fbpx

Цаг Үе - Page 3

Шинжилгээний хариу хуурамчаар үйлдэгсдийн гор орон нутгийг сүйрүүлэх үү

Өвөрхангай аймгийн Арвайхээр, Хархорин, Бат-Өлзий, Хужирт сумдад өнөөдөр /2021.03.23/ өглөөний 06 цагаас эхлэн 7 хоногийн хугацаатайгаар хөдөлгөөний бүрэн хязгаарлалт тогтоолоо. Учир нь Хужирт суман дахь Сэмжид рашаан сувилалд амарч сувилуулсан иргэдээс коронавирусын

5 хоногийн хязгаарлалтын дэглэм тогтоолоо

Баянзүрх дүүргийн 26 дугаар хороонд цар тахал голомтлон тархах эрсдэл үүссэн тул өнөөдөр /2021.03.17/ өглөөний 06:00 цагаас эхлэн хязгаарлалтын дэглэм тогтоолоо. Хязгаарлалтын тойрог Хоум плаза худалдааны төвийн зүүн уулзвараас Жанжин зах руу нийлдэг гарц, Цэцэрлэгт хүрээлэнгийн баруун хойд уулзвараас Нарантуул

УОК, НОК-ын хамтарсан ШУУРХАЙ ХУРАЛ боллоо

Улсын Онцгой комисс, Нийслэлийн Онцгой комиссын хамтарсан шуурхай хуралдаан “Хангарди” ордны хурлын зааланд цахим хэлбэрээр боллоо. Тус хуралд Шадар сайд, УОК-ын дарга Я.Содбаатар, Нийслэлийн Засаг

А.Ариунзаяа: Тусгай олимпын наадамд оролцох хүүхдүүдээ дэмжиж ажиллана

Хөдөлмөр, нийгмийн хамгааллын сайд А.Ариунзаяа Монголын тусгай олимпын Гүйцэтгэх захирал Б.Алтанцэцэг, Спорт хариуцсан захирал Э.Уянга нарыг хүлээн авч уулзлаа.

Уулзалтаар 12-р сарын 3 буюу Олон Улсын хөгжлийн бэрхшээлтэй иргэдийн өдрийг тохиолдуулан зохион байгуулж буй үйл ажиллагааны талаар танилцуулж, мэдээлэл өгсөн юм. Мөн Тусгай олимпод оролцох хүүхдүүдээ дэмжихэд хамтарч ажиллах талаар санал солилцов.

Оюуны хөгжлийн бэрхшээлтэй иргэдийн Тусгай олимпын Өвлийн наадам 2023 оны 1-р сард ОХУ-ын Казань хотод, Зуны наадам Герман Улсын Берлин хотод мөн 2023 онд зохион байгуулагдана.

Тусгай олимпод дауны хам шинж, аутизмын эмгэг, саажилт зэрэг оюуны хөгжлийн бэрхшээлтэй хүүхэд залуус оролцдогоороо Паралимпаас ялгаатай.

Монгол Улсын баг тамирчид 2015 онд Лос Анжелес хотод болсон Зуны наадам, 2017 онд Австри улсад болсон Өвлийн наадам, 2019 онд Абу Даби хотод болсон Зуны наадамд амжилттай оролцсон.

Хүүхдийн төлөө сангийн хөрөнгийг зарцуулах, түүнд хяналт тавих журамд олон улс, тив, дэлхийн уралдаан тэмцээн, наадамд оролцох, бэлтгэл хангаж байгаа болон оролцох болзол хангасан хөгжлийн бэрхшээлтэй хүүхдүүдэд дэмжлэг үзүүлэхээр тусгасан. Хөдөлмөр, нийгмийн хамгааллын сайд А.Ариунзаяа журмын дагуу хамтран дэмжиж ажиллахаа илэрхийллээ.

Бичил биетний тэсвэржилтийн талаарх мэдлэг, хандлагыг дээшлүүлэх аян

НҮБ-ын ХХААБ, Дэлхийн мал, амьтны эрүүл мэндийн байгууллага, Дэлхийн эрүүл мэндийн байгууллагаас жил бүрийн 11 дүгээр сарын 18-24-нд “Бичил биетний тэсвэржилтийн талаарх мэдлэг, хандлагыг дээшлүүлэх дэлхийн 7 хоног” аяныг зохион байгуулдаг билээ. Энэхүү аяны зорилго хүн, мал, амьтан, газар тариаланд хэрэглэдэг бичил биетний эсрэг үйлчилгээтэй эм, бэлдмэлийг зөв зохистой хэрэглэх, бичил биетний тэсвэржилтээс сэргийлэх мэдлэг, ойлголтыг олон нийтэд түгээн дэлгэрүүлэхэд оршино.

