарыг Бага хурлын гишүүнээс хасах төдийхөн попорсон нь шөнийн саранд хуцах нялх гөлөг мэт хөөрхийлэлтэй үзэгдэл болов.

Эцэст нь эрх баригчдын өөрсдөө найруулсан эл цуврал драм С.Бямбацогт, Г.Амартүвшин, Х.Ганхуяг, Х.Дамдинням, Н.Билэгт, А.Сүхбат, Ш.Лхамсүрэн, Ш.Үнэнбат тэргүүтэй найман хүнээс тайлбар авах нэрийдлээр төгсч хөшгөө хааснаар тайзны гэрэл сүргүйхэн унтарлаа.

Гэхдээ эв хавгүйхэн зохиомжилсон энэ үзэгдэл нь Хөгжлийн банк дампуурсан гэх дардастайгаар, өртэй зээлтэйгээ хамтдаа хэн нэгний ёроолгүй халаас руу шилжих цаг нэгэнт болчихжээ гэдгийг дохиолсон “цан цохилт” болов.

Тэгэхээр зохиомжийг бичигч нөхөр нэг сумаар хоёр туулай буудсан бөгөөд тун удахгүй Улаанбаатар банкийг замхруулан залгисан шиг явдал Хөгжлийн банкин дээр болно оо гэсэн үг юм…

Бадарчин явсан газар балагтай, батгана суусан газар өттэй гэдэг.! Худалдаа хөгжлийн банкны гүйцэтгэх захирлын тэргүүн орлогч О.Банзрагч гэдэг нөхрийн очсон газар бүр хаалгаа барьж, сахал хочит Д.Эрдэнэбилэгийн халаас руу ордог гэчихэд тэгтэл хилсдүүлсэн болохгүй.

О.Банзрагч нь Улаанбаатар санг Улаанбаатар банк болж дүрээ өөрчилтөл ажиллаж байгаад Тэргүүн дэд захирал болсон, улмаар Хөгжлийн банкны ТУЗ-ийн гишүүнээр давхар сонгогдон ажиллаж байсныг холбогдох бичиг баримтууд нотолно.

Түүнийг Д.Эрдэнэбилэгийнхээ зараалаар “томилолт” өвөртлөн, суусан сан, очсон банк бүрээ амжилттайгаар “дампууруулаад” буцдаг гэдэг.

Тэгэхээр Хөгжлийн банкны хувь заяа хэрхэх нь, хэний гаргасан жимээр уруудан одож буй нь бараг л тодорхой болж байна. О.Банзрагч нь Хөгжлийн банкны ТУЗ-ийн гишүүнээр тогтохгүй, тус банкны нэр дээр нийгмийн даатгалаа төлөн, бодлогын гүнд нь орж ажилладаг нэгэн байсан гэдгийг эх сурвалжаас баталж байгаа юм.

Энэ талаарх мэдээллийн дэлгэрэнгүйг холбогдох баримт фактын хамт дараагийн дугаараар хүргэх болно.

Эрэн сурвалжлах сэтгүүлчдийн НАЖ МОГОЙ үндэсний холбоо

Тэр томоохон зээлдэгчдийн “цүнх баригч уу”, эсвэл ТОГЛОГЧ уу?!

/

Хөгжлийн банкинд хоёр ч хөлтэй, төрийн албан хаагчдаар хүрээлүүлсэн хувь, хувьсгалын тоолж баршгүй олон компанитай, Ерөнхийлөгчийн Тамгын газрын дарга Я.Содбаатар, УИХ-ын гишүн С.Бямбацогт, Б.Баттөмөр нартай нарийн нандин шижмээр хэлхэлдсэн Ширэндэвийн Батжаргал гэж хэн бэ.

Нягтлан Бодогч мэргэжилтэй компанийн засаглалаар мэргэшсэн энэ эр бие жижиг ч бэлчээр том нэгэн юм. Тэрбээр

  • 2006-2007 он SEAMARK- Бизнес зөвлөх, компанийн судалгааны мэргэжилтэн
  • 2009-2010 он Golden home- Ерөнхий нягтлан бодогч
  • 2010 он Big Bridge- Үйлдвэр хариуцсан менежер
  • 2011 он ХҮННҮ МЕНЕЖМЕНТ” ХК-ийн ТУЗ-ийн дарга
  • 2012 он “Е-МОНИЕ” ХК-ийн ТУЗ-ийн дарга
  • 2014 он “ДОРНОД ТЭЭВЭР” ХК-ийн ТУЗ-ийн дарга хийж байсан бөгөөд одоо бол  Бумбат-Алтай компанийн ТУЗ-ийн дарга, хөрөнгийн зах зээл дээр тоглочихдог нөхөр бололтой.

“Монгол базальт”, “Алтандуулга”, “Бумбат Алтай”, “Начин зам”, “Аравт фанд менежмент”, “Гэрэгэ экспесс финанс”, “Баялаг органик фүүдс”, “Кювесттранс”, “Оолвестерн”, “Талын цуурай”, “Хүннү инвест”, “Хүннү фанд”, “Хүннү менежмент”, “Е Моние”, “Анд энерги”, “Говь”, “Лэнд ББСБ”, “Монос хүнс”, “Түмэн шувуут”, “Монгол шуудан”, “Ремикон”, “Адуунчулуун”, “Айтүүлс”, “Ард даатгал”, “Мандал даатгал”, “Оллоо”, “Улсын их дэлгүүр”, “Хөх ган” компаниудын хувьцаа эзэмшигч.

Жилийн өмнөөс Хөдөө аж ахуйн бирийн төлөөлөн удирдах зөвлөлийн гишүүнээр томилогдон жилийн орлогоо 300 сая, гэр бүлийн жилийн орлогоо 450 сая хэмээн Авлигатай тэмцэх газар мэдүүлж байж.

Түмэн компанийнхаа ТУЗ-ийн даргын зэрэгцээ Орон нутгийн өмчит үйлдвэрийн газар болох “Шинэ ховд баруун бүсийн хөгжлийн корпораци” ХХК-ийн захирал гэж байгаа. Түүний хувьцаа эзэмшдэг дээрх компаниудын ард нэвсийсэн олон улстөрчийн нэр байгаа нь Ш.Батжаргалыг тэдгээрийн “цүнх баригч” юм уу гэх хардлагыг эрхгүй төрүүлж байна.

НЭГ. Монгол базальт ХХК

Цар тахлын улмаас Монгол Улс дөрвөн ч удаа хатуу хөл хорио дотооддоо тогтоож олон улс монголчуудыг нэвтрүүлэхээс татгалзсан зовлонт цаг одоо ч дуусаагүй байна. Энэ үед ганц ашигтай ажиллаж байгаа ганц компани Монгол базальт гэчихэд дэгсдүүлсэн болохгүй.

Хувьцаа эзэмшигч, ТУЗ нь мань Ш.Батжаргал. Компанийн удирдлагад Хадгаламж болон Зоос банкинд удирдах албан тушаал хашиж байсан нөхөд олноор байхаас гадна Монголбанкны хуулийн хэлтсийн дарга, УИХ-ын гишүүн асан Б.Шаравсамбуу бий.

ХОЁР. Е Моние ХХК

Хөгжлийн банкны дэд захирал бөгөөд Хяналт шалгалт, Тамгын газрын захирал Я.Сод-Эрдэнийн эхнэр Р.Сарантуяагийн эзэмшил бүхий компани.

Гүйцэтгэх захирал нь Энхбатын Цэндсүрэн. Түүний нэр дээрх “СЕОС”, “Грийт вэй транс”, “Түмэнхадаг”, “Сажа медикал тритмент сапплай”, “Дэрэн хөгжил” төрийн бус байгууллагуудыг Ерөнхийлөгчийн Тамгын газрын дарга Я.Содбаатарын “оффшорууд” гэгддэг болоод удаж байна.

Үүгээр зогсохгүй “Түмэн хадаг” компанийнх нь хаягт “Дэвжих гүүр” ХХК давхар бүртгэлтэй. Захирал болох Энхтөрийн Цогбадрал гэж нөхрийн нэр дээр “Ти Жи Жи тулга”, “Нийслэлийн нэгдсэн оюутны холбоо”, “Улаанбаатар эрдэм оюу дээд сургууль төгсөгчдийн холбоо”, “Ховд аймгийн хөл бөмбөгийн холбоо”, “Азийн үйлдвэрлэл корпораци”, “Баруун спортын клуб”, “Богд хан уулын оргил”, “Монголын тамга тэмдэг үйлдвэрлэгчдийн холбоо”, “Азын хүч РЛК”, “Говийн арвин орд”, “Нийслэл групп” гээч түмэн юм бий бөгөөд энэ бүгдээрээ Төрийн байгууллагуудтай гэрээ хийж чадаад байдаг нь сонирхолтой.

 Үүнээс “Богд хан уулын оргил”-ийн хувьцаа эзэмшигч Б.Батаагийн нэр дээрх “Нийслэлийн зүүний хүчний холбооны дэргэдэх эрх зүйчдийн клуб”, “Сүхбаатар аймгийн Дарьганга сумын нутгийн зөвлөл”, “Даймонд эрдэнэс майнинг” гэхчлэн хэд хэдэн компани хөвөрч, тэр сэжим нь Улаанбаатар хотын ерөнхий менежер бөгөөд Захирагчийн ажлын албаны дарга Т.Гантөмөр болон УИХ-ын Тамгын газарт зөвлөхөөр ажилладаг Ц.Баянмөнх нарыг гогодоод гарч ирж байгаа юм. УИХ-ын Тамгын газарт 2020.03.05-нд зөвлөхөөр томилогдсон Ц.Баянмөнх “Энжой Монголиа”, “Таван толгой”, “Стандарт бетон” компаниудын хувьцаа эзэмшигч.

ГУРАВ. Ремикон ХХК

Хөгжлийн банкны найдваргүй зээлдэгчдийн нэгтэй хүзүү сээрээрээ хэлхэлддэг УИХ-ын гишүүн С.Бямбацогт “Говь”, “Ремикон”-ны хувьцаа эзэмшигч.

“Ремикон” компанийн гүйцэтгэх захирал Э.Мөнхсайханыг 2020 оны сонгуулиар Архангай аймагт бие даан нэр дэвшиж байснаар нь бүгд мэдэх биз.

Ремиконы өөр нэг хувьцаа эзэмшигч нь УИХ-ын гишүүн Х.Ганхуяг. Тэрбээр Хөгжлийн банкинд 33.15 тэрбум төгрөгийн өртэй “Вертекс майнинг партнер” компанийн эздийн нэг. УИХ-ын гишүүн Г.Дамдинням ч Ремиконы хувьцаа эзэмшигч. Тэр байтугай Хөгжлийн банкны захирлаар ажиллаж байгаад УИХ-ын гишүүн болсон Г.Амартүвшин ч холбогддог билээ.

ДӨРӨВ. Монос хүнс ХХК

УИХ-ын гишүүн асан Л.Эрдэнчимэгийн эзэмшлийнх. Хуулийн зөвлөхийнхөө нэр дээр “Арван Ундарга” компани байгуулж “Домогт архи” үйлдвэрлэн арилжиж байгаа гэх дуулиан дэгдэж, эмийн бизнес, архи согтууруулах ундаатай холилдлоо хэмээн түүнийг шүүмжилж байв.

Ах Л.Хүрэлбаатарын нь нэр дээр олон компани бүртгэлтэй байдгийн дотор Ш.Батжаргалын хувьцаа эзэмшдэг Монос хүнс бий.

Л.Хүрэлбаатар, Л.Эрдэнэчимэг нарын “Сиркл чейн” компанитай Б.Пунсалмаа ч халаас нэгтэй. 2020 оны сонгуулиар АН-аас Сонгинохайрхан дүүрэгт нэр дэвшиж тэрбээр “Монгол ойл групп”-ийн эзэмшигч бөгөөд Ерөнхий захирлаар нь Раашийн Батбаяр ажилладгийг уншигчид мэдэх биз. Тэрбээр Ховд аймгийн нутгийн зөвлөлийн гишүүн, энэ төрийн бус байгууллагад УИХ-ын гишүүн С.Бямбацогт, түүний баз Д.Батцогт нар ч зүтгэдэг.

Тэрчлэн Р.Батбаярын нэр дээр олон компани бүртгэлтэй байдгийн нэг нь “Харуул Алтайн суварга” бөгөөд цахилгаан тээврийн Д.Жаргалсайхантай хамтран эзэмшдэг. Ерөнхий сайд асан, УИХ-ын гишүүн Н.Алтанхуягтай нэг айлын баз хүргэнүүд. Тэрчлэн Д.Жаргалсайханы дүү Д.Энхсайхан НИТХ-ын төлөөлөгч гээд энэ нөхдийн хэлхээ холбоос дэндүү өргөн агаад гүн юм.

Моносын Л.Хүрэлбаатарын харьяалагддаг “Гүйцэтгэх захирлуудын клуб” гэхэд л Шадар сайд С.Амарсайхан, “Хас”-ын Ч.Ганхуяг, “MCS”-ийн Ж.Оджаргал нарыг хөтлөөд ирнэ.

“АПУ”-гийн П.Батсайхан, УИХ-ын гишүүн Х.Ганхуяг нарыг нэгтгэсэн “Хувийн хэвшлийг дэмжих үндэсний зөвлөл”, “Монголын занарын ассоциаци”-аар УИХ-ын гишүүн асан Р.Бадамдамдин орж ирдэг. Тэрбээр 1998 онд “Сэргээн босголт”, “Голомт” банкийг нийлүүлэх ажлын хэсгийг ахалж байхдаа Лу.Болдоос 50 сая төгрөгийг хахууль авсан гэх дуулианд холбогдож явсан нэгэн.

ТАВ.  Бумбат Алтай ҮЦК

Ховд аймгийн хаягтай бөгөөд Ш.Батжаргалын гэр бүл эзэмшдэг компани. Ширэндэвийн Энхжаргал, Ширэндэвийн Банзрагч, Ширэндэвийн Энхмэнд, А.Наранцэцэг нарын бүртгэлтэй.

Ш.Энхжаргал нь Хууль зүй, дотоод хэргийн яаманд 2016.08.10-нд буюу МАН олонх болж, Засгийн эрхэнд гарах үед ажилд орж байсан нэгэн. Тэрбээр “Завхан-тээвэр”, “Хүнс-Төв”, “Хөвсгөл хүнс”, “Дорнод-хүнс”, “Дархан тээвэр” компаниудаас хувьцаа эзэмшдэг гэж байгаа.

 Харин Ш.Энхмэнд нь “Хүннү инвест”-ийнх нь гүйцэтгэх захирал бол Ш.Банзрагчийн нэр дээр “Ховд-Аянчин”, “Хүннү девелопмент констракшн”, “Начин зам”, “Аравт фанд менежмент” зэрэг компани бүртгэлтэй.

Ш.Банзрагч нь Ховд аймгийн Жаргалант сумын ИТХ-ын төлөөлөгчөөр ажиллаж байсан бөгөөд “Хас түлхүүр” компанийн хувьцаа эзэмшигч.

“Хас түлхүүр” нь УИХ-ын гишүүн С.Бямбацогтын “Алтайн зам”-тай давхар бүртгэлтэйг Улсын бүртгэлээс харж болно.

НЭГ. Хөх ган ХХК

“Хөх ган” компани “Бэрэн” групп болон Сингапурын “Фабер инвестмент” компанийн хамтарсан хөрөнгө оруулалтаар 2007 онд байгуулагдаж байсан бөгөөд Хөгжлийн банкийг шалгаж, улстөрчдийн холбоо, хэлхээг илчлэх эрх, үүрэг бүхий ажлын хэсгийн ахлагч Б.Баттөмөрийн хамааралтай.

Уг компанийн хувьцааг УИХ-ын гишүүн асан Б.Баярсайхан эзэмшдэг талаараа 2016 онд мэдүүлж байсан байдаг.

“Хөх ган” компанийн захирал Д.Мөнхбазар “Говь-Аргалантай”, “Монгол жонш нэгтгэл” компани болон “Өсөх-Өндөр” хадгаламж зээлийн хоршоог байгуулчихсан сүйхээтэй эр.

Түүний “Монгол жонш нэгтгэл” компанийн захирлаар Пүрэвдоржийн Хурцбилэгт гэж хүн ажилладаг агаад мөнөөх нь “Арвинжонш”, “Монголын жонш олборлогч үйлдвэрлэгч экспортлогчдын холбоо”, “Эрдэс бүтээгдэхүүн хайлуур жоншны бирж”-тэй гэж байгаа. 

 “Монголын жонш олборлогч үйлдвэрлэгч экспортлогчдын холбоо” нь Монголын уул уурхайн салбарын худалдаа аж үйлдвэрийн танхимд давхар бүртгэлтэй бөгөөд танхимын удирдах зөвлөлийн дарга Ц.Даваацэрэн нь Уул уурхай, хүнд үйлдвэрийн яаманд төслийн нэгжийн захирлаар ажиллаж байх жишээтэй. “Дарханы төмөрлөгийн үйлдвэр”-тэй холбоотой энэ нөхөр ийм сэжим, холбоосоор Ш.Батжаргал цаашлаад С.Бямбацогттой холбогдож байгаа юм.

ЗУРГАА. Ард даатгал

Ард санхүүгийн нэгдэл буюу “Хас”-ын Ч.Ганхуягийн эзэмшил. “Ард даатгал”-аас Жижиг дунд үйлдвэрийг хөгжүүлэх сангийн захирал С.Төгсбилэг хувь эзэмшдгийг бид мэдэх болсон.

Тэгвэл Ш.Батжаргал ч энэхүү Ард даатгалтай холбоотой байх нь.

ДОЛОО. Мандал даатгал

Компанийн цаад эзэд нь “Голомт”. Лу.Болд, Д.Баясгалан нарын хэтэвчний нэг салаа нь гэсэн үг. “Мандал даатгал”-ын хувьцааны нэг хэсэг нь “Юу Эм Си капитал”-ийнх. Эл компанийн гүйцэтгэх захирал Шаравпэлжээгийн Гантуяа “Монголньюс”-тэй хамтран “Төрөлжсөн зар” хэвлэл мэдээллийн байгууллагатай байсан нэгэн.

НАЙМ. Говь

Таван богдын Ц.Баатарсайханы Говь компаниас Ш.Батжаргалаас гадна УИХ-ын гишүүн С.Бямбацогт, Г.Мөнхцэцэгээс гадна УИХ-ын дарга асан М.Энхболд, ХХААХҮ-ийн сайд асан Г.Батзориг, УИХ-ын гишүүн асан З.Нарантуяа нарт бий.

ЕС. Улсын их дэлгүүр

Номин группийн эзэмшилд байдаг Улсын Их дэлгүүрээс УИХ-ын гишүүн Г.Мөнхцэцэг ч хувь эзэмшдэг. 20 гаруй салбар компанитай энэ группийн босс Ш.Баярсайхан тэр бүр олны өмнө гараад байдаггүй ч хамаг хорыг хутгагч нэгэн гэгддэг. “Эрэл”-ийн Д.Эрдэнэбатыг далаар нь тавьж байсан тэрбээр “Монгол базальт”-ийн захирал Л.Ариунболдтой нэг өдөр гавьяат болж, шагналаа Ерөнхийлөгч Х.Баттулгаас гардаж авч байсан нь тохиолдлын хэрэг биш юм.

АРАВ. “Хүннү инвест”

Ш.Батжаргалын хөрөнгө орлогын мэдүүлэгт байдаг “Хүннү инвест”-ийн хувьцаа эзэмшигч нь Б.Ганбаатар. Тэрбээр Хөгжлийн банкны газрын захирлаар 2017.12.21-нд буюу МАН олонх болсон үед томилогдож байсан. Хөгжлийн банкны охин компани болох “Ди Би Эм Лизинг” ХХК-ийн дэд захирлаар ажиллаж байсан энэ эр Ширэндэвийн Батжаргалтай ийнхүү хэтэвч нэг нэгэн аж.

АРВАН НЭГ. Адуунчулуун

УИХ-ын гишүүн асан Д.Эрдэнэбат энэ компанийн хувьцааг эзэмшигч гэдгээ мэдүүлж байв.

АРВАН ХОЁР. Айтүүлс ХХК

Яам агентлаг, төрийн өмчит үйлдвэрийн газрууд гээд хаана л өндөр төсөвт тендэр зарлагдана, авч л байдаг, аливаа мөнгөтэй бүгдээс дутаж үзээгүй энэ компаниас ч Ш.Батжаргал хувь эзэмшдэг байна.

… Эдгээр нь Ш.Батжаргалын хувь эзэмшдэг, ТУЗ-д нь ажилладаг компани, аж ахуйн нэгжүүдийн хэсэгхээн хувь. Түүнийг С.Бямбацогтын “цүнх баригч” ч гэдэг. Тэр цүнх баригч уу, эсвэл хөрөнгийн зах зээлийн “супер” тоглогч уу…

Эрэн сурвалжлах сэтгүүлчдийн НАЖ МОГОЙ үндэсний холбоо

Мэдээ орчуулах »