fbpx

essa

/

МАН-ын даргын суудал ганхаж, МАНь эмэгтэйчүүд бужигнаж эхлэв үү

АН задарч, МАН гэдсэндээ хөлөө жийлцэж буй өдрүүдийн гол хорчдын нэг хэсэг нь эмэгтэйчүүд. Төдийлөн цойлж тодроод толгойд гараад ирэхгүй ч тэр энийг хутган, тэвнэ зүү шидэлцүүлэгчид бүсгүйчүүд байдаг нь үнэн. Ялангуяа

/

Тэрбумын өртөгтэй гарын үсгийн эрэлд буюу Хүкийн тэсч үлдэх 5 хоног

Өндөржүүлсэн бэлэн байдлын хугацааг 4 хоногоор сунгав. Энэ нь дотоодод эрчтэй тархаж буй цар тахлын эсрэг хариу арга хэмжээ авахад хүрэлцэх хангалттай хугацаа огтхон ч биш юм. Харин ирэх 7 хоногийн даваа гараг хүртэл Засгийн газар завсарлага авч, Хүк суудалдаа

“Нүхт тур” руу их хэмжээний мөнгө яагаад шилжүүлэв, Л.Оюун-Эрдэнэ сайдаа!!!

//

Зорчигчдын хоолыг зогсоосон атал “Нүхт тур” руу их хэмжээний мөнгө яагаад шилжүүлэв…… МИАТ компанийн сэжиг бүхий гүйлгээ, цар тахлын хүнд үед байж боломгүй гэрээ

Б.Болор-Эрдэнийг гомдоолоо хэмээн ЭЦГ-аас тус сайтыг хар жагсаалтад оруулах хүсэлт хүргүүлсэн үү?

/

-Албан тушаал, эрх мэдлээ урвуулан ашиглагчдыг анхааралдаа авна уу, Авлигатай тэмцэх газар!- Манай сайт Харилцаа холбоо, мэдээлэл технологийн газрын дарга Б.Болор-Эрдэнийг шүүмжилж бичсэн. Гэтэл

Бүтээн байгуулалтыг “булаах”-д Хөгжлийн банк зүгээр л ШАЛТАГ

/

Бадарчин явсан газар балагтай, батгана суусан газар өттэй гэж… Сүүлийн үест төрийн өндөрлөгүүдийн айлчилсан үйлдвэрийн эзэд шоронгийн хаалга татаж, аж ахуйн нэгж нь “дээрмийн машин”-д хэрчигдэж буй нь жихүүцэл төрүүлж байна.

Хамгийн сүүлийн жишээ нь “Дархан арьс ширний цогцолбор” ХХК.

Ерөнхийлөгч У.Хүрэлсүх 2020.09.17-нд Ерөнхий сайдаар ажиллаж байхдаа тус компанийн хэрэгжүүлж буй төслийн бүтээн байгуулалттай танилцаж байв. Түүнээс жил хүрэхгүй хугацааны дараа 2021.05.23-ны өдөр дараагийн Ерөнхий сайд Л.Оюун-Эрдэнэ “айлчилсан”. Барилга хот байгуулалтын сайд Б.Мөнхбаатар, Хүнс хөдөө аж ахуй, хөнгөн үйлдвэрийн сайдаар ажиллаж байсан Ч.Улаан, З.Мэндсайхан нар ч ирээд буцсан.

МАН-ын 2020 оны сонгуулийн сурталчилгаа Дархан арьс ширний цогцолбор төсөл байсан бол 2021 оны Ерөнхийлөгчийн сонгуулийн пиар ч ийш чиглэж У.Хүрэлсүх “Дарханд 6000 ажлын байр бий болгох энэ төслийг МАН заавал хэрэгжүүлнэ. Арьс ширний цогцолбор 2024 он гэхэд ашиглалтад орно. Гүйцэтгэгч та бүхэн чадлаараа хичээгээрэй. Төр дэмжинэ” хэмээн попорч байв.

Одоо харин эсрэгээрээ өнөөх төсөл гацаж, Төр дэмжих бус дээрэмдэж байна.

Сонгуулийн өмнө “долоогоод”, сонгуулийн дараа “дээрэмдсэн” нь

“Дархан арьс ширний цогцолбор” ХХК-ийг 2018.09.05-нд Дархан-Уул аймгийн Иргэдийн төлөөлөгчдийн хурал, “Лидер капитал” ХХК хамтран байгуулав. Дархан-Уул аймгийн ИТХ-ын 2018.12.21-ний өдрийн 106 дугаар тогтоол ч бий.

Төслийн хүрээнд жилдээ 10 сая ширхэг арьс шир боловсруулж, 10 мянган тонн ноос боловсруулах, ноос ноолуур угаах самнах хүчин чадал бүхий үйлдвэрүүдийн суурь тавигдан уул уурхай гэх хазгар таягтай Монголын эдийн засагт тулгуур багана бий боллоо хэмээн дээр, доргүй хөөрцөглөж байв.

Эмээлтэд өмхийрч, малчдын хотонд бөгсний цаас шиг хаягдаж байсан арьс ширээ боловсруулдаг болсноор эдийн засаг сэргэж, 2300 шууд ажлын байр, шууд бусаар 7500 орчим иргэн байнгын ажлын байртай болох байлаа.

Харамсалтай нь барилгын ажил 86, дэд станцын угсралт 95, бохир ус цэвэрлэх байгууламжийн барилгын ажил 80, дотор дулааны шугам 50, гадна дулааны 3.9 км шугамын ажил 70, богийн арьс шир боловсруулах үйлдвэрийн барилгын суурийн ажил 18, уур гаргах үйлдвэрийн барилгын суурийн ажил 18 хувийн гүйцэтгэлтэй явсан бүтээн байгуулалтыг эрх баригчид нам зогсоолоо.

“Дарханы арьс ширний цогцолбор” ХХК бүтээн байгуулалтыг хийхдээ орон нутгийн буюу Дарханы 20 орчим компанийг гүйцэтгэгчээр ажиллуулж, өнөөдүүл нь өөрийн хөрөнгөөр болон банк, банк бус байгууллагаас зээл авч зүтгэсэн байдаг.

Ингээд “Дарханы арьс ширний цогцолбор”-той нийлээд 20 орчим компани харалган төрийн бодлогогүй шийдвэрээс хаалгаа барихдаа хүрээд байна.

Баруун, зүүн гараараа хоёр өөр тогтоол үйлдэн залилан, дээрэм хоёрыг зэрэг шахам хийж, Шинэ сэргэлтийн бодлогынхоо эсрэг ажиллаж яваа эрх баригчдын эсрэг ард түмэн эрслэн босоход ойрхон байгаа.

ТЭЗҮ нэрт мөнгө угаалт уу

У.Хүрэлсүх Ерөнхий сайдаар ажиллаж байхдаа “Дархан арьс ширний цогцолбор” компанийн бүтээн байгуулалттай танилцсанаас яг хоёр сарын дараа буюу 2020.11.18-ны өдөр 185 дугаар тогтоол гээчийг гарган “Дархан арьс ширний цогцолбор бүтээн байгуулалт” нэртэй ТӨХК-ийг байгуулав.

Тогтоолд зааснаар тухайн төрийн өмчит компани нь Дархан арьс ширний цогцолбор төслийн эзэмшил, ашиглалтыг хариуцах, дэд бүтцийн ажлыг гүйцэтгэхэд шаардлагатай хөрөнгийн эх үүсвэрийг хариуцах үндсэн чиг үүрэгтэй байгаа юм. Улмаар дэд бүтцийн ажлыг гүйцэтгэхэд шаардлагатай хөрөнгийн эх үүсвэрийг жил бүрийн улсын төсөвт тусгуулах, гадаадын зээл тусламжид хамруулах замаар санхүүжүүлэх арга хэмжээ авч ажиллахыг Сангийн сайд Ч.Хүрэлбаатар, Хүнс, хөдөө аж ахуй хөнгөн үйлдвэрийн сайд З.Мэндсайхан нарт даалгасан байдаг.

Харамсалтай нь эл тогтоол худал хуурмаг, заль мэх төдий байсан бололтой.

Тогтоолоор байгуулагдсан төрийн өмчит компани юун дэд бүтэц шийдэж, хөрөнгийн эх үүсвэр олж өгөх манатай өөрсдөө “Дархан арьс ширний цогцолбор” төслийн яг дэргэд 25 га талбайн хогийг 60 сая төгрөгөөр цэвэрлүүлээд жилд 4.4 сая ширхэг арьс шир боловсруулах үйлдвэр барина гээд суугаад авсан нь даанч увайгүй.

Тэрчлэн Италийн ИМАГРО компанид 921 сая төгрөг төлөөд ТЭЗҮ хийлгэсэн нь шилэн дансанд бий.

Ингэж цагаандаа гарч байхаар ядаж бидний хийлгэсэн ТЭЗҮ-г авч төсвийн мөнгө хэмнэхгүйдээ хэмээн хувийн хэвшлийнхэн арга ядан халаглаж байна.

“Дархан арьс ширний цогцолбор” ХХК олон улсын жишигт нийцсэн цогцолбор байгуулахаар Испанийн ИПАП Инженеринг компаниар ерөнхий төлөвлөгөө, үйлдвэрийн технологийн схем хийлгэж, Швейцарийн Huni компанийн зөвлөгөөн дор салбартаа тэргүүлэгч Итали улсын Deltacque компаниар арьс ширний үйлдвэрийн бохир ус цэвэрлэх байгууламжийн ТЭЗҮ-г хийлгэсэн байгаа юм.

Тиймээс төр хувийн хэвшлийн ажлыг булааж байгаа юм бол нэгмөсөн булааж ТЭЗҮ-г нь хүртэл аваад тэрбум төгрөгийг хэмнэчихгүй яагаа вэ.

Улсын Бүртгэлийн Ерөнхий газраас эхэлсэн “мэх”

Төрийн “дээрэм”-д Улсын бүртгэлийн газрын ажилтнууд ч холбоотой болж таарна. Ижил нэрээр аж ахуйн нэгж байгуулахыг хуулиар хориглосон. Гэтэл 2018 онд байгуулагдсан “Дархан арьс ширний цогцолбор” ХХК гэх хувийн хэвшлийн нэрийг давхардуулан 2020 онд төрийн өмчит компани байгуулсан нь өөрөө ноцтой факт.

Тэрчлэн дүрмийн сандаа 20 тэрбум төгрөгтэй хэмээн Улсын бүртгэлд бүртгүүлсэн ч Шилэн дансанд 4 тэрбум төгрөгийн хөрөнгөтэй гэсэн байгаа нь залилан мэхлэлтийн онц ноцтой факт. Үүнийг нь мөн л Улсын бүртгэлийн ерөнхий газар бүртгэж авсан байдаг.

Эл бүгд дээр нэмээд хамгийн хөгийн нь Засгийн газрын 2020.11.18-ний өдрийн 185 дугаар тогтоолоор үндсэн үйл ажиллагааг нь “Дархан арьс ширний цогцолбор”-ын дэд бүтцэд дэмжлэг үзүүлэх, тухайн төслийн эзэмшил, ашиглалтыг хариуцахаар тодорхой заасан байтал яг сарын дараа санаа нь өөрчлөгдөж 2020.12.23-ны өдөр Төрийн өмчит компанийнхаа дүрмийг өөрчлөн, “үйлдвэр барих, ашиглалтад оруулах” болгосон байгаа юм.

Энэ хоёр тогтоол хоёулаа У.Хүрэлсүхийн гараар үйлдэгдсэн байгаа нь анхнаасаа хувийн хэвшлийн бүтээн байгуулалтыг “дээрэмдэх” санаатай байсан юм биш байгаа гэх хардлагыг төрүүлж байна.

ДЭЭРЭМ, БУЛААЛТ, ХУЛГАЙ гэдгээс өөрөөр юу гэж нэрлэх вэ

Хувийн хэвшил 180 га талбайд арьс ширний цогцолбор барих бол төрд 25 га талбай байхад хангалттай юм байх. Хувийн хэвшил жилд 10 сая ширхэг арьс шир боловсруулах бол төр 4.4 сая арьс боловсруулаад бусдыг нь хаяна.

Монгол Улс 180 000 малчин өрхтэй. Жилдээ 15 сая орчим арьс шир гардаг.

Тэгэхээр төр 4.4 саяыг нь боловсруулаад 11 саяыг нь хог дээр хаях аж. Тэрчлэн ийм бага хүчин чадалтай үйлдвэр барих хэрнээ цэвэрлэх байгууламж барихад 40 тэрбум төгрөг шаардлагатай гээд ТЭЗҮ-г нь тэрбум төгрөгөөр хийлгэсэн байх жишээтэй.

Гэтэл хувийн хэвшлийнхний 10 сая ширхэг арьс шир боловсруулах үйлдвэрийн цэвэрлэх байгууламжийн зардал нь 40 тэрбум төгрөг.

Иймд хувийн хэвшлийн хүчин чадлаас даруй 4 дахин бага хүчин чадалтай цэвэрлэх байгууламжийг төр 4 дахин их үнээр барихаар улайрч, шунан дайрч байгааг ДЭЭРЭМ, БУЛААЛТ, ХУЛГАЙ гэдгээс өөрөөр юу гэж нэрлэх юм бол!!!

Шинэ сэргэлийн бодлого, Алсын хараанд Төр хувийн хэвшил хоорондоо өрсөлдөхгүй, хамтарч ажиллана гэж тодоос тод бичсэн нь ард олноо хууран мэхэлсэн явдал байх нь уу?!

Хувийн хэвшлийн бүтээн байгуулалтыг зогсоож, улмаар үйл ажиллагааны зорилго чиглэлийг нь булаахад хүрч буй Төрийн өмчит компанийн анхны захирал нь Н.Цэрэнбат. Байгаль орчин, аялал жуулчлалын сайдын суудлаас мултраад байсан түүнийг тухайн үед генсэк Д.Амарбаясгалан томилуулж байж.

Н.Цэрэнбат нь Байгаль орчин, аялал жуучлалын сайдаар ажиллаж байхдаа авлигын хэд хэдэн асуудалд хутгалдаж, Авлигатай тэмцэх газраас холбогдох баримтыг ил болгож байв. Мөн ЖДҮХС-гаас хамаарал бүхий гурван ч компани нь зээл авсан байсныг хэвлэлийн хуудсуудаас харж болно.

Түүний дараа Ц.Гансүх томилогдсон. Хөвсгөл аймгийн Мөрөн сумын Засаг даргаар ажиллаж түүнийг УИХ-ын гишүүн Ц.Даваасүрэнгийн гарын “даа” гэдэг. Ц.Нямдорж “Арван хувийн Даваасүрэн” гэж чуулганы хуралдаан дээр цоллож байсныг энд шигтгэе. Тендэр бүрээс 10 хувь хүртэж гаршсан гэсэн утга юм билээ. Өдгөө төрийн өмчит “Дархан арьс ширний цогцолбор бүтээн байгуулалт” компаниас 11 тендэр зарлаад байгаа нь анхаарал татах өнцөг мөн.

Улсын бус увайгүйчүүдийн АЛСЫН ХАРАА

Ийнхүү хувийн хэвшлээ дэмжиж ажиллана гэх У.Хүрэлсүх, Л.Оюун-Эрдэнэ нарын үг амьдрал дээр олны дэмжлэгийг авах гэсэн хууран мэхлэлт, зальжин арга байж хэмээн дүгнэхэд хүргэж байна. Алсын хараа 2050 нь ч улс орны бус унхиагүй энэ эрчүүдийн л АЛСЫН ХАРАА төдий байсан байх нь.

Хөрөнгийг хэрхэн босгов гэх асуудлыг хойш тавиад, юуны түрүүнд Оросын мэдэлд байсан Эрдэнэтийн 49 хувийг оруулж ирсэнд нь талархах байтал холбогдох нөхдөд нь ял үүрүүлэнгээ алдан далийрч яваа эрх баригчид цементийн үйлдвэрүүдийг самарч, өдгөө “Дархан арьс ширний цогцолбор”- руу ийнхүү давшилж байна.

Аж үйлдвэрийн томоохон төслүүдийг Засгийн газар нь давуу эрхээр дэмжиж, дэд бүтцийг нь хариуцан шийдвэрлэж өгдөг дэлхийн жишгийг тэд сөрж, сөрөх сөрөхдөө хүсэл шуналаа гүйцэлдүүлэхийн тулд Дарханы арьс ширний цогцолбор газрын гүйцэтгэх захирал Д.Энхбаяр болон Хөгжлийн банкны охин компани “Ди Би Эм ассент менежмент ҮЦХ” компанийн захирал  асан Д.Болормаа нарыг цагдан хорьчихоод байгаа нь бүр гутамшиг.

Шалтгаан нь, Хөгжлийн банкнаас авсан 15 тэрбум төгрөгийн зээл гэх өөрсдийн нь бодлогын алдаа завхралаас үүсэн төлөх хэцүү, байх нэг хэцүү болчихсон зээлийн асуудал.

Хөгжлийн банк бол Монгол Улсын хөгжлийн бүтээн байгуулалт, төсөл хөтөлбөрт хөрөнгө оруулалт хийх үндсэн чиглэлтэй байгуулагдсан банк.

Тэр дагуу буюу Монголыг хөгжүүлэх хөгжлийн зээлийнх нь шалгуурт тэнцээд зээл авсан байдаг ч цар тахлын хүнд үе, нэмээд У.Хүрэлсүхийн баруун, зүүн хоёр гараар үйлдэгдсэн хоёр өөр тогтоолын гэмээс үүдэн эргэн төлөлт саатсан л төдий…

Гэвч энэ нь эрх баригчдад зүгээр л шалтаг болж өгч байна.

Зориудаар, зохиомлоор үүсгэсэн “шалтаг, шалтгаан”-аа үндэс болгоод Хөгжлийн банкны харилцагч, зээлдэгчдийг хуулийн байгууллагаар сүрдүүлж, бүтээн байгуулалтуудыг нь булаагаад байгаа юм биш байгаа гэх хардлага эрхгүй төрж буй нь нууц биш.

“Дархан арьс ширний цогцолбор” ХХК-ийн удирдлагууд төрийн өндөрлөгүүд, холбогдох яам, тамгын газруудад дугуй ширээний ард сууж асуудлаа ярихыг хүссэн албан бичгийг хэдэнтээ хаяглаж байгаа ч хэн ч хариу өгөлгүйгээр захирлуудыг нь барьж хорин увайгүйтэж буй нь дээрх хардлагыг улам бүр лавшруулж байна.

Тэгэхээр хувийн хэвшлийнхэн Хөгжлийн төлөөх авсан зээлээ эргэн төлж чадахгүйд хүрч буй шалтгаануудаа үндэслэлтэйгээр гаргаад хариуцлагыг хохиролтойгоо өөрсдөө үүрэх бус эрх баригчдаас сөргүүлэн нэхэх цаг нэгэнт болж…

Эрэн сурвалжлах сэтгүүлзүйн НАЖ МОГОЙ үндэсний холбоо

Түүний ноёрхолд цэг тавих цагийн зүү нь Д.Амарбаясгалан

/

Д.Амарбаясгалангийн улстөр тун сонирхолтой өрнөж байна. Тэр сөрөг хүчнийг босгоход анхаарал хандуулж, урт холын замыг хөтөлгөө морьтой туулах нь.

Ч.Сайханбилэг АН-ын Үндэсний бодлогын дэд хорооны даргаар томилогдож, С.Баярцогт мөхлийн ирмэгт тулсан АН-д аврагчийн дүрээр эргэн ирэх болсон нь тохиолдлын хэрэг биш.

Тэрчлэн Б.Баатарын найруулгатай Л.Оюун-Эрдэнийн алсын хараа 2050 нь 50 оныг үзэх байтугай 20 хүрэхгүй хоногийн дараа дуусах бололтой.

АН-ын Үндэсний бодлогын хорооны дэд даргаар томилогдсон Ч.Сайханбилэг эх орондоо ирснээр тэдний сценарид цэг тавигдана. Түүнийг угтаж авах улаан хивс болгож намын залуучууд нь С.Эрдэнэ, Х.Баттулга хоёрыг “шоронд” илгээх илгээлт өвөртлөөд суулт зарлачихлаа.

УИХ-ын гишүүн асан О.Баасанхүү “Үнэндээ С.Эрдэнэ дараагийн дарга сонгох үйл явцад санаатай, санамсаргүйн байдлаар саад учруулахаа болих хэрэгтэй. Д.Сумьяабазар, Х.Нямбаатар хоёр С.Эрдэнийн ард байгаа” гэж бичсэн нь анхааралгүй үлдээчих жиргээ биш.

О.Баасанхүү Н.Энхбаяраас С.Эрдэнэ рүү урваад багагүй хугацаа өнгөрсөн. Хэдийгээр улстөрийн урваа шарваанд гаргуун ч хуульч хүн гэсэндээ үг үйлдлээ цэнэж дуугардаг нэгэн. Тэгэхээр С.Эрдэнэтэй ойр байсан түүний жиргээнээс С.Эрдэнийн ард Л.Оюун-Эрдэнэ байдаг гэх тойруу утгыг түвэггүйхэн ойлгочиход болж байгаа юм.  

Нэг нам дангаар эрх барьж буй уйтгартай улстөрөөс элэглэл, элийрлийн дүр болсон С.Эрдэнийг түлхэхдээ Л.Оюун-Эрдэнийг хавчуулаад шидчихэж байгаа нь бас ч гэж гоё.

С.Баярцогтод оногдуулсан 10 жилийн хорих ялтай хэргийг хэрэгсэхгүй болгоод зогсохгүй дахин улс төрд авчрах эрх мэдэл зөвхөн эрх баригч намд л бий гэдгийг захын чавганц гадарлахтайгаа. Тэгэхээр МАН-ын өршөөл нигүүслээр С.Баярцогт АН-ын дарга болох үүд хаалга нээгдэж буй харагдавч үнэн чанартаа Рио Тинто Монголын эрх баригчдыг сөрөг хүчинтэй юутай нь шатрын хөлөг дээр өрчихсөн суугаа байх нь. Рио-гийн гарт МАН-аас Н.Багабанди, АН-аас Ц.Элбэгдорж тэргүүтэн атгуулаастай явдаг гэлцдгийг мартаж болохгүй. Тиймээс АТГ-ын үүдэнд майхантай суулт зарлачихсан залуусыг Ц.Элбэгдоржийн тавиулууд гэх нэр хоч өгөөд олон түмний зүгээс төдийлөн дэмжихгүй байгаа.

Ил өрнөх АН-ын эл үзэгдлүүдийн цаана МАН-д бас их бага тоглолтууд хийгдсээр байна.

Сайдын суудлаас татгалзаж, Тусгаар тогтнолын ордныхоо зургаан давхраас гардаггүй байсан Д.Амарбаясгалан Төрийн ордны III давхарт өрөөтэй болж, Л.Оюун-Эрдэнийн гал тогоог “авсан” нь энэ намрын сонирхолтой улстөр. Түүнийг “Шинэ сэргэлтийн бодлого”, “Алсын хараа 2050”-ынхаа эсрэг ажиллаж, алхам тутамдаа хувийн хэвшил, аж үйлдвэрлэлүүдийг булаацалдах зэргээр өлөн загнаж буй Л.Оюун-Эрдэнийг зайлуулахаар Засгийн газарт орж ирсэн гэлцэж байна. Нөгөөтэйгүүр М.Энхболдын тохироо ч гэгдэж буй юм.

Сүүлийн үед Төв аймгийг ойр ойрхон зорих болсон М.Энхболд нийслэлийн намын хороог, Д.Амарбаясгалан намын төв аппаратыг атгаж, С.Амарсайханд Ерөнхий сайд, Ц.Чулуунзагдад намын Ерөнхий нарийн бичгийн даргын суудлыг өгөхөөр эцэслэсэн гэх хувилбар эрчтэй яригдаж байна.

Л.Оюун-Эрдэнийн У.Хүрэлсүхээс шилжүүлэн авч тохижуулсан, тоглоомын өрөө шиг Засгийн газрын кабинетад Ерөнхийлөгч У.Хүрэлсүхийн найз нөхөд, Д.Амарбаясгалангийн баг, Л.Оюун-Эрдэнийн өөрийнх нь цөөнх гэсэн бүрэлдэхүүн ажиллаж байв. Харин шинэчилсэн буюу өнөөдрийн танхимыг М.Энхболдын хүрээлэл, Д.Амарбаясгалангийн баг, Сү.Батболдын фракц давамгайлаад У.Хүрэлсүх, Л.Оюун-Эрдэнийн балиашгууд тойргоос гарсан байдалтайгаар бүрдүүлсэн.

Генсэкийн титмээ тайлаагүй байгаа Д.Амарбаясгалан Засгийн газрын гал тогоонд орж ирүүтээ Мэргэжлийн хяналтын байгууллагын чиг үүргийг өөрчлөн, яамдыг хяналтандаа авч эхэлсэн нь Л.Оюун-Эрдэнээс илүү хүчтэй байгаагаа харуулсан тоглолт биз.

МХЕГ-ын 28 чиг үүргийг задалж яамд руу хуваан, гомдол мэдээлэлд хяналт тавих эрхийг Засгийн газрын Хэрэг эрхлэх газар авна. Зөвхөн энэ эрх нь л яамдыг хяналт, шалгалт нэрийдлээр эрхшээлдээ байлгах хангалттай шалтаг шалтгааныг Д.Амарбаясгаланд бүрдүүлээд өгчихөж байгаа юм. Үүгээрээ тэр тогловол тоглож, өрвөл өрчих нүүдэлтэй улстөрч болсон гэдгээ харууллаа.

Н.Тавинбэх, А.Ариунзаяа нарыг золигт гаргаж, Шадар сайд С.Амарсайханыг үлдээх тохироог Д.Амарбаясгалан, Л.Оюун-Эрдэнэтэй хийсэн. Энэ нь хоёр хүнээр ганц суудал авч үлдсэн юм шиг харагдавч С.Амарсайханыг хотын дарга болгосон тактикаараа Гүйцэтгэх засаглалын тэргүүн болгох хожлын өрөг байж мэдэх юм.

Ерөнхий сайд Л.Оюун-Эрдэнэ Шадар сайд С.Амарсайхантай хэл амаа ололцдоггүй, нийлж ажиллаж чаддаггүйг нь кабинетийнхан битгий хэл салбар агентлагийнхан андахаа байсан.

Тиймээс Л.Оюун-Эрдэнийн зүгээс Засгийн газрын цэвэрлэгээнд хамгийн түрүүнд С.Амарсайханыг нэрлэж байсан нь тэр биз.

Тэрчлэн Д.Амарбаясгалангийн зүгээс Л.Оюун-Эрдэнийн замд дахин нэг тээг тавьсан нь Ж.Сүхбаатар. Монгол Улсын сайд, Нийслэл Улаанбаатар хотын автозамын түгжрэлийг бууруулах хороон даргаар Ж.Сүхбаатар, нарийн бичгийн даргаар хотын дарга Д.Сумъяабазар ажиллана хэмээн Д.Амарбаясгалан тодотгосон нь эрх мэдлийн далайцаараа Ж.Сүхбаатар Нийслэлийн Засаг дарга Д.Сумъяабазарын дээр сууж, байр сууриа илэрхийлнэ гэдгийг зарласан хэрэг болов.

Ингэж тэрбээр LRT-гийн төсөл дээр ашиг сонирхол нэгдэж, бие биеэсээ хараат бус байж чадахгүйд хүрсэн гэгдэж буй Л.Оюун-Эрдэнэ, Д.Сумъяабазар нарын дур зоргоороо авирт чөдөр тавилаа.

2013 онд Ж.Мөнхбат, Ж.Сүхбаатар нар намын Ерөнхий нарийн бичгийн даргын суудалд өрсөлдөж Ж.Сүхбаатар ялагдал хүлээсэн. Ингэхдээ “Т.Бадамжунайн бүлэглэлийн мөнгөнд уналаа. Луйврын өрсөлдөөн болов” гэж намынхаа босгыг өшигчиж гараад МАХН-д элсэж байв. Улмаар 2016 оны сонгуульд нэр дэвшиж ялагдаад улс төрийн тавцангаас арчигдаж явахад нь МАН-д авчирсан хүн бол Д.Амарбаясгалан. Тэгэхээр сүүлийн үест шинэ маягийн хотын фракцийг толгойлон ажиллаж буй Ж.Сүхбаатарын үг хэл, үйлдэл шийдэл нь хот дээр тавьсан Д.Амарбаясгалангийн өрөг гэчихэд хол зөрөхгүй биз.

Ирэх сард болох намын бага хурлаар Ц.Чулуунзагд, А.Ариунзаяа нарын нэгээр намын гол тогоог удирдуулах тохироо явагдаж байгаа. Хэн хэн нь Засгийн газрын хэрэг эрхлэх газрын даргын хүмүүс гэгддэг бөгөөд Говь-Алтайн угшилтай залуус.

Ийм байдлаар улстөрийн нүүдэл хийн урагшилж яваа Д.Амарбаясгалан намынхаа томоохон бүлэг фракцуудын дэмжлэгийг хэдийнэ авчихаж. Үүн дээр нэмээд хувийн хэвшлүүдээ заазлан “дээрэмдэж”, нус нулимсыг нь баран барьж хорьж буй Л.Оюун-Эрдэнийн бүлэглэлээс салахын түүс болсон бизнес эрхлэгчид түүний талд байна.

Нэг үгээр хэлбэл, Л.Оюун-Эрдэнэ, Д.Сумъяабазар нарын ноёрхолд цэг тавих цагийн зүү яваад эхэлчихэж.

Өсөхийн өлөн арилдаггүй, хургандаа цадаагүй бол төлөг болсон ч майлсаар байна гэдэгчлэн ганц бизнес эрхэлж үзээгүй, нэг хүний нийгмийн даатгал төлж цалинжуулж яваагүй Л.Оюун-Эрдэнийн “махны машин”-аас бизнес эрхлэгчдийнхээ зовлон жаргалыг салгаж, улсын төсөв, захиран зарцуулалтын эрхийг хурааж авах нь цаг хугацааны л асуудал болчихож.

Браво, Д.Амарбаясгалан…

“ГЭРЧ”-ийг явуул, Л.Оюун-Эрдэнэ ээ!!!

/

Засгийн газрын тэргүүнийг ОХУ-д Дорнын эдийн засгийн VII чуулганд оролцож, геополитикийн асуудлаар байр сууриа илэрхийлээд ирэх зуурт намтар, боловсролд нь улс даяараа эргэлзсэн, эргэлзээ нь шүүмжлэл доромжлолыг зэрэгцүүлсэн өдрүүд үргэлжилж байна.

Энэ явдалд олон түмнийг буруутгах ямар ч аргагүй.

Эсрэгээрээ Ерөнхий сайд болоод Засгийн газрын хэвлэлийн алба, ялангуяа Хэвлэлийн албаны даргын боловсрол, сэтгэл, ур чадвар, овсгоо самбаа дэндүү дутагдалтай байгааг харуулсан хэрэг болж байна.

Ердийн өдрүүдийг байг гэхэд Орос оронд хөрш Монголын Засгийн газрын тэргүүн хэрхэн хүндлэгдэж, хэр хэмжээний геополитикийн тоглолт хийж чадах нь вэ гэдгийг ертөнц даяар анирдан чих тавьсан эл өдрүүдэд Засгийн газрын Хэвлэл мэдээлэл, олон нийттэй харилцах хэлтэс болон эрх баригч намын аппарат хурд хариуцлага хоёрыг ханатал харуулж ажиллах ёстой байв.

Харамсалтай нь тэд чадсангүй.

Тэртэй тэргүй улс нийтээрээ сошиал орчинд ажиллачихдаг, хэрүүлээ хийчихдэг болсон байж “Ерөнхий сайд Л.Оюун-Эрдэнийн намтарт эргэлзэх хэрэггүй, тэр Хөрш оронд улс төрийн харилцаанаас гадна эдийн засгийн хамтын ажиллагааны тодорхой төслүүдийн талаар ярилцаад завгүй байна” гээд чухал төслүүд хөдөлбөл Монголд ийм тийм үр ашигтай гэх мэдээллээр бөмбөгдчих ухаан, хурд, сэтгэл Хэвлэлийн албанд нь дутав.

Магадгүй, хүн амины хэргийн гэрч гэгдэх, Засгийн газрын Хэвлэл мэдээлэл, олон нийттэй харилцах хэлтсийн дарга Т.Ганзул олны өмнө гарахаас эмээдэг биз. Карантин-14 контентын талаар ганц тайлбар хийснийхээ дараагаас тэр түмний өмнө байтугай Төрийн ордны коридорт ч үзэгдэхгүй шахам ажиллах болсон нь үнэн.

Арга ч үгүй…

Улс түмний хайртай хоёр бөхийн нэг нь шоронд орж, нөгөө нь энэ ертөнцөөс бүрмөсөн буцсан байхад онц хэрцгий эл явдлын гэрч болон дэргэд нь байсан нөхдийг хэн ч хэзээд ч буруутгасаар, зүхэн адалсаар байх биз.

Тиймээс Ерөнхий сайдынхаа өмнөөс ил гарч, намтар түүхийг нь хамгаалан мэдэгдэл хийх байтугай Засгийн газрын шийдвэр, мэдээллүүдийг ч олон нийтэд хүргэх зориг зүрх Т.Ганзулд дутах нь үнэн. Тэгвэл түүнд өдийг хүртэл Засгийн газрын хэвлэлийн албаны даргын суудалд шигдэн хорогдох шалтгаан юу байна?!

Монгол Улсын Засгийн газар болоод Засгийн газрын тэргүүн ч хүн амины онц ноцтой хэргийн гэрч гэгдсэн хүнийг дэргэдээ байлгасаар байгаагийн учир юу юм бол?!

Хэнд нь ч ямар нэгэн учир битүүлэг шалтаг шалтгаан үгүй бол Ерөнхий сайд Л.Оюун-Эрдэнийн эргэлзээтэй намтар түүх, шүүмжлэл дагуулсан үйл ажиллагаа, шийдвэрүүдийн өмнөөс итгэл дүүрэн мэдэгдэл, нүүр бардам тайлбар хэлчихэж чадахгүй байгаадаа дүгнэлт хийгээд өргөдлөө өгөөд явах цаг чинь болсон байна, эрхэм Т.Ганзул аа!!!

Эс бөгөөс хил гааль нээгдэж, хэзээ мөдгүй дефолт зарлахдаа тулчихаад байгаа ядарсан улс орны минь эдийн засагт чухал нөлөө үзүүлэх томоохон төслүүд хөдөлж эхлэх болсон энэ цаг үед хамгийн хэрэггүй, хамгийн тээг саад болох хүн нь Т.Ганзул та болох гээд байна.

Онц хэрцгийгээр үйлдэгдсэн хүн амины хэргийн гэрч гэгдэх хэцүү тодотголоос гадна Засгийн газрын тэргүүнийхээ намтарт өөрөө ч эргэлздэг даргатай Хэвлэлийн алба гэдэг бүтэлгүй чимэгтэй байж хэрхэвч болохгүй.

Ерөнхий сайд руу чиглэсэн дайралт эрчимжиж, сошиал орчин тэр чигээрээ доог тохуу болгож байхад “гал унтраах”, эргэлзээ тайлах үйлдэл огт хийгээгүй чинь Хэвлэлийн албаны дарга Т.Ганзул нь ч өөрөө Ерөнхий сайдын боловсрол, намтарт эргэлздэг, итгэдэггүй юм байна гэх дүгнэлтийг төрүүлж байна.

Тиймээс өөрт чинь итгэдэггүй, урагшлах замд чинь тушаа болох “хүн амины онц ноцтой хэргийн гэрч” нарыг явуулах цаг болж, Ерөнхий сайд аа!!!

Т.Ганзулаас гадна түүний ахалсан Засгийн газрын Хэвлэл мэдээлэл, олон нийттэй харилцах хэлтсийн ажилтан О.Б нарт Монгол Улсын Засгийн газрын “гал тогоо”-нд ажиллах ёс зүй, эрх, хэм хэмжээ огтоос байхгүй юм…

Тэд гэмт үйлдлийг санамсаргүйгээр харчихсан хөндлөнгийн гэрч нар биш!!!

Найзынхаа амийг хөнөөсөн Н.Түвшинбаяр хэрэг явдлын дараахан өөрөө үхлүүт зодуулсан мэт ухаангүй дүр эсгэн “жүжиглэж” хэвтсэн өдрүүдэд ч үнэнийг хэлэлгүй амаа хамхиад суусан гэрч нар гэдгийг улс нийтээр эрхбиш мэдэх болсон. Ийм нөхөд Засгийн газрын тэргүүний дэргэд бөөнөөрөө шигж, ямар нэг зүйлээс хамгаалуулах мэт чимээ аниргүй бүгэх нь сонирхолтой агаад сэжигтэй байна.

Тэгэхээр Л.Оюун-Эрдэнийн намтарт эргэлздэг эргэлзээн дээр нэмэгдээд хүн амины онц хэрцгий гэмт хэргийн гэрч нарыг дэргэдээ уясаар байгаад нь ч эргэлзэж, эрэн сурвалжилж үнэн мөнийг хайх асуудал гарч ирэх нь зүй ёсны хэрэг болно.

Тэгээд ч нэгнийхээ аминд хүрэхдээ тулсан аймшигт зодооныг салгах, салгуулах, эмнэлэг цагдаа гээд яаралтай тусламж дуудах самбаа, сэтгэл дутсантайгаа яг адилхан байдлыг Ерөнхий сайд нь сошиал орчинд нүүр нүдгүй “нүдүүлэн” чичлүүлсэн эл өдрүүдэд Т.Ганзул болон Засгийн газрын Хэвлэл мэдээлэл, олон нийттэй харилцах хэлтсийн ажилтан О.Б нар гаргаж, өөрсдийнхөө хэр хэмжээний чадвар мөхөс нөхөд вэ гэдгийг дахин харууллаа.

Тиймээс “гэрч” нарыг явуул, Ерөнхий сайд аа!!!

Эрэн сурвалжлах сэтгүүлзүйн НАЖ МОГОЙ үндэсний холбоо

Нийслэлийн идэш ихдээд ажил багадаад байна, Ерөнхий сайд аа!!!

/

Төрийн байгууллага өөрийн мэдэлд хэвлэл мэдээллийн хэрэгсэлтэй байхыг Хэвлэлийн эрх чөлөөний тухай хуулиар хориглосон. Харамсалтай нь хуулийн энэ заалтыг Нийслэлийн Засаг дарга уландаа гишгэж өмнө нь Хэвлэл мэдээллийн алба гэж байсныг Сургалт судалгаа, олон нийттэй харилцах гэж нэрийг нь өөрчлөөд зогсохгүй ГАЗАР, АГЕНТЛАГ болгон өргөтгөв.

Улс орон нь дефолтод орохдоо тулж бүсээ чангалаад, ард иргэд нь дампуурчихын наахнуур татвар төлж амь зогоон байхад эрхэм мээр ийнхүү үрэлгэн загнаж, зоргоороо авирлаж байгаа нь зөв үү, Ерөнхий сайд аа!!!

30 хүний орон тоотой батлуулсан энэ нүсэр алба одоогоор 17 алба хаагчтай, хагас жилийн дотор хийж гийгүүлсэн ширхэг ч ажилгүй атлаа 1 тэрбум 97 сая төгрөгийг залгичихаад сууж байна. Шүүхийн ерөнхий зөвлөл, Гадаадын иргэн харьяатын газар зэрэгт хэвлэлийн төлөөлөгч хийж явсан Г.Хонгорзул гэж эмэгтэйгээр даргалуулсан энэ газар

  • Цалинд 73 сая
  • Нэмэгдэл цалин 12.9 сая
  • Унаа хоолны хөнгөлөлт 12.2 сая
  • Урамшуулалд 5.1 сая
  • Бичиг хэргийн материалд 7.9 сая
  • Шатахууны зардалд 10.8 сая,
  • Шуудан холбоо, интернетийн төлбөрт 3.1 сая
  • Бага үнэтэй түргэн элэгдэх зүйлст 7.6 сая төгрөг
  • Бусдаар гүйцэтгүүлсэн ажил үйлчилгээний хураамжид 509.2 сая төгрөг зарцуулчихаад сууж байна.

Ямар их тансаглал вэ… Юу хийдэг, хийсэн гэж шатахуун, хоол хүнсэнд арав хорин саяар нь зарцуулна вэ?! Ийм их хүнтэй алба байж бусдаар ямар ажил гүйцэтгүүлээд хагас тэрбумыг шидэлнэ вэ… Өөрсдөө хийж чаддаггүй юм бол энэ газрыг татан буулгаж, цомхтгох хэрэгтэй биш үү!!!

Энэ нь багадаад Мэдээлэл авах, түгээх хамтран ажиллах гэрээ байгуулж ажиллахад 1 тэрбум төгрөг зарцуул хэмээн хотын дарга Д.Сумъяабазар 2022.02.22-ны өдрийн А/246 тоот захирамжаар эрхлүүлсэн байна.

Нэг тэрбум төгрөг гэдэг 150 хүүхдийн цэцэрлэгтэй тэнцэх хэмжээний төсөв.

Гэтэл үүнээс зөвхөн 6-р сард гэхэд л

  • 2022.06.03-нд “Тактижент” төрийн бус байгууллагын данс руу 6 сая (Монголын үндэсний сайтын хөгжлийн нэгдсэн холбоо)
  • 2022.06.03-нд “Пиндола партнерс” ХХК-ийн данс руу 6 сая
  • 2022.06.13-нд “Ийгл Бродкастинг” ХХК-ийн данс руу 10 сая
  • 2022.06.15-нд       Ийгл Бродкастинг ХХК-ийн данс руу 10 сая төгрөг
  • 2022.06.16-нд       Ийгл Бродкастинг ХХК-ийн данс руу 10 сая төгрөг
  • 2022.06.20-нд “Эн Ти Ви броадкастинг” ХХК-ийн данс руу 7.5 сая төгрөг гэхчлэн тарааж…

Тэдгээр нь чухам ямар байгууллагууд вэ гэж хайлт хийж үзэв.

“Тактижент” төрийн бус байгууллагын үйл ажиллагааны чиглэл нь Бүгд найрамдах социалист вьетнам улсад их, дээд сургууль төгсөгчдийн хамтын ажиллагаа, хоёр орны хоорондын харилцааг бэхжүүлэхэд дэмжлэг туслалцаа үзүүлэх, Эдийн засаг, нийгэм, хөдөө аж ахуйн салбарт судалгаа хийх, сургалт уулзалт зохион байгуулах, төсөл хөтөлбөр боловсруулах, ижил зорилготой байгууллагуудтай хамтран ажиллах.

Байгууллагын тэргүүн нь Ц.Дарханбат.

Тэрбээр Монголын үндэсний сайтын хөгжлийн нэгдсэн холбооны гишүүнчлэлтэй. Удирдах зөвлөлийн дарга Б.Мөнхдөл өмнө нь Х.Мандахбаярын тэргүүлж байсан Монголын сайтын холбооны дэд ерөнхийлөгчийн алба хашиж байсан нэгэн.

Пиндола партнерс ХХК нь сэргээгдэх эрчим хүчний чиглэлээр зөвлөгөө өгөх, бизнесийн чиглэлээр зөвлөгөө өгөх, нийгэм, эдийн засгийн социологийн судалгаа хийх үйл ажиллагааны эрхтэй.

Компанийн захирал нь Ж.Дарханбаяр.

Түүний нэрээр Монголын мэргэжлийн америк хөлбөмбөгийн холбоо, Ай Эм Эйч Пи, Ай Ти Эн Ти ХХК-иуд бүртгэлтэй. Энэ утасны үзүүр Авто тээврийн цахим мэдээллийн төв төрийн бус байгууллагатай холбоно.

Харин “Эн Ти Ви броадкастинг” ХХК-ийн захирал нь А.Баярбат.

Өнөөх алдарт NТV-гийн А.Баярбат гэсэн үг. Их олимп нэгдэл төрийн бус байгууллагыг С1-ийн Д.Ариунсэлэнгэ, Боловсрол телевизийн Н.Мэндбаяр нараас гадна А.Баярбат эзэмшдэг.

2021 онд Токио 2020 зуны олимп арилжааны телевизүүдээр гарсан. Үүний гол ивээн тэтгэгчээр “Эрдэнэт үйлдвэр” ажилласан бөгөөд 10 хоног үргэлжилсэн энэ наадмын шууд дамжуулалтад зориулж Эрдэнэт үйлдвэрээс 2021 оны зургадугаар сарын 25-ны өдөр 1.7 тэрбум төгрөгийг “Их олимп нэгдэл” төрийн бус байгууллага руу шилжүүлсэн байдаг. 

Тэрчлэн цар тахлын үед Улсын баяр наадмыг зохион байгуулах нэрийдлээр “Шинэ үеийн нэгдмэл залуус” ТББ-аар дамжуулан 4.5 тэрбум халаасласан өлөн бүлэглэл, спортын нэрээр мөнгө угааж байгаа гэх шуугиан намжаагүй үргэлжилж байгаа. Энэхүү бүлэглэлд Их олимп нэгдэл төрийн бус байгууллага ч хавчуулагдан нэрлэгддэгийг энд тэмдэглэе.

Нөгөө талаас нь хөөвөл, “Голомт”-ын Д.Баясгалангийн “Монголмасс медиа” компанийнх нь Улаанбаатар, Баянзүрх, 5-р хороо, Кино үйлдвэрийн гудамж 78 тоот хаяг дээр “Туг нэтворк”, “Эйшн бокс”, “Гэр контент” группүүд давхар бүртгэлтэй байдаг.

“Эйшн бокс”, “Гэр контент” группийн захирал Найдансүрэнгийн Мэндбаярыг ухвал “Их олимп нэгдэл” ТББ гарч ирдэг.

Тэгэхээр Сургалт судалгаа, олон нийттэй харилцах газарт зарцуул гэж өгсөн тэрбум төгрөг жинхэнэ хэвлэл мэдээлэл, олон нийтийн байгууллагуудад бус хотын мээр Д.Сумъяабазар болон Г.Хонгорзул нарын тойрон хүрээлэгчид руу урссан болж таарах нь…

Үүнийг батлах ноцтой фактуудыг нягтлан шалгаж буй тул үргэлжлүүлэн мэдээлнэ.

Татвар төлөгчдийн мөнгийг хүссэн нь тоншиж, гулгитал зарцуулчихаад ард иргэдээ ТЭГШ СОНДГОЙ хэмээн махлан зовоох эрхгүй юм.

Үргэлжлэл бий…

Эрэн сурвалжлах сэтгүүлзүйн НАЖ МОГОЙ үндэсний холбоо

ТЭР ЯВААГҮЙ БАЙНА

/

М.Энхболд улс төрөөс яваагүй байж… Түүнийг тойрон хүрээлсэн, албан тушаал эрх мэдлийн бялуу мөнхийн горьдогч бүлэглэл фракциудын дээр Л.Оюун-Эрдэнийг огцом гаргаж ирэх драмыг тэр дэндүү үнэмшилтэйгээр тавьчихсан юм биш үү. Ийм үнэмшилтэй харагдуулах найруулгын зөвлөхөөр “Херо энтертайнмент”-ийн Б.Баатар ажилласан ч байж болно.

Б.Баатар, Л.Оюун-Эрдэнэ нарын төрсөн эцэг гэх “Монгени” цогцолбор сургуулийн захирал Н.Лхагва нь Энхболдын аав Миеэгомботой нэг нутаг гэдэг. Тэрчлэн Ерөнхий сайд Л.Оюун-Эрдэнийн эх нэгт төрсөн дүү Б.Баярнэмэх нь М.Энхболдын байгуулсан “Сэцэн ханы хүлэг” морин спорт уяачдын холбооны дэд тэргүүн гэдгийг мартаж болохгүй.

Тэд жинхэнэ монгол эрс мөн л бол нутаг ус нэгт өвөг дээдэс, хүлэг морьдын хэлхээсээрээ одоо ч холбоотой байж таарна.

Энэ талаар түр орхин улстөрийн тавцанд М.Энхболдтой холбоотой юу болоод байгааг хураангуйлъя.

Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөрийг чөлөөлж, Д.Ганболдыг томилсон нь М.Энхболдын нөлөө хэвээр байгааг харуулсан мессэж болов. Цүнхээ тэврээд хөөгдсөн Т.Гантөмөр өдгөө Засгийн газрын Хэрэг эрхлэх газрын дарга болсон Д.Амарбаясгалангийн хүн. Сайдуудын сайд болж буй эрхмийн хүнийг М.Энхболдын хүнээр солино гэдэг сонирхолтой өрөг.

Д.Ганболд нь МАН хоёр хуваагдахад 32-ын бүлэгт баттай зогсож, М.Энхболдын талд дарцаглаж явсан эр гэдгийг уншигчид мартаагүй биз.

М.Энхболдын тэргүүлсэн “Хотын фракци”-ийг арчих, ул үндсээр нь цэвэрлэх акц өнгөрсөн хугацаанд МАН-ын дотоодод өрнөж байсан ч 32-ын бүлэг нь бүрэлдэхүүнээрээ шахам парламентад сууж байна.

Парламентаар тогтохгүй Засгийн газарт ч давхар дээл нөмрөн нэлийтэл ороод ирлээ. Ж.Мөнхбат, Ё.Баатарбилэг, Б.Бат-Эрдэнэ, Ж.Бат-Эрдэнэ, Б.Саранчимэг, С.Бямбацогт, Б.Чойжилсүрэн, Б.Дэлгэрсайхан, Л.Мөнхбаатар, Л.Энх-Амгалан, Г.Тэмүүлэн, Ж.Эрдэнэбат, Г.Мөнхцэцэг, Х.Баделхан, Н.Энхболд, Ц.Мөнх-Оргил нараас гадна шинээр сонгогдсон Ж.Батжаргал, Т.Энхтүвшин, Ц.Цэрэнпунцаг, Ж.Чинбүрэн, Ц.Мөнхцэцэг, Н.Наранбаатар, Д.Өнөрболор, Ц.Сэргэлэн, Ч.Ундрам, Г.Дамдинням, Б.Баярсайхан, Б.Жаргалмаа, Ц.Идэрбат, Г.Ганболд, Х.Ганхуяг, Х.Булгантуяа, Д.Батлут, Н.Батшугар нарын дийлэнхийг М.Энхболдынх гээд шошго наачихад алдсан болохгүй.  

Төв аймгаас УИХ-ын гишүүн болсон Ж.Батжаргал М.Энхболдын дагуул гэдгийг нутаг усны нь хорхой шавьж ч хэлээд өгөх биз.

“Сөүл” гэх Д.Өнөрболорыг МАН-ын Нийгэм, эдийн засаг бодлогын газрын даргын албан тушаалд тавьж, улстөрийнх нь гишгүүрийг зассаар өдий хүргэсэн хүн нь М.Энхболд.

Э.Батшугар ч шийдвэрлэх кнопыг М.Энхболдын талд дарах магадлал өндөр. М.Энхболд, Н.Энхбаярын эвлэсэн, эвдрэлцсэн он жилүүд дэндүү их.

У.Хүрэлсүхийг Ерөнхий сайд болоход Сү.Батболдын фракц дэмжиж, дэмнэж байсан бол одоо өөрчлөгдсөн.

Удирдах зөвлөлөөс жийгдсэн Сү.Батболдын дагагчид хэдийнэ М.Энхболдын гэх бүлэглэлтэй нэгдэн эрх ашгаа тодорхойлсон. Сү.Батболд бол дуусашгүй тактиктай нэгэн. МАН-ыг бүрэн эзэрхийлэх хөрсөө бага багаар бэлдэж ирсэн бөгөөд албан тушаалын томилгоо бүрийн ард жин дарж суудаг мөнгөтэй эрхэм.

Л.Оюун-Эрдэнийн танхимд орж ирсэн Олимп, нийтийн биеийн тамир, спортын сайд Б.Бат-Эрдэнэ нь М.Энхболдын хүн. Түүнийг У.Хүрэлсүхийн 33-ын бүлэгт багтаах гээд бараагүй гэдэг.

Эдийн засаг, хөгжлийн сайд Ч.Хүрэлбаатар бол Сү.Батболдын МГИМО фракцийнх. Тэрбээр шинэ яаманд хоёр фракцийн нөлөөгөөр морилов.

Зам, тээврийн хөгжлийн сайд С.Бямбацогт 32-ын бүлгийнх. Эцсээ хүртэл үнэнч яваа хүн гэвэл түүнийг хэлэх байх.

Ж.Эрдэнэбатын Засгийн газарт Сангийн сайдаар ажиллаж байсан Б.Чойжилсүрэн Эрчим хүчний сайдаар Л.Оюун-Эрдэнийн кабинетад хөл тавив. МАН хоёр талцан 32, 33-аар бүлэглэхэд баргийн зүйлд ам ангайж, ил гардаггүй байсан тэрбээр М.Энхболдын талд манлайлан босч байв.

Боловсрол, шинжлэх ухааны сайд Л.Энх-Амгалан ч М.Энхболдыг дэмжигч 32-ын бүлгийнх. У.Хүрэлсүхийн тэргүүлсэн Засгийн газарт шүүмжлэгчийн байр сууринаас хандаж байсан тэрбээр Л.Оюун-Эрдэнийн кабинетад багтсан нь М.Энхболдын нөлөөлөл гэдэг.

Барилга, хот байгуулалтын сайд Б.Мөнхбаатар ч аядуу зөөлөн даргын шадар цэрэг. Хотын фракцийн хатавчаас Хот байгуулалтын сайд болтол чирсэн хүн нь М.Энхболд.

Тэрбээр мөрдэсээ хуулдаг цэрэг шиг Ж.Мөнхбатаа ч шинэ Засагт багтаачихаар зүтгүүлж байна. Худынхаа дэмжлэг, татаасаар өдий хүрсэн гэгддэг С.Амарсайханыг зайлуулахад Ж.Мөнхбатад суудал гарна хэмээн төлөвлөн дайрч байна.

Ингээд хөөвөл 16 яам, 21 сайдтай Л.Оюун-Эрдэнийн кабинетын 40-50 хувь нь М.Энхболд, Сү.Батболд нарын халаасанд багтчихлаа.

Тэгэхээр 60 тэрбумын гэх хэргийг өөртөө зориулж зохиолгоод хөөгдсөн болж жүжингээ эцэг өвгөдийн угсаа гарал, нутаг нуга нэгтэй “дүү” Л.Оюун-Эрдэнээ намын гол тоглогч болгосон нүүдэл М.Энхболдынх байсан юм биш байгаа гэх хардлага эрхгүй төрж байгаа юм.

Ямартай ч тэрбээр эрх баригчдын дотоодод “амьд” оршиж, 60 байтугай 600 тэрбумаар жонглёрддог нууц ноёнтон шиг үзэгдэх болов.   

Хүлэмж, ломбард ажиллуулдаг компаниуд руу 420 тэрбумыг урсгажээ

/

Авто замын түгжрэлийг бууруулах ажилд энэ онд 420 тэрбум төгрөг зарцуулахаар төсөвт тусгасан. Гэтэл энэ мөнгө багадана, гадаадаас зээл авна хэмээн туялзаж байсан хотын дарга Д.Сумъяабазар өнөөдрийн түгжрэл бууруулах тал дээр юу ч хийж чадалгүй тэгш сондгой дугаараар хөдөлгөөнд оролцуулан ард иргэдийнхээ уур бухимдлыг дээд цэгт хүргэж байна.

Түүний тооцоогүй хийрхлийг дэмжин 2024 он хүртэл энэ хэмжээний мөнгөн дүнг жил бүр төсөвт суулгаж, түгжрэлээс бүрэн ангижруулна гэсэн Ерөнхий сайд Л.Оюун-Эрдэнэ намын дотоод дахь бүлэг фракцийн улстөрөө зохицуулж чадахгүй арчаагаа алдаж яваа.

Он дуусахад гуравхан сар үлдэв.

2022 онд авто замын түгжрэлийг бууруулахад төсөвлөгдсөн 420 тэрбум төгрөг юунд зарцуулагдсан бэ?!

2022 оны төсөв хэлэлцэх үеэр 420 тэрбум төгрөг батлуулж авахын тулд Тулгуурт гүүрэн байгууламж барина, ТЭЗҮ-ийн гүйцэтгэл 85 хувьтай, дөрөвдүгээр сараас ажлаа эхэлчихнэ хэмээн чичрэн зүтгэж байсан хотын мээр Тулгуурт гүүрэн байгууламжтайгаа дашийн шог болж.

Уг нь Тулгуурт гүүрэн байгууламжийн ТЭЗҮ-г 498.5 сая төгрөгөөр “Максимал” ХХК хийхээр тендэрт шалгарсан байдаг.

800 сая төгрөгийн өртөг бүхий дугуйн болон явган зам хийнэ гээд зөвлөх үйлчилгээний тендэрийг мөн 2021.12.09-нд зарлаж байсныг нь бид мартаагүй байна. Тендэрт нь БНСУ-ын хөрөнгө оруулалттай “Гео зураглал” компани шалгарч, 240 сая төгрөг гэрээлэн авсан гэдэг ч бас л таг.

Эл дугуйн замд энэ онд гэхэд л 4.8 тэрбум төгрөг төсөвлөсөн. Өнгөрсөн жил мөн хэмжээний төсөв баталж байсан ч ямар ч дугуйн зам ашиглалтад ороогүй байгаа нь анхаарал татам.

Үүний хажуугаар хотын удирдлагууд дүүжин тээврийн “мөрөөдөл”-дөө мөнгө зарцуулаастай. Дүүжин тээврийн төслийн Баянхошуу-Ханын материал, Гэмтлийн эмнэлэг гэсэн чиглэлийн зорчигчийн нягтрал, ашиг алдагдлын тооцоог гаргуулахаар Азийн дэд бүтцийн судалгааны хүрээлэн ХХК гээчид 20 сая төгрөг төлсөн бололтой. Дүүжин тээврийн төслийн нарийвчилсан ТЭЗҮ-г хийлгэхээр тус компанид өмнө нь 298.5 сая төгрөг мөн шилжүүлж байсныг шилэн данснаас харж болно.

Тэрчлэн Дүүжин тээврийн өмнөх захиргаа, компани гэж байсан. Тус компани хоёр жил ажиллахдаа төсвөөс жил бүр 500 сая төгрөгийн санхүүжилт авдаг байсныг тусад нь сурвалжилж, мэдээллэх болно. Учир нь үүний төлөө Францын засгийн газраас 60 сая ам.долларын зээл авч, зээлийн хүүг сар бүр Улаанбаатар хотын засаг захиргаа төлж байна.

Түгжрэлээс үүсэх нийгэм, эдийн засаг, байгаль орчин, эрүүл мэндэд үзүүлэх сөрөг нөлөөлөл, алдагдсан боломжийн өртөг тооцох судалгааны ажлыг гэхэд “Эм Эм Си Жи” гээч ХХК-иар хийлгээд 2022.07.06-ны өдөр 48.6 сая, мөн өдрөө дахин 11.1 сая төгрөг шилжүүлсэн атлаа түгжрэлээс гаргах шийдлээ олоогүй хэвээр.

Авто замын чанар байдлын түвшин тогтоох болон ажлын тоо хэмжээ тогтоох судалгаа хийлгэнэ гэж 68 сая төгрөгийн тендэр зарлан 67.6 сая төгрөгт багтаана гэсэн “Гео урбан консалтинг” гэх компанийг сонгож.

Нийтийн тээврийн чиглэл сайжруулалтын тооцоолол судалгааг Шинжлэх ухаан технологийн их сургуулиар хийлгэж 70 сая төгрөг өгсөн бол шинэ төрлийн их багтаамжийн нийтийн тээврийн хэрэгслийн харьцуулсан судалгааг 66.6 сая төгрөгөөр “Максимал” гэж компаниар зөвлүүлэн хийлгэж байгаа бололтой.

Өмнө авто замын түгжрэлийг бууруулахад 30-50 тэрбум төгрөг төсөвлөдөг байсан. Гэтэл энэ мөнгийг 8 дахин өсгөсөн атлаа Улаанбаатарын авто зам тэг зогсолт хийхдээ хүрээд байна.

Төсөвлөгдсөн хөрөнгөө чамлаж, чацга савируулчих шахаж байсан хотын дарга Д.Сумъяабазар “Улаанбаатар хотын автозамын сүлжээн дэх гудамж, замуудыг хөгжүүлэх чиглэлд 2022 онд 6 байршилд дутуу хийгдсэн ажлуудыг гүйцээхэд 21.5 километр замыг өргөтгөнө. Нийслэлийн хамгийн их түгжрэлтэй бага тойргийн бүсэд 13.8 тэрбум төгрөгөөр 2300 гаруй төлбөртэй гарааш байгуулна. Автозамын түгжрэл үүсэхэд нөлөөлөгч томоохон шалтгаануудын нэг болох уулзваруудын нэвтрэх чадварыг сайжруулахад 30 байршилд 30 тэрбум төгрөгөөр дахин инженерчлэл хийнэ” хэмээн ам гарч байсныг хэвлэлийн хуудсууд гэрчилнэ.

Түүний зүгээс зарласан дийлэнх тендэрт шалгарсан компаниуд маш но-той харагдаж байгаа нь нууцлаад байх зүйл биш.

Авто замын тендэрийн ихэнхэд ялж, мөнгийг нь хамж буй “Гео Урбан консалтинг” компани   гэхэд мод модон бүтээгдэхүүний худалдаа, барьцаалан зээлдүүлэх үйлчилгээ, барилгын засвар, хүнсний дэлгүүр, гадаад худалдааны чиглэлээр ажилладаг нь сэжигтэй.

Тэд автозамын ажилд ямар туршлага, чадвартай гэж хотоос зарласан тендэрүүдэд ялаад байв.

“Квадровэй” ХХК гэхэд менежментийн зөвлөгөө өгөх, хүлэмжийн аж ахуй, цэцэрлэгжүүлэлт, барилгын засвар хийх, төсөл хөтөлбөр хэрэгжүүлэх, гадаад худалдаа эрхлэхээр үйл ажиллагааны чиглэлээ тодорхойлсон атлаа мөн авто зам, хөдөлгөөний ачаалал бууруулахаар ажиллах юм гэнэ.

Ийм мэт сэжигтэй, анхаарал татахуйц команиуд руу түгжрэл бууруулахад төсөвлөгдсөн 420 тэрбум урссан байгааг чимээгүй хараад өнгөрүүлж болохгүй.

Өнгөрсөн онуудад ковидын хатуу хөл хорио нэрээр гудамж талбайг хөл хөдөлгөөнгүй болгосны ачаар хэл ам багатай даван туулж ирсэн хотын мээр дэргэдээ Хэвлэл мэдээлэл олон нийт хариуцсан бүхэл бүтэн газартай болчихсон байгаа нь ч дэндүү увайгүй.

Засгийн газар нь хэмнэлтийн горим ярин хашгичаж байхад юу ч хийж бүтээгээгүй байж олны хэл амд хариу барих газар, хэлтэс нээсэн байгаа нь зүйд үл нийцнэ.

Тиймээс Хотын иргэд нь халаас хоосон, өлөн зэлмэн зүтгэж байхад түгжрэл бууруулна хэмээн 420 тэрбумыг халаасалчихаад өдгөө ямар ч арга хэмжээ авалгүй тэгш сондгой дугаар ярин ард иргэдийнхээ амьтай голтой дэнжигнэж буй бизнест нь, ажил албанд нь гай чирч, чөдөр тушаа болж буй Нийслэлийн удирдлага, түүний бамбай цайз болгон босгон Хэвлэл мэдээллийн газар хэлтэст холбогдох зардал, хэтийдсэн төсвийн мөрөөр бид ажиллах болно.

Эрэн сурвалжлах сэтгүүлзүйн НАЖ МОГОЙ үндэсний холбоо

Санхүүгийн гэмт бүлэглэл хамар дор чинь тэлээд байна, Т.Сүхболд хурандаа!!!

/

Улаанбаатар зам засвар, арчлалтын газар ОНӨААТҮГ-т үүрлэсэн бүлэглэл нүдний чинь өмнө хуурамч падаан үйлдэж, төсвөөс хумсалсан байна, эрхэм Эрүүгийн цагдаагийн албаны дарга аа…

2021 оны Ерөнхийлөгчийн сонгуулийн санал хураалтын дараа, У.Хүрэлсүхийг Төрийн тэргүүнээр сонгогдоод удаагүй байхад Их тэнгэрийн ам орчмын авто замд тохижилтын ажил хийгдсэн.

Орон нутгийн өмчит аж ахуйн тооцоот үйлдвэрийн газрын шилэн дансанд 2021.06.24-ний өдөр “Ялгуусан” компанийн Капитрон банкин дахь дансанд 6.1 сая төгрөгийг Их тэнгэрийн аманд асфалт дэвсэгч түрээслэв гэх утгаар шилжүүлсэн баримт бий.

Энэ нь асфалтын зузаанаас “завшиж”, гүйцэтгэлийн мөнгөнөөс дэлссэн дүн гэдгийг эх сурвалжаас өгч байна. 

Асфалтын үйлдвэрийн нярав хуурамч падаан үйлдэж, нягтлан нь баталгаажуулаад мөнгө шамшигдуулсан гэх эл гэмт үйлдлийн баримт бөгөөд энэ нь ганц хоёр удаагийн үйлдэл ч биш гэнэ. Улаанбаатар зам засвар, арчлалтын газрын нярав, нягтлангууд 15-20 тонноор ачсан ачаагаа 25-30 тонн болгон нэмэгдүүлж бичүүлээд, зөрүү мөнгийг нь өөрсөд рүүгээ авдаг гэдгийг жолооч нар нь хэлж байгаа юм.

Нягтлан бодох бүртгэлийн тухай хуулийн 5.1.4-т үнэн зөв байх зарчмын талаар тодорхой заасан. Анхан шатны баримтыг хуурамчаар үйлдэх нь Эрүүгийн гэмт хэрэг. Хуурамч баримт үйлдсэн нярав, түүнийг хүлээн зөвшөөрч тайландаа тусгаад хөрөнгө гаргасан нягтлан бодогч нар Эрүүгийн ялаас мултрах аргагүй гэсэн үг.

Улаанбаатар зам засвар арчлалтын газарт санхүүгийн сахилга бат хаягдаж дарга цэрэг, дээр доргүй идэж шамшигдуулдаг болсон талаарх баримтуудыг өмнөх нийтлэлүүдээс уншаарай, Эрүүгийн цагдаагийн албаны дарга, цагдаагийн хурандаа Т.Сүхболд оо!!!

Гар утас хулгайлаад цаашаа зарахыг ч мөнгө угаасан гэмт хэрэг гэж үзнэ гэх таны үгийг олон нийт мартах болоогүй байна.

Гэтэл хамар дор чинь гар утас байтугай юм “хулгайлагдаад” байна…

Их тэнгэрийн амны авто замын тохижилтын ажлын үеэр тухайн байгууллагын Санхүүгийн албаны дарга буюу ерөнхий нягтлан Н.Лхавгасүрэн гэгч өөртөө мөнгө цохож, бетон зуурмагны үнэ хэмээн 2021.06.21-нд 15.3 сая төгрөг гаргаж авсан ичгүүртэй фактыг Санхүүгийн гэмт хэрэгтэй тэмцэх хэлтсээрээ шалгуулаад үзээч. Энэ хэлтэс, Эдийн засгийн гэмт хэрэгтэй тэмцэх газрын чинь ажил хангалтгүйгээс төрийн өмчит, орон нутгийн өмчит аж ахуйн нэгжүүд дэх хулгай, мөнгө угаалт гаарлаа.

Улаанбаатар зам засвар, арчлалтын газар ОНӨААТҮГ-ын ерөнхий нягтлан болох энэ нөхөр өөртөө мөнгө цохож, өөрөө хүлээж авдаг болсоор удлаа гэдгийг тус газрын захын ажилтан гэрчлээд өгөхөөр болчихож.

Тэрбээр ахлах нягтлан Б.Болормаатайгаа бэлэн мөнгө барьж гүйлдэхдээ хүрсэн хамтрагчид болсон гэдгийг ч өмнөх нийтлэлүүд дэх фактууд хэрэг үүсгэн шалгах хангалттай үндэслэл болно.

Санхүүгийн албаны дарга Н.Лхавгасүрэн “Молор-Эрдэнэ констракшн”-ийн 50 хувийн эзэмшигч. Гэтэл 2021.07.21-ний өдөр “Молор-Эрдэнэ констракшн” компанидаа дайрганы үнэ хэмээн 20 сая төгрөг шилжүүлсэн нь шилэн дансанд бий бөгөөд энэ мөнгийг хүлээн авагч нь ахлах нягтлан бодогч Б.Болормаа байсан гэх мэдээллийг ч шалгаад үзээрэй.

Хамар дор нь өөрсдийнхөө нэрээр цохон кассаар гаргаад авчихдаг, түүнээ юунд зарцуулсан нь тодорхойгүй энэ мэт мөнгөн урсгал цадиг замбараагүй урсч байхад Улаанбаатар зам засвар, арчлалтын газар ОНӨААТҮГ-ын Б.Галхүү дарга мэдэхгүй сууна гэдэг гайхмаар.

Санхүүгийн албаны дарга Н.Лхавгасүрэн нь өөрийн төрсөн ах Нарангэрэлийн Бямбарэнчингийн захирлаар нь ажилладаг “Баясгалант Охь” компанийн данс руу байсгээд шилжүүлдэг мөнгөн гүйлгээний тоо түүгээд барамгүй их болчихоод байхад эрхэм дарга Б.Галхүү жишим ч үгүй суугаа нь сэжигтэй гэдгийг тус газрын ажилтнууд хэлж байна.

Тэдний эл үйлдэлд замын даамлаас инженер, ахлах, албаны дарга хүртэл дэвшиж байгаад шинэ байгуулагдсан Баянзүрх эко, тохижилт үйлчилгээ орон нутгийн өмчит газрын даргаар томилогдон очсон Ж.Батболд ч холбоотой байж болзошгүй гэх мэдээллийг анхаарлын гадна үлдээж болохгүй.

Учир нь Ж.Батболд, Н.Лхавгасүрэн нар багын найзууд бөгөөд Ж.Батболд нь шинээр байгуулагдсан Баянзүрх эко, тохижилт үйлчилгээ орон нутгийн өмчит газрын няраваар Н.Лхавгасүрэнгийн төрсөн ах, “Баясгалант Охь” компанийн захирал Н.Бямбарэнчинг саяхнаас авчихсан байгаа нь Төрийн болоод Орон нутгийн өмчит газруудад шигсэн өргөн хүрээтэй санхүүгийн гэмт хэргийн бүлэглэл юм биш байгаа гэх хардлагыг эрхгүй төрүүлж байгаа юм, Т.Сүхболд хурандаа!!!

Мань нөхдийн Улаанбаатар зам засвар, арчлалтын газар ОНӨААТҮГ-ын данснаас урсгадаг урсгал багадаад Баянзүрх эко, тохижилт үйлчилгээ орон нутгийн өмчит газрын төсвийг ч өргөтгөн цөлмөх санаархал гэж үзэхэд болохгүй гэх газаргүй.

Тэд нэг ч өдөр бизнес эрхэлж үзээгүй атлаа бүгд өртөг өндөр орон сууц, үнэтэй автомашинтай байгаа нь тэдгээрийг худалдан авсан санхүүгийн эх үүсвэрийг ч мөн адил шалгах цаг болсон гэдгийг харуулж байна.

Ашиг сонирхол, албан тушаалын асар том сүлжээг бий болгосон санхүүгийн гэмт бүлэглэл байж болох эл нэгдэлд Улаанбаатар зам засвар, арчлалтын газрын ерөнхий инженер н.Баатархүү, Захиргааны хэлтсийн дарга н.Ариунболд болон бидний өмнөх цувралд баримт факттайгаа бичигдсан тус газрын орлогч дарга Б.Алгаа, ахлах нягтлан Б.Болормаа, Хөдөлмөр аюулгүй байдлын ахлах гэх н.Даваасамбуу, Асфальт үйлдвэрийн нярав М.Дэлгэрцэцэг, асфальт хариуцсан нягтлан Б.Сүрэнцэцэг нар гарцаагүй холбоотой гэдгийг эх сурвалжаас хэлж байгаа юм.

Цаг өөр болж, улс нийслэлийн хөгжилд иргэн бүр сэтгэл зовнидог болсон нь гайхалтай.

Нийслэлийн замыг засч, тохижуул хэмээн оноогдсон төсвөөс дээрх бүлэглэл эрээ цээргүйгээр таллан зувчуулж, багахаан мөнгөөр нимгэн, нарийн, чанар муутай замууд тавьж байгаа нь жил бүр дахин дахин төсвийн мөнгө үрэх ноцтой үйлдэл болж байгаад давчдан бухимдсан ажилтнууд тэсэрч, санхүүгийн “гэмт бүлэглэл”-ийн увайгүй үйлдэлд цэг тавьж өгөөч хэмээн бидэнд хандсаар байна.

Гэтэл эх сурвалжуудаас гарган өгч буй хангалттай нотлох баримт байсаар байхад нүдэн балай, чихэн дүлий суусаар байгаа нь Эрүүгийн цагдаагийн албаны дарга, цагдаагийн хурандаа Т.Сүхболд таны удирдлага, чиглүүлэлтийн бодлого дэндүү сул дорой байгаагийн илрэл үү?!

Орлогч дарга Б.Алгаагийн найз Б.Ариунбаатар Энхтайваны гүүрний засвараас хумсалж, Улаанбаатар зам засвар арчлалтын газарт хэрхэн богино хугацаанд хөлжиж болохын бодит жишээг харуулж ажилд орохдоо унаж байсан Приус30 маркийн автомашинаа 14-14УНЧ “4 Runner” машинаар солин, хамар дор чинь гангарч байна, Т.Сүхболд хурандаа!!!

Санхүүгийн гэмт хэрэгтэй тэмцэх хэлтсээрээ тухайн байгууллагын шилэн дансны бүртгэлд 2021.04.15-ны өдөр Б.Ариунбаатарын данс руу 9.5 сая төгрөгийг хайс будах будаг шингэлэгч гэх утгаар шилжүүлчихсэн баримтаас эхлээд шалгуулчихаач…

Энхтайваны гүүрний дугуй цохигчийн эвдрэлийг засварлах, будаг, явган хайсны ширмэн хэсгийг өнгөлж будах ажлыг “Дөлгөөн холболт” гэх компани гүйцэтгэхээр ажил авсан ч зөвхөн цаасан дээр байдаг эл компанийн өмнөөс бүх ажлыг Улаанбаатар зам засвар, арчлалтын газрын албан хаагч ажиллаад, мөнгө нь “Дөлгөөн холболт” гээч газрын данс руу орсон ноцтой баримт ч байна.

Эл ажлыг хийж гүйцэтгэн, зам дээр зогсч буй ажилтнуудын гэрэл зураг үүнийг нотолно…

Улаанбаатар зам засвар, арчлалтын газрын ажилтнуудын зургийг авч гүйцэтгэлийн тайланд хавсарган хотын дарга Д.Сумъяабазарыг өлхөн хулхидаад хөрөнгө гаргуулчихаж байгаа нь Засаг, Төрийг доромжлон, басамжилсан увайгүй үйлдэл биш үү…

Ингэтэл цагаандаа гарсан санхүүгийн “гэмт бүлэглэл”-ийг таслан зогсоож, боож баглаад хууль цааз сахиулчихаж чадахгүй бол Эрүүгийн цагдаагийн албанд Эдийн засгийн гэмт хэрэгтэй тэмцэх газар, Санхүүгийн гэмт хэрэгтэй тэмцэх хэлтэс гэх сүржин нэртэй даржин газар байхын хэрэг байна уу, Цагдаагийн ерөнхий газрын дарга, Ж.Болд генерал аа!!!

Эрэн сурвалжлах сэтгүүлзүйн НАЖ МОГОЙ үндэсний холбоо

Д.Амарбаясгалан Засгийн газрын гал тогоонд юу амжуулах гэж ирсэн бэ?

Ашиг сонирхлын зөрчлийн сонгодог жишээ нь Засгийн газрын хэрэг эрхлэх газрын шинэхэн дарга Д.Амарбаясгалан мөн үү. МАН-ын Ерөнхий нарийн бичгийн даргын суудлаас Засгийн газрын хэрэг эрхлэх газрын даргын сэнтийд заларч, улмаар өөрийн хамаарал бүхий “Засаг Чандмань Майнз” компанид 162 тэрбум 869 сая төгрөгийн үнийн дүн бүхий концессын гэрээ олгосон гэгддэг Ж.Мөнхбатын замаар тэр орж ирлээ.

Нүүрсний бизнест тэр чигээрээ, эргэж гарахын эцэсгүйгээр хутгалдсан гэгддэг Д.Амарбаясгалан юу хийж, амжуулахаар Засгийн газрын хэрэг эрхлэх газарт ирэв?! Эрх баригч намын генсэкийн суудлыг ямар эрх ашиг, хэр хэмжээний хожоогоор сольж эл шийдвэрийг гаргасан юм бол… Олон олон асуулт дагуулсан түүнд холбогдох мэдээлэл, ашиг сонирхлын асар том фактуудыг бид цувралаар хүргэнэ.

Түүний талаархи баримтат мэдээллийг www.ergelt.mn сайт өнгөрсөн хугацаанд цувралаар хүргэж байв. Тэдний олж нийтэлж байсан дөрвөн том цуврал нийтлэлийг бид уншигчдадаа энэ удаад хүргээд, Засгийн газрын хэрэг эрхлэх газрын даргад холбогдох шинэ баримт фактыг үргэлжлүүлэн мэдээллэх болно.

КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-I

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэх гэж байна. Эхний дугаартаа МАН-ын Ерөнхий нарийн бичгийн дарга Д.Амарбаясгалангийн тоогоо алдаж, толгой эргэм олон компани, тендер “хамсан” түүхүүдийг нь хүргэхээр бэлтгэлээ. Энэ удаад бид Д.Амарбаясгалангийн хамаарал бүхий 46 компанийн нэрийг танилцуулах болно.

11 ТЭРБУМЫН ҮЛ ХӨДЛӨХ, 1.9 ТЭРБУМЫН МАЛ

          МАН-ын Ерөнхий нарийн бичгийн дарга Д.Амарбаясгалан магад МАН-ын бүх цаг үеийн хамгийн баян нарийн бичгийн дарга байх. Уг нь тэр иргэдийн хуралд сууж байснаас их хуралд сууж байсангүй, намын ажил хийж явахыг нь харснаас наймаа арилжаа хийж явахыг нь харсангүй. Гэтэл тэр хэдийнэ МАН дотроо толгой цохих баян нь болжээ. Мал дагавал ам тосдохын үлгэрээр МАН-ыг дагавал ам тосддог аж. Д.Амарбаясгалан өдгөө 11 тэрбум төгрөгөөр үнэлэгдэх хоёр орон сууц, хоёр үйлчилгээний барилга, нэг үйлдвэр, нэг оффис, нэг ферм, хоёр авто зогсоолтой, 1400 хонь, 219 үхэр, 51 адуу буюу зах зээлийн ханшаар 1.9 тэрбум төгрөгийн малтай, 200 сая төгрөгийн соёлын болон түүхэн үнэт эдлэлтэй, 150 сая төгрөгийн үнэ бүхий “Ниссан-Патрол” жийптэй, 174 сая төгрөгийн хадгаламжтай, бусдаас 472 сая төгрөгийн авлагатай.

Түүнчлэн “Хөгжлийн орц” ТББ, “Говь-Алтай аймгийн Тайшир сумын нутгийн зөвлөл” ТББ, “Төрөлх Алтай” ТББ, “Монголын өсвөрийн хөл бөмбөгийн холбоо” ТББ, “Тусгаар тогтнолын музей” ТББ, “Сургалт, судалгаа, пиар, мониторингийн стратеги академи” ТББ, “Алтайн малчдын холбоо” ТББ зэрэг аль нэг цагт УИХ-д нэр дэвших болбол тойргоо тойглох төрийн бус байгууллагуудтай. Харин компаниудаасаа гэр бүлийн эзэмшлийн буюу эгч, ах нартайгаа эзэмшдэг “Соёмбо принтинг” ХХК-иа өөрийнхөө нэр дээр бүртгэлтэй байлгадаг. Харин бусад буюу түүнд хамааралтай 40 гаруй компани тойрон хүрээлэгчдийнх нь нэр дээр бүртгэлтэй бий.

Д.АМАРБАЯСГАЛАНГИЙН АХ, ЭГЧИЙН ХЭВЛЭЛИЙН ЦЕХЭЭС “ЦЭЦЭГЛЭСЭН” БИЗНЕСҮҮД…

           МАН-ын Ерөнхий нарийн бичгийн дарга Д.Амарбаясгалангийн аав нь цагтаа Говь-Алтай аймгийн хоршооллын дарга, намын үүрийн дарга явсан. Гэхдээ энэ гэр бүлийн бизнес “Соёмбо принтинг” ХХК гэх хэвлэлийн үйлдвэрээс эхлэлтэй гэж болно. Тэгвэл өдгөө тэдэнд хамаарах компаниуд толгой эргэмээр олон болжээ. Д.Амарбаясгалан Д.Лувсандорж, Д.Амгаланбаатар гэх хоёр ахтай, Д.Амарзаяа гэх нэг эгчтэй. Тэр дөрөв өдгөө “Соёмбо принтинг” ХХК-иа хамт эзэмшдэг. Сонирхуулахад, ах дүү дөрөв улсын бүртгэлд эцгийнхээ нэрийг Дашзэгвэ, Дашзэвэг, Дашзэвгэ гэж гурван янзаар бүртгүүлдэг юм билээ. Бодвол, бизнесийн нэг төрлийн заль ч байж болох юм. Хүн тус бүрээр нь хөөвөл Д.Лувсандорж “Соёмбо принтинг” ХХК, “Авто ритет” ХХК, “Би Си Ти Эс Эс” ХХК, “Шинэ талст” гэх дөрөв, Д.Амгаланбаатар газар тариалангийн “Ширэвгэр энх” ХХК, “Тайшир-Өргөө” ХХК, “Хөдөө аж ахуйн лизинг” ХХК, “Монголын хөдөө аж ахуйн сэтгүүл”, “Борнуур агротехнологи” ХХК гэх тав, Д.Амарзаяа “Тунамал бодонч” ХХК, “Ти Эп Эл коммерсе” ХХК гэх хоёр компанитай байна. Тэдний эзэмшдэг дээрх 11 компаниас хамгийн том буюу ногоон гэрлээр “тендер цохидог” нь “Соёмбо принтинг” ХХК, мөн 2017, 2018 онд ЖДҮХС-аас 1.3 тэрбумын хөнгөлөлттэй зээл авсан нь батлагдаж, шуугиан тарьж байсан “Тайшир өргөө” ХХК, “Агротехнологи шижирт” ХХК-иуд. “Агро технологи шижирт” ХХК нь ЖДҮХС-аас 950 сая, “Тайшир өргөө” ХХК нь 375 сая төгрөгийн хөнгөлөлттэй зээл авсан нь илчлэгдсэн ч хэн ч хариуцлага хүлээлгүй өнгөрсөн байдаг.

ТОЙРОН ХҮРЭЭЛЭГЧИД БА ТОЛГОЙ ЭРГЭМ ОЛОН КОМПАНИ

          Д.Амарбаясгалангийн гэр бүлийн компани ингээд дуусахгүй. Түүний ах Д.Лувсандорж, Д.Амгаланбаатар, эгч Д.Амарзаяа нарынх нь 11 компани дээр нэмэгдээд эхнэр Д.Бямбасүрэн, хуулийн асуудлыг нь хариуцдаг Б.Эрдэнэжаргал, олон нийт, “Пи-Ар”-ыг нь хариуцдаг Ц.Чулуунзагд, Э.Амаржаргал нарынх нь нэр дээр бүртгэлтэй Д.Амарбаясгалангийн өөрийнх нь компаниуд нэмэгдэнэ. Хэвлэлийн цех, мэдээллийн сайтаас эхлэлтэй Д.Амарбаясгалангийн бизнес уул уурхай, тээвэр, мэдээллийн технологи, хүнд машин, механизмын худалдаа, зар сурталчилгаа гээд салбар бүрд хүрч амжжээ.

Тухайлбал, Д.Амарбаясгалангийн эхнэр Д.Бямбасүрэн нь “Хас медиа групп” ХХК-ийг хувьдаа 10 гаруй компанитай З.Бадраа, Ерөнхийлөгч У.Хүрэлсүхийн эхнэртэй хамт аялал жуулчлалын компани эзэмшдэг К.Энхтуул гэгчтэй хамтран эзэмшдэг бол “Эл Эл Ди Эм Эн” ХХК-ийг дангаараа эзэмшиж байна. “Хас медиа групп” ХХК-ийг Д.Амарбаясгалан ХОМ-тээ жил алгасахгүй дурдаж ирсэн.

         Д.Амарбаясгалангийн туслах, хуулийн зөвлөх, “JCI” байгууллагын хуулийн зөвлөх байсан байсан гэхээс торох өөр мэдээлэлгүй Б.Эрдэнэжаргал гэх залуугийн нэр дээр Д.Амарбаясгалангийн “угшилтай” 28 компани, төрийн бус байгууллага бүртгэлтэй байна. Тухайлбал, “Реклам самбарын холбоо” ТББ, “Ривер хаус” ХХК буюу “Био”-д байрлах амралтын газар, “Си Ар Си Жи” ХХК, “Топ медиа” ХХК, “Тусгаар тогтнолын түүчээ” ТББ, Хууль зүй, дотоод хэргийн сайд Х.Нямбаатарын хувь эзэмшдэг “Мүүнрөүд групп” ХХК, “Өдрийн шуудан сонин”, Өлзийтчулуун хайрхан” ХХК, “Жабко” ХХК, “Залуу маркетер клуб” ТББ, “Тэргүүн мэдээ сэтгүүл”, “Фейст медиа групп” ХХК, “Би Эс Ти Эл Жи” ХХК, “Би Би Эс Ти Эл” ХХК, “Би Эм Эл Ти Би” ХХК, “Би Эй Эй Эл Ти” ХХК, “Би Би Эс Ти Эм” ХХК, “Вай Ти Эм Эн” ХХК, уул уурхайн ашиглалт, тээвэр, тоног төхөөрөмжийн “Глобал транс гүүр” ХХК, “Глобал сайкл” ХХК, “Цахим сэтгүүлчдийн мэргэжлийн зөвлөл” ТББ, “Монголын үндэсний маркетингийн холбоо” ТББ, “Би Ти Эм Эн Си” ХХК, “Би Си Си Вай Эн” ХХК, “Максима” ХХК, “Тэнгэр түшиг” ХХК, “Эйч Эл Кей Эм Эн” ХХК гэх 27 компани бүртгэлтэй байна. Нэмээд Д.Амарбаяслангийн амьдардаг зайсан дахь байр нь ч Б.Эрдэнэжаргал гэх залуугийн нэр дээр бүртгэлтэй байдаг гэх. Зөвхөн нэг хаяг дээр л гэхэд 8-9 компани бүртгэлтэй байгаа тохиолдол ч байна. Дээрх компаниудаас онцолбол, “Глобал сайкл”ХХК, “Глобал гүүр транс” ХХК-иуд нь Өмнөговь аймгийн Тавантолгойн нүүрсний ордоос Гашуунсухайт боомтоор нүүрс тээвэрлэх үйл ажиллагаа эрхлэх тусгай зөвшөөрөлтэйгөөр үйл ажиллагаа явуулдаг. Энэ компаниудтай холбоотой илүү дэлгэрэнгүйг дараагийн дугаартаа хүргэг тул ингээд үлдээе.

Монголын сайтуудын ассоциацийн Удирдах зөвлөлийн гишүүн, Зиндаа.мн сайтын эрхлэгчээр ажиллаж байсан Ц.Чулуунзагд Д.Амарбаясгаланг дагаж, хэвлэл мэдээлэл, олон нийт, “Пи-Ар”-ыг нь хариуцах болсноор өдгөө МАН-ын Хэвлэл мэдээлэл, цахим бодлогын газрын дарга, Нарийн бичгийн даргаар томилогдоод буй. Тэгвэл Ц.Чулуунзагдын нэр дээр Д.Амарбаясгалангийн угшилтай 16 компани бүртгэлтэй байна. Тухайлбал, “Си Жи Эл технологи” ХХК, “Нэтикс солюшн” ХХК, “Дата майнд” ХХК, “Зиндаа пропертиз” ХХК, “Хийморь спорт сэтгүүл” ХХК, “Ажил хэргийн шийдэл” ТББ, “Алтан өмнөд монгол” ХХК, “Анчин фүүдс” ХХК, “Бууч” ХХК, “Хэвлэл мэдээллийн байгууллагуудын нэгдсэн холбоо” ТББ, “МКАСТ” ХХК, “Монголын мэдээллийн технологийн холбоо” ТББ, “Төрөлх алтай” ТББ, “Биван” ХХК, “Онлайн Пи Ар эйжинси” ТББ, “Цахим засаглал” ТББ зэрэг 16 компани, төрийн бус байгууллага бүртгэлтэй байна.

Ц.Чулуунзагдын эзэмшдэг компаниудад нэмэлт тодруулга хийхэд, түүний нэр дээр бүртгэлтэй “Мкаст”ХХК нь “Хийморь медиа” ХХК-ийг дангаараа,“Зиндаа медиа” ХХК-ийг Монголын эмэгтэйчүүдийн холбооны ерөнхийлөгч Батнасангийн Оюунгэрэлтэй хамтран эзэмшиж байсан. Мөн Ц.Чулуунзагд, Б.Оюунгэрэл нар “Онлайн Пи Ар Эйжинси” ТББ-ийг хамтран эзэмшиж байсан байна. Харин өнгөрсөн оны есдүгээр сард тэд “Зиндаа медиа” ХХК, “Онлайн Пи Ар Эйжинси” ТББ-ийн бүртгэлээс нэрээ хасуулж, Эрдэнэтогтохын Амаржаргал гэж нэр бүртгүүлжээ. Эрдэнэтогтохын Амаржаргалыг судлаад үзвэл, Цэрэнпилийн Чулуунзагдын төрсөн эгч Цэвэлмаагийнх нь хүүхэд байх аж. Эрдэнэтогтохын Амаржаргалын нэр дээр одоо “Зиндаа медиа” ХХК, “Цахим туслагч” ТББ, “Онлайн Пи Ар Эйжинси” ТББ, Гадаадын хөрөнгө оруулалттай “Эй Би Эй Жи” ХХК, “Нэтикс майнинг про” ХХК тус тус бүртгэлтэй байна.

             Сонирхуулахад, Э.Амаржаргалын нэр дээр бүртгэлтэй компаниудаас “Цахим туслагч” ТББ нь өнгөрсөн онд Харилцаа холбоо, мэдээллийн технологийн газрын дарга Б.Болор-Эрдэнийн захиалгаар 300 гаруй сайтыг “тагнасан” гэх дуулианд өртөж байв. Тодруулбал, Харилцаа холбоо, мэдээллийн технологийн газрын дарга Б.Болор-Эрдэнэ “Цахим туслагч” ТББ-тай таван сая төгрөгийн хамтын ажиллагааны гэрээ байгуулж, “И-Монголиа” төрийн үйлчилгээний нэгдсэн системтэй холбоотой нийтлэгдэж буй мэдээллийг тандах нэрийн дор 300 гаруй хэвлэл мэдээллийн сайтад мониторинг хийж, тагнасан тухай дуулиан дэгдэж байсан билээ. Тэгвэл “Цахим туслагч” ТББ-ийн эзэн нь Э.Амаржаргал буюу Ц.Чулуунзагдын дүү байжээ.

Бид дараагийн дугаартаа МАН-ын Ерөнхий нарийн бичгийн дарга Д.Амарбаясгалангийн хамаарал бүхий дээрх 46 компани аль салбарт ямар үйл ажиллагаа явуулдаг, ямар тендерүүдэд “ногоон гэрэл”-ээр шалгарч байсныг хүргэх болно. Тухайлбал, Д.Амарбаясгалангийн “Соёмбо принтинг” ХХК өнгөрсөн онд ганцхан өдрийн дотор 1.6 тэрбум төгрөгийн тендерт шалгарсан баримт байна.

КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-II

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэж эхэлсэн билээ. Эхний дугаартаа МАН-ын Ерөнхий нарийн бичгийн дарга Д.Амарбаясгалангийн хамаарал бүхий 40 гаруй компанийн нэрийг танилцуулсан. Тухайлбайл, түүний ах, эгч болох Д.Лувсандорж, Д.Амгаланбаатар, Д.Амарзаяа нарын эзэмшлийн 11 компани, түүний эхнэр Д.Бямбасүрэн, зөвлөх нь байсан гэх Б.Эрдэнэжаргал, хамтрагч Ц.Чулуунзагд, Э.Амаржаргал нарын нэр дээр бүртгэлтэй 30 гаруй компанийг танилцуулсан. Тэгвэл энэ удаад Д.Амарбаясгалангийн тендер “хамдаг”-аараа зартай “Соёмбо принтинг” ХХК өнгөрсөн онд ганц өдрийн дотор хэрхэн 1.6 тэрбум төгрөгийн тендерт шалгарсныг онцолж байна.

Д.АМАРБАЯСГАЛАНГИЙН “СОЁМБО ПРИНТИНГ” ХХК АЗИЙН ХӨГЖЛИЙН БАНКНЫ 1.6 ТЭРБУМЫН НАЙМАН ТЕНДЕРТ ЯЛЖЭЭ

         МАН-ын генсек Д.Амарбаясгалан “Агро технологи шижирт” ХХК, “Тайшир өргөө” ХХК, “Соёмбо принтинг” ХХК, Топ медиа” ХХК-иараа дамжуулан 2016-2018 оны хооронд дөрвөн тэрбум төгрөгийн хөнгөлөлттэй зээл, төсөл, тендерт шалгарсан тухай шуугиан тарьж байв. Тэр дундаа “Соёмбо принтинг”ХХК нь дангаараа 1.2 тэрбум төгрөгийн тендерт шалгарч байсан гэх. Мөн “Агро технологи шижирт” ХХК нь ЖДҮХС-аас 950 сая, “Тайшир өргөө” ХХК нь 375 сая төгрөгийн хөнгөлөлттэй зээл авсан нь илчлэгдсэн ч хариуцлага хүлээлгүй өнгөрсөн байдаг. Тэгвэл Д.Амарбаясгалангийн “Соёмбо принтинг” ХХК-ийн тендер “хамсан” нэгэн шинэ баримт байна.

Өнгөрсөн онд Азийн хөгжлийн банкны 50.7 сая ам.долларын санхүүжилтээр Боловсрол, шинжлэх ухааны яам хариуцан хэрэгжүүлсэн “Эдийн засгийн хүндрэлийн үед боловсролын чанар, хүртээмжийг сайжруулах төсөл”-ийн найман тендерт МАН-ын Ерөнхий нарийн бичгийн дарга Д.Амарбаясгалангийн эгч, ах нартайгаа хамтран эзэмшдэг “Соёмбо принтинг” ХХК нь ялжээ. Тодруулбал, Монгол Улсын Засгийн газар, Азийн хөгжлийн банк 2018 оны дөрөвдүгээр сарын 4-нд “Эдийн засгийн хүндрэлийн үед боловсролын чанар, хүртээмжийг сайжруулах төсөл” хамтран хэрэгжүүлэхээр 50.7 сая ам.долларын зээлийн хэлэлцээр хийсэн байдаг. Азийн хөгжлийн банкны 50.7 сая ам.долларын санхүүжилттэй энэхүү төслийг Боловсрол, шинжлэх ухааны яам хариуцан хэрэгжүүлж байгаа бөгөөд гэрээнд зааснаар 2021 оны арванхоёрдугаар сарын 31-нд хэрэгжүүлж дууссан юм. Төслийн хүрээнд аймаг, дүүрэг, сумдын сургуулиудын барилгыг шинэчлэх, өргөтгөх, ном, сурах бичиг хэвлэх, багш, удирдах ажилтнуудынх нь мэдлэг, чадварыг дээшлүүлэх, цахим технологиудыг нэвтрүүлэх тендерүүдийг 2020 оноос зарлаж эхэлсэн байдаг.

Тэгвэл МАН-ын Ерөнхий нарийн бичгийн дарга Д.Амарбаясгалангийн “Соёмбо принтинг” ХХК л гэхэд энэхүү төслийн 1.6 тэрбум төгрөгийн өртөгтэй найман тендерт нь шалгарчихжээ. Тухайлбал, 2021 оны нэгдүгээр сарын 25-нд Боловсрол, шинжлэх ухааны яамны албан ёсны цахим хуудастаа байршуулсан “Гэрээ байгуулсан тухай мэдэгдэл” хэсэгт “Соёмбо принтинг” ХХК нь энэхүү төслийн хүрээнд Монгол хэл VI, Эх хэл Казак VI Уран зохиол VI сураг бичиг хэвлэн нийлүүлэх 233 сая төгрөгийн тендер, Иргэний боловсрол VI, VII сураг бичиг хэвлэн нийлүүлэх 153 сая төгрөгийн тендер, Эх хэл VII, Дүрслэх урлаг VI-VII сураг бичиг хэвлэх нийлүүлэх 210 сая төгрөгийн тендер зэрэг найман тендерт ялалт байгуулсан тул гэрээ байгуулах эрх олгосон гэж мэдэгджээ.

        “Соёмбо принтинг” ХХК нь өнгөрсөн хугацаанд 81 тендерт оролцсоноос зөвхөн 2016-2018 оны хооронд л гэхэд 1.2 тэрбумын тендерт шалгарсан тухай шуугиан дэгдэж байлаа. Гэвч эрх баригч намын Ерөнхий нарийн бичгийн дарга Д.Амарбаясгалангийн шууд эзэмшлийн компани төсвийн олон тендерт хэрхэн шалгарсныг хууль хяналтын байгууллагаас огтхон ч хянаж шалгахгүй байсаар улиг болгож орхисон.Тэгвэл тендерт ногоон гэрлээр шалгардаг “Соёмбо принтинг” ХХК он гарсаар ганцхан өдрийн дотор 1.6 тэрбум төгрөгийн өртөгтэй найман тендерт ийнхүү шалгарчихсан байна.

Сонирхуулахад, МАН-ын Ерөнхий нарийн бичгийн дарга Д.Амарбаясгалангийн харилцаа холбоо, хэвлэлийн салбарын компаниудыг нь хариуцдаг, МАН-ын Нарийн бичгийн дарга Ц.Чулуунзагдын дүү Э.Амаржаргал гэх залуу Д.Амарбаясгалангийн зарим компаниудыг, тухайлбал “Эй Би Эй Жи” гэх компанийг эзэмшдэгийг өмнөх дугаартаа дурдсан. Тэгвэл гадаадын хөрөнгө оруулалттай “Эй Би Эй Жи” ХХК-ийг судалж үзвэл, Э.Амаржаргал, “Дата сайнс” ХХК, БНСУ-ын Dasystem Co.ltd хамтран эзэмшдэг аж. 2019 оны дөрөвдүгээр сард байгуулагдсан энэ компани “60 тэрбум”-ын асуудлаар олны танил болсон “Шинэ Монгол хаад” группын байранд байрладаг аж. Илүү сонирхолтой нь, монголын мэдээллийн технологийн салбарын тэргүүлэгч компанийн нэг гэгддэг “Ай Си Ти групп”ХХК-ийн охин компани байх ажээ. “Дата сайнс” ХХК-ийн толгой компани болох “Ай Си Ти групп” ХХК нь Д.Амарбаясгалангийн “Соёмбо принтинг” ХХК-тай зэрэгцээд “Эдийн засгийн хүндрэлийн үед боловсролын чанар, хүртээмжийг сайжруулах төсөл”-өөс 1.5 тэрбум төгрөгийн тендерт шалгарчээ.

Тухайлбал, “Ай Си Ти групп” ХХК “Эдийн засгийн хүндрэлийн үед боловсролын чанар, хүртээмжийг сайжруулах төсөл”-өөс 495 сая төгрөгийн өртөгтэй “Газарзүйн мэдээллийн системийн программ хангамж нийлүүлэх” тендерт ялсан байна. Мөн “Ай Си Ти групп” ХХК-ийн эзэмшдэг “Ай контент” ХХК “Эдийн засгийн хүндрэлийн үед боловсролын чанар, хүртээмжийг сайжруулах төсөл”-ийн нэг тэрбумын өртөгтэй “Боловсролын үнэлгээнд шууд засалтын шинэ технологийг улсын хэмжээнд нэвтрүүлэх зорилгоор шалгалтын тэмдэглэсэн тестүүдийг уншиж оноо тавьдаг 50 машин нийлүүлэх” тендерт ялалт байгуулжээ.

“ГЛОБАЛ ТРАНС ГҮҮР” ХХК “ТАВАНТОЛГОЙ”-Н НҮҮРСИЙГ 50 МАШИНААР ЗӨӨЖ БАЙНА

          МАН-ын Ерөнхий нарийн бичгийн дарга Д.Амарбаясгалангийн НИТХ-ын төлөөлөгч байхаасаа ХОМ-тээ дурдаж ирсэн “Жабко”, “Топ медиа” тэргүүтэй компаниуд 2019 оноос Б.Эрдэнэжаргал гэх залуугийн нэр дээр шилжиж, өдгөө 20 гаруй компани болж “үржээд” байгааг бид өмнөх дугаартаа дурдсан. Тэгвэл Д.Амарбаясгалангийн “угшилтай”, Б.Эрдэнэжаргалын нэр дээр бүртгэлтэй “Глобал транс гүүр” ХХК, “Глобал сайкл” ХХК гэх компаниуд уул уурхайн тээвэр, хайгуулын үйл ажиллагаа явуулж байна.

Тухайлбал, “Глобал гүүр транс” ХХК Дорнод аймаг Баяндун сумын нутаг 1481.3 га талбай бүхий Толгод нэртэй лиценз, “Глобал сайкл” ХХК нь Увс аймагт XV-018075-18075 дугаартай “Нар” гэх 2489.5 га бүхий лиценз тус тус эзэмшдэг ажээ.

Тэгвэл “Глобал транс гүүр” ХХК нь “Эрдэнэс тавантолгой” ХК-тай гэрээ байгуулж, Гашуун сухайт-Ганц мод боомт хооронд 50 автомашинаар нүүрс тээвэрлэж байна. “Глобал транс гүүр” ХХК-ийн хувьд эртний түүхтэй. 2013 оны арваннэгдүгээр сарын 18-нд “Алтайн хүдэр” ХХК-ийн Бургалтайн боомт дахь талбайд тээврийн жолооч залуу амиа алдсан хэрэг гарсан. Тухайн үед энэ хэрэгт “Алтайн хүдэр” ХХК-ийн туслан гүйцэтгэгчээр ажиллаж байсан “Глобал транс гүүр” ХХК “Техникийн аюулгүй байдлаа хангаагүй, хөдөлмөрийн гэрээ байгуулаагаагүй” гэж буруутгасан. Улмаар шүүхээс хохирогчийн ар гэрт 60 сая төгрөг олгох шийдвэр гарсан болоод энэ хэрэг мартагдсан.

Тэгвэл “Глобал транс гүүр” ХХК одоо “Тавантолгой”-н нүүрсийг 50 машинаар зөөж, түрийвчээ түнтийлгэх болсны цаана Д.Амарбаяслангийн “томилгоо” буюу түүний найзууд байж болзошгүй дүр зураг харагдаж байна. Тухайлбал, МАН-ын Ерөнхий нарийн бичгийн дарга Д.Амарбаясгаланд Б.Гүрсоронзон, Л.Нямбаяр гэх хоёр найз бий. Л.Нямбаяр нь Д.Амарбаясгалангийн эхнэр Д.Бямбасүрэнгийн эзэмшдэг “Хасмедиа групп” ХХК-ийн захирлаар Л.Нямбаяр ажилладаг. Өмнө нь “Монгол шуудан” ТӨХК-ийн дэд захирлаар ажиллаж байсан бөгөөд “Эрдэнэс Монгол” ХХК-ийн Дэд бүтэц, ложистикийн газрын захирлаар томилогдсон. Тэрбээр Тавантолгой-Гашуунсухайт чиглэлийн нүүрс тээврийн асуудлыг хариуцдаг. Автотээврийн үндэсний төв нь Гашуунсухайт-Ганц мод боомт хооронд нүүрс тээвэр хийх автомашинууды “С” зөвшөөрлийг олгодог. Ингээд харвал Б.Эрдэнэжаргалын нэр дээр бүртгэлтэй “Глобал транс гүүр” ХХК 50 автомашинаар Гашуун сухайт-Ганц мод боомт хооронд нүүрс тээвэр хийх нөхцөл “ногоон гэрэл”-ээр бүрдсэн дүр зураг харагдаж байна. 

КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-III

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэж эхэлсэн билээ. Эхний дугаартаа МАН-ын Ерөнхий нарийн бичгийн дарга Д.Амарбаясгалангийн хамаарал бүхий буюу түүний ах, эгч болох Д.Лувсандорж, Д.Амгаланбаатар, Д.Амарзаяа нарын эзэмшлийн 11 компани, түүний эхнэр Д.Бямбасүрэн, зөвлөх нь байсан гэх Б.Эрдэнэжаргал, хамтрагч Ц.Чулуунзагд, Э.Амаржаргал нарын нэр дээр бүртгэлтэй 30 гаруй компанийг танилцуулсан. Удаах дугаарт нь Д.Амарбаясгалангийн эзэмшлийн “Соёмбо принтинг” ХХК нь өнгөрсөн онд ганц өдрийн дотор 1.6 тэрбум төгрөгийн тендерт шалгарсан баримт, мөн Д.Амарбаясгалангийн “угшиглтай”, Б.Эрдэнэжаргалын нэр дээр бүртгэлтэй хоёр компани уул уурхайн лиценз эзэмшихийн сацуу, Өмнөговь аймагт нүүрс тээврийн бизнес эрхэлж байгаа баримтыг нийтэлсэн.

Тэгвэл энэ удаагийн дугаартаа МАН-ын генсек Д.Амарбаясгалангийн эртний найз, бизнесийн хамтрагчдынх нь нэг МСНЭ-ийн Ерөнхийлөгч асан, “Эрхэт Монгол” ХХК-ийн эзэн Х.Мандахбаярын компаниуд болон тэдний нөхөрлөлийн харилцаа холбоог танилцуулахаар бэлтгэлээ. Тэд нөхөрлөөд хэдийнэ 20 жил болжээ.

Д.АМАРБАЯСГАЛАН, Х.МАНДАХБАЯР ХОЁРЫН НӨХӨРЛӨЛ БА БИЗНЕСИЙН ЭХЛЭЛ

           Х.Мандахбаяр 2017 онд өөрийн цахим хуудастаа МАН-ын Ерөнхий нарийн бичгийн дарга Д.Амарбаясгалантай тэврэлдсэн зургаа оруулж, “Бидний нөхөрлөл 15 жилийг ардаа хийлээ” гэх утгатай тайлбар хийж, төрсөн өдрийн мэндчилгээ дэвшүүлжээ. Өөрөөр бол, тэд 2002 оноос нөхөрлөж эхэлсэн буюу одоо 20 жил болж байгаа гэсэн үг. Х.Мандахбаяр 2002 онд буюу 24 настайдаа “Зиндаа” сонинг үүсгэн байгуулж, хувийн хэвлэл мэдээллийн бизнест хөл тавьж байв. Харин Д.Амарбаясгалан тэр үед 21 настай буюу “Монгол шуудан” ХК-д Маркетинг төлөвлөлтийн газрын даргаар ажиллаж байжээ.

Тэгвэл тэд бизнесийн ямар харилцаа холбоотой вэ. МАН-ын Ерөнхий нарийн бичгийн дарга Д.Амарбаясгалан НИТХ-ын төлөөлөгч байхдаа “Мкаст” ХХК, “Тод медиа” ХХК, “Зиндаа медиа” ХХК, “Хийморь медиа” ХХК-иудыг хөрөнгө орлогын мэдүүлэгтээ дурддаг байв. Өөрөөр хэлбэл түүний компаниуд. Тэгвэл дээрх компаниуд нь одоо “Мкаст” ХХК-д төвлөрдөг. “Мкаст” ХХК нь МАН-ын Хэвлэл мэдээлэл, мэдээллийн технологийн газрын даргаар ажиллаж байсан, одоо МАН-ын Нарийн бичгийн даргаар ажиллаж буй Ц.Чулуунзагдын нэр дээр бүртгэлтэй байдаг. Тэгвэл Д.Амарбаясгалангийн “Мкаст” ХХК нь 2011 онд Х.Мандахбаярын “Эрхэт монгол” ХХК-тай хамтран Зиндаа.мн мэдээллийн сайтыг үүсгэн байгуулж байсан гэдэг. Тухайн үед Ц.Чулуунзагд Зиндаа.мн сайтын ерөнхий эрхлэгчээр ажиллаж байв. Тэгвэл одоо Д.Амарбаясгалангийн удирдлага дор МАН-ын хэвлэл, олон нийттэй харилцах асуудлыг хариуцаж байна. Энэ бол Д.Амарбаясгалан, Х.Мандахбаяр хоёрын бизнесийн холбоо хамаарлын ердөө энгийн жишээ нь. Мөн тэдний бизнес, нөхөрлөлийн нэг оролцогч нь УИХ-ын гишүүн асан Л.Энхболд гэдэг.

“ЭРХЭТ МОНГОЛ”-ООР ОВОГЛОСОН Х.МАНДАХБАЯРЫН БИЗНЕСҮҮД

          24 настайдаа хувийн бизнесээ эхлүүлсэн гэдэг Х.Мандахбаяр өдгөө 1.4 тэрбум төгрөгөөр үнэлэгдэх нэг орон сууц, нэг авто зогсоолтой. 462 сая төгрөгийн үнэтэй Лексус-570, Каддилак-Эскладе, Мерседес-Бенк-Ж500, Форд-Экспидишн автомашинуудтай. Хурдын удмын 12 адуу, 335 хонь, 191 ямаа буюу 229 сая төгрөгийн малтай, 40 сая төгрөгөөр 583м2 газартай, 105 сая төгрөгийн урлаг, түүхийн үнэт эдлэлтэй, 126 сая төгрөгийн хадгаламжтай, 400 сая төгрөгийн авлагатай.

МСНЭ-ийн Ерөнхийлөгч асан Х.Мандахбаяр 2020 оны сонгуульд нэр дэвших үедээ “Эрхэт монгол” ХХК, “Бест компьютерс” ХХК, “Их цэц” ХХК, “Бэстгэйм цэнтэр” ХХК, “Бест принтинг” ХХК, “Зиндаа тур” ХХК, , “Ихэр говь” ХХК, “Нейшнл сошл медиа” ХХК, “Хос цалиг” ХХК, “Өглөөний сонин” ХХК, “Суваг ти ви найм” ХХК-иудад хувьцаа эзэмшдэг гэж мэдүүлж байв.

Тэгвэл одоо “Эрхэт монгол” ХХК, “Ай ти эм жи эл” ХХК “Гоулд констракшн” ХХК, “Байгаль хамгаалах говийн иргэдийн санаачилга” ТББ, “Монголын кино бүтээгчдийн эрх ашгийг хамгаалах мөнх хөх тэнгэр” сан, З.Төмөртөмөө, Лхаваан Баттулга, “Чингисийн монгол аялал” ХХК, “Монголын сэтгүүлчдийн нэгдпсэн эвлэл” ТББ, “Хүүхэд залуучуудын оюуны хөгжлийг дэмжих шинэ алхам төв” ТББ, “Монголын үндэсний гар урлалын соёлыг дэмжих нийгэмлэг” ТББ, “Монголын угийн бичгийг хөгжүүлэх нийгэмлэг” ТББ, “Шарклтс” ХХК, “Байгаль хамгаалах говийн иргэдийн санаачилга” ТББ, “Өглөөний сонин” ХХК, “Суваг ти ви найм” ХХК, “Өргөн хүрээ” ХХК-иудыг өөрийнхөө нэр дээр болон “Эрхэт монгол” ХХК-иараа дамжуулан эзэмшиж байна. Харин “Монголын сайтын холбоо” ТББ, “Бэстгейм цэнтэр” ХХК, “Зиндаа тур” ХХК, “Ихэр говь” ХХК, “Их цэц” ХХК, “Хос цалиг” ХХК, “Цахим сэтгүүлчдийн мэргэжлийн зөвлөл” ХХК-иудаас нэрээ хасуулжээ.

Х.Мандахбаярын “Эрхэт монгол” ХХК болон нэр бүхий компаниудынх нь гүйцэтгэх захирлаар С.Мөнхзул гэх эмэгтэй ажилладаг. Тэрбээр Х.Мандахбаярын үүсгэн байгуулсан “Нэйшнл сошл медиа” ХХК, “Жамух пропертиз” ХХК, “Гранд ньюс”сэтгүүл, “Жамух интернэйшнл” ХХК, “МЗ” ХХК-иудыг эзэмшдэг. Мөн Х.Мандахбаяртай хамт “Өмнөговийн оюуны хөгжлийн сан”, Х.Мандахбаярын аав Э.Хархүү, эхнэр Н.Гантуяа нартай хамт “Чингис олон улсын хэвлэл мэдээллийн төв”-ийг тус тус эзэмшиж байна.  

Х.Мандахбаярын төрсөн дүү Хархүү Одбаяр нь “Бест компьютерс” ХХК, “Бест принтинг” ХХК, “Монитор” ХХК, “ХАТО” ХХК, “Эн Би Си Эм” ХХК-иудыг эзэмшиж байна. “Бест компьютерс” ХХК, “Бест принтинг” ХХК-иудыг Х.Мандахбаяр 2003 онд үүсгэн байгуулж, захирлаар нь ажиллаж байсан юм.  Харин аав Э.Хархүүгийн нь “Өмнөговийн оюуны хөгжлийн сан”, “Хаан тавантолгой” ХХК, “Чингис олон улсын хэвлэл мэдээллийн төв” ТББ, “Сэлбэ девелопмент” ХХК, “Үндэсний цаг сэтгүүл” ХМБ-уудыг тус тус эзэмшиж байна.

Х.МАНДАХБАЯР ХЭДЭН ТЭРБУМЫН ӨРТӨГТЭЙ ТӨСӨЛ ХЭРЭГЖҮҮЛЭГЧ БОЛОХООСОО ӨМНӨ…

          Х.Мандахбаяр, Д.Амарбаясгалан хоёрын нөхөрлөл, хамтын бизнес нь хэрхэн цэцэглэж байгааг бид дараагийн дугаартаа илүү тодорхой хүргэх болно. Харин энэ удаад мөсөн уулын орой болгож, Х.Мандахбаяр тэрбум тэрбумаар хэмжигдэх санхүүжилттэй төсөл хэрэгжүүлэгч болохоосоо өмнө компаниудаараа төсвийн мөнгөнөөс хэрхэн “тоншдог” байсныг цухас дурдъя. Х.Мандахбаярын эзэмшлийн “Нейшнл сошл медиа”ХХК 2019 оны гуравдугаар сарын 4-нд УИХ-аас “гэрээний төлбөр” гэж 7.9 сая төгрөг авчээ. Мөн гуравдугаар сарын 25-нд “Хүүхэд залуучуудын оюуны хөгжлийн дэмжих шинэ алхам төв” ТББ-аараа мөн л “Гэрээний төлбөр” гэх утгаар 5.2 сая төгрөг авсан байна. Харин гуравдугаар сарын 11-нд нь Д.Амарбаясгалангийн “Соёмбо принтинг” ХХК мөн л “гэрээний төлбөр” гэж 8.7 сая төгрөг авч байжээ. 

        Х.Мандахбаяр “Өмнөговийн оюуны хөгжлийн сан” ТББ-аараа дамжуулан Өмнөговь аймагт “Үлэмжийн чанар” яруу найргийн наадам зохион байгуулахаар тус аймгийн Засаг дарга Н.Наранбаатараар таван сая төгрөг цохуулан авч байжээ. Мөн 2017 онд Х.Мандахбаярын “Өмнөговийн оюуны хөгжлийн сан” ТББ, УИХ-ын гишүүн асан Л.Энхболдын “Говийн хүү” сан хамтран Өмнөговь аймагт Урлаг, спортын их наадам зохион байгуулж, аймгийн Засаг даргын тамгын газраас 40 сая төгрөг гаргаж өгч байжээ.

Харин “Жамух интернэйшнл” ХХК нь 2016 онд СХД-ийн “Тохижилт цэвэрлэгээ үйлчилгээ” ОНӨААТҮГ-т 17 сая төгрөгөөр чанга яригч нийлүүлж байжээ. Мөн 2016 оны тавдугаар сарын 19-нд Сонгуулийн ерөнхий хорооноос сонгуулийн тухай хууль сурталчилах зорилгоор breakingnews.mn цахим сурталчилгаа байрлуулахаар “Жамух интернэйшнл” ХХК-тай 5.0 сая төгрөгийн гэрээ хийж байжээ.

Энэ мэтээр төсвийн тав, арван сая төгрөгөөр “гэрээт ажил” гүйцэтгэдэг байсан Х.Мандахбаярын компаниуд одоо хэдэн арван тэрбумаар хэмжигдэх санхүүжилттэй барилга, орон сууцны төслүүд хэрэгжүүлж буй. Уул уурхайн бизнесээс гарч, хэвлэл мэдээллийн бизнестэй л үлдсэн гэх Х.Мандахбаяр тэр төслүүдээ хэрхэн хэрэгжүүлж буй бол…

КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-IV

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэж эхэлсэн билээ. Эхний удаад бид “КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН” гэх гарчигтайгаар нийт дөрвөн цувралыг бэлтгэн хүргэж буй юм. Өмнөх гурван дугаарт, МАН-ын Ерөнхий нарийн бичгийн дарга Д.Амарбаясгалангийн хамаарал бүхий 40 гаруй компанийн нэр, түүний “угшилтай” компаниудыг эзэмшдэг хамаарал бүхий этгээдүүд буюу ах Д.Лувсандорж, Д.Амгаланбаатар, эгч Д.Амарзаяа болон эхнэр Д.Бямбасүрэн, хамтрагч Б.Эрдэнэжаргал, Ц.Чулуунзагд нарыг нь танилцуулсан. Мөн Д.Амарбаясгалантай 20 жил нөхөрлөж буй, ажил, амьдралынх нь хамгийн дотнын хамтрагчдынх нь нэг МСНЭ-ийн Ерөнхийлөгч асан, “Эрхэт Монгол” группийн эзэн Х.Мандахбаярын эзэмшлийн компаниудыг танилцуулсан билээ.

Тэгвэл энэ удаад Монголын толгой баяны дайтай томоохон төслүүдийг хэрэгжүүлж буй Д.Амарбаясгалангийн ажил, амьдралын хамтрагч Х.Мандахбаяр болон Д.Амарбаясгалангийн олноос “нуусан” хамтрагч буюу Говь-Алтай аймгийн ИТХ-ын төлөөлөгч, хувийн компаниараа “Ковид-19” цар тахлын үеийн тендерүүдийг түүж буй М.Бат-Эрдэнийн тухай нийтэлж байна.

Д.АМАРБАЯСГАЛАНГИЙН 10 ЖИЛИЙН АНГИЙН ОХИН М.БАТ-ЭРДЭНЭ “КОВИД-19” ЦАР ТАХЛЫН ҮЕИЙН ТЭРБУМААС ДЭЭШ САНХҮҮЖИЛТТЭЙ ТЕНДЕРҮҮДИЙГ “ТҮҮДЭГ” БОЛЖЭЭ

         МАН-ын Ерөнхий нарийн бичгийн дарга Д.Амарбаясгалангийн санаачлан байгуулсан“Төрөлх Алтай” ТББ-ын гүйцэтгэх захирлаар ажилладаг М.Бат-Эрдэнэ гэх эмэгтэй Говь-Алтай аймгийн ИТХ-ын төлөөлөгч болж, түүгээр зогсохгүй “Биомед трейд” гэх хувийн компаниараа эмнэлгийн тоног төхөөрөмж, “Ковид-19” халдварыг илрүүлэх оношлуурын тендерийг хүртэл “хамдаг” болжээ.

         Энэ хоёрыг түүхийг сөхвөл, МАН-ын Ерөнхий нарийн бичгийн дарга Д.Амарбаясгалан, М.Бат-Эрдэнэ нар 1998 онд Говь-Алтай аймгийн Монгол Улсын гавьяат багш Б.Гомбын нэрэмжит I сургуулийн 10в ангийг хамт төгсжээ. Улмаар 2018 онд ангиараа төгсөлтийнхөө 20 жилийн ойн уулзалтаа хийх үеэр Д.Амарбаясгалангийн санаачилгаар “Төрөлх Алтай” ТББ-ыг үүсгэн байгуулжээ. Ингээд төрийн бус байгууллагын тэргүүнээр Д.Амарбаясгалан, гүйцэтгэх захирлаар нь М.Бат-Эрдэнэ ажиллаж эхэлсэн байгаа юм.

Төгсөлтийн 20 жилийн ойн уулзалтаасаа хэдхэн сарын өмнө “Моносфарм трейд” ХХК-д ахлах менежерийн ажилтай байсан М.Бат-Эрдэнэ гэх эмэгтэй энэ цагаас “Төрөлх Алтай” ТББ ба Д.Амарбаясгаланг төлөөлөн Говь-Алтай аймгийн сум бүрд ажиллах болж, “Биомед трейд” ХХК-ийг байгуулж, бизнес ч “цэцэглэж” эхэлжээ. Улмаар 2020 оны орон нутгийн сонгуулиар М.Бат-Эрдэнэ Говь-Алтай аймгийн ИТХ-ын хуралд МАН-аас нэр дэвшиж, ялалт байгуулан төлөөлөгчөөр сонгогджээ. Ингэж нэр дэвшихэд нь МАН-ын дарга У.Хүрэлсүх, Ерөнхий нарийн бичгийн дарга Д.Амарбаясгалан нар тусгайлан дэмжиж, сурталчилгааных нь сэтгүүл дээр Д.Амарбаясгалан “Ангийн ажилсаг охиныг минь дэмжээрэй” гэсэн бол, У.Хүрэлсүх “Ээжийн минь нутгийн охин” гэсэн утга бүхий илгээлт хүртэл гаргаж байжээ.

Ийнхүү МАН-ын дэмжлэгийг, тэр дундаа ангийн хөвгүүн Д.Амарбаясгалангийнхаа дэмжлэгийг авсан Говь-Алтай аймгийн ИТХ-ын төлөөлөгч М.Бат-Эрдэнэ “Био мед трейд” ХХК-иараа “Ковид-19” цар тахлын үеийн тэрбумаас дээш санхүүжилттэй бүх л тендерт оролцож, “түүдэг” болжээ.

Тухайлбал,

2020 оны хоёрдугаар сард Эрүүл мэндийн яамны “Эрчимт эмчилгээ, яаралтай түргэн тусламжийн тоног төхөөрөмж” нийлүүлэх тендер- 1.3 тэрбум төгрөг

2020 оны есдүгээр сард Батлах хамгаалах яамны “Ковид-19” цар тахлын эсрэг тэмцэхэд шаардлагатай, эм, эмнэлгийн төхөөрөмж, хамгаалалтын хэрэгсэл” нийлүүлэх тендер- 988 сая төгрөг

2021 оны аравдугаар сард Эрүүл мэндийн яамны “Хэт авиан оношилгооны тоног төхөөрөмж” нийлүүлэх тендер 1.4 тэрбум төгрөг

2021 оны арванхоёрдугаар сард  Эрүүл мэндийн яамны “Оношилгооны тоног төхөөрөмж” нийлүүлэх тендер- 1.3 тэрбум төгрөг зэргээр тендер “түүсэн” баримтууд байна. Энэ бол тэрбум давсан санхүүжилттэй, шалгарсан тендерүүдийнх нь зөвхөн жишээ нь.  Мөн 20-200 сая төгрөгийн санхүүжилттэй 10 гаруй тендерт шалгарч, 800 гаруй сая төгрөг авсан баримтууд нь ч байна.

Ингэж дөнгөж 2018 онд байгуулагдсан, “цүнхний” шахуу “Био мед трейд” ХХК 2019 оноос эхлээд Эрүүл мэндийн яам, улсын төв эмнэлгүүд болон орон нутгийн эмнэлгүүдэд оношлуур, эмнэлгийн тоног төхөөрөмж, багаж хэрэгсэл нийлүүлэх тэрбум давсан санхүүжилттэй тендерүүдэд төвөггүй шалгарч эхэлсэн байгаа юм. Эмнэлгийн тоног төхөөрөмж импортлоод 20 жил болж байгаа компаниудтай хоёрхон жилийн түүхтэй компани өрсөлдөж ялаад байсныг салбарынх нь эхэндээ гайхаж байсан гэх юм билээ. Гэтэл энэ компанийн захирал нь МАН-ын Ерөнхий нарийн бичгийн дарга Д.Амарбаясгалангийн ангийнх нь охин байжээ. Түүнчлэн, Д.Амарбаясгалангийн үүсгэн байгуулж, өөрөө тэргүүлж байсан “Төрөлх Алтай” ТББ-ын гүйцэтгэх захирлаар М.Бат-Эрдэнэ ажилладгийг дээр дурдсан. Тэгвэл “Төрөлх Алтай” ТББ нь байгуулагдсан цагаасаа Говь-Алтай аймагт төсөл хөтөлбөр хэрэгжүүлж эхэлсэн бөгөөд тус аймагт Д.Амарбаясгалангийн нэр хүнд, карьерыг өсгөдөг чухал байгууллага ажээ. Тиймдээ ч Д.Амарбаясгалан төрийн бус байгууллагынх нь бүх ажлыг нугалдаг ангийн охин ийм сайн ханддаг биз ээ.

       Сонирхуулахад, М.Бат-Эрдэнэ нь Д.Сарангэрэлийн Эрүүл мэндийн сайд байх үед Эрүүл мэндийн яамны Эмнэлгийн техник, тоног төхөөрөмжийн мэргэжлийн салбар зөвлөлийн гишүүнээр ажиллаж байжээ. Улмаар Д.Сарангэрэл М.Бат-Эрдэнийг Говь-Алтай аймгийн ИТХ-д нэр дэвшиж байх үед нь “Ковид-19 цар тахал анх дэгдэх үед буюу 2020 оны гуравдугаар сард Монголд анх удаагаа коронавирусийг эрт илрүүлэх түргэвчилсэн оношлуурыг ЭМЯ-нд хандивлаж байсан бүсгүй” хэмээн магтаж, сурталчилгааных нь сэтгүүл дээр ярилцлага өгч байжээ.

Гэтэл М.Бат-Эрдэнийн “Биомед трейд” ХХК Д.Сарангэрэлийн ярьсан дээрх хугацаанд буюу 2020 оны гуравдугаар сарын 16-нд Эрүүл мэндийн яамтай “Ковид-19” халдварыг илрүүлэх түргэвчилсэн тест нийлүүлэх 12 сая 950 мянган төгрөгийн гэрээ байгуулж байжээ. Бэлэглэсэн гэх үү, бэлэн мөнгөөр нь авчирч өгсөн гэх үү, мэдэхгүй юм.

Х.МАНДАХБАЯР ОФФШОРЫН МӨНГӨ УГААЖ, МАН-ЫГ САНХҮҮЖҮҮЛЖ БАЙГАА ЮУ

Энэ цаг үед эрх мэдэл, албан тушаалын оргилд байгаа МАН-ынхны эд хөрөнгө, бэл бэнчин хэрхэн арвижиж, хэтэвч нь түнтийж байгааг Эргэлт.мн мэдээллийн сайтын “Эрэн сурвалжлах нэгдэл” цувралаар хүргэж эхэлсэн билээ. Эхний удаад бид “КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН” гэх гарчигтайгаар нийт дөрвөн цувралыг бэлтгэн хүргэсэн. “КОМПАНИЙН “МАГНАТ”, ТЕНДЕРИЙН “ХААН”, МАН-ЫН ГЕНСЕК Д.АМАРБАЯСГАЛАН-III” цувралдаа Монголын толгой баяны дайтай томоохон төслүүдийг хэрэгжүүлж буй Д.Амарбаясгалангийн ажил, амьдралын хамтрагч Х.Мандахбаярын өөрийнх нь нэр дээрх хувийн бизнесүүдийг нь танилцуулсан. Тэгвэл энэ удаад бид Х.Мандахбаярын ажил хэрэг, анд нөхдийнх нь холбоог судалж, Английн Виржинийн арлууд, Австралийн хөрөнгийн биржид бүртгэлтэй, цаашлаад оффшор бүсэд данстай компаниудтай холбогдож буй ноцтой баримтыг хүргэх гэж байна. Өөрөөр хэлбэл, Х.Мандахбаяр харьд бүртгэлтэй, монголтой холбоотой компаниудын санхүүжилтээр барилгын төслүүд хэрэгжүүлж, МАН-ыг санхүүжүүлж байж болох уу.

ОРШИЛ: Х.МАНДАХБАЯРЫН БАРИЛГЫН ТӨСЛҮҮД БА НИЙГЭМД ҮҮССЭН ХАРДЛАГА

          МАН-ын Ерөнхий нарийн бичгийн дарга Д.Амарбаясгалан, МСНЭ-ийн Ерөнхийлөгч асан, “Эрхэт монгол” ХХК-ийн ТУЗ-ийн дарга Х.Мандахбаяр нар 20 жил нөхөрлөж яваа андууд гэдгийг өмнөх дугаартаа онцолсон. МАН-ын генсек Д.Амарбаясгаланд Х.Мандахбаярыг зөвхөн найз нөхөд, нэг нам гэдгээр нь хамаатуулсан хэрэг биш, харин тэдний хүзүү сээрээрээ холбоотой компаниуд хэвлэл мэдээллийн зах зээлд хамтран бизнес эрхэлдэг учраас тэр юм. Өмнөх дугаартаа Д.Амарбаясгалангийн хамаарал бүхий компаниуд Х.Мандахбаярын компаниудтай ямар сэжмээр, яаж холбогддогийг жагсаасан тул энэ удаад нэмж дурдах нь илүүц байх. Харин Х.Мандахбаяр Д.Амарбаясгалангаар дамжуулж, эрх баригч МАН-тай салшгүй холбоотой байж, хамгаалуулж, нэр дэвшиж, хариуд нь МАН-ыг санхүүжүүлэх “бохир” ажлыг хариуцдаг болсон юм биш биз хардлага байгаа юм.

Тухайлбал, Х.Мандахбаяр өнгөрөгч 2021 оноос эхлээд гэнэт л Монголын толгой баяны дайтай томоохон барилгын төслүүдийг хэрэгжүүлж, хэн хаанаас медаль авна байр, машинаар шагнан сүрийг үзүүлж, өөрийн компанийн 40 гаруй ажилтнаа болон хамтран байгууллагуудынхаа ажилтнуудыг орон сууцаар шагнан аархаж, тэр чинээгээрээ олны анхаарлын төвд байх болсон. Тухайлбал, Х.Мандахбаярын “Эрхэт монгол” групп дангаараа 500 айлын “Гранд маршал” тансаг зэрэглэлийн хотхон, 600 айлын “Сити ресиденс” хотхоны төслийг өнгөрөгч 2021 онд хэрэгжүүлж эхэлсэн юм. Мөн “Стандарт холдинг” ХХК-ийн 1200 айлын “Гранд ресиденс” хотхоны төсөлд “Эрхэт монгол” групп хамтарч байгаа. “Эрхэт монгол” группийн гүйцэтгэх захирал С.Мөнхзул өнгөрсөн оны аравдугаар сард өгсөн ярилцлагадаа “Гранд маршал болон Сити ресиденс төсөл эхэлснээсээ хойш 140 гаруй тэрбум төгрөгийн борлуулалт хийгээд байна” хэмээн ярьсан байдаг. Чухамдаа зөвхөн 500 айлын “Гранд маршал” хотхоны байрууд нь л гэхэд 300 саяас 4.3 тэрбум төгрөгийн үнэтэй гэхээр дээрх гурван орон сууцны төсөл нь хэдэн зуун тэрбум төгрөг эргэлдүүлэх төслүүд гэж болно. Эндээс нийгмийн анхаарал татсан нэг зүйл нь, цар тахлын нөлөөгөөр барилгын салбар бүхэлдээ хямарч, энэ салбарын үндсэн тоглогчид хүртэл төслүүдээ царцаагаад байхад хэвлэл мэдээллийн хэдэн хэрэгсэлтэй “Эрхэт монгол” групп хэдэн зуун тэрбумаар тоологдох санхүүжилттэй төслүүд хэрэгжүүлээд эхэлсэн явдал байв.

Үүнээс улбаалж, “Хадгаламж зээлийн хоршооны хар түүхтэйгээ саяхныг болтол “зууралдаж”, цалингаа тавьж чадахгүй сандарч явсан Х.Мандахбаяр хаанаас ийм их мөнгө олоод байна вэ, хэний хөрөнгөөр туйлаад байна, барилгын томоохон төслүүд хэрэгжүүлж, түүнийгээ зориудаар нийтийн анхааралд оруулаад байгаа нь цаанаа ямар зорилготой вэ, Д.Амарбаясгалан ба МАН холбоотой юу” гэх хардлага, эргэлзээнүүд гарах боллоо. Мөн “Сүүлийн үед “моод”-нд ороод байгаа аргачлалаар буюу оффшор бүсийн хөрөнгийг барилгыг салбар луу оруулах замаар угааж МАН-ын санхүүжилтийг хийж байгаа юм биш биз” гэж хардах хүмүүс ч байна. Хардах эрх хэнд ч бий, хардах нь ч зөв. Тиймээс бид дээрх хардлагуудад хариулт хайсан нь энэ юм. Х.Мандахбаяр үнэхээр оффшор бүсээс орж ирсэн бохир мөнгийг барилгын төслүүдээр дамжуулан “угааж”, МАН-ыг санхүүжүүлж буй юм биш биз…

Сануулахад, “Эрхэт монгол” группийн ТУЗ-ийн дарга Х.Мандахбаярын ажил хэрэг, анд нөхдийн холбоог нь шүүж үзвэл уул уурхайн бизнестэй “салшгүй” холбоотойн дээр Их Британи, Умард Ирландын Нэгдсэн Вант Улс, Виржинийн арлууд, Австрали, Хонгконгийн хөрөнгийн бирж зэрэгт бүртгэлтэй компаниудтай холбогдож байгаа нь эргэлзээ төрүүлж байгааг эхлээд хэлэх нь зүйтэй болов уу.

Х.МАНДАХБАЯРЫН ААВ Э.ХАРХҮҮ, ДҮҮ Х.ОДБАЯРТАЙ ГУРВАН КОМПАНИ ХАМТРАН ЭЗЭМШДЭГ Б.ЭНХЖАРГАЛ НЬ ОФФШОР БҮСЭД КОМПАНИТАЙ ХОЛБОГДОЖ БАЙНА

          МСНЭ-ийн Ерөнхийлөгч асан, “Эрхэт монгол” группийн ТУЗ-ийн дарга Х.Мандахбаярын аав УГЗ Э.Хархүү “Өмнөговийн оюуны хөгжлийн сан” сан, “Хаан тавантолгой” ХХК, “Чингис олон улсын хэвлэл мэдээллийн төв” ТББ, “Сэлбэ девелопмент” ХХК, “Үндэсний цаг сэтгүүл” ХБМ зэрэгт хувьцаа эзэмшдэг. Тэгвэл түүний “Хаан тавантолгой” ХХК нь анхаарал татна. Энэ компанийн тухай Х.Мандахбаяр нэг удаа “2011 онд байгуулагдсан цагаасаа ажиллаагүй хоосон компани. Тээврийн бизнес хийх манай найзуудын санаачилга бүтээгүй юм” гэж твиттерт тайлбарлаж байжээ. Гэхдээ судлаад үзвэл, “Хаан тавантолгой” ХХК “хоосон” байж болох ч хувьцаа эзэмшигчид нь хоосон биш ажээ. Тухайлбал,  

Х.Мандахбаярын аав Э.Хархүүгийн “Хаан тавантолгой” ХХК-д дөрвөн хүн хувьцаа эзэмшдэг бөгөөд тэднээс Бадарын Энхжаргал гэгч нь анхаарал татна. Б.Энхжаргалыг судлаад үзвэл, Х.Мандахбаярын төрсөн дүү Х.Одбаяртай “Монитор” ХХК-ийг хамтран эзэмшдэг ажээ. Мөн өмнө нь Х.Одбаяр буюу Х.Мандахбаярын үүсгэн байгуулсан анхны компаниудынх нь нэг “Бест компьютерс” ХХК-ийг эзэмшиж байсан аж. Чухамдаа Х.Мандахбаярын аавтай нь ч, дүүтэй нь ч компани хамтран эзэмшдэг буюу Х.Мандахбаярын өөрийнх нь тодорхойлсончлон дотнын найз нь ажээ.

         Тэгвэл Б.Энхжаргал нь оффшор бүсэд данстай гэж дэлхий нийтэд зарлагдаж байсан компанитай холбогддог нэгэн ажээ. Тухайлбал, Б.Энхжаргал саяхныг хүртэл “Вестерн Монголиан девелопмент” ХХК-ийн хувьцаа эзэмшигчээр бүртгэлтэй явж ирсэн байна. Энэ компани нь “СДДГ”ХХК гэх нэрээр уул уурхайн үйл ажиллагаа явуулж, хэд хэдэн лиценз эзэмшиж байгаад нэрээ өөрчилсөн аж. Цааш нь хөөвөл, “Вестерн монголиан девелопмент” ХХК-ийг Британийн Виржини арлуудад бүртгэлтэй “Active time holding limited” компани, “Ханбогд эксплорейшн” компани тус тус эзэмшдэг юм байна. Харин “Ханбогд эксплорэйшн” ХХК-ийг Их Британи, Умард Ирландын нэгдсэн вант улсад бүртгэлтэй “Кью Жи Экс Холдинг Лимитед” компани эзэмшдэг аж. Энэ компани нь “Гал XV-018532”, “Ханбогд XV-018269” гэх хоёр хайгуулын тусгай зөвшөөрөл эзэмшдэг ажээ.

Хамгийн ноцтой нь, Англид бүртгэлтэй “Кью Жи Экс Холдинг лимитэд” компани нь Австралийн хөрөнгийн биржид бүртгэлтэй “Занаду майнс” компанийн монгол дахь охин компани болох “Монгол металс” ХХК-тай хамтран “Оюут-Улаан” ХХК-ийг эзэмшдэг. “Оюут-Улаан” ХХК нь алдарт “Хармагтай” алт, зэсийн орд газрын ашиглалтын тусгай зөвшөөрлийг 100 хувь эзэмшдэг. Оюутолгойн ордтой эн тэнцэхүйц гэж яригддаг Хармагтайн орд газрыг 2013 оны есдүгээр сарын 27-нд дээрх хоёр компанийн эзэмшлийн “Оюут-Улаан” ХХК эзэмшиж эхэлсэн байдаг. Хармагтайн ордыг 680 мянган тонн зэс, 70 тонноос багагүй алт, 203 сая тонн хүдрийн нөөцтэй гэж тодорхойлж байсан бөгөөд жил ирэх бүр нөөц нь нэмэгдсээр буй юм. Ингээд зогсохгүй ““Кью Жи Экс Холдинг лимитэд” компанийг 2017 онд Монгол 165 лиценз эзэмшдэг буюу хамгийн олон лиценз эзэмшдэг гэж мэдээлж байжээ.

        Үргэлжлүүлэн судалбал, “Кью Жи Экс холдинг лимитед” компанийн эзэмшдэг “Ханбогд эксплорэйшн” ХХК нь “Улаанбаатар, Сүхбаатар, 8-р хороо, Сэнтрал Тауэр 708-713 тоот” гэх хаяг дээр бүртгэлтэй байдаг бөгөөд “Керри Монголиа” ХХК гэх гадаадын хөрөнгө оруулалттай компани энэ хаяг дээр давхар бүртгэлтэй байна. Судлаад үзвэл, “Кью Жи Экс”, “Керри монголиа” компаниуд хамтран “Керри Кью Жи Экс” компани байгуулаад татан буулгасан түүхтэй аж. Тэгвэл “Керри Монголиа” компанийг Их Британи Умард ирландын нэгдсэн вант улсад бүртгэлтэй “Kerry mining” компани эзэмшдэг ажээ. Энэ компанийг судлаад үзвэл, өнгөрсөн онд “Paradise papers”-ээс ил болгосон баримтууд буюу оффшор бүсэд данстай компаниудын жагсаалтад багтаж байжээ. Өөрөөр хэлбэл, оффшор бүсэд данстай компани гэсэн үг. Үүнээс цааш хөөвөл, “Kerry mining” компани нь “М-Си-Эс” групптэй холбогддог юм байна.   

“Эрхэт Монгол” группийн ТУЗ-ийн дарга Х.Мандахбаярын аав Э.Хархүү, дүү Х.Одхүү нартай гурван компани хамтран эзэмшдэг Б.Энхжаргал гэгч нь ингэж Англи, Австралид бүртгэлтэй, цаашлаад оффшор бүсийн компанитай холбогддог ажээ.

УИХ-ЫН ГИШҮҮН, Х.МАНДАХБАЯРЫН ХАМТРАГЧ Н.НАРАНБААТАР БОЛОН ТӨРСӨН ДҮҮ Н.ОЧГЭРЭЛ НЬ ВИРЖИНИ АРЛУУДАД БҮРТГЭЛТЭЙ КОМПАНИУДТАЙ ХОЛБОГДОЖ БАЙНА

        “Эрхэт Монгол” группийн ТУЗ-ийн дарга Х.Мандахбаяр Тост, Тосон бумбын нуруунд үйл ажиллагаа явуулж буй уул уурхайн компаниуд, тэр дундаа Б.Чойжилсүрэнгийн уурхайтай тэмцэл өрнүүлж, түүнд нь Өмнөговь аймгийн Засаг дарга асан, одоогийн УИХ-ын гишүүн Н.Наранбаатар нэгдэн хамтран зүтгэж байв. Улмаар 2020 оны УИХ-ын сонгуульд тухайн үеийн МАН-ын дарга У.Хүрэлсүх “Хариуцлагатай уул уурхайн төлөө” хэмээн Х.Мандахбаяр, Н.Наранбаатар нарыг хамтад нь Өмнөговь аймгаас нэр дэвшүүлсэн. Н.Наранбаатар олонхын санал авч УИХ болж чадсан бол Х.Мандахбаяр гурваар жагссан байдаг. Х.Мандахбаяр, Н.Наранбаатар хоёрын Өмнөговь дахь хоршил зөвхөн Тост, Тосон бумбын нурууны тэмцэл дээр ч бус бүр эртнийх. Х.Мандахбаяр Өмнөговь аймгийн иргэдийг төрийн бус байгууллагуудаараа “тойглож” байх үед Н.Наранбаатар Засаг даргын хувиар, санхүү мөнгөөр дэмжиж ажилладаг байсан. Нэмээд Х.Мандахбаяр, Н.Наранбаатар нарын аавууд Ханхонгор сумынх буюу нэг нутгийн хүмүүс.

Тэгвэл УИХ-ын гишүүн, Х.Мандахбаярын хамтрагч Н.Наранбаатар Их британийн Виржини арлуудтай хоёр ч сэжмээр холбогдох ажээ.

Тухайлбал,

БАРИМТ 1: УИХ-ын гишүүн Нанзадын Наранбаатар, түүний дүү Нанзадын Очгэрэл нар “Сэрсэн говь”ХХК-ийг эзэмшдэг. Н.Наранбаатар өөрийнхөө ХОМ-т ч “Сэрсэн говь”ХХК-ийг дурддаг аж. Тэгвэл Н.Наранбаатарын дүү Н.Очгэрэл нь “Эвт повер майнинг” ХХК-д хувьцаа эзэмшдэг бөгөөд тус компанийн гүйцэтгэх захирлаар нь ажилладаг аж. Тэгвэл “Эвт повер майнинг” ХХК-ийг Н.Очгэрэлээс гадна “Хос тамга групп” ХХК, “Энбо тайж транс” ХХК-иуд эзэмшдэг юм байна. Цааш нь судлаад үзвэл, “Энбо тайж транс” ХХК нь Өмнөговь аймгийн Гурвантэс сумын нутагт Баян-Ундарга гэх нүүрсний уурхай ажиллуулдаг аж. Хамгийн ноцтой нь, “Энбо тайж транс” ХХК-ийн эцсийн өмчлөгч нь Их Британийн Виржини арлуудад бүртгэлтэй “Пүжин ложистик” компани ажээ.

БАРИМТ 2: УИХ-ын гишүүн Н.Наранбаатар 2016 оны сонгуулийн дараа Өмнөговь аймгийн Засаг даргаар томилогдохынхоо өмнө буюу 2015 оныг хүртэл “Билэгт говь” ХХК-ийн захирлаар ажиллаж байсан. Энэ компанийг хүмүүс Дорноговь аймгийн Хөвсгөл суманд үйл ажиллагаа явуулдаг Айл баянгийн нүүрсний уурхайгаар нь мэднэ. Тэгвэл Н.Наранбаатарын захирлаар нь ажиллаж байсан “Билэгт говь” ХХК-ийн эцсийн эзэмшигчээр нь Их Британи, Умарт Ирландын нэгдсэн вант улсад бүртгэлтэй “Pusheng Energy Holdimgs Limited” компани бүртгэлтэй байдаг аж.

         Түүнчлэн тус компани “Улаанбаатар хот, Сүхбаатар, 8-р хороо, 910, 911 тоот” хаяг дээр бүртгэлтэй байдаг бөгөөд энэ хаяг дээр хятадын хөрөнгө оруулалттай “Шаганрийч ворлд монголиа” ХХК, хятадын хөрөнгө оруулалттай “Си Эм И Эс” ХХК, “М-Си-Эс холдинг” ХХК-ийн эзэмшлийн “Юнисервис солюшн” ХХК-иуд тус тус давхар бүртгэлтэй байна. “Юнисервис солюшн” ХХК-ийн хувьд “М-Си-Эс” группийн охин компани бөгөөд “Энержи ресурс” ХХК-ийн кеп, “Хүннү Молл”, “М-Си-Эс” групп, “Шангри-Ла-УБ”-ийн цэвэрлэгээ, үйлчилгээг хариуцдаг ажээ.

Х.МАНДАХБАЯР ХӨРС ХУУЛАЛТЫН “ИХ ШИЖИР БАЯЛАГ” ХХК-ИА ОДОО Ч УДИРДДАГ УУ

        Олон нийт Х.Мандахбаярыг “Их шижир баялаг” гэх “Тавантолгой” ХК-д хөрс хуулалт хийдэг компанитай, тэндээс олсон мөнгөөрөө санхүүждэг гэж ойлгодог байсан. Харин Х.Мандахбаяр өөрөө 2020 оны УИХ-д Өмнөговь аймгаас нэр дэвшихээсээ өмнө, бүр тодруулбал Б.Чойжилсүрэнгийн Тост, тосон бумын нурууны орчимд байрлах уурхайтай үзэлцэхээсээ өмнө “Их шижир баялаг” ХХК-иа зарж, уул уурхайн бизнесээс албан ёсоор гарсан гэж тайлбарладаг. Нэг удаа “Би “Их шижирт баялаг” гэдэг компанитай байхдаа “Тавантолгой” ХК-д туслан гүйцэтгэгчээр ажиллаж, хөрс хуулалтын бизнес хийдэг байсан нь үнэн. Харин 2019 онд энэ компаниараа зарж, уул уурхайн бизнесээс албан ёсоор гарсан. Медиа салбараас олсон болон хөрс хуулалтын компаниа зарсан мөнгөөрөө одоо барилгын төслүүдэд хөрөнгө оруулаад явж байна” гэх агуулгатай тайлбар хийсэн нь бий.

Судалж үзвэл, Х.Мандахбаяр хөрс хуулалтын “Их шижир баялаг” ХХК-иа Г.Номинчулуун гэгчтэй хамтран эзэмшиж байжээ. Ингэхдээ “Их шижир баялаг” ХХК-ийн хувьцааг Г.Номинчулууны “Суман говь” ХХК, Х.Мандахбаярын өөрийнх нь “Хос цалиг” ХХК тус тус эзэмшиж байсан бөгөөд Г.Номинчулуун нь “Их шижир баялаг” ХХК-ийн гүйцэтгэх захирлаар ажилладаг байж. “Хос цалиг” ХХК-ийг тухайн үед Х.Мандахбаяр, “Эрхэт монгол” группийн хуулийн хэлтсийн дарга А.Отгонбаяр нар эзэмшиж удирддаг байжээ.

Харин Х.Мандахбаяр 2019 онд “Би “Их шижир баялаг” ХХК-иа зарсан” гэж мэдэгдсэнээс хойш тус компанийн гүйцэтгэх захирлаар Л.Лувсан-Эрдэнэ гэх хүн ажиллаж эхэлжээ. Улмаар “Их шижир баялаг” ХХК-ийн хувьцаа эзэмшигчээс Г.Номинчулууны “Суман говь” ХХК-ийг хасаж, харин “Хос цалиг” ХХК-ийг хувьцаа эзэмшигч хэвээр үлдээжээ. Ингэхдээ Х.Мандахбаяр “Хос цалиг” ХХК-ийн хувьцаа эзэмшигчээс өөрийнхөө болон А.Отгонбаярын нэрийг хасуулж,  Б.Номин гэх эмэгтэйн эзэмшилд шилжүүлээд “Их шижир баялаг” ХХК-ийн хувьцаа эзэмшигчээр хэвээр үлдээсэн аж. “Тавантолгой” ХК-ийн хөрс хуулалтыг хийдэг гэх “Их шижир баялаг” ХХК-ийн хувьцаа эзэмшигчээр одоо ч “Хос цалиг” ХХК бүртгэлтэй хэвээр байна.

Сонирхолтой нь, судлаад үзвэл “Их шижир баялаг” ХХК-ийн хувьцааг эзэмшиж байгаа “Хос цалиг” ХХК-ийн захирал гэх Б.Номин нь Х.Мандахбаярын “цэрэг” буюу “Эрхэт монгол” группт ажилладаг, тус группийн ажилтнуудтай хамтран хэд хэдэн компани эзэмшдэг нэгэн ажээ. Цаашлаад Х.Мандахбаярын тэргүүнээр нь ажилладаг “Монголын үндэсний гар урлалын соёлыг дэмжих нийгэмлэг” ТББ-ын Удирдах зөвлөлийн гишүүнээр Б.Номин гэгч нь ажилладаг ажээ. Мөн “Их шижир баялаг” ХХК нь одоо ч “Улаанбаатар, Баянзүрх, 24-р хороо, 2-14 тоот” хаяг дээр буюу Х.Мандахбаярын “Монголын үндэсний гар урлалын соёлыг дэмжих нийгэмлэг” ТББ-ын хаяг дээр давхар бүртгэлтэй хэвээр байна.

Ингээд харвал, Х.Мандахбаяр өөрийн ажилтан Б.Номингийнхоо нэр дээр “Хос цалиг” ХХК-иа шилжүүлж, улмаар “Хос цалиг” ХХК-иараа дамжуулан одоо ч “Их шижир баялаг” ХХК-ийг удирддаг байж болзошгүй дүр зураг харагдаж байгаа юм.

Сонирхуулахад, Х.Мандахбаяртай хамт “Их шижир баялаг” ХХК-ийг эзэмшиж, гүйцэтгэх захирлаар нь ажиллаж байсан Г.Номинчулууны хувьд “Суман говь” ХХК, “Булган майнинг” ХХК зэрэг компаниудтай Булган аймгийн Орхон сумын харьяат, “Булган хан” бөхийн дэвжээний тэргүүнээр ажиллаж байсан нэгэн аж. Түүнтэй холбоотой мэдээллүүдийг шүүвэл, “Булган майнинг” ХХК гэх Архангай аймгийн Цэнхэр суманд үйл ажиллагаа явуулдаг уурхайтай ажээ. Түүнчлэн, “Стандарт холдинг” ХХК хэрэгжүүлж буй “Гранд ресиденс” гэх 1200 айлын орон сууцны төслийг “Эрхэт монгол” групп сурталчлах болсон. Өөрөөр бол, уг төсөлд хамтран ажиллаж буй. Тэгвэл “Стандарт холдинг” ХХК нь гадаад худалдааны чиглэлээр үйл ажиллагааны зөвшөөрөлтэй, тэгсэн мөртөө Баянхонгор аймагт “Мухартын ам”, “Зүүн мухар”, “Баруун мухар ам” гэх уул уурхайн ашиглалтын гурван тусгай зөвшөөрөлтэй ажээ. Мөн Шүүхийн мэдээллийн санд “Гүрцоогийн Номинчулуун гэгч этгээд автомашин ашиглаж бусдын эд хөрөнгийг хулгайлсан хэргээр хоёр жилийн ял авч, нэг жилийн тэнсэх ялаар солиулсан” гэх мэдээлэл бүртгэлтэй байдаг юм байна.

         МАН-ын гишүүн, МСНЭ-ийн Ерөнхийлөгч асан, “Эрхэт Монгол” группийн ТУЗ-ийн дарга Х.Мандахбаярын ажил хэрэг, анд нөхдийнх нь холбоог шүүхэд энэ мэтээр уул уурхай бизнестэй, мөн Англи, Австрали, цаашлаад оффшор бүсэд данстай компаниудтай энэ мэтээр холбогдож байна. Энэ олон төсөл хэрэгжүүлж буй нь дээрх сэжүүрүүдтэй холбогдох эсэхийг, цаашлаад эцсийн дүгнэлтийг эрхэм уншигч та хийх биз ээ.

Эх сурвалж: www.ergelt.mn

Эрэн сурвалжлах сэтгүүлзүйн НАЖ МОГОЙ үндэсний холбоо

Эв эеийн Засгийн газрыг эвдрэлцүүлэх хөзөртэй нөхөд орж ирэх нь

/

МАН-ын Удирдах зөвлөл Тусгаар тогтнолын ордонд хуралдах байсан ч “цугласангүй”. Л.Оюун-Эрдэнэ Засгийн газрын шинэ кабинетынхаа бүтцийг зурахдаа Сү.Батболдод хэт найр тавьснаар оруулж ирсэнд Удирдах зөвлөл эсэргүүцэл үзүүлж, улмаар хурал цагтаа эхэлсэнгүй. Үүнийгээ АН-ыг Засагт орохыг эсэргүүцэж байна хэмээн тайлбарлаж байгаа юм.  

Удирдах зөвлөлийн гадна хөвөрч буй мэдээллээр Засгийн газрын Хэрэг эрхлэх газрын даргад УИХ-ын гишүүн Ж.Мөнхбат, М.Оюунчимэг нараас гадна Хууль зүй, дотоод хэргийн сайд Х.Нямбаатар нэрээ зүтгүүлж. УИХ дахь МАН-ын бүлгийн дарга Д.Тогтохсүрэн ч горьдлого тээн явна.

Ж.Мөнхбат, М.Оюунчимэг нарын хувьд Удирдах зөвлөлөөс төдийлөн дэмжлэг авахгүй нь тодорхой болж байгаа бол Х.Нямбаатарыг Ерөнхий сайдын зүгээс зүтгүүлж байгаа. Ингэхдээ, лам олдохгүй бол буцахдаа зална гэгчээр Хууль зүй, дотоод хэргийн сайдын суудлаа хэнд ч өгөхгүй хэмээн зөрүүдэлж байгаа нь Сү.Батболдын фракцид таалагдсангүй. Тиймээс Засгийн газрын хэрэг эрхлэх газрын даргаар Ж.Оюунчимэгийг томилох, эс бөгөөс Хууль зүй, дотоод хэргийн сайдын суудлыг Д.Цогтбаатарт өгөх хувилбарыг тулгаж байна.

Үүнийг зөвшөөрөхгүй бол Д.Цогтбаатарыг Гадаад харилцаа, Б.Энхбаярыг Хууль зүй, дотоод хэргийн сайд болгох өөр шийдлийг ч гаргаж тавьж.

Эрчим хүчний сайдад нэр дэвшигчдээс С.Бямбацогтыг жийж Б.Чойжилсүрэнг, Эдийн засгийн хөгжлийн сайдад Ч.Хүрэлбаатарыг гэхчлэн Сү.Батболдоор хөтлүүлсэн Увсын фракц нүүгэлтэн орж ирсэн Удирдах зөвлөлийг бажгадуулж байгаа юм байх.

Б.Чойжилсүрэн, Ч.Хүрэлбаатар нар МАН төрийн эрхэнд байвал эвдрэлцэж, цөөнх болоход нь эвлэлддэг, ая эв нь таарвал нэгнийхээ араас “хутга шидэхэд” бэлэн нөхөд. 2012 онд мань хоёр сонгуулийн луйврын хэргээр Авлигатай тэмцэх газрын хаалга сахихад улс төрийн тохироогоор нам нь гишүүдээ сугалж, үйлийн лайтай туслахуудад нь ял үүрүүлэн галыг дарсан.

2016 онд МАН олонх болоход мөнөөх хоёр аймгийн Засаг даргын томилгооноос улбаатай муудалцан хэвлэлийн хуудас, чуулган, байнгын хорооны хуралдаан зэрэгт үг хэлэх бүртээ нэгийгээ хэмлэн зоолж байсныг мартах хугацаа болоогүй байна.

Өдгөө ч эвсэж, гар нийлж ажиллаж чаддаггүйг нь Увс аймгийн хөгжлийн индексээр харчихад болно. Тэгэхээр энэ хоёр нөхөр хоёулаа Л.Оюун-Эрдэнийн тунхаглаад буй “Эв эеийн Засгийн газар”-ыг эвлүүлэх бус эвдрэлцүүлэн тараах нь ойлгомжтой юм.

2020 оны сонгуулиар Ж.Эрдэнэбатын Засгийн газарт Б.Чойжилсүрэн Сангийн сайдаар 15 сар ажилласан бол У.Хүрэлсүхийн Засгийн газарт Ч.Хүрэлбаатар Сангийн сайд болж дотоод өсөрхлөө дарж байсныг Удирдах зөвлөл нь мартаагүй биз. Нам доторх хагарлын үед хоёр талд ажиллаж, нэг нэгнийхээ эсрэг чулуу нүүлгэж явсан гэсэн үг.

Ч.Хүрэлбаатарын тухайд Хотгор шанагын асуудлаас гадна ХААН банкны эзэмшигч Савада Хидеог “дарамталсан”, төрийн албыг ураг төрлөөрөө төлжүүлэн дэлгэрүүлсэн гээд олон бараан түүхтэй. Монгол түмнээрээ, улстөрчдийн хэллэгээр хар массаараа Ч.Хүрэлбаатарт дургүй. Түүнийг энэ Засагт ороод ирвэл Л.Оюун-Эрдэнийн Засгийн газар өөдийн бараа харалгүй шүүмжлүүлэх биз.

Б.Чойжилсүрэнгийн тухайд ч Тосон бумбын нуруунд “халдсан”, хороолол босгож хотыг цементжүүлсэн, эхнэр нь Байгаль орчин, аялал жуулчлалын яаманд фургон шахсан гээд асуудал мундахгүй. Наанадаж “Хурд”-ын барьж байгаа барилгаас унаж бэртсэн, нас барсан хүний тоо даанч олон. Ч.Хүрэлбаатараасаа дутахгүй олны зүхэл дунд хэдийнэ орчихсон кадр.

Хүнс, хөдөө аж ахуй хөнгөн үйлдвэрийн сайдад Х.Болорчулуун, Ж.Мөнхбат нарын нэр давхар яригдаж буй ч төдийлөн дэмжлэггүй байна.

Алин ч байлаа гээд Л.Оюун-Эрдэнийн барж идэхгүй, барьж дийлэхгүй ланжгарууд Засгийн газрыг бүрдүүлэх нь. Түүнд Х.Нямбаатараас нь өөр чаа гэх хонь, цавчаад загнах хань үлдэхгүй нь ойлгомжтой боллоо.

Үргэлжлэл бий…

Ховдыг С.Бямбацогтод үлдээгээд Э.Болормааг БЭРХ-ийн захирагчаар илгээчих, Ерөнхий сайд аа!!!

/

Ерөнхий сайд Л.Оюун-Эрдэнэ зөвлөх Э.Болормаадаа ямар өртэй вэ. Эцгийг нь Байгаль орчин, аялал жуулчлалын яамны Төрийн нарийн бичгийн даргад томилох шийдвэрийг өнгөрөгч нэгдүгээр сард гаргаж байв. Гэвч охин нь Ерөнхий сайдын зөвлөхөөр ажилладаг тул ашиг сонирхлын зөрчил үүснэ гээд буцаагдсан. Гэтэл энэ удаад охиныг нь Ховд аймгийн Засаг даргын сэнтийд залахын тулд аймгийн ИТХ-ын дэг журмыг эвдэн, орон даяар бужигнуулав.

Өмнөх Засаг ноён Б.Дүгэржавыг Эрдэнэбүрэнгийн усан цахилгаан станцын төслийн ажлыг удаашруулсан үндэслэлээр үүрэгт ажлаас нь чөлөөлсөн. Чөлөөлөөд зогсохгүй түүнээс ял асууж, хариуцлага хүлээлгэх цаг нэгэнт болсон.

Эрдэнэбүрэнгийн цахилгаан станц монголчуудын мөрөөдөл. Баруун таван аймгийн хөгжлийн гүүр гэчихэд хэтийдсэн болохгүй.

Монгол Улс эрчим хүч болоод нефтийн бүтээгдэхүүнээ ОХУ-аас импортлодог. Хэрэв Эрдэнэбүрэнгийн УЦС ашиглалтад орвол цахилгааны үнэ нэмэгдэхгүй. Харин ч жил бүр зөрүү болгон ОХУ-д төлдөг 13-15 тэрбум төгрөгийг хэмнэх тооцоолол бий. Тэрчлэн баруун бүсийг дотоодын хямд үнэтэй эрчим хүчээр хангах боломж бүрдэж байгаа юм.

Энэ талаар УИХ-ын гишүүн С.Бямбацогт Байгаль орчин, аялал жуулчлалын сайдаар Н.Уртнасанг ажиллаж байх үеэр асуулга тавьж “Ховд, Увс, Баян-Өлгий аймгууд эрчим хүчнийхээ 70 гаруй хувийг ОХУ-аас нэг квт-ийг нь 250 төгрөгөөр авдаг. Ховд аймгийн Булган, Үенч, Алтай сум БНХАУ-аас нэг квт-ийг нь 350 төгрөгөөр худалдан авч байна. Гэтэл Дөргөний усан цахилгаан станц эрчим хүчээ нэг квт-ийг нь 38 төгрөгөөр үйлдвэрлэдэг. Тэгэхээр Эрдэнэбүрэнгийн усан цахилгаан станц ашиглалтад орвол баруун бүс нутгийнхан хямд үнэтэй эрчим хүчээр бүрэн хангагдахаар байна. Улсын хэмжээнд хамгийн өндөр үнэтэй эрчим хүчийг баруун аймгийнхан хэрэглэж байгаа. Хямд эрчим хүчтэй болчихвол үйлдвэрлэл, үйлчилгээ хөгжихөөс гадна илүү гарсан эрчим хүчээ төвийн бүс рүү нийлүүлж, орлого олдог болно. Хамгийн чухал нь хэзээ ч тасарч магадгүй, өндөр үнэтэй эрчим хүч хэрэглэхээ больж найдвартай эрчим хүчний тусгаар тогтнолыг бий болгоно” гэдгийг хатуухан хэлж байв.

Тэрбээр УЦС-ын эдийн засаг, үр өгөөжийн асуудлаар тавьсан асуулгын хариуг Эрчим хүчний сайдаас ч нэхэж байлаа.

Энэ утгаараа Ховд аймгийн Засаг даргын сэнтий улсын эрх ашигт томоохон нөлөө үзүүлэхүйц төслүүдийг урагшлуулах түлхүүр суудлын нэг мөн. 

Тиймээс Ерөнхий сайд, эрх баригч намын дарга Л.Оюун-Эрдэнэ хүртэл хувийн амбиц үзүүлж өөрийн зөвлөхөө тус суудалд зүтгүүлээд эцэст нь ард түмнээсээ алган боов хүртлээ.

Уг нь эсрэгээрээ улс орны хөгжилд дэм болох томоохон төслүүдийг гацааж буй тойрог, орон нутгийн нөхцөл байдалд анхаарал тавьж ажиллахыг Засгийн газрын тэргүүн Л.Оюун-Эрдэнэ С.Бямбацогт гишүүнээс шаардаж, төсөл хөтөлбөрүүдийг түргэвчлүүлэх учиртай байлаа. Ингэсэн бол ядаж л том тоглолттой, хүчтэй улстөрч болж харагдах байв.

Ерөнхий сайд болон түүний зөвлөх Э.Болормаа нар сүүлийн үест эрчим хүчний асуудалд нэлээд хувийн байр сууринаас, далд эрх ашгийн төлөө дуугараад байна уу даа гэж хардагдахаар ажиллаж буй нь үнэн.

Хэдий тийм байлаа ч адаглаад орон нутгаас сонгогдсон гишүүдийн өмнүүр пир пархийтал дайрч орон пижигнэлдсэн нь увайгүй байлаа.

Бусдад нь итгэдэггүй юм гэхэд Ховд нутгаас УИХ-д дөрвөнтээ сонгогдсон, Хууль зүйн сайдаар ажиллаж байхдаа ч хамгийн зарчимтай, иргэдийнхээ эсрэг төрийн төмөр нударга үзүүлж, зэрэмдэглэн омогдож байгаагүй гэгддэг С.Бямбацогтдоо итгэж, хариуцлага үүрүүлчихэж болох байлтай.

Баруун аймгуудын хөгжлийг нийслэлийн хаяанд орших Төв аймаг, Ерөнхий сайдын өөрийн нь нутаг болох Хэнтийтэй зүйрлэх юм биш гэдгийг дотоодын аялагчид бүгд мэднэ. Энэ нь тухайн аймгаас сонгогдсон гишүүд тойрогт хуваарилагдсан хөрөнгөө хэрхэн зохистой ашиглаж, зарцуулдгийг харьцуулж болох тодорхой, энгийн жишээ.

Тиймээс аймгийн Засаг ноёны болоод тойрогт хамаарах асуудалд хэзээ ч огцорч мэдэх Засгийн газрын тэргүүн бус орон нутгийн иргэдийнхээ итгэлийг өнөө хэр хүлээсээр ирсэн эрхэм гишүүд нь өөрсдөө оролцвол илүү голчтой, нуруутай байх нь ганц үнэн юм.

Зөвлөх Э.Болормаад заавал нэг суудал өгөх ёстой юм бол БЭРХ тосгоны захирагчаар илгээчихэд яагаад болохгүй гэж. Урд хожид байгаагүй өндөр төсвийг Хэнтий аймаг, Бэрх тосгон руу хуваарилсан юм чинь эдийн засагчийн тулхтай бодлого, шийдвэр гарцаагүй хэрэг болно. Ядаж байхад хуучин захирагчийг нь МИАТ даргаар татсанаас хойш Бэрхийнхэн эзгүйдүүхэн, эл хульхан оргиод таатай бус байгаа билээ.

Тэгээд ч аймгийн Засаг дарга гэснээс Бэрх хотын захирагч гэвэл дуудахад ч сүртэй юм.

Эрэн сурвалжлах сэтгүүлзүйн НАЖ МОГОЙ үндэсний холбоо

Мэдээ орчуулах »