Бичил биетний тэсвэржилт гэж юу вэ?

Бичил биетнийг устгадаг эсвэл түүний өсөлт, хөгжлийг нь удаашруулах үйлчилгээ үзүүлдэг аливаа бэлдмэлийг бичил биетний эсрэг эм (ББЭЭ) гэнэ. Харин бичил биетний тэсвэржилт гэдэг нь өвчин үүсгэгч нян бактери, вирус, шимэгч хорхой, мөөгөнцөр зэрэг бичил биетэн ББЭЭ-нд дасал болж эмчилгээ, үйлчилгээ үр дүнгүй болохыг хэлнэ. Хүн, малд хамгийн өргөн хэрэглэдэг бичил биетний эсрэг эм бол та бидний сайн мэдэх антибиотик байна. Бичил биетний эсрэг эм, бэлдмэлийг тун, хэмжээ хэтрүүлэн хэрэглэх, эсхүл дутуу, буруу давтамжтай хэрэглэх нь бичил биетэн түүнд дасаж тэсвэртэй болох шалтгаан болдог байна. Эм бэлдмэлд тэсвэртэй болсон бичил биетийг устгах нь нэн төвөгтэй бөгөөд хүн, мал, амьтны эрүүл мэндэд онцгой хор аюултай байдаг.

Бичил биетний тэсвэржилт ямар эрсдэлийг дагуулж байна вэ?

Антибиотик, шимэгч хорхой болон мөөгөнцрийн эсрэг бэлдмэл, тариалангийн хортон шавж устгагч бэлдмэл зэрэг бичил биетний эсрэг эмийн үйлчилгээний үр дүн буурч, цаашдаа аливаа өвчин, халдвартай тэмцэх арга хэмжээ хүнд сорилттой тулгардаг байна. Үүний улмаас хүний эмчилгээ үр дүнгүй болж нас баралт нэмэгдэх, малын өвчлөл хорогдол ихэснэ гэсэн үг. Тухайлбал, дэлхий дээр жил бүр 700 мянга орчим хүн бичил биетний тэсвэржилтийн улмаас нас барж байна. Бичил биетний талаарх мэдлэг, хандлагыг дээшлүүлэх арга хэмжээг эрчимтэй хэрэгжүүлэхгүй бол энэ тоо 2050 он гэхэд жилд 10 саяд хүрэх цочирдом судалгаа ч бий.

Дэлхий нийтэд мал, амьтны эмчилгээнд болон газар тариаланд хэрэглэсэн ББЭЭ-ийн үлдэгдэл хүнсээр дамжин хүний биед орж ББЭЭ-ийн дасал болох эрсдэл жилээс жилд нэмэгдсээр байгаа нь нийтийн эрүүл мэнд, хүнсний аюулгүй байдлын томоохон сорилт болоод байна.

Мал, амьтны эрүүл мэндэд хэрхэн нөлөөлдөг вэ?

Мал, амьтанд бичил биетний эсрэг эмийг хэтрүүлэн болон дутуу, буруу хэрэглэх нь нян, бичил биетний тэсвэржилт бий болгож, улмаар эмийн үйлчлэлийг бууруулан, тухайн өвчнийг эмчлэх аргагүйд хүргэх эрсдэлтэй. Бичил биетний эсрэг эмэнд тэсвэржсэн нян, бичил биетэн нь мал, амьтны ялгадсаар гадагшилж хөрс, ус зэрэг хүрээлэн буй орчинд тархах аюултай. Улмаар тэсвэржсэн бичил биетэн нь эрүүл мал, амьтанд халдварлаж өвчлүүлэх, эмэнд тэсвэржсэн халдварыг улам тархаах эрсдэлтэй. Мөн эдгээр малын мах, сүү зэргийг хүн хэрэглэх үед эмэнд тэсвэржсэн нянгийн халдварт өртөх аюултай.  

Бид юу хийх ёстой вэ?

Монголчууд бид антибиотикийн хэрэглээ хамгийн өндөр улсуудын тоонд орж байгааг Дэлхийн эрүүл мэндийн байгууллага (ДЭМБ)-ын тайланд дурдсан байна. Түүнээс гадна мал эмнэлгийн салбарт болон газар тариаланд хэрэглэж байгаа ББЭЭ-ийн хэрэглээний хяналтын тогтолцоо бэхжээгүй, зохистой хэрэглээ төлөвшөөгүй байна.

Тиймээс бид бичил биетний тэсвэржилт үүсгэхээс сэргийлж малын гаралтай бүтээгдэхүүний хүнсний аюулгүй байдлыг хангахад онцгой анхаарал хандуулах шаардлагатай байна. Үүний тулд:

–      Малчид, фермерүүд өөрсдөө малдаа антибиотик эм тариа, ивомек, керолин, туулгалтын бодис зэргийг дур мэдэн хэрэглэхгүй байж, мал эмнэлгийн үйлчилгээг малын эмчээр хийлгэдэг байх;

–      Малын биеэс эм тариа бүрэн гадагшлах хугацааг  хүлээж цэвэр мах, сүүгээр хүн арддаа нийлүүлж хэвших;

–      Малын эмч нар бичил биетний тэсвэржилт үүсгэдэг эмийг жороор олгодог болох, малчид, иргэдэд энэ чиглэлийн мэдлэг олгох, мэдээлэл сурталчилгааг олон нийтэд тогтмол түгээж байх зэрэг нь чухал асуудал болж байна;

–      ББЭЭ-ийн зохистой хэрэглээг дэмжих бодлогыг тодорхойлж, хууль эрх зүйн орчныг бүрдүүлэх, ББЭЭ-ийн хэрэглээний хяналтын стратеги боловсруулж, “Нэг эрүүл мэнд” бодлого концепцын хүрээнд эрүүл мэнд, мал эмнэлэг, газар тариалангийн салбар хоорондын хамтын ажиллагааг сайжруулах;

–      Эрүүл мэнд, мал эмнэлэг, газар тариалангийн салбарт зохистой дадлуудыг нэвтрүүлэх замаар ББЭЭ-ийн хэрэглээг багасгах;

–      Бичил биетний эм бэлдмэлийн зохистой хэрэглээний талаарх бүх нийтийн мэдлэг, ойлголтыг сайжруулах, тэдний хандлагыг өөрчлөх;

–      Хөдөө аж ахуйн үйлдвэрлэл, эмийн үйлдвэрлэл, ахуйн хэрэглээний бохир усны хаягдал зэрэг бичил биетний үлдэгдэл агуулагддаг хог хаягдлыг бүрэн боловсруулж, хүрээлэн буй орчинд тархах, хөрс, ус бохирдохоос хамгаалах зэрэг болно.

15-69 насны хүн амын 21.9% нь хөдөлгөөний хомсдолтой байна

Дэлхий нийтээр тархаж буй “КОВИД-19” цар тахал бидний амьдарлын хэв маягийг өөрчилж, хөдөлгөөний идэвхгүй суугаа байдлыг нэмэгдүүлсээр байна. НҮБ-ын 2030 он хүртэлх Тогтвортой хөгжлийн зорилтод ХБӨ-өөс урьдчилан сэргийлэх, түүнийг эмчлэх замаар “ХБӨ-өөс үүдэлтэй цаг бусаар нас баралтыг 2025 он гэхэд 25%, хөдөлгөөний хомсдолыг 10%-иар бууруулах”-аар зорилт дэвшүүлсэн.



Дэлхийд хүн амын нас баралтын 6% нь хөдөлгөөний хомсдлоос хамааралтай ба хөдөлгөөний идэвхгүй байдал нь зүрх судасны өвчин, чихрийн шижин, хавдар, таргалалт зэрэг ХБӨ-ийг нэмэгдүүлж жилд дунджаар 3.2 сая хүн нас бардаг. 



Монгол улсын 15-69 насны хүн амын 21.9% нь хөдөлгөөний хомсдолтой, 52.4% нь ажлын байрандаа, 48.2% нь амралт чөлөөт цагаараа идэвхтэй хөдөлгөөн хийдэггүй, хөдөлгөөний идэвхгүй, суугаа байдалд хоногт дунджаар 3.4 цагийг зарцуулдаг, 49.4% нь илүүдэл жин ба таргалалттай байна (ХБӨ, осол гэмтлийн шалтгаан эрсдэлт хүчин зүйлсийн тархалтыг тогтоох үндэсний 4-р судалгаа, ЭМЯ, НЭМҮТ, ДЭМБ, 2019 он).



Монголчууд өдөрт дунджаар 2737 алхам алхдаг ба 18-69 насны нийт хүн амын дөнгөж 4.9% нь ДЭМБ-ын зөвлөмжийг биелүүлж өдөрт 10000-аас дээш алхам алхдаг. Aлхалтын тоо хэмжигч (педометр, ухаалаг утас, бугуйн цаг, аппликейшн зэрэг) багаж хэрэгслийг хүн амын 76% нь ашигладаггүй байна (Идэвхтэй хөдөлгөөнөөр хичээллэх талаар хүн амын мэдлэг, хандлага, дадлыг тогтоох үндэсний судалгаа, ЭМЯ, НЭМҮТ, ШУТС, 2019 он).



Түүнчлэн Монгол залуучуудын бүтээсэн “Alhay” гар утасны аппликейшнийг ашиглан 2021 оны 2021 оны 05 дугаар сарын 24-30-ны өдрүүдэд ЭМЯ, НЭМҮТ, ЗГТА-БТСУХ, ДЭМБ хамтран “Эрүүл мэндийхээ төлөө – Алхангаа ярилцъя” уриан дор “Дархлааг дэмжих цахим алхалтын 7 хоног” аян, 2021 оны 10 дугаар сарын 01-31-ний өдрүүдэд “Дэлхийн алхалтын өдөр”-ийн хүрээнд “Эрүүл амьдралын хэв маягт алхам алхмаар” алхалтын сарын аяныг тус тус зохион байгуулаад байна.



Монгол Улсын Засгийн газрын 2020-2024 онд хэрэгжүүлэх үйл ажиллагааны хөтөлбөрийн 2.1.1, 2.1.1.1, 2.2.1 дугаар заалт, Биеийн тамир, спортыг хөгжүүлэх үндэсний хөтөлбөр, Халдварт бус өвчинтэй тэмцэх үндэсний хөтөлбөрийн хэрэгжилтийг хангах иргэд, олон нийтэд идэвхтэй хөдөлгөөн, явган алхалтыг сурталчлан уриалах зорилгоор Эрүүл мэндийнхээ төлөө алхангаа ярилцъя уриан дор “Эрүүл амьдралын хэв маягт алхам алхмаар” сэдэвт алхалтын арга хэмжээг зохион байгуулж байна. Уг арга хэмжээнд ЭМ-ийн сайд С. Энхболд ДЭМБ-ын Монголд дах суурин төлөөлөгч Сергей Диордица Эрүүл мэнд биеийн тамир спортын салбарынхан оролцлоо.

АТГ: 274 хэргийг яллах дүгнэлт үйлдэн шүүхэд шилжүүлжээ

Прокурорын байгууллага өнгөрсөн долоо хоногт буюу 2021 оны 11 дүгээр сарын 15-наас 19-ний өдрүүдэд хэрэг хянан шийдвэрлэх ажиллагаанд оролцогчдоос гаргасан 218 гомдол, хүсэлтийг шийдвэрлэж, мөрдөгч болон зөрчлийн хэрэг бүртгэх эрх бүхий албан тушаалтанд тодорхой ажиллагаа гүйцэтгүүлэхээр 411 даалгавар бичгээр өгсөн байна.

Гэмт хэрэг, зөрчил гарахад нөлөөлсөн шалтгаан, нөхцөлийг арилгуулахаар байгууллага, албан тушаалтанд 13 мэдэгдэл, зөрчил шалган шийдвэрлэх, хэрэг бүртгэх, мөрдөн байцаах, ял эдлүүлэх ажиллагааг хэрэгжүүлэх явцад гарсан зөрчил, түүнд нөлөөлсөн шалтгаан, нөхцөлийг арилгуулахаар хяналтын харьяа байгууллагуудад 23 шаардлага тус тус бичиж хүргүүлжээ.

Түүнчлэн мөрдөн байцаалтын 2829 хэрэгт хяналт тавьж, 274 хэргийг яллах дүгнэлт үйлдэн шүүхэд шилжүүлж шийдвэрлэлээ. Шүүхэд шилжүүлсэн хэргүүдийн дийлэнх хувийг Эрүүл мэндийн халдашгүй байдлын эсрэг болон Өмчлөх эрхийн эсрэг гэмт хэрэг эзэлж байна. Тодруулбал, Эрүүл мэндийн халдашгүй байдлын эсрэг гэмт хэрэг 124, Өмчлөх эрхийн эсрэг гэмт хэрэг 86, Хүрээлэн байгаа орчны эсрэг гэмт хэрэг  15, Авлигын гэмт хэрэг 10, Хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг  21-ийг шүүхэд шилжүүлсэн байна.

Шинээр рентген аппарат ашиглах эмнэлгүүдэд цацрагийн хэмжилт хийв

Шинээр рентген аппарат ашиглан оношилгоо хийхээр төлөвлөж буй Нийслэлийн Шүд эрүү нүүрний төв, Умсүм мед ХХК-ийн Хөхний клиник эмнэлэг, Буян нэмэгдэх ХХК-ийн Буян нэмэгдэх эмнэлгүүдэд цацрагийн хамгаалалт, аюулгүй байдалд цацрагийн хэмжилтийг хийлээ.

Тус хэмжилтээр Мэргэжлийн хяналтын ерөнхий газрын даргын баталсан 01/81 тоот удирдамжийн дагуу ажлын байранд цацрагийн хэмжилт, цацрагийн аюулгүйн үнэлгээг хийж, баталгаажуулан, байгууллагын удирдлагад цацрагийн хамгаалалт, аюулгүй байдлын талаар мэргэжил арга зүйн зөвлөгөө өгч ажиллалаа.

Эх сурвалж: Нийслэлийн мэргэжлийн хяналтын газар

Цасан шуурга шуурч, эрс хүйтрэхийг анхааруулж байна

Цаг уурын байгууллагын ирүүлсэн мэдээллээр өнөөдөр төвийн аймгуудын нутгаар, маргааш буву энэ сарын 21-нд нутгийн зүүн хагаст цас орж, цасан шуурга шуурна.

 Мөн нутгийн өмнөд хэсгээр хүчтэй салхи, шороон шуурга шуурч, ихэнх нутгаар хүйтрэх тул зам, даваанд халтиргаа гулгаа үүсэхийг онцгойлон анхааруулж байна.

Иймд:

  • Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах; 
  • Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих;
  • Иргэд, малчид салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, хөгжлийн бэрхшээлтэй иргэд, өндөр настан, бага насны хүүхдийг хараа хяналтгүй орхихгүй байх, бага насны хүүхдийг малд явуулахгүй байхыг Онцгой байдлын ерөнхий газраас онцгойлон анхааруулж байна

С.Болормаа агсан амиа алдсан хэргийг хэрэгсэхгүй болгожээ

Говь-Алтай аймгийн Гэр бүл, хүүхэд залуучуудын хөгжлийн газрын даргаар ажиллаж байсан С. Болормаа агсан 2020 оны хоёрдугаар сарын 18-19-нд шилжих шөнө учир битүүлэгээр амиа алдсан билээ. Тэрээр тухайн өдөр аймгийн Засаг дарга асан В.Ренцэндоржийн албан өрөөнөөс гарч яваад, хамт ажилладаг мэргэжилтнийхээ автомашинд учир битүүлгээр нас барсан байдалтай олдсон.

Энэхүү хэрэгт УЕПГ-аас хяналт тавьж Говь-Алтай аймгийн Сум дундын Эрүүгийн хэргийн шүүхэд шийдвэрлүүлэхээр харьяалал тогтоосон билээ.

Тус хэргийн гэм буруугийн шүүх хурал өчигдөр /2021.11.19/ Говь-Алтай аймгийн Сум дундын Эрүүгийн хэргийн шүүхэд болж өнгөрлөө. Шүүх бүрэлдхүүний эцсийн шийдвэрээр С.Болормаа агсан амиа алдсан хэргийг хэрэгсэхгүй болгож, шүүгдэгч Э.Мэндсайхан, В.Рэнцэндорж, Б.Лхагвадорж нарыг  цагаатгасан байна.

Харин хохирогчийн өмгөөлөгчийн зүгээс шүүхийн гаргасан шийдвэртэй санал нийлэхгүй байгаа бөгөөд давж заалдах шатны шүүх хуралд гомдол гарах бодолтой байгаа хэмээн мэдээлжээ.

С.Одонтуяа: Хүүхдийг цахим орчинд хамгаалах хууль хэрэгтэй

Улсын Их Хурлын дэд дарга С.Одонтуяагийн санаачилгаар  НҮБ-ын Хүүхдийн сантай хамтран өчигдөр /2021.11.19/ “Хүүхдийг цахим халдлагаас хамгаалах нь” сэдэвт хэлэлцүүлгийг зохион байгууллаа.

Хэлэлцүүлэгт УИХ-ын гишүүн Н.Учрал, Б.Баярсайхан, Хөдөлмөр нийгэм хамгааллын яам, БШУЯ, ГБХЗХГ-ын Хүүхэд гэр бүлийн хөгжил, хамгааллын газар, Цагдаагийн ерөнхий газар, НҮБ-ын Хүүхдийн сан, СЭМҮТ зэрэг байгууллагуудын төлөөлөл болон хүүхэд хамгааллын чиглэлээр үйл ажиллагаа явуулдаг төрийн бус байгууллагууд оролцов.

Хэлэлцүүлэг нь манай улсын  интернэт хэрэглээ эрс нэмэгдэж, цахим орчинд хүүхдүүд ихэнх цагийг өнгөрүүлж байгаатай холбогдуулан цахим орчинд хойч үeэ хамгаалах, зөв зохистой интeрнэт хэрэглээнд төлөвшүүлэхэд олон нийт, эцэг эхчүүд, төрийн болон иргэний байгууллагуудыг анхаарч ажиллахад нөлөөлөх, цахим орчны хор уршгаас хүүхдүүдийг урьдчилан сэргийлэх мэдлэг мэдээлэл, арга замыг хамтдаа тодорхойлж, хэрэгжүүлэх, эрх зүйн орчныг сайжруулах зорилготой юм.

Хэлэлцүүлгийн эхэнд Улсын Их Хурлын дэд дарга С.Одонтуяа “Өмнө нь батлагдсан хүүхэд хамгааллын хуульд биет зүйлсээс хамгаалах тухай заасан. Цахим орчинд хамгаалах тухай энэ хуульд нэмэлт, өөрчлөлтөөр оруулж өгөх хэрэгтэй. Цахим орчны тухай тусдаа хуультай болгох эсэх тал дээр мэргэжлийн хүмүүсийн санал санаачилгыг авна. Бид хууль эрх зүйн орчноо зөв тодорхойлох нь хамгийн чухал байна. Хүүхдүүдэд хэрэгтэй чухал, зөв хууль гаргахын төлөө хамтран ажиллая” хэмээн хэлсэн үгэндээ онцолсон юм.

gkr684_imported_image_x974-300x200 УИХ-ын гишүүн Б.Баярсайхан: Манай улс цахим орчны хүчирхийлэлээр дэлхийд тэргүүлж байна

УИХ-ын гишүүн Б.Баярсайхан “Төрийн болон төрийн бус байгууллагууд цахим орчинд дахь хүчирхийлэл, гадуурхалтын эсрэг олон төрлийн хөдөлгөөнийг өрнүүлж байсан боловч манай улс цахим орчны хүчирхийлэл, амиа хорлолтоор хүн амынхаа тоотоо харьцуулахад дэлхийд тэргүүлж байна. Хөгжингүй орнууд цахим орчинд хүүхдийн эрхийг хамгаалах хуулиа батлаад хэрэгжүүлж байна. УИХ-ын гишүүний хувьд цахим орчинд хүний эрхийг хамгаалах, хүүхдийн эрхийг хамгаалах хуулийг санаачилж судалгааны ажлаа эхлүүлээд явж байна. Цахим орчин хүүхдийн эрхийг хамгаалах тухай бие даасан хууль батлахын тулд УИХ-ын гишүүд хүчин чармайлт гарган ажиллах болно. Үүнд та бүгдийн оролцоо чухал” гэв.

ЦЕГ-ын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсийн дарга Э.Баярбаясгалан Цахим орчинд хүүхдийн эсрэг үйлдэгдэж буй гэмт хэргийн шалтгаан нөхцөл, урьдчилан сэргийлэх арга зам”, НҮБ-ын Хүүхдийн Сангийн Хүүхэд хамгааллын ахлах мэргэжилтэн Д.Амараа “Цахим орчин дахь хүүхэд хамгааллын чиглэлээр НҮБ-ын Хүүхдийн Сангийн хэрэгжүүлж буй үйл ажиллагаа, энэ чиглэлээрх ОУ-ын туршлага”  СЭМҮТ-ийн дэд захирал В.Баярмаа “Өсвөр насны хүүхдүүдийн сэтгэцийн эрүүл мэндийн асуудал”, ХХЗХ-ны Цахим орчны судалгаа, шинжилгээ  хариуцсан мэргэжилтэн, Интернэтэд суурилсан үйлчилгээ, технологийн хэлтэс, Зохицуулалтын бодлогыг хэрэгжүүлэх газрын дарга Г.Энхмаа “Цахим орчны зохицуулалт” зэрэг сэдвүүдээр оролцогчдод мэдээлэл өгсөн юм. Хэлэлцүүлгийн төгсгөлд оролцогчид хэлэлцэж буй сэдвийн хүрээнд санал солилцов.

Эх сурвалж: УИХ-ын Хэвлэл мэдээлэл, олон нийттэй харилцах хэлтэс

Дархлаажуулалтын эмнэлгийн тусгай галт тэргийг аялуулна

УОК, ЭМЯ-ны шийдвэрийн дагуу дархлаа сэргээх вакцины нэмэлт тунд төмөр замчид болон орон нутгийн ард иргэдийг хамруулах зорилгоор шугам замаар дахин эмнэлгийн тусгай галт тэргийг “Улаанбаатар төмөр зам” ХНН энэ сарын 20-ноос буюу маргаашнаас аялуулж эхлэхээр болжээ. 

Дархлаажуулах багт УБТЗ-ын Төв эмнэлгийн эмч, эмнэлгийн ажилтнуудаас гадна ХӨСҮТ-ийн эмч нар оролцож байгаа аж. Эмнэлгийн тусгай галт тэрэг урд шугам замаас эхэлж ажиллах бөгөөд “Файзер” болон “Синофарм”, “Спутник-В” вакцинуудаар дархлаажуулах юм байна.

Дархлаа сэргээх нэмэлт тун нь Ковид-19 халдварт цар тахлын  хүндрэлээс сэргийлэх, нас барах эрсдэлээс хамгаалж байгааг ДЭМБ зөвлөж байгаа юм.             

Иргэн бүр эрүүл мэндийн үзлэгт хамрагддаг тогтолцоонд шилжинэ

Тогтвортой хөгжлийн үндэсний хорооны хурал болж, Монгол Улсад 2023-2027 онд хэрэгжүүлэх НҮБ-ын Тогтвортой хөгжлийн хамтын ажиллагааны хүрээ (НҮБТХХАХ) баримт бичгийн стратегийн тэргүүлэх чиглэл, хүрэх үр дүнгийн төслийг хэлэлцлээ. Монгол Улсын Ерөнхий сайд, Тогтвортой хөгжлийн үндэсний хорооны дарга Л.Оюун-Эрдэнэ “Монгол Улс Нэгдсэн Үндэстний байгууллагад элссэний 60 жилийн ой энэ жил тохиож байна. Түүхэн ач холбогдолтой ойг ёслол төгөлдөр тэмдэглэн өнгөрүүллээ” гэдгийг хурлын эхэнд тэмдэглэлээ. Мөн Монгол Улсын вакцины нөөцийг бүрдүүлэхэд хамтран ажиллаж дэмжлэг үзүүлсэн улс орнууд болон НҮБ-ын харьяа байгууллагуудад гүн талархал илэрхийлэв. Ковид-19-ийн эсрэг вакцины үр дүнд Монгол Улс энгийн амьдралд үе шаттай шилжиж байна гэлээ.


НҮБ-ын Ерөнхий Ассамблейн чуулганаас баталсан Тогтвортой хөгжлийн зорилгын зорилтот хугацаа дуусахад есөн жил үлдсэн байна. Тиймээс НҮБ болон манай улс Тогтвортой хөгжлийн зорилгуудыг цаг алдалгүй эрчимжүүлэхэд хоёр талын хамтын ажиллагааны уялдаа холбоо нэн шаардлагатай. Монгол Улс дахь НҮБ-ын удирдлагын баг 2023-2027 онд манай улстай хэрэгжүүлэх “Тогтвортой хөгжлийн хамтын ажиллагааны хүрээ” баримт бичгийг боловсруулах ажлыг эхлүүлж байгаа нь Монгол Улс болон Нэгдсэн Үндэстний Байгууллагын түншлэлийн шинэ хуудсын эхлэл болж байна гэдгийг Ерөнхий сайд онцоллоо.
Ирэх онд “Тэрбум мод” үндэсний хөдөлгөөнийг хариуцан зохион байгуулах, мэргэжлийн удирдлагаар хангах “Ойн судалгаа, хөгжлийн агентлаг” байгуулна.  Төрийн байгууллагын ажлын шалгуур үзүүлэлтэд цахим шилжилтийг эрчимжүүлэх, мод тарих, ногоон байгууламжийг нэмэгдүүлж, экологийн тэнцвэрийг хангах, хог хаягдлыг бууруулж, амьдрах орчныг сайжруулах гэсэн заалтыг нэмж тусгасан.
Манай улс цахим шилжилтийг эрчимжүүлэн, авлигатай тэмцэж, ил тод, нээлттэй засаглалыг байгуулах ажлуудыг эхлүүлсэн. Мөн “Хадлагамжтай хүүхэд”,  “Халамжаас хөдөлмөрт” зэрэг хөтөлбөр хэрэгжүүлнэ гэж Ерөнхий сайд хэлээд Тогтвортой хөгжлийн зорилтыг хангахад Засгийн газар манлайлал үзүүлж ажиллана гэлээ.
Иргэн бүр эрүүл мэндийн эрт илрүүлэг, урьдчилан сэргийлэх үзлэгт жил бүр хамрагддаг тогтолцоонд манай улс ирэх жилээс шилжиж байна. Энэ ажилд НҮБ  дэмжлэг үзүүлж, “Тогтвортой хөгжлийн хамтын ажиллагааны хүрээ” баримт бичигт тусгахыг хүслээ.


НҮБ-ын “Тогтвортой хөгжлийн хамтын ажиллагааны хүрээ” баримт бичгийг “Алсын хараа-2050” Монгол Улсын урт хугацааны хөгжлийн бодлогын зорилтуудыг үндэслэн боловсруулсан нь нэн чухал ач холбогдолтой юм. Монгол Улсын Засгийн газраас “Алсын хараа-2050” бодлогын зорилтын эхний 10 жилд боомт, эрчим хүч, аж үйлдвэржилт, түгжрэл, төрийн бүтээмж, байгалийн нөөц зэрэг хөгжлийн хязгаарлагч хүчин зүйлсийг шийдвэрлэх “Шинэ сэргэлтийн бодлого”-ыг эрх зүйн зохицуулалтыг боловсруулж байгааг Ерөнхий сайд Л.Оюун-Эрдэнэ Тогтвортой хөгжлийн үндэсний хорооны гишүүдэд хандаж хэллээ.
Монгол Улсын Засгийн газар НҮБ хамтран 2027 он гэхэд “Тогтвортой хөгжлийн хамтын ажиллагааны хүрээ” баримт бичгийн стратегийн гурван тэргүүлэх чиглэл болохногоон, тэгш хамруулсан, тогтвортой өсөлт, хүний хөгжил болон эрүүл мэнд, хүн төвтэй, хууль дээдэлсэн, хүний эрхийг хангасан засаглалыг байгуулах нь тэргүүний зорилт юм гэдгийг тэмдэглэлээ.
Тус хурлаар Монгол Улсад 2023-2027 онд хэрэгжүүлэх НҮБ-ын Тогтвортой хөгжлийн хамтын ажиллагааны хүрээ (НҮБТХХАХ)-баримт бичгийн стратегийн тэргүүлэх чиглэл, хүрэх үр дүнгийн төслийг хэлэлцээд дэмжлээ.

Засгийн газрын Хэвлэл мэдээлэл, олон нийттэй харилцах газар

Мэдээ орчуулах »