fbpx

Эрэн сурвалжлах

//

“Нүхт тур” руу их хэмжээний мөнгө яагаад шилжүүлэв, Л.Оюун-Эрдэнэ сайдаа!!!

Зорчигчдын хоолыг зогсоосон атал “Нүхт тур” руу их хэмжээний мөнгө яагаад шилжүүлэв…… МИАТ компанийн сэжиг бүхий гүйлгээ, цар тахлын хүнд үед байж боломгүй гэрээ хэлэлцээрүүдийг манай сайт цувралаар хүргэсээр байгаа. Энэ удаад

/

МИАТ хэний саалийн үнээ болсныг илчлэх цаг ойртов

Төрийн өмчит МИАТ компани хагас жилийн өмнөөс гэнэтхэн Сингапур дахь компаниар шатахуунаа цэнэглүүлдэг болж ердөө хагас жилийн дотор Uniline Pte.Ltd компани руу 2 тэрбум шахам төгрөгийг шилжүүлсэн баримтыг бид хүргэсэн. Мэдээллийн араас МИАТ компани www.niigmiintoli.mn сайт нь илт худал, гүтгэлгийн чанартай

Uniline Pte.Ltd руу юуны учир хэдэн зуун саяар нь шилжүүлээд байна вэ, Ерөнхий сайд аа!!!

/

Төрийн өмчит МИАТ компани оны өмнөөс гэнэтхэн Сингапур дахь компаниар шатахуунаа цэнэглүүлдэг болж ердөө хагас жилийн дотор Uniline Pte.Ltd гээч компани руу 2 тэрбум шахам

Нийслэлийн идэш ихдээд ажил багадаад байна, Ерөнхий сайд аа!!!

/

Төрийн байгууллага өөрийн мэдэлд хэвлэл мэдээллийн хэрэгсэлтэй байхыг Хэвлэлийн эрх чөлөөний тухай хуулиар хориглосон. Харамсалтай нь хуулийн энэ заалтыг Нийслэлийн Засаг дарга уландаа гишгэж өмнө нь Хэвлэл мэдээллийн алба гэж байсныг Сургалт судалгаа, олон нийттэй харилцах гэж нэрийг нь өөрчлөөд зогсохгүй ГАЗАР, АГЕНТЛАГ болгон өргөтгөв.

Улс орон нь дефолтод орохдоо тулж бүсээ чангалаад, ард иргэд нь дампуурчихын наахнуур татвар төлж амь зогоон байхад эрхэм мээр ийнхүү үрэлгэн загнаж, зоргоороо авирлаж байгаа нь зөв үү, Ерөнхий сайд аа!!!

30 хүний орон тоотой батлуулсан энэ нүсэр алба одоогоор 17 алба хаагчтай, хагас жилийн дотор хийж гийгүүлсэн ширхэг ч ажилгүй атлаа 1 тэрбум 97 сая төгрөгийг залгичихаад сууж байна. Шүүхийн ерөнхий зөвлөл, Гадаадын иргэн харьяатын газар зэрэгт хэвлэлийн төлөөлөгч хийж явсан Г.Хонгорзул гэж эмэгтэйгээр даргалуулсан энэ газар

  • Цалинд 73 сая
  • Нэмэгдэл цалин 12.9 сая
  • Унаа хоолны хөнгөлөлт 12.2 сая
  • Урамшуулалд 5.1 сая
  • Бичиг хэргийн материалд 7.9 сая
  • Шатахууны зардалд 10.8 сая,
  • Шуудан холбоо, интернетийн төлбөрт 3.1 сая
  • Бага үнэтэй түргэн элэгдэх зүйлст 7.6 сая төгрөг
  • Бусдаар гүйцэтгүүлсэн ажил үйлчилгээний хураамжид 509.2 сая төгрөг зарцуулчихаад сууж байна.

Ямар их тансаглал вэ… Юу хийдэг, хийсэн гэж шатахуун, хоол хүнсэнд арав хорин саяар нь зарцуулна вэ?! Ийм их хүнтэй алба байж бусдаар ямар ажил гүйцэтгүүлээд хагас тэрбумыг шидэлнэ вэ… Өөрсдөө хийж чаддаггүй юм бол энэ газрыг татан буулгаж, цомхтгох хэрэгтэй биш үү!!!

Энэ нь багадаад Мэдээлэл авах, түгээх хамтран ажиллах гэрээ байгуулж ажиллахад 1 тэрбум төгрөг зарцуул хэмээн хотын дарга Д.Сумъяабазар 2022.02.22-ны өдрийн А/246 тоот захирамжаар эрхлүүлсэн байна.

Нэг тэрбум төгрөг гэдэг 150 хүүхдийн цэцэрлэгтэй тэнцэх хэмжээний төсөв.

Гэтэл үүнээс зөвхөн 6-р сард гэхэд л

  • 2022.06.03-нд “Тактижент” төрийн бус байгууллагын данс руу 6 сая (Монголын үндэсний сайтын хөгжлийн нэгдсэн холбоо)
  • 2022.06.03-нд “Пиндола партнерс” ХХК-ийн данс руу 6 сая
  • 2022.06.13-нд “Ийгл Бродкастинг” ХХК-ийн данс руу 10 сая
  • 2022.06.15-нд       Ийгл Бродкастинг ХХК-ийн данс руу 10 сая төгрөг
  • 2022.06.16-нд       Ийгл Бродкастинг ХХК-ийн данс руу 10 сая төгрөг
  • 2022.06.20-нд “Эн Ти Ви броадкастинг” ХХК-ийн данс руу 7.5 сая төгрөг гэхчлэн тарааж…

Тэдгээр нь чухам ямар байгууллагууд вэ гэж хайлт хийж үзэв.

“Тактижент” төрийн бус байгууллагын үйл ажиллагааны чиглэл нь Бүгд найрамдах социалист вьетнам улсад их, дээд сургууль төгсөгчдийн хамтын ажиллагаа, хоёр орны хоорондын харилцааг бэхжүүлэхэд дэмжлэг туслалцаа үзүүлэх, Эдийн засаг, нийгэм, хөдөө аж ахуйн салбарт судалгаа хийх, сургалт уулзалт зохион байгуулах, төсөл хөтөлбөр боловсруулах, ижил зорилготой байгууллагуудтай хамтран ажиллах.

Байгууллагын тэргүүн нь Ц.Дарханбат.

Тэрбээр Монголын үндэсний сайтын хөгжлийн нэгдсэн холбооны гишүүнчлэлтэй. Удирдах зөвлөлийн дарга Б.Мөнхдөл өмнө нь Х.Мандахбаярын тэргүүлж байсан Монголын сайтын холбооны дэд ерөнхийлөгчийн алба хашиж байсан нэгэн.

Пиндола партнерс ХХК нь сэргээгдэх эрчим хүчний чиглэлээр зөвлөгөө өгөх, бизнесийн чиглэлээр зөвлөгөө өгөх, нийгэм, эдийн засгийн социологийн судалгаа хийх үйл ажиллагааны эрхтэй.

Компанийн захирал нь Ж.Дарханбаяр.

Түүний нэрээр Монголын мэргэжлийн америк хөлбөмбөгийн холбоо, Ай Эм Эйч Пи, Ай Ти Эн Ти ХХК-иуд бүртгэлтэй. Энэ утасны үзүүр Авто тээврийн цахим мэдээллийн төв төрийн бус байгууллагатай холбоно.

Харин “Эн Ти Ви броадкастинг” ХХК-ийн захирал нь А.Баярбат.

Өнөөх алдарт NТV-гийн А.Баярбат гэсэн үг. Их олимп нэгдэл төрийн бус байгууллагыг С1-ийн Д.Ариунсэлэнгэ, Боловсрол телевизийн Н.Мэндбаяр нараас гадна А.Баярбат эзэмшдэг.

2021 онд Токио 2020 зуны олимп арилжааны телевизүүдээр гарсан. Үүний гол ивээн тэтгэгчээр “Эрдэнэт үйлдвэр” ажилласан бөгөөд 10 хоног үргэлжилсэн энэ наадмын шууд дамжуулалтад зориулж Эрдэнэт үйлдвэрээс 2021 оны зургадугаар сарын 25-ны өдөр 1.7 тэрбум төгрөгийг “Их олимп нэгдэл” төрийн бус байгууллага руу шилжүүлсэн байдаг. 

Тэрчлэн цар тахлын үед Улсын баяр наадмыг зохион байгуулах нэрийдлээр “Шинэ үеийн нэгдмэл залуус” ТББ-аар дамжуулан 4.5 тэрбум халаасласан өлөн бүлэглэл, спортын нэрээр мөнгө угааж байгаа гэх шуугиан намжаагүй үргэлжилж байгаа. Энэхүү бүлэглэлд Их олимп нэгдэл төрийн бус байгууллага ч хавчуулагдан нэрлэгддэгийг энд тэмдэглэе.

Нөгөө талаас нь хөөвөл, “Голомт”-ын Д.Баясгалангийн “Монголмасс медиа” компанийнх нь Улаанбаатар, Баянзүрх, 5-р хороо, Кино үйлдвэрийн гудамж 78 тоот хаяг дээр “Туг нэтворк”, “Эйшн бокс”, “Гэр контент” группүүд давхар бүртгэлтэй байдаг.

“Эйшн бокс”, “Гэр контент” группийн захирал Найдансүрэнгийн Мэндбаярыг ухвал “Их олимп нэгдэл” ТББ гарч ирдэг.

Тэгэхээр Сургалт судалгаа, олон нийттэй харилцах газарт зарцуул гэж өгсөн тэрбум төгрөг жинхэнэ хэвлэл мэдээлэл, олон нийтийн байгууллагуудад бус хотын мээр Д.Сумъяабазар болон Г.Хонгорзул нарын тойрон хүрээлэгчид руу урссан болж таарах нь…

Үүнийг батлах ноцтой фактуудыг нягтлан шалгаж буй тул үргэлжлүүлэн мэдээлнэ.

Татвар төлөгчдийн мөнгийг хүссэн нь тоншиж, гулгитал зарцуулчихаад ард иргэдээ ТЭГШ СОНДГОЙ хэмээн махлан зовоох эрхгүй юм.

Үргэлжлэл бий…

Эрэн сурвалжлах сэтгүүлзүйн НАЖ МОГОЙ үндэсний холбоо

Санхүүгийн гэмт бүлэглэл хамар дор чинь тэлээд байна, Т.Сүхболд хурандаа!!!

/

Улаанбаатар зам засвар, арчлалтын газар ОНӨААТҮГ-т үүрлэсэн бүлэглэл нүдний чинь өмнө хуурамч падаан үйлдэж, төсвөөс хумсалсан байна, эрхэм Эрүүгийн цагдаагийн албаны дарга аа…

2021 оны Ерөнхийлөгчийн сонгуулийн санал хураалтын дараа, У.Хүрэлсүхийг Төрийн тэргүүнээр сонгогдоод удаагүй байхад Их тэнгэрийн ам орчмын авто замд тохижилтын ажил хийгдсэн.

Орон нутгийн өмчит аж ахуйн тооцоот үйлдвэрийн газрын шилэн дансанд 2021.06.24-ний өдөр “Ялгуусан” компанийн Капитрон банкин дахь дансанд 6.1 сая төгрөгийг Их тэнгэрийн аманд асфалт дэвсэгч түрээслэв гэх утгаар шилжүүлсэн баримт бий.

Энэ нь асфалтын зузаанаас “завшиж”, гүйцэтгэлийн мөнгөнөөс дэлссэн дүн гэдгийг эх сурвалжаас өгч байна. 

Асфалтын үйлдвэрийн нярав хуурамч падаан үйлдэж, нягтлан нь баталгаажуулаад мөнгө шамшигдуулсан гэх эл гэмт үйлдлийн баримт бөгөөд энэ нь ганц хоёр удаагийн үйлдэл ч биш гэнэ. Улаанбаатар зам засвар, арчлалтын газрын нярав, нягтлангууд 15-20 тонноор ачсан ачаагаа 25-30 тонн болгон нэмэгдүүлж бичүүлээд, зөрүү мөнгийг нь өөрсөд рүүгээ авдаг гэдгийг жолооч нар нь хэлж байгаа юм.

Нягтлан бодох бүртгэлийн тухай хуулийн 5.1.4-т үнэн зөв байх зарчмын талаар тодорхой заасан. Анхан шатны баримтыг хуурамчаар үйлдэх нь Эрүүгийн гэмт хэрэг. Хуурамч баримт үйлдсэн нярав, түүнийг хүлээн зөвшөөрч тайландаа тусгаад хөрөнгө гаргасан нягтлан бодогч нар Эрүүгийн ялаас мултрах аргагүй гэсэн үг.

Улаанбаатар зам засвар арчлалтын газарт санхүүгийн сахилга бат хаягдаж дарга цэрэг, дээр доргүй идэж шамшигдуулдаг болсон талаарх баримтуудыг өмнөх нийтлэлүүдээс уншаарай, Эрүүгийн цагдаагийн албаны дарга, цагдаагийн хурандаа Т.Сүхболд оо!!!

Гар утас хулгайлаад цаашаа зарахыг ч мөнгө угаасан гэмт хэрэг гэж үзнэ гэх таны үгийг олон нийт мартах болоогүй байна.

Гэтэл хамар дор чинь гар утас байтугай юм “хулгайлагдаад” байна…

Их тэнгэрийн амны авто замын тохижилтын ажлын үеэр тухайн байгууллагын Санхүүгийн албаны дарга буюу ерөнхий нягтлан Н.Лхавгасүрэн гэгч өөртөө мөнгө цохож, бетон зуурмагны үнэ хэмээн 2021.06.21-нд 15.3 сая төгрөг гаргаж авсан ичгүүртэй фактыг Санхүүгийн гэмт хэрэгтэй тэмцэх хэлтсээрээ шалгуулаад үзээч. Энэ хэлтэс, Эдийн засгийн гэмт хэрэгтэй тэмцэх газрын чинь ажил хангалтгүйгээс төрийн өмчит, орон нутгийн өмчит аж ахуйн нэгжүүд дэх хулгай, мөнгө угаалт гаарлаа.

Улаанбаатар зам засвар, арчлалтын газар ОНӨААТҮГ-ын ерөнхий нягтлан болох энэ нөхөр өөртөө мөнгө цохож, өөрөө хүлээж авдаг болсоор удлаа гэдгийг тус газрын захын ажилтан гэрчлээд өгөхөөр болчихож.

Тэрбээр ахлах нягтлан Б.Болормаатайгаа бэлэн мөнгө барьж гүйлдэхдээ хүрсэн хамтрагчид болсон гэдгийг ч өмнөх нийтлэлүүд дэх фактууд хэрэг үүсгэн шалгах хангалттай үндэслэл болно.

Санхүүгийн албаны дарга Н.Лхавгасүрэн “Молор-Эрдэнэ констракшн”-ийн 50 хувийн эзэмшигч. Гэтэл 2021.07.21-ний өдөр “Молор-Эрдэнэ констракшн” компанидаа дайрганы үнэ хэмээн 20 сая төгрөг шилжүүлсэн нь шилэн дансанд бий бөгөөд энэ мөнгийг хүлээн авагч нь ахлах нягтлан бодогч Б.Болормаа байсан гэх мэдээллийг ч шалгаад үзээрэй.

Хамар дор нь өөрсдийнхөө нэрээр цохон кассаар гаргаад авчихдаг, түүнээ юунд зарцуулсан нь тодорхойгүй энэ мэт мөнгөн урсгал цадиг замбараагүй урсч байхад Улаанбаатар зам засвар, арчлалтын газар ОНӨААТҮГ-ын Б.Галхүү дарга мэдэхгүй сууна гэдэг гайхмаар.

Санхүүгийн албаны дарга Н.Лхавгасүрэн нь өөрийн төрсөн ах Нарангэрэлийн Бямбарэнчингийн захирлаар нь ажилладаг “Баясгалант Охь” компанийн данс руу байсгээд шилжүүлдэг мөнгөн гүйлгээний тоо түүгээд барамгүй их болчихоод байхад эрхэм дарга Б.Галхүү жишим ч үгүй суугаа нь сэжигтэй гэдгийг тус газрын ажилтнууд хэлж байна.

Тэдний эл үйлдэлд замын даамлаас инженер, ахлах, албаны дарга хүртэл дэвшиж байгаад шинэ байгуулагдсан Баянзүрх эко, тохижилт үйлчилгээ орон нутгийн өмчит газрын даргаар томилогдон очсон Ж.Батболд ч холбоотой байж болзошгүй гэх мэдээллийг анхаарлын гадна үлдээж болохгүй.

Учир нь Ж.Батболд, Н.Лхавгасүрэн нар багын найзууд бөгөөд Ж.Батболд нь шинээр байгуулагдсан Баянзүрх эко, тохижилт үйлчилгээ орон нутгийн өмчит газрын няраваар Н.Лхавгасүрэнгийн төрсөн ах, “Баясгалант Охь” компанийн захирал Н.Бямбарэнчинг саяхнаас авчихсан байгаа нь Төрийн болоод Орон нутгийн өмчит газруудад шигсэн өргөн хүрээтэй санхүүгийн гэмт хэргийн бүлэглэл юм биш байгаа гэх хардлагыг эрхгүй төрүүлж байгаа юм, Т.Сүхболд хурандаа!!!

Мань нөхдийн Улаанбаатар зам засвар, арчлалтын газар ОНӨААТҮГ-ын данснаас урсгадаг урсгал багадаад Баянзүрх эко, тохижилт үйлчилгээ орон нутгийн өмчит газрын төсвийг ч өргөтгөн цөлмөх санаархал гэж үзэхэд болохгүй гэх газаргүй.

Тэд нэг ч өдөр бизнес эрхэлж үзээгүй атлаа бүгд өртөг өндөр орон сууц, үнэтэй автомашинтай байгаа нь тэдгээрийг худалдан авсан санхүүгийн эх үүсвэрийг ч мөн адил шалгах цаг болсон гэдгийг харуулж байна.

Ашиг сонирхол, албан тушаалын асар том сүлжээг бий болгосон санхүүгийн гэмт бүлэглэл байж болох эл нэгдэлд Улаанбаатар зам засвар, арчлалтын газрын ерөнхий инженер н.Баатархүү, Захиргааны хэлтсийн дарга н.Ариунболд болон бидний өмнөх цувралд баримт факттайгаа бичигдсан тус газрын орлогч дарга Б.Алгаа, ахлах нягтлан Б.Болормаа, Хөдөлмөр аюулгүй байдлын ахлах гэх н.Даваасамбуу, Асфальт үйлдвэрийн нярав М.Дэлгэрцэцэг, асфальт хариуцсан нягтлан Б.Сүрэнцэцэг нар гарцаагүй холбоотой гэдгийг эх сурвалжаас хэлж байгаа юм.

Цаг өөр болж, улс нийслэлийн хөгжилд иргэн бүр сэтгэл зовнидог болсон нь гайхалтай.

Нийслэлийн замыг засч, тохижуул хэмээн оноогдсон төсвөөс дээрх бүлэглэл эрээ цээргүйгээр таллан зувчуулж, багахаан мөнгөөр нимгэн, нарийн, чанар муутай замууд тавьж байгаа нь жил бүр дахин дахин төсвийн мөнгө үрэх ноцтой үйлдэл болж байгаад давчдан бухимдсан ажилтнууд тэсэрч, санхүүгийн “гэмт бүлэглэл”-ийн увайгүй үйлдэлд цэг тавьж өгөөч хэмээн бидэнд хандсаар байна.

Гэтэл эх сурвалжуудаас гарган өгч буй хангалттай нотлох баримт байсаар байхад нүдэн балай, чихэн дүлий суусаар байгаа нь Эрүүгийн цагдаагийн албаны дарга, цагдаагийн хурандаа Т.Сүхболд таны удирдлага, чиглүүлэлтийн бодлого дэндүү сул дорой байгаагийн илрэл үү?!

Орлогч дарга Б.Алгаагийн найз Б.Ариунбаатар Энхтайваны гүүрний засвараас хумсалж, Улаанбаатар зам засвар арчлалтын газарт хэрхэн богино хугацаанд хөлжиж болохын бодит жишээг харуулж ажилд орохдоо унаж байсан Приус30 маркийн автомашинаа 14-14УНЧ “4 Runner” машинаар солин, хамар дор чинь гангарч байна, Т.Сүхболд хурандаа!!!

Санхүүгийн гэмт хэрэгтэй тэмцэх хэлтсээрээ тухайн байгууллагын шилэн дансны бүртгэлд 2021.04.15-ны өдөр Б.Ариунбаатарын данс руу 9.5 сая төгрөгийг хайс будах будаг шингэлэгч гэх утгаар шилжүүлчихсэн баримтаас эхлээд шалгуулчихаач…

Энхтайваны гүүрний дугуй цохигчийн эвдрэлийг засварлах, будаг, явган хайсны ширмэн хэсгийг өнгөлж будах ажлыг “Дөлгөөн холболт” гэх компани гүйцэтгэхээр ажил авсан ч зөвхөн цаасан дээр байдаг эл компанийн өмнөөс бүх ажлыг Улаанбаатар зам засвар, арчлалтын газрын албан хаагч ажиллаад, мөнгө нь “Дөлгөөн холболт” гээч газрын данс руу орсон ноцтой баримт ч байна.

Эл ажлыг хийж гүйцэтгэн, зам дээр зогсч буй ажилтнуудын гэрэл зураг үүнийг нотолно…

Улаанбаатар зам засвар, арчлалтын газрын ажилтнуудын зургийг авч гүйцэтгэлийн тайланд хавсарган хотын дарга Д.Сумъяабазарыг өлхөн хулхидаад хөрөнгө гаргуулчихаж байгаа нь Засаг, Төрийг доромжлон, басамжилсан увайгүй үйлдэл биш үү…

Ингэтэл цагаандаа гарсан санхүүгийн “гэмт бүлэглэл”-ийг таслан зогсоож, боож баглаад хууль цааз сахиулчихаж чадахгүй бол Эрүүгийн цагдаагийн албанд Эдийн засгийн гэмт хэрэгтэй тэмцэх газар, Санхүүгийн гэмт хэрэгтэй тэмцэх хэлтэс гэх сүржин нэртэй даржин газар байхын хэрэг байна уу, Цагдаагийн ерөнхий газрын дарга, Ж.Болд генерал аа!!!

Эрэн сурвалжлах сэтгүүлзүйн НАЖ МОГОЙ үндэсний холбоо

Д.Амарбаясгалан Засгийн газрын гал тогоонд юу амжуулах гэж ирсэн бэ?

Ашиг сонирхлын зөрчлийн сонгодог жишээ нь Засгийн газрын хэрэг эрхлэх газрын шинэхэн дарга Д.Амарбаясгалан мөн үү. МАН-ын Ерөнхий нарийн бичгийн даргын суудлаас Засгийн газрын хэрэг эрхлэх газрын даргын сэнтийд заларч, улмаар өөрийн хамаарал бүхий “Засаг Чандмань Майнз” компанид 162 тэрбум 869 сая төгрөгийн үнийн дүн бүхий концессын гэрээ олгосон гэгддэг Ж.Мөнхбатын замаар тэр орж ирлээ.

Нүүрсний бизнест тэр чигээрээ, эргэж гарахын эцэсгүйгээр хутгалдсан гэгддэг Д.Амарбаясгалан юу хийж, амжуулахаар Засгийн газрын хэрэг эрхлэх газарт ирэв?! Эрх баригч намын генсэкийн суудлыг ямар эрх ашиг, хэр хэмжээний хожоогоор сольж эл шийдвэрийг гаргасан юм бол… Олон олон асуулт дагуулсан түүнд холбогдох мэдээлэл, ашиг сонирхлын асар том фактуудыг бид цувралаар хүргэнэ.

Түүний талаархи баримтат мэдээллийг www.ergelt.mn сайт өнгөрсөн хугацаанд цувралаар хүргэж байв. Тэдний олж нийтэлж байсан дөрвөн том цуврал нийтлэлийг бид уншигчдадаа энэ удаад хүргээд, Засгийн газрын хэрэг эрхлэх газрын даргад холбогдох шинэ баримт фактыг үргэлжлүүлэн мэдээллэх болно.

КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-I

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэх гэж байна. Эхний дугаартаа МАН-ын Ерөнхий нарийн бичгийн дарга Д.Амарбаясгалангийн тоогоо алдаж, толгой эргэм олон компани, тендер “хамсан” түүхүүдийг нь хүргэхээр бэлтгэлээ. Энэ удаад бид Д.Амарбаясгалангийн хамаарал бүхий 46 компанийн нэрийг танилцуулах болно.

11 ТЭРБУМЫН ҮЛ ХӨДЛӨХ, 1.9 ТЭРБУМЫН МАЛ

          МАН-ын Ерөнхий нарийн бичгийн дарга Д.Амарбаясгалан магад МАН-ын бүх цаг үеийн хамгийн баян нарийн бичгийн дарга байх. Уг нь тэр иргэдийн хуралд сууж байснаас их хуралд сууж байсангүй, намын ажил хийж явахыг нь харснаас наймаа арилжаа хийж явахыг нь харсангүй. Гэтэл тэр хэдийнэ МАН дотроо толгой цохих баян нь болжээ. Мал дагавал ам тосдохын үлгэрээр МАН-ыг дагавал ам тосддог аж. Д.Амарбаясгалан өдгөө 11 тэрбум төгрөгөөр үнэлэгдэх хоёр орон сууц, хоёр үйлчилгээний барилга, нэг үйлдвэр, нэг оффис, нэг ферм, хоёр авто зогсоолтой, 1400 хонь, 219 үхэр, 51 адуу буюу зах зээлийн ханшаар 1.9 тэрбум төгрөгийн малтай, 200 сая төгрөгийн соёлын болон түүхэн үнэт эдлэлтэй, 150 сая төгрөгийн үнэ бүхий “Ниссан-Патрол” жийптэй, 174 сая төгрөгийн хадгаламжтай, бусдаас 472 сая төгрөгийн авлагатай.

Түүнчлэн “Хөгжлийн орц” ТББ, “Говь-Алтай аймгийн Тайшир сумын нутгийн зөвлөл” ТББ, “Төрөлх Алтай” ТББ, “Монголын өсвөрийн хөл бөмбөгийн холбоо” ТББ, “Тусгаар тогтнолын музей” ТББ, “Сургалт, судалгаа, пиар, мониторингийн стратеги академи” ТББ, “Алтайн малчдын холбоо” ТББ зэрэг аль нэг цагт УИХ-д нэр дэвших болбол тойргоо тойглох төрийн бус байгууллагуудтай. Харин компаниудаасаа гэр бүлийн эзэмшлийн буюу эгч, ах нартайгаа эзэмшдэг “Соёмбо принтинг” ХХК-иа өөрийнхөө нэр дээр бүртгэлтэй байлгадаг. Харин бусад буюу түүнд хамааралтай 40 гаруй компани тойрон хүрээлэгчдийнх нь нэр дээр бүртгэлтэй бий.

Д.АМАРБАЯСГАЛАНГИЙН АХ, ЭГЧИЙН ХЭВЛЭЛИЙН ЦЕХЭЭС “ЦЭЦЭГЛЭСЭН” БИЗНЕСҮҮД…

           МАН-ын Ерөнхий нарийн бичгийн дарга Д.Амарбаясгалангийн аав нь цагтаа Говь-Алтай аймгийн хоршооллын дарга, намын үүрийн дарга явсан. Гэхдээ энэ гэр бүлийн бизнес “Соёмбо принтинг” ХХК гэх хэвлэлийн үйлдвэрээс эхлэлтэй гэж болно. Тэгвэл өдгөө тэдэнд хамаарах компаниуд толгой эргэмээр олон болжээ. Д.Амарбаясгалан Д.Лувсандорж, Д.Амгаланбаатар гэх хоёр ахтай, Д.Амарзаяа гэх нэг эгчтэй. Тэр дөрөв өдгөө “Соёмбо принтинг” ХХК-иа хамт эзэмшдэг. Сонирхуулахад, ах дүү дөрөв улсын бүртгэлд эцгийнхээ нэрийг Дашзэгвэ, Дашзэвэг, Дашзэвгэ гэж гурван янзаар бүртгүүлдэг юм билээ. Бодвол, бизнесийн нэг төрлийн заль ч байж болох юм. Хүн тус бүрээр нь хөөвөл Д.Лувсандорж “Соёмбо принтинг” ХХК, “Авто ритет” ХХК, “Би Си Ти Эс Эс” ХХК, “Шинэ талст” гэх дөрөв, Д.Амгаланбаатар газар тариалангийн “Ширэвгэр энх” ХХК, “Тайшир-Өргөө” ХХК, “Хөдөө аж ахуйн лизинг” ХХК, “Монголын хөдөө аж ахуйн сэтгүүл”, “Борнуур агротехнологи” ХХК гэх тав, Д.Амарзаяа “Тунамал бодонч” ХХК, “Ти Эп Эл коммерсе” ХХК гэх хоёр компанитай байна. Тэдний эзэмшдэг дээрх 11 компаниас хамгийн том буюу ногоон гэрлээр “тендер цохидог” нь “Соёмбо принтинг” ХХК, мөн 2017, 2018 онд ЖДҮХС-аас 1.3 тэрбумын хөнгөлөлттэй зээл авсан нь батлагдаж, шуугиан тарьж байсан “Тайшир өргөө” ХХК, “Агротехнологи шижирт” ХХК-иуд. “Агро технологи шижирт” ХХК нь ЖДҮХС-аас 950 сая, “Тайшир өргөө” ХХК нь 375 сая төгрөгийн хөнгөлөлттэй зээл авсан нь илчлэгдсэн ч хэн ч хариуцлага хүлээлгүй өнгөрсөн байдаг.

ТОЙРОН ХҮРЭЭЛЭГЧИД БА ТОЛГОЙ ЭРГЭМ ОЛОН КОМПАНИ

          Д.Амарбаясгалангийн гэр бүлийн компани ингээд дуусахгүй. Түүний ах Д.Лувсандорж, Д.Амгаланбаатар, эгч Д.Амарзаяа нарынх нь 11 компани дээр нэмэгдээд эхнэр Д.Бямбасүрэн, хуулийн асуудлыг нь хариуцдаг Б.Эрдэнэжаргал, олон нийт, “Пи-Ар”-ыг нь хариуцдаг Ц.Чулуунзагд, Э.Амаржаргал нарынх нь нэр дээр бүртгэлтэй Д.Амарбаясгалангийн өөрийнх нь компаниуд нэмэгдэнэ. Хэвлэлийн цех, мэдээллийн сайтаас эхлэлтэй Д.Амарбаясгалангийн бизнес уул уурхай, тээвэр, мэдээллийн технологи, хүнд машин, механизмын худалдаа, зар сурталчилгаа гээд салбар бүрд хүрч амжжээ.

Тухайлбал, Д.Амарбаясгалангийн эхнэр Д.Бямбасүрэн нь “Хас медиа групп” ХХК-ийг хувьдаа 10 гаруй компанитай З.Бадраа, Ерөнхийлөгч У.Хүрэлсүхийн эхнэртэй хамт аялал жуулчлалын компани эзэмшдэг К.Энхтуул гэгчтэй хамтран эзэмшдэг бол “Эл Эл Ди Эм Эн” ХХК-ийг дангаараа эзэмшиж байна. “Хас медиа групп” ХХК-ийг Д.Амарбаясгалан ХОМ-тээ жил алгасахгүй дурдаж ирсэн.

         Д.Амарбаясгалангийн туслах, хуулийн зөвлөх, “JCI” байгууллагын хуулийн зөвлөх байсан байсан гэхээс торох өөр мэдээлэлгүй Б.Эрдэнэжаргал гэх залуугийн нэр дээр Д.Амарбаясгалангийн “угшилтай” 28 компани, төрийн бус байгууллага бүртгэлтэй байна. Тухайлбал, “Реклам самбарын холбоо” ТББ, “Ривер хаус” ХХК буюу “Био”-д байрлах амралтын газар, “Си Ар Си Жи” ХХК, “Топ медиа” ХХК, “Тусгаар тогтнолын түүчээ” ТББ, Хууль зүй, дотоод хэргийн сайд Х.Нямбаатарын хувь эзэмшдэг “Мүүнрөүд групп” ХХК, “Өдрийн шуудан сонин”, Өлзийтчулуун хайрхан” ХХК, “Жабко” ХХК, “Залуу маркетер клуб” ТББ, “Тэргүүн мэдээ сэтгүүл”, “Фейст медиа групп” ХХК, “Би Эс Ти Эл Жи” ХХК, “Би Би Эс Ти Эл” ХХК, “Би Эм Эл Ти Би” ХХК, “Би Эй Эй Эл Ти” ХХК, “Би Би Эс Ти Эм” ХХК, “Вай Ти Эм Эн” ХХК, уул уурхайн ашиглалт, тээвэр, тоног төхөөрөмжийн “Глобал транс гүүр” ХХК, “Глобал сайкл” ХХК, “Цахим сэтгүүлчдийн мэргэжлийн зөвлөл” ТББ, “Монголын үндэсний маркетингийн холбоо” ТББ, “Би Ти Эм Эн Си” ХХК, “Би Си Си Вай Эн” ХХК, “Максима” ХХК, “Тэнгэр түшиг” ХХК, “Эйч Эл Кей Эм Эн” ХХК гэх 27 компани бүртгэлтэй байна. Нэмээд Д.Амарбаяслангийн амьдардаг зайсан дахь байр нь ч Б.Эрдэнэжаргал гэх залуугийн нэр дээр бүртгэлтэй байдаг гэх. Зөвхөн нэг хаяг дээр л гэхэд 8-9 компани бүртгэлтэй байгаа тохиолдол ч байна. Дээрх компаниудаас онцолбол, “Глобал сайкл”ХХК, “Глобал гүүр транс” ХХК-иуд нь Өмнөговь аймгийн Тавантолгойн нүүрсний ордоос Гашуунсухайт боомтоор нүүрс тээвэрлэх үйл ажиллагаа эрхлэх тусгай зөвшөөрөлтэйгөөр үйл ажиллагаа явуулдаг. Энэ компаниудтай холбоотой илүү дэлгэрэнгүйг дараагийн дугаартаа хүргэг тул ингээд үлдээе.

Монголын сайтуудын ассоциацийн Удирдах зөвлөлийн гишүүн, Зиндаа.мн сайтын эрхлэгчээр ажиллаж байсан Ц.Чулуунзагд Д.Амарбаясгаланг дагаж, хэвлэл мэдээлэл, олон нийт, “Пи-Ар”-ыг нь хариуцах болсноор өдгөө МАН-ын Хэвлэл мэдээлэл, цахим бодлогын газрын дарга, Нарийн бичгийн даргаар томилогдоод буй. Тэгвэл Ц.Чулуунзагдын нэр дээр Д.Амарбаясгалангийн угшилтай 16 компани бүртгэлтэй байна. Тухайлбал, “Си Жи Эл технологи” ХХК, “Нэтикс солюшн” ХХК, “Дата майнд” ХХК, “Зиндаа пропертиз” ХХК, “Хийморь спорт сэтгүүл” ХХК, “Ажил хэргийн шийдэл” ТББ, “Алтан өмнөд монгол” ХХК, “Анчин фүүдс” ХХК, “Бууч” ХХК, “Хэвлэл мэдээллийн байгууллагуудын нэгдсэн холбоо” ТББ, “МКАСТ” ХХК, “Монголын мэдээллийн технологийн холбоо” ТББ, “Төрөлх алтай” ТББ, “Биван” ХХК, “Онлайн Пи Ар эйжинси” ТББ, “Цахим засаглал” ТББ зэрэг 16 компани, төрийн бус байгууллага бүртгэлтэй байна.

Ц.Чулуунзагдын эзэмшдэг компаниудад нэмэлт тодруулга хийхэд, түүний нэр дээр бүртгэлтэй “Мкаст”ХХК нь “Хийморь медиа” ХХК-ийг дангаараа,“Зиндаа медиа” ХХК-ийг Монголын эмэгтэйчүүдийн холбооны ерөнхийлөгч Батнасангийн Оюунгэрэлтэй хамтран эзэмшиж байсан. Мөн Ц.Чулуунзагд, Б.Оюунгэрэл нар “Онлайн Пи Ар Эйжинси” ТББ-ийг хамтран эзэмшиж байсан байна. Харин өнгөрсөн оны есдүгээр сард тэд “Зиндаа медиа” ХХК, “Онлайн Пи Ар Эйжинси” ТББ-ийн бүртгэлээс нэрээ хасуулж, Эрдэнэтогтохын Амаржаргал гэж нэр бүртгүүлжээ. Эрдэнэтогтохын Амаржаргалыг судлаад үзвэл, Цэрэнпилийн Чулуунзагдын төрсөн эгч Цэвэлмаагийнх нь хүүхэд байх аж. Эрдэнэтогтохын Амаржаргалын нэр дээр одоо “Зиндаа медиа” ХХК, “Цахим туслагч” ТББ, “Онлайн Пи Ар Эйжинси” ТББ, Гадаадын хөрөнгө оруулалттай “Эй Би Эй Жи” ХХК, “Нэтикс майнинг про” ХХК тус тус бүртгэлтэй байна.

             Сонирхуулахад, Э.Амаржаргалын нэр дээр бүртгэлтэй компаниудаас “Цахим туслагч” ТББ нь өнгөрсөн онд Харилцаа холбоо, мэдээллийн технологийн газрын дарга Б.Болор-Эрдэнийн захиалгаар 300 гаруй сайтыг “тагнасан” гэх дуулианд өртөж байв. Тодруулбал, Харилцаа холбоо, мэдээллийн технологийн газрын дарга Б.Болор-Эрдэнэ “Цахим туслагч” ТББ-тай таван сая төгрөгийн хамтын ажиллагааны гэрээ байгуулж, “И-Монголиа” төрийн үйлчилгээний нэгдсэн системтэй холбоотой нийтлэгдэж буй мэдээллийг тандах нэрийн дор 300 гаруй хэвлэл мэдээллийн сайтад мониторинг хийж, тагнасан тухай дуулиан дэгдэж байсан билээ. Тэгвэл “Цахим туслагч” ТББ-ийн эзэн нь Э.Амаржаргал буюу Ц.Чулуунзагдын дүү байжээ.

Бид дараагийн дугаартаа МАН-ын Ерөнхий нарийн бичгийн дарга Д.Амарбаясгалангийн хамаарал бүхий дээрх 46 компани аль салбарт ямар үйл ажиллагаа явуулдаг, ямар тендерүүдэд “ногоон гэрэл”-ээр шалгарч байсныг хүргэх болно. Тухайлбал, Д.Амарбаясгалангийн “Соёмбо принтинг” ХХК өнгөрсөн онд ганцхан өдрийн дотор 1.6 тэрбум төгрөгийн тендерт шалгарсан баримт байна.

КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-II

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэж эхэлсэн билээ. Эхний дугаартаа МАН-ын Ерөнхий нарийн бичгийн дарга Д.Амарбаясгалангийн хамаарал бүхий 40 гаруй компанийн нэрийг танилцуулсан. Тухайлбайл, түүний ах, эгч болох Д.Лувсандорж, Д.Амгаланбаатар, Д.Амарзаяа нарын эзэмшлийн 11 компани, түүний эхнэр Д.Бямбасүрэн, зөвлөх нь байсан гэх Б.Эрдэнэжаргал, хамтрагч Ц.Чулуунзагд, Э.Амаржаргал нарын нэр дээр бүртгэлтэй 30 гаруй компанийг танилцуулсан. Тэгвэл энэ удаад Д.Амарбаясгалангийн тендер “хамдаг”-аараа зартай “Соёмбо принтинг” ХХК өнгөрсөн онд ганц өдрийн дотор хэрхэн 1.6 тэрбум төгрөгийн тендерт шалгарсныг онцолж байна.

Д.АМАРБАЯСГАЛАНГИЙН “СОЁМБО ПРИНТИНГ” ХХК АЗИЙН ХӨГЖЛИЙН БАНКНЫ 1.6 ТЭРБУМЫН НАЙМАН ТЕНДЕРТ ЯЛЖЭЭ

         МАН-ын генсек Д.Амарбаясгалан “Агро технологи шижирт” ХХК, “Тайшир өргөө” ХХК, “Соёмбо принтинг” ХХК, Топ медиа” ХХК-иараа дамжуулан 2016-2018 оны хооронд дөрвөн тэрбум төгрөгийн хөнгөлөлттэй зээл, төсөл, тендерт шалгарсан тухай шуугиан тарьж байв. Тэр дундаа “Соёмбо принтинг”ХХК нь дангаараа 1.2 тэрбум төгрөгийн тендерт шалгарч байсан гэх. Мөн “Агро технологи шижирт” ХХК нь ЖДҮХС-аас 950 сая, “Тайшир өргөө” ХХК нь 375 сая төгрөгийн хөнгөлөлттэй зээл авсан нь илчлэгдсэн ч хариуцлага хүлээлгүй өнгөрсөн байдаг. Тэгвэл Д.Амарбаясгалангийн “Соёмбо принтинг” ХХК-ийн тендер “хамсан” нэгэн шинэ баримт байна.

Өнгөрсөн онд Азийн хөгжлийн банкны 50.7 сая ам.долларын санхүүжилтээр Боловсрол, шинжлэх ухааны яам хариуцан хэрэгжүүлсэн “Эдийн засгийн хүндрэлийн үед боловсролын чанар, хүртээмжийг сайжруулах төсөл”-ийн найман тендерт МАН-ын Ерөнхий нарийн бичгийн дарга Д.Амарбаясгалангийн эгч, ах нартайгаа хамтран эзэмшдэг “Соёмбо принтинг” ХХК нь ялжээ. Тодруулбал, Монгол Улсын Засгийн газар, Азийн хөгжлийн банк 2018 оны дөрөвдүгээр сарын 4-нд “Эдийн засгийн хүндрэлийн үед боловсролын чанар, хүртээмжийг сайжруулах төсөл” хамтран хэрэгжүүлэхээр 50.7 сая ам.долларын зээлийн хэлэлцээр хийсэн байдаг. Азийн хөгжлийн банкны 50.7 сая ам.долларын санхүүжилттэй энэхүү төслийг Боловсрол, шинжлэх ухааны яам хариуцан хэрэгжүүлж байгаа бөгөөд гэрээнд зааснаар 2021 оны арванхоёрдугаар сарын 31-нд хэрэгжүүлж дууссан юм. Төслийн хүрээнд аймаг, дүүрэг, сумдын сургуулиудын барилгыг шинэчлэх, өргөтгөх, ном, сурах бичиг хэвлэх, багш, удирдах ажилтнуудынх нь мэдлэг, чадварыг дээшлүүлэх, цахим технологиудыг нэвтрүүлэх тендерүүдийг 2020 оноос зарлаж эхэлсэн байдаг.

Тэгвэл МАН-ын Ерөнхий нарийн бичгийн дарга Д.Амарбаясгалангийн “Соёмбо принтинг” ХХК л гэхэд энэхүү төслийн 1.6 тэрбум төгрөгийн өртөгтэй найман тендерт нь шалгарчихжээ. Тухайлбал, 2021 оны нэгдүгээр сарын 25-нд Боловсрол, шинжлэх ухааны яамны албан ёсны цахим хуудастаа байршуулсан “Гэрээ байгуулсан тухай мэдэгдэл” хэсэгт “Соёмбо принтинг” ХХК нь энэхүү төслийн хүрээнд Монгол хэл VI, Эх хэл Казак VI Уран зохиол VI сураг бичиг хэвлэн нийлүүлэх 233 сая төгрөгийн тендер, Иргэний боловсрол VI, VII сураг бичиг хэвлэн нийлүүлэх 153 сая төгрөгийн тендер, Эх хэл VII, Дүрслэх урлаг VI-VII сураг бичиг хэвлэх нийлүүлэх 210 сая төгрөгийн тендер зэрэг найман тендерт ялалт байгуулсан тул гэрээ байгуулах эрх олгосон гэж мэдэгджээ.

        “Соёмбо принтинг” ХХК нь өнгөрсөн хугацаанд 81 тендерт оролцсоноос зөвхөн 2016-2018 оны хооронд л гэхэд 1.2 тэрбумын тендерт шалгарсан тухай шуугиан дэгдэж байлаа. Гэвч эрх баригч намын Ерөнхий нарийн бичгийн дарга Д.Амарбаясгалангийн шууд эзэмшлийн компани төсвийн олон тендерт хэрхэн шалгарсныг хууль хяналтын байгууллагаас огтхон ч хянаж шалгахгүй байсаар улиг болгож орхисон.Тэгвэл тендерт ногоон гэрлээр шалгардаг “Соёмбо принтинг” ХХК он гарсаар ганцхан өдрийн дотор 1.6 тэрбум төгрөгийн өртөгтэй найман тендерт ийнхүү шалгарчихсан байна.

Сонирхуулахад, МАН-ын Ерөнхий нарийн бичгийн дарга Д.Амарбаясгалангийн харилцаа холбоо, хэвлэлийн салбарын компаниудыг нь хариуцдаг, МАН-ын Нарийн бичгийн дарга Ц.Чулуунзагдын дүү Э.Амаржаргал гэх залуу Д.Амарбаясгалангийн зарим компаниудыг, тухайлбал “Эй Би Эй Жи” гэх компанийг эзэмшдэгийг өмнөх дугаартаа дурдсан. Тэгвэл гадаадын хөрөнгө оруулалттай “Эй Би Эй Жи” ХХК-ийг судалж үзвэл, Э.Амаржаргал, “Дата сайнс” ХХК, БНСУ-ын Dasystem Co.ltd хамтран эзэмшдэг аж. 2019 оны дөрөвдүгээр сард байгуулагдсан энэ компани “60 тэрбум”-ын асуудлаар олны танил болсон “Шинэ Монгол хаад” группын байранд байрладаг аж. Илүү сонирхолтой нь, монголын мэдээллийн технологийн салбарын тэргүүлэгч компанийн нэг гэгддэг “Ай Си Ти групп”ХХК-ийн охин компани байх ажээ. “Дата сайнс” ХХК-ийн толгой компани болох “Ай Си Ти групп” ХХК нь Д.Амарбаясгалангийн “Соёмбо принтинг” ХХК-тай зэрэгцээд “Эдийн засгийн хүндрэлийн үед боловсролын чанар, хүртээмжийг сайжруулах төсөл”-өөс 1.5 тэрбум төгрөгийн тендерт шалгарчээ.

Тухайлбал, “Ай Си Ти групп” ХХК “Эдийн засгийн хүндрэлийн үед боловсролын чанар, хүртээмжийг сайжруулах төсөл”-өөс 495 сая төгрөгийн өртөгтэй “Газарзүйн мэдээллийн системийн программ хангамж нийлүүлэх” тендерт ялсан байна. Мөн “Ай Си Ти групп” ХХК-ийн эзэмшдэг “Ай контент” ХХК “Эдийн засгийн хүндрэлийн үед боловсролын чанар, хүртээмжийг сайжруулах төсөл”-ийн нэг тэрбумын өртөгтэй “Боловсролын үнэлгээнд шууд засалтын шинэ технологийг улсын хэмжээнд нэвтрүүлэх зорилгоор шалгалтын тэмдэглэсэн тестүүдийг уншиж оноо тавьдаг 50 машин нийлүүлэх” тендерт ялалт байгуулжээ.

“ГЛОБАЛ ТРАНС ГҮҮР” ХХК “ТАВАНТОЛГОЙ”-Н НҮҮРСИЙГ 50 МАШИНААР ЗӨӨЖ БАЙНА

          МАН-ын Ерөнхий нарийн бичгийн дарга Д.Амарбаясгалангийн НИТХ-ын төлөөлөгч байхаасаа ХОМ-тээ дурдаж ирсэн “Жабко”, “Топ медиа” тэргүүтэй компаниуд 2019 оноос Б.Эрдэнэжаргал гэх залуугийн нэр дээр шилжиж, өдгөө 20 гаруй компани болж “үржээд” байгааг бид өмнөх дугаартаа дурдсан. Тэгвэл Д.Амарбаясгалангийн “угшилтай”, Б.Эрдэнэжаргалын нэр дээр бүртгэлтэй “Глобал транс гүүр” ХХК, “Глобал сайкл” ХХК гэх компаниуд уул уурхайн тээвэр, хайгуулын үйл ажиллагаа явуулж байна.

Тухайлбал, “Глобал гүүр транс” ХХК Дорнод аймаг Баяндун сумын нутаг 1481.3 га талбай бүхий Толгод нэртэй лиценз, “Глобал сайкл” ХХК нь Увс аймагт XV-018075-18075 дугаартай “Нар” гэх 2489.5 га бүхий лиценз тус тус эзэмшдэг ажээ.

Тэгвэл “Глобал транс гүүр” ХХК нь “Эрдэнэс тавантолгой” ХК-тай гэрээ байгуулж, Гашуун сухайт-Ганц мод боомт хооронд 50 автомашинаар нүүрс тээвэрлэж байна. “Глобал транс гүүр” ХХК-ийн хувьд эртний түүхтэй. 2013 оны арваннэгдүгээр сарын 18-нд “Алтайн хүдэр” ХХК-ийн Бургалтайн боомт дахь талбайд тээврийн жолооч залуу амиа алдсан хэрэг гарсан. Тухайн үед энэ хэрэгт “Алтайн хүдэр” ХХК-ийн туслан гүйцэтгэгчээр ажиллаж байсан “Глобал транс гүүр” ХХК “Техникийн аюулгүй байдлаа хангаагүй, хөдөлмөрийн гэрээ байгуулаагаагүй” гэж буруутгасан. Улмаар шүүхээс хохирогчийн ар гэрт 60 сая төгрөг олгох шийдвэр гарсан болоод энэ хэрэг мартагдсан.

Тэгвэл “Глобал транс гүүр” ХХК одоо “Тавантолгой”-н нүүрсийг 50 машинаар зөөж, түрийвчээ түнтийлгэх болсны цаана Д.Амарбаяслангийн “томилгоо” буюу түүний найзууд байж болзошгүй дүр зураг харагдаж байна. Тухайлбал, МАН-ын Ерөнхий нарийн бичгийн дарга Д.Амарбаясгаланд Б.Гүрсоронзон, Л.Нямбаяр гэх хоёр найз бий. Л.Нямбаяр нь Д.Амарбаясгалангийн эхнэр Д.Бямбасүрэнгийн эзэмшдэг “Хасмедиа групп” ХХК-ийн захирлаар Л.Нямбаяр ажилладаг. Өмнө нь “Монгол шуудан” ТӨХК-ийн дэд захирлаар ажиллаж байсан бөгөөд “Эрдэнэс Монгол” ХХК-ийн Дэд бүтэц, ложистикийн газрын захирлаар томилогдсон. Тэрбээр Тавантолгой-Гашуунсухайт чиглэлийн нүүрс тээврийн асуудлыг хариуцдаг. Автотээврийн үндэсний төв нь Гашуунсухайт-Ганц мод боомт хооронд нүүрс тээвэр хийх автомашинууды “С” зөвшөөрлийг олгодог. Ингээд харвал Б.Эрдэнэжаргалын нэр дээр бүртгэлтэй “Глобал транс гүүр” ХХК 50 автомашинаар Гашуун сухайт-Ганц мод боомт хооронд нүүрс тээвэр хийх нөхцөл “ногоон гэрэл”-ээр бүрдсэн дүр зураг харагдаж байна. 

КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-III

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэж эхэлсэн билээ. Эхний дугаартаа МАН-ын Ерөнхий нарийн бичгийн дарга Д.Амарбаясгалангийн хамаарал бүхий буюу түүний ах, эгч болох Д.Лувсандорж, Д.Амгаланбаатар, Д.Амарзаяа нарын эзэмшлийн 11 компани, түүний эхнэр Д.Бямбасүрэн, зөвлөх нь байсан гэх Б.Эрдэнэжаргал, хамтрагч Ц.Чулуунзагд, Э.Амаржаргал нарын нэр дээр бүртгэлтэй 30 гаруй компанийг танилцуулсан. Удаах дугаарт нь Д.Амарбаясгалангийн эзэмшлийн “Соёмбо принтинг” ХХК нь өнгөрсөн онд ганц өдрийн дотор 1.6 тэрбум төгрөгийн тендерт шалгарсан баримт, мөн Д.Амарбаясгалангийн “угшиглтай”, Б.Эрдэнэжаргалын нэр дээр бүртгэлтэй хоёр компани уул уурхайн лиценз эзэмшихийн сацуу, Өмнөговь аймагт нүүрс тээврийн бизнес эрхэлж байгаа баримтыг нийтэлсэн.

Тэгвэл энэ удаагийн дугаартаа МАН-ын генсек Д.Амарбаясгалангийн эртний найз, бизнесийн хамтрагчдынх нь нэг МСНЭ-ийн Ерөнхийлөгч асан, “Эрхэт Монгол” ХХК-ийн эзэн Х.Мандахбаярын компаниуд болон тэдний нөхөрлөлийн харилцаа холбоог танилцуулахаар бэлтгэлээ. Тэд нөхөрлөөд хэдийнэ 20 жил болжээ.

Д.АМАРБАЯСГАЛАН, Х.МАНДАХБАЯР ХОЁРЫН НӨХӨРЛӨЛ БА БИЗНЕСИЙН ЭХЛЭЛ

           Х.Мандахбаяр 2017 онд өөрийн цахим хуудастаа МАН-ын Ерөнхий нарийн бичгийн дарга Д.Амарбаясгалантай тэврэлдсэн зургаа оруулж, “Бидний нөхөрлөл 15 жилийг ардаа хийлээ” гэх утгатай тайлбар хийж, төрсөн өдрийн мэндчилгээ дэвшүүлжээ. Өөрөөр бол, тэд 2002 оноос нөхөрлөж эхэлсэн буюу одоо 20 жил болж байгаа гэсэн үг. Х.Мандахбаяр 2002 онд буюу 24 настайдаа “Зиндаа” сонинг үүсгэн байгуулж, хувийн хэвлэл мэдээллийн бизнест хөл тавьж байв. Харин Д.Амарбаясгалан тэр үед 21 настай буюу “Монгол шуудан” ХК-д Маркетинг төлөвлөлтийн газрын даргаар ажиллаж байжээ.

Тэгвэл тэд бизнесийн ямар харилцаа холбоотой вэ. МАН-ын Ерөнхий нарийн бичгийн дарга Д.Амарбаясгалан НИТХ-ын төлөөлөгч байхдаа “Мкаст” ХХК, “Тод медиа” ХХК, “Зиндаа медиа” ХХК, “Хийморь медиа” ХХК-иудыг хөрөнгө орлогын мэдүүлэгтээ дурддаг байв. Өөрөөр хэлбэл түүний компаниуд. Тэгвэл дээрх компаниуд нь одоо “Мкаст” ХХК-д төвлөрдөг. “Мкаст” ХХК нь МАН-ын Хэвлэл мэдээлэл, мэдээллийн технологийн газрын даргаар ажиллаж байсан, одоо МАН-ын Нарийн бичгийн даргаар ажиллаж буй Ц.Чулуунзагдын нэр дээр бүртгэлтэй байдаг. Тэгвэл Д.Амарбаясгалангийн “Мкаст” ХХК нь 2011 онд Х.Мандахбаярын “Эрхэт монгол” ХХК-тай хамтран Зиндаа.мн мэдээллийн сайтыг үүсгэн байгуулж байсан гэдэг. Тухайн үед Ц.Чулуунзагд Зиндаа.мн сайтын ерөнхий эрхлэгчээр ажиллаж байв. Тэгвэл одоо Д.Амарбаясгалангийн удирдлага дор МАН-ын хэвлэл, олон нийттэй харилцах асуудлыг хариуцаж байна. Энэ бол Д.Амарбаясгалан, Х.Мандахбаяр хоёрын бизнесийн холбоо хамаарлын ердөө энгийн жишээ нь. Мөн тэдний бизнес, нөхөрлөлийн нэг оролцогч нь УИХ-ын гишүүн асан Л.Энхболд гэдэг.

“ЭРХЭТ МОНГОЛ”-ООР ОВОГЛОСОН Х.МАНДАХБАЯРЫН БИЗНЕСҮҮД

          24 настайдаа хувийн бизнесээ эхлүүлсэн гэдэг Х.Мандахбаяр өдгөө 1.4 тэрбум төгрөгөөр үнэлэгдэх нэг орон сууц, нэг авто зогсоолтой. 462 сая төгрөгийн үнэтэй Лексус-570, Каддилак-Эскладе, Мерседес-Бенк-Ж500, Форд-Экспидишн автомашинуудтай. Хурдын удмын 12 адуу, 335 хонь, 191 ямаа буюу 229 сая төгрөгийн малтай, 40 сая төгрөгөөр 583м2 газартай, 105 сая төгрөгийн урлаг, түүхийн үнэт эдлэлтэй, 126 сая төгрөгийн хадгаламжтай, 400 сая төгрөгийн авлагатай.

МСНЭ-ийн Ерөнхийлөгч асан Х.Мандахбаяр 2020 оны сонгуульд нэр дэвших үедээ “Эрхэт монгол” ХХК, “Бест компьютерс” ХХК, “Их цэц” ХХК, “Бэстгэйм цэнтэр” ХХК, “Бест принтинг” ХХК, “Зиндаа тур” ХХК, , “Ихэр говь” ХХК, “Нейшнл сошл медиа” ХХК, “Хос цалиг” ХХК, “Өглөөний сонин” ХХК, “Суваг ти ви найм” ХХК-иудад хувьцаа эзэмшдэг гэж мэдүүлж байв.

Тэгвэл одоо “Эрхэт монгол” ХХК, “Ай ти эм жи эл” ХХК “Гоулд констракшн” ХХК, “Байгаль хамгаалах говийн иргэдийн санаачилга” ТББ, “Монголын кино бүтээгчдийн эрх ашгийг хамгаалах мөнх хөх тэнгэр” сан, З.Төмөртөмөө, Лхаваан Баттулга, “Чингисийн монгол аялал” ХХК, “Монголын сэтгүүлчдийн нэгдпсэн эвлэл” ТББ, “Хүүхэд залуучуудын оюуны хөгжлийг дэмжих шинэ алхам төв” ТББ, “Монголын үндэсний гар урлалын соёлыг дэмжих нийгэмлэг” ТББ, “Монголын угийн бичгийг хөгжүүлэх нийгэмлэг” ТББ, “Шарклтс” ХХК, “Байгаль хамгаалах говийн иргэдийн санаачилга” ТББ, “Өглөөний сонин” ХХК, “Суваг ти ви найм” ХХК, “Өргөн хүрээ” ХХК-иудыг өөрийнхөө нэр дээр болон “Эрхэт монгол” ХХК-иараа дамжуулан эзэмшиж байна. Харин “Монголын сайтын холбоо” ТББ, “Бэстгейм цэнтэр” ХХК, “Зиндаа тур” ХХК, “Ихэр говь” ХХК, “Их цэц” ХХК, “Хос цалиг” ХХК, “Цахим сэтгүүлчдийн мэргэжлийн зөвлөл” ХХК-иудаас нэрээ хасуулжээ.

Х.Мандахбаярын “Эрхэт монгол” ХХК болон нэр бүхий компаниудынх нь гүйцэтгэх захирлаар С.Мөнхзул гэх эмэгтэй ажилладаг. Тэрбээр Х.Мандахбаярын үүсгэн байгуулсан “Нэйшнл сошл медиа” ХХК, “Жамух пропертиз” ХХК, “Гранд ньюс”сэтгүүл, “Жамух интернэйшнл” ХХК, “МЗ” ХХК-иудыг эзэмшдэг. Мөн Х.Мандахбаяртай хамт “Өмнөговийн оюуны хөгжлийн сан”, Х.Мандахбаярын аав Э.Хархүү, эхнэр Н.Гантуяа нартай хамт “Чингис олон улсын хэвлэл мэдээллийн төв”-ийг тус тус эзэмшиж байна.  

Х.Мандахбаярын төрсөн дүү Хархүү Одбаяр нь “Бест компьютерс” ХХК, “Бест принтинг” ХХК, “Монитор” ХХК, “ХАТО” ХХК, “Эн Би Си Эм” ХХК-иудыг эзэмшиж байна. “Бест компьютерс” ХХК, “Бест принтинг” ХХК-иудыг Х.Мандахбаяр 2003 онд үүсгэн байгуулж, захирлаар нь ажиллаж байсан юм.  Харин аав Э.Хархүүгийн нь “Өмнөговийн оюуны хөгжлийн сан”, “Хаан тавантолгой” ХХК, “Чингис олон улсын хэвлэл мэдээллийн төв” ТББ, “Сэлбэ девелопмент” ХХК, “Үндэсний цаг сэтгүүл” ХМБ-уудыг тус тус эзэмшиж байна.

Х.МАНДАХБАЯР ХЭДЭН ТЭРБУМЫН ӨРТӨГТЭЙ ТӨСӨЛ ХЭРЭГЖҮҮЛЭГЧ БОЛОХООСОО ӨМНӨ…

          Х.Мандахбаяр, Д.Амарбаясгалан хоёрын нөхөрлөл, хамтын бизнес нь хэрхэн цэцэглэж байгааг бид дараагийн дугаартаа илүү тодорхой хүргэх болно. Харин энэ удаад мөсөн уулын орой болгож, Х.Мандахбаяр тэрбум тэрбумаар хэмжигдэх санхүүжилттэй төсөл хэрэгжүүлэгч болохоосоо өмнө компаниудаараа төсвийн мөнгөнөөс хэрхэн “тоншдог” байсныг цухас дурдъя. Х.Мандахбаярын эзэмшлийн “Нейшнл сошл медиа”ХХК 2019 оны гуравдугаар сарын 4-нд УИХ-аас “гэрээний төлбөр” гэж 7.9 сая төгрөг авчээ. Мөн гуравдугаар сарын 25-нд “Хүүхэд залуучуудын оюуны хөгжлийн дэмжих шинэ алхам төв” ТББ-аараа мөн л “Гэрээний төлбөр” гэх утгаар 5.2 сая төгрөг авсан байна. Харин гуравдугаар сарын 11-нд нь Д.Амарбаясгалангийн “Соёмбо принтинг” ХХК мөн л “гэрээний төлбөр” гэж 8.7 сая төгрөг авч байжээ. 

        Х.Мандахбаяр “Өмнөговийн оюуны хөгжлийн сан” ТББ-аараа дамжуулан Өмнөговь аймагт “Үлэмжийн чанар” яруу найргийн наадам зохион байгуулахаар тус аймгийн Засаг дарга Н.Наранбаатараар таван сая төгрөг цохуулан авч байжээ. Мөн 2017 онд Х.Мандахбаярын “Өмнөговийн оюуны хөгжлийн сан” ТББ, УИХ-ын гишүүн асан Л.Энхболдын “Говийн хүү” сан хамтран Өмнөговь аймагт Урлаг, спортын их наадам зохион байгуулж, аймгийн Засаг даргын тамгын газраас 40 сая төгрөг гаргаж өгч байжээ.

Харин “Жамух интернэйшнл” ХХК нь 2016 онд СХД-ийн “Тохижилт цэвэрлэгээ үйлчилгээ” ОНӨААТҮГ-т 17 сая төгрөгөөр чанга яригч нийлүүлж байжээ. Мөн 2016 оны тавдугаар сарын 19-нд Сонгуулийн ерөнхий хорооноос сонгуулийн тухай хууль сурталчилах зорилгоор breakingnews.mn цахим сурталчилгаа байрлуулахаар “Жамух интернэйшнл” ХХК-тай 5.0 сая төгрөгийн гэрээ хийж байжээ.

Энэ мэтээр төсвийн тав, арван сая төгрөгөөр “гэрээт ажил” гүйцэтгэдэг байсан Х.Мандахбаярын компаниуд одоо хэдэн арван тэрбумаар хэмжигдэх санхүүжилттэй барилга, орон сууцны төслүүд хэрэгжүүлж буй. Уул уурхайн бизнесээс гарч, хэвлэл мэдээллийн бизнестэй л үлдсэн гэх Х.Мандахбаяр тэр төслүүдээ хэрхэн хэрэгжүүлж буй бол…

КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-IV

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэж эхэлсэн билээ. Эхний удаад бид “КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН” гэх гарчигтайгаар нийт дөрвөн цувралыг бэлтгэн хүргэж буй юм. Өмнөх гурван дугаарт, МАН-ын Ерөнхий нарийн бичгийн дарга Д.Амарбаясгалангийн хамаарал бүхий 40 гаруй компанийн нэр, түүний “угшилтай” компаниудыг эзэмшдэг хамаарал бүхий этгээдүүд буюу ах Д.Лувсандорж, Д.Амгаланбаатар, эгч Д.Амарзаяа болон эхнэр Д.Бямбасүрэн, хамтрагч Б.Эрдэнэжаргал, Ц.Чулуунзагд нарыг нь танилцуулсан. Мөн Д.Амарбаясгалантай 20 жил нөхөрлөж буй, ажил, амьдралынх нь хамгийн дотнын хамтрагчдынх нь нэг МСНЭ-ийн Ерөнхийлөгч асан, “Эрхэт Монгол” группийн эзэн Х.Мандахбаярын эзэмшлийн компаниудыг танилцуулсан билээ.

Тэгвэл энэ удаад Монголын толгой баяны дайтай томоохон төслүүдийг хэрэгжүүлж буй Д.Амарбаясгалангийн ажил, амьдралын хамтрагч Х.Мандахбаяр болон Д.Амарбаясгалангийн олноос “нуусан” хамтрагч буюу Говь-Алтай аймгийн ИТХ-ын төлөөлөгч, хувийн компаниараа “Ковид-19” цар тахлын үеийн тендерүүдийг түүж буй М.Бат-Эрдэнийн тухай нийтэлж байна.

Д.АМАРБАЯСГАЛАНГИЙН 10 ЖИЛИЙН АНГИЙН ОХИН М.БАТ-ЭРДЭНЭ “КОВИД-19” ЦАР ТАХЛЫН ҮЕИЙН ТЭРБУМААС ДЭЭШ САНХҮҮЖИЛТТЭЙ ТЕНДЕРҮҮДИЙГ “ТҮҮДЭГ” БОЛЖЭЭ

         МАН-ын Ерөнхий нарийн бичгийн дарга Д.Амарбаясгалангийн санаачлан байгуулсан“Төрөлх Алтай” ТББ-ын гүйцэтгэх захирлаар ажилладаг М.Бат-Эрдэнэ гэх эмэгтэй Говь-Алтай аймгийн ИТХ-ын төлөөлөгч болж, түүгээр зогсохгүй “Биомед трейд” гэх хувийн компаниараа эмнэлгийн тоног төхөөрөмж, “Ковид-19” халдварыг илрүүлэх оношлуурын тендерийг хүртэл “хамдаг” болжээ.

         Энэ хоёрыг түүхийг сөхвөл, МАН-ын Ерөнхий нарийн бичгийн дарга Д.Амарбаясгалан, М.Бат-Эрдэнэ нар 1998 онд Говь-Алтай аймгийн Монгол Улсын гавьяат багш Б.Гомбын нэрэмжит I сургуулийн 10в ангийг хамт төгсжээ. Улмаар 2018 онд ангиараа төгсөлтийнхөө 20 жилийн ойн уулзалтаа хийх үеэр Д.Амарбаясгалангийн санаачилгаар “Төрөлх Алтай” ТББ-ыг үүсгэн байгуулжээ. Ингээд төрийн бус байгууллагын тэргүүнээр Д.Амарбаясгалан, гүйцэтгэх захирлаар нь М.Бат-Эрдэнэ ажиллаж эхэлсэн байгаа юм.

Төгсөлтийн 20 жилийн ойн уулзалтаасаа хэдхэн сарын өмнө “Моносфарм трейд” ХХК-д ахлах менежерийн ажилтай байсан М.Бат-Эрдэнэ гэх эмэгтэй энэ цагаас “Төрөлх Алтай” ТББ ба Д.Амарбаясгаланг төлөөлөн Говь-Алтай аймгийн сум бүрд ажиллах болж, “Биомед трейд” ХХК-ийг байгуулж, бизнес ч “цэцэглэж” эхэлжээ. Улмаар 2020 оны орон нутгийн сонгуулиар М.Бат-Эрдэнэ Говь-Алтай аймгийн ИТХ-ын хуралд МАН-аас нэр дэвшиж, ялалт байгуулан төлөөлөгчөөр сонгогджээ. Ингэж нэр дэвшихэд нь МАН-ын дарга У.Хүрэлсүх, Ерөнхий нарийн бичгийн дарга Д.Амарбаясгалан нар тусгайлан дэмжиж, сурталчилгааных нь сэтгүүл дээр Д.Амарбаясгалан “Ангийн ажилсаг охиныг минь дэмжээрэй” гэсэн бол, У.Хүрэлсүх “Ээжийн минь нутгийн охин” гэсэн утга бүхий илгээлт хүртэл гаргаж байжээ.

Ийнхүү МАН-ын дэмжлэгийг, тэр дундаа ангийн хөвгүүн Д.Амарбаясгалангийнхаа дэмжлэгийг авсан Говь-Алтай аймгийн ИТХ-ын төлөөлөгч М.Бат-Эрдэнэ “Био мед трейд” ХХК-иараа “Ковид-19” цар тахлын үеийн тэрбумаас дээш санхүүжилттэй бүх л тендерт оролцож, “түүдэг” болжээ.

Тухайлбал,

2020 оны хоёрдугаар сард Эрүүл мэндийн яамны “Эрчимт эмчилгээ, яаралтай түргэн тусламжийн тоног төхөөрөмж” нийлүүлэх тендер- 1.3 тэрбум төгрөг

2020 оны есдүгээр сард Батлах хамгаалах яамны “Ковид-19” цар тахлын эсрэг тэмцэхэд шаардлагатай, эм, эмнэлгийн төхөөрөмж, хамгаалалтын хэрэгсэл” нийлүүлэх тендер- 988 сая төгрөг

2021 оны аравдугаар сард Эрүүл мэндийн яамны “Хэт авиан оношилгооны тоног төхөөрөмж” нийлүүлэх тендер 1.4 тэрбум төгрөг

2021 оны арванхоёрдугаар сард  Эрүүл мэндийн яамны “Оношилгооны тоног төхөөрөмж” нийлүүлэх тендер- 1.3 тэрбум төгрөг зэргээр тендер “түүсэн” баримтууд байна. Энэ бол тэрбум давсан санхүүжилттэй, шалгарсан тендерүүдийнх нь зөвхөн жишээ нь.  Мөн 20-200 сая төгрөгийн санхүүжилттэй 10 гаруй тендерт шалгарч, 800 гаруй сая төгрөг авсан баримтууд нь ч байна.

Ингэж дөнгөж 2018 онд байгуулагдсан, “цүнхний” шахуу “Био мед трейд” ХХК 2019 оноос эхлээд Эрүүл мэндийн яам, улсын төв эмнэлгүүд болон орон нутгийн эмнэлгүүдэд оношлуур, эмнэлгийн тоног төхөөрөмж, багаж хэрэгсэл нийлүүлэх тэрбум давсан санхүүжилттэй тендерүүдэд төвөггүй шалгарч эхэлсэн байгаа юм. Эмнэлгийн тоног төхөөрөмж импортлоод 20 жил болж байгаа компаниудтай хоёрхон жилийн түүхтэй компани өрсөлдөж ялаад байсныг салбарынх нь эхэндээ гайхаж байсан гэх юм билээ. Гэтэл энэ компанийн захирал нь МАН-ын Ерөнхий нарийн бичгийн дарга Д.Амарбаясгалангийн ангийнх нь охин байжээ. Түүнчлэн, Д.Амарбаясгалангийн үүсгэн байгуулж, өөрөө тэргүүлж байсан “Төрөлх Алтай” ТББ-ын гүйцэтгэх захирлаар М.Бат-Эрдэнэ ажилладгийг дээр дурдсан. Тэгвэл “Төрөлх Алтай” ТББ нь байгуулагдсан цагаасаа Говь-Алтай аймагт төсөл хөтөлбөр хэрэгжүүлж эхэлсэн бөгөөд тус аймагт Д.Амарбаясгалангийн нэр хүнд, карьерыг өсгөдөг чухал байгууллага ажээ. Тиймдээ ч Д.Амарбаясгалан төрийн бус байгууллагынх нь бүх ажлыг нугалдаг ангийн охин ийм сайн ханддаг биз ээ.

       Сонирхуулахад, М.Бат-Эрдэнэ нь Д.Сарангэрэлийн Эрүүл мэндийн сайд байх үед Эрүүл мэндийн яамны Эмнэлгийн техник, тоног төхөөрөмжийн мэргэжлийн салбар зөвлөлийн гишүүнээр ажиллаж байжээ. Улмаар Д.Сарангэрэл М.Бат-Эрдэнийг Говь-Алтай аймгийн ИТХ-д нэр дэвшиж байх үед нь “Ковид-19 цар тахал анх дэгдэх үед буюу 2020 оны гуравдугаар сард Монголд анх удаагаа коронавирусийг эрт илрүүлэх түргэвчилсэн оношлуурыг ЭМЯ-нд хандивлаж байсан бүсгүй” хэмээн магтаж, сурталчилгааных нь сэтгүүл дээр ярилцлага өгч байжээ.

Гэтэл М.Бат-Эрдэнийн “Биомед трейд” ХХК Д.Сарангэрэлийн ярьсан дээрх хугацаанд буюу 2020 оны гуравдугаар сарын 16-нд Эрүүл мэндийн яамтай “Ковид-19” халдварыг илрүүлэх түргэвчилсэн тест нийлүүлэх 12 сая 950 мянган төгрөгийн гэрээ байгуулж байжээ. Бэлэглэсэн гэх үү, бэлэн мөнгөөр нь авчирч өгсөн гэх үү, мэдэхгүй юм.

Х.МАНДАХБАЯР ОФФШОРЫН МӨНГӨ УГААЖ, МАН-ЫГ САНХҮҮЖҮҮЛЖ БАЙГАА ЮУ

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэж эхэлсэн билээ. Эхний удаад бид “КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН” гэх гарчигтайгаар нийт дөрвөн цувралыг бэлтгэн хүргэсэн. “КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-III” цувралдаа Монголын толгой баяны дайтай томоохон төслүүдийг хэрэгжүүлж буй Д.Амарбаясгалангийн ажил, амьдралын хамтрагч Х.Мандахбаярын өөрийнх нь нэр дээрх хувийн бизнесүүдийг нь танилцуулсан. Тэгвэл энэ удаад бид Х.Мандахбаярын ажил хэрэг, анд нөхдийнх нь холбоог судалж, Английн Виржинийн арлууд, Австралийн хөрөнгийн биржид бүртгэлтэй, цаашлаад оффшор бүсэд данстай компаниудтай холбогдож буй ноцтой баримтыг хүргэх гэж байна. Өөрөөр хэлбэл, Х.Мандахбаяр харьд бүртгэлтэй, монголтой холбоотой компаниудын санхүүжилтээр барилгын төслүүд хэрэгжүүлж, МАН-ыг санхүүжүүлж байж болох уу.

ОРШИЛ: Х.МАНДАХБАЯРЫН БАРИЛГЫН ТӨСЛҮҮД БА НИЙГЭМД ҮҮССЭН ХАРДЛАГА

          МАН-ын Ерөнхий нарийн бичгийн дарга Д.Амарбаясгалан, МСНЭ-ийн Ерөнхийлөгч асан, “Эрхэт монгол” ХХК-ийн ТУЗ-ийн дарга Х.Мандахбаяр нар 20 жил нөхөрлөж яваа андууд гэдгийг өмнөх дугаартаа онцолсон. МАН-ын генсек Д.Амарбаясгаланд Х.Мандахбаярыг зөвхөн найз нөхөд, нэг нам гэдгээр нь хамаатуулсан хэрэг биш, харин тэдний хүзүү сээрээрээ холбоотой компаниуд хэвлэл мэдээллийн зах зээлд хамтран бизнес эрхэлдэг учраас тэр юм. Өмнөх дугаартаа Д.Амарбаясгалангийн хамаарал бүхий компаниуд Х.Мандахбаярын компаниудтай ямар сэжмээр, яаж холбогддогийг жагсаасан тул энэ удаад нэмж дурдах нь илүүц байх. Харин Х.Мандахбаяр Д.Амарбаясгалангаар дамжуулж, эрх баригч МАН-тай салшгүй холбоотой байж, хамгаалуулж, нэр дэвшиж, хариуд нь МАН-ыг санхүүжүүлэх “бохир” ажлыг хариуцдаг болсон юм биш биз хардлага байгаа юм.

Тухайлбал, Х.Мандахбаяр өнгөрөгч 2021 оноос эхлээд гэнэт л Монголын толгой баяны дайтай томоохон барилгын төслүүдийг хэрэгжүүлж, хэн хаанаас медаль авна байр, машинаар шагнан сүрийг үзүүлж, өөрийн компанийн 40 гаруй ажилтнаа болон хамтран байгууллагуудынхаа ажилтнуудыг орон сууцаар шагнан аархаж, тэр чинээгээрээ олны анхаарлын төвд байх болсон. Тухайлбал, Х.Мандахбаярын “Эрхэт монгол” групп дангаараа 500 айлын “Гранд маршал” тансаг зэрэглэлийн хотхон, 600 айлын “Сити ресиденс” хотхоны төслийг өнгөрөгч 2021 онд хэрэгжүүлж эхэлсэн юм. Мөн “Стандарт холдинг” ХХК-ийн 1200 айлын “Гранд ресиденс” хотхоны төсөлд “Эрхэт монгол” групп хамтарч байгаа. “Эрхэт монгол” группийн гүйцэтгэх захирал С.Мөнхзул өнгөрсөн оны аравдугаар сард өгсөн ярилцлагадаа “Гранд маршал болон Сити ресиденс төсөл эхэлснээсээ хойш 140 гаруй тэрбум төгрөгийн борлуулалт хийгээд байна” хэмээн ярьсан байдаг. Чухамдаа зөвхөн 500 айлын “Гранд маршал” хотхоны байрууд нь л гэхэд 300 саяас 4.3 тэрбум төгрөгийн үнэтэй гэхээр дээрх гурван орон сууцны төсөл нь хэдэн зуун тэрбум төгрөг эргэлдүүлэх төслүүд гэж болно. Эндээс нийгмийн анхаарал татсан нэг зүйл нь, цар тахлын нөлөөгөөр барилгын салбар бүхэлдээ хямарч, энэ салбарын үндсэн тоглогчид хүртэл төслүүдээ царцаагаад байхад хэвлэл мэдээллийн хэдэн хэрэгсэлтэй “Эрхэт монгол” групп хэдэн зуун тэрбумаар тоологдох санхүүжилттэй төслүүд хэрэгжүүлээд эхэлсэн явдал байв.

Үүнээс улбаалж, “Хадгаламж зээлийн хоршооны хар түүхтэйгээ саяхныг болтол “зууралдаж”, цалингаа тавьж чадахгүй сандарч явсан Х.Мандахбаяр хаанаас ийм их мөнгө олоод байна вэ, хэний хөрөнгөөр туйлаад байна, барилгын томоохон төслүүд хэрэгжүүлж, түүнийгээ зориудаар нийтийн анхааралд оруулаад байгаа нь цаанаа ямар зорилготой вэ, Д.Амарбаясгалан ба МАН холбоотой юу” гэх хардлага, эргэлзээнүүд гарах боллоо. Мөн “Сүүлийн үед “моод”-нд ороод байгаа аргачлалаар буюу оффшор бүсийн хөрөнгийг барилгыг салбар луу оруулах замаар угааж МАН-ын санхүүжилтийг хийж байгаа юм биш биз” гэж хардах хүмүүс ч байна. Хардах эрх хэнд ч бий, хардах нь ч зөв. Тиймээс бид дээрх хардлагуудад хариулт хайсан нь энэ юм. Х.Мандахбаяр үнэхээр оффшор бүсээс орж ирсэн бохир мөнгийг барилгын төслүүдээр дамжуулан “угааж”, МАН-ыг санхүүжүүлж буй юм биш биз…

Сануулахад, “Эрхэт монгол” группийн ТУЗ-ийн дарга Х.Мандахбаярын ажил хэрэг, анд нөхдийн холбоог нь шүүж үзвэл уул уурхайн бизнестэй “салшгүй” холбоотойн дээр Их Британи, Умард Ирландын Нэгдсэн Вант Улс, Виржинийн арлууд, Австрали, Хонгконгийн хөрөнгийн бирж зэрэгт бүртгэлтэй компаниудтай холбогдож байгаа нь эргэлзээ төрүүлж байгааг эхлээд хэлэх нь зүйтэй болов уу.

Х.МАНДАХБАЯРЫН ААВ Э.ХАРХҮҮ, ДҮҮ Х.ОДБАЯРТАЙ ГУРВАН КОМПАНИ ХАМТРАН ЭЗЭМШДЭГ Б.ЭНХЖАРГАЛ НЬ ОФФШОР БҮСЭД КОМПАНИТАЙ ХОЛБОГДОЖ БАЙНА

          МСНЭ-ийн Ерөнхийлөгч асан, “Эрхэт монгол” группийн ТУЗ-ийн дарга Х.Мандахбаярын аав УГЗ Э.Хархүү “Өмнөговийн оюуны хөгжлийн сан” сан, “Хаан тавантолгой” ХХК, “Чингис олон улсын хэвлэл мэдээллийн төв” ТББ, “Сэлбэ девелопмент” ХХК, “Үндэсний цаг сэтгүүл” ХБМ зэрэгт хувьцаа эзэмшдэг. Тэгвэл түүний “Хаан тавантолгой” ХХК нь анхаарал татна. Энэ компанийн тухай Х.Мандахбаяр нэг удаа “2011 онд байгуулагдсан цагаасаа ажиллаагүй хоосон компани. Тээврийн бизнес хийх манай найзуудын санаачилга бүтээгүй юм” гэж твиттерт тайлбарлаж байжээ. Гэхдээ судлаад үзвэл, “Хаан тавантолгой” ХХК “хоосон” байж болох ч хувьцаа эзэмшигчид нь хоосон биш ажээ. Тухайлбал,  

Х.Мандахбаярын аав Э.Хархүүгийн “Хаан тавантолгой” ХХК-д дөрвөн хүн хувьцаа эзэмшдэг бөгөөд тэднээс Бадарын Энхжаргал гэгч нь анхаарал татна. Б.Энхжаргалыг судлаад үзвэл, Х.Мандахбаярын төрсөн дүү Х.Одбаяртай “Монитор” ХХК-ийг хамтран эзэмшдэг ажээ. Мөн өмнө нь Х.Одбаяр буюу Х.Мандахбаярын үүсгэн байгуулсан анхны компаниудынх нь нэг “Бест компьютерс” ХХК-ийг эзэмшиж байсан аж. Чухамдаа Х.Мандахбаярын аавтай нь ч, дүүтэй нь ч компани хамтран эзэмшдэг буюу Х.Мандахбаярын өөрийнх нь тодорхойлсончлон дотнын найз нь ажээ.

         Тэгвэл Б.Энхжаргал нь оффшор бүсэд данстай гэж дэлхий нийтэд зарлагдаж байсан компанитай холбогддог нэгэн ажээ. Тухайлбал, Б.Энхжаргал саяхныг хүртэл “Вестерн Монголиан девелопмент” ХХК-ийн хувьцаа эзэмшигчээр бүртгэлтэй явж ирсэн байна. Энэ компани нь “СДДГ”ХХК гэх нэрээр уул уурхайн үйл ажиллагаа явуулж, хэд хэдэн лиценз эзэмшиж байгаад нэрээ өөрчилсөн аж. Цааш нь хөөвөл, “Вестерн монголиан девелопмент” ХХК-ийг Британийн Виржини арлуудад бүртгэлтэй “Active time holding limited” компани, “Ханбогд эксплорейшн” компани тус тус эзэмшдэг юм байна. Харин “Ханбогд эксплорэйшн” ХХК-ийг Их Британи, Умард Ирландын нэгдсэн вант улсад бүртгэлтэй “Кью Жи Экс Холдинг Лимитед” компани эзэмшдэг аж. Энэ компани нь “Гал XV-018532”, “Ханбогд XV-018269” гэх хоёр хайгуулын тусгай зөвшөөрөл эзэмшдэг ажээ.

Хамгийн ноцтой нь, Англид бүртгэлтэй “Кью Жи Экс Холдинг лимитэд” компани нь Австралийн хөрөнгийн биржид бүртгэлтэй “Занаду майнс” компанийн монгол дахь охин компани болох “Монгол металс” ХХК-тай хамтран “Оюут-Улаан” ХХК-ийг эзэмшдэг. “Оюут-Улаан” ХХК нь алдарт “Хармагтай” алт, зэсийн орд газрын ашиглалтын тусгай зөвшөөрлийг 100 хувь эзэмшдэг. Оюутолгойн ордтой эн тэнцэхүйц гэж яригддаг Хармагтайн орд газрыг 2013 оны есдүгээр сарын 27-нд дээрх хоёр компанийн эзэмшлийн “Оюут-Улаан” ХХК эзэмшиж эхэлсэн байдаг. Хармагтайн ордыг 680 мянган тонн зэс, 70 тонноос багагүй алт, 203 сая тонн хүдрийн нөөцтэй гэж тодорхойлж байсан бөгөөд жил ирэх бүр нөөц нь нэмэгдсээр буй юм. Ингээд зогсохгүй ““Кью Жи Экс Холдинг лимитэд” компанийг 2017 онд Монгол 165 лиценз эзэмшдэг буюу хамгийн олон лиценз эзэмшдэг гэж мэдээлж байжээ.

        Үргэлжлүүлэн судалбал, “Кью Жи Экс холдинг лимитед” компанийн эзэмшдэг “Ханбогд эксплорэйшн” ХХК нь “Улаанбаатар, Сүхбаатар, 8-р хороо, Сэнтрал Тауэр 708-713 тоот” гэх хаяг дээр бүртгэлтэй байдаг бөгөөд “Керри Монголиа” ХХК гэх гадаадын хөрөнгө оруулалттай компани энэ хаяг дээр давхар бүртгэлтэй байна. Судлаад үзвэл, “Кью Жи Экс”, “Керри монголиа” компаниуд хамтран “Керри Кью Жи Экс” компани байгуулаад татан буулгасан түүхтэй аж. Тэгвэл “Керри Монголиа” компанийг Их Британи Умард ирландын нэгдсэн вант улсад бүртгэлтэй “Kerry mining” компани эзэмшдэг ажээ. Энэ компанийг судлаад үзвэл, өнгөрсөн онд “Paradise papers”-ээс ил болгосон баримтууд буюу оффшор бүсэд данстай компаниудын жагсаалтад багтаж байжээ. Өөрөөр хэлбэл, оффшор бүсэд данстай компани гэсэн үг. Үүнээс цааш хөөвөл, “Kerry mining” компани нь “М-Си-Эс” групптэй холбогддог юм байна.   

“Эрхэт Монгол” группийн ТУЗ-ийн дарга Х.Мандахбаярын аав Э.Хархүү, дүү Х.Одхүү нартай гурван компани хамтран эзэмшдэг Б.Энхжаргал гэгч нь ингэж Англи, Австралид бүртгэлтэй, цаашлаад оффшор бүсийн компанитай холбогддог ажээ.

УИХ-ЫН ГИШҮҮН, Х.МАНДАХБАЯРЫН ХАМТРАГЧ Н.НАРАНБААТАР БОЛОН ТӨРСӨН ДҮҮ Н.ОЧГЭРЭЛ НЬ ВИРЖИНИ АРЛУУДАД БҮРТГЭЛТЭЙ КОМПАНИУДТАЙ ХОЛБОГДОЖ БАЙНА

        “Эрхэт Монгол” группийн ТУЗ-ийн дарга Х.Мандахбаяр Тост, Тосон бумбын нуруунд үйл ажиллагаа явуулж буй уул уурхайн компаниуд, тэр дундаа Б.Чойжилсүрэнгийн уурхайтай тэмцэл өрнүүлж, түүнд нь Өмнөговь аймгийн Засаг дарга асан, одоогийн УИХ-ын гишүүн Н.Наранбаатар нэгдэн хамтран зүтгэж байв. Улмаар 2020 оны УИХ-ын сонгуульд тухайн үеийн МАН-ын дарга У.Хүрэлсүх “Хариуцлагатай уул уурхайн төлөө” хэмээн Х.Мандахбаяр, Н.Наранбаатар нарыг хамтад нь Өмнөговь аймгаас нэр дэвшүүлсэн. Н.Наранбаатар олонхын санал авч УИХ болж чадсан бол Х.Мандахбаяр гурваар жагссан байдаг. Х.Мандахбаяр, Н.Наранбаатар хоёрын Өмнөговь дахь хоршил зөвхөн Тост, Тосон бумбын нурууны тэмцэл дээр ч бус бүр эртнийх. Х.Мандахбаяр Өмнөговь аймгийн иргэдийг төрийн бус байгууллагуудаараа “тойглож” байх үед Н.Наранбаатар Засаг даргын хувиар, санхүү мөнгөөр дэмжиж ажилладаг байсан. Нэмээд Х.Мандахбаяр, Н.Наранбаатар нарын аавууд Ханхонгор сумынх буюу нэг нутгийн хүмүүс.

Тэгвэл УИХ-ын гишүүн, Х.Мандахбаярын хамтрагч Н.Наранбаатар Их британийн Виржини арлуудтай хоёр ч сэжмээр холбогдох ажээ.

Тухайлбал,

БАРИМТ 1: УИХ-ын гишүүн Нанзадын Наранбаатар, түүний дүү Нанзадын Очгэрэл нар “Сэрсэн говь”ХХК-ийг эзэмшдэг. Н.Наранбаатар өөрийнхөө ХОМ-т ч “Сэрсэн говь”ХХК-ийг дурддаг аж. Тэгвэл Н.Наранбаатарын дүү Н.Очгэрэл нь “Эвт повер майнинг” ХХК-д хувьцаа эзэмшдэг бөгөөд тус компанийн гүйцэтгэх захирлаар нь ажилладаг аж. Тэгвэл “Эвт повер майнинг” ХХК-ийг Н.Очгэрэлээс гадна “Хос тамга групп” ХХК, “Энбо тайж транс” ХХК-иуд эзэмшдэг юм байна. Цааш нь судлаад үзвэл, “Энбо тайж транс” ХХК нь Өмнөговь аймгийн Гурвантэс сумын нутагт Баян-Ундарга гэх нүүрсний уурхай ажиллуулдаг аж. Хамгийн ноцтой нь, “Энбо тайж транс” ХХК-ийн эцсийн өмчлөгч нь Их Британийн Виржини арлуудад бүртгэлтэй “Пүжин ложистик” компани ажээ.

БАРИМТ 2: УИХ-ын гишүүн Н.Наранбаатар 2016 оны сонгуулийн дараа Өмнөговь аймгийн Засаг даргаар томилогдохынхоо өмнө буюу 2015 оныг хүртэл “Билэгт говь” ХХК-ийн захирлаар ажиллаж байсан. Энэ компанийг хүмүүс Дорноговь аймгийн Хөвсгөл суманд үйл ажиллагаа явуулдаг Айл баянгийн нүүрсний уурхайгаар нь мэднэ. Тэгвэл Н.Наранбаатарын захирлаар нь ажиллаж байсан “Билэгт говь” ХХК-ийн эцсийн эзэмшигчээр нь Их Британи, Умарт Ирландын нэгдсэн вант улсад бүртгэлтэй “Pusheng Energy Holdimgs Limited” компани бүртгэлтэй байдаг аж.

         Түүнчлэн тус компани “Улаанбаатар хот, Сүхбаатар, 8-р хороо, 910, 911 тоот” хаяг дээр бүртгэлтэй байдаг бөгөөд энэ хаяг дээр хятадын хөрөнгө оруулалттай “Шаганрийч ворлд монголиа” ХХК, хятадын хөрөнгө оруулалттай “Си Эм И Эс” ХХК, “М-Си-Эс холдинг” ХХК-ийн эзэмшлийн “Юнисервис солюшн” ХХК-иуд тус тус давхар бүртгэлтэй байна. “Юнисервис солюшн” ХХК-ийн хувьд “М-Си-Эс” группийн охин компани бөгөөд “Энержи ресурс” ХХК-ийн кеп, “Хүннү Молл”, “М-Си-Эс” групп, “Шангри-Ла-УБ”-ийн цэвэрлэгээ, үйлчилгээг хариуцдаг ажээ.

Х.МАНДАХБАЯР ХӨРС ХУУЛАЛТЫН “ИХ ШИЖИР БАЯЛАГ” ХХК-ИА ОДОО Ч УДИРДДАГ УУ

        Олон нийт Х.Мандахбаярыг “Их шижир баялаг” гэх “Тавантолгой” ХК-д хөрс хуулалт хийдэг компанитай, тэндээс олсон мөнгөөрөө санхүүждэг гэж ойлгодог байсан. Харин Х.Мандахбаяр өөрөө 2020 оны УИХ-д Өмнөговь аймгаас нэр дэвшихээсээ өмнө, бүр тодруулбал Б.Чойжилсүрэнгийн Тост, тосон бумын нурууны орчимд байрлах уурхайтай үзэлцэхээсээ өмнө “Их шижир баялаг” ХХК-иа зарж, уул уурхайн бизнесээс албан ёсоор гарсан гэж тайлбарладаг. Нэг удаа “Би “Их шижирт баялаг” гэдэг компанитай байхдаа “Тавантолгой” ХК-д туслан гүйцэтгэгчээр ажиллаж, хөрс хуулалтын бизнес хийдэг байсан нь үнэн. Харин 2019 онд энэ компаниараа зарж, уул уурхайн бизнесээс албан ёсоор гарсан. Медиа салбараас олсон болон хөрс хуулалтын компаниа зарсан мөнгөөрөө одоо барилгын төслүүдэд хөрөнгө оруулаад явж байна” гэх агуулгатай тайлбар хийсэн нь бий.

Судалж үзвэл, Х.Мандахбаяр хөрс хуулалтын “Их шижир баялаг” ХХК-иа Г.Номинчулуун гэгчтэй хамтран эзэмшиж байжээ. Ингэхдээ “Их шижир баялаг” ХХК-ийн хувьцааг Г.Номинчулууны “Суман говь” ХХК, Х.Мандахбаярын өөрийнх нь “Хос цалиг” ХХК тус тус эзэмшиж байсан бөгөөд Г.Номинчулуун нь “Их шижир баялаг” ХХК-ийн гүйцэтгэх захирлаар ажилладаг байж. “Хос цалиг” ХХК-ийг тухайн үед Х.Мандахбаяр, “Эрхэт монгол” группийн хуулийн хэлтсийн дарга А.Отгонбаяр нар эзэмшиж удирддаг байжээ.

Харин Х.Мандахбаяр 2019 онд “Би “Их шижир баялаг” ХХК-иа зарсан” гэж мэдэгдсэнээс хойш тус компанийн гүйцэтгэх захирлаар Л.Лувсан-Эрдэнэ гэх хүн ажиллаж эхэлжээ. Улмаар “Их шижир баялаг” ХХК-ийн хувьцаа эзэмшигчээс Г.Номинчулууны “Суман говь” ХХК-ийг хасаж, харин “Хос цалиг” ХХК-ийг хувьцаа эзэмшигч хэвээр үлдээжээ. Ингэхдээ Х.Мандахбаяр “Хос цалиг” ХХК-ийн хувьцаа эзэмшигчээс өөрийнхөө болон А.Отгонбаярын нэрийг хасуулж,  Б.Номин гэх эмэгтэйн эзэмшилд шилжүүлээд “Их шижир баялаг” ХХК-ийн хувьцаа эзэмшигчээр хэвээр үлдээсэн аж. “Тавантолгой” ХК-ийн хөрс хуулалтыг хийдэг гэх “Их шижир баялаг” ХХК-ийн хувьцаа эзэмшигчээр одоо ч “Хос цалиг” ХХК бүртгэлтэй хэвээр байна.

Сонирхолтой нь, судлаад үзвэл “Их шижир баялаг” ХХК-ийн хувьцааг эзэмшиж байгаа “Хос цалиг” ХХК-ийн захирал гэх Б.Номин нь Х.Мандахбаярын “цэрэг” буюу “Эрхэт монгол” группт ажилладаг, тус группийн ажилтнуудтай хамтран хэд хэдэн компани эзэмшдэг нэгэн ажээ. Цаашлаад Х.Мандахбаярын тэргүүнээр нь ажилладаг “Монголын үндэсний гар урлалын соёлыг дэмжих нийгэмлэг” ТББ-ын Удирдах зөвлөлийн гишүүнээр Б.Номин гэгч нь ажилладаг ажээ. Мөн “Их шижир баялаг” ХХК нь одоо ч “Улаанбаатар, Баянзүрх, 24-р хороо, 2-14 тоот” хаяг дээр буюу Х.Мандахбаярын “Монголын үндэсний гар урлалын соёлыг дэмжих нийгэмлэг” ТББ-ын хаяг дээр давхар бүртгэлтэй хэвээр байна.

Ингээд харвал, Х.Мандахбаяр өөрийн ажилтан Б.Номингийнхоо нэр дээр “Хос цалиг” ХХК-иа шилжүүлж, улмаар “Хос цалиг” ХХК-иараа дамжуулан одоо ч “Их шижир баялаг” ХХК-ийг удирддаг байж болзошгүй дүр зураг харагдаж байгаа юм.

Сонирхуулахад, Х.Мандахбаяртай хамт “Их шижир баялаг” ХХК-ийг эзэмшиж, гүйцэтгэх захирлаар нь ажиллаж байсан Г.Номинчулууны хувьд “Суман говь” ХХК, “Булган майнинг” ХХК зэрэг компаниудтай Булган аймгийн Орхон сумын харьяат, “Булган хан” бөхийн дэвжээний тэргүүнээр ажиллаж байсан нэгэн аж. Түүнтэй холбоотой мэдээллүүдийг шүүвэл, “Булган майнинг” ХХК гэх Архангай аймгийн Цэнхэр суманд үйл ажиллагаа явуулдаг уурхайтай ажээ. Түүнчлэн, “Стандарт холдинг” ХХК хэрэгжүүлж буй “Гранд ресиденс” гэх 1200 айлын орон сууцны төслийг “Эрхэт монгол” групп сурталчлах болсон. Өөрөөр бол, уг төсөлд хамтран ажиллаж буй. Тэгвэл “Стандарт холдинг” ХХК нь гадаад худалдааны чиглэлээр үйл ажиллагааны зөвшөөрөлтэй, тэгсэн мөртөө Баянхонгор аймагт “Мухартын ам”, “Зүүн мухар”, “Баруун мухар ам” гэх уул уурхайн ашиглалтын гурван тусгай зөвшөөрөлтэй ажээ. Мөн Шүүхийн мэдээллийн санд “Гүрцоогийн Номинчулуун гэгч этгээд автомашин ашиглаж бусдын эд хөрөнгийг хулгайлсан хэргээр хоёр жилийн ял авч, нэг жилийн тэнсэх ялаар солиулсан” гэх мэдээлэл бүртгэлтэй байдаг юм байна.

         МАН-ын гишүүн, МСНЭ-ийн Ерөнхийлөгч асан, “Эрхэт Монгол” группийн ТУЗ-ийн дарга Х.Мандахбаярын ажил хэрэг, анд нөхдийнх нь холбоог шүүхэд энэ мэтээр уул уурхай бизнестэй, мөн Англи, Австрали, цаашлаад оффшор бүсэд данстай компаниудтай энэ мэтээр холбогдож байна. Энэ олон төсөл хэрэгжүүлж буй нь дээрх сэжүүрүүдтэй холбогдох эсэхийг, цаашлаад эцсийн дүгнэлтийг эрхэм уншигч та хийх биз ээ.

Эх сурвалж: www.ergelt.mn

Эрэн сурвалжлах сэтгүүлзүйн НАЖ МОГОЙ үндэсний холбоо

Нохой устгагчид цайны газрын зөвшөөрөлтэй байгаа нь ЭРҮҮЛ ҮЗЭГДЭЛ үү, хотын дарга аа!!!

/

Эмээлт дэх “Эм Ди Си Пи” компанийн мах боловсруулах үйлдвэрт үхсэн нохой байсан нь сурвалжлагын явцад ил болов. Үүнтэй зэрэгцэн нохой, муурны махыг цогцос хадгалахад хэрэглэдэг бодис ашиглан нийслэлчүүдийн хүнсний хэрэгцээнд нийлүүлдэг юм биш биз гэх хардлага хүчтэй өрнөж байна. Учир нь их хэмжээний муудсан махны эзэн одоо хэр тодорхойгүй байгаагийн нэгэн адил махных нь гарал үүсэл ч тодорхойгүй хэвээр хэд хонолоо.

Хүүхдийн зуслан, сургууль, цэцэрлэгийн гал тогооноос гадна цайны газар, хуушуур бууз, баншны цехүүдэд нийлүүлэгдээгүй гэх баталгаа бас байхгүй. Нийслэлд жил бүр, сүүлийн үест өдөр бүр золбин муур, нохой устгаж байгаа.

Тэгвэл буудсан муур нохойгоо хэрхдэг вэ?!

Монгол Улс өнгөрсөн жил золбин ноход устгахад 1.2 тэрбум төгрөг төсөвлөсөн. Өнгөрөгч 2021 оны эхэнд тендэр зарлаад гурван компани шалгарсан бөгөөд тэдгээртэй байгуулсан гэрээ өдгөө ч хүчин төгөлдөр хэвээр үргэлжилж байгаа юм байна.

Ковидын хатуу хөл хорионы үеэр ч муур, нохой устгалын мөнгийг нэр бүхий гурван компани руу шилжүүлсээр ирж.

Харин аймшигтай нь тендэрт шалгарсан компаниуд мах боловсруулах болон цайны газар, зочид буудлын үйл ажиллагаа эрхлэх зөвшөөрөлтэй байгаа нь буудсан муур, нохойн махыг хүнсэнд хэрэглэчихдэг юм биш үү гэх хардлагыг улам бүр хүчтэй болгов.

Нэг нохойг 12.000 төгрөгөөр тооцож устгах зардлыг Нийслэлийн ИТХ-н тэргүүлэгчдийн 2016 оны тогтоолоор баталсан. Нохой устгалын 12.000 төгрөг тутмыг халааслаад зогсохгүй устгасныгаа махан бүтээгдэхүүн болгоод давхар ашиг олчихдог юм биш байгаа.

Мэргэжлийн компаниудын 10 гаруй жил ажилласан туршлагатай ажилчид устгал хийдэг учраас сум алдах зэрэг тохиолдол бүртгэгдээгүй гэж Улаанбаатар хотын захирагчийн ажлын албанаас өмөөрч, өмгөөлж ирсэн. Гэтэл тендэрт шалгарсан компаниудын үйл ажиллагааны чиглэлд агнуур, буудлагын талаар ганц үг үсэг багтаагүй.

Өлтэ ХХК Сонгинохайрхан, Хан-Уул, Багахангай дүүрэг дэх муур, нохдыг устгахаар 432,000,000 төгрөгийн тендэрт шалгарсан байдаг.

Ердөө дөрөвхөн жилийн өмнө, 2018.01.18-ны өдөр байгуулагдсан энэ компани автомашины засвар үйлчилгээ, барилгын материалын худалдаа, аялал жуулчлалын чиглэл дээр нэмээд хүнсний дэлгүүр, цайны газар ажиллуулна гэж зөвшөөрлөө авч.

Мөн тус компанийн нэг эзэмшигч С.Ганболд гэж хүний нэрээр 10 гаруй аж ахуйн нэгж бүртгэлтэй бөгөөд тэдгээрийн ихэнх нь зочид буудал, цайны газрын чиглэлээр үйл ажиллагаа эрхлэх зөвшөөрөлтэй байгаа нь жихүүцэс төрүүлж байгаа юм.

Өлтэ компанийн данс руу:

  • 2022.05.19-нд 3650 ширхэг эзэнгүй муур, нохой устгасан хэмээн 42.9 сая төгрөг
  • 2022.04.07-нд 26.4 сая
  • 2022.03.11-нд 2086 ширхэг эзэнгүй нохой, муур устгал 24.5 сая
  • 2022.02.01-нд 5135 ширхэг эзэнгүй нохой, муур устгал 60.7 сая
  • 2021.12.15-нд 3817 ширхэг эзэнгүй нохой, муур устгал 44.8 сая
  • 2021.12.21-нд 662 ширхэг эзэнгүй нохой, муур устгал 7.7 сая
  • 2021.11.10-нд 3547 ширхэг эзэнгүй нохой, муур устгал 41.7 сая
  • 2021.10.13-нд 2904 ширхэг эзэнгүй нохой, муур устгал 34.1 сая
  • 2021.09.09-нд 3392 ширхэг эзэнгүй нохой, муур устгал 39.8 сая
  • 2021.08.12-нд 3095 ширхэг эзэнгүй нохой, муур устгал 36.3 сая
  • 2021.07.08-нд 3121 ширхэг эзэнгүй нохой, муур устгал 36.7 сая
  • 2021.06.07-нд 2934 ширхэг эзэнгүй нохой, муур устгал 34.5 сая
  • 2021.05.11-нд 3154 ширхэг эзэнгүй нохой, муур устгал 37 сая
  • 2021.04.09-нд 3521 ширхэг эзэнгүй нохой, муур устгал 41.4 сая
  • 2021.03.05-нд 2000 ширхэг эзэнгүй нохой, муур устгал 23.5 сая
  • 2021.02.10-нд 3779 ширхэг эзэнгүй нохой, муур устгал 44.4 сая гэхчлэнгээр ганцхан жилийн дотор хагас тэрбум илүүг шилжүүлсэн буюу тендэрт оноогдсон 432 сая төгрөгөөс даруй 200 сая төгрөг илүү нэмж авсан байгаа юм.

“Базалт нэгдэл” ХХК-ийн тухайд 2013.09.10-нд байгуулагдсан бөгөөд нохой, муур устгалын 444 сая төгрөгийн тендэрт шалгарч. Үйл ажиллагааны чиглэл нь аялал жуулчлал, авто машинаар ачаа тээвэрлэх, лангуу түрээслэх, гадаад худалдаа, барилгын засвар гэсэн атлаа 2017 оноос Улаанбаатар хотын ерөнхий менежер бөгөөд Захирагчийн ажлын албаны даргаар Т.Гантөмөр томилогдон ажиллах болсон цагаас эхлэн муур, нохой устгах ажлыг гүйцэтгэж иржээ.

Сүүлийн нэг жилийн дотор гэхэд тус компанийн данс руу:

  • 2022.05.11-нд 3650 ширхэг эзэнгүй нохой, муур устгал 26.7 сая
  • 2022.04.07-нд 10.5 сая
  • 2022.03.11-нд 1095 ширхэг эзэнгүй нохой, муур устгал 12.8 сая
  • 2022.02.25-нд 3077 ширхэг эзэнгүй нохой, муур устгал 36.1 сая
  • 2021.12.15-нд 2324 ширхэг эзэнгүй нохой, муур устгал 31.9 сая
  • 2021.12.21-нд 1208 ширхэг эзэнгүй нохой, муур устгал 14.2 сая
  • 2021.12.24-нд 1300 ширхэг эзэнгүй нохой, муур устгал 15.2 сая
  • 2021.11.10-нд 2657 ширхэг эзэнгүй нохой, муур устгал 31.2 сая
  • 2021.10.13-нд 2179 ширхэг эзэнгүй нохой, муур устгал 26.1 сая
  • 2021.09.09-нд 2550 ширхэг эзэнгүй нохой, муур устгал 29.9 сая
  • 2021.08.12-нд 1984 ширхэг эзэнгүй нохой, муур устгал 23.3 сая
  • 2021.07.08-нд 2621 ширхэг эзэнгүй нохой, муур устгал 30.8 сая
  • 2021.06.07-нд 2817 ширхэг эзэнгүй нохой, муур устгал 33.1 сая
  • 2021.05.11-нд 2553 ширхэг эзэнгүй нохой, муур устгал 30 сая
  • 2021.04.09-нд 2910 ширхэг эзэнгүй нохой, муур устгал 34.2 сая
  • 2021.03.05-нд 1834 ширхэг эзэнгүй нохой, муур устгал 21.5 сая
  • 2021.02.10-нд 1893 ширхэг эзэнгүй нохой, муур устгал 22.2 сая гэхчлэн мөн хагас тэрбумыг одоогоор авчихаад байгаа.

Харин 324 сая төгрөгийн тендэрт шалгарсан “Их булаг АТҮК” ХХК нь 2020.04.15-ны өдөр нохой, муурны пайз хийх тендэрт шалгарч байж.

Өндөр үнийн дүнтэй эдгээр тендэрт шалгарахаас ердөө жил гаруйхны өмнө эл компани амьтан алах бус, эсрэгээрээ мал аж ахуй эрхлэхээр байгуулагдаж байсан байгаа юм. Удалгүй мах махан бүтээгдэхүүний үйлдвэрлэл, худалдаа, газар тариалан, худалдааны зуучлал хийхээр үйл ажиллагааны чиглэлээ нэмээд нохой, муурны пайз хийн, түүнээсээ цаашлаад эзэнгүй нохой, муурны устгалд нэгдсэн бололтой.

Тус компанийн улсын бүртгэлийн хаяг дээр Ш.Шижир захиралтай “АХА ерэн ес” гэх компани бий бөгөөд тэр нь хүнсний дэлгүүр, хүлэмжийн аж ахуй, хүнсний болон жижиглэнгийн худалдаа эрхлэхээр үйл ажиллагаагаа тодорхойлсон байгааг анхаарлын гадна үлдээж болохгүй.

Тендэрт шалгарсан “Их булаг АТҮК” компанийн данс руу:

  • 2022.05.11-нд 1976 ширхэг эзэнгүй нохой, муур устгал 23.2 сая
  • 2022.04.07-нд 10.7 сая
  • 2022.03.11-нд 1110 ширхэг эзэнгүй нохой, муур устгал 13 сая
  • 2022.02.01-нд 2893 ширхэг эзэнгүй муур, нохой устгалд 34 сая
  • 2021.12.15-нд 1857 ширхэг эзэнгүй нохой, муур устгал 22.9 сая
  • 2021.12.21-нд 1620 ширхэг эзэнгүй нохой, муур устгал 19 сая
  • 2021.12.24-нд 1200 ширхэг эзэнгүй нохой, муур устгал 14.1 сая
  • 2021.11.10-нд 2036 ширхэг эзэнгүй нохой, муур устгал 23.9 сая
  • 2021.10.13-нд 1741 ширхэг эзэнгүй нохой, муур устгал 20.4 сая
  • 2021.09.09-нд 1948 ширхэг эзэнгүй нохой, муур устгал 22.9 сая
  • 2021.08.12-нд 1391 ширхэг эзэнгүй нохой, муур устгал 16.3 сая
  • 2021.07.08-нд 1844 ширхэг эзэнгүй нохой, муур устгал 21.6 сая
  • 2021.06.07-нд 1888 ширхэг эзэнгүй нохой, муур устгал 22.2 сая
  • 2021.05.11-нд 1690 ширхэг эзэнгүй нохой, муур устгал 19.8 сая
  • 2021.04.09-нд 2121 ширхэг эзэнгүй нохой, муур устгал 24.9 сая
  • 2021.03.05-нд 1902 ширхэг эзэнгүй нохой, муур устгал 22.3 сая
  • 2021.02.10-нд  2013 ширхэг эзэнгүй нохой, муур устгал 23.6 сая гэхчлэн мөн тендэрт оноогдсон дүнгээс илүүг авчихсан яваа.

Буудсан муур, нохойны сэг зэмийг Цагаан давааны төвлөрсөн хогийн цэгт аваачиж устгалд оруулдаг бөгөөд энэ ажлыг Хот тохижилтын газраас хариуцан устгасан нохой, муурыг давтан тоолж баримтжуулаад дарж булах, зууханд шатаах ажлыг хийдэг гэж байгаа.

Ингэснийхээ төлөө төсвөөс сар бүр 20 гаруй сая төгрөг мөн авдаг аж.

  • 2022.05.11-нд 35.7 сая
  • 2021.11.10-нд 20.2 сая
  • 2021.12.15-нд 20.2 сая
  • 2021.10.13-нд 20.2 сая
  • 2021.09.09-нд 20.2 сая
  • 2021.08.12-нд 20.2 сая
  • 2021.07.08-нд 20.2 сая
  • 2021.06.07-нд 20.2 сая
  • 2021.05.11-нд 10.5 сая
  • 2021.05.11-нд 9.7 сая
  • 2021.04.09-нд 20.2 сая
  • 2021.03.05-нд 20.2 сая төгрөг шилжүүлсэн мэдээллийг шилэн данснаас харж болно.

Түүнчлэн төсвөөс яаж л мөнгө зувчуулж болмоор байна, бүх л арга саамыг эрх баригчид, хотын удирдлагууд хайсаар ирж гэдгийн баталгаа гэмээр мөнөөх сэг, зэмийг устгалд оруулж булах эсвэл шатааж байгааг харж, гэрчилдэг гээд “Бид туслая” төрийн бус байгууллага сар бүр 11 сая төгрөг авсаар ирж.

2016.11.07-нд байгуулсан энэ төрийн бус байгууллагын гүйцэтгэх захирал Ч.Энхжаргал гэгч нь Хотын Захирагчийн ажлын албанд 2017.03.28-нд ажилд орсон гэх мэдээлэл Авлигатай тэмцэх газрын Хөрөнгө орлогын мэдүүлэгт байгаа юм. Жилийн 36.8 сая төгрөгийн орлоготой, хадгаламжиндаа 61.9 сая төгрөгтэй тэрбээр муур нохойн сэг, зэмийг устгасан эсэхийг гэрчилсэн гээд

  • 2022.05.13-нд 6.2 сая
  • 2022.05.13-нд  14.1 сая
  • 2021.12.23-нд 11 сая .
  • 2021.10.13-нд 11 сая
  • 2021.09.09-нд 11 сая
  • 201.08.12-нд 11 сая
  • 2021.07.08-нд 11 сая
  • 2021.06.07-нд 11 сая
  • 2021.05.11-нд 11 сая
  • 2021.04.09-нд 11 сая
  • 2021.03.05-нд 11 сая
  • 2021.02.10-нд 11 сая гэхчлэн ганцхан жилийн дотор 130 гаруй сая төгрөгийг төрийн бус байгууллагынхаа дансаар авчээ.

Зарцуулах хөрөнгө мөнгөний дүн нэмэгдэхийн хэрээр хотын гудамжаар гүйлдэх эзэнгүй муур нохдын тоо буурахгүй байгаа нь эдгээр нөхөд орлогоо алдахгүйн тулд хаа нэгтээ үржүүлгийн газар санаатайгаар ажиллуулдаг юм биш биз гэх хардлагыг мөн төрүүлж байна. Нэгхэн сарын дотор тэрбум илүү төгрөг төсөвлөөд 800 гаруй саяыг зарцуулж байна хардахаас аргагүй дүн.

Нөгөөтэйгүүр нийтлэлийн эхэнд дурьдсанчлан муур нохой устгагчид бүгд мах махан бүтээгдэхүүн бэлтгэх, аялал жуулчлал, зочид буудал, цайны газар ажиллуулах зөвшөөрөлтэй байх нь мөн л сэжигтэй.

Харсаар байтал хүнсэнд хэрэглэх боломжгүй хатангаршсан, өвчилсөн, тураалдаа хүрсэн муур нохдыг устгасан болчихоод үлдсэнийг нь нийслэлчүүдийн хүнсэнд явуулчихдаг юм биш байгаа?!!! … Хардах л асуудал…

Учир нь нохой муур устгагчид сүүлийн үест улаан цагаандаа гарч, айлын хашаа руу орж уяатай нохдыг буудах, орон сууцны хотхонд хүүхэд хөгшдийн нүдэн дээр эзэнтэй муур нохой буудах эрээгүй явдал ихэссэн. Ингэж яваад орон сууцны, айлын цонх алдаж буудсан явдал ч бий… Тэдэнд эзэнтэй, зориулалтын хоол хүнсээ иддэг эрүүл, таргалан цатгалан муур ноход яагаад тэгтэл хэрэг болоод байна вэ… Ийм муур, нохдын мах иргэдийн хүнсэнд зохицоод байдаг юм биш байгаа…

Эл хардлагыг батлах мэт гарал үүсэл тодорхойгүй, эзэн холбогдогч олдохгүй байгаа олон тонн муудсан махны агуулахаас тарган цатгалан, өнгө үзэмж хэвийн нохой үхсэн байдлаар олдсон нь тун сэжигтэй. Махны жин нэмэгдүүлж, хөвсгөр дүүрэн харагдуулахад ашигладаг гэгдээд буй ЦАРДУУЛ гээч бодис тэнд бас ямар хэрэгтэй байх билээ!!!

Үүнийг нэхэн сурвалжлалгүй орхино гэдэг байж боломгүй хэрэг. Тиймээс анхаарал татсан эл асуудлыг, тэр дундаа нохой устгах тендэрт ялагсад цайны газар ажиллуулах зөвшөөрөлтэй байдгийн учрыг үргэлжлүүлэн судлах болно.

Тэрчлэн www.neguun.mn сайтынхны эрэн сурвалжлагаар илчлэгдсэн “Ихэр Шарангад” гэдэг нь “Их үйлсийн эрэлд” группийн охин компани бөгөөд Шадар сайд С.Амарсайхан Хотын захирагч байхдаа газар эзэмших гэрчилгээг нь 2017.10.04-ний өдрийн А\726 тоот захирамжаар сунгаж байсан мэдээллийг дараагийн дугаарт тодорхой баримтуудад үндэслэн хүргэнэ.

Эрэн сурвалжлах сэтгүүлзүйн НАЖ МОГОЙ үндэсний холбоо

Энхтайваны гүүрийг зассан компанид Б.Мөнхбаатар сайд ганцхан сарын өмнө тусгай зөвшөөрөл олгожээ

/

Нийслэлийн авто замын засвар эхлэхээс өмнө их бага шимэгчдээсээ салахгүй бол бодож, хүссэн шиг чинь чанартай, чансаатай ажил хэзээ ч хийгдэхгүй Д.Сумъяабазар аа!!!

Улаанбаатар авто зам засвар арчлалтын газрын ахлан нягтлан бодогч Б.Болормаа гэхэд л хоёр компаниар дамжуулан төсвийн хөрөнгийг хэмнэх биш хэрхэн зувчуулах арга саам хайсаар, хийсээр ирснийг өмнөх нийтлэлээр хүргэсэн. “Мөнгөлөг өнгөлөг”, “Тавалтайн рашаан” гэх хоёр компани руу орон нутгийн өмчит, аж ахуйн төрийн үйлчилгээний газрын хөрөнгө оруулалтыг хөнгөхөөн шилжүүлчихдэг Б.Болормаа чинь өнөө хэр тэндээ оршсоор, ажилласаар байхад хариуцлагатай, чанартай ажлын үр дүнг энэ байгууллагаас хүлээсээр байгаа бол эмгэнэл юм.

Түүний хуудайтай үйлдлийг мэдсэн ч мэдээгүй дүр эсгэн, хамаг бүгдээ даатган суугаа орлогч дарга Б.Алгаа нь түүний хамтрагч биш байгаа?!

Улаанбаатар зам засвар, арчлалтын газар ОНӨААТҮГ-т 2016.10.13-нд ажилд орж байсан энэ нөхрийг УИХ-ын гишүүн Э.Бат-Амгалан тухайн үед НИТХ-ын төлөөлөгчөөр сонгогдсоныхоо дараахан шургуулж, ингэхдээ тус байгууллагын талаар “А” ч үгүй амьтныг албаны даргын суудалд өргөж аваачаад тавьчихсан гэх юм билээ.

Үнэний ч ортой байх. Хоёрхон жил албаны дарга гэх статус дээр сандаачиж байсан тэрбээр 2019.05.06-ны өдөр гэнэтхэн байгууллагын орлогч дарга болон огцом дэвшсэн нь мэдлэгтэй, ажлын дадлага туршлагатай нөхдөөр удирдуулах ёстой энэ газрын хувьд зүүд зэрэглээ шиг томилгоо юм.

Б.Алгаагийн ар тал, түшиг, түлхээс нь гэгддэг Э.Бат-Амгалангийн хувьд улс төрийн түүх, туршлага мөн хомс.

Баянзүрх дүүргийн Засаг дарга, НИТХ-ын төлөөлөгчөөр ажиллаж, өдгөө УИХ-ын гишүүн болсон түүний богино хугацааны дэвшилтийн дэмжлэг нь Хууль зүй, дотоод хэргийн сайд Х.Нямбаатар гэдэг.

Э.Бат-Амгалан АТГ-д мэдүүлсэн Хөрөнгө орлогын мэдүүлэгтээ ганц ч компанид хувь, хувьцаа эзэмшдэггүй гэсэн атал Улсын бүртгэлд түүний нэрээр “Соёл урлагийн хөгжлийг дэмжих андгай, Монголын цамцгүй хэвтээ шахалтын холбоо” гэх мэт байгууллагаас гадна “Оомото монгол төв” шашны байгууллага бүртгэлтэй байдаг нь сонин. Мөн “Мүүнрөүд групп” бий. 2011 онд байгуулагдсан эл компанийн захирлаар Э.Бат-Амгалан бүртгэлтэй бол хамтран эзэмшигч нь Хууль зүй, дотоод хэргийн сайд Х.Нямбаатар байсан ч хэн хэн нь саяхнаас нэрээ хасуулсан байдаг нь баримт.

“Хос орд групп” ХХК ч УИХ-ын гишүүн Э.Бат-Амгалангийн нэр дээр бүртгэлтэй.  2012 онд байгуулагдахад захирлаар Э.Бат-Амгалан, хамтран эзэмшигчээр Барилга хот байгуулалтын сайд Б.Мөнхбаатар бүртгэлтэй байсан ч мөн нэрээ хасуулцгаасан байгаа юм.

Тэрчлэн Э.Бат-Амгалангийн нэр дээрх олон компанийн хамтралд БЗД-ийн Засаг дарга Н.Баярмөнх, дүүргийн Албан бус насан туршийн боловсролын төвийн дарга Д.Отгонсүрэн нар бүртгэлтэй байдаг байхад тэрбээр Хөрөнгө орлогын мэдүүлэгтээ юу ч үгүй хэмээн хоосон цаас илгээдэг нь сонин.

Тэгсэн атлаа НИТХ-ын төлөөлөгчөөр ажиллаж байхдаа жилийн 236.8 сая төгрөгийн орлоготой байснаа УИХ-ын гишүүн болсон жил 506.9 саяын орлоготой болчихсон нь Авлигатай тэмцэх газрынхны анхаарах л ёстой өсөлт.

Нэг ч компанийн хувь, хувьцаа эзэмшдэггүй гэх УИХ-ын гишүүний хэтэвчийг хэн ингэтэл зузаатгаад байна вэ…

Эрхэм гишүүний татаас гэгддэг Улаанбаатар зам засвар, арчлалтын газар ОНӨААТҮГ-ын орлогч дарга Б.Алгаа хүртэл ажилд орохдоо мэдүүлж байсан орлого нь жил хүрэхгүй хугацааны дараа найм дахин өссөн байдаг. Үл хөдлөх хөрөнгийнх нь үнэлгээ ч үлэмж өссөнийг АТГ-т мэдүүлсэн Хөрөнгө орлогын мэдүүлгээс нь харж болно.

Анх ажилд орохдоо “Toyota Prius20” маркийн автомашинтай байснаа орлогч дарга болмогц хөл дүүжлэх унаагүй болсон хэмээн АТГ-т мэдүүлсэн байгаа.

Гэсэн атал автомашиныг оймс шигээ сольдог чика нэгэн гэдгийг ажлынхан нь хэлж байгаа юм. Тэгэхээр хөрөнгө орлогоо нуун дарагдуулах, мэдүүлэхгүй байх муухан аргад суралцсан юм уу гэмээр. Учир нь жилийн дотор Lexus маркийн жийп ангиллын машиныг яг л оймсоо сольж буй мэт гурван ч өөр өнгө болгон унаж амжсан, энэ он гарсаар дахин 2 ч автомашин сэлгэчихсэн гэдгийг Улаанбаатар зам засвар, арчлалтын газрын жолооч нар хэлж байна.

Ерөнхий сайд Л.Оюун-Эрдэнэ төсвийн байгууллагуудын дарга нарыг том оврын автомашин хөлөглөхийг хориглох шийдвэр гаргамагц тэр дор нь 29-99УАЕ дугаартай Lexus570 маркийн автомашинаа RX350 болгочихсон гэж байгаа.

Гэсэн атлаа АТГ-т хөл дүүжлэх унаагүй гэж мэдүүлсээр ирсэн.

Үнэхээр унаагүй, бусдын машин гуйдаг юмуу гэхээр байгууллагаасаа үргэлж шатахууны талон бичүүлж, тогтмол авсаар ирсэн нь ярвигтай.

Энэ газарт Б.Алгаа дангаар ноёрхоод зогсохгүй өөрийн найз Б.Ариунбаатар гээчийг жилийн өмнө ажилд авсан байдаг. Нөгөөх нь мөн Prius30 маркийн автомашинтай орж ирснээ хэдхэн сарын дараа 14-14 УНЧ “4 Runner” маркийн машинтай болчихсон гэж байгаа.

Зах зээлийн ханш нь 130 гаруй сая төгрөгөөр хэмжигддэг эл машины эзэмшигчийн нэр нь банк бус санхүүгийн байгууллага байгаа нь мань эр зээлээр авсныг нотлох нотолгоо биз. Гэхдээ орон нутгийн өмчит байгууллагын шинэхэн ажилтны 5-6-хан сарын цалингаар 100 гаруй сая төгрөгийн өртөг бүхий автомашин авна гэдэг тооны машинд үл зохицох тооцоо…

Тухайн байгууллагын шилэн дансны бүртгэлд 2021.04.15-нд буюу Б.Ариунбаатарыг тус газарт ажилд ороод удаагүй байхад данс руу нь 9.5 сая төгрөгийг “хайс будах будаг шингэлэгч” гэх утгаар шилжүүлсэн баримт бий. Эндээс эхлэн Б.Ариунбаатар, Б.Алгаа нарын хөрөнгө орлогын өсөлтийг шалгахад буруутахгүй юм.

Мөн нэн ноцтой факт мэдээллийг тус газрын ажилтнуудаас өгч байгаа.

Энхтайваны гүүрний дугуй цохигчийн эвдрэлийг засварлах, будах, явган хайсны ширмэн хэсгийг өнгөлж будаж байгаа нь гээд өнгөрөгч оны өдийд бөөн ажил болсж байсныг уншигчид санаж буй биз.

Уг ажлыг “Дөлгөөн холболт” гэгч компани гүйцэтгэхээр болж Улаанбаатар зам засвар, арчилчлалтын газар ОНӨААТГ-тай 2021.05.05-нд №210505/АГ-013 тоот гэрээг үзэглэсэн байдаг. Нийт ажлын хөлс нь 44.892.176 төгрөг.

Ингээд

  • 2021.05.01-нд ЭТГ-ний засварын урьдчилгаа 15 сая
  • 2021.05.07-нд ЭТГ-ний засварын гүйцэтгэл 28.6 сая төгрөг шилжүүлсэн байгаа юм.

Тухайн үед ковидын улмаас нийслэлд өндөржүүлсэн бэлэн байдал зарлаад байв.

Энхтайваны гүүрний засварт хотын дарга Д.Сумъяабазар ихээхэн анхаарал хандуулж, нийслэлийн Захирагчийн ажлын албаны дарга Т.Гантөмөр хэдэнтээ тойрч, гүйцэтгэлийг шалгах нэрийдлээр баахан аахаг таахаг болсон.

Гэтэл үнэн хэрэгтээ Улаанбаатар зам засвар, арчлалтын газар ОНӨААТҮГ-ын оффис ажилтнуудаас эхлээд зогсоолынхныг хүртэл дайчлан гүйцэтгүүлсэн хэрнээ “Дөлгөөн холболт” компани хийсэн хэмээгээд тус компани руу мөнгө шилжүүлсэн байгаа юм.

Ингээд зогсохгүй, хамгийн ичгүүртэй увайгүй нь, “Дөлгөөн холболт” компанийн хийж гүйцэтгэсэн ажил хэмээгээд гэрэл зургаар баталгаажуулан хүлээлгэж өгсөн зургууд нь Улаанбаатар зам засвар, арчлалтын газар ОНӨААТҮГ-ын хоёр шөнө, өдөр нойр хоолгүй дайчлагдан ажилласан ажилтнуудын зураг байх бөгөөд үүнийг нь захиалагч тал буюу Улаанбаатар зам засвар, арчлалтын газар хүлээн авсан гээд тайлан гаргасан байдаг.

Энэ үйлдэл нь өөрөө “Дөлгөөн холболт” гэх компанийг орлогч дарга Б.Алгаагийн хамаарал бүхий юм гээд шалгачихад буруудахгүй гэдгийг харуулж буй хэрэг. Нөгөөтэйгүүр, Улаанбаатар зам засвар, арчлалтын газрын ажилтан бүхэн ийм ичгүүргүй “мөнгө идэлт”-ийг мэдэж байхад мөнөөх ахлах нягтлан бодогч Б.Болормаа мэдээгүй байна гэдэг үлгэр!!!

Тиймээс Б.Болормаа, Б.Алгаа нар хэн хэнийгээ хэлж, шүүмжилж чадахгүй болтлоо цагаандаа гарсан нөхөд үү, эсвэл хань хамсаатан уу гэх хардлага эрхгүй төрж байгаа юм.

Үл гээн үргэлжлүүлэн хөөх нэг сэжим нь Улсын бүртгэлээс зөвхөн гадаад худалдаа явуулна хэмээн байгуулсан Дөлгөөн холболт компанид Барилга, хот байгуулалтын сайд Б.Мөнхбаатар Энхтайваны гүүрний засвар, арчлалтын ажил авахаас ердөө ганцхан сарын өмнө ТУСГАЙ ЗӨВШӨӨРӨЛ олгосон байдаг.

УИХ-ын гишүүн Э.Бат-Амгалан, Барилга хот байгуулалтын сайд Б.Мөнхбаатар нар 2012 онд “Хос орд групп” ХХК-ийг хамтран байгуулж байсныг дээр дурьдсан. Энэ холбоос нь Б.Алгаагийн ард Э.Бат-Амгалан байдаг гэх хардлагыг баталж байгаа юм. Мань эр ч Э.Бат-Амгалангийн үг үйлдэл, зураг хөрөг юу л байна бүгдийг цахим хуудсаараа шэйрлэж дэмждэг нь ил цагаан юм билээ.

Б.Мөнхбаатар сайд “Дөлгөөн холболт” компанид яагаад тусгай зөвшөөрөл олгох болсон талаар жич хүргэх тул энд түр орхиё…

“Дөлгөөн холболт” компанийн албан хаяг дахь “Бор анар”, “Силвермүүн” гэх хоёр компаниуд өөр нэг сэжим рүү биднийг хөтөлнө. Силвермүүн компанийн захирал Чойжилсүрэнгийн Энхжаргал гэж байх бөгөөд түүний нэрээр Баруун хараа тохижилт үйлчилгээ Орон нутгийн өмчит ААТҮГ, Байгаль орчин сум хөгжил төв, Шинэ дэлхийн иргэн төрийн бус байгууллагууд бүртгэлтэй байгаа юм.

Энэ талаарх мэдээллийг ч дараагийн дугаараар хүргэнэ.

Ямартай ч хотын дарга Д.Сумъяабазар нийслэлийн зам арчлалт, засварын ажил эхлэхээс өмнө энэ мэт шимэгчдээсээ салж, салаад зогсохгүй холбогдох хууль хяналтын байгууллагуудад шалгуулдаггүй юм бол бид хараа хяналтаа улам бүр ахиулан дээрх нэр бүхий нөхдийн холбогдох факт мэдээллүүдийг нийтэлсээр байх болно.

У.Хүрэлсүхийг Монгол Улсын Ерөнхийлөгчөөр сонгогдохтой зэрэгцэн засч сайжруулсан гэх Их тэнгэрийн хойд талын замын хэсгээс хүртэл хэрхэн цөлмөсөн баримт бүрэн эхээрээ ирсэн байгаа болно.

Эрэн сурвалжлах сэтгүүлчдийн НАЖ МОГОЙ үндэсний холбоо

Зам засвар эхлэхээс өмнө шимэгчдээсээ сал, Хотын захирагч аа!!!

/

Эвдрээгүй зам хуулж, элэгдээгүй бродюр солин хөрөнгө мөнгө урсгаж буй нөхцөл байдлыг олон нийт хурцаар шүүмжлэн, эгдүүцэж байгаа. Яг энэ цаг үед нь Авто зам засвар, арчлалтын компанид шигсэн, ажилдаа, төсвийн хөрөнгө мөнгөнд өөриймсөг бус хүний, хатуухан хэлбэл хулгайн сэтгэлээр ханддаг удирдлага, нягтлангуудаас салахгүй бол нийслэлийн автозам хэзээ ч бүрэн зориулагдсан хөрөнгөөрөө засагдаж, арчлагдахгүй гэдгийг эх сурвалжаас хэлж байна, Хотын дарга аа…

Нийслэлийн авто зам засвар арчлалтын газар ОНӨААТҮГ-ын жолооч, ажилтнуудаас доорх мэдээллийг ирүүлж буй бөгөөд олон он дамнасан эл бусармаг байдлыг таслан зогсоохгүй бол хэрээс хэтэрч, нэг л өдөр тус газрын жолооч нар хэрэгт холбогдож болзошгүй байгаа бололтой.

Учир нь Нийслэлийн авто зам засвар арчлалтын газрын ахлан нягтлан бодогч Б.Болормаа гэх эмэгтэй байж боломгүй үйлдэл, зарлага, орлогын падаан, зам явахууддаа жолооч болон бусад ажилтнуудыг гарын үсэг зур хэмээн зуруулдаг гэнэ.

Байгууллагын удирдлагууд нь ч үг хэлж чадахаа больчихсон энэ нөхрийг Нийслэлийн авто замын газрын даргаар ажиллаж байсан Д.Батмөнхийн тавиул гэдэг аж.

2020 оны сонгуульд намаасаа нэр дэвших квот өвөрлөсөн ч сонгогчдын итгэлийг хүлээж чадалгүй өвдөг шороодсон Дамжингийн Батмөнх гэх энэ эр нэрээ Бат-Эрдэнэ болгон Хөдөө аж ахуйн их сургууль, Санхүү эдийн засгийн дээд сургууль төгссөн гэх хуурамч диплом ашиглан Нийслэлийн авто замын газрын дарга, Чингэлтэй дүүргийн Иргэдийн төлөөлөгчдийн хурлын даргын албан тушаал хашиж байсан гэдгээр нь уншигчид мэдэх биз.

Улмаар Нийслэлийн авто замын газрын даргаар ажиллах хугацаандаа төсвийн хөрөнгийг хууль бусаар зарцуулсан хэрэгт холбогдон 2008 онд УИХ-ын сонгуульд нэр дэвшиж байсан Д.Очирбат, нийслэлийн Засаг дарга асан Ц.Батбаяр, Чингэлтэй дүүргийн Засаг дарга асан Д.Ганболд нарын хамт авлига, албан тушаалын хэргээр шалгагдаж байсан.

Ингэхдээ албан тушаалаа ашиглан тендэр будлиулж нийслэл, дүүргийн Засаг дарга нарт тус бүрт нь хувь өгдөг, албан тушаалтан хооронд авлигын мөнгө сэлт зөөх үүргийг түүний “Эрдэнэ суварга” ХХК-ийн нягтлан бодогчоор ажилладаг Д.Энхмандах гэгч гүйцэтгэдэг гэгдэн Д.Энхмандах нь ч дээрх дарга нарын хэрэгт шалгагдаж байв.

Өөрийгөө генсэк Д.Амарбаясгалангийн хүн тул хэн ч, яаж ч чадахгүй шүү хэмээн сайрхдаг гэх Д.Батмөнхийн “тавиул”, Нийслэлийн авто зам засвар арчлалтын газрын ахлан нягтлан бодогч Б.Болормаа ч Д.Батмөнхийнхөө нэгэн адил албан байгууллагадаа хойноос ирээд хот, хотонд ороод хонь минийх үлгэрээр даам гарч, “миний ард Д.Батмөнх дарга байхад та муусайнууд яаж ч чадахгүй шүү” гэх байдлаар ханддаг гэнэ.

Тэрчлэн ажлын байрандаа архидан согтуурах үйлдэл байсгээд гаргадаг ч түүнд хариуцлага тооцож чаддаг дарга энэ байгууллагад байхгүй гэдгийг эх сурвалжууд хэлж байна.

Бүхэл бүтэн Нийслэлийн авто зам засвар арчлалтын газрыг хувийн компани шиг болгочихсон энэ ахлах нягтлан “Тавалтайн рашаан”, “Мөнгөлөг өнгөлөг” гэх хоёр компанийн нэрээр мах, гурил, саван, вок гээд бараа материал, зам засварын арчлалт, хамгаалалтын бүхий л эд материалыг нийлүүлдэг гэдгийг жолооч нар хэлж байна.

Тэрбээр авто баазаас машин гаргуулж, томоохон зах худалдааны төв орж хоол, хүнсний бүтээгдэхүүн, саван, угаалгын нунтаг зэрэг цэвэрлэгээний материалыг хамгийн хямд доод үнээр цуглуулчихаад хоосон падаан дээр өртгийг нь өсгөн бичиж, “Мөнгөлөг өнгөлөг” гэх компанийн тамгыг даран мөнгө завшдаг, энэ ажилдаа явсан жолооч нарын замын хуудсыг өөр алба, ажлаар бөглүүлэн гарын үсэг зуруулдаг юм байх.

“Тавалтайн рашаан”, “Мөнгөлөг өнгөлөг” гэх хоёр компани Б.Болормаагийнх гэдгийг 2019-2020 онд хэсэгхэн хугацаанд ажлаас гарсан цаг үе, нөхцөл байдал нь нотлох бөгөөд энэ хоёр онд Б.Болормаатай цуг алга болсон компаниуд түүнийг эргээд ажилдаа орохтой зэрэгцэн нийлүүлэлтээ үргэлжлүүлж эхэлсэн гэдгийг нэрээ нууцлахыг хүссэн удирдах албан тушаалтнаас нь мөн өгч байна.

Тэрбээр эцэстээ цагаандаа гарч, хоёр компанийнхаа тамгыг халааслаад явж байдаг болсон төдийгүй гаднаас ирсэн тамгагүй падаан дээр дарж, хуурамч гүйцэтгэл үйлддэг байдал нь хэрээс хэтэрсэн юм байх.

“Тавалтайн рашаан” компани 2014.06.23-нд байгуулагдсан бөгөөд барилгын засвар хийх, барилгын дотор гэрэлтүүлэг, цахилгаан хангамж, холбоо дохиолол, интернет сүлжээ, гал унтраах болон галын аюулын дохиоллын системийн угсралт, гадаад худалдаа, барилгын материалын худалдаа, явган хүний хашлага, хавтан солих, замын тэмдэг тэмдэглэгээ хийнэ хэмээн нэр усаа авч байж.

Ажилтнуудын хэлснээр үнэхээр ч 2019, 2020 онуудад буюу Б.Болормааг хэсэг ажлаас гарсан цаг хугацаанд гүйлгээ зогссон байснаа эргээд 2021 оноос сэргэж эхэлснийг тус компанийн данс руу хийгдсэн дорх гүйлгээ харуулж байна.

  • 2016.10.20-нд 26.5 сая
  • 2016.12.26-нд 48 сая
  • 2017.01.11-нд 21.5 сая
  • 2017.01.11-нд 13.5 сая
  • 2017.01.12-нд 21.5 сая
  • 2017.02.07-нд 22.4 сая
  • 2017.02.09-нд 22.4 сая
  • 2017.04.26-нд 9 сая
  • 2017.05.31-нд 23.6 сая
  • 2017.06.11-нд 24 сая
  • 2017.07.06-нд 18.5 сая
  • 2017.12.18-нд 47.5 сая
  • 2018.05.26-нд 11.6 сая
  • 2018.05.28-нд 80 сая
  • 2018.06.28-нд 13.3 сая
  • 2018.07.06-нд 5 сая
  • 2018.07.09-нд 50 сая
  • 2018.08.21-нд 11.4 сая
  • 2018.09.26-нд 12.5 сая
  • 2021.05.17-нд 40 сая
  • 2021.05.17-нд 50 сая
  • 2021.10.13-нд 51.7 сая
  • 2021.12.22-нд 6.4 сая төгрөг шилжсэн энэ баримтыг шилэн данснаас харчихаж болно.

Харин “Мөнгөлөг өнгөлөг” компанийг 2010.10.13-нд байгуулсан байх бөгөөд Б.Болормаагийн найз Б.Мөнхсарнай гэх нөхөр захирлаар нь ажилладаг аж. Тэд “Нийтийн үйлчилгээний Улаанбаатар  нэгтгэл” ОНӨААТҮГ-т хамт ажиллаж байсан үеэс нөхөрлөжээ.

Эл компани Орон нутгийн өмчит аж ахуйн тооцоот үйлдвэрийн газарт мах, гурил, саван, вок гээд нийлүүлэхгүй бүтээгдэхүүн байхгүй. Зөвхөн шилэн дансанд байгаа мэдээллийг шүүвэл мөн л Б.Болормааг ажлаас гарах хүртэл урсч байгаад хэсэг зогссон байдаг.

  • 2016.10.21-нд 29.5 сая
  • 2016.12.26-нд 43 сая
  • 2017.01.11-нд 21.6 сая
  • 2017.05.31-нд 21.5 сая
  • 2017.06.11-нд 24.6 сая
  • 2017.07.06-нд 15.5 сая
  • 2017.10.25-нд 18.6 сая төгрөг шилжүүлсэн мэдээллийг шилэн данснаас харж болох бөгөөд үүнээс хойших гүйлгээг кассын тайлангаас харчихад хангалттай гэж байгаа.

Тэрбээр ажилдаа эргээд орсон 2021 онд гэхэд л 70.6 сая төгрөг шилжүүлсэн нь кассын баримтаар нотлогдоно гэдгийг удирдах албан тушаалтнаас нь хэлж байна.  

Нийслэлийн авто зам засвар арчлалтын газар ОНӨААТҮГ нь авто бааз, асфальт, тэмдэг тэмдэглээний үйлдвэр гээд гурван газарт хоол, хүнсний болоод бусад материал авдаг.

Ингээд тооцвол түүний “хулгайн” орлого огтхон ч тасардаггүй, тасалддаггүй аж.

Б.Болормаа нь санхүүгийн хүн учраас төдийлөн хий гаргадаггүй. Газрын дарга нараар хий хоосон гэрээнд гарын үсэг нөхөж зуруулаад огноог нь тааруулж гаршсан төдийгүй гүйцэтгэлийг хоёр дахин нэмэгдүүлж мөнгө завшиж дадсан гэх онц ноцтой мэдээллийг чихнийхээ хажуугаар өнгөрөөж болох уу, Д.Сумъяабазар аа!!!

Шалгалт ирэхээр цаас харуулаад буцаачихдаг энэ газрын касс, бэлэн мөнгөний орлого зарлагыг олигтойхон шалгаад үзчихээч…

Хэмнэ, хэмнэ, бас дахин хэмнэ гэх их лүндэнгээ эндээс эхэлж,  Нийслэлийн авто зам засвар арчлалтын газрын жолооч, ажилтнуудын анхааралд өртөн, өдгөө бүр цагаандаа гарчихаад буй нэр бүхий хоёр компанид аудит оруулж, төсвийн хөрөнгөнд хяналт тавиад өг…

Б.Болормаа гэх ахлах нягтлангийн хууль бус үйлдэлд үг хэлж чадахаа больчихсон дарга даамлууд нь “Дэвжих аг”, “Баясгалант охь” зэрэг компаниудтай холбоотой бөгөөд У.Хүрэлсүхийг Ерөнхийлөгчөөр сонгогдсоны дараахан зассан Их тэнгэр хүрэх зам, Энхтайваны гүүрийн зам арчлалтаас хэрхэн, хичнээн төгрөг идсэн, уусныг дараагийн нийтлэлээр хүргэнэ.

Дээр доргүй хулгай нүүрлэж, өөр өөрийн хулгайн фактаар нэгэндээ хариуцлага тооцож чадахгүй болчихсон энэ газрыг энэ зуны зам засвар, арчлалтын их ажил өрнөхөөс өмнө шалгаж, цэвэрлэж цэмцийлгэхгүй бол нийслэлийн автозам өнгөө засч, өөдлөн дэвжинэ гэдэг мянгуужингийн үлгэр хэвээр байх нь, Хотын дарга аа!!!

Одоо л шалгаж, халаа солио хийхгүй бол Нийслэлийн авто зам засвар арчлалтын газрын хийх ажлууд энэ оноос эхлээд тендэргүй болсон гэх сургаар баасанд шавах батгана шиг нүд нь улаанаар эргэлдсэн шимэгчид тус газрын хаяа хатавчнаас салахаа болиод дэндүү удлаа.

Ядаж байхад үндсэн үүрэг зорилгоосоо хазайн төмс ногоо тарьж, зураг альбом урлан, хэвлэл мэдээллийн хэрэгслээр хичнээн мэдээ нийтлүүлснээ л тоолж суухаас хэтрэхгүй үрэлгэн байгууллага болсныг мэдэж байгаа юу, Нийслэлийн захирагч ТА…

Үргэлжлэл бий…

Эрэн сурвалжлах сэтгүүлзүйн НАЖ МОГОЙ үндэсний холбоо

Бүлэг фракцийн асар том хамгаалалттай С.Энхболдоос хариуцлагаа эхэл, Ерөнхий сайд аа!!!

/

Баянгол дүүргийн Эрүүл мэндийн төвөөс Монголын Үндэсний их сургууль руу 2.3 тэрбум төгрөгийг гүйлгээний утга задаргаа тодорхойгүй байдлаар, 424 сая төгрөгийг шатахууны зардал нэрээр тус тус шилжүүлснийг өмнөх дугаарт хүргэсэн.

Тэрчлэн Эрүүл мэндийн сайд С.Энхболдын ээжийн компани руу 30 сая төгрөг шилжүүлсэн асуудлыг хэрхэвч зүгээр өнгөрч болохгүй юм. Үүнийг Эрүүл мэндийн сайдад өгсөн “авлига”-ын хэлбэр гээд хардах эрх бидэнд бий.

Эрдэнэс Тавантолгойн хувьцаанаас өөр хөрөнгөгүй хэмээн Авлигатай тэмцэх газарт мэдүүлсэн Сэрээжавын Энхболдын нэр дээр Монголын хэвлийн хөндийн радиологийн нийгэмлэг, Эрүүл энх ирээдүй шонхор төв, Өнө мед зэрэг компани бүртгэлтэй байх нь тоохгүй өнгөрөөх асуудал мөн үү.

Эрүүл энх ирээдүй шонхор төвийнх нь Улаанбаатар, Баянзүрх, 1-р хороо, 1001 тоот гэх албан хаягт Монголын марафон гүйлтийг хөгжүүлэх сан, Форестберриес компани бүртгэлтэй байгааг хэрхэн ойлгох вэ…

Тэрбээр Өнө мед компанийг 2018.02.12-нд байгуулж байж. Үүнээс жил хагасын дараа, 2019.10.07-нд ээж Баатарбалын Кумагаа хамтран эзэмшигчээр нэмж гүйцэтгэх захирлаар томилсон байдаг.

Сайдын ээж Б.Кума “Алтайн хан тайшир” гэх компанитай. Оролцсон тендэр бүртээ шалгардаг эл компани гадаад худалдаа, шүдний холимог үзлэг, оношилгоо, уламжлалт сэргээн засал эмчилгээний тусламж үйлчилгээ үзүүлэхээр үйл ажиллагаагаа тодорхойлсон байх бөгөөд Баянгол дүүргийн Эрүүл мэндийн төвийн дарга З.Балдандугар тус компани руу нь

  • 2021.11.12-нд 6.112.000
  • 2021.09.17-нд 8.529.600
  • 2021.10.11-нд 20.877.600 төгрөг шилжүүлсэн байх нь хэтэрхий “өлөн” гүйлгээ юү?!…

С.Энхболд сайдын ээжийн эрхээрээ хатчихсан эл компаниас гадна Баянгол дүүргийн Эрүүл мэндийн төвийг саалийн үнээ мэт болгочихсон “Хомын тал” гэх компани бий…

Гэмтэл согогын эмнэлэг юмуу гэмээр байсгээд л “Боолтын материал” нэрээр олон тооны мөнгөн гүйлгээ хийсэн байгааг ч шалгах хэрэгтэй.

Учир нь “Хомын тал” компани 2006.09.21-нд зам талбайн тохижилт, авто зам, замын байгууламжид засвар арчлалт хийх, гадаад худалдаа, тоосгоны үйлдвэр, барилгын өнгөт хавтан үйлдвэрлэл эрхлэх зөвшөөрөлтэйгээр байгуулагдсан, авто замын засвар арчилгааны чиглэлээр дагнан ажилладаг.

Гэтэл яахаараа Эрүүл мэндийн төвд “боолтны материал” нийлүүлж эхлэх болов?!…

“Хомын тал” компанийн албан хаяг дээр “Отгон уулын элч” гэх компани давхар бүртгэлтэй байдаг бөгөөд захирал Ганбатын Ганхөлөг нь Баянгол дүүргийн Хяналтын прокурор гэж байгаа.

Тэрбээр МАН Засагласан жил буюу 2017.04.01-нд уг албан тушаалд томилогдсон байгаа юм. 

Энэ нөхрийн нэр дээрх МОКРА гэх өөр нэг компанийн хамтран эзэмшигч нь УИХ-ын гишүүн асан Самбуугийн Дэмбэрэл байдаг нь сонирхолтой. Тэрбээр Монголбанкны Эдийн засгийн судалгаа, сургалтын хүрээлэнгийн захирлаар 2018.05.01-нээс томилогдон ажиллаж байгаа. 

Тэгэхээр Эрүүл мэндийн сайд С.Энхболдын ар тал дахь бүлэг фракц, тэр дундаа Монголын Үндэсний их сургууль руу ковидын хүнд үеэр шилжин “алга болсон” хэдэн тэрбумын сураг амархан гарахаар байгаа биз… Үүнтэй холбогдох мэдээллийн мөрөөр бид үргэлжүүлэн ажиллаж байна. Дэлгэрэнгүй баримт фактын хамт дараагийн дугаараас уншаарай.

Эрэн сурвалжлах сэтгүүлзүйн НАЖ МОГОЙ үндэсний холбоо

Ерөнхий сайд аа, Шинэ сэргэлтээ салбар салбарын шимэгчдээс эхлүүлнэ үү?!

/

Нэгэнт уналтад орсон эдийн засгийг хэрхэн эргэж сэргээх, босгох талаар эрхэм Ерөнхий сайд тархиа гашилган, элдэв төсөл хөтөлбөр хэрэгжүүлэхээр нойр хоолгүй явах шиг байна. Гэхдээ үүнээсээ өмнө энд тэнд идэж уун шамшигдуулсан нөхдөөсөө салж, холбогдох фактуудыг шалгавал яасан юм.

Тухайлбал, Баянгол дүүргийн Эрүүл мэндийн төвийн дарга З.Балдандугар гээч нөхрийн талаарх мэдээлэл хэвлэлүүдээр улиг болтол явж байна. Тэрбээр Эрүүл мэндийн сайд С.Энхболдын ээжийн компани руу мөнгө шилжүүлсэн байх нь ердийн асуудал уу?!

2016 оны Орон нутгийн сонгуульд нэр дэвшиж явсан энэ эрийг УИХ-ын гишүүн Ж.Ганбаатарын “долдой” гэдгээр ойр тойрныхон нь анддаггүй.

Тэрбээр Баянгол дүүргийн нэгдсэн эмнэлгийн даргаар 2019.07.10-нд томилогдож ирсэн өдрөөсөө л эмч, ажилчдыг “Харъяаллын бус хүн үзэж, тусламж үйлчилгээ үзүүлсэн гэх” шалтгаар ажлаас нь халж хэл ам таталсан байгаа юм.

Хамгийн шившигтэй нь шинэ жилээр 80 сая төгрөгийн урамшуулал авах ажилчдын нэрст өөрийгөө багтаан шагнасан байх нь мөнөөх өсөхийн өлөн арилдаггүй гэх хэлцийн тод жишээ. Өөрийгөө сайн ажилласан гээд 500.000 /таван зуун мянган төгрөг/-өөр шагнаж байгаа нөхөр юу ч идэж ууж цөлмөхөд бэлэн, “өлөн” байгаагийн илэрхийлэл биз.

Энэ нөхрийн удирдаж буй Баянгол дүүргийн Эрүүл мэндийн төвд 2021 онд 19 тэрбум төгрөг төсөвлөгдсөний дийлэнх дүн Монголын Үндсэний Их сургууль руу урссан байгаа нь анхаарал татах асуудал биш үү, эрхэм сайд аа!!!

Тус сургуулийн данс руу ковидын үеийн ор бэлтгэл нэрээр 2.3 тэрбум төгрөгийг нийт 8 удаагийн гүйлгээгээр шилжүүлсэн байх атлаа шилэн дансны мэдээллээр ямар ч гэрээ, задаргаа харагдахгүй байгаа нь “мөнгө угаалт, завшилт” гээд хардах үндэслэл мөн юм.

Тэрчлэн 424 сая төгрөгийг Монголын Үндэсний их сургуулийн данс руу “бензиний үнэ” гэх утгаар шилжүүлж. Энэ ч хардах, шалгах шилжүүлэг мөн.

Баянгол дүүргийн эрүүл мэндийн төв хоёр машинтай. Хэрэв 424 сая төгрөгийг дээрх хоёр машины шатахууны зардалд гаргасан гэж тооцвол мөнөөх машинууд нь хоногт 300 орчим литр шатахуун зарцуулсан болж таарах нь.

Өдөр шөнөгүй Баянгол дүүргээр давхисан байлаа гэхэд энэ хэмжээний шатахуун зарцуулах уу?!

Монголын Үндэсний их сургууль шатахуун түгээгч компани биш. Энэ их мөнгө яах гэж тус сургууль руу шилжсэн байх вэ…

З.Балдандугар гээч нөхөр тахлын цаг үеийг далимдуулан мөнгө угааж, завшаад байгаа юм биш биз, Ерөнхий сайд аа!!!

Тус сургууль руу тэгтэл их мөнгө шатахууны зардалд зарцуулсан байх атлаа нефть импортлогч компаниуд руу ч мөн мөнгө шилжүүлсэн байгаа нь ямар учиртай юм бол.

 Тухайлбал, “Петростар” компанид

•           2021.02.22-нд 2.900.000

•           2021.05.10-нд 2.030.000

•           2021.06.04-нд 2.175.000

•           2021.06.28-нд 2.175.000 төгрөг тус тус шилжүүлсэн байгааг шалгаж үзэхгүй юм уу…

Тэрчлэн

•           Хомын тал компанийн данс руу 2021.02.04-нд 900.000.00

•           Отгон уулын элс компанид 2021.02.04-нд 9.000.000.00

•           Хурд партнерс компанид 2021.02.05-нд 9.000.000.00

•           Хомын тал компанид 2021.02.05-нд 8.400.000.00

•           Чоногол трейд компанид 2021.02.25-нд 352.000.00

•           Биомед трейд компанид 2021.02.25-нд 2.500.000.00

•           Хумбаган сондор компанид 2021.03.25-нд 6.600.000.00 гэхчлэн 648 сая төгрөгийг зөвхөн боолтны материалд зарцуулсан байх юм. Гэмтэл согогын эмнэлэг шиг ганцхан жилийн дотор ийм их хэмжээний боолтоор хэрхсэн байх вэ?…

З.Балдандугарын нэр дээр “Сутайшан” компани бүртгэлтэй бөгөөд тус компанийн 50 хувийг эзэмшдэг энэ нөхөр Монгол био бэлдмэл үйлдвэрлэгчдийн холбоо, Монголын эдийн засгийн хөгжлийг дэмжих холбоо, “Эм Даблью Жи Си Эй” гэх компани, холбоодтой байх нь жич судлах хэрэг мөн.

“Эм Даблью Жи Си Эй” компанийнх нь Удирдах зөвлөлийн даргаар Ерөнхийлөгч У.Хүрэлсүхийн тэргүүлдэг Зүүний хүчний холбоонд харьяалалтай Түнтүүгийн Баасанцогт гэгч ажилладаг бөгөөд мань эр Замын-Үүд чөлөөт бүсийн хөрөнгө оруулагчдын зөвлөлд багтдаг нь илүүтэй анхаарал татаж байгаа юм.

Тэдний хэлхээ холбооны нарийн учиг,  Монголын Үндэсний их сургуультай хэрхэн холбогддог талаарх мэдээлэлд энд бүхлээрээ багтахгүй тул дараагийн нийтлэлээр дэлгэрэнгүй хүргэнэ. Мөн barimt.com сайтын хөндсөн “Балдандугар нь С.Энхболд сайдын ээжийн компани руу мөнгө шилжүүлсэн” гэх баримттай мэдээллийн дэлгэрэнгүйг ч хамтатган хүргэх тул Ерөнхий сайд Л.Оюун-Эрдэнэ та дотроо шигсэн “хулгайчдаас” шоудаж попролгүй салах нь эдийн засгаа сэргээх бодит ажил, алхам болно гэдгийг хэлүүлэлтгүй мэдэх биз…

Үргэлжлэл бий.

Эрэн сурвалжлах сэтгүүлчдийн НАЖ МОГОЙ үндэсний холбоо

Үл тасрах хэлхээ -3

/

Эрдэнэт үйлдвэрийн захирал Х.Бадамсүрэн Монос, Түмэн шувуут компанийн хувьцаа эзэмшигч гэдгээ Хөрөнгө орлогын мэдүүлэгт бөглөсөн байгаа.

Тэрбээр эдгээр компаниуддаа үргэлж давуу эрх олгосоор ирсэн нь түүнийг энэ үйлдвэрээс даруй явуулах цаг болсныг гэрчилнэ.

Эрдэнэт үйлдвэр байсхийгээд Түмэн шувуут компаниас 5, 10, 20 саяар нь өндөг худалдан авдаг бол үүнээс хэд давж нугалсан мөнгөөр эм тариа авдаг бололтой юм. Үүнийг нь “Монос Орхон фарм” компани руу

  • 2021.10.04-нд 5.4 сая
  • 2021.08.19-нд 12.2 сая
  • 2021.05.03-нд 80.7 сая
  • 2021.01.07-нд 99.9 сая гэхчлэн шилжүүлсэн дүнгээс харж болно.

Х.Бадамсүрэн Газрын тосны бүтээгдэхүүн үйлдвэрлэгчдийн холбооны Удирдах зөвлөлийн дарга бөгөөд тус холбоо нь Соёлын төв өргөөний В корпус дахь Сод Монгол группийн үндсэн оффист байрладаг талаарх мэдээллийг 3.Энxбoлдын төрсөн дүү З.Хишигтогтox Ц.Aнандбaзapын Сод Монгол газаас хувь эзэмшдэг гэх мэдээлэлтэй хамтатган өмнөх нийтлэлээр хүргэсэн.

Тэгэхээр З.Хишигтогтох гэгчийн “Болдсофт” компани Эрдэнэт үйлдвэрийн технологийн холбоог шинэчлэх нэрээр хэдэн тэрбумыг халааслан хэл ул болж байсан асуудлыг энд дурьдахаас аргагүй. Тус компани 2011 онд Эрдэнэт үйлдвэрт технологийн холбооны тоног төхөөрөмжүүд нийлүүлсэн.

Тэд үүнээс ч өмнө буюу 2008 оноос хойш Эрдэнэт үйлдвэрт интернэт үйлчилгээ үзүүлж, жил бүр 5 сая ам.доллар халааслаж байсан бөгөөд З.Хишигтогтохыг хууль зөрчин шахаа хийсэн хэргээр саатуулж байсан ч үйлдвэрийн удирдлагуудыг оролдож байгаагүй юм. Зүй нь шахаа хийх боломжийг олгосон үйлдвэрийн удирдлагууд нэн түрүүнд шалгагдах ёстой байв. Гэвч барьж хорьж, шалгаж саатуулах ажил Болдсофт руу чиглэж байсан нь улстөрийн өнцгөөс тайлбарлагдаж, Ц.Элбэгдоржийн хийсэн санаатай үйлдэл хэмээн буруутгагдаад өнгөрсөн. Үнэхээр ч З.Энхболд, Ц.Элбэгдорж нарын харьцаа таатай байгаагүйгээс гадна Ачит Ихт компанийн эзэн гэгддэг Ц.Элбэгдоржийн зүгээс хоноц хоноцдоо дургүйн үлгэрийг үзүүлсэн жижиг чулуу мэт харагдсан нь үнэн.

Нөгөөтэйгүүр Тавантолгойг булаалдан ашиг сонирхол нь зөрчилдөж байсантай холбон тайлбарлаж ч болно. Учир нь З.Энхболд “Ц.Элбэгдорж, М.Энхсайхан, Ч.Сайханбилэг нар 6.7 тэрбум тоннын нөөцтэй “Эрдэнэс Тавантолгой”-г 100 хувь үнэгүй, зуун жилээр өгөх гэж байсан” хэмээн хашгирсны дараахан дүү нь саатуулах төв рүү ачигдсан үйл явдлыг хол орхигдуулж болохгүй юм.

Улмаар хулгайч хулгайчийг бариарай гэдэг шиг З.Энхболд УИХ-ын даргаар ажиллаж байхдаа, 2014.05.08-нд Эдийн засгийн идэвхжлийг нэмэгдүүлэх тухай 34 дүгээр тогтоол баталсан. Тогтоолын хавсралтад “Тавантолгойн орд газраас олборлож байгаа бүтээгдэхүүнй өрсөлдөх чадварыг сайжруулан нэмүү өртөг шингээж экспортын нэг цонхны бодлогын хүрээнд олон улсын зах зээлд борлуулах, гадаад дотоодын хөрөнгө оруулагчдын оролцоог хангах зарчмаар цогцоор нь шийдвэрлэх” гэсэн арга хэмжээг Засгийн газарт хариуцуулсан нь чухамдаа би авна, чи авна хэмээн талцаад эцэстээ халааслах хувиасаа болж муудалцсан нь энэ гэдгийг нотолсон хэрэг болсон.

З.Энхболд, З.Хишигтогтох нарын талаар сэтгүүлч Б.Галаарид “Би 2011 оны 12-р сард шинжлэх ухаан, танин мэдэхүйн “Цалиг” кабелийн сувгийг Улаанбаатарт 1 жил ажиллуулах зөвшөөрөл авч үйл ажиллагааг эхэлсэн. Гэтэл стандартын шаардлага хангасан мэргэжлийн студитэй (6м өндөртэй) болохгүй бол эфир хаана гэж Харилцаа холбооны зохицуулах хорооноос шаардсан. Мөн тусгай зөвшөөрлийн хугацааг энэ шалтгаанаар сунгуулж чадаагүй. Тэр үед Харилцаа холбооны зохицуулах хорооны дарга нь Б.Балгансүрэн байсан. Би асуудлыг шийдэхэд туслах хүн эрж байгаад Зандаахүүгийн Энхболдын төрсөн дүү З.Хишигтогтохыг олсон. Тэрбээр тусалж болно, гэхдээ 50 хувиа өг, сувгийн төрлийг мэдээ мэдээллийнх болго, “Цалиг” гэдэг нэр таалагдахгүй байна, өөрчил гэсэн. Надад гарц байхгүй учраас зөвшөөрсөн. Гэтэл Б.Балгансүрэн, З.Хишигтогтох хоёр дундаа Болдсофт гэдэг компанитай бизнес хамтрагчид байсныг олж мэдсэн.

Улмаар 2012.12.07-нд хамтарсан компаниа “Гал нар сар медиа” нэртэйгээр байгуулж мөн сарынхаа 17-нд бүртгүүлж байлаа. Тэгэхэд нөгөө талын 50 хувийн эзэмшигч гэж 2 хүн бүртгүүлсний нэг нь тухайн үеийн УИХ-ын дарга З.Энхболдын зөвлөх Ц.Буянцогтоо байв. Үүнээс гурван жилийн дараа буюу 2015.04.10-нд “Эн Си Пи” компанийн 2 давхарт байрлах “И код” ХХК “Молор” тв-ийн тоног төхөөрөмжийг худалдан авах гэрээ байгуулж захирал Д.Сангибат гэж гарын үсэг зурж, тамга дарсан. Үнийн дүн 120 сая төгрөг болж байв.

Ингээд гурван сарын дараа “И код” ХХК-д мэдээ мэдээллийн МТВ буюу “Молор” кабелийн сувгийн үйлчилгээ эрхлэх тусгай зөвшөөрлийг Б.Балгансүрэн 2015.07.29-ний өдөр олгодог юм. Гэхдээ Тусгай зөвшөөрлийн гэрчилгээнд сунгалт, өөрчлөлт хийсэн огноо 2015.07.29-ний өдөр гэсэн байгаа. Эзэмшигч нь 100 хувь Т.Батдэлгэр. Тв-ийн хаяг нь СХД, 18-р хороо, Интер компанийн байрны 806 тоот. Интер бол З.Энхболдын компани.

Улмаар 2018.7.24-нд буюу Молор тв-ийн тусгай зөвшөөрлийн хугацаа дуусахын өмнөхөн өөрчлөлт оруулж “Малчин телевиз” ХХК-ийн нэр дээр кабелийн тв-ийн үйлчилгээ эрхлэх гэрчилгээ олгочихсон. Хаяг нь мөнөөх Интер ХХК.

Ингээд Харилцаа холбооны зохицуулах хорооноос 2018.11.13-ны өдөр “Молор” сувгийн сунгалтыг хийж өгөхдөө 2021.12.27 хүртэл хугацаагаар “Малчин телевиз” ХХК гэдгээр хийгээд өгчихөж байгаа юм. “Малчин телевиз” болон “СКОД” компанийг 2018.06.15-нд хувьцаа эзэмшигч Т.Батдэлгэр аль алийг нь гадаад худалдаа, мэдээлэл технологийн үйл ажиллагаа эрхлэх чиглэлтэйгээр нэг өдөр байгуулсан. Аль аль нь “Интер” компанийн 806 тоотод үйл ажиллагаа явуулна гэсэн хаягтай” гэх маш нарийн мэдээллийг олон нийтэд хүргэж байв.

Монголын сэтгүүлчдийн нэгдсэн эвлэлийн ерөнхийлөгчөөр 10 шахам жил ажилласан хүн гоомой, бусдыг гүтгэсэн мэдээлэл өгөөгүй нь ойлгомжтой. Заргач, гомдоллогчоороо алдартай З.Энхболд ч энэ талаар чимээгүй өнгөрсөн нь уг мэдээллийг хүлээн зөвшөөрсний илэрхийлэл биз.

Тэгэхээр тухайн үеийн Харилцаа холбооны зохицуулах хорооны дарга Б.Балгансүрэн эрх мэдэл, албан тушаалаа урвуулан ашигласан маш ноцтой үйлдлийг хийчихээд зугтах шахам ажлаа өгсөн байж таарах нь. Тэрбээр бизнесийн хамтрагч З.Хишигтогтохынхоо төрсөн ах З.Энхболдын хамаарал бүхий компанид, тэр дундаа байгуулагдаад 4-хөн сар болж байсан телевизэд сувгийн зөвшөөрөл өгч байж.

Б.Балгансүрэнг тус хорооны даргаар Ч.Сайханбилэг томилж байсан гэхээр З.Энхболдын “Ц.Элбэгдорж, М.Энхсайхан, Ч.Сайханбилэг нар 6.7 тэрбум тоннын нөөцтэй “Эрдэнэс Тавантолгой”-г 100 хувь үнэгүй, зуун жилээр өгөх гэж байсан” хэмээн зүхэж байсан хашгиралт хий хоосон хашгираан байгаагүйг харуулж байгаа юм.  

Х.Баттулга Ерөнхийлөгчийн Тамгын газрын даргаар ажиллаж байсан Зандаахүүгийн Энхболдын нэр дээр “Интер” гэх компаниас өөр зүйл байдаггүй.

Харин дүү Зандаахүүгийн Хишигтогтохын нэр дээр Ховосино трак, Браунрок, Инфра-Инженеринг, Эм Пи Өү, Болд секьюрити, Грей рок, Сод монгол газ зэрэг баргийн ширээний шургуулгад багтахааргүй олон компани бүртгэлтэй.

Тэрбээр Ардчилсан хүчний холбоонд харьяалагддагийг ч орхигдуулж болохгүй.

Түүний Инфра-Инженеринг компани ахынхаа нэр дээрх Интер ХХК-ийн байр, 8-806 тоот хаягт байрладаг бол эл хаягт Робот хөгжил гэх компани давхар бүртгэлтэй. Харин хажуу өрөөнд нь Нэгүн-Очир, программ хангамжийн Метроком компаниуд суудаг.

Нэгүн-Очир компанийн захирал Б.Очирмаагийн өөр нэг компани болох Смарт лифт нь Ерөнхийлөгчийн Тамгын газрын дарга Я.Содбаатарын гэгддэг Шинэ дэлхий оффист байрлах нь анхаарал татсан мессэж. Я.Содбаатарт холбогдох мэдээллийг дараагийн дугаарт дэлгэрэнгүй хүргэх тул энд түр орхиё…

З.Хишигтогтохын Инфра-Инженеринг компанийн захирлаар Дэлэгдоржийн Амгаланбаатар гэгч ажилладаг бөгөөд түүний нэр дээрх Монголын каратэ догийн холбоо, Тэнүүн-Огоо компаниуд биднийг сонирхолтой жим рүү хөтөлж байгаа юм.

Тэнүүн-Огоогийн захирал нь А.Ганхуяг, хамтрагч нь А.Баттүшиг бий. А.Баттүшиг гэх эрийг “Страто”-гийн гэх тодотголоор нь хэлбэл уншигчид илүүтэй мэдэх биз.

Харин А.Ганхуягийн нэр дээрх “Монголын нийтийн зорчигч тээврийн хөгжлийн консорциум” бүртгэлтэй бөгөөд уг консорциумд НИТХ-ын төлөөлөгч асан, УИХ-ын сонгуульд Баянзүрх дүүргээс нэр дэвшээд ялагдал хүлээсэн Ц.Одонтунгалаг бас бий.

Зандаахүүгийн Хишигтогтохтой нэг өрөөнд сууж Браунрок компанийн үйл ажиллагааг явуулж байсан, Стратогийн одоогийн захирал, Тэнүүн-Огоо компанийн хамтрагч А.Баттүшиг Стратогийн 37 хувь, Г.Эрдэнэбилэг 10 хувь, Э.Сэржмядаг 3 хувь, Хятадын Шандун Шенхан Жиеэ гэх эдийн засгийн худалдааны компани 50 хувь тус тус эзэмшдэг.

Страто нь “Эрдэнэс Тавантолгой” ХК-ийг хэрхэн цөлмөж байгааг эдийн засагч Л.Наранбаатарын удаа дараагийн мэдээлэл, мэдэгдлүүдээс хангалттай авчих тул мөн энд түр орхиё.

З.Хишигтогтохын хувьцааг нь эзэмшдэг “Эм Пи Өү” компани Өдрийн сонины байранд байрладаг бөгөөд захирал Л.Мөнхтөр medee.mn сайтыг эрхлэн гаргахын зэрэгцээ Сод-Монгол группийн эзэн, УИХ-ын гишүүн Ц.Анандбазартай хамт “Мал сүргийг хулгайн гэмт халдлагаас хамгаалах монголын нийгэмлэг”-т бүртгэлтэй нөхөд. Тэрбээр Ц.Анандбазарын төрсөн дүү Ц.Пүрэврэнчингийн хамт “Дэлхийн дуу хоолой” төрийн бус байгууллагын үйл ажиллагааг эрхэлдгээс нь үзвэл анхаарлын гадна тэгс ингэсгээд үлдээх нөхөр биш юм.

Ийм сэжимт, хэлхээ холбоост нөхдийн Эрдэнэт үйлдвэрт интернэт үйлчилгээ үзүүлж,  технологийн холбооны тоног төхөөрөмжүүд нийлүүлж байсан “Болдсофт” компани дуулиан шуугиан, хэл амны дараахан татан буугдсан.

Гэхдээ тус компанийг Софт ментор нэрээр дүрээ өөрчилсөн гэх мэдээллийг эх сурвалжаас өгч байгаа.

Үгүйсгэх аргагүй. Софт ментор гэгч 2020.03.02-нд байгуулагдсан атлаа Эрдэнэт үйлдвэрт программ хангамжийн үйлчилгээ үзүүлдэг хачин туршлагатай, супер компани гэгдэж 2021.05.05-ны өдөр 15.7 сая төгрөг шилжүүлэн авсан байдаг. ГОК гэдэг баргийн шинэ компаниудын давж, нэвтэрч чадахгүй Монгол Улсын саалийн үнээ шүү дээ,…

Тэрчлэн өөр нэгэн сонирхолтой мэдээллийг эх сурвалжаас өгсөн нь ГОК руу интернэт, программ хангамжийн үйлчилгээ үзүүлэгч “Би Эм Жи дижитал” гэх бас нэгэн компани бий бөгөөд энэ нь Ерөнхийлөгчийн Тамгын газрын дарга Я.Содбаатарын хамааралтай байж болзошгүй гэж байгаа юм.

Тус компани 2020.10.11-нд байгуулагдаад ердөө сарын дараа буюу 2020.11.23-нд 6.7 сая төгрөгийг Эрдэнэт үйлдвэрээс шилжүүлэн авсан байдаг. Эл баримт шилэн дансанд нь бүртгэгдсэн байх бөгөөд холбогдох мэдээллийн дэлгэрэнгүйг дараагийн дугаараар хүргэнэ. 

Эрэн сурвалжлах сэтгүүлчдийн НАЖ МОГОЙ үндэсний холбоо

Үл тасрах хэлхээ -2

/

Үргэлжлэл… өмнөх нь “Үл тасрах хэлхээ – 1” нийтлэлд

Нийслэлийн 24 дүгээр дунд сургуулийг дүүргэн Горькийн нэрэмжит Утга зохиолын дээд сургуулийг Утга зохиолын ажилтнаар төгсч МУИС-ийг Эрх зүйч, Москвагийн Удирдлагын академийг Удирдахуйн ухаанаар дүүргэсэн, Сод Монголын босс Ц.Анандбазар гэж хэн бэ.

Түүнийг улс төрд хөтөлж оруулж ирсэн хүн нь Н.Энхбаяр. Тэрбээр Москвад нэг сургуулийг ижил мэргэжлээр төгссөн Ц.Анандбазарыг УИХ-ын гишүүнээр сонгогдсоныхоо дараахан туслахаараа авч, дэргэдээ “өсгөсөн”.

Улстөрд хөтлөхөөс өмнө Москва явуулж, өөрийн төгссөн сургуульд оруулсан нь ч Н.Энхбаяр гэлцдэг.

Энэ бүгдийн нотолгоо болгож П.Жасрайн Засгийн газрын үед Н.Энхбаяр Соёлын сайдаар ажиллахад ч Ц.Анандбазар цүнхийг нь бариад гүйж явав. Улмаар Ц.Анандбазарыг Монголын “Соёлыг дэмжих клуб”-ын Ерөнхий нарийн бичгийн даргаар томилж, “бие даалгах” ажилд сургаж эхэлсэн гэхэд болно.

Н.Энхбаяр Соёлын сайдаар ажиллаж байхдаа дээрх клубыг санаачлан байгуулж, тэр үеийн гайгүй хэдэн хувийн компанийг цуглуулан “Их долоо” хэмээн хөөрөгдөж, хөөрцөглөж явсан үе нь. “Их долоо”-д Буянгийн Б.Жаргалсайхан, Алтай трейдингийн Сү.Батболд, Монроимпексийн У.Уламбаяр, Цагаан шонхорын Ч.Энхтайван, “XLTA”-ийн Б.Батболд нар орж байв.

Тэд тухайн үеийн Засгийн газраас хоосон гараагүй. “Чингис” зочид буудлыг Сү.Батболд, “Говь-2”-ийг Б.Жаргалсайханд зүгээр өгчихсөн гэхэд далийрсан мэдээлэл болохгүй. Тухайн үед Ц.Балдорж, Н.Энхбаяр нар гэр бүл хоорондын асар зөрчилтэй, үүнээсээ болж бие биедээ өс санадаг гэх яриа ойр тойрныхны нь дунд хүчтэй явдаг байв. Тэрбайтугай Н.Багабанди, Н.Энхбаярын талцал үүнээс үүдэлтэй эхэлсэн ч гэдэг.

Эрдэнэт үйлдвэрийн захирал агсан Ш.Отгонбилэгийн өмнө сөхрөх нь сөхөрч, гутлыг нь долоож байсан энэ үеэс уруул дордойвч элэг дордойдоггүй юм гэдэг хэлц үгийн үнэнийг таниулж Ц.Анандбазар Н.Энхбаяраас зайгаа барьж, төрөл садны хэлхээт Ш.Отгонбилэгээ бараадан НИК-т хөл тавьсан байдаг.

Тэр утгаараа Сод Монголыг Ш.Отгонбилэг нарын үүсгэсэн Петровисийн охин компани ч гэдэг.

Ц.Анандбазар НИК ХК-ийн дэд захирал байхдаа “Чандмань холдинг” компанийн бланкийг ашиглан НИК ХК-иас шатахуун хүссэн тухай хуурамч албан тоот үйлдсэн гэх асуудал хэсэгтээ шуугиан тарьж, олны анхааралд орж байв.

Тэрбээр “Чандмань холдинг” компанийн захирал О.Бяруузаны гарын үсгийг хуурамчаар үйлдэн 91.5 сая төгрөгийн шатахууныг тухайн үеийн төрийн өмчит НИК ХК-иас авч Сод Монголын данс руу шилжүүлсэн гэгдэж байгаад чимээ дарагдсан.

НИК-ийн хувьчлал хуудуутай явагдсан олон баримт бий.

Ш.Отгонбилэг агсан, Н.Багабанди нар Эрдэнэт үйлдвэрээс мөнгө гаргаж, НИК-ийг халаасласан гэдэг. Төрийн мөнгөөр төрийн өмчийг хувьдаа авдаг луйврын, увайгүй арга замын эхлэлийг тавьсан гэгддэг тэд Ж.Оюунгэрэл агсантай хамтран Петровисыг үүсгэн байгуулсныг мэдэхгүй хүн Монголд үлдээгүй байх…  

Петровис, Сод Монгол хоёр нэг эзэнтэй, тэр нь Н.Багабанди гэгддэгийн хардлага эндээс эхтэй биз.

УИХ-ын гишүүн Ц.Анандбазарын хүүхэд асрагчаар ажиллаж байхдаа хохирсон гэх эмэгтэйн хэвлэлд өгсөн ярилцлагаас “Ц.Анандбазарынх Багатэнгэрт байсан, Хард рок баарыг ажиллуулдаг, хүү нь 2 настай, эхнэр Бямбажавыг нь Мишка гэж дууддаг бөгөөд Анагаахын их сургуульд шүдний эмч мэргэжлээр суралцаж байсан. Тухайн үед Ерөнхийлөгч Н.Багабанди болон Эрдэнэт үйлдвэрийн захирал Ш.Отгонбилэг эхнэр Ж.Туяагийн хамт байнга ирдэг. Тэднийг ирэхэд Ц.Анандбазарын эхнэрийн хамт бууз хийж өгдөг байсан” гэх хэсгийг анхааралгүй өнгөрч болохгүй.

Үүнийг үгүйсгэн Ц.Анандбазар Багатэнгэрийн аманд байгаагүй гэдэг ч дархан цаазат Богдхан уулын эл салаанд тэрбээр хэдийнээс эзэн суугаад удаж байгааг тус амны амьтад нь ч хэлэх биз.

Түүний Нью тур ХХК тус амны 65 га талбайд “Бага тэнгэр” нэрт цогцолбор хотхон барьчихаад байгааг ч нураалтай биш. Ядаж байхад Хөгжлийн банкнаас зээл авч цогцолборынхоо дулаан, цэвэр бохирыг шийдсэн байж болзошгүй гэх хэрэг цагдаагийн байгууллагад шалгагдаж байгаа.

Сод монгол групп “Тос тосолгооны материалын үйлдвэрийн төсөл” нэртэйгээр жилийн 6.5 хувийн хүүтэй 60 сарын хугацаатай 669.6 сая иенийн үнийн дүнтэй хоёр удаагийн хэсэгчилсэн зээлийг Хөгжлийн банкнаас авсан байдаг.

Хөгжлийн банкны зээлдэгчдийн мэдээлэл цацагдаж эхлэхтэй зэрэгцэн мань хүн зээлээ төлж барагдуулсныг бид мэднэ. Гэхдээ төсөл хэрэгжсэн эсэх тодорхойгүй, авсан зээлээ зориулалтын дагуу ашиглаагүй байж болзошгүй тул хуулийн байгууллага ийнхүү шалгаж эхэлсэн.

ОХУ-аас онгоцны түлш тонн тутамд зах зээлийн ханш нь 2010 оныхоор 710 ам.доллар байхад Ц.Анандбазар МИАТ руу 1065 болгож шахаа хийдэг байсан гэх асуудал нь ч хэвлэлийн хуудаснаас арилаагүй байна.

Ийм хэмжээний эрх дарх эдлүүлж, эргээд хүлээх хариуцлагыг нь ч баллуурдаж чадах хүн өнөөдрийн Монголд гагц Н.Багабанди биз. Түүний баруун гараас Х.Бадамсүрэн, зүүнээс Ц.Анандбазар, ар хормойнооос У.Хүрэлсүх чирэгдэж явдаг гэх мэдээлэл намын дотоодод нууц байхаа болиод удав.

Шатахуун импортлогч компаниуд руу Эрдэнэт үйлдвэр ТӨҮГазраас зөвхөн Сод Монгол, Петровис хоёр руу мөнгө урсдгийг шилэн данс нь хэлээд өгнө. Сод Монгол руу ганцхан сарын дотор хэдэн төгрөг шилжүүлснийг өмнөх нийтлэлд дурьдсан.  Харин “Петровис тос” компанид гэхэд оны эхний сард

  • 2022.01.06 473.088.296.00
  • 2022.01.13 474 сая төгрөг шилжүүлжээ.

“Петровис групп”-ийн гүйцэтгэх захирал Д.Энхмаагийн нэр дээр Петровис тос, Ар Эс Кэй, Ишвара, Си Би Эм газ партнерс, Юнигаз, Одод гоулд, Ай Ди Өү Эм, Наран дайнамикс, Наран эрдэс, Тонхилнуур компаниуд байдаг. 

 Түүний Петровис тос компанийн хамтран эзэмшигч нь Данзандаржаагийн Туяа буюу Ш.Отгонбилэг агсны гэргий. Тэрбээр Петровисийн хэд хэдэн охин компанийн хувьцаа эзэмшигчээс гадна Ай Ди Өү Эм, Монгол контракт, Эрдэнэт групп, АЭ энд ЖААГ, Ар Эс Кэй, Юнигаз компаниудын эзэн гэдэг.

Монгол контракт, Эрдэнэт групп-ийнх захирлаар охин Одмаа нь ажиллаж байгаа аж. Тэрчлэн О.Одмаагийнхаа нэр дээр Скайплаза, Амгалан ложистик, Спийдфит, Наадам дэнж, Волппауэр, Петровисмарт компаниудыг байгуулсан бөгөөд Наадам дэнж компанитайгаа хамт байгуулсан Евроашиан майнинг контрактор компаниа Эрүүл мэндийн даатгалын ерөнхий газрын ахлах мэргэжилтэн Г.Энхбилэгээр удирдуулдаг нь сонин.

Тэрчлэн Ш.Отгонбилэг агсны эхнэр Д.Туяагийн нэр дээрх “АЭ энд ЖААГ”-ийн захирлаар Балдоржийн Нандинтүшиг ажилладаг нь Н.Багабанди, Ш.Отгонбилэг, Ц.Балдорж нарын гэр бүл одоо ч нандин холбоотой гэдгийг батлах биз.

Петровисийн хувьцаа эзэмшигч Ж.Оюунгэрэл агсны хүүхэд Б.Дөлгөөн, Б.Шинэзаяа нар ч толгой эргэм олон компанитай.

Энэ талаарх мэдээллийг түр орхиод Ц.Анандбазараас салбарласан сүлжээ рүү эргээд оръё.

Ц.Aнандбaзap Бага тэнгэрийн аманд барьсан xaycaacaa 3.Энxбoлд, Г.3aнданшатарт өгсөн гэгддэг. Ц.Aнандбaзap нь Зундуйн Дopжийн зээ дүү гэдгийг бүгд мэдэх биз. Тиймээс 3yндyйн Дopжийн төрсөн охин Бaтxaнд Ц.Анандбазарын 50 хувийг нь эзэмшдэг гэгддэг medee.mn сайтыг удирдаж байгаад Х.Баттулгыг Ерөнхийлөгчөөр ажиллах үед буюу бизнесийн хамтрагч гэгддэг З.Энхболдыг Ерөнхийлөгчийн Тамгын газрын дарга болоход Ерөнхийлөгчийн хэвлэлийн албаны даргaap очсоныг Ц.Анандбазарын нөлөө гэцгээдэг.

2020 оны УИХ-ын сонгуулиар З.Энхболд “Сод Монгол”-ын ШTC-aac бензин авах талон тapaaж байгаа гэх мэдээллийг эдийн засагч Л.Hapaнбaaтар нийтэд хүргэж, үүнийг нь Epөнхийлөгч асан Х.Баттулгын соёлын зөвлөх, яруу найрагч Ц.Хулан баталж байв.

Тэрчлэн 3.Энxбoлдын төрсөн дүү З.Хишигтогтox Ц.Aнандбaзapын Сод Монгол газаас хувь эзэмшдэг нь тэдний хэр ойрыг харуулах биз. Тэрчлэн Ц.Анандбазарын халаасанд байдаг олон компанийн хамтрал дээр Лхагвасүрэнгийн Мөнхтөр гэж бий бөгөөд түүний нэр дээрх Эм Пи Өү компанийн хамтран эзэмшигчээр мөн З.Хишигтогтох байж байгаад сүүлд нэрээ хасуулсан байдаг.

Ц.Анандбазартай иймэрхүү сэжмээр үргэлж нэр хэлхэлдэж явдаг З.Энхболдтой Эрдэнэт үйлдвэрийн захирал Х.Бадамсүрэн “Түмэн шувуут” компаниар хэрхэн холбогддог болоод З.Хишигтогтох Boldsoft гэх компаниар Эрдэнэт үйлдвэрийн технологийн холбоог шинэчлэх ажлыг хэрхэн авч, ажиллаж байсан дэлгэрэнгүйг дараагаар цувралаар хүргэнэ.

Эрэн сурвалжлах сэтгүүлчдийн НАЖ МОГОЙ үндэсний холбоо

Мэдээ орчуулах